Avyakt murli for Saturday 26 November 1994

>

26-11-94 om shanti avyakt baapdaadaamdhuban

parmaatma paalna aur parivartan shakti ka pratyaksha swaroop - sahajyogi jeevan

aaj baapdaada har ek bachchon ke mastak par vishesh shreshtha bhaagya ki teen aa lakeeren dekh rahe hain। sarva bachchon ka bhaagya to sada sarvashreshtha hai hi lekin aaj vishesh teen lakeeren chamak rahi hain। ek hai parmaatma paalna ke bhaagya ki lakeer aur doosri hai behad ke oonche te oonche padhaai ke bhaagya ki lakeer। teesri hai shreshtha mat praapta hone ke bhaagya ki lakeer। chaahe laukik, chaahe alaukik, har ek ko is jeevan mein ye teen praaptiyaan hoti hi hain। paalna bhi milti, padhaai bhi milti aur mat bhi milti hai। in teenon dvaara hi har aatma apna vartamaan aur bhavishya banaane ke nimitta banti hain। aap sabhi shreshtha aatmaon ko kiski paalna mil rahi hai? parmaatma­paalna ke andar har second pal rahe ho। jaise param aatma oonche te oonche hain to parmaatma­paalna bhi kitni shreshtha hai! aur is parmaatma­paalna ke paatra kaun bane hain aur kitne bane hain? saare vishwa ki aatmaayen ‘baap’ kehti hain lekin paalna aur padhaai ke paatra nahin banti hain। aur aap kitni thodi­si aatmaayen is bhaagya ke paatra banti ho! saare kalpa mein yahi thoda­sa samay parmaatma­paalna milti hai। daivi paalna, maanav paalna-ye to anek janma milti hai lekin ye shreshtha paalna ab nahin to kab nahin। aise shreshtha bhaagya ki shreshtha lakeer sada apne mastak mein chamakte hue anubhav karte ho? koi bhi praapti sada karna chaahte ho ya kabhi­kabhi karna chaahte ho? to praapti ka purooshaartha bhi sada chaahiye ya kabhi­kabhi chaahiye? aur sada teevra chaahiye ya kabhi saadhaaran, kabhi teevra? practical kya hai? chaahna aur practical mein antar ho jaata hai na! sochte to bahut ho lekin smriti mein kam rakhte ho। sochna swaroop banna hai ya smriti swaroop banna hai? smriti swaroop banne vaale ho na! to ek baat bhi smriti mein rakho ki amritvele aapko uthaane vaala kaun? baap ka pyaar uthaata hai। din ka aarambha kitna shreshtha hai! aur baap svayan milan manaane ke liye bulaate hain, roohrihaan karte hain, shaktiyaan bharte hain! to har din ka aadi kitna shreshtha hai! baap ki mohabbat se uthte ho ki kabhi­kabhi majboori se bhi uthte ho? yathaartha to mohabbat ke geet aapko uthaate hain। amritvele se baap kitna sneh se bulaate hain, uthaate hain - meethe bachche, pyaare bachche, aao…। to jiska aadi itna shreshtha hai to madhya aur ant kya hoga? shreshtha hoga na!

baapdaada dekh rahe the ki kitna paalna ka bhaagya vartamaan samay bachchon ko praapta hai! jitna praapta hai utna phaayda uthaate ho? svapna mein bhi sankalp maatra nahin tha ki itne bhaagya ke paatra banenge! sochne se baahar tha lekin mila kitna sahaj! baap ke pyaar ki paalna ka practical swaroop hi hai ‘sahaj yogi jeevan’। jisse pyaar hota hai uske liye mushkil paristhiti ya mushkil koi bhi baat dekhi­suni nahin jaati। to baap ne bhi mushkil ko sahaj banaaya hai na! sada sahaj hai। to sada hi purooshaartha ki gati teevra ho। aaj bahut achha purooshaartha hai aur kal thodi percentage kam ho gai to kya sada sahaj kahenge? sada mushkil kaun banaate hain? svayan hi banaate ho na? kaaran kya? sochne ki to aadat hai lekin smriti swaroop ke sanskaar kabhi emerge rakhte ho, kabhi merge ho jaate hain। kyonki smriti swaroop so samartha swaroop। sochna, yeh samarthi swaroop nahin hai। smritismarthi hai। vismriti mein kyon aa jaate ho? aadat se majboor ho jaate ho। agar majboot nahin to majboor ho jaayenge। jahaan majboot hain vahaan majboori nahin hai। jab oreejinal aadat vismriti ki nahin hai। aadi mein smriti swaroop praalabdha praapta karne vaali devaatmaayen ho, yog lagaane ka purooshaartha nahin karte lekin smriti swaroop ki praalabdha praapta karte ho। to aadi mein bhi smriti swaroop ka pratyaksha jeevan hai aur anaadi aatma, jab aap paramdham se aai to aap vishesh aatmaon ke sanskaar svatah hi smriti swaroop hain। aur ant mein sangam par bhi smriti swaroop bante ho na! to anaadi, aadi aur ant - teenon hi kaal smriti swaroop hain। vismriti to beech mein aai। to aadi, anaadi swaroop sahaj hona chaahiye ya madhya ka swaroop? sochte ho ki haan, main aatma hoon lekin smriti swaroop ho chalna, bolna, dekhna usmein antar pad jaata hai। to yeh smriti mein rakho ki ham parmaatma paalna ki adhikaari aatmaayen hain।

baapdaada chart check karte hain to lakeer kabhi oonchi, kabhi neechi hoti hai, kabhi koi daag hota hai, kabhi jeevan ke kaagaj mein koi daag nahin bhi hota hai

aur koi samay daag hi daag, ek peechhe doosra, doosre ke peechhe teesra daag hi najar aate hain। kyon? ek to galti ho jaati hai lekin galti hone ke baad bhi usi galti ko sochte rehte ho। kyon, kya, kaise, aise nahin, vaise… kai roop se baat ko chhodte nahin ho। baat aapko chhod kar chali jaati hai lekin aap baat ko nahin chhodte ho। jitna samay sochne swaroop bante ho, yathaartha smriti swaroop nahin bante ho, to daag ke oopar daag lagte jaate hain। paper ka time kam hota hai lekin vyartha sochne ka sanskaar hone ke kaaran paper ka time badha dete ho। second poora hua aur nirvikalp sthiti ban jaaye - yeh sanskaar emerge karo।

nirvikalp banna aata hai na? apne shreshtha bhaagya ko smriti mein laakar sada harshitarho। apne parmaatma paalna ko sada baar­baar smriti mein laao। sunna bhi aata hai, sochna bhi aata hai lekin pharka kya pad jaata hai? baapdaada bachchon ka khel dekhte rehte hain। saare din mein kya­kya khel karte ho - ye raatri ko check karte ho na? maaya ke khilaune bade aakarshan vaale hain। to un khilaunon se khelne lag jaate ho। pahle to bahut pyaar se maaya khel karaati hai aur khel karaate­karaate jab haar khilaati hai tab hosh mein aate hain। majority mein ek vishesh shakti ki kami rah jaati hai। kabhi bahut achhe chalte ho, kabhi chalte ho, kabhi udte ho, aage badhte ho lekin phir neeche kyon aa jaate ho? iska vishesh kaaran kya? parivartan shakti ki kamzori hai। samajhte bhi ho ki ye yathaartha nahin hai lekinaprivartit hone ki kami ho jaati hai। brahman jeevan mein parivartan mein aa gaye, ab koi kahenge ki main brahman nahin hoon? sabhi apne ko bi.ke. likhte ho na! ham brahman hain, yeh samajhte ho na? brahman jeevan mein jo pareekshaayen aati hain usmein parivartan karne ki shakti aavashyak hoti hai। jab vyartha sankalp chalte hain to samajhte bhi ho ki ye vyartha hain। lekin vyartha sankalpon ka bahaav itna tej hota hai jo apne taraph kheenchata jaata hai। jaise nadi ka va saagar ka bahut force hota hai to kitna bhi apne ko rokne ki koshish karte hain lekin phir bhi bahte jaate hain। samajhte bhi ho, sochte bhi ho ki ye theek nahin hai, isse nuksaan hai phir bhi bahaav mein bah jaate ho-iska kaaran kya? parivartan shakti ki kami। pahla vishesh parivartan hai swaroop ka parivartan। main shareer nahin, lekin aatma hoon, yeh swaroop ka parivartan hai। yeh aadi parivartan hai। ismen bhi check karo to jab dehbhaan ka force hota hai to aatma abhimaan ke swaroop mein tik sakte ho ya bah jaate ho? agar second mein parivartan shakti kaam mein aa jaaye to samay, sankalp kitne bach jaate hain। vesta se best mein jama ho jaate hain।

pahli parivartan shakti hai swaroop ka parivartan aur svabhaav ka parivartan। puraana svabhaavpurooshaarthi jeevan mein dhokha deta hai। samajhte bhi ho ki yeh mera svabhaav yathaartha nahin hai aur yeh svabhaav samay prati samay dhokha bhi deta hai-yeh bhi samajhte ho, lekin phir bhi svabhaav ke vash ho jaate ho। phir apne bachaav ke liye kehte ho ki mera bhaav nahin tha, mera svabhaav aisa hai, main chaahta ya chaahti nahin hoon lekin mera svabhaav hai। brahman ban gaye to janma badal gaya, sambandh badal gaya, maa­baap badal gaye, parivaar badal gaya lekin svabhaav nahin badla। phir royal shabd kehte ki meri nature hai। to pahli kamzori swaroop ka parivartan, doosra svabhaav ka parivartan, teesra sankalp ka parivartan। second mein vyartha ko samartha mein parivartan karo। kai samajhte hain bas aadha ghante ka toofaan tha, aadha ghanta, 15 minute chala, lekin aadha ghanta va 15 minute ki kamzori sanskaar bana deti hai na? jaise shareer mein agar koi baar­baarkamzor hota rahe to sada ke liyekamzor ban jaate hain। to 15 minute koi kam nahin hain। sangamayug ka ek­ek second varshon ke samaan hai। to aise albele nahin bano। bhal thoda hi chala lekin ganvaaya kitna? jab kadam mein padam kehte ho to 15 minute mein kitne kadam uthenge aur kitne padam ganvaaye? jama mein to hisaab achha rakhte ho ki kadam mein padam jama ho gaya lekin ganvaane ka bhi to hisaab rakho। to na chaahte hue bhi sanskaar kheenchate hain। jo bhi baat baar­baar hoti vo sanskaar roop mein bhar jaati hai। to sankalp parivartan karo। sirf sochte nahin raho - karna nahin chaahiye, ho gaya, kya karoon? nahin, socho aur karke dikhaao? kehte ho beeti ko bindi lagaao, ek­do ko gyaan dete ho na - koi aakar baat karenge to kahenge theek hai, bindi laga do, lekin svayan bindi lagaate ho? bindi lagaane liye kaun­si shakti chaahiye? parivartan shakti। parivartan shakti vaala sada hi nirmal aur nirmaan rehta hai। jaise pahle bhi baapdaada ne sunaaya hai ki mould hone vaala hi real gold hai। real gold ki nishaani hai vo mould ho jaayega। to check karo ki parivartan shakti samay par kaam aati hai ya samay beet jaane ke baad sochte hi rehte hain? to parivartan shakti ko badhaana hai। jismen parivartan shakti hai vo sabka pyaara banta hai। vichaaron mein bhi sahaj rahega, aage badhte seva mein rehte ho na? seva mein bhi vighna roop kya hota hai? mera vichaar, mera plan, meri seva itni achhi hote hue bhi mera kyon nahin maana gaya? to usko real gold kahenge? meraapan aa gaya, meraapan aana arthaat alloy mix hona। jab real gold mein alloy mix ho jaata hai to vo real rehta hai? uska moolya rehta hai? kitna pharka pad jaata hai! to samay aur vaayumandal ko parakhkar apne ko parivartan karna, iski aavashyakta hai। moti­moti baaton mein parivartan karna to sahaj hai lekin har paristhiti mein, har sambandh, samparka mein samay aur vaayumandal ko samajh svayan ko parivartan karna, yahi number one banna hai। ye nahin socho ki phalaana bhi samjhe na, ye bhi to parivartan kare na, sirf main hi parivartan karoon kya? jo ote so arjun, ismen agar aapne apne ko parivartan kiya to ye parivartan hi vijayi banne ki nishaani hai। samjha।

achha, sab aaraam se pahunch gaye na? aaraam se rahe hue ho na? bhakti maarga ke melon mein kitni mehnat aur mushkil hoti hai! aur ye mela aaraam dene vaala hai na? neend to aaraam se karte ho na? phir bhi neeche (pat mein) sone ke liye, baithne ke liye foam to mila hai na। aur nadi ke kinaare ke mele mein to bhojan bhi khaao to mitti bhi khaao। mele mein apna bhi programme rakhte ho to kitni mitti hoti hai! yahaan to aaraam se achha brahma bhojan milta hai। praaptiyon ko sada saamne rakho to praapti ke smriti swaroop se kamzoriyaan sahaj samaapta ho jaayengi। amritvele se lekar kya­kya praapta hota hai? agar koi poochhe aapko amritvele kaun uthaata hai? koi samjhega ki paramatma inhon ko uthaata hai? hansenge ki paramatma aapke liye bahut phreebaitha hai kya? padhaane ke liye bhi phreehai, uthaane ke liye bhi free hai? to phalak se kehte ho na ki hai hi hamaare liye। koi bujurga maataaon se poochhe - aapka teacher kaun hai to kya kahengi? paramatma humein padhaata hai! aashcharya ki baat hai na! paramatma ko aur koi student nahin mile! achha!

jaise madhuban mein khush rehte ho - aise apne sthaanon ko madhuban banaao। maataaon ko sabse jyaada khushi hai na? khushi ko sambhaalna aata hai? maataaon ko vaise bhi cheezensambhaalne ki aadat hoti hai to khushi ko sada sambhaalkar rakhna। paandavon ko jama karna aata hai, kamaana arthaat jama karna। to paandav jama karne mein hoshiyaar hain। jeb kharcha rakhne mein hoshiyaar hote hain। to sada check karo - kitna ganvaaya, kitna jama kiya? jama ka khaata sada badhta rahe। achhe kamaane vaale ki nishaani yahi hoti hai ki aaj ek hajaar hai to kal do hona chaahiye। aise hoshiyaar ho na?

door baithne vaale aur hi baapdaada ke ati sameep hai। kyonki baapdaada ke paas aisi T.vi. hai jo door vaale bilkul naynon mein aa jaate hain। achha! sab naach rahe hain। bas, naacho, gaao aur brahma bhojan khaao।

double videsheeh­ double videshi bahut chatur hain। sabhi group mein double videshi hote hi hain। vaise videshiyon ki season mein bhi bhaarat vaale to hote hi hain। pahle to yahaan ke (aabu ke) paanch sthaanon ke hote hain। to double videshi phreekhdil hain to bhaaratvaasi bhi phreekhdil bane hain। double videshi sikeeldhe hain। vishesh umang udti kala ka jyaada rehta hai। to jaise udti kala ka lakshya hai, vaise hi lakshya aur lakshan ko samaan banaate hue udte chalo aur udaate chalo। udne vaale to vaise bhi ho। plen mein to udkar aate ho na। to shareer se bhi udne vaale ho aur purooshaartha mein bhi udti kala। lekin lakshya aur lakshan ko aur sameepta mein aage laao। hai, lekin aur sameepta mein laao। isse sada hi shreshtha rahenge। samjha! achha!

dilleeh­dilli ki kalpa ke aadi se ab ant tak kya visheshta hai? (raajdhaani rahi hai) to dehli vaale apne ko sada raajya adhikaari aatmaayen hain ­­ aise shreshtha smriti swaroop anubhav karte ho? kyonki baapdaada ne abhi bhi svaraajya adhikaari banaaya hai। to svaraajya adhikaari so vishwa raajya adhikaari। svaraajya adhikaari kam to vishwa raajya adhikaari bhi kam। isliye dilli vaalon ko vishesh ye nasha hai aur sada rehna hai ki ham svaraajya adhikaari so vishwa raajya adhikaari hain। abhi vishwa sevaadhaari aur svaraajyadhaari hain। kyonki dilli mein jo bhi kaarya hote hain vo vishwa ke kone­kone mein pahunch jaate hain। to vishwa sevaadhaari bhi ho aur svaraajya adhikaari bhi ho aur vishwa ke raajya adhikaari bhi ho। to seva aur raajya donon ki smriti swaroop, ye hai dilli ki visheshta। samjha? achha।

raajasthaanah­raajasthaan ki visheshta kya hai? raajasthaan arthaat taaj­takhtadhaari। raajaaon ki nishaani-taaj hota hai na। to raajasthaan arthaat sada seva ki jimmevaari ke taajdhaari। aur saath­saath baap ke diltakhta nasheen। ek seva ki jimmevaari ka taaj aur doosra light ka। to double taajdhaari bhi hain aur double takhtadhaari bhi। baap ka diltakhta bhi hai aur akaaltakhta bhi hai। to donon takhta ke adhikaari। double takhtadhaari aur double taajdhaari। samjha।

abhi raajasthaan vaalon ko aur seva sthaan badhaane hain। raajasthaan ke sevaakendra ki sankhya aur badhaao। sabhi zone mein se sevaakendra ki list sabse kam se kam kiski hai? (raajasthaan ki) aaj to raajasthaan hai na! raajasthaan vaale abhi kya karenge? sevaakendra badhaayenge? karke dikhaao। thodi mehnat lagti hai na। lekin abhi samay sahayogi ban raha hai isliye abhi mehnat kam lagegi। achha!

banaaras, yu.pi.h­ yu.pi.vaale kya karenge? visheshta karenge na। dehli aur yu.pi. mein pahle­pahle brahma baap ne saakaar mein bahut pyaar se nimantran sveekaar kiya। brahma baap ke saakaar mein jaane ki dharni hai। to jahaan brahma baap ke paanv pade hain vahaan kya hoga? jyaada mein jyaada paavan honge na! to yu.pi. vaale sada apne shreshtha bhaagya ko smriti mein rakh hero paartadhaari ban hero part bajaayenge। jaise brahma baap ki visheshta hero part raha, vaise yu.pi.nivaasi har ek hero paartadhaari ban vishesh part bajaane ke nimitta hain aur rahenge। samjha!

karnaatkah­kanaartak mein sankhya achhi hai, seva achhi hai lekin vishesh nirvighna sevaadhaari banna hai। nirvighna sevaadhaari so nirvighna vishwa raajya adhikaari bhav। to karnaatak nivaasiyon ko vishesh title hai-vighna vinaashak aatmaayen। isi ka hi gaayan aur poojan hai । to karnaatak vaale apna yeh vishesh title smriti mein rakh apne poojya swaroop ko sada saamne rakho। har ek vighna vinaashak hain na? phalak se kaho ki vighna vinaashak hain aur sada rahenge। abhi dekhenge ki kya samaachaar aate hain? vighna vinaashak ka samaachaar aata hai?

mahaaraashtrah­jaisa naam hai mahaaraashtra vaisa vistaar bhi hai। naam hai mahaaraashtra to zone va sankhya mein bhi mahaan mahaaraashtra hai। isliye mahaaraashtra ko sada mahaadaani banna hai। kaun­sa daan karenge? pahle sabse bada daan haisarvis hands। to mahaaraashtra ko seva ke hands nikaalne mein mahaadaani banna hai। vaise nikalte bhi hain lekin aur nikaalo। to mahaaraashtra arthaat mahaadaani, mahaadaani banna arthaatmahaan banna। to thoda aur phreekhdil bano। vaise result mein dekha gaya hai ki training mein jo hands nikalte hain vo jyaada mahaaraashtra ke hi nikalte hain। ye visheshta hai। isliye baapdaada is visheshta ki mubaarak de rahe hain। ab is mubaarak ko aur badhaate jaana phir aur mubaarak denge।

bambai vaale bhi sada seva mein aage badhte rehte hain aur badhte rahenge। seva ke plan vishesh dehli aur baambe mein jyaada bante hain। aur baambe ko vishesh vardaan hai ki yagya sahayogi aatmaon ke nimitta baambe hai। aandhra mein aai.Ps sahayogi hain aur baambe ke vaaris sahayogi hain। to baambe ki visheshta vaaris quality ke sahayogi achhe hain। aise hai na? bhandaara bharpoor karne vaale।

aandhra pradeshah­ aandhra vaale sada svayan ko aage badhaane ke umang­utsaah mein achhe hain। aur aage badho to aandhra se vishesh aai.Ps aatmaayen nikal sakti hain। aandhra vaalon ko vishesh sahayogi aatmaayen banaane ka vardaan hai, to sahayogi banaao। regular student nahin banenge sahayogi banenge। to jo visheshta hai usko aur badhaate chalo। jitni sahayogi aatmaayen nikaalne chaaho utne nikaalo। kyonki karnaatak aur aandhra donon bhaavna pradhaan hain। karnaatak se bhi snehi aatmaayen bahut nikal sakti hain। abhi unhon ko aage laao। hain bahut। to abhi dekhenge ki gyaan sarovar mein sahayogi aatmaayen kitne nikaalte hain? samjha?

kerlaah­(3-4 hain) achha hai, aap kerla vaale laadle ho। jo thode hote hain vo laadle hote hain। vishesh laadli aatmaayen ho।

gujraatah­ gujraat to madhuban ka kamra hai। gujraat ki visheshta har kaarya mein sahayogi banne ki hai। aap brahma bhojan khaate ho, to gujraat ki maataayen jo roti pakaati hain vo aur koi nahin paka sakta। iseeliye kaamphrensamen ya koi bhi function hota hai to gujraat ki maataaon ko nimantran jyaada milta hai। to gujraat ki visheshta hai sahayog dena। sab prakaar ka sahayog dete hain। seva sthaan aur geeta paathshaalaaon ki visheshta bhi gujraat mein hai। to seva ki vidhi bhi achhi hai aur vriddhi bhi hai iseeliye vardaani hain। to gujraat ko janma se hi vardaan hai - ‘‘badhte raho, badhaate raho।’’ aavaaj do aur pahunch jaate hain na। jaise kamre se kisi ko bula lete hain na, vaise aavaaj do to pahunch jaate hain। achhe hain, halke bhi hain aur umang­utsaah vaale bhi hain। seva mein athak hain। jo bhi mushkil dyooteej hoti hain vo gujraat vaale hi uthaate hain। sabse mushkil duty hoti hai aavaasaynivaas ki, vo bhi gujraat uthaata hai na। bhojan banaane ki, roti banaane ki gujraat uthaata hai। aur sabko santushta karne ki visheshta bhi hai। to gujraat salvation aarmaahai। sab salvation dene vaale hain। gujraat ne apni visheshta ko samjha, abhi isko aur badhaana। achha!

teecharsah­ sabhi teachers to sada hi gyaan swaroop, smriti swaroop hain hi। kyonki jaise baap shikshak bankar aate hain to baap samaan nimitta shikshak ho। baap jaise nahin ho, lekin nimitta shikshak ho। to teachers ki visheshta nimitta bhaav aur nirmaan bhaav। saphal teacher vahi banti hai jiska nirmal svabhaav ho। abhi nirmal svabhaav ke oopar vishesh underline karo। kuchh bhi ho jaae lekin apna svabhaav sada nirmal rahe। yahi nirmal svabhaav nirmaanta ki nishaani hai। to underline karo ‘nirmal svabhaav’। bilkul sheetal। sheetalta ka gaayan sheetla devi hai। to nirmal svabhaav arthaat sheetal svabhaav। baat josh dilaane ki ho lekin aap nirmal ho tab kahenge saphal teacher। to baapdaada phir bhi underline kara raha hai kis par? nirmal svabhaav। samjha? achha!

achha, chaaron or ke sarva sada smriti swaroop aatmaon ko, sada second mein parivartan shakti dvaara sva parivartan karne vaali shreshtha aatmaon ko, sada sahaj yogi anubhav karne vaale anubhvi aatmaon ko, sada baap ke sameep aur samaan banne ke umang­utsaah mein rahne vaali sarva aatmaon ko baapdaada ka yaad­pyaar aur namaste।