Avyakt murli for Thursday 31 December 1992

>

31-12-92 om shanti avyakt baapdaadaamdhuban

saphalta praapta karne ka saadhan-sab-kuchh saphal karo

apne sarva khazaanon ko saphal karne ki lagan mein magna rahne vaale bachchon prati nav-jeevan daata baapdaada bole -

aaj nav-jeevan dene vaale rachta baap apni nav-jeevan banaane vaale bachchon ko dekh rahe hain। yeh nav-jeevan arthaat shreshtha brahman-jeevan hai hi nav-yug ki rachna karne ke liye। to har brahman aatma ki nai jeevan nav-yug laane ke liye hi hai jismen sab naya hi naya hai। prakriti bhi satopradhaan arthaat nai hai।

duniya ke hisaab se naya varsha manaate hain-naye varsha ki badhaaiyaan dete hain va ek-do ko naye varsha ki nishaani gift bhi dete hain। lekin baap aur aap nav-yug ki mubaarak dete ho। sarva aatmaon ko khushkhabri sunaate ho ki ab nav-yug arthaat golden duniya ‘sat-yug’va ‘svarga’aaya ki aaya! yahi seva karte ho na। yahi khushkhabri sunaate ho na। naye yug ki golden gift bhi dete ho। kya gift dete ho?janma-janma ke anek janmon ke liye vishwa ka raajya-bhaagya। is golden gift mein sarva anek giphtas aa hi jaati hain। agar aaj ki duniya mein koi kitni bhi badi te badi va badhiya te badhiya gift de,to bhi kya denge? agar koi kisko aajkal ka taaj va takhta bhi de de, woh bhi aapki satopradhaan golden gift ke aage kya hai? badi baat hai kya?

nav-jeevan rachta baap ne aap sabhi bachchon ko yeh amoolya avinaashi gift de di hai। adhikaari ban gaye ho na। brahman aatmaayen sada akhut nishchay ki phalak se kya kehte ki yeh vishwa ka raajya-bhaagya to hamaara janmasiddha adhikaar hai! itni phalak hai na। ya kabhi kam ho jaati, kabhi jyaada ho jaati? ‘‘nishchay hai aur nishchit hai’’-is adhikaar ki bhaavi ko koi taal nahin sakta। nishchaybuddhi aatmaon ke liye yeh nishchit bhaavi hai। nishchit hai na। ya kuchh chinta hai-pata nahin, milega ya nahin? kabhi sankalp aata hai?agar brahman hain to nishchit hai-brahman so pharishta,pharishta so devta। pakka nishchay hai na। ki thodi halchal hoti hai? achal,atal hai?to aisi golden gift baap ne aapko di aur aap kya karenge?auron ko denge। alpakaal ki gift hai to alpakaal samaapta hone par gift bhi samaapta ho jaati hai। lekin yeh avinaashi gift har janma aapke saath rahegi।

vaastavik manaana to nav-yug ka hi manaana hai। lekin is sangamayug mein har din hi manaane ka hai,har din mauj mein rahne ka hai, har din khushi ke jhoole mein jhoolne ka hai va khushi mein naachne ka hai,avinaashi geet gaane ka hai। isliye brahman jeevan ka har din manaate rehte ho। har din braahmanon ke liye utsaah-umang badhaane vaala utsav hai। isliye yaadgaar roop mein bhi bhaarat mein anek utsav manaate rehte hain। yeh prasiddha hai ki bhaarat mein saal ke sabhi din manaane ke hain। aur kahaan bhi itne utsav nahin hote jitne bhaarat mein hote hain। to yeh aap braahmanon ke har din manaane ka yaadgaar bana hua hai। isliye naye varsha ka din bhi mana rahe ho। naya varsha manaane ke liye aaye ho। to sirf ek din manaayenge? pahli taareekh khatma hogi to manaana bhi khatma ho jaayega?

aap shreshtha aatmaon ka naya janma arthaat is brahman janma ki shreshtha raashi hai-har din manaana,har din utsav। aapki janma-patri mein likha hua hai ki har din sada shreshtha se shreshtha hona hai। aap braahmanon ki shreshtha raashi hai hi sada udti kala ki। aise nahin ki do din bahut achhe aur phir do din ke baad thoda pharka hoga। mangal achha rahega,guroovaar usse achha rahega, shukravaar phir vighna aayega-aisi raashi aapki hai kya? jo ho raha hai woh bhi achha aur jo hone vaala hai woh aur achha! isko kehte hain braahmanon ke udti kala ki raashi। brahman jeevan ki raashi badal gai। kyonki naya janma hua na। to is varsha har roj apni shreshtha raashi dekh practical mein laana।

duniya ke hisaab se yeh naya varsha hai aup aap braahmanon ke hisaab se vishesh avyakt varsha mana rahe ho। naya varsha arthaat avyakt varsha ka aarambha kar rahe ho। to is naye varsha ka va avyakt varsha ka vishesh slogan sada yahi yaad rakhna ki sada saphalta ka vishesh saadhan hai-har second ko, har shvaans ko, har khazaane ko saphal karna। saphal karna hi saphalta ka aadhaar hai। kisi bhi prakaar ki saphalta-chaahe sankalp mein,bol mein, karma mein, sambandh-samparka mein, sarva prakaar ki saphalta anubhav karne chaahte ho to saphal karte jaao, vyartha nahin jaaye। chaahe sva ke prati saphal karo,chaahe aur aatmaon ke prati saphal karo। to automatically saphalta ki khushi ki anubhooti karte rahenge। kyonki saphal karna arthaat vartamaan ke liye saphalta aur bhavishya ke liye jama karna hai।

jitna is jeevan mein ‘samay’ saphal karte ho, to samay ki saphalta ke phalasvaroop raajya-bhaagya ka full (Full) samay raajya-adhikaari bante ho। har shvaans saphal karte ho, iske phalasvaroop anek janma sada svastha rehte ho। kabhi chalte-chalte shvaans banda nahin hoga, heart fail nahin hoga। ek guna ka hajaar guna saphalta ka adhikaar praapta karte ho। isi prakaar se sarva khazaane saphal karte rehte ho। ismen bhi vishesh gyaan ka khazaana saphal karte ho। gyaan arthaat samajh। iske phalasvaroop aise samajhdaar bante ho jahaan bhavishya mein anek vajeeron ki raay nahin leni padti, svayan hi samajhdaar ban raajya-bhaagya chalaate ho। doosra khazaana hai-sarva shaktiyon ka khazaana। jitna shaktiyon ke khazaane ko kaarya mein lagaate ho, saphal karte ho utna aapke bhavishya raajya mein koi shakti ki kami nahin hoti। sarva shaktiyaan svatah hi akhanda, atal,nirvighna kaarya ki saphalta ka anubhav karaati hain। koi shakti ki kami nahin। dharma-satta aur raajya-satta - donon hi saath-saath rehti hain। teesra hai-sarva gunon ka khazaana। iske phalasvaroop aise gunmoorta bante ho jo aaj last samay mein bhi aapke jad chitra ka gaayan‘sarva gun sampanna devta’ ke roop mein ho raha hai। aise har ek khazaane ki saphalta ke phalasvaroop ka manan karo। samjha?aapas mein is par roohrihaan karna। to is avyakt varsha mein saphal karna aur saphalta ka anubhav karte rehna।

yeh avyakt varsha vishesh brahma baap ke sneh mein mana rahe ho। to sneh ki nishaani hai-jo snehi ko priy woh sneh karne vaale ko bhi priy ho। to brahma baap ka sneh kisse raha?murli se। sabse jyaada pyaar murli se raha na tab to murleedhar bana। bhavishya mein bhi isliye murleedhar bana। murli se pyaar raha to bhavishya shreekrishna roop mein bhi ‘murli’ nishaani dikhaate hain। to jisse baap ka pyaar raha usse pyaar rehna-yeh hai pyaar ki nishaani। sirf kahne vaale nahin-brahma baap bahut pyaara tha bhi aur hai bhi। lekin nishaani?jisse brahma baap ka pyaar raha,ab bhi hai-usse pyaar sada dikhaai de। isko kahenge brahma baap ke pyaare। nahin to kahenge nambarvaar pyaare। number one nahin kahenge, nambarvaar kahenge। avyakt varsha ka lakshya hai-baap ke pyaar ki nishaaniyaan practical mein dikhaana। yahi manaana hai। jisko doosre shabdon mein kehte ho baap samaan banna।

jo bhi karma karo,vishesh underline karo ki karma ke pahle, bol ke pahle, sankalp ke pahle check karo ki yeh brahma baap samaan hai, yeh pyaar ki nishaani hai? phir sankalp ko swaroop mein laao, bol ko mukh se bolo, karma ko karmendriyon se karo। pahle check karo, phir practical karo। aise nahin ki socha to nahin tha lekin ho gaya। nahin। brahma baap ki visheshta vishesh yahi hai-jo socha woh kiya, jo kaha woh kiya। chaahe naya gyaan hone ke kaaran apojishan kitni bhi rahi lekin apne svamaan ki smriti se, baap ke saath ki samarthi se aur dridhta,nishchay ke shastra se, shakti se apni pojishan ki seat par sada achal-atal rahe। to jahaan pojishan hai vahaan apojishan kya karegi। apojishan, pojishan ko dridh banaati hai। hilaati nahin, aur dridh banaati hai। jiska practical vijayi banne ka saboot svayan aap ho aur saath-saath chaaron or ki seva ka saboot hai। jo pahle kehte the ki yeh dhamaal karne vaale hain,ve ab kehte hain-kamaal karke dikhaai hai! to yeh kaise hua?apojishan ko shreshtha pojishan se samaapta kar diya।

to ab is varsha mein kya karenge? jaise brahma baap ne nishchay ke aadhaar par, roohaani nashe ke aadhaar par nishchit bhaavi ke gyaata ban second mein sab saphal kar diya; apne liye nahin rakha,saphal kiya। jiska pratyaksha saboot dekha ki antim din tak tan se patra-vyavhaar dvaara seva ki, mukh se mahaavaakya uchchaaran kiye। antim divas bhi samay, sankalp,shareer ko saphal kiya। to sneh ki nishaani hai-saphal karna। saphal karne ka arth hi hai-shreshtha taraph lagaana। to jab saphalta ka lakshya rakhenge to vyartha svatah hi khatma ho jaayega। jaise-roshni se andhakaar svatah hi khatma ho jaata hai। agar yahi sochte raho ki andhakaar ko nikaalo…-to time bhi vesta,mehnat bhi vesta। aisi mehnat nahin karo। aaj krodh aa gaya, aaj lobh aa gaya, aaj vyartha sun liya, bol diya, aaj vyartha ho gaya-isko sochte-sochte mehnat karte dilshikasta ho jaayenge। lekin ‘‘saphal karna hai’’-is lakshya se vyartha svatah hi khatma ho jaayega। yeh saphal ka lakshya rakhna maano roshni karna hai। to andhakaar svatah hi khatma ho jaayega। samjha,avyakt varsha mein kya karna hai? baapdaada bhi dekhenge ki number one pyaare bante hain ya nambarvaar pyaare bante hain। sabhi number one banenge? double videshi kya banenge? number one banenge? ‘number one’kehna bahut sahaj hai! lekin lakshya dridh hai to lakshan avashya aate hain। lakshya lakshan ko kheenchata hai। ab aapas mein plan banaana, sochna। baapdaada khush hain। agar sab number one ban jaayen to bahut khush hain। first division to lamba-chauda hai,ban sakte ho। first division mein sab first hote hain। to naye varsha ki yeh mubaarak ho ki sabhi number one banenge।

vyartha par win karenge to one aayenge। vyartha par win nahin karenge to one nahin banenge। abhi bhi vyartha ka khaata hai-kiska sankalp mein,kiska bol mein, kiska sambandh-samparka mein। abhi poora khaata khatma nahin hua hai। isliye kabhi-kabhi nikal aata hai। lekin lakshya apni manzil ko avashya praapta karaata hai। vyartha ko stop kaha aur stop ho jaae। jab stop karne ki shakti aayegi to jo puraane khaate ka stock hai woh khatma ho jaayega। itni shakti ho। parmaatma-siddhi hai। riddhi-siddhi vaale alpakaal ka chamatkaar dikhaate hain aur aap parmaatma-siddhi vaale vidhi dvaara siddhi ko praapta karne vaale ho। parmaatma-siddhi kya nahin kar sakti! ‘stop’socha aur stop hua। itni shakti hai?ya stop kahne ke baad bhi ek-do din bhi lag jaate to ek ghanta, 10ghanta bhi lag jaata hai? stop to stop। to yahi nishaani baap ko deni hai। samjha?

seva ki saphalta va pratyakshata to drama anusaar badhti jaayegi। badh rahi hai na abhi। pahle aap nimantran dete the, abhi ve aapko nimantran dete hain। to seva ke saphalta ki pratyakshata ho rahi hai na। aap logon ko koi stage milne ki va degree milne ki aav-shyakta nahin hai, lekin yeh seva ki pratyakshata hai। bhagwan ki degree ke aage yeh degree kya hai। (udaypur vishvavidyaalay ne daadi ji ko maanad doctorate ki degree di hai) lekin yeh bhi pratyakshata ka saadhan hai। saadhan dvaara seva ki pratyakshata ho rahi hai। bani banaai stage milni hi hai। woh bhi din aana hi hai jo yeh dharmanetaayen bhi aapko aamantrit karke chief guest aapko hi banaayenge। abhi thoda baahar ki rooprekha mein unko rakhna padta hai, lekin andar mein mahsoos karte hain ki in pavitra aatmaon ko seat milni chaahiye। raajneta to kah bhi dete hain ki-hamko chief guest banaate ho, yeh to aap hi bante to behtar hota। lekin drama mein naam unhon ka, kaam aapka ho jaata hai।

jaise seva mein pratyakshata hoti ja rahi hai, vidhi badalti ja rahi hai। aise har ek apne mein sampoornata aur sampannata ki pratyakshata karo। abhi iski aavashyakta hai aur avashya sampanna honi hi hai। kalpa-kalpa ki nishaani aapki siddha karti hai ki saphalta hui hi padi hai। yeh vijay maala kya hai? vijayi bane hain, saphaltaamoorta bane hain to to nishaani hai na! is bhaavi ko taal nahin sakte। koi kitna bhi soche ki abhi to itne taiyaar nahin hue hain, abhi to khit-khit ho rahi hai-ismen ghabraane ki jaroorat nahin। kalpa-kalpa ke saphalta ki guarantee yeh yaadgaar hai। ‘kya hoga’, ‘kaise hoga’-is question-mark ki bhi aavashyakta nahin hai। hona hi hai। nishchit hai na। nishchit bhaavi ko koi hila nahin sakta। agar naav aur khivaiya majboot hain to koi bhi toofaan aage badhaane ka saadhan ban jaata hai। toofaan bhi tohpha ban jaata hai। isliye yeh beech-beech mein baaeeplaatsa hote rehte hain। lekin atal bhaavi nishchit hai। itna nishchay hai? ya thoda kabhi neeche-oopar dekhte ho to ghabra jaate ho-pata nahin kaise hoga, kab hoga? question-mark aata hai? yeh toofaan hi tohpha banega। samjha? isko kaha jaata hai nishchaybuddhi vijayi। sirf follow father। achha!

sarva atal nishchay buddhi vijayi aatmaayen,sada har khazaane ko saphal karne vaale saphaltaamoorta aatmaayen, sada brahma baap ko har kadam mein sahaj follow karne vaale, sada nai jeevan aur navayug ki smriti mein rahne vaali samartha aatmaayen, sada svayan mein baap ke sneh ki nishaaniyon ko pratyaksha karne vaali vishesh aatmaon ko shreshtha parivartan ki,avyakt varsha ki mubaarak, yaad,pyaar aur namaste।

daadiyon se mulaakaat

drama ka drishya dekh harshit ho rahi ho na। ‘‘vaah drama vaah! vaah baba vaah…’’-yahi geet anaadi, avinaashi chalte rehte hain। bachche baap ko pratyaksha karte hain aur baap shakti sena ko pratyaksha karte hain। achhi seva rahi। nai rooprekha to honi hi hai। aise hi sabke mukh se ‘‘baba-baba’’shabd nikalta rahe। kyonki vishwa-pita hai। to brahman aatmaon ke dil se, mukh se to ‘baba’nikalta hi hai, lekin sarva aatmaon ke dil se va mukh se ‘‘baba’’nikle। tab to samaapti ho na। chaahe ‘‘aho prabhu’’ ke roop mein nikle,chaahe ‘‘ vaah baba’’ ke roop mein nikle। lekin‘baba’ shabd ka parichay milna to hai hi। to abhi yahi seva ka saadhan anubhav kiya ki ek mike kitni seva kar sakta hai। sandesh dene ka kaarya to ho hi jaata hai na। to abhi mike taiyaar karne hain। yeh (raajasthaan ke raajyapaal do.em.channa reddi) sample hai। phir bhi mike taiyaar karne mein bhaarat ne number to le hi liya। aise taiyaar karna hai abhi! raajasthaan ka mike aabu ne taiyaar kiya hai,raajasthaan ne nahin। teer to aabu se laga na। achha!

avyakt-baapdaada ki personal mulaakaat

group nan.1

mahaaveer woh jiske svapna mein bhi duhkh ki lahar na aave

sabhi apne ko mahaaveer anubhav karte ho?mahaaveer arthaat master sarvashaktivaan। jo mahaaveer aatma hai uske liye sarva shaktiyaan sada sahayogi hain। aise nahin ki koi shakti sahayogi ho aur koi shakti samay par dhokha dene vaali ho! har shakti order par chalne vaali ho। jis samay jo shakti chaahiye vo sahayogi banti hai ya time nikal jaata hai, peechhe shakti kaam karti hai? order kiya aur hua। ye sochna va kehna na pade ki-karna nahin chaahiye tha lekin kar liya,bolna nahin chaahiye lekin bol liya। isse siddha hai ki shakti samay par sahayogi nahin hoti। sunna nahin chaahiye lekin sun liya, to kaan karmendriy apne vash mein nahin hui na! agar sunne nahin chaahte aur sun liya to kaan ne dhokha de diya। apni karmendriyaan agar samay par dhokha de den to usko raaja kaise kahenge?

raajayogi ka arth hi hai har karmendriy order par chale। jo chaahe, jab chaahe, jaisa chaahiye-sarva karmendriyaan vaisa hi karen। mahaaveer kabhi bhi yeh bahaana nahin bana sakta ki samay aisa tha,circumstance aise the, samasya aisi thi। nahin। samasya ka kaam hai aana aur mahaaveer ka kaam hai samasya ka samaadhaan karna,na ki haar khaana। to apne aapko pareeksha ke samay check karo। aise nahin-pareeksha to aai nahin,main theek hoon! paas to paper ke time hona padta hai! ya paper hua hi nahin aur main paas ho gaya?to sada nirbhay hokar vijayi banna। kehna nahin hai,karna hai! chhoti-moti baat mein kamjor nahin hona hai। jo mahaaveer vijayi aatma hote hain vo sada har kadam mein tan se, man se khush rehte hain। udaas nahin rehte,chinta mein nahin aate। sada khush aur bephikra honge। mahaaveer aatma ke paas duhkh ki lahar svapna mein bhi nahin aa sakti। kyonki sukh ke saagar ke bachche ban gaye। to kahaan sukh ka saagar aur kahaan duhkh ki lahar! svapna bhi parivartan ho jaate hain। naya janma hua to svapna bhi naye aayenge na! sankalp bhi naye,jeevan bhi nai।

jab baap ke ban gaye to jaisa baap vaise bachche। baap saagar aur bachche khaali hon-yeh ho sakta hai? saagar ka arth hai sada bharpoor। saagar ke bachche aur sukh se khaali ho jaae-kaun maanega! saagar kabhi sookh nahin sakta। kitna bhi sukhaate rahen lekin saagar samaapta ho sakta hai?to sada baap ki visheshtaaon ko yaad rakho-baap kya aur main kya?kabhi man mein bhi rona na aaye। duhkh ki nishaani hai-rona aur khushi ki nishaani hai-naachna, gaana। agar man mein bhi rona hota hai to samjho duhkh ki lahar hai। sukh ke saagar ke bachche ho to duhkh kahaan se aaya? aisa albelaapan nahin rakhna-ho jaayega, ant mein theek ho jaayenge। nahin। dhokha kha lenge। to sada sukh ke jhoole mein jhoolte raho। isko kaha jaata hai mahaaveer।

group nan.2

pharishta banna arthaat karma karte bhi karma ke bandhan se mukta hona

sabhi apne ko double light arthaat pharishta samajhte ho?pharishte ki vishesh nishaani hai-pharishta arthaat nyaara aur baap ka pyaara, puraani duniya aur puraani deh se lagaav ka rishta nahin। deh se aatma ka rishta to hai,lekin lagaav ka sambandh nahin। ek hai ‘sambandh’ aur doosra hai ‘bandhan’। ek hai karma-bandhan aur doosra hai karma-sambandh। to sambandh to rehna hi hai। jab tak karmendriyaan hain to karma ka sambandh to rahega lekin bandhan nahin ho। bandhan ki nishaani hai-jiske bandhan mein jo rehta hai uske vash rehta hai। jo sambandh mein rehta hai woh svatantra rehta hai, vash nahin hota। karmendriyon se karma ke sambandh mein aana alag baat hai lekin karmabandhan mein nahin aana। pharishta arthaat karma karte bhi karma ke bandhan se mukta। aise nahin ki aaj aankh kahe ki yeh karna hi hai,dekhna hi hai-to vash hokar ke dekh len। jaise koi jel mein bandhan mein hota hai, to jelar jaise chaahe usko bithaayega, chalaayega,khilaayega। to bandhan mein hoga na! vo chaahe main jel se chala jaaoon,to ja sakta hai? bandhan hai na। aise puraane shareer ka bandhan na ho,sirf seva prati sambandh ho। aisi avastha hai? ya kabhi bandhan,kabhi sambandh?bandhan baar-baar neeche le aayega। to pharishta arthaat bandhanmukta। aise nahin-koshish karenge। ‘koshish’shabd hi siddha karta hai ki puraani duniya ki kashish hai। ‘koshish’shabd nahin। karna hi hai,hona hi hai। ‘hai’-’hai’…uda dega, ‘ge’-’ge’…neeche le aayega। to ‘koshish’ shabd samaapta karo। pharishta arthaat jeevanmukta,jeevan-bandhan nahin। na deh ka bandhan, na deh ke sambandh ka bandhan, na deh ke padaarthon ka bandhan। aise jeevanmukta ho? avyakt varsha ka arth hi hai pharishta sthiti mein sthit rehna।

check karo ki kaunsa lagaav neeche le aata hai? apni deh ka lagaav khatma kiya to sambandh aur padaartha aape hi khatma ho jaayenge। apni deh ka lagaav agar hai to sambandh aur padaartha ka lagaav bhi avashya hi kheenchega। isliye pahla paath padhaate ho ki-deh-bhaan ko chhodo, tum deh nahin aatma ho। to yeh paath pahle apne ko padhaaya hai? deh-bhaan ko chhodne ka sahaj te sahaj tareeka kya hai?chalo, aatma bindi yaad nahin aati, khisak jaati hai। lekin yeh to vaayda hai ki tan bhi tera,man bhi tera,dhan bhi tera…। jab deh meri hai hi nahin to lagaav kisse?jab mera hai hi nahin to mamta kahaan se aai? mere mein mamta hoti hai! jab mainne de diya to lagaav khatma hua। is ek baat se hi sab lagaav sahaj khatma ho jaayenge। abhi yeh deh baap ki amaanat hai seva ke liye। to sada pharishta banne ke liye pahle yeh practical abhyaas karo ki seva arth hai,amaanat hai,main trustee hoon। trustee agar trust ki cheej mein trust nahin kare to usko kya kaha jaayega? is baat ko pakka karo। phir dekho,pharishta banna kitna sahaj lagta hai! ‘mera ek baba’; aur mera sab-kuchh is ‘ek mere’mein sama gaya। sabhi sametne aur samaane mein hoshiyaar ho na! vo mera-mera hai phansaane vaala aur yeh ek mera hai chhudaane vaala। ‘ek mera’ kaha to sab chhoota। achha!

dilli vaalon ne kaunsa mike taiyaar kiya hai?dilli mein mike to bahut hain na! jitne dilli mein mike hain utne kahaan bhi nahin hain। aabu ne mike taiyaar karke dikhaaya hai। lekin dilli vaalon ne nahin kiya hai। to follow head-quarter (mukhyaalay)। mike se jo seva hoti hai aur aap jo seva karenge-kitna pharka hai! aap khud apna parichay do aur doosra aapka parichay de, to prabhaav kiska padega? to mike ka kaam hai aapka parichay dena! iska prabhaav to padta hai na। chaahe maanen,chaahe nahin maanen lekin yeh to samajhte hain ki kuchh hai…। pahle yeh teer lagta hai,phir kuchh ke baad sab kuchh hota hai। to pahle teer lagaao। mike taiyaar karo। kyonki dilli ka jo mike niklega uska aavaaj aur bhi bulanda hoga। dilli ka mike aur powerful hoga jo world mein aavaaj phaila sakega। is varsha hi taiyaar karenge ya doosre varsha?dilli ki dharni to dev aatmaon ka aahvaan kar rahi hai। dilli ki dharni par hi devaatmaayen aayengi। to dilli vaalon ko seva bhi aisi karni hai। achha! himmat rakhne vaalon ko madad milti hai।

group nan.3

vishwa-raajya ke takhtansheen banne ka aadhaar hai-akaaltakhtansheen banna

apne ko takhtansheen shreshtha aatma anubhav karte ho? aatma sada kis takhta par viraajmaan hai, jaante ho? isko kaunsa takhta kehte hain? akaal hai na। aatma akaal hai, isliye uske takhta ka naam bhi akaaltakhta hai। aatma shareer mein sada bhrikuti ke beech akaaltakhtansheen hai। to takhta nasheen jo hota hai use raaja kaha jaata hai। takhta par to raaja hi baithega na। to aap aatma bhi akaaltakhtansheen raaja ho। aur akaaltakhtansheen aatmaae baap ke dil ka takhta aur vishwa ke raajya ka takhta bhi praapta karti hain। to teenon hi takhta kaayam hain? takhta par baithna aata hai? ya ghadi-ghadi neeche aa jaate ho? jo pahle akaaltakhtansheen ho sakte hain vahi baap ke diltakhtansheen ho sakte hain aur jo diltakhtansheen hain vahi vishwa ke raajya ke takhtansheen ho sakte hain। to pahla aadhaar hai-akaaltakhta। svaraajya hai to vishwa-raajya hai। jisko svaraajya karna nahin aata woh vishwa ka raajya nahin kar sakta। to svaraajya ka takhta hai yeh bhrikuti-akaaltakhta। baap aur bachche ke sambandh ka takhta hai baap ke dil ka takhta। in do takhta ke aadhaar par vishwa ke raajya ka takhta। to pahle foundation kya hua? akaaltakhta।

akaaltakhtansheen aatma sada nashe mein rehti hai। takhta ka nasha to hoga na। lekin yeh roohaani nasha hai। alpakaal ka nasha nahin,nuksaan vaala nasha nahin। yeh roohaani nasha had ke nashon ko samaapta kar deta hai। had ke nashe to anek prakaar ke hain aur roohaani nasha ek hai। main baap ka,baap mera-yeh roohaani nasha hai। baap ka ban gaya-yeh roohaani nasha hai। to yeh roohaani nasha sada rehta hai?ya utarta-chadhta hai-kabhi jyaada chadhta, kabhi kam chadhta? agar koi raaja ho,takhta bhi ho lekin takhta ka,raajaai ka nasha nahin ho to woh raaja bina nashe ke raajya chala sakega? agar aatma roohaani nashe mein nahin to svaraajya kaise kar sakenge?raajya mein halchal hogi। dekho, praja ka praja par raajya hai to halchal hai na। agar aatma svaraajya ke nashe mein nahin,to praja ka praja par raajya ho jaata hai। yeh karmendriyaan hi raajya karti hain। to praja ka raajya hua na। uska nateeja hoga-halchal। to sada takhtansheen aatma ka roohaani nasha rakho। aisa shreshtha baap ke dil ka takhta saare kalpa mein nahin mil sakta। vishwa ke raajya ka takhta to anek janma milta hai lekin baap ke diltakhtansheen sirf abhi hote hain। to uska phaayda lena chaahiye na।

jo baap ke diltakhtansheen hai uske aage koi vighna,koi samasya nahin aa sakti। na prakriti vaar kar sakti, na maaya vaar kar sakti। diltakhtansheen banna arthaat sahaj prakritijeet,maayaajeet banna। to aise prakritijeet,maayaajeet bane ho? prakriti bhi halchal mein laati hai na। prakriti ki halchal brahman aatmaon ko hila deti hai?to halchal nahin honi chaahiye na। takhta nasheen nahin hain to halchal mein aate hain। agar takhta nasheen hon to kiski himmat nahin halchal mein laaye। to halchal mein aana achha lagta hai? achha nahin lagta hai lekin ho jaata hai। to parvash ho gaye na। bandhana kisi ko bhi achha nahin lagta hai,lekin jab parvash ho jaata hai to bandha jaata hai। to parvash aatma ho ya svatantra aatma ho? mukta kab honge? jeevan-mukti ka maja to abhi hai। bhavishya mein jeevan-mukta aur jeevan-bandha ka kantraasta nahin hoga। lekin is samay to samajhte ho na ki jeevan-bandha kya hai, jeevan-mukta kya hai। is samay ke jeevanmukta ka anubhav shreshtha hai। jeevan mein hain lekin mukta hain, bandhan mein nahin hain। aap logon ka slogan hai-mukti aur jeevanmukti janmasiddha adhikaar hai। to adhikaar praapta kiya hai? ya jab paramdham mein jaayenge tab hi praapta karenge?vahaan to pata hi nahin padega-mukti kya hai, jeevan-mukti kya hai। iska anubhav to abhi hota hai। anubhvi ho na। sabhi ne jeevan-mukta ka anubhav kiya hai ya jab satayug mein jaayenge tab karenge? brahman jeevan mein jeevan-mukti ka anubhav ho sakta hai? (ho sakta hai) to hota hai?

baapdaada ne pahle bhi sunaaya hai ki jab aapki rachna kamal pushpa mein yeh visheshta hai ki nyaara rah sakta hai, jal mein rehte jal ke bandhan se mukta hai। to manushyaatma rachta hai aur woh rachna hai। to rachna mein yeh visheshta hai aur master rachta mein nahin? hai na। kabhi bhi bandhanmukta ke bajaae agar bandhanayukta ho jaao, bandhan mein phans jaao to apne saamne kamal pushpa ka drishtaanta rakho ki jab kamal pushpa nyaara-pyaara ban sakta hai to kya master sarvashaktivaan nahin ban sakta! to sada ban jaayenge। thoda time bante hain, thoda time nahin bante hain-ismen maja nahin hai na। kabhi bandhan, kabhi bandhanmukta-yeh achha lagta hai?to jo achhi cheej nahin lagti use chhod diya jaata hai। ya thoda-thoda rakha jaata hai? to jeevanmukta banne ki vidhi kya hai? nyaara aur pyaara banne ki vidhi kya hai? takhtansheen bano। sada takhtansheen aatma ban jeevanmukti ka anubhav karte raho। yeh jeevanmukti ki sthiti bahut pyaari hai।

sabhi sada raaji rahne vaale ho? har baat mein raaji-koi gaali deve to bhi raaji, koi insult (apmaan) kar de to bhi raaji! ya us samay kaaji ban jaate ho?sada khush rahne vaale, sada raaji rahne vaale sameep bhi bante aur samaan bhi bante। raaji rehna arthaat sarva raazon ko jaanna। naaraaz maana raaz nahin jaante to naaraaz rehte hain। aap to sab raaz jaan gaye ho na। to raaz ko jaanne vaale raaji rahenge na। naaraaz vo rehta jo raaz ko nahin jaanta। aap to trikaaldarshi,knowledgeful ho gaye ho na। to sab raaz ko jaanne vaale,sada raaji rahne vaale hain। ya pravritti mein thodi khitkhit hoti hai to naaraaj ho jaate ho? sada raaji rehte ho?phalak se kaho-haan ji,ham nahin rahenge to kaun rahenge! sadaiv yeh smriti rakho ki bhagwan baap ke banne se ab raaji nahin honge to kab honge?abhi to hona hai na। iseelie kehte hi hain khush-raaji। jo khush hoga vo raaji hoga, jo raaji hoga vo khush hoga। poochhte hain na ek-do se-khush-raaji ho? to sada raaz ko jaanne vaale arthaat sada khush rahne vaale-khush-raaji। aise nahin-yahaan kaho ‘haan’aur vahaan jaao to kaho ‘kya karen?’

group nan.4

visheshtaayen baap ki den hain, isliye kabhi bhi meraapan na aaye

baap dvaara jo sarva khazaane mile hain un sabhi khazaanon ki chaabi kya hai?kaunsi chaabi lagaane se anubhav hota hai? ‘mera baba’-yahi chaabi hai। ‘mera’aur phir ‘baba’। to jab mera ho gaya to jo baap ka so aapka ho gaya aur‘baba’kaha arthaat varse ke adhikaari bane। khazaane sabhi aatmaon ko praapta hain lekin khazaanon ka anubhav tab kar sakte ho jab dil se ye smriti mein rahe ki ‘mera baba’। baap kehte hi varsa yaad aa jaata hai।

maalik ke saath baalak bhi ho aur baalak ke saath maalik bhi ho। baalak banne se sada bephikra, sada double light rehte hain aur maalik anubhav karne se maalikpan ka roohaani nasha rehta hai। to baalakpan ka anubhav bhi aavashyak hai aur maalikpan ka anubhav bhi aavashyak hai। abhi-abhi maalik,abhi-abhi baalak-yeh donon hi vidhi aati hain? kai aisi baaten va sambandh-samparka mein aane se kai samay aise aate hain jismen kahaan maalik banna padta hai aur kahaan baalak banna padta hai। agar baalak banne ke bajaae us samay maalik ban jaayen to bhi halchal mein aa jaate hain aur jis samay maalik banna chaahiye us samay baalak ban jaayen to bhi halchal। jaisa samay vaisa swaroop। koi bhi kaarya karte ho to maalik bankar karte ho lekin jab koi bade yeh final karte hain ki yeh kaam aise nahin, aise ho-to us samay phir baalak ban jaate ho। raay ke samay maalik aur jab majority final karte hain to us samay baalak, us samay maalikpan ka nasha nahin-mainne jo socha vo right hai। abhi-abhi maalik, abhi-abhi baalak। to jaisa samay vaise swaroop mein sthit rehna-yeh vidhi aati hai? isko kaha jaata hai all-round part bajaane vaale। raayabhaadur bhi bane aur ‘haan ji’ karne vaala bhi। to aisa karna aata hai? kyonki is eeshvareey maarga mein kabhi bhi koi aise kah nahin sakta ki meri buddhi ka plan bahut achha hai, meri raay bahut achhi hai, meri raay kyon nahin maani gai? ‘meri’ hai?meri buddhi bahut achha kaam karti hai, meri buddhi ko regard nahin diya gaya। to ‘mera’ hai?jo bhi visheshta hai woh‘meri’hai ya ‘baap’ki den hai?to baap ki den mein meraapan nahin aa sakta। isliye sada hi nyaare aur pyaare rahne vaale। to yeh bhi ek seedhi hai baalak aur maalik banne ki। yeh seedhi hai-kabhi chadho, kabhi utro। kabhi baalak ban jaao,kabhi maalik ban jaao। isse sada hi halke rahenge, kisi prakaar ka bojh nahin।

sab prakaar ka bojh baap ko de diya na। bojh uthaane ki aadat to nahin hai na। bojh uthaane ki aadat hoti hai to kitna bhi kaho, bojh uthaayenge zaroor। bojh uthaane vaale nahin, halke rahne vaale। jitna halka utna oonchi sthiti mein udta rahega। bojh vaale ki nishaani hai-woh neeche svatah hi aa jaata hai aur halke ki nishaani hai-woh svatah sahaj ooncha udta rahega। to kaun ho? udne vaale na। jab samay hi hai udti kala ka,to udti kala ke samay udne mein hi praapti hai। donon mein busy rehte ho-yaad mein bhi aur seva mein bhi। din-raat sevaadhaari ko seva ke bina chain nahin aata hai। aise sevaadhaari ho?ya jab chance milta hai tab seva karte ho?jaise seva mein aage badhte ho aise yaad mein bhi sada aage badho। ‘yaad aur seva ka balance’ sada aage badhaata hai। balance rakhna aata hai? kabhi seva mein bahut aage chale jaao,kabhi yaad mein aage jaao to seva bhool jaao-aise nahin। yaad aur seva - donon sada saath rahen। achha!

pravritti mein rehte sabhi nyaare aur pyaare rehte ho na। kisi bhi bandhan mein phans to nahin jaate ho? aadha kalpa to svayan ko phansaate rahe,nikalne ki koshish karte bhi phansate rahe। ab baap ne sab bandhanon se nyaara bana diya, to sankalp maatra bhi kisi bhi sambandh mein,apne deh mein, padaarthon mein phansana nahin। 63janma anubhav karke dekha na,pansane se kya mila? jo-kuchh tha vo ganvaaya na। to sankalp mein bhi bandhan-mukta। isko kaha jaata hai nyaara aur pyaara। sankalp mein bhi bandhan aakarshit na kare। kyonki sankalp mein aayega to sankalp ke baad phir karma mein aa jaata hai। to sankalp mein hi khatma kar do। isi nyaare aur pyaare arthaat avyakt sthiti ka vishesh abhyaas karna hai। vyakta bhaav mein aate bhi,vyakta bhaav ke aakarshan mein nahin aana। avyakt ka arth hi hai vyakta bhaav se pare। avyakt banna aata hai na। to abhi ‘sada’ shabd ko underline karna। sabhi khush hain? kabhi khushi chali to nahin jaati? kabhi kam ho jaati hai? aapka khazaana hai to badhte rehna chaahiye, kam nahin hona chaahiye। to khush rehna aur khushi baantana। achha hai, seva bhi badhaate chalo aur svayan ko bhi udaate chalo।

group nan.5

gambheerta aur harshitmukhta ke balance se ekras sthiti ka anubhav karo

sabhi baap ke saath aur haath ka anubhav sada karte ho? sada saath arthaat har kadam mein baap ki madad ka sahaj anubhav hota rahe। jaise bachche ko baap ya maa ka saath hota hai to vo kitna sahaj aage badhta rehta hai! to aise saath ka anubhav hota hai? ‘sada’ hota hai ya ‘kabhi-kabhi’hota hai?sam-time (kabhi-kabhi) samaapta hua ya abhi bhi sam-time hai?baap ka saath sahaj banaata hai aur baap ka saath nahin hai, baap se kinaara hai to mushkil hota hai। baap bachchon ko is samay saath rahne ki offer karte hain। to jab baap offer karte hain to is offer ko practical mein laana chaahiye na! 63janma bhinna-bhinna naam-roop mein pukaarte rahe। abhi baap mila hai to sada saath ka anubhav karo।

aap sabka brahma baap se kitna pyaar hai?brahma baap se pyaar hai to brahman culture se bhi to pyaar hai। sabse shreshtha drishti hai anubhav ki। anubhav ke netra se jo dekhte hain vo kabhi bhi kisi ke kahne se halchal mein nahin aa sakte। dekha hua phir bhi sochna padega-pata nahin theek dekha,nahin dekha। lekin anubhav ki aankh se dekhne, anubhav karne vaali cheej sada hi yathaartha hoti hai। sabhi anubhav to kiya hai na। agar ek laakh aatmaae aapko kahen ki brahma baap ko dekha nahin hai aapne; to kya kahenge?kahenge-dekha hai। isse koi aapko hata nahin sakta।

foreign mein kitni maala taiyaar ki hai? 108 ki maala taiyaar ki hai ya 16108 ki? to double foreigners ki alag 108 ki maala banegi ya mix mein aayenge? alag to nahin hai na। to sabhi 108 mein ho! to India vaale kaunsi maala mein aayenge? (sabhi ek mein hi aayenge) himmat achhi rakhte aaye ho aur aage bhi himmat sada aage badhaati rahegi। abhi kanphyooj (moonjhana) hone ki maaya to nahin aati hai na। kabhi-kabhi kanphyooj karti hai? mood change to nahin hoti? to is varsha mein na koi kanphyooj hona aur na kabhi kisi baat se mood change karna। sada har karma mein follow brahma baap। brahma baap bhi sada harshit aur gambheer-donon ke balance ki ekras sthiti mein rahe। to follow father। aur koi maaya to nahin aati hai na। sada apne ko vijayi arthaat maayaajeet anubhav karte udte chalo। to sabhi maayaajeet ho na। sankalp mein bhi maaya nahin aati? vesta thoughts (vyartha sankalp) ke roop mein aati hai?to maayaajeet ka title mil gaya। ki lena hai? ceremony ho gai hai। ya ceremony nahin hui hai? pharishte ki dress pahan li? mil gai?jaise daadi ko doctorate ki dress mili hai, aise hi aapko bhi pharishte ki dress mil gai hai? phir vyartha sankalp kahaan se aaye? to pharishte ko vesta thoughts aate hain kya! abhi vesta ka naam-nishaan khatma kar dena। baapdaada bachchon ka umang-utsaah dekh harshit hote hain। sirf ‘sada’ shabd ko baar-baar underline lagaate rehna। to yeh kaunsa group hai? pharishta group। double foreigners group nahin,pharishta group। achha! jaise sankalp kiya hai vaise sada svayan bhi pharishta ban udte rehna aur auron ko bhi pharishta banaate udte rehna।

group nan.6

bephikra rahne ke liye buddhi ko svachchha banaao

sada apne ko bephikra baadshaah anubhav karte ho? kyonki phikra tab hota hai jab meraapan hai। jab sab baap ke havaale kar diya to bephikra ho gaye na! sab-kuchh baap ko dekar bephikra baadshaah ban gaye। na apni deh hai, na deh ke sambandh hain। to bephikra ho gaye na! sab prakaar ka phikra baap ko de diya। bephikra banne ke kaaran phikra khatma hua aur phakhur yaani nasha aa gaya! kya hoga, kaise hoga, kal kya hoga, parson kya hoga?-yeh phikra rehta hai?jab haalten kharaab hoti hain tab hota hai?phikra rakhne se jo bhi achha kar sakte ho woh bhi nahin kar sakenge। jisko phikra ho jaata hai uski buddhi yathaartha nirnay nahin karti hai। nirnay theek na hone ke kaaran aur hi mushkil badhti jaati hai। isliye sadaiv bephikra honge to buddhi nirnay achha karegi। nirnay achha hua to saphalta hui padi hai। dekho, aaj koi lakhapti hota hai aur kal kakhapti ban jaata hai। kaaran kya hota hai? nirnay shakti right kaam nahin karti hai-’haan’ke bajaae ‘na’kar diya, ‘na’ ke bajaae ‘haan’kar diya;to khatma। nirnay shakti yathaartha kaam tab karegi jab buddhi khaali hogi। phikra se buddhi free nahin hai to aur hi nuksaan hota hai। isliye bephakra arthaat sada man aur buddhi free ho। to aise free ho ya koi kichda hai? yog-agni dvaara jo bhi kichda tha woh jal gaya! agar agni tej nahin hogi to kuchh jalega, kuchh rah jaayega। yog-agni dvaara jo bhi buddhi mein kichda tha vo khatma ho gaya! jiski buddhi itni svachchha hogi vahi sada bephikra rah sakta hai। iseelie sada svachchhata sabko pyaari hai। kahaan bhi gandagi hogi to use kaun pasanda karega! to kisi bhi prakaar ki kamjori-yeh gandagi hai। to sadaiv check karo ki svachchhata hai? mix to nahin hai?jara-sa vyartha sankalp bhi kichda hai।

sada savere apni buddhi ko busy rakhne ka time-table banaao। jaise apni sthool dincharya banaate ho,aise buddhi ka time-table banaao ki is samay buddhi mein is samartha sankalp se vyartha ko khatma karen। jo busy hota hai uske paas koi bhi aata nahin hai, chala jaata hai। agar free hoga to sabhi aakar baith jaayenge। to buddhi ko busy rakhne ki vidhi sadaiv apnaate raho। bade aadmi jo hote hain unka ek-ek second fix hota hai। to aap kitne bade ho! to apne har samay ki dincharya set karo। to vyartha ko samaapta karne ka sahaj saadhan hai-sada busy rehna। jo busy rehta hai woh vyartha sankalpon se mukta hone ke kaaran bephikra aur double light rehta hai! to double light ho na! dridhta hai to saphal ho jaayenge। is saare varsha mein check karna ki saare varsha bephikra rahe? kisi bhi prakaar ka ek second bhi phikra nahin ho। achha!

amritvele2.30 baje naye varsha ki badhaai dete hue baapdaada bole-

chaaron or ke ati snehi, sada sameep rahne vaale sarva bachchon ko naye varsha ki har roz ki padma guna mubaarak। kyonki varsha ka har din koi na koi naveenta le aata hai। sabhi brahman aatmaon ko har samay kuchh na kuchh naveenta apne mein aur seva mein avashya laani hai। to is varsha yeh check karna ki har din mein sva-unnati ke prati va seva ke prati kya naveenta laai hai?sada apni shreshtha stage aur purooshaartha ki speed ko aage badhaate rehna। aap sabhi brahman aatmaon ka aage badhna arthaat vishwa-parivartan ke kaarya mein aage badhne ki nishaani hai। to sada har samay naveenta ki mubaarak lete rehna aur auron ko bhi naye umang-utsaah se aage badhaate rehna। sada umang-utsaah se har din utsav manaate rehna। to sada utsav mein khushi mein naachte rehna aur baap ke gunon ke geet gaate rehna। madhurta ki mithaai se svayan ka mukh meetha karte rehna aur madhur bol, madhur sanskaar, madhur svabhaav dvaara doosron ka bhi mukh meetha karaate rehna। aise naye varsha ki padma guna mubaarak ho,mubaarak ho,mubaarak ho। achha!

jinhonne bhi yaad-pyaar bheja hai, card bheje hain, gift bheji hain un sabko har desh aur har aatma ko naam sahit vishesh mubaarak aur yaad, pyaar। achha!