Avyakt murli for Tuesday 28 February 1984

>

28-02-84om shanti avyakt baapdaadaamdhuban

‘‘praan avyakt baapdaada dvaara jhandaarohan’’

aaj 48veen trimoorti shiv jayanti ke uplakshya mein om shanti bhavan ki stage par khade hokar svayan meethe baabul ne jhanda lahraaya tatha sabhi bachchon ke prati madhur sandesh mein kaha-

baap kehte hain bachchon ka jhanda sada mahaan hai। bachche nahin hote to baap bhi kya karte! aap kehte hain baap ka jhanda sada mahaan… (geet baj raha tha) aur baap kehte hain bachchon ka jhanda sada mahaan। sada sabhi bachchon ke mastak par vijay ka jhanda lahra raha hai। sabke naynon mein, sabke mastak mein vijay ka jhanda lahraaya hua hai। baapdaada dekh rahe hain - ek yeh jhanda nahin lahraaya lekin sabke mastak mein saath-saath vijay ka jhanda avinaashi lahraaya hua hai।

baap aur bachchon ke wonderful birth de ki mubaarak

chaaron or ke ati snehi, seva ke saathi, sada kadam mein kadam rakhne vaale bachchon ko is alaukik brahman jeevan ki, birth de ki mubaarak ho। sada sabhi bachchon ko baapdaada yaadapyaar aur mubaarak ki return mein sneh bhari baanhon ki maala pahnaate hue mubaarak de rahe hain। sabhi bachchon ko yeh alaukik birth-de vishwa ki har aatma yaadgaar roop mein manaati hi aati hai kyonki baap ke saath bachchon ne bhi brahman jeevan mein sarva aatmaon ko bahut,bahut,bahut sukh-shanti,khushi aur shakti ka sahayog diya hai। is sahayog ke kaaran sab dil se shiv aur shaaligraam donon ka birth-de shiv jayanti manaate hain। to aise shaaligraam bachchon ko shiv baap aur brahma baap donon ki sada padmaguna badhaaeeyaan hon,badhaaeeyaan hon। sada badhaai ho, sada vriddhi ho aur sada vidhipoorvak siddhi ko praapta ho। achha- sabhi ko goodmorning।’’

avyakt mahaavaakya

aaj bholnaath baap apne bhole bachchon se bachcho ka so baap ka so bachchon ka avatran divas arthaat alaukik roohaani jayanti manaane aaye hain। bholnaath baap ko sabse priy bhole bachche hain। bhole arthaat jo sada saral svabhaav, shubh bhaav aur svachchhata sampanna man aur karma donon mein sachchaai aur saphaai, aise bhole bachche bholaanaath baap ko bhi apne oopar aakarshit karte hain। bholaanaath baap aise saral svabhaav bhole bachchon ke gunon ki maala sada hi simran karte rehte hain। aap sabhi ne anek janmon mein baap ke naam ki maala simran ki aur baap abhi sangamayug par bachchon ko return de rahe hain। bachchon ki gun maala simran karte hain। kitne bhole bachche bholaanaath ko pyaare hain। jitna gyaanasvaroop,knowledgeful,powerful utna hi bholaapan। bhagwan ko bholaapan pyaara hai। aise apne shreshtha bhaagya ko jaante ho na। jo bhagwan ko moh liya। apna bana diya।

aaj bhakton aur bachchon donon ka vishesh manaane ka din hai। bhakta taiyaariyaan kar rahe hain, aahvaan kar rahe hain aur aap sammukh baithe ho। bhakton ki leela bhi baap dekh-dekh muskaraate hain aur bachchon ki milan leela dekh-dekh harshaate hain। ek taraph viyogi bhakta aatmaayen, doosre taraph sahaj yogi bachche। donon hi apni- apni lagan se priy hain। bhakta bhi koi kam nahin hain। kal ke din aakaari ishta roop mein chakra lagaakar dekhna। baap ke saath shaaligraam bachchon ki bhi vishesh roop se pooja hogi। apna poojan baap ke saath bhakton ka dekhna। abhi ant tak bhi naudha bhakta koi-koi hain jo sachche sneh se bhakti kar bhakti ki bhaavna ka alpa samay ka phal anubhav karte hain। kal ka din bhakton ke bhakti ki vishesh lagan ka din hai। samjha!

aap sabhi baap ki jayanti manaayenge ya apni? saare kalpa mein baap aur bachchon ka ek hi birth-de ho - yeh ho sakta hai?bhal din vo hi ho, varsha woh nahin ho sakta। baap aur bachche ka antar to hoga na। lekin alaukik jayanti baap aur bachchon ki saath-saath hai। aap kahenge ham baap ka birth de manaate hain aur baap kehte - bachchon ka birth de manaate hain। to wonderful birth-de ho gaya na! apna bhi manaate baap ka bhi manaate। isse hi sochon ki bholnaath baap ka bachchon ke saath kitna sneh hain jo janma din bhi ek hi hai। to itna moh liya na - bholnaath ko। bhakta log apne bhakti ki masti mein masta ho jaate hain aur aap ‘‘pa liya’’ isi khushi mein saath-saath manaate gaate naachte ho। yaadgaar jo banaaya hai usmein hi bahut rahasya samaaya hua hai।

pooja mein, chitron mein do visheshtaayen vishesh hain। ek to hai bindu ki visheshta aur doosri hai - boond-boond ki visheshta। pooja ki vidhi mein boond-boond ka mahatva hai। is samay aap bachche ‘bindu’ ke rahasya mein sthit hote ho। vishesh saare gyaan ka saar ek bindu shabd mein samaaya hua hai। baap bhi bindu,aap aatmaayen bhi bindu aur drama ka gyaan dhaaran karne ke liye jo hua - finish arthaat fullstop। bindu laga diya। param aatma, aatma aur yeh prakriti ka khel arthaat drama teenon ka gyaan practical life mein ‘bindu’hi anubhav karte ho na। isliye bhakti mein bhi pratibha ke beech bindu ka mahatva hai। doosra hai - boond ka mahatva- aap sabhi yaad mein baithte ho ya kisi ko bhi yaad mein bithaate ho to kis vidhi se karaate ho? sankalpon ki boondon dvaara - main aatma hoon, yeh boond daali। baap ka bachcha hoon - yeh doosri boond। aise shuddh sankalp ki boond dvaara milan ki siddhi ko anubhav karte ho na। to ek hai shuddh sankalpon ki smriti ki boond। doosra jab rooh-roohaan karte ho, baap ki ek-ek mahima aur praapti ke shuddh sankalp ki boond daalte ho na। aap aise ho, aapne hamko yeh banaaya। yahi meethi-meethi sheetal boonde baap ke oopar daalte arthaat baap se rooh-roohaan karte ho। ek-ek baat karke sochte ho na, ikattha hi nahin। teesri baat - sabhi bachche apne tanman- dhan se sahayog ki boond daalte। isliye aap log vishesh kehte ho - phuri phuri taalaab। itna bada vishwa-parivartan ka kaarya, sarvashaktivaan ka behad ka vishaal kaarya usmein aap harek jo bhi sahayog dete ho,boond samaan hi to sahayog hai। lekin sabhi ki boond-boond ke sahayog se,sahayog ka vishaal saagar ban jaata hai। isliye pooja ki vidhi mein bhi boond ka mahatva dikhaaya hai।

vishesh vrat ki vidhi dikhaate hain। vrat lete ho na। aap sabhi baap ke sahayogi banne mein vyartha sankalp ke bhojan ka vrat lete ho ki kabhi bhi buddhi mein ashuddha vyartha sankalp sveekaar nahin karenge। yeh vrat arthaat dridh sankalp lete ho aur bhakta log ashuddha bhojan ka vrat rakhte hain। aur saath-saath aap sada ke liye jaagti jyoti ban jaate ho aur woh uske yaad swaroop mein jaagran karte hain। aap bachchon ke avinaashi roohaani antarmukhi vidhiyon ko bhakton ne sthool baaharmukhi vidhiyaan bana di hain। lekin kaapi aap logon ko hi ki hai। jo kuchh touch hua, rajopradhaan buddhi hone kaaran aise hi vidhi bana di। vaise rajoguni number one bhakta aur bhakti ke hisaab se satoguni bhakta,to brahma aur aap sabhi vishesh aatmaayen nimitta bante ho। lekin pahle mansa sneh aur mansa shakti hone ke kaaran maansik bhaav ki bhakti shuru hoti hai। yeh sthool vidhiyaan peechhepeechhe dheere-dheere jyaada hoti hai। phir bhi rachayita baap apne bhakta aatmaayen rachna ko aur unhon ki vidhiyon ko dekh yahi kahenge ki in bhakton ke touching ki buddhi ki bhi kamaal hai। phir bhi in vidhiyon dvaara buddhi ko busy rakhne se, vikaaron mein jaane se kuchh na kuchh kinaara to kiya na। samjha- aapke yathaartha siddhi ki vidhi bhakti mein kya-kya chalti aa rahi hai।yeh hai yaadgaar ka mahatva।

double videshi bachche to bhakti dekhne se kinaare mein rehte hain। lekin aap sabke bhakta hain। to bhakton ki leela aap poojya aatmaon ko samajhni to padengi na। double videshi bachche anubhav karte ho ki ham poojya aatmaon ko abhi bhi bhakta aatmaayen kaise poojan bhi kar rahi hain aur aahvaan bhi kar rahi hain। aise mahsoos karte ho ? kabhi anubhav hota hai - bhakton ki pukaar ka। raham aata hai bhakton par। bhakton ka gyaan bhi achhi tarah se hai na! bhakta pukaaren aur aap samjho nahin to bhakton ka kya hoga? isliye bhakta kya hain, pujaari kya hain, poojya kya hai is raaz ko bhi achhi tarah se jaante ho। poojya aur pujaari ke raaz ko jaante ho na। achha। kabhi bhakton ki pukaar ka anubhav hota hai?paandavon ko bhi hota hai va sirf shaktiyon ko hota hai। shaaligraam to dher hote hain। laakhon ki andaaj mein। lekin devtaayen laakhon ki andaaj mein nahin hote। chaahe deviyaan va devtaayen hajaaron ki andaaj mein honge। laakhon ki andaaj mein nahin hoga। achha- inka raaz bhi phir kabhi sunaayenge।

double videshiyon mein bhi jo aadi mein aaye hain, jyaada mein jyaada kitne varsha hue?nau-das varsha। to jo shuru mein example bane hain chaahe shaktiyaan athva paandav। unhon ki bhi visheshta hai na। baap to sabse pahle bada videshi hai। sabse jyaada samay videsh mein kaun rehta hai? baap rehta hai na।

abhi din pratidin jitna aage samay aayega utna bhakton ke aahvaan ka aavaaz, unhon ki bhaavnaayen sab aapke paas spashta roop mein anubhav hongi। kaunsi ishta devi va devta ho vo bhi maaloom padega। thode pakke ho jaao phir yeh sab divya buddhi ki touching dvaara aisa anubhav hoga jaise divya drishti se spashta dikhaai deta hai। abhi to saj rahe ho isliye pratyakshata ka parda nahin khul raha hai। jab saj jaayenge tab parda khulega। aur svayan ko bhi dekhenge। phir sabke mukh se niklega ki yeh phalaani devi bhi aa gai। phalaana devta bhi aa gaya। achha-

sada bholenaath baap ke saralchit, sahaj svabhaav vaale sahaj yogi, bhole bachche, sada bindi aur boond ke rahasya ko jeevan mein dhaaran karne vaale, dhaarna swaroop aatmaayen, sada man, vaani karma mein dridh sankalp ka vrat lene vaali gyaani tu aatmaayen, sada apne poojya swaroop mein sthit rahne vaali poojya aatmaon ko bholaanaath,vardaata,vidhaata baap ka yaadapyaar aur namaste।’’