Avyakt murli for Friday 24 February 1984

>

24-02-84om shanti avyakt baapdaadaamdhuban

brahman janma - avatrit janma

avyakt vatan vaasi baapdaada apne avatrit bachchon prati bole:-

baapdaada aavaaz mein aate sabhi ko aavaaz se pare ki sthiti mein le jaane ke liye, vyakta desh mein vyakta shareer mein pravesh hote hain - avyakt banaane ke liye। sada apne ko avyakt sthiti vaale sookshm pharishta samajh vyakta deh mein avatrit hote ho? sabhi avatrit hone vaale avtaar ho। isi smriti mein sada har karma karte, karma ke bandhanon se mukta karmaateet avtaar ho। avtaar arthaat oopar se shreshtha karma ke liye neeche aate hain। aap sabhi bhi oonchi oopar ki sthiti se neeche arthaat deh ka aadhaar le seva ke prati karma karne ke liye puraani deh mein, puraani duniya mein aate ho। lekin sthiti oopar ki rehti hai, isliye avtaar ho। avtaar sada parmaatma paigaam le aate hain। aap sabhi sangamayugi shreshtha aatmaayen bhi parmaatma paigaam dene ke liye, parmaatma milan karaane ke liye avatrit hue ho। yeh deh ab aapki deh nahin rahi। deh bhi baap ko de di। sab tera kaha arthaat mera kuchh nahin। is deh ko seva ke arth baap ne loan mein di hai। loan mein mili hui vastu par mere-pan ka adhikaar ho nahin sakta। jab meri deh nahin to deh ka bhaan kaise aa sakta! aatma bhi baap ki ban gai। deh bhi baap ki ho gai to main aur mera alpa ka kahaan se aaya! main-pan sirf ek behad ka raha। main baap ka hoon। jaisa baap vaisa main master hoon। to yeh behad ka main-pan raha। had ka maimpan vighnon mein laata hai। behad ka main-pan nirvighna,vighna vinaashak banaata hai। aise hi had ka mera pan mere-mere ke phere mein laata hai aur behad ka mera-pan janmon ke pheron se chhudaata hai।

behad ka mera-pan hai -‘‘mera baba’’। to had chhoot gai na। avtaar ban deh ka aadhaar le seva ke karma mein aao। baap ne loan arthaat amaanat di hai seva ke liye। aur koi vyartha kaarya mein laga nahin sakte। nahin to amaanat mein khayaanat ka khaata ban jaata hai। avtaar vyartha khaata nahin banaata। aaya, sandesh diya aur gaya। aap sabhi bhi seva-arth sandesh dene arth brahman janma mein aaye ho। brahman janma avatrit janma hai। saadhaaran janma nahin। to sada apne ko avatrit hui vishwa-kalyaankaari,sada shreshtha avatrit aatma hain - isi nishchay aur nashe mein raho। temporary samay ke liye aaye ho aur phir jaana bhi hai। ab jaana hai yeh sada rehta hai? avtaar hain, aaye hain, ab jaana hai। yahi smriti upraam aur aparmaapaar praapti ki anubhooti karaane vaali hai। ek taraph upraam doosre taraph aparmaapaar praapti। donon anubhav saath-saath rehte hain। aise anubhveemoortta ho na। achha –

ab sunne ko swaroop mein laana hai। sunna arthaat banna। aaj vishesh hamjinsa se milne aaye hain। hamashreek ho gaye na। sat shikshak nimitta shikshakon se milne aaye hain। seva ke saathiyon se milne aaye hain। achha-

sada behad ke main-pan ke smriti swaroop, sada behad ka mera baap isi samartha swaroop mein sthit rahne vaale, sada oonchi sthiti mein sthit rah deh ka aadhaar le avatrit hone vaale avtaar bachchon ko baapdaada ka yaadapyaar aur namaste।’’

teachers ke saath:- sada sevaadhaari aatmaon ka yeh sangathan hai na। sada apne ko behad ke vishwa sevaadhaari samajhte ho? had ke sevaadhaari to nahin ho na। sab behad ke ho? kisi ko bhi kisi sthaan se kisi bhi sthaan par bhej den to taiyaar ho? sabhi udte panchhi ho?apne deh ke bhaan ki daali se bhi udte panchhi ho ya deh ke bhaan ki daali kabhi-kabhi apne taraph kheenchati hai? sabse jyaada apne taraph aakarshit karne vaale daali yeh deh ka bhaan hai। jara bhi puraane sanskaar, svabhaav apne taraph aakarshit karte maana deh ka bhaan hai। mera svabhaav aisa hai,mera sanskaar aisa hai, meri rahan-sahan aisi hai, meri aadat aisi hai,yeh sab deh bhaan ki nishaani hai। to is daali se udte panchhi ho?isko hi kaha jaata hai - karmaateet sthiti। koi bhi bandhan nahin। karmaateet ka arth yeh nahin hai ki karma se ateet ho lekin karma ke bandhan se nyaare। to deh ke karma,jaise kiska nature hota hai - aaraam se rehna,aaraam se samay par khaana, chalna yeh bhi karma ka bandhan apne taraph kheenchata hai। is karma ke bandhan arthaat aadat se bhi pare। kyonki nimitta ho na।

jab aap sabhi nimitta aatmaayen karma ke bandhanon se deh ke sanskaar - svabhaav se nyaare nahin honge to auron ko kaise karenge! jaise shareer ki beemaari karma ka bhaag hai, isi reeti se agar koi bhi karma ka bandhan apne taraph kheenchata hai to yeh bhi karma ka bhog vighna daalta hai। jaise shaareerik vyaadhi karma bhog apni taraph baar-baar kheenchata hai, darda hota hai to kheenchata hai na। to kehte ho kya karen, vaise to theek hai lekin karmabhog kada hai। aise koi bhi vishesh puraana sanskaar va svabhaav va aadat apne taraph kheenchati hai to woh bhi karma bhog ho gaya। karmabhog koi bhi karmayogi bana nahin sakega। to isse bhi paar। kyon? sabhi number one jaane vaali aatmaayen ho na। one number ka arth hi hai - har baat mein win karne vaali। koi bhi kami nahin। teachers ka arth hi hai sada apni moorta dvaara karmaateet brahma baap aur nyaare tatha pyaare shiv baap ki anubhooti karaane vaale। to yeh visheshta hai na। phrendsa ho na aap! phrendsa kaise bante hain?bina samaan ke phrendsa nahin ban sakte। to aap sab baap ke phaindas ho,godly phrendsa ho। samaan hona hi phaindaship hai। baap ke kadam par kadam rakhne vaale। kyonki phrendsa bhi ho aur phir maashook ke aashik bhi ho। to aashik sada maashook ke paanv ke oopar paanv rakhte hain। yeh rasam hai na। jab shaadi hoti hai to kya karaate hain! yahi karaate hain na। to yeh system bhi kahaan se bani? aap logon se bani hai। aapka hai buddhi roopi paanv aur unhonne sthool paanv samajh liya hai। har sambandh se visheshta ka sambandh nibhaane vaali nimitta aatmaayen ho?

nimitta shikshakon ko auron se bahut sahaj saadhan hain। doosron ko to phir bhi sambandh mein rehna padta hai aur aapka sambandh sada seva aur baap se hai। chaahe laukik kaarya bhi karte ho to bhi sada yahi yaad rehta hai ki time ho aur seva par jaaen। aur laukik kaarya jiske liye kiya jaata hai uski smriti svatah aati hai। jaise laukik mein maa-baap kamaate hain bachche ke liye। to unki svatah yaad aati hai। to aap bhi jis samay laukik kaarya karte ho to kiske prati karte ho? seva ke liye karte ho - ya apne liye? kyonki jitna seva mein lagaate to utni khushi hoti hai। kabhi bhi laukik seva samajhkar nahin karo। yeh bhi ek seva ka tareeka hai,roop bhinna hai lekin hai seva ke prati। nahin to dekho agar laukik seva karke seva ka saadhan nahin hota to sankalp chalta hai ki kahaan se se aave! kaise aave! chalta nahin hai। pata nahin kab hoga? yeh sankalp vyartha samay nahin ganvaata?isliye kabhi bhi laukik job (dhandha) karte hain, yeh shabd nahin bolo। yeh alaukik job hai। seva nimitta hai। to kabhi bhi bojh nahin lagega। nahin to kabhi-kabhi bhaari ho jaate hain,kab tak hoga,kya hoga! yeh to aap logon ke liye praalabdha bahut sahaj banaane ka saadhan hai।

tan-man-dhan teen cheezen hain na! agar teenon hi cheezen seva mein lagaate hain to teenon ka phal kisko milega। aapko milega ya baap ko! teenon hi reeti se apni praalabdha banaana to yeh auron se addition praalabdha ho gai। isliye kabhi bhi ismen bhaari nahin। sirf bhaav ko badli karo। laukik nahin alaukik seva ke prati hi hai। isi bhaav ko badli karo। samjha - yeh to aur hi double surrender ho? dhan se hi surrender ho gaye। sab baap ke prati hai। surrender ka arth kya hai? jo kuchh hai baap ke prati hai arthaat seva ke prati hai। yahi surrender hai। jo samajhte hain ham surrender nahin hain, woh haath uthaao। unki serimni mana lenge! baal bachche bhi paida ho gaye aur kehte ho surrender nahin hue! apna marriage de bhale manaao lekin marriage hui nahin yeh to nahin kaho। kya samajhte ho?saara hi group surrender group hai na!

baapdaada to double videshi va double videsh ke sthaan par nimitta bani hui teachers ki bahut mahima karte hain। aise hi nahin mahima karte hain lekin muhabbat se vishesh mehnat bhi karte ho। mehnat to bahut karni padti hai lekin muhabbat se mehnat mahsoos nahin hoti। dekho, kitne door-door se group taiyaar karke laate hain to baapdaada bachchon ki mehnat par balihaar jaate hain। ek visheshta double foreign ke nimitta sevaadhaariyon ki bahut achhi hai। jaante ho kaun-si visheshta hai? (anek visheshtaayen nikli) jo bhi baaten nikaali woh svayan mein check karke kam ho to bhar lena। kyonki baaten to bahut achhi-achhi nikaali hain। baapdaada suna rahe hain - ek visheshta double videshi sevaadhaariyon mein dekhi ki jo baapdaada direction dete hain - yeh karke laana, woh practical mein laane ke liye hamesha kitna bhi prayatna karna pade lekin praiktil mein laana hi hai,yeh lakshya practical achha hai। jaise baapdaada ne kaha ki group laane hain to groups bhi la rahe hain।

baapdaada ne kaha vi.aai.Ps ki service karni hai, pahle kitna mushkil kehte the, bahut mushkil - lekin himmat rakhi, karna hi hai to abhi dekho 2 saal se groups aa rahe hain na। kehte the london se vi.aai.pi. aana bahut mushkil hai। lekin abhi dekho pratyaksha pramaan dikhaaya na। is baari to bhaarat vaalon ne bhi raashtrapti ko laakar dikhaaya। lekin phir bhi double videshiyon ka yeh umang– direction mila aur karna hi hai yeh lagan achhi hai। practical result dekh baapdaada visheshta ka gaayan karte hain। centre kholte ho woh to puraani baat ho gai। woh to kholte hi rahenge। kyonki vahaan saadhan bahut sahaj hain। yahaan se vahaan ja karke khol sakte ho,yeh bhaarat mein saadhan nahin hai। isliye centre kholna koi badi baat nahin lekin aise achhe-achhe vaaris quality taiyaar karna। ek hai vaaris quality taiyaar karna aur doosra hai bulanda aavaaz vaale taiyaar karna। donon hi aavashyak hain। vaaris quality jo aap jaise hi seva ke umang-utsaah mein tan-man-dhan sahit rehte hue bhi surrender buddhi ho, isko kehte hain - vaaris quality। to vaaris quality bhi nikaalni hai। iske oopar bhi vishesh attention। harek sevaakendra mein aise vaaris quality hon to sevaakendra sabse number one mein jaata hai।

ek hai seva mein sahayogi hona, doosre hain poora hi surrender hona। aise vaaris kitne hain? harek sevaakendra par aise vaaris hain। godly student banaana, seva mein sahayogi banna woh list to lambi hoti hai lekin vaaris koi-koi hote hain। jisko jis samay jo direction mile, jo shreemat mile usi pramaan chalta rahe। to donon hi lakshya rakho,woh bhi banaana hai aur woh bhi banaana hai। aisa vaaris quality vaala ek anek centre kholne ke nimitta ban sakta hai। yeh bhi lakshya se practical hota rahega। visheshta to apni samjhi na। achha-

santushta to hain hi - ya poochhna pade। hai hi santushta karne vaale। to jo santushta karne vaala hoga woh svayan to hoga na। kabhi service thodi kam dekh karke halchal mein to nahin aate ho? koi sevaakendra par vighna aata hai to vighna mein ghabraate ho?samjho bade te bada vighna aa gaya - koi achha ananya anti ho jaata hai aur disturb karta hai aapki seva mein to phir ghabraayenge?ek hota hai uske prati kalyaan ke bhaav se taras rakhna woh doosri baat hai lekin svayan ki sthiti neeche-oopar ho ya vyartha sankalp chale isko kehte hain halchal mein aana। to sankalp ki srishti bhi nahin rachen। yeh sankalp bhi hila na saken! isko kehte hain - achal adol sthiti। aise bhi nahin ki albele ho jaaen ki nothing new। seva bhi karen,uske prati merciful bhi banen lekin halchal mein nahin aayen। to na albele, na feeling mein aane vaale। donon hi hain। sada hi kisi bhi vaataavran mein, vaayumandal mein ho lekin aise achal adol। kabhi koi nimitta bane hue raay dete hain,unmein confuse hote ho? yeh kyon kehte ya yeh kaise hoga! kabhi-kabhi thoda-sa confuse hone ka vibration aata hai। kyonki jo nimitta bane hue hain woh anubhvi ho chuke hain, aur jo practical mein chalne vaale hain - koi nayo hain, koi thode puraane bhi hain lekin jis samay jo baat uske saamne aati hai,to baat ke kaaran itni clear buddhi aadi madhya ant ko nahin jaan sakti hai। sirf vartamaan ko jaan sakti hai। isliye sirf vartamaan dekh karke, aadi madhya us samay clear nahin hota to confuse ho jaate hain। kabhi bhi koi direction agar nahin bhi spashta ho to confuse kabhi nahin hona। dhairya se kaho isko samajhne ki koshish karenge। thoda time do usko। usi samay confuse hokar yeh nahin,woh nahin,aise nahin karo। kyonki double videshi free mind jyaada hain isliye na bhi free mind se kah dete hain। isliye thoda-sa jo bhi baat milti hai - usko gambheerta se pahle socho,usmein koi na koi rahasya avashya chhipa hota hai। usse poochh sakte ho - iska rahasya kya hai? isse kya phaayda hoga? humein aur spashta samjhaao। yeh kah sakte ho। lekin kabhi bhi direction ko riphyooj nahin karo। riphyooj karte ho isliye confuse hote ho। yeh thoda vishesh attention double videshi bachchon ko dete hain। nahin to kya hoga jaise aap nimitta bane hue, bahnon ke direction ko jaanne ka prayatna nahin karenge aur halchal mein aa jaayenge to aapko dekhkar jinhon ke nimitta aap bane ho, unhon mein yeh sanskaar bhar jaayenge। phir kabhi koi roosega, kabhi koi roosega। phir centre par yahi khel chalega। samjha!

doosri baat:- kabhi bhi apne ko abhi ham doosre dharma ke yahaan aaye hain, yeh teachers mein sankalp nahin hona chaahiye। yeh nayon ki baaten hain। aap to puraane ho tabhi nimitta bhi bane ho। ham doosre dharma ke is dharma mein aaye hain, nahin। isi dharma ke the aur isi dharma mein aaye hain। ham aur yeh alag hain, yeh sankalp svapna mein bhi nahin। bhaarat alag hai, videsh alag hai - nahin। yeh sankalp ekmat ko do mat kar dega। phir ham aur tum ho gaya na। jahaan ham aur tum ho gaya vahaan kya hoga? khitpit hogi na। isliye ek hain। double videshi,baapdaada nishaani ke liye kehte hain, baaki aise nahin alag ho। aise nahin samajhna ki ham double videshi hain to alag hain, desh vaale alag hain। nahin। jab brahman janma hua to brahman janma se hi kaun hue? brahman ek dharma ke hain, videshi deshi usmein nahin hote। ham sab ek brahman dharma ke hain,brahman jeevan ke hain aur ek hi baat ki seva ke nimitta hain। kabhi yeh bhaasha bhi use nahin karna ki hamaara vichaar aise hain, aap india vaalon ka aise hai, yeh bhaasha wrong hai। galti se bhi aise shabd nahin bolna। vichaar bhinna-bhinna to bhaarat vaalon ka bhi ho sakta hai, yeh doosri baat hai। baaki bhaarat aur videsh, yeh pharka kabhi nahin karna। ham videshiyon ka aise hi chalta hai, yeh nahin। hamaare svabhaav aise hain, hamaari nature aise hai,yeh nahin। aise kabhi bhi nahin sochna। baap ek hai aur ek ke hi sab hain। yeh nimitta teachers jaisi bhaasha bolenge vaise aur bhi bolenge। isliye bahut yuktiyukta ek-ek shabd bolna। yogayukta aur yuktiyukta donon hi saath-saath chalen। koi yog mein bahut aage jaane ka karte lekin karma mein yuktiyukta nahin hote। donon ka balance ho। yogayukta ki nishaani hai hi - yuktiyukta’’।

prashn:- is varsha ki seva ke liye naya plan kya hai?

uttar:- is varsha ki seva ke liye us din bhi sunaaya ki samay ko sameep laane ke liye ek to vritti se vaayumandal shaktishaali ho? yeh sva ke prati attention aur doosra auron ki seva karne ke liye vishesh aisi aatmaayen nikaalo jo samjhen ki sachmuch shanti ki vidhi yahaan se hi mil sakti hai। yeh aavaaz is varsha mein ho ki agar shanti hogi to isi vidhi se hogi। ek hi vidhi hai yeh,jo vishwa ki aavashyakta hai - woh is vidhi ke sivaae nahin hai। yeh vaataavran chaaron or ikattha banna chaahiye। bhaarat mein chaale videsh mein shanti ki jhalak prasiddha roop mein honi chaahiye। chaaron or se yeh sabhi ko touch hove,aakarshan ho to yathaartha sthaan hai - to yahi hai। jese gavarmentas ki taraph se yu.N.O. bani hui hai to jab bhi kuchh hota hai to sabhi ka attention usi taraph jaata hai। aise jab bhi koi ashaanti ka vaataavran ho to sabka attention shanti ke sandesh dene vaali, yeh aatmaayen hain,is taraph jaave। anubhav karen ki ashaanti se bachne ka yahi ek sthaan hai jahaan panaah li ja sakti hai। is varsha yeh vaayumandal banna chaahiye। gyaan achha hai, jeevan achhi hai, raajayog achha hai, yeh to sab kehte hain lekin asli praapti yahaan se hi honi hai, vishwa ka kalyaan isi sthaan aur vidhi se haana hai,yeh aavaaz bulanda ho। samjha- iske liye vishesh shanti ki advertise karo,kisko shanti chaahiye to yahaan se vidhi mil sakti hai। shanti saptaah rakho,shanti ke samaagam rakho, shanti anubhooti ke shivir rakho, aise shanti ka vibration phailaao। achha-

service mein jaise student banaate ho woh to bahut achha hai, woh to zaroor vriddhi ko praapta karna hi hai। lekin abhi har variety ke log jaise kaale gore bhinnabhinna dharma ki aatmaayen hain, vaise bhinna-bhinna occupation vaale har sthaan par hone chaahiye। koi kahaan bhi jaave to har occupation vaala apni reeti se unhein anubhav sunaaye। jaise yahaan varkashaap rakhaate hain - kabhi doctor ki, kabhi vakeel ki to bhinna-bhinna occupation vaale ek hi shanti ki baat apne occupation ke aadhaar se bolte hain to achha lagta hai। aise koi bhi centre par aave to har occupation vaale apna shanti ka anubhav sunaayen iska prabhaav padta hai। sabhi occupation vaalon ke liye yeh sahaj vidhi hai, yeh anubhav ho। jaise kuchh samay ke andar yeh advertise achhi ho gai ki sab dharma vaalon ke liye yahi ek vidhi hai, yeh aavaaz ho। isi reeti se abhi aavaaz phailaao। jo samparka mein aate hain ya student hain unhon tak to yeh aavaaz hota hai lekin abhi thoda aur chaaron or phaile iska abhi aur attention। brahman bhi abhi bahut thode bane hain। nambarvaar brahman banne ki jo yeh gati hai, usko fast nahin kahenge na। abhi to kam se kam nau laakh to chaahiye। kam se kam satayug ki aadi mein nau laakh ke oopar to raajya karenge na! ek laakh par to nahin karenge। usmein praja bhi hogi lekin samparka mein achhe aayenge tab to praja banenge। to is hisaab se gati kaisi honi chaahiye। abhi to sankhya bahut kam hai। abhi total videsh ki sankhya kitni hogi? kam se kam videsh ki sankhya do-teen laakh to honi chaahiye। mehnat to achhi kar rahe ho, aisi koi baat nahin hai lekin thodi speed aur tej honi chaahiye। speet tej hogi yeh general vaataavran se। achha।

prashn:- aisa powerful vaataavran banaane ki yukti kya hai?

uttar-svayan powerful bano। uske liye amritvele se lekar har karma mein apni stage shaktishaali hai ya nahin, uski checking ke oopar aur thoda vishesh attention। doosron ki seva mein ya seva ke plans mein busy hone se apni sthiti mein kahaan-kahaan halkaapan aa jaata hai। isliye yeh vaataavran shaktishaali nahin hota। seva hoti hai lekin vaataavran shaktishaali nahin hota hai। iske liye apne oopar vishesh attention rakhna pade। karma aur yog, karma ke saath shakti- shaali stage, is balance ki thodi kami hai। sirf seva mein busy hone ke kaaran sva ki sthiti shaktishaali nahin rehti। jitna samay seva mein dete ho, jitna tan-man-dhan seva mein lagaate hain,usi pramaan ek ka laakh guna jo milna chaahiye woh nahin milta hai। iska kaaran hai,karma aur yog ka balance nahin hai। jaise seva ke plan banaate ho, parche chhapaate ho, T.vi.,radio mein karna hai। jaise woh baahar ke saadhan banaate ho vaise pahle apni mansa shaktishaali ka saadhan vishesh hona chaahiye। yeh attention kam hai। phir kah dete ho, busy rahe isliye thoda-sa miss ho gaya। phir double phaayda nahin ho sakta।

prashn:- kai brahman aatmaon par bhi evil souls ka prabhaav pad jaata hai, us samay kya karna chaahiye?

uttar:-iske liye sevaakendra ka vaataavran bahut shaktishaali sada rehna chaahiye। aur saath apna bhi vaataavran shaktishaali rahe। phir yeh evil sprit kuchh nahin kar sakti hai। yeh man ko pakadti hain। man ki shakti kamzor hone ke kaaran hi iska prabhaav pad jaata hai। maano koi kamzor hai aur uske oopar prabhaap pad bhi jaata hai to shuru se pahle hi uske prati aise yogayukta aatmaayen vishesh yog bhatthi rakh karke usko shakti den aur woh jo yogayukta group hai woh samjhe ki hamko yeh vishesh kaarya karna hai, jaise aur programme hote hain vaise yeh programme itna attention se karen to phir shuru mein us aatma ko taakat milne se woh bach sakti hain। bhale woh aatma parvash hone ke kaaran yog mein nahin bhi baith sake,kyonki uske oopar doosre ka prabhaav hota hai, to woh bhale hi na baithe lekin aap apna kaarya nishchay buddhi ho karke karte raho। to dheere-dheere uski chanchalta shant hoti jaayegi। vai evil aatma pahle aap logon ke oopar bhi vaar karne ki koshish karegi lekin aap samjho yeh kaarya karna hi hai, daro nahin to dheere- dheere uska prabhaav hat jaayega।

prashn:- sevaakendra par agar koi praveshta vaali aatmaayen gyaan sunne ke liye aati hain to kya karna chaahiye?

uttar:-agar gyaan sunne se usmein thoda-sa bhi antar aata hai ya second ke liye bhi anubhav karti hai to usko ullaas mein laana chaahiye। kai baar aatmaayen thoda-sa thikaana na milne ke kaaran bhi aapke paas aati hain, badalne ke liye aaya hai ya vaise hi paagalpan mein jahaan raasta mila, aa gaya hai yeh parakhna chaahiye। kyonki kai baar aise paagal hote hain jo jahaan bhi dekhenge darvaaja khula hai vahaan jaayenge। hosh mein nahin hote hain। to aise bhi kai aayenge lekin usko pahle parakhna hai। nahin to usmein time vesta ho jaayega। baaki koi achhe lakshya se aaya hai, parvash hai to usko shakti dena apna kaam hai। lekin aisi aatmaon ko kabhi bhi akele mein atenda nahin karna। kumaari koi aisi aatma ko akele mein atenda na karen kyonki kumaari ko akela dekh paagal ka paagalpan aur nikalta hai। isliye aisi aatmaaye agar samajhte ho yogya hain to unhon aisa time do jis time do-teen aur hon ya koi jimmevaar,koi bujurga aisa ho to us samay usko bulaakar bithaana chaahiye। kyonki jamaana bahut ganda hai aur bahut bure sankalp vaale log hain। isliye thoda attention rakhna bhi zaroori hai। ismen bahut clear buddhi chaahiye। clear buddhi hogi to harek ke vibration se catch kar sakenge ki yeh kis em se aaya hai।

prashn:- aajkal kisi-kisi sthaan par chori aur bhay ka vaataavran bahut hain - unse kaise bache?

uttar:-ismen yog ki shakti bahut chaahiye। maan lo koi aapko daraane ke khyaal se aata hai to us samay yog ki shakti do। agar thoda kuchh bolenge to nuksaan ho jaayega। isliye aise samay par shanti ki shakti do। us samay par agar thode bhi kuchh kaha to unhon mein jaise agni mein tel daala। aap aise reeti se raho jaise beparvaah hain, hamko koi parvaah nahin hai। jo karta hai usko saakshi hokar andar shanti ki shakti do to phir uske haath nahin chalenge। woh samjhenge inko to koi parvaah nahin hai। nahin to daraate hain, dar gaye ya halchal mein aaye to woh aur hi halchal mein laate hain। bhay bhi unhon ko himmat dilaata hai isliye bhay mein nahin aana chaahiye। aise time par saaksheedrishta ki sthiti use karni hai। abhyaas chaahiye aise time।

prashn:- blessing jo baapdaada dvaara milti hai, unka galat prayog kya hai?

uttar:-kabhi-kabhi jaise baapdaada bachchon ko serviceable ya ananya kehte hain ya koi vishesh title dete hain to us title ko misayooj kar lete hain, samajhte hain main to aisa ban hi gaya। main to hoon hi aisa। aisa samajhkar apna aage ka purooshaartha chhod dete hain,isko kehte hain - misayooj arthaat galat prayog। kyonki jo baapdaada vardaan dete hain, us vardaan ko svayan ke prati aur seva ke prati lagaana yeh hai sahi reeti se use karna aur albela ban jaana yeh hai misayooj karna।

prashn:- Bible mein dikhaate hain - antim samay mein enti Christ ka roop hoga, iska rahasya kya hai?

uttar:-anti Christ ka arth hai us dharma ke prabhaav ko kam karne vaale। aajkal dekho usi Christian dharma mein Christian dharma ki value ko kam samajhte ja rahe hain, usi dharma vaale apne dharma ko itna shaktishaali nahin samajhte aur doosron mein shakti jyaada anubhav karte hain, yahi anti Christ ho gaye। jaise aajkal ke kai paadri brahmacharya ko mahattva nahin dete aur unhon ko grihasthi banaane ki prerna dene shuru kar di hai to yeh usi dharma vaale jaise enti Christ hue। achha।