Avyakt murli for Sunday 25 March 1990

>

25-03-90 om shanti avyakt baapdaadaamdhuban

sarva anubhootiyon ki praapta ka aadhaar pavitrata

aaj sneh ke saagar baapdaada apne chaaron or ke roohaani bachchon ke roohaani features dekh rahe hain। har ek brahman bachche ke features mein roohaaniyat hai lekin nambarvaar hai। kyonki roohaaniyat ka aadhaar pavitrata hai। sankalp, bol aur karma pavitrata ki jitni-jitni dhaarna hai usi pramaan roohaaniyat ki jhalak soorat mein dikhaai deti hai। brahman-jeevan ki chamak pavitrata hai। nirantar ateendriy sukh aur sweet silence ka vishesh aadhaar hai - pavitrata। to pavitrata nambarvaar hai to in anubhootiyon ki praapti bhi nambarvaar hai। agar pavitrata number one hai to baap dvaara anubhootiyon ki praapti bhi number one hai। pavitrata ki chamak svatah hi nirantar chehre par dikhaai deti hai। pavitrata ki roohaaniyat ke nayan sada hi nirmal dikhaai denge। sada naynon mein roohaani aatma aur roohaani baap ki jhalak anubhav hogi। aaj baapdaada sabhi bachchon ki vishesh yeh chamak aur jhalak dekh rahe hain। aap bhi apne roohaani pavitrata ke features ko knowledge ke darpan mein dekh sakte ho। kyonki vishesh aadhaar pavitrata hai। pavitrata sirf brahmacharya ko nahin kaha jaata। lekin sada brahmachaari aur sada brahmaachaari arthaat brahma baap ke aachran par har kadam mein chalne vaale। uska sankalp, bol aur karma roopi kadam natural brahma baap ke kadam-oopar-kadam hoga। jisko aap foot step kehte ho। unke har kadam mein brahma baap ka aachran dikhaai dega। to brahmachaari banna mushkil nahin hai lekin yeh man-vaani-karma ke kadam brahmaachaari hon - is par check karne ki aavashyakta hai। aur jo brahmaachaari hain unka chehra aur chalan sada hi arntamukhi aur ateendriy sukhi anubhav hoga। ek hai science ke saadhan aur brahman-jeevan mein hain gyaan ke saadhan। to brahmaachaari aatma science ke saadhan va gyaan ke saadhan ke aadhaar par sada sukhi nahin hote। lekin saadhnon ko bhi apni saadhna ke swaroop mein kaarya mein laate। saadhnon ko aadhaar nahin banaate lekin apni saadhna ke aadhaar se saadhnon ko kaarya laate - jaise koi brahman-aatmaaen kabhi-kabhi kehte hain humein yeh chance nahin mila, is baat ki madad nahin mili। yeh saath nahin mila,isliye khushi kam ho gai athva seva ka, svan ka umang-utsaah kam ho gaya। pahle-pahle to bahut ateendriy sukh tha, umang-utsaah kam ho gaya। pahle-pahle to bahut ateendriy sukh tha, umang-utsaah bhi raha। main aur baba aur kuchh dikhaai nahin diya। lekin majority 5varsha se 10varsha ke andar apne mein kabhi kaise, kabhi kaise anubhav karne lagte hain। iska kaaran kya hai?pahle varsha se 10 varsha mein umang-utsaah10 guna badhna chaahiye na। lekin kam kyon ho gaya?uska kaaran yahi hai ki saadhna ki sthiti mein rah saadhnon ko kaarya mein nahin lagaate। koi-na-koi aadhaar ko apni unnati ka aadhaar bana dete hain aur woh aadhaar hilta hai, umang-utsaah bhi hil jaata hai। vaise aadhaar lena koi buri cheej nahin। lekin aadhaar ko hi foundation bana dete hain। baap beech se nikal jaata hai aur aadhaar ko foundation bana dete hain। isliye halchal kya hoti, yeh hota to aisa nahin hota,yeh hoga to aise hoga। yeh to bahut avashyak hai - aise anubhav hone lagta hai। saadhna aur saadhan ka balance nahin rehta। saadhnon ki taraph buddhi jyaada jaati hai। saadhna ki taraph buddhi kam ho jaati। isliye koi bhi kaarya mein, seva mein baap ki blessing anubhav nahin karte। aur blessing ka anubhav na hone ke kaaran saadhan dvaara saphalta mil jaati to umang-utsaah bahut achha rehta aur saphalta kam hoti to umang-utsaah bhi kam ho jaata hai। saadhna arthaat shaktishaali yaad। nirantar baap ke saath dil ka sambandh। saadhna isko nahin kehte ki sirf yog mein baith gaye lekin jaise shareer se baithte ho vaise dil, man,buddhi ek baap ki taraph baap ke saath-saath baith jaaen। shareer bhal yahaan baitha hai,aur man ek taraph, buddhi doosre taraph ja rahi hai, dil mein aur kuchh aa raha hai to isko saadhna nahin kehte। man,buddhi,dil aur shareer chaaren hi saath-saath baap ke saath samaan sthiti mein rahen - yeh hai yarthaath saadhna। samjha?agar yathaartha saadhna nahin hoti to phir aaraadhna chalti hai। pahle bhi sunaaya hai kabhi to yaad karte hain lekin kabhi phir phariyaad karte hain। yaad mein phariyaad ki aavashyakta nahin। saadhna vaale ka aadhaar sada baap hi hota hai। aur jahaan baap hai vahaan sada bachchon ki udti kala hai। kam nahin hoga lekin anek guna badhta jaayega। kabhi oopar, kabhi neeche ismen thakaavat hoti hai। aap koi bhi halchal ke sthaan par baitho to kya hoga? train mein bahut hilne se thakaavat hoti hai na। kabhi bahut umang-utsaah mein udte ho,kabhi beech mein rehte ho, kabhi neeche aa jaate ho to halchal ho gai na। isliye ya thak jaate ho ya bor ho jaate ho। phir sochte hain kya aise hi chalna hai! lekin jo saadhna dvaara baap ke saath hain, uske liye sangamayug par sab naya hi naya anubhav hota hai। har ghadi mein, har sankalp mein naveenta। kyonki har kadam mein udti kala arthaat praapti mein praapti hoti rahegi। har samay praapti hai। sangamayug mein har samay, baap varse aur vardaan ke roop mein praapti karaate hain। to praapti mein khushi hoti hai aur khushi mein umang-utsaah badhta rahega। kam ho hi nahin sakta। chaahe maaya bhi aaye to bhi vijayi banne ki khushi hogi। kyonki maaya par vijay praapta karne ke knowledgeful ban gaye ho। to 10 saal vaalon ko 10 guna, 20 saal vaalon ka 20 guna ho raha hai? to kahne mein aise aata lekin hai to anek guna।

ab is varsha mein kya karenge? umang-utsaah to baap dvaara mili hui aapki apni jaayjaad hai। baap ki property ko apna banaaya hai to property ko badhaaya jaata hai ya kam kiya jaata hai? is varsha vishesh 4 prakaar ki seva par attention underline karna। pahla- number hai sva ki seva। doosra- vishwa ki seva। teesra- mansa seva। ek hai vaani dvaara seva doosri mansa seva bhi vishesh hai। chaar- yagya-seva। jahaan bhi ho,jis bhi sevaasthaan par ho woh sab sevaasthaan yagyakunda hai। aise nahin ki sirf madhuban yagya hai। aur aapke sthaan yagya nahin hai। to yagya-seva arthaat karmana dvaara kuchh-na-kuchh seva zaroor karni chaahiye। baapdaada ke paas seva ke teen prakaar ke khaate sabke jama hote hain। mansa-vaacha aur karmana, tan-man aur dhan। kai brahman sochte hain ham to dhan se sahayogi nahin ban sakte, seva nahin kar sakte kyonki ham to samarpan hain। dhan kamaate hi nahin to dhan se seva kaise karenge?lekin samarpit aatma agar yagya ke kaarya mein economy karti hai apne attention se,to jaise dhan ki economy ki,woh ekonmi vaala dhan apne naam se jama hota hai yeh sookshm khaata hai। agar koi nuksaan karta hai to khaate mein bojh jama hota hai aur economy karte to uska dhan ke khaate mein jama hota hai। yagya ka ek-ek kan muhar ke samaan hai। agar yagya ki dil se (dikhaave se nahin) economy karte hain to uski muhren ekatrit hoti rehti hain। doosri baat- agar samarpit aatma seva dvaara doosron ke dhan ko saphal karaati hai to usmein se uska bhi share jama hota hai। isliye sabhi ka 3 prakaar ka khaata hai। teenon khaate ki parsentej achhi honi chaahiye। koi samajhte hain ham to vaacha seva mein bahut busy rehte hain। hamaari duty hi vaacha ki hai,mansa aur karmana mein percentage kam hoti hai lekin yeh bhi bahaana chalega nahin। vaani ke samay agar mansa aur vaacha ki ikùee seva karo to kya result hogi?mansa aur vaacha ikùee seva ho sakti hai? lekin vaacha sahaj hai,mansa mein attention dene ki baat hai। isliye vaacha ka to jama ho jaata lekin mansa ka khaata khaali rah jaata hai। aur vaacha mein to baap se bhi sabhi hoshiyaar ho। dekho aajkal badi daadiyon se achhe bhaashan chhote-chhote karte hain।

kyonki new blood hai na। bhale aage jaao, baapdaada khush hote hain। lekin mansa ka khaata khaali rah jaayega। kyonki har khaate ki 100marks hai। sirf sthool seva ko karmana seva nahin kehte। karmana arthaat sangathan mein samparka-sambandh mein aana। yeh karma ke khaate mein jama ho jaata hai। to kaeeyon ke teenon khaaten mein bahut pharka hai aur ve khush hote rehte hain kah ham bahut seva kar rahe hain, bahut achhe hai। khush bhale raho lekin khaata khaali bhi nahin rehna chaahiye kyonki baapdaada to bachchon ke snehi hain na। phir aisa ulhana na do ki hamko ishaara bhi nahin diya gaya ki yeh bhi hota hai। us samay baapdaada yeh point yaad karaayega। T.vi. mein chitra saamne aa jaayega। isliye is varsha seva bhale bahut karo lekin yeh teenon prakaar ke khaate aur chaaron prakaar ki seva saath-saath karo। vaacha ka taraph bhaari ho jaae aur mansa tatha karmana halka ho jaae to kya hoga? balance nahin rahega na। balance na rahne ke kaaran umang-utsaah bhi neeche-oopar hota hai। ek to attention rakhna lekin baapdaada baar-baar kehte hain attention ko tension mein nahin badalna। kai baar attention ko tension bana dete hain - yeh nahin karna। sahaj aur natural attention rahe। double light sthiti mein natural attention hota hi hai। achha!

teesri baat- seva ki vidhi kya apnaayenge?yeh to ho gai siddhi ki baat। abhi vidhi kya karenge?ek to jo aapka kaarya chal raha hai 2 varsha se sarva ke sahayog ka, is kaarya ko sampanna karna hai। samaapta nahin lekin sampanna kahenge। isliye liye chaahe function rakhne hain, chaahe kitaab taiyaar kar phir logon ko sandesh dena hai, yeh bhal karo। lekin ek baat zaroor dhyaan mein rakhna ki kam kharcha baalaansheen। baapdaada har kaarya ke liye aadi se ab tak yahi vidhi apnaate rahe hain ki na bahut ooncha na bilkul saada beech ka ho। kyonki do prakaar ki aatmaaen hoti hain। agar jyaada manhaga karte ho to bhi log kehte hain,inhon ke paas bahut paise hain aur kam karte ho to value nahin rehti। isliye sadaiv beech ka rakhna chaahiye। book bhi abhi tak jo banaaya hai, achha hai। sampanna karna hi hai lekin jyaada vistaar nahin karna। jyaada bada nahin banaana। short bhi ho aur sweet bhi ho,saar bhi ho। vistaar se kahaan-kahaan saar chhip jaata hai। aur saar hota hai to buddhi ko touch hota hai। kaarya theek kar rahe ho lekin apni buddhi ki energy mein bhi kam kharcha baalaansheen। baaki mehnat karne vaalon ko mubaarak ho। chaahe programme doosre varsha mein rakho lekin sampanna to karna hi hai। kai bachche samajhte hain bahut lamba chala hai। tu mach busy rahe hain,tu mach kharcha bhi hua… lekin jo hua woh achha hua aur jo hoga woh aur achha hoga। thakna nahin hai। amang-utsaah aur badhaao। jis roochi se is kaarya ko aarambha kiya, usse anek guna kam kharcha baalaansheen ki vidhi se sampanna karo। samjha? samay nishchit hona chaahiye kaam karne ka। kai samajhte hain raat ko jaagkar kaam karte to achha kaam hota। lekin buddhi thak jaati hai aur amritvela shaktishaali na hone ke kaaran ho kaarya do guna hona chaahiye woh ek guna hota hai। isliye time ki bhi limit honi chaahiye। phir savere uthkar fresh buddhi se padhaai padhni hai। kaam karne ki limit honi chaahiye। aise to baapdaada bachchon ka umang dekh khush bhi hote hain lekin phir bhi had to deni padegi na। sada buddhi fresh rahe aur fresh buddhi se jo kaam hoga woh ek ghante mein do ghante ka kaam kar sakte ho। ek to seva ka yeh kaarya hai।

doosra:- vartamaan samay dhan aur samay desh va videsh mein is busy programme mein bahut lagaaya hai। isliye abhi chaahe sambandh-samparka mein apne vaale hain chaahe aur nai aatmaon ko sandesh de sneh-milan karo। chhote-chhote centres par 5 ka bhi agar sneh-milan hota hai to koi harja nahin। woh aur hi refresh ho jaayenge, sameep hote jaayenge। chhote-chhote sneh-milan karo।5 se lekar50 tak 100 tak ka sammelan kar sakte ho। bada function nahin,jitna sthaan hai aur kam kharcha baalaansheen mein aapko sthaan bhi sahaj mil sakta hai। jyaada bhaag-daud nahin karni hai। agar aapke paas 100aatmaaen aani hain to drama anusaar sthaan bhi sahaj mil jaayega। lekin yeh nahin ki chhote centre vaale bhi samjhe ki humein 100ka programme karna hai। yatha-shakti yatha-sahayogi,yatha-sneh aur dhan ki shakti 5 ka karo - 50 ka karo, 25 ka kara, lekin karna zaroor hai। busy zaroor rehna hai aur ham 3 maas ke baad va yatha-shakti 3 karo va 4karo। lekin karna zaroor hai aur pahle 5ka sneh-milan karenge to 5 aatmaaen aur do-teen ko laayengi to doosri baar 10 ka ho jaayega phir 15 ka ho jaayega। kyonki double light se karenge। bardan se nahin karna। albele bhi nahin banna ki seva to bahut kar li hai। nahin seva busy rahne ka saadhan hai। lekin bardan se seva karte ho isliye thak jaate ho। seva to khushi badhaati hai। seva anek aatmaon ki duaayen praapta karaati hai। seva nahin karenge to 9 laakh tak kaise pahunchenge? seva karo lekin underline yeh karna ki bardan vaali seva nahin। chaahe buddhi ka badan,chaahe dhan ka bardan aur easy hokar karenge to saarvis bhi easy roop mein badhti jaayegi। to jo vidhiyaan apnaate ho woh karni zaroor hain। agar aapke koi sahayogi ban jaate aur bani-banaai stage aapko bade function ke liye dete hain to bada function bhi kar lenge aur na buddhi ka, na dhan ka bardan rahega। aisi kai sansthaaen bhi hoti hain, unhon ko apne sahayogi banaao,yeh trial karo। aur agar himmat hai to ek bada function zaroor karo। himmat nahin hai to nahin karna। bada function sanstha ka baala karta hai। lekin double light hokar karo। aur yeh lakshya rakho ki apni energy lagaane ke bajaae doosron ki energy is eeshvareey kaarya mein lagaaven। lakshya rakho to bahut nimantran milenge। kisi bhi varga ke sahayogi kshetra har chhote-bade desh mein mil sakte hain। vartamaan samay aisi kai sansthaaen hain,jinke paas energy hai, lekin vidhi nahin aati use karne ki। woh aisa sahayog chaahti hain। koi aisa unhon ko najar nahin aata। bade pyaar se aapko sahayog denge,sameep aayenge। aur aapki 9laakh praja mein bhi vriddhi ho jaayegi। koi vaaris bhi niklenge, koi praja niklenge। dekho, yahaan bhi pahle sahayogi nab karke aaye, global ke kaarya ke aur abhi vaaris ban gaye hain। mehmaan bankar aaye aur mahaan ban gaye to aisi bhi bahut achhi-achhi sameep ki aatmaae nikli hain aur aage bhi niklengi। kuchh-na-kuchh karte raho। lekin baapdaada baar-baar smriti dila rahe hain ki double light hokar raho। bhaarat mein bhi isi vidhi se sneh-milan karte-karte last mein bada function zaroor karna। aur bhaarat mein to pradarshani se bhi achhi result nikalti hai। chhote-chhote sneh-milan kar sameep laao aur phir bade function mein unhon ko stage par laao। woh apne anubhav se kahen। aapko kahne ki jaroorat nahin pade। bade programme ka prabhaav apna hai।

sneh-milan ka prabhaav,saphalta apni hai। sneh-milan hai aatmaon ko dharni ko taiyaar karna aur bada function hai – aavaaj buland karna। lekin yatha-shakti karo। aise nahin doyrekyaan mila hai, kar to nahin sakte,majboori se nahin karo। samjha?

teesri baat:- sva unnati ke liye pahle bhi sunaaya - teenon hi khaate apne jama karo। lekin uske saath-saath baapdaada result mein dekh rahe hain ki seva ki vriddhi ke saath-saath jo nimitta aatmaaen hain,jisko aap nimitta sevaadhaari kehte ho, baapdaada teacher shabd jyaada use nahin karte। kyonki kahaan-kahaan teacher samajhne se nasha chadh jaata hai। isliye nimitta sevaadhaari kehte hain। to seva ke saath-saath nimitta sevaadhaariyon ke purooshaartha ki vidhi mein bahut achhi progress arthaat unnati honi chaahiye। seva ki jo speed hai usmein samay ke pramaan jo ho raha hai usko to baapdaada sada achha kahto hai lekin samay ki gati aur seva ke sampoorn samaapti ki stage ko dekh baapdaada samajhte hain ki sevaadhaariyon ke purooshaartha ki vidhi mein agar vriddhi ho jaae to seva ki chaar guna vriddhi ho sakti hai। isliye pahle woh seva bhi bahut aavashyakta hai। seva ka samay apna alag nishchit karo aur purooshaartha ki vriddhi ka samay alag nishchit karo। seva ke nimitta aatmaon mein abhi will power chaahiye। will power badhaane se auron ko bhi baap ke aage sahayogi banaae will kara sakte ho। kai aatmaae aapke sahayog ke liye chaatrak hain। lekin apni shakti nahin hai। aapko apni shaktiyon ki madad vishesh deni padegi। isliye nimitta bane hue sevaadhaariyon mein sarvashaktiyon ki power hai lekin jitni honi chaahiye utni nahin hai। apne prati use karne ke kaaran doosron ko full shaktiyaan nahin de sakte hain। jaise brahma baap ne last mein shaktiyon ki will ki, bachchon ko। us will se yeh kaarya chal raha hai। aadi mein dhan ki will ki jisse yagya sthaapan hua aur ant mein shaktiyon ki will ki jisse yeh seva vriddhi ko pa rahi hai। brahma ne to kiya, phaalon karne vaale to bachche hain na। ek brahma ke will se kitni aatmaaen aai aur aa rahi hai। agar itne sab nimitta sevaadhaari bhi aise shaktiyon ki will aatmaon prati karen to kya ho jaaega,to abhi yeh aavashyakta hai। aise nahin ki apne hi purooshaartha mein energy vesta karen। chaahe apni unnati karni bhi padti hai lekin vesta bhi jaati hai isliye samay ki gati pramaan,seva ki samaapti ki gati pramaan sevaadhaariyon ki gati aur adhik chaahiye। abhi apne ko nimitta banaaye। ismen doosron ko pahle aap nahin kare। pahle apne ko pahle aap kare। aur dil se umang se samjhen ki mujhe ``he arjun'' banna hai। arjun arthaat master brahma। aval arthaat arjun। programme pramaan sva-unnati ke programme rakhte aaye ho lekin is varsha baapdaada har ek snehi aatma dvaara sneh ka pratyaksharoop dil ki progras chaahte hain na ki programme pramaan। jahaan sneh hota hai vahaan kurbaan karna muhabbat hota na ki mushkil hota hai। sabki dil se yeh umang ho to saphalta hogi। agar baap se pyaar hai to baap is baar dil ke pyaar ko dekhenge। kuchh kurbaan karna bhi pada to kya badi baat hai। yeh to jaante ho seva mein saphalta ke liye kya kurbaan karna chaahiye? iske liye bhi samay to chaahiye na। seva bhi zaroor karni hai। aur sva-unnati bhi zaroor karni hai। is baari baapdaada apne milne ka samay dete hain। result dekhkar baapdaada programme banaayenge। aise nahin ki aayenge hi nahin। jo is varsha baapdaada se milne nahin aa saken hain,chaahe desh vaahe, chaahe videsh vaale unhein ke prati aayenge। uske liye vidhi kya hogi woh bhi sunaate hain। bhaarat vaalen ke liye 5 din har group refresh ho। baaki ek dil aana ek din jaana। is vidhi se bhaaratvaasiyon ke 4 group aur videshiyon ke 3 group honge। videshiyon ka to 15 din ka hi programme rahega। baapdaada har group mein ek baar milenge। murli dvaara aur gup se bhi। baaki jo samay bachega - usmein vishesh sevaadhaariyon ka ho। chaahe videsh vaalon ka bhi ek group ho lekin madhuban mein ho। baaki 4group kis samay madhuban ki salvation pramaan ho sakte woh aap banaao। jaise videshi December mein phir march mein aate hain to do group ek maas mein, ek group doosre maas mein rakh sakte ho। baaki bhaarat ka to 18 January hi hai। videshiyon ka shiv jayanti। sitambar se navambar yeh maas seva ke bahut achhe hain। full force se seva karo। baaki samay sevaadhaariyon ke group banaao। lekin baapdaada ki yahi baat nahin bhoolna - prograama praaman progress nahin karna, dil ki progress ho। dil ke umang se progress ki bhatthi ho। svayan dridh sankalp karo। dridhta rakho ki mujhe badalna hai। mujhe ``he arjun'' banna hai। master brahma banna hai।

chauthi baat:- sabhi sevaasthaanon par kam-se-kam 8 din agar jyaada kar sakte hain to 15 din sva-unnati ki retreat va sneh milan har sevaakendra chaahe apna indivijual kare, chaahe chhote-chhote sthaanon ko milaakar karen। lekin har godly-student ko, har brahman aatma ko yeh sva-unnati ki retreat, sneh-milan ya dil se purooshaartha ki pragti ka programme zaroor banaana hai। chaaron or ki brahman-aatmaon ko yeh chance dena bhi hai aur lena bhi hai। baapdaada yeh bhi gupta raaj suna rahe hain। jo vishesh dil se pragti ki bhatthi karenge- unko extra baapdaada ki duaaon ki gift milni hai। sthool gift to koi badi baat nahin hai - lekin vishesh us aatma ke prati, baapdaada ke paas to second-second ki T.vi. hai na। aur ek hi samay par sabhi ko dekh sakte hain। isliye jo dil se pragti ka sankalp karega,progress karega usko vishesh duaayen milengi। anubhav karenge, woh din aap samajhna vishesh duaaon ka hai। meeting mein bhi yeh naveenta pahle karna। programme kuchh dimaag ke,kuchh seva ke - lekin dil ke banen। dimaag ki maatra jyaada hai phir result ke baad doosre varsha ka naya programme bataayenge। puraanon ke liye koi naya plan baad mein banaayenge achha!

sada apne chehre aur chalan mein pavitrata ke roohaaniyat ki chamak vaale,sada har kadam mein brahmaachaari shreshtha aatmaaen, sada apne seva ke sarva khaaton ko bharpoor rakhne vaale,sada dil se apni unnati ka dridh sankalp karne vaale, sada sva-unnati prati svayan ko number one aatma nimitta banaane vaale - aise baap ke pyaare aur vishesh brahma maa ke pyaare, aaj maa ka din manaaya hai na, to brahma maa ke raajdulaare bachchon ko brahma maa ki aur vishesh aur ki bhi dil se yaad-pyaar aur namaste।

madhuban nivaasiyon se:-

madhuban nivaasiyon ko achhe aur golden chance milte hain isliye drama anusaar jinhen baar-baar golden chance milte hain unhein baapdaada bade-te-bade chancellor kehte hain। seva ka phal aur bal donon hi praapta hota hai। bal bhi mil raha hai, woh bal seva kar raha hai, aur phal sada shaktishaali banaae aage badha raha hai। sabse jyaada murliyaan kaun sunta hai?madhuban vaale। vo to ginti se murliyaan sunte hain aur aap sada hi murliyaan sunte rehte ho। sunne mein bhi number one ho aur karne mein?karne mein bhi one number ho ya kabhi tu ho jaata hai? jo sameep hote hain un par vishesh hujjat hoti hai to baapdaada ki bhi vishesh hujjat hai, karna hi hai aur number one karna hai। kisi mein bhi number peechhe nahin। sab jama ke khaate number one full hone chaahiye। ek bhi khaata jara khaali nahin hona chaahiye। jese madhuban mein sarva praaptiyaan - chaahe aatmik,chaahe shaareerik sab number one milti hai - aise ab karne mein sada number one। one ki nishaani hai har baat mein win karna। agar win (vijayi) hain to one zaroor hain। win kabhi-kabhi hain to number one nahin। achha- seva ki mubaarken seva ke sartiphiketsa to bahut mile hain aur kaun se certificate lene hain? ek- apne purooshaartha mein dilapsand ho, doosra- prabhu pasand ho aur teesra- parivaar pasand ho ho। yeh teenon certificate harek ko lene hain। aise nahin ek certificate ho dil-pasanda ka doosre na hon। teenon hi chaahiye। to baap ke pasand kaun hain? jo baap ne kaha aur kiya। yeh hai prabhu-pasand ka sartaaphiket। aur apne pasand arthaat jo aapki dil hai vahi baap ki dil ho। apne had ke dil-pasand nahin lekin baap ki dil so meri dil। jo baap ki dil-pasand va meri dil-pasand isko kehte hain dil-pasand ka certificate aur parivaar ki santushtata ka certificate। to yeh teenon certificate liye hain? certificate jo milta hai usmein verify bhi hota hai। badon se verify bhi karna pade baap to jaldi raaji ho jaate lekin yeh sabko raani karna hai। to jo saath rehte hain unse certificate ko verify karna pade। baap to jyaada merciful hai na to haan ji kah denge। achha sabhi ki department nirvighna hain svayan bhi nirvighna hain? seva ki khushbu to vishwa mein bhi hai to sookshm vatan tak bhi hai। abhi sirf in teen certificate ko verify karna। achha!

2. bhaaratvaasiyon se:-

aisa anubhav hota hai ki sukhdaata baap ke saath sukhi bachche ban gaye hain? baap sukhdaata hai to bachche sukh swaroop honge na? kabhi duhkh ki lahar aati hai? sukhdaata ke bachchon ke paas duhkh aa nahin sakta। kyonki sukhdaata baap ka khazaana apna khazaana ho gaya hai। sukh apni property ho gai। sukh, shanti,shakti,khushi - aapka khazaana hai। baap ka khazaana so aapka khaajaana ho gaya। baalak so maalik ho na! achha। bhaarat bhi kam nahin hai। har group mein pahunch jaate hain। baap bhi khush hote hain। paanch hajaar varsha khoye hue phir se mil jaaen to kinti khushi hogi। agar koi10-12 varsha bhi khoya hua bhi phir se milta hai to kitni khushi hoti hai। aur yeh 5 hajaar varsha baap aur bachche alag ho gaye aur ab phir se mil gaye। isliye bahut khushi hai na। sabse jyaada khushi kiske paas hai?sabhi ke paas hai। kyonki yeh khushi ka khazaana itna bada hai jo kitne bhi leven, jitne bhi lenve,akhut hai। iseelie har ek adhikaari aatma hai। aise hain na? sangamayug ko kaun-sa yug kehte hain? sangamayug khushi ka yug hai। khazaane hi khazaane hain, jitne khazaane chaaho utna bhar sakte ho। dhanvaan bhav ka,sarva khazaane bhav ka vardaan mila hua hai। sarva khazaanon kaar vardaan praapta hai। brahman-jeevan mein to khushiyaan-hi-khushiyaan hain। yeh khushi kabhi gaayab to nahin ho jaati hai? maaya chori to nahin karti hai khazaanon ki? jo saavdhaan,hoshiyaar hota hai uksa khazaana kabhi koi loot nahin sakta। jo thoda-sa albela hota hai uska khazaana loot lete hain। aap to saavdhaan ho na ya kabhi-kabhi so jaate ho?koi so jaate hain to chori ho jaati hai na। albele ho gaye। sada hoshiyaar, sada jaagti jyoti rahe to maaya ki himmat nahin jo khazaana loot kar le jaaai। achha - jahaan se bhi aaye ho sab padmaapadma bhaagyavaan ho! yahi geet gaate raho - sab kuchh mil gaya। 21janmon ke liye guarantee hai ki ye khazaane saath rahenge। itni badi guarantee koi de nahin sakta। to yeh guarantee card le liya hai na! yeh guarantee card koi rivaaji aatma dene vaali nahin hai। daata hai, isliye koi dar nahin hai, koi shak nahin hai। achha!