Avyakt murli for Wednesday 10 January 1990

>

10-01-90 om shanti avyakt baapdaadaamdhuban

holeehans ki visheshtaaai

avyakt baapdaada apne bachchon prati bole -

aaj sarva bachchon ko vishesh aatma banaane vaale baapdaada har ek holeehans ki visheshta dekh rahe hain । jaise hans ki nirnay-shakti aur parakhne ki shakti vishesh hoti hai। isliye grahan karne ki shakti bhi vishesh hai jo moti aur kankad donon ko parakhta hai aur phir nirnay karta hai, uske baad moti grahan karta hai,kankad-patthar chhod deta hai। to parakhna, nirnay karna aur grahan karna arthaat dhaaran karna- teenon shaktiyo ki visheshta ke kaaran sangamayugi sarasvati maa ki savaari hans dikhaaya hai। to ek sarasvati maa ka yaadgaar nahin lekin maa samaan banne vaali gyaan-veena vaadini aap sabhi ho। is gyaan ko dhaaran karne ke liye bhi woh teenon visheshtaaen ati aavashyak hai। aap sabhi ne brahman-jeevan dhaaran karte hi gyaan dvaara,vivek dvaara pahle parakhne ki shakti ke aadhaar ko pahchaana, apne-aapko pahchaana, samay ko pahchaana,apne brahman parivaar ko pahchaana, apne shreshtha karttavya ko pahchaana। iske baad nirnay kiya, tab hi brahman-jeevan dhaaran ki । yeh vahi kalpa pahle vaala behad ka baap hai, param-aatma hai, main bhi vahi kalpa vaali shreshtha aatma hoon, adhikaari aatma hoon - is parakhne ke baad nirnay kiya। bina baap ko parakhne ke nirnay nahin kar sakte। kai aatmaaen abhi tak bhi sambandh-samparka mein hai,bahut achha,bahut achha kehti rehti hai lekin parmaatma pahchaan va parakhne ki shakti na hone kaaran nirnay nahin kar sakte ki kya banna hai va kya karna hai । isliye brahman-jeevan dhaaran nahin kar sakte। sahajyogi bante hai lekin sahaj yogi jeevan nahin bana sakte। kyonki donon shaktiyaan nahin hai, isliye holeehans nahin ban sakte। pavitrata roopi moti aur apvitrata roopi kankad - donon ko alag nahin samajhte to pavitrata ko grahan karne ki shakti nahin aa sakti । to holeehans ki visheshta hai - pahli shakti 'parakhna'arthaat pahchaanna। aap holi hanso mein yeh donon shaktiyaan hai na?kyonki baap ko pahchaana, apne-aapko bhi pahchaana, nirnay bhi theek kiya tab to brahman bane aur chal rahe ho। is baat mein to sab pakke paas ho। lekin jo seva karte ho aur karma mein aate ho,saare din ki dincharya mein jo karma karte ho,sambandh-samparka mein aate ho,usmein saphaltaapoorvak har karma rahe va har samparka vaali aatma ke sambandh mein aane mein sada saphalta rahe । har prakaar ki seva mansa-vaacha-karmana - teenon mein sada saphalta anubhav ho, uska bhi aadhaar 'parakhne ki shakti' aur nirnay karne ki shakti' hai । ismen full paas ho?

seva ki saphalta va samparka mein saphalta sada na hone ka kaaran check karo - to kaarya ko,vyakti ko,aatma ko parakhne ki shakti mein antar pad jaata hai। jis aatma ko jis samay jis vidhipoorvak sahayog chaahiye va shiksha chaahiye,sneh chaahiye, us samay agar parakhne ki shakti teevra hai to avashya sambandh mein saphalta praapta hogi। lekin hota kya hai – jis aatma ko jo sahayog va vidhi us samay chaahiye vo na dekar va na parakhne kaaran apne dhang se usko sahayog dete ho va vidhi apnaate ho,isliye santushtata ki saphalta nahin hoti। jaise shaareerik beemaari ko parakhne ki doctor ko vidhi na aaye to kya hota hai? theek hone ke bajaae ek se anek rog aur paida ho jaate hai। peshent ko santushtata ki saphalta nahin milti। jisko saadhaaran shabdo mein baapdaada kehte hai ki har ek ki nabja ko pahchaano। chalna aur chalaana bhi zaroori hai। to kya karna padega?pahchaanne arthaat parakhne ki shakti ko teevra karna pade। ismen antar jaata hai jisko aap saadhaaran bhaasha mein kehte ho - handling ka pharka। kehte ho na - inki handling puraani hai, inki nai hai… । yeh antar kyon pada?kyonki har samay har aatma aur har kaarya ko parakhne ki shakti chaahiye। total parakhne ki shakti aa gai hai lekin vistaar se aur behad ki parakhne ki shakti ki aavashyakta hai - us samay aatma ki grahan shakti kitni hai, vaayumandal kya hai aur us aatma ki sunne va shiksha lene ki mood kaisi hai… । jaise koi kamzor shareer vaala ho aur usko jyaada-se-jyaada taakat ka injection de dete to kya haalat hoti? peshent ke bajaaye peshens ho jaata hai, heartfail ho jaayega, shanti mein chala jaata। aise agar sambandh mein aane vaali aatma kamzor hai,aatma mein himmat nahin hai lekin aap usko shiksha ka dose dete jaao, uska mood, samay,vaayumandal parakh na sake to result kya hoti? ek to dilshikasta ho jaata aur shakti na hone kaaran grahan nahin kar sakta,aur hi jidda aur siddha karne mein uchhalta hai। aapne to achhi bhaavna se kiya lekin saphalta na milne ka kaaran parakhne aur nirnay karne ki shakti kam hai, isliye saphaltaamoorta banne mein percentage ho jaati। to saare din ke karma aur samay mein parakhne ki shakti ki aavashyakta hui na। isliye shiksha bhal do lekin sab baaton ko parakhkar phir kadam uthaao। aise hi seva ke kshetra mein bhi agar aatmaon ki aavashyakta aur ichchha parakhne ke bina kitna bhi achha gyaan de do,kitni bhi mehnat kar lo lekin saphalta nahin hogi। 'achha-achha'kehna to ek reeti-rasam ho gai hai kyonki aap koi buri baat to kehte bhi nahin ho। lekin jo saphalta ka lakshya rakhte ho, usmein sameep anubhav karo, uske liye parakhne ki shakti ati aavashyak hai। jaise koi mukti ka ichchhuk hai aur usko aap jeevan mukti aur mukti - donon bhi de do lekin woh ruchi nahin rakhega। paani ke pyaase ko ३६ prakaar ka bhojan de do lekin woh santushta paani ki boond se hi hoga, na ki bhojan se। to mukti ke ichchhuk ko agar usko mukti ke baare mein spashteekran denge to uski ichchha bhi badhegi aur jeevanmukti mein parivartan bhi ho jaayenge। kisko dhaarna ki baate sunna achha lagta hai,usko aap kalpa ५००० varsha ka va geeta ka bhagwan kaun - yeh bataana shuru kar do to aur hi interest khatma ho jaayega। isliye seva mein bhi aatma ki sthiti va uski aastha kya hai - usko parakhna aavashyak hai। to seva mein saphalta ka aadhaar kis shakti hua? parakhne ki shakti chaahiye। chaahe agyaani aatmaon ki seva, chaahe seva-saathiyon ki seva - donon mein saphalta ka aadhaar ek hi hai। to holeehans ki visheshta - sabse pahle parakhne ki shakti ko badhaao। parakhne ki shakti yathaartha hai, shreshtha hai to nirnay bhi yathaartha hoga aur aap jisko jo dena chaahte hai woh usmein grahan karne ki shakti svatah hi hogi। aur kya ban jaayenge? number one saphaltaamoorta। to chaahe seva mein, chaahe sambandh mein lakshya ko praapta karne ke liye is lakshan ko dhaaran karo ।

to saare din mein yeh check karo - saare din ki dincharya mein parakhne ki shakti kahaan tak yathaartha hui aur kahaan correction-addition karne ki aavashyakta rahi? karne ke baad correction apne-aap hoti zaroor hai kyonki divya buddhi ka vardaan sabko mila hua hai । chaahe samasya ke vash va samay se, paristhiti ke vash va koi aatmaon ke sang ke vash va maaya dvaara manmat ke vash, us samay ho jaate hain lekin samay, paristhiti,sang ka prabhaav, manmat ka prabhaav jab halka ho jaata hai, phir divya-buddhi apna kaam karti hai,jisko aap log kehte ho 'josh se hosh'mein aa gaye। phir mahsoos hota hai ki yeh correction va addition honi chaahiye thi va karni hai । lekin register mein va karmon ke hisaab ke kitaab mein daag nahin, lekin bindi to pad gai, bilkul saaph to nahin raha na। isliye kaha jata hai - 'karmon ki leela ati guhya hai।

teachers to karmon ki leela ko achhi reeti jaan gai hai na। teachers saara din kya geet gaati hai ki vaah mere shreshtha karmon ki leela' karmon ki gahan gati ki leela nahin, shreshtha karmon ki leela। duniya vaale to har karma mein, har kadam mein karmon ko hi kootte rehte hain ki 'haay mere karma!'aap kahenge - 'vaah shreshtha karma'! ab yeh aage badho ki sada vaah shreshtha karma' ho,saadhaaran karma nahin। karmon ko kootna to khatma ho gaya lekin shreshtha karma ho ismen underline karna। agar mix karma hai- saadhaaran bhi hai,shreshtha bhi hai to saphalta bhi mix ho jaati hai । abhi vishesh attention yeh dena hai ki saadhaaranta ko visheshta mein parivartan karo। is par bhi kabhi sunaayenge ki baapdaada har ek ki roz ki dincharya mein kya-kya dekhte hai । saadhaaranta kitni hai aur visheshta kitni - yeh result dekhte rehte hai ।

baapdaada ke paas dekhne ke saadhan itne hai jo ek hi samay desh-videsh ke sabhi bachchon ko dekh sakte hai । alag-alag dekhne ki aavashyakta nahin, ५ minute mein sabka pata lag jaata। bachchon ke vaah-vaah' ke geet bhi gaate hai, saath-saath samaan banne ki em se check bhi karte hain । sunaaya tha na ki baap ke sneh va baap ki pahchaan- ismen to sab paas ho aur kabhi-kabhi to kamaal ke kaam bhi karte ho। achhi kamaal hai,na ki dhamaal vaali kamaal। koi-koi bachche dhamaal ki bhi kamaal karte hain na! hoti dhamaal hai lekin kehte hain - yeh to hamaari kamaal hai। isliye baapdaada kehte - parakhne ki shakti ko badhaao। apne karmon ko bhi parakh sakegen aur doosron ke karmon ko bhi yathaartha parakh sakenge। ulte ko sulta nahin kahenge। woh parakhne ki shakti ki kami hai। aur sada ek baat yaad rakho,sabke liye kah rahe hain - kabhi bhi koi aisa vyartha va saadhaaran karma karte ho aur apne-aapko pahchaan nahin sakte ho ki yeh right hai va wrong hai,to jab aisi paristhiti aati hai, vasheebhoot ho jaate hai us samay aisi paristhiti mein siddhi ko praapta karne ki shreshtha vidhi kya hai? kyonki us samay apni buddhi to vasheebhoot hai । right ko bhi wrong samajhte ho, wrong ko wrong nahin samajhte ho, right samajhte ho । phir jidda karenge ya siddha karenge। yeh nishaani hai vasheebhoot buddhi ki। aise samay par sadaiv ek baapdaada ki shreshtha mat yaad rakho ki jinhon ko baap ne nimitta banaaya hai woh nimitta aatmaaen jo direction deti hai, usko mahatva dena chaahiye । us samay yeh nahin socho ki nimitta bane hue shaayad koi ke kahne se kah rahe hai। ismen dhokha kha lete ho। nimitta bane hue shreshtha aatmaon dvaara jo shiksha va direction milte hai। usko us samay mahatva dene se agar koi buri baat bhi hogi to aap jimmevaar nahin। jaise brahma baap ke liye sada kehte hain ki agar brahma dvaara koi galti bhi hogi to woh galti bhi badal ke aapke prati sahi ho jaayengi। to aise nimitta bani hui aatmaon prati kabhi bhi yeh vyartha sankalp nahin uthna chaahiye। maano koi aisa phaisla bhi de dete hain jo aapko theek nahin lagta hai। lekin aap usmein jimmevaar nahin hai। aapka paap nahin banega। aapka kaam theek ho jaayega। kyonki baap baitha hai। baap,paap ko badal lega। yeh guhya rahasya hai । gupta machinery hai। isliye nimitta bani hui shreshtha aatmaon ke shreshtha direction ko mahatva se kaarya mein lagaao। ismen aapka phaayda hai, nuksaan bhi badalkar phaayde mein ho jaayenga। yeh baap ki gaaranti hai। samjha? isliye sunaaya ki karmon ki leela badi vichitra hai। baap jimmevaar hai। jinko nimitta banaaya hai uska bhi jimmevaar baap hai। aapke paap ko badalne ka bhi jimmevaar hai। aise hi nimitta nahin banaaya hai, soch-samajh ke drama ke law-mujeeb nimitta banaaya gaya hai । samjha?

teachers ko achha lagta hai na। inmen phaayda hai,bojha halka ho gaya। koi bhi baat aayegi to kahenge – nimitta bane hue bade jaane। halke ho gaye na। lekin sirf kahne maatra nahin,samajhne-maatra,sneh-maatra,svamaan-maatra ho। in guhya baaton ko baap jaane aur jo samajhdaar bachche hai woh jaanen। nimitta bani hui aatmaon ke liye kuchh bhi kehna arthaat baap ke liye kehna। nimitta baap ne banaaya hai na। baap se jyaada aapko parakhne ki shakti hai?

baapdaada ka ati sneh sabhi bachchon se hai । aise nahin ki nimitta bane hue se hi pyaar hai। doosron se nahin hai। yeh bhi pyaar ke kaaran hi direction dete hai। pyaar nahin hota to kehte - jaise chal rahe hain,chalte rahen। jab itni himmat rakhi hai aur brahman-jeevan mein chal rahe ho,ud rahe ho to chhoti-si kamzori bhi kyon rah jaae?yeh hai pyaar। pyaar vaale ki kami kabhi nahin dekhi jaati hai। yeh hai pyaar ki nishaani। jisse dil ka sachcha pyaar hota hai uski kami ko hamesha apni kami samajhta hai । achha –

koi bhi kaarya karo to kabhi bhi koi halchal ke vaataavran ke prabhaav mein nahin aao । apna prabhaav daalo to woh aapke prabhaav mein aa jaayenge aur dil se yahi niklega 'saphalta hamaara janma-siddha adhikaar hai । 'himmat ka bahut mahattva hai । kabhi kisi baat mein ghabraao nahin। hajaar bhujaaon vaale aap bhi ho। baap ki hajaar bhujaaen aapki bhi to hui na। achha –

baambe saayan centre ki teachers tatha bhaaiyon ko dekh baapdaada bole - yeh sab kaarya samaapta kar pahunche hai । paas hoke aaye ho ki paas-with-honour hoke aaye ho?achha part bajaaya। yeh bhi sneh ka return aatma ko praapta hota hi hai । jisko sneh mila hai woh samay par sneh ka return zaroor karta hai । kai aatmaon ki is samay ke part mein bhi aavashyakta hai aur nai duniya ke aadi mein bhi aavashyakta hai। to kya karenge? drama to chalna hi hai na! isliye jo bhi gaye hain va ja rahe hain - vishesh aatmaon ki aadi mein bhi aavashyakta hai । yeh naya chaiptar (paath) shuru karenge na। yogbal ki paidaaish ka naya chaiptar shuru karne ke liye kaun-si aatmaayen chaahiye? yogi aatmaaen chaahiye na! nimitta bahaana koi bhi ban jaata hai, lekin chuktu bhi hona hai aur seva bhi honi hai । abhi yeh nahin sochna ki krishna ko janma kaun dega,raadhe ko kaun janma dega। is vistaar mein nahin jaana । yeh koi topic nahin hai। isliye kaha ki karmon ki leela 'vaah-vaah'hai, baaki janma koi bhi de - inmen nahin jaana। aapko jaana hai ya sochna hai ' achha!

chaaron or ke sada parakhne ki shakti ki vishesh aatmaon ko sada har karma aur sambandh mein shreshtha saphalta praapta karne vaali saphaltaamoorta aatmaon ko,sada himmat aur shubhbhaavna aur shubhkaamna dvaara parivartan karne vaali shaktishaali aatmaon ko sada, 'vaah mere shreshtha karma ' ke khushi ke geet gaane vaale bachchon ko baapdaada ka yaad-pyaar aur namaste।

party se avyakt baapdaada ki mulaakaat

sada apne ko roop-basanta anubhav karte ho ? roop arthaat gyaani tu aatma bhi hai aur yogi tu aatma bhi hai। jis samay chaahe roop ban jaayen aur jis samay chaahe basant ban jaaen । isliye aap sabka slogan hai - ' yogi bano aur pavitra bano maana gyaani bano' ' । auron ko yeh slogan yaad dilaane hai na। to donon sthiti second mein ban sakte hain । aise na ho ki banne chaahen roop aur yaad aati rahe gyaan ki baaten। second se bhi kam time mein fullstop lag jaayen । aise nahin - fullstop lagaao abhi aur lage paanch minute ke baad । ise powerful brake nahin kahenge । powerful brake ka kaam hai, jaho lagaao vaheen lage। second bhi der se lagi to accident ho jaayega। fullstop arthaat brake powerful ho। jaho man-buddhi ko lagaana chaahe vahaan laga len। yeh man-buddhi-sanskaar aap aatmaon ki shaktiyaan hai। isliye sada woh practice karte raho ki jis samay, jis vidhi se man-buddhi ko lagaana chaahte hain vaisa lagta hai ya time lag jaata hai? check karte ho ya saara din beet jaata hai phir raat ko check karte ho? beech-beech mein check karo । jis samay bahut buddhi busy ho, us samay trial karke dekho ki abhi-abhi agar buddhi ko is taraph se hataakar baap ki taraph lagaana chaahen to second mein lagti hai? aise to second bhi bahut hai । isko kehte hain – controlling power। jisme controlling power nahin woh ruling power ke adhikaari ban nahin sakte। svaraajya ke hisaab se abhi bhi ruler (shaasak) ho। svaraajya mila hai na! aise nahin aankh ko kaho yeh dekho aur woh dekhe kuchh aur,kaan ko kaho ki yeh nahin suno aur sunte hi rahe । isko controlling power nahin kehte। kabhi koi kamenndriy dhokha na den - isko kehte hain - 'svaraajya । ' to raaj chalaane aana hai na? agar raaja ko praja maane nahin to use naam ka raaja kahenge ya kaam ka? aatma ka anaadi swaroop hi raaja ka hai,maalik ka hai । yeh to peechhe partantra ban gai hai lekin aadi aur anaadi swaroop svatantra hai । to aadi aur anaadi swaroop sahaj yaad aana chaahiye na। svatantra ho ya thoda-thoda partantra ho?man ka bhi bandhan nahin। agar man ka bandhan hoga to yeh bandhan aur bandhan ko le aayega। kitne janma bandhan mein rahkar dekh liya! abhi bhi bandhan achha lagta hai kya?bandhanmukta arthaat raaja,svaraajya-adhikaari । kyonki bandhan praaptiyon ka anubhav karne nahin deta। isliye sada brake powerful rakho,tab ant mein paas-with-honour honge arthaat first division mein aayenge। first maana fast, dheele-dheele nahin। brake fast lage। kabhi bhi oonchaai ke raaste par jaate hain to pahle brake check karte hain । aap kitna oonche jaate ho! to brake chaahiye na! baar-baar check karo । aisa na ho ki aap samjho brake bahut achhi hai lekin time par lage nahin, to dhokha ho jaayega। isliye abhyaas karo- stop kaha aur stop ho jaayen । riddhi- siddhi vaale kya karte hain?siddhi dikhaate hai - chalti hui train ko stop kar diya… । lekin usse kya phaayda?aap sankalpo ki trephik ko stop karte ho। isse bahut phaayde hain। aapki hain 'vidhi se siddhi 'aur unki hai 'riddhi-siddhi । ' woh alpakaal ki hai, yeh sadaakaal ki hai। to sabhi knowledgeful ban gaye। rachna aur rachta ki saari knowledge aa gai । duniya vaale samajhte hain - maataayen kya karegi । aur maataayen asambhav ko bhi sambhav bana deti hain । aisi shaktiyaan ho na? achha!