Avyakt murli for Saturday 20 February 1988

>

20 - 02 - 88 om shanti avyakt baapdaadaamdhuban

tan,man ki thakaavat mitaane ka saadhan ‘‘shaktishaali yaad''

apne sachche aagyaakaari bachchon ko seva mein sada refresh rahne ki yuktiyaan bataate hue avyakt baapdaada bole

aaj pardeshi baap apne anaadi deshvaasi aur aadi deshvaasi seva arth sabhi videshi, aise bachchon se milne ke liye aaye hain। baapdaada jaante hain ki yahi mere sikeeldhe laadle bachche hain, anaadi desh paramdham ke nivaasi hain aur saath - saath srishti ke aadi ke isi bhaarat bhoomi mein jab satayugi svadesh tha, apna raajya tha, jisko abhi bhaarat kehte hain, to aadi mein isi bhaarat deshvaasi the। isi bhaarat bhoomi mein brahma baap ke saath - saath raajya kiya hai। apne raajya mein sukh - shanti sampanna anek janma vyateet kiye hain। isliye aadi deshvaasi hone ke kaaran bhaarat bhoomi se dil ka sneh hai। chaahe kitna bhi abhi ant mein bhaarat gareeb va dhool - mitti vaala ban gaya hai,phir bhi apna desh so apna hi hota hai। to aap sabhi ke aatma ka apna desh aur shareerdhaari devta jeevan ka apna desh kaun - sa tha? bhaarat hi tha na! kitne janma bhaarat bhoomi mein rahe ho, woh yaad hai? 21janmon ka varsa sabhi ne baap se praapta kar liya hai, isliye21 janma ki to gairanti hai hi hai। baad mein bhi har ek aatma ke kai janma bhaarat bhoomi mein hi hue hain kyonki jo brahma baap ke sameep aatmaayen hain,samaan banne vaali aatmaayen hain, woh brahma baap ke saath - saath aape hi poojya,aape hi pujaari ka part bhi saath mein bajaati hain। dvaapar yug ke pahle bhakta aap brahman aatmaayen banti ho। aadi svarga mein isi desh ke vaasi the aur anek baar bhaarat - bhoomi ke deshvaasi ho। isliye braahmanon ke alaukik sansaar ‘madhuban'se ati pyaar hai। yeh madhuban braahmanon ka chhota - sa sansaar hai। to yeh sansaar bahut achha lagta hai na। yahaan se jaane ko dil nahin hoti hai na। agar abhi - abhi order kar len ki madhuban nivaasi ban jaao, to khush honge na! va yeh sankalp aayega ki seva kaun karega? seva ke liye to jaana hi chaahiye। baapdaada kahe - baith jaao,phir bhi seva yaad aayegi? seva karaane vaala kaun hai?jo baap ka direction ho,shreemat ho,usko usi roop mein paalan karna - isko kehte hain sachcha aagyaakaari bachcha। baapdaada jaante hain - madhuban mein bithaana hai va seva par bhejna hai। brahman bachchen ko har baat mein ever ready rehna hai। abhi - abhi jo direction mile usmein ever ready rehna। sankalp maatra bhi manmat mix na ho। isko kehte hain - shreemat par chalne vaali shreshtha aatma।

yeh to jaante ho na ki seva ke jimmevaar baapdaada hai। va aap hain?is jimmevaari se to aap halke ho na ki jimmevaari ka thoda - thaada bojha hai? itna bada programme karna hai, yeh karna hai - bojh to nahin samajhte ho na! karaavanhaar kara raha hai। karaavanhaar ek hi baap hai, kisi ki bhi buddhi ko touch kar vishwa - seva ka kaarya karaate rahe hain aur karaate rahenge। sirf nimitta bachchon ko isliye banaate hain ki jo karega so paayega। paane vaale bachche hain, baap ko paana nahin hai। praalabgha paana ya seva ka phal anubhav hona - yeh aatmaon ka kaam hai। isliye bachchon ko nimitta banaate hain। saakaar roop mein bhi seva karaane ka kaarya dekha aur abhi avyakt roop mein bhi karaavanhaar baap avyakt brahma dvaara bhi kaise seva kar raha hai - yeh bhi dekh rahe ho। avyakt roop ki seva ki gati aur hi teevragti hai! karaane vaala kara raha hai aur aap kathputli ke samaan naach rahe ho। yeh seva bhi ek khel hai। karaane vaala kara raha hai aur aap nimitta ban ek kadam ka padmaguna praalabdha bana rahe ho। to bojh kiske oopar hai?karaane vaale par ya karne vaale par? baap to jaante hain - yeh bhi bojh nahin hai। aap bojh kehte ho to baap bhi bojh shabd kehte hain। baap ke liye to sab hua hi pada hai। sirf jaise lakeer kheenchi jaati hai,lakeer kheenchana badi baat lagti hai kya? to aise baapdaada seva karaate hain। seva bhi itni hi sahaj hai jaise ek lakeer kheenchana। repeat kar rahe hain, nimitta khel kar rahe hain।

jaise maaya ka vighna khel hai, to seva bhi mehnat nahin lekin khel hai - aise samajhne se seva mein sada hi riphreshmenta anubhav karenge। jaise koi khel kislie karte hain? thakne ke liye nahin,refresh hone ke liye khel karte hain। chaahe kitna bhi bada kaarya ho lekin aisa hi anubhav karenge jaise khel karne se refresh ho jaate hain। chaahe kitna bhi thakaane vaala khel ho lekin khel samajhne se thakaavat nahin hoti kyonki apne dil ki roochi se khel kiya jaata hai। chaahe khel mein kitna bhi hard - work karna pade lekin woh bhi manoranjan lagta hai kyonki apni dil se karte ho। aur koi laukik kaarya bojh misal hota hai, nirvaah arth karna hi padega। duty samajh karte hain, isliye mehnat lagti hai। chaahe shaareerik mehnat ka, chaahe buddhi ki mehnat ka kaam hai, lekin duty samajh karne se thakaavat anubhav karenge kyonki woh dil ki khushi se nahin karte। jo apne man ke umang se, khushi se kaarya kiya jaata hai, usmein thakaavat nahin hoti,bojh anubhav nahin hota। kahaan - kahaan bachchon ke oopar seva ke hisaab se jyaada kaarya bhi aa jaata hai, isliye bhi kabhi - kabhi thakaavat feel (anubhav) hoti hai। baapdaada dekhte hain ki kai bachche athak ban seva karte umang - utsaah mein bhi rehte hain। phir bhi himmat rakh aage badh rahe hain - yeh dekh baapdaada harshit bhi hote hain। phir bhi sada buddhi ko halka zaroor rakho।

baapdaada bachchon ke sab plan, programme vatan mein baithe bhi dekhte rehte hain। har ek bachche ki yaad aur seva ka record baapdaada ke paas har samay ka rehta hai। jaise aapki duniya mein record rakhne ke kai saadhan hain। baap ke paas science ke saadhnon se bhi refine saadhan hai, svatah hi kaarya karte rehte। jaise science ke saadhan jo bhi kaarya karte, woh light ke aadhaar se karte। sookshm vatan to hai hi light ka। saakaar vatan ke light ke saadhan phir bhi prakriti ke saadhan hain। lekin avyakt vatan ke saadhan prakriti ke saadhan nahin hain। aur prakriti roop badalti hai,sato, rajo,tamo mein parivartan hoti hai। is samay to hai hi tamoguni prakriti, isliye yeh saadhan aaj chalenge, kal nahin chalenge। lekin avyakt vatan ke saadhan prakriti se pare hain, isliye woh parivartan mein nahin aate। jab chaaho, jaise chaaho sookshm saadhan sada hi apna kaarya karte rehte hain। isliye sab bachchon ke record dekhna baapdaada ke liye badi baat nahin hai। aap logon ko to saadhnon ko sambhaalna hi mushkil ho jaata hai na। to baapdaada yaad aur seva ka - donon hi record dekhte hain kyonki donon ka balance extra blessing dilaata hai।

jaise seva ke liye samay nikaalte ho, to usmein kabhi niyam se bhi jyaada laga dete ho। seva mein samay lagaana bahut achhi baat hai aur seva ka bal bhi milta hai, seva mein busy hone ke kaaran chhoti - chhoti baaton se bach bhi jaate ho। baapdaada bachchon ki seva par bahut khush hain, himmat par balihaar jaate hain, lekin jo seva - yaad mein, unnati mein thoda bhi rookaavat karne ke nimitta hoti hai, to aisi seva ke samay ko kam karna chaahiye। jaise raatri ko jaagte ho, 12.00va 1.00 baja dete ho to amritvela fresh nahin hoga। baithte bhi ho to niyam pramaan। aur amritvela shaktishaali nahin to saare din ki yaad aur seva mein antar pad jaata hai। maano seva ke plan banaane mein va seva ko practical laane mein samay bhi lagta hai। to raat ke samay ko kat karke 12.00 ke badle 11.00baje so jaao। vahi ek ghanta jo kam kiya aur shareer ko rest di to amritvela achha rahega,buddhi bhi fresh rahegi। nahin to dil khaati hai ki seva to kar rahe hain lekin yaad ka chart jitna hona chaahiye,utna nahin hai। jo sankalp dil mein va man mein baar - baar aata hai ki yeh aisa hona chaahiye lekin ho nahin raha hai, to us sankalp ke kaaran buddhi bhi fresh nahin hoti। aur buddhi agar fresh hai to fresh buddhi se 2 - 3 ghante ka kaam 1 ghante mein poora kar sakte ho। thaki hui buddhi mein time jyaada lag jaata hai, yeh anubhav hai na। aur jitni fresh buddhi rehti,shareer ke hisaab se bhi fresh aur aatmik unnati ke roop mein bhi fresh - double phreshnes (taajgi) rehti to ek ghante ka kaarya aadha ghante mein kar lenge।

isliye sadaiv apni dincharya mein fresh buddhi rahne ka attention rakho। jyaada sone ki bhi aadat na ho lekin jo aavashyak samay shareer ke hisaab se chaahiye uska attention rakho। kabhi - kabhi koi seva ka chance hota hai, maas - do - maas mein do - chaar baar deri ho gai, woh doosri baat hai,lekin agar niymit roop se shareer thaka hua hoga to yaad mein pharka padega। jaise seva ka programme banaate ho, 4ghante ka samay nikaalna hai to nikaal lete ho। aise yaad ka bhi samay nishchit nikaalna hi hai - isko bhi aavashyak samajh is vidhi se apna programme banaao। susti nahin ho lekin shareer ko rest dena hai - is vidhi se chalo। kyonki din - pratidin seva ka to aur hi teevragti se aage badhne ka samay aata ja raha hai। aap samajhte ho - achha, yeh ek varsha ka kaarya poora ho jaayega,phir rest kar lenge, theek kar lenge, yaad ko phir jyaada badha lenge। lekin seva ke kaarya ko din - pratidin naye - se - naye aur bade - se - bade hone hain। isliye sada balance rakho। amritvele fresh ho,phir vahi kaam saare din mein samay pramaan karo to baap ki blessing bhi extra milegi aur buddhi bhi fresh hone ke kaaran bahut jaldi aur saphaltaapoorvak kaarya kar sakegi। samjha?

baapdaada dekh rahe hain - bachchon mein umang bahut hai,isliye shareer ka bhi nahin sochte। umang - utsaah se aage badh rahe hain। aage badhna baapdaada ko achha lagta hai, phir bhi balance avashya chaahiye। bhal karte rehte ho, chalte rehte ho lekin kabhi - kabhi jaise bahut kaam hota hai to bahut kaam mein ek to buddhi ki thakaavat hone ke kaaran jitna chaahte utna nahin kar paate aur doosra - bahut kaam hone ke kaaran thoda - sa bhi kisi dvaara thodi halchal hogi to thakaavat ke kaaran chidchidaapan ho jaata। usse khushi kam ho jaati hai। vaise andar theek rehte ho, seva ka bal bhi mil raha hai, khushi bhi mil rahi hai, phir bhi shareer to puraana hai na। isliye tu - mach (atyadhik) mein nahin jaao। balance rakho। yaad ke chart par thakaavat ka asar nahin hona chaahiye। jitna seva mein busy rehte ho, bhal kitna bhi busy raho lekin thakaavat mitaane ka vishesh saadhan har ghante va do ghante mein ek minute bhi shaktishaali yaad ka avashya nikaalo! jaise koi shareer mein kamzor hota hai to shareer ko shakti dene ke liye doctors do - do ghante baad taakat ki davaai peene liye dete hain। time nikaal davaai peeni padti hai na। to beech - beech mein ek minute bhi agar shaktishaali yaad ka nikaalo to usmein A,bi, si, -sab vitaaminsa aa jaayenge।

sunaaya tha na ki shaktishaali yaad sada kyon nahin rehti! jab hain hi baap ke aur baap aapka,sarva sambandh hain,dil ka sneh hai, knowledgeful ho, praapti ke anubhvi ho, phir bhi shaktishaali yaad sada kyon nahin rehti, uska kaaran kya?apni yaad ka link nahin rakhte। link tootta hai, isliye phir jodne mein samay bhi lagta,mehnat bhi lagti aur shaktishaali ke bajaae kamzor ho jaate। vismriti to ho nahin sakti,yaad rehti hai। lekin sada shaktishaali yaad svatah rahe - uske liye yeh link tootna nahin chaahiye। har samay buddhi mein yaad ka link juta rahe - uski vidhi yeh hai। yeh bhi aavashyak samjho। jaise woh kaam samajhte ho ki aavashyak hai, yeh plan poora karke hi uthna hai। isliye samay bhi dete ho, energy bhi lagaate ho। vaise yeh bhi aavashyak hai, inko peechhe nahin karo ki yeh kaam pahle poora karke phir yaad kar lenge। nahin। iska samay apne programme mein pahle aid karo। jaise seva ke plan kiye do ghante ka time nikaal fix karte ho - chaahe meeting karte ho, chaahe practical karte ho, to do ghante ke saath - saath yeh bhi beech - beech mein karna hi hai - yeh aid karo। jo ek ghante mein plan banaayenge, woh aadha ghante mein ho jaayega। karke dekho। aape hi phreshnes se do baje aankh khulti hai, woh doosri baat hai। lekin kaarya ke kaaran jaagna padta hai to uska iphaikta (prabhaav) shareer par aata hai। isliye balance ke oopar sada attention rakho।

baapdaada to bachchon ko itna busy dekh yahi sochte ki inhon ke maathe ki maalish honi chaahiye। lekin samay nikaalenge to vatan mein baapdaada maalish bhi kar denge। woh bhi alaukik hogi,aise laukik maalish thode hi hogi। ekdam fresh ho jaayenge। ek second bhi shaktishaali yaad tan aur man - donon ko fresh kar deti hai। baap ke vatan mein aa jaao,jo sankalp karenge woh poora ho jaayega। chaahe shareer ki thakaavat ho, chaahe dimaag ki, chaahe sthiti ki thakaavat ho - baap to aaye hi hain thakaavat utaarne।

aaj double videshiyon se parsalan rooh - roohaan kar rahe hain। bahut achhi seva ki hai aur karte hi rehna hai। seva badhna - yeh drama anusaar bana hua hi hai। kitna bhi aap socho - abhi to bahut ho gaya, lekin drama ki bhaavi bani hui hai। isliye seva ke plans nikalne hi hain aur aap sabko nimitta ban karni hi hai। yeh bhaavi koi badal nahin sakte। baap chaahe ek varsha seva se rest de deven, nahin badal sakta। seva se free ho baith sakenge?jaise yaad brahman jeevan ki khuraak hai, aise seva bhi jeevan ki khuraak hai। bina khuraak ke kabhi koi rah sakta hai kya? lekin balance zaroori hai। itna bhi jyaada nahin karo jo buddhi par bojh ho aur itna bhi nahin karo jo albele ho jaao। na bojh ho, na albelaapan ho, isko kehte hain - balance।

double videshiyon mein seva ka umang achha hai। isliye vriddhi bhi achhi kar rahe ho। videsh - seva mein 14 varsha mein vriddhi achhi ki hai। laukik aur alaukik -double kaarya karte aage badh rahe hain। double kaarya mein samay bhi lagaate ho aur buddhi ki,shareer ki shakti bhi lagaate ho। yeh bhi buddhi ki kamaal hai। laukik kaarya karte seva mein aage badhna - yeh bhi himmat ka kaam hai। aise himmat vaale bachchon ko baapdaada sada har kaarya mein madadgaar hain। jitna himmat utna padmaguna baap madadgaar hai hi। lekin donon part bajaate unnati ko praapta kar rahe ho - yeh dekh baapdaada sada bachchon par harshit hote hain। maaya se to mukta ho na? jab yogayukta hain to svatah hi maaya se mukta hain। yogayukta nahin to maaya se mukta bhi nahin। maaya ko bhi brahman aatmaayen pyaari lagti hain। jo pahalvaan hota hai, unko pahalvaan se hi maja aata hai। maaya bhi shaktishaali hai। aap bhi sarvashaktivaan ho, to maaya ko sarvashaktivaan ke saath khel karna achha lagta hai। ab to jaan gaye ho na, maaya ko achhi tarah se ki kabhi - kabhi naye roop se aa jaati hai। knowledgeful ka arth hi hai baap ko bhi jaanna, rachna ko bhi jaanna aur maaya ko bhi jaanna। agar rachayita aur rachna ko jaan liya aur maaya ko nahin jaana to knowledgeful nahi thahre।

kabhi bhi kisi bhi baat mein chaahe tan kamzor bhi ho ya kaarya ka jyaada bojh bhi ho lekin man se kabhi bhi thakna nahin। tan ki thakaavat man ke khushi se samaapta ho jaati hai। lekin man ki thakaavat shareer ki thakaavat ko bhi badha deti hai। man kabhi thakna nahin chaahiye। jab thak jaao to second mein baap ke vatan mein aa jaao। agar man ko thakne ki aadi hogi to brahman jeevan ke umang - utsaah ka jo anubhav hona chaahiye woh nahin hoga। chal to rahe hain lekin chalaane vaala chala raha hai - aise anubhav nahin hoga। mehnat se chal rahe hain to jab mehnat anubhav hogi to thakaavat bhi hogi। isliye hamesha samjho - ‘karaavanhaar kara raha hai,chalaane vaala chala raha hai।'

samay,shakti - donon ke pramaan seva karte chalo। seva kabhi rah nahin sakti, aaj nahin to kal honi hi hai। agar sachche dil se, dil ke sneh se jitni seva kar sakte ho utni karte ho to baapdaada kabhi ulhana nahin denge ki itna kaam kiya,itna nahin kiya। shaabaasi milegi। samay pramaan, shakti pramaan sachchi dil se seva karte ho to sachche dil par saaheb raaji hain। jo aapka kaarya rah bhi jaayega to baap kahaan na kahaan se poora karaayega। jo seva jis samay mein honi hi hai woh hokar hi rahegi, rah nahin sakti। kisi - na - kisi aatma ko touch kar baapdaada apne bachchon ke sahayogi banaayege। yogi bachchon ko sab prakaar ka sahayog samay par milta hi hai। lekin kisko milega?sachche dil vaale sachche sevaadhaari ko। to sabhi sachche sevaadhaari bachche ho? saaheb raaji hai hamaare oopar - aisa anubhav karte ho na। achha!

sada yaad aur seva ke balance dvaara baap ki blessing ke adhikaari, sada baap ke samaan double light rahne vaale, sada nirantar shaktishaali yaad ka link jodne vaale, sada shareer aur aatma ko refresh rakhne vaale, har karma vidhipoorvak karne vaale, sada shreshtha siddhi praapta karne vaale - aise shreshtha,sameep bachchon ko baapdaada ka yaadapyaar aur namaste।''

videshi bhaai - bahnon ne global ko - operation project ki meeting ka samaachaar sunaaya

baapdaada khush hote hain - itna milkar plan banaate ho va practical mein la rahe ho aur laate rahoge। baapdaada ko aur kya chaahiye! isliye baapdaada ko pasanda hai। baaki koi mushkil ho to baapdaada sahaj kar sakte hain। yeh buddhi ka chalna bhi ek vardaan hai। sirf balance rakhkar ke chalo। jab balance hoga to buddhi nirnay bahut jaldi karegi aur 4 ghante jo discuss karte ho, usmein ek ghanta bhi nahin lagega। ek jaisa hi vichaar niklega। lekin yeh bhi achha hai, khel hai, kuchh banaate ho, kuchh todte ho… ismen bhi maja aata hai। bhale plan banaao, phir refine karo। busy to rehte ho। sirf bojh nahin mahsoos karo, khel karo। time kam hai,jitna kar sakte ho utna karo। agar is varsha hona hoga - to - hoga,phir doosre varsha aur achha programme banega। yeh seva bhi chalti hi rahegi। jaise bhandaara band nahin hota। yeh bhi bhandaara hai,avinaashi chalta rahega। agar kisi kaarya mein deri hoti hai to aur achha hona hoga, tab deri hoti hai। baaki mehnat kar rahe ho, susta nahin ho। isliye baapdaada ulhana nahin dega। achha!