Avyakt murli for Monday 23 December 1985

>

23-12-85om shanti avyakt baapdaadaamdhuban

kaamjeet - sarva had ki kaamnaaon se pare

duhkhahartta, sukhkartta shivbaaba bole

baapdaada apne chhote se shreshtha sukhi sansaar ko dekh rahe hain। ek taraph hai bahut bada asaar sansaar। doosre taraph hai chhota-sa sukhi sansaar। is sukhi sansaar mein sada sukh-shanti sampanna brahman aatmaayen hain। kyonki pavitrata, svachchhata ke aadhaar par yeh sukh-shaantimay jeevan hai। jahaan pavitrata va svachchhata hai vahaan koi bhi duhkh ashaanti ka naam nishaan nahin। pavitrata ke kile ke andar yeh chhotaasa sukhi sansaar hai। agar pavitrata ke kile ke, sankalp dvaara bhi baahar jaate ho tab duhkh aur ashaanti ka prabhaav anubhav karte ho। yeh buddhi roopi paanv kile ke andar rahen to sankalp to kya svapna mein bhi duhkh ashaanti ki lahar nahin aa sakti hai। duhkh aur ashaanti ka jara bhi anubhav hota hai to avashya koi na koi apvitrata ka prabhaav hai। pavitrata, sirf kaamjeet jagatjeet banna yeh nahin hai। lekin kaam vikaar ka vansh,sarva had ki kaamnaayen hain। kaamjeet arthaat sarva kaamnaayen jeet। kyonki kaamnaayen anek vistaar poorvak hain। kaamna ek hai - vastuon ki, doosri - vyakti dvaara had ke praapti ki kaamna hai, teesri - sambandh nibhaane mein bhi had ki kaamnaayen anek prakaar ki utpanna hoti hain, chauthi - seva bhaavna mein bhi had ki kaamna ka bhaav utpanna ho jaata hai। in chaar hi prakaar ki kaamnaaon ko samaapta karna arthaat sada ke liye duhkh ashaanti ko jeetna। ab apne aap se poochho in chaar hi prakaar ki kaamnaaon ko samaapta kiya hai? koi bhi vinaashi vastu agar buddhi ko apni taraph aakarshit karti hai to zaroor kaamna ka roop ‘lagaav’hua। royal roop mein shabd ko parivartan karke kehte ho- ichchha nahin hai lekin achha lagta hai। chaahe vastu ho va vyakti ho lekin kisi ke prati bhi vishesh aakarshan hai, vo hi vastu va vyakti hi achha lagta hai arthaat kaamna hai। ichchha hai। sab achha lagta hai - yeh hai ‘yathaartha’। lekin yahi achha lagta hai - yeh hai ‘aythaartha’।

yeh ichchha ka royal roop hai। chaahe kiski seva achhi lagti, kiski paalna achhi lagti, kiske gun achhe lagte, kiski mehnat achhi lagti, kiska tyaag achha lagta, kiska svabhaav achha lagta lekin achchhaai ki khushbu lena va achchhaai ko svayan bhi dhaaran karna alag baat hai। lekin is achchhaai ke kaaran yahi achhi hai - yeh achha kehna ichchha mein badal jaata hai। yeh kaamna hai। jo duhkh aur ashaanti ka saamaana nahin kar sakte। ek hai - achchhaai ke peechhe apne ko achha banne se vanchit karna। doosri - dushmani ki kaamna bhi neeche le aati hai। ek hai prabhaavit ki kaamna। doosri hai kisi se vair va eershya ki bhaavna ki kaamna। woh bhi sukh aur shanti ko samaapta kar deti hai। sada hi man halchal mein aa jaata hai। prabhaavit hone ke lakshan - lagaav aur jhukaav hai। aise eershya va dushmani ka bhaav uski nishaani hai - jidda karna aur siddha karna। donon hi bhaav mein kitni energy, kitna samay khatma kar dete hain। yeh maaloom nahin padta hai। donon hi bahut nuksaan dene vaale hain। svayan bhi pareshaan aur doosron ko bhi pareshaan karne vaale hain। aisi sthiti ke samay aisi aatmaon ka yahi naara hota hai - duhkh lena aur duhkh dena hi hai। kuchh bhi ho jaae - lekin karna hi hai। yeh kaamna us samay bolti hai। brahman aatma nahin bolti। isliye kya hota hai - sukh aur shanti ke sansaar se buddhi roopi paanv baahar nikal jaata hai। isliye in royal kaamnaaon ke oopar bhi vijayi bano। in ichchhaaon se bhi ‘ichchha-maatram-avidya’ki sthiti mein aao।

yeh jo sankalp karte ho, donon hi bhaav mein ki main yeh baat karke dikhaaoonga,kisko dikhaayenge?baap ko va brahman parivaar ko? kisko dikhaayenge?aise samjho yeh karke dikhaayenge nahin, lekin gir ke dikhaayenge। yeh kamaal hai kya, jo dikhaayenge। girna dekhne ki baat hai kya! yeh had ke praapti ka nasha - main seva karke dikhaaoonga, main naam baala karke dikhaaoonga, yeh shabd check karo,royal hai?kehte ho sher ki bhaasha lekin bante ho bakri। jaise aajkal koi sher ka, koi haathi ka, koi raavan ka, koi raam ka face daal dete hain na। to yeh maaya sher ka face laga deti hai। main yeh karke dikhaaoonga,yeh karoonga,lekin maaya apne vash kar bakri bana deti hain। main-pan aana arthaat koi na koi had ki kaamna ke vasheebhoot hona। yeh bhaasha yuktiyukta bolo aur bhaavna bhi yuktiyukta rakho। yeh hoshiyaari nahin hai lekin har kalpa mein - sooryavanshi se chandravanshi banne ki haar khaana hai। kalpa-kalpa chandravanshi banna hi padega। to yeh haar hui ya hoshiyaari hui?to aisi hoshiyaari nahin dikhaao। na abhimaan mein aao na apmaan karne mein aao। donon hi bhaavnaayen - shubh bhaavna - shubh kaamna door kar leti hain। to check karo - jara bhi sankalp maatra bhi abhimaan va apmaan ki bhaavna rah to nahin gai hai?jahaan abhimaan aur apmaan ki bhaavna hai, yeh kabhi bhi svamaan ki sthiti mein sthit ho nahin sakta। svamaan sarva kaamnaaon se kinaara kar dega। aur sada sukh ke sansaar mein sukh ke shanti ke jhoole mein jhoolte rahenge। isko hi kaha jaata hai - sarva kaamna jeet jagatjeet। to baapdaada dekh rahe the chhote se sukhi sansaar ko। sukh ke sansaar se, apne svadesh se paraaye desh mein buddhi roopi paanv dvaara kyon chale jaate ho? par-dharma,pardesh duhkh dene vaala hai। svadharma, svadesh sukh dene vaala hai। to sukh ke saagar baap ke bachche ho, sukh ke sansaar ke anubhvi aatmaayen ho। adhikaari aatmaayen ho to sada sukhi raho,shant raho। samjha-

desh-videsh ke donon snehi bachche apne ghar va baap ke ghar mein apna adhikaar lene ke liye pahunch gaye ho। to adhikaari bachchon ko dekh baapdaada bhi harshit hote hain। jaise khushi mein aaye ho aise hi sada khush rahne ki vidhi, in donon baaton ka sankalp se bhi tyaag kar, sada ke liye bhaagyavaan ban karke jaana। lene aaye ho lekin saath lene ke saath, man se koi bhi kamzori jo udti kala mein vighna roop banti hain woh chhod ke jaana। yeh chhodna hi lena hai। achha-

sada sukh ke sansaar mein rahne vaale sarva kaamna jeet, sada sarva aatmaon ke prati shubh bhaavna aur shubh kaamna karne vaale shreshtha aatmaon ko,sada svamaan ki seat par sthit rahne vaali vishesh aatmaon ko baapdaada ka yaadapyaar aur namaste।’’

teachers ke saath - sabhi svayan ko kaun-si mani samajhte ho? (santushtamni) aaj ke samay mein vishesh santushtata ki hi aavashyakta hai। pooja bhi jyaada kis devi ki hoti hai? santoshi ki। aur santoshi ko raaji karna hi sahaj hota hai। santoshi santushta jaldi ho jaati hai। santoshi ki pooja kyon hoti hai? kyonki aaj ke samay mein tension bahut hai, pareshaaniyaan bahut hain, is kaaran asantushtata badhti ja rahi hai। isliye santushta rahne ka saadhan sabhi sochte hain। lekin kar nahin sakte। to aise samay par aap sabhi santushtamniyaan ban santushtata ki roshni do। apne santushtata ki roshni se auron ko bhi santushta banaao। pahle svan se svayan santushta raho phir seva mein santushta raho, phir sambandh mein santushta raho tab hi santushtamni kahlaayenge। santushtata ke bhi teen sartiphket chaahiye। apne aap se, seva se, phir saathiyon se। yeh teenon sartiphket liye hain na! achha hai,phir bhi duniya ki halchal se nikal achal ghar mein pahunch gai। yeh baap ke sthaan ‘achal ghar’ hain। to achal ghar mein pahunchna yeh bhi bade bhaagya ki nishaani hai। tyaag kiya to achalghar pahunchi। bhaagyavaan ban gai lekin bhaagya ki lakeer aur bhi jitni lambi kheenchane chaaho utni kheench sakte ho। list mein to aa gai - ‘bhaagyavaan ki’। kyonki bhagwan ki ban gai to bhaagyavaan ho gai। aur sabse kinaara kar ek ko apna banaaya - to bhaagyavaan ho gai। baapdaada bachchon ki is himmat ko dekh khush hain। kuchh bhi ho phir bhi tyaag aur seva ki himmat mein shreshtha ho। chhote ho ya naye ho lekin baapdaada tyaag aur himmat ki mubaarak dete hain। usi regard se baapdaada dekhte hain। nimitta banne ka bhi mahatva hai। isi mahatva se sada aage badhaate hue vishwa mein mahaan aatmaayen ban prasiddha ho jaayengi। to apni mahaanta ko to jaanti ho na! jitne mahaan utne nirmaan। jaise phaldaayak vriksha ki nishaani hai - jhukna। aise jo nirmaan hain vahi pratyaksha phal khaane vaale hain। sangamayug ki visheshta hi yeh hai। achha-