Avyakt murli for Sunday 15 May 1983

>

15-05-83 om shanti avyakt baapdaada madhuban

chhote-chhote bachchon ke group mein praan avyakt baapdaada ki padhraamni

sada punya karne ke nimitta banaane vaale baapdaada apne sikeeldhe bachchon prati bole:-

aaj baagvaan baap apne roohaani bageeche mein khushboodaar phoolon ko aur kal ki vishesh kalyaan arth nimitta bani hui himmat hullaas vaali kaliyon ko bhi dekh rahe hain। kal ke takdeer ki tasveer - nanhen munne bachchon ko dekh rahe hain। baapdaada in chhote-chhote bachchon ko dharni ke chamakte sitaare kehte hain। yahi lucky sitaare vishwa ko nai roshni dene ke nimitta banenge। in chhote bade bachchon ko dekh baapdaada ko sthaapna ke aadi ka najaara yaad aa raha hai। jabki aise chhote-chhote bachche vishwa kalyaan ke kaarya ke umang utsaah mein dridh sankalp karne vaale nikle ki ham chhote sabse bada kaarya karke dikhaayenge jo raaj-netaayen, dharma netaayen, vigyaani aatmaayen chaahna rakhti hain lekin kar nahin paati hain, woh kaarya ham chhotechhote kar dikhaayenge। aur aaj un chhote-chhote bachchon ka sankalp saakaar roop mein dekh rahe hain। vo hi thode hi chhote bachche aaj‘shiv-shakti paandav sena’ke roop mein kaarya kar rahe hain। history to sab jaante ho na। aaj unheen jage hue deepkon se aap sabhi deepmaala ban baap ke gale ke haar ban gaye ho। ab bhi chhote bade bachchon ko dekh har bachche mein vishwa ke kal ki takdeervaan tasveer dikhaai deti hai। sabhi bachche apne ko kya samajhte ho?lucky sitaare ho na! aaj ka din hai hi bachchon ka din! bade to gallery mein baith dekhne vaale hain। baapdaada bhi vishesh bachchon ko dekh harshit hote hain। ek ek bachcha anek aatmaon ko baap ka parichay de, baap ke varse ke adhikaari banaane vaale ho na! vaise bhi bachchon ko mahaatma kaha jaata hai। sachche-sachche mahaan aatmaayen arthaat shreshtha pavitra aatmaayen aap sab ho na! aisi mahaan aatmaayen sada apne ek hi dridh sankalp mein rehti ho?sada ek baap aur ek ke hi shreemat par chalna hai। yeh pakka nishchay kiya hai na। apne- apne sthaanon par jaae kisi bhi sang mein to nahin aane vaale ho? aap sabhi ka photo yahaan nikal gaya hai। isliye sada apna shreshtha jeevan yaad rakhna। ham har ek bachcha vishwa ke sarva aatmaon ke shreshtha parivartan ke nimitta hain, sadaiv yeh yaad rakhna। itni badi jimmevaari uthaane ki himmat hai? sabhi bachche amritvele se lekar apne seva ki jimmevaari nibhaane vaale ho?jo bhi kisi bhi baat mein kamzor ho to usko abhi se theek kar lena। aap sabhi ke oopar sabhi ki najar hai। isliye amritvele se lekar raat tak sahaj yogi, shreshtha yogi jo bhi shreshtha jeevan ke liye dincharya mili hui hai,usi pramaan sabhi ko yathaartha reeti chalna padega - yeh attention abhi se dridh sankalp ke roop mein rakhna। sabhi ko yogi ke lakshanon ka pata hain? (sab bachche baapdaada ko harek baat par ‘haan ji’ ka respond karte rahe) yogi aatmaon ki baithak, chalan,drishti kya hoti hai yeh sab jaante ho? aise hi chalte ho va thodi-thodi chanchalta bhi karte ho? sab yogi aatmaayen ho na! jo duniya vaale karte hain woh aap bachche nahin kar sakte। aap mahaan aatmaayen aise shant swaroop raho jo bhal kitne bhi bade-bade hon lekin aap shant swaroop aatmaon ko dekh shanti ki anubhooti karen aur yahi dikhaai den ki yeh saadhaaran bachche nahin lekin sabhi alaukik bachche hain। nyaare hain aur vishesh aatmaayen hain। to aise chalte ho? abhi se yeh bhi parivartan karna। aaj sabhi bachchon se milne ke liye hi vishesh baapdaada aaye hain। samjha!

bachchon ke saath bade bhi aaye hain। baapdaada aaye hue sabhi bachchon ko vishesh yaad de rahe hain। saath-saath yeh to sabhi jaante ho ki vartamaan samay pramaan baapdaada sabhi bachchon ko udti kala ki or le ja rahe hain udti kala ka shreshtha saadhan jaante ho na? ek shabd ke parivartan se sada udti kala ka anubhav kar sakte ho। ek shabd kaun sa? sirf - ‘‘sab kuchh tera’’। ‘mera’ shabd badal ‘tera’kar liya।‘tera’ shabd hi tera hoon bana deta hai। aur yahi ek shabd sada ke liye double light bana deta hai। tera hoon, to aatma light hai। aur jab sab kuchh tera to bhi light (halke) ban gaye na। to sirf ek shabd‘tera’। double light ban jaane se sahaj udti kala vaale ban jaate। bahut samay ka abhyaas hai, ‘mera’kahne ka। jis mere shabd ne hi anek prakaar ke phere mein laaya hai। abhi isi ek shabd ko parivartan kar lo। ‘mera so tera ho gaya’। yeh parivartan mushkil to nahin hai na। to sada isi ek shabd ke antar swaroop mein sthit raho। samjha kya karna hai। sada ek hi lagan mein magan rahne vaale, aisi shreshtha aatmaayen vartamaan bhi shreshtha jeevan ka anubhav kar raheen hain aur bhavishya ki avinaashi shreshtha bana rahi hain। isliye sada yeh ek shabd yaad rakho। samjha! isi aadhaar par jitna aage badhne chaaho utna aage badh sakte ho। aur jitna apne paas khazaane jama karne chaaho utne khazaane jama kar sakte ho। vaise bhi laukik jeevan mein sada jo bhi naameegraami achhe kul vaali aatmaayen hoti hain woh sada apne jeevan ke liye daan punya karne ka lakshya rakhti hain। aap sabhi sabse bade te bade kul, shreshtha kul ke ho। to shreshtha kul vaali brahman aatmaayen arthaat sarva khazaanon se sampanna aatmaayen, unhon ka bhi lakshya kya hai? sada mahaadaani bano। sada punya aatma bano। kabhi bhi sankalp mein bhi kisi vikaar ke vash koi sankalp bhi kiya to usko kya kaha jaayega? paap va punya? paap kahenge na। svayan ke prati bhi sada punyakartta bano। sankalp mein bhi punya aatma, bol mein bhi punya aatma aur karma mein bhi punya aatma। jab punya aatma ban gaye to paap ka naam nishaan nahin rah sakta। to sada yeh smriti mein rakho ki ham sarva brahman aatmaayen sada ki punya-aatmaayen hain। kisi bhi aatma ke prati sada shreshtha bhaavna aur shreshtha kaamna rakhna - yeh sabse bada punya hai। chaahe kaisi bhi aatma ho, virodhi aatma ho va snehi aatma ho lekin punya aatma ka punya hi hai - jo virodhi aatma ko bhi shreshtha bhaavna ke punya ki poonji se us aatma ko bhi parivartan kare। punya kaha hi jaata hai, jis aatma ko jis vastu ki apraapti ho usko praapta karaane ka kaarya karna -yeh punya hai। jab koi virodhi aatma aapke saamne aati hai to punya aatma, sada us aatma ko sahanshakti se vanchit aatma hai - usi najar se dekhenge। aur apne punya ki poonji dvaara shubh bhaavna dvaara shreshtha sankalp dvaara us aatma ko sahanshakti ki praapti ke sahayogi aatma banenge। uske liye yahi punya ka kaarya ho jaata hai। punya aatma sada svayan ko daata ke bachche dene vaala samajhte hain। kisi bhi aatma dvaara alpakaal ki praapti ke lene vaale ki kaamna se pare rehte hain। yeh aatma kuchh deve to main doon,va yeh bhi kuchh kare to main bhi karoon,aisi had ki kaamna nahin rakhte। daata ke bachche ban sabke prati sneh sahayog, shakti dene vaale punya aatma honge। punya aatma kabhi bhi apne punya ke badle prashansa lene ki kaamna nahin rakhte। kyonki punya aatma jaante hain ki yeh had ki prashansa ko sveekaar karna sadaakaal ki praapti se vanchiaat hona hai। isliye woh sada dene mein saagar ke samaan sampanna rehte hain। punya-aatma sada apne har bol dvaara auron ko khushi mein, baap ke sneh mein ateendriy sukh mein roohaani aanandamay jeevan ka anubhav karaayenge। unka har bol khushi ki khuraak hogi,punya aatma ka har karma sarva aatmaon ke prati sada sahayog ke praapti karaane vaala hoga। aur har aatma anubhav karegi ki is punya aatma ka karma dekh sada aage udne ka sahayog praapta ho raha hai। samjha, punya aatma ke lakshan। to aise sada punyaatma bano। arthaat shreshtha brahman jeevan ka pratyaksha swaroop bano। pavitra pravritti vaali punya aatmaayen bano tab hi aisi punya aatmaon ke prabhaav se paap ka naam nishaan samaapta ho jaayega। achha - aise sada har sankalp dvaara punya karne vaali, punya aatmaayen, sada ek shabd ke parivartan dvaara udti kala mein jaane vaale, sada daata ke bachche ban sabko dene vaali vishesh aatmaon ko baapdaada ka yaad-pyaar aur namaste।’’