Avyakt murli for Monday 2 April 1984

>

02-04-84om shanti avyakt baapdaadaamdhuban

bindu ka mahattva

jyotibindu, gyaan ke sindhu shivbaaba apne jyotibindu aatmaon prati bole:-

aaj bhaagyavidhaata baap sarva bhaagyavaan bachchon se milne aaye hain। bhaagya vidhaata baap sabhi bachchon ko bhaagya banaane ki ati sahaj vidhi bata rahe hain। sirf bindu ke hisaab ko jaano। bindu ka hisaab sabse sahaj hai। bindu ke mahatva ko jaana aur mahaan bane। sabse sahaj aur mahatvashaali bindu ka hisaab sabhi achhi tarah se jaan gaye ho na! bindu kehna aur bindu banna। bindu ban bindu baap ko yaad karna hai। bindu the aur ab bindu sthiti mein sthit ho bindu baap samaan ban milan manaana hai। yeh milan manaane ka yug, udti kala ka yug kaha jaata hai। brahman jeevan hai hi milne aur manaane ke liye। isi vidhi dvaara sada karma karte hue karmon ke bandhan se mukta karmaateet sthiti ka anubhav karte ho। karma ke bandhan mein nahin aate lekin sada baap ke sarva sambandh mein rehte ho। karaavanhaar baap nimitta banaae kara rahe hain। to svayan saakshi ban gaye। isliye is sambandh ki smriti bandhan mukta bana deti hai। jahaan sambandh se karte vahaan bandhan nahin hota। mainne kiya, yeh socha to sambandh bhoola aur bandhan bana! sangamayug bandhamukta sarva sambandh yukta, jeevanmukta sthiti ke anubhav ka yug hai। to check karo sambandh mein rehte ho ya bandhan mein aate?sambandh mein sneh ke kaaran praapti hai,bandhan mein kheenchaataan, tension ke kaaran duhkh aur ashaanti ki halchal hai। isliye jab baap ne ‘bindu’ka sahaj hisaab sikha diya to deh ka bandhan bhi samaapta ho gaya। deh aapki nahin hai। baap ko de diya to baap ki hui। jab aapka niji bandhan,mera shareer ya meri deh yeh bandhan samaapta hua। meri deh kahenge kya, aapka adhikaar hai? di hui vastu par aapka adhikaar kaise hua? de di hai va rakh li hai?kehna tera aur maanna mera yeh to nahin hai na! jab tera kaha to mere-pan ka bandhan samaapta ho gaya। yeh had ka mera, yahi moh ka dhaaga hai। dhaaga kaho,janjeer kaho,rassi kaho,yeh bandhan mein baandhata hai। jab sab kuchh aapka hai yeh sambandh jod liya to bandhan samaapta ho sambandh ban jaata hai। kisi bhi prakaar ka bandhan chaahe deh ka, svabhaav ka, sanskaar ka, man ke jhukaav ka yeh bandhan siddha karta hai baap se sarva sambandh ki, sada ke sambandh ki kamzori hai। kai bachche sada aur sarva sambandh mein bandhan mukta rehte। aur kai bachche samay pramaan matlab se sambandh jodte hain। isliye brahman jeevan ka alaukik roohaani maja paane se vanchit rah jaate hain। na svayan, svayan se santushta aur na doosron se santushtata ka aasheervaad le sakte। brahman jeevan shreshtha sambandhon ka jeevan hai hi - baap aur sarva brahman parivaar ka aasheervaad lene ka jeevan। aasheervaad arthaat shubh bhaavnaayen, shubh kaamnaayen। aap braahmanon ka janma hi baapdaada ki aasheervaad kaho, vardaan kaho isi aadhaar se hua hai। baap ne kaha -aap bhaagyavaan,shreshtha vishesh aatma ho। isi smriti roopi aasheervaad va vardaan se shubh bhaavna,shubh kaamna se aap braahmanon ka naya jeevan,naya janma hua hai। sada aasheervaad lete rehna। yahi sangamayug ki visheshta hai! lekin in sabka aadhaar - sarva shreshtha sambandh hai। sambandh mere-mere ki janjeeron ko,bandhan ko second mein samaapta kar deta hai। aur sambandh ka pahla swaroop vo hi sahaj baat hai baap bhi bindu main bhi bindu aur sarva aatmaayen bhi bindu। to bindu ka hi hisaab hua na। isi bindu mein gyaan ka sindhu samaaya hua hai। duniya ke hisaab mein bhi bindu10 ko 100bana deta aur 100 ko hajaar bana deta hai। bindu badhaate jaao aur sankhya badhaate jaao। to mahatva kiska hua? bindu ka hua na। aise brahman jeevan mein sarva praapti ka aadhaar bindu hai।

anpadh bhi bindu samajh sakte hain na! koi kitna bhi vyasta ho tandaroosta na ho, buddhi kamzor ho lekin bindu ka hisaab sab jaan sakte। maataayen bhi hisaab mein to hoshiyaar hoti hain na। to bindu ka hisaab sada yaad rahe! achha-

sarva sthaanon se apne sweet hom mein pahunch gaye। baapdaada bhi sabhi bachchon ko apne bhaagya banaane ki mubaarak dete hain। apne ghar mein aaye hain। yahi apna ghar daata ka ghar hai। apna ghar aatma aur shareer ko aaraam dene ka ghar hai। aaraam mil raha hai na! double praapti hai। aaraam bhi milta, raam bhi milta। to double praapti ho gai na! baap ke ghar ka bachche shringaar hain। baapdaada ghar ke shringaar bachchon ko dekh rahe hain। achha-

sada sarva sambandh dvaara bandhan mukta, karmaateet sthiti ka anubhav karne vaale,sada bindu ke mahatva ko jaan mahaan banne vaale, sada sarva aatmaon dvaara santushtata ki shubh bhaavna,shubh kaamna ki aasheervaad lene vaale, sarva ko aisi aasheervaad dene vaale, sada svayan ko saakshi samajh nimitta bhaav se karma karne vaale, aise sada alaukik roohaani mauj manaane vaale,sada maje ki jeevan mein rahne vaale, bojh ko samaapta karne vaale, aise sada bhaagyavaan aatmaon ko bhaagya vidhaata baap ki yaad pyaar aur namaste।’’

daadiyon se:- samay teevragti se ja raha hai। jaise samay teevragti se chalta ja raha hai - aise sarva brahman teevragti se udte hain। itne halke double light bane hain? abhi vishesh udaane ki seva hai। aise udaati ho?kis vidhi se sabko udaana hai?class sunte-sunte class karaane vaale ban gaye। jo bhi vishay aap shuru karenge uske pahle us vishay ki points sabse paas hongi। to kaun-si vidhi se udaana hai iska plan banaaya hai? abhi vidhi chaahiye halke banaane ki। yeh bojh hi neeche oopar laata hai। kisko koi bojh hai kisko koi bojh hai। chaahe svayan ke sanskaaron ka bojh, chaahe sangathan ka… lekin bojh udne nahin dega। abhi koi udte bhi hain to doosre ke jor se। lekin doosre ke jor se udne vaale kitna samay udenge?jaise khilauna hota hai usko udaate hain, phir kya hota? udkar neeche aa jaata। udta zaroor hai lekin sada nahin udta। abhi jab sarva brahman aatmaayen uden tab aur aatmaon ko udaaen baap ke nazdeek pahuncha saken। abhi to udaane ke sivaae, udne ke sivaae aur koi vidhi nahin hai। udne ki gati hi vidhi hai। kaarya kitna hai aur samay kitna hai?

47 varsha mein ek dedh laakh brahman hue hain। lekin kam se kam 9 laakh to pahle chaahiye। aise to sankhya jyaada hogi lekin saare vishwa par raajya karenge to kam se kam 9laakh to hon। samay pramaan shreshtha vidhi chaahiye। shreshtha vidhi hai hi udaane ki vidhi। uska plan banao। chhote-chhote sangathan taiyaar karo। kitne varsha avyakt part ko bhi ho gaya! saakaar paalna, avyakt paalna kitna samay beet gaya। abhi kuchh naveenta karni hai na। plan banaao। 84mein kam se kam 84 ka chakra to poora ho। udne aur neeche aane ka chakra to poora ho। 84janma hain, 84ka chakra gaaya hua hai। 84mein jab yeh chakra poora hoga tab svadarshan chakra door se aatmaon ko sameep laayega। yaadgaar mein kya dikhaate hain?ek jagah par baithe chakra bheja aur woh svadarshan chakra svayan hi aatmaon ko sameep le aaya। svayan nahin jaate। chakra chalaate hain। to pahle yeh chakra poore hon tab to svadarshan chakra chalen। to abhi 84 mein yeh vidhi apnaao jo sab had ke chakra samaapta hon aise hi socha hai na। achha-

teachers se

teachers to hain hi udti kala vaali! nimitta bana - yahi udti kala ka saadhan hai। to nimitta bane ho arthaat drama anusaar udti kala ka saadhan mila hua hai। isi vidhi dvaara sada siddhi ko paane vaali shreshtha aatmaayen ho। nimitta banna hi lift hai। to lift dvaara second mein pahunchne vaale udti kala vaale hue। chadhti kala vaale nahin। hilne vaale nahin lekin hilaane se bachaane vaale। aag ki sek mein aane vaale nahin lekin aag bujhaane vaale। to nimitta ki vidhi se siddhi ko praapta karo। teachers ka arth hi hai - ‘nimitta bhaav’। yeh nimitta bhaav hi sarva phal ki praapti svatah karaata hai। achha-