Avyakt murli for Monday 9 January 1995

>

09-01-95 om shanti avyakt baapdaadaamdhuban

nishchaybuddhi ki nishaaniyaan - nishchit vijayi aur sada nishchinta sthiti ka anubhav

aaj sarva bachchon ke rakshak aur shikshak baapdaada apne sabhi brahman bachchon ke foundation ko dekh rahe the। ye to sabhi jaante ho ki vartamaan shreshtha jeevan ka foundation nishchay hai। jitna nishchay roopi foundation pakka hai utna hi aadi se ab tak sahaj yogi, nirmal svabhaav, shubh bhaavna ki vritti aur aatmik drishti sada natural roop mein anubhav hoti hai। har samay chalan aur chehre se unki jhalak anubhav hoti hai kyonki brahman jeevan mein sirf jaanna nahin hai ki ‘main ye hoon aur baap ye hai’, lekin jaanne ka arth hai jo jaante hain vo maanna aur chalna।

baapdaada dekh rahe the ki jo bhi bachche apne ko brahman kahlaate hain vo sabhi ye phalak se kehte hain ki ham nishchaybuddhi hain। to baapdaada sabhi nishchaybuddhi bachchon se poochhte hain, jab aap sabhi kehte ho ki ham nishchaybuddhi vijayi hain to kabhi vijay, kabhi haar kyon hoti hai? jab kabhi­kabhi thodi halchal hoti hai to kya us samay nishchay khatma ho jaata hai? jab nishchaybuddhi sada ho to vijayi sada ho ki beech­beech mein ghutka aur jhutka hota hai? nishchay ka foundation chaaron or se majboot hai ya chaaron or ke bajaay kabhi ek or kabhi do or dheele ho jaate hain? koi bhi cheez ko majboot kiya jaata hai to chaaron or se tight kiya jaata hai na। agar ek side bhi thoda­sa halchal vaala ho to hilega na! to chaaron prakaar ka nishchay arthaat baap mein, aap mein, drama mein aur brahman parivaar mein nishchay। ye chaar hi taraph ke nishchay ko jaanna nahin lekin maankar chalna। agar jaante hain lekin chalte nahin hain to vijay dagmag hoti hai। jis samay vijay halchal mein aati hai, to check karna ki chaaron taraph se kaun­sa taraph halchal mein hai? baapdaada dekhte hain ki kai bachchon ko baap mein poora nishchay hai, ismen paas hain lekin apne aapmen jo nishchay chaahiye usmein antar pad jaata hai। jaante bhi hain, kehte bhi hain ki main ye hoon, main ye hoon, lekin jo jaante hain, maante hain vo swaroop mein, chalan mein, karma mein ho-ismen hi antar pad jaata hai। ek taraph sochte hain ki main master sarvashaktimaan hoon, vishwa kalyaankaari hoon, doosre taraph chhoti­si paristhiti par vijay nahin praapta kar sakte। hain to master sarvashaktimaan lekin ye paristhiti bahut badi hai, ye baat hi aisi hai! to kya ye nishchay hai ki sirf jaanna hai lekin maankar chalna nahin? kehte va sochte hain ki main vishwa kalyaankaari hoon lekin vishwa ko to chhodo, sva kalyaan mein bheekamzor hote hain। agar us samay unhein kaho ki kya svayan ko parivartan kar sva kalyaankaari nahin ban sakte? to javaab dete hain ki hain to vishwa kalyaankaari lekin sva kalyaan bahut mushkil hai! ye baat badalna mushkil hai! to vishwa kalyaankaari kahenge ya kamzor? to sva mein bhi paristhiti pramaan, samay pramaan, sambandh­samparka pramaan nishchay swaroop mein aaye, aise nishchay buddhi ki vijay hui hi padi hai। jaise sabhi ko ye pakka nishchay hai ki main shreshtha aatma hoon, iske liye koi duniya ke vaigyaanik bhi aapko hilaane ki koshish karen ki aatma nahin shareer ho, to maanenge nahin aur hi usko manaayenge। to jaise ye pakka hai ki main shareer nahin hoon, main aatma hoon aur kaun­si aatma hoon, ye bhi pakka hai, aise nishchaybuddhi ki vijay bhi itni nishchit hai। haar asambhav hai aur vijay nishchit hai। aur ye bhi nishchit hai ki baaten bhi ant tak aani hain। lekin usmein vijayi banne ke liye ek hi samay par chaaron hi taraph ka nishchay pakka chaahiye। teen mein nishchay hai aur ek mein nahin hai to vijay nishchit nahin hai lekin mehnat se vijay hogi। nishchit vijay vaale ko mehnat nahin karni padegi।

kai baar kai kehte hain baapdaada to bahut achha, vo to pakka hai ki baap hai aur ham bachche hain, hamaara baap se hi sambandh hai lekin daivi parivaar mein khitkhit hoti hai, usmein nishchay dagmag ho jaata hai iseeliye parivaar ko chhod dete hain, halka kar dete hain। to ek side dheela ho gaya na। bina parivaar ke maala mein kaise aayenge? maala kab banti hai? jab daana daane se milta hai aur ek hi dhaage mein piroye hue hote hain। agar alag­alag dhaage mein alag­ alag daana ho to usko maala nahin kahenge। to parivaar hai maala। agar parivaar ko chhodkar teen nishchay pakke hain to bhi vijay nishchit nahin hai। chalo parivaar ki khitkhit se kinaara kar lo, baap ka sahaara ho, parivaar ka kinaara ho, to chalega? kaam to baap se hai ya bhaaiyon se hai? baap se kaam hai, varsa baap se milna hai, bhaai­bahnon se kya milega? lekin brahman jeevan mein yahi nyaaraapan hai ki dharma aur raajya donon ki sthaapna hoti hai, sirf dharma ki nahin। aur dharma pitaayen sirf dharma ki sthaapna karte hain, baap ki visheshta hai dharma aur raajya ki sthaapna karna। to raajya mein ek raaja kya karega? bahut achha takhta bhi ho, taaj bhi ho, kya karega? raajdhaani bhi chaahiye na? to raajdhaani arthaat brahman parivaar so raaj parivaar। isliye brahman parivaar mein har paristhiti mein nishchaybuddhi, tab raajya­bhaagya mein bhi sada raajya adhikaari honge। to aise nahin samajhna-koi baat nahin, parivaar se nahin banti hai, baap se to banti hai! drama agar bhool jaata hai to baap to yaad rehta hi hai! lekin koi bhi kamzori ek hi samay par hoti hai, sva sthiti arthaat svaynishchay bhi agar kamzor hota hai to vijay nishchit ke bajaay halchal mein aa jaati hai। to baapdaada nishchay ke foundation ko check kar rahe the। kya dekha?

sada chaar hi prakaar ka nishchay ek samay par saath nahin rehta, kabhi rehta kabhi hilta isliye sada vijayi ka anubhav nahin kar paate hain। phir sochte hain-hona to ye chaahiye lekin pata nahin kyon nahin hua? kiya to bahut mehnat, socha to bahut achha… lekin sochna aur hona ismen antar pad jaata hai। iska arth hi hai ki nishchay ke chaaron taraph majboot nahin hain। aur hansi ki baat to ye hai ki drama bhi kah rahe hain, hai to drama, hai to drama… lekin achhi tarah se hil bhi rahe hain। kabhi sankalp mein hilte, kabhi bol tak bhi hil jaate, kabhi karma tak bhi aa jaate। us samay kya lagta hoga, drishya saamne laao, drama­drama bhi kah rahe hain aur hildul bhi rahe hain! lekin nishchaybuddhi ki nishaani hai nishchit vijayi। agar vidhi theek hai to siddhi praapta na ho, ye ho nahin sakta। to jab bhi koi bhi kaarya mein vijay praapta nahin hoti hai to samajh lo ki nishchay ki kami hai। chaaron or check karo, ek or nahin।

aur baat, nishchaybuddhi ki nishaani jaise nishchit vijay hai vaise nishchinta honge। koi bhi vyartha chintan aa hi nahin sakta। sivaae shubh chintan ke vyartha ka naamaynishaan nahin hoga। aise nahin, vyartha aaya, bhagaaya। nishchaybuddhi ke aage vyartha aa nahin sakta। kyonki kyon, kya, aur kaise-ye vyartha hota hai। jab drama ke raaj ko jaante hain, aadi­madhya­ant ko jaanne vaale hain to jo drama ke aadi­madhya­ant ko jaanne vaale hain vo chhoti­si baat ke aadi­madhya­ant ko nahin jaan sakte! na jaanne ke kaaran kyon, kya, kaise, aise-ye vyartha sankalp chalte hain। agar drama mein atal nishchay hai, knowledgeful bhi hain, powerful bhi hain to vyartha sankalp hilaane ki himmat bhi nahin rakh sakte। parantu jab hilte hain to sochte hain pata nahin kya ho gaya! to baapdaada hansate hain ki drama ke aadi­madhya­ant ko jaan liya, apne 84 janma ko jaan liya aur ek baat ko nahin jaante! bade hoshiyaar ho! hoshiyaari dikhaate ho na samay prati samay! kalpa vriksha ke sabhi patton ko jaante ho ki nahin? sabhi vriksha ke foundation mein baithe ho ya 7-8 baithe hain? to jad mein baithe hue vriksha ko jaante ho? patte­patte ko jaante ho aur ye pata nahin kaise? to nishchay ki nishaaniyaan nishchinta sthiti, iska anubhav karo। hoga, nahin hoga, kya hoga, kar to rahe hain, dekhen kya hota hai-isko nishchinta nahin kahenge। aur phir baap ke aage hi phariyaad karte hain-aap madadgaar ho na, aap rakshak ho na, aap ye ho na, aap ye ho na…। phariyaad karna arthaat adhikaar ganvaana। adhikaari phariyaad nahin karenge-ye kar lo na, ye ho jaaye na। to nishchaybuddhi arthaat nishchinta। to ye practical nishaaniyaan apne aapmen check karo। aise albele nahin rah jaana-ham to hain hi nishchaybuddhi। kaun­sa nishchaykamzor hai vo check karo aur change karo। sirf check nahin karna। baapdaada ne kaha tha na checker ke saath maker bhi ho। sirf checker nahin। check karne ka arth hi hai second mein change hona। lekin check karo aur change nahin karo to bahut kaal se svayan mein dilshikasta ke sanskaar pakke hote jaayenge aur jo bahutkaal ke sanskaar hain vahi ant mein avashya saamna karte rahenge। koi soche ant mein to main sivaae baap ke aur kuchh nahin sochoonga। lekin ho nahin sakta। bahutkaal ka abhyaas chaahiye। nahin to ek second sochenge-shivbaaba shivbaaba shivbaaba… aur doosre second maaya kahegi-nahin, tumhaare mein shakti nahin hai, tum ho hi kamzor, to yuddha chalti rahegi। yadi nishchinta nahin honge to brahman jeevan ke antakaal ka jo lakshya varnan karte ho vo sahaj kaise hoga aur agar ant tak ye vyartha sankalp honge to vahi bhooton ke, yamdooton ke roop mein aayenge। aur koi yamdoot nahin aate hain, ye vyartha sankalp apni kamzoriyaan, yahi yamdoot ke roop mein aate hain। yamdoot kya karte hain? daraate hain। aur doosron ke liye kahenge vimaan mein jaayenge arthaat udti kala se paar ho jaayenge। koi vimaan aadi nahin hain lekin udti kala ka anubhav hai। isliye pahle se hi check karke change karo। kab tak karenge? baapdaada ko khush to kar dete hain-karenge, pratigya bhi likh dete hain lekin vo kaagaj tak rehti hain ya jeevan tak?

achha - aaj madhuban nivaasiyon ka bhi tarna hai। madhuban vaalon se to vishesh baapdaada ka sneh hai। sabse hai lekin phir bhi thoda­sa vishesh madhuban nivaasiyon se hai kyonki nimitta hain। phir bhi dekho aap aate hain, khaatiri to theek karte hain na। madhuban vaale khaatiri karne mein paas hain na। mehmaanaynivaaji karna hi mahaanta hai। jisko mehmaanaynivaaji karna aata hai, vomhaan ho hi jaata hai। sirf khaane­peene se nahin lekin dil ke sneh ki mehmaanaynivaaji, vo sabse shreshtha hai। chaahe picnic kitni bhi vara lo lekin dil ka sneh nahin mila to kahenge kuchh nahin mila। to madhuban vaale dil ke sneh sahit mehmaanaynivaaji karte hain। karte ho na ki koi neeche­oopar karenge to kahenge baapdaada ne aise hi kaha? aise nahin karna। sneh ke saagar ke bachche ho na, kab tak sneh denge? nahin। gaagar ke bachche nahin, saagar ke bachche, behad।

sabke paas sneh ka stock hai na? maataaon ke paas bhi hai, kumaariyon ke paas bhi hai, paandavon ke paas bhi hai। saagar hai ya thoda hai? to kabhi krodh to nahin karte honge na? jab sneh ke saagar hain to krodh kahaan se aaya? kiske sanskaaron ko jaankar satisfy karte ho na। chaahe vo wrong hai lekin aap to knowledgeful ho na, aap to jaante ho na ki ye kya hai lekin us samay kya kehte hain-isne aise kiya na, iseeliye hamne bhi kiya। wrong se wrong ho gaya to kya kamaal ki? usne wrong kiya aur aapne uska respond bhi wrong hi diya। kai kehte hain na krodh ek baari karte hain to kuchh nahin hota, baar­baar karta rehta hai! to jaante ho ki jiska svabhaav hi krodh ka hai to vo krodh nahin karega to kya karega? uska kaam hai krodh karna aur aapka kaam hai sneh dena ya krodh karna? vo 10 baari kare to aap ek baari to javaab denge na? nahin denge to vo 20 baari karega, phir kya karenge? to itni sahanshakti hai ya usne 10 kiya, aapne aadha kiya koi harja nahin? usne jhooth bola, aapne krodh kiya, to kya theek hua? phir bade bahaaduri se kehte hain-jhooth bola na, iseeliye krodh aa gaya। lekin jhooth bolna to achha nahin laga aur krodh karna achha hai! to sneh ke saagar ke master sneh ke saagar। master sneh ke saagar ke nayan, chain, vritti, drishti mein jara bhi aur koi bhaav nahin aa sakta। yadi thoda­thoda josh aa gaya to kya usko sneh ka saagar kahenge ki lota hai? chaahe kuchh bhi ho jaaye, saari duniya kyon nahin aap par krodh kare lekin master sneh ke saagar duniya ki parvaah nahin karenge। beparvaah baadshaah ho। jo parvaah thi vo pa liya। abhi in vyartha baaton se beparvaah baadshaah। checking ki parvaah karo, change hone ki parvaah karo, lekin vyartha mein beparvaah। kar sakte ho ki bachcha, potra, dhotra, dhotri… thoda­sa krodh karega, thoda­sa neeche­oopar karega, to sneh ke bajaay aur bhaavna bhi aa jaayegi? daphtar mein jaayenge, business mein jaayenge, naukar aisa mil jaayega, vaayumandal aisa mil jaayega… lekin vyartha se beparvaah baadshaah। samartha mein beparvaah nahin hona। kai ulta bhi utha lete hain, jahaan maryaada hogi vahaan kahenge baapdaada ne kaha na ki beparvaah baadshaah ban jaao। lekin maryaadaaon mein beparvaah nahin। aapka title hai maryaada purooshottam। ye maryaadaayen hi brahman jeevan ke kadam hain। agar kadam par kadam nahin rakha to manzil kaise milegi? brahma baap ke kadam par kadam rakho। to ye maryaadaayen hi kadam hain। agar is kadam mein thoda bhi neeche­oopar hote ho to manzil se door ho jaate ho aur phir mehnat karni padti hai। aur baapdaada ko bachchon ki mehnat achhi nahin lagti, kehte hain sahaj yogi aur karte hain mehnat। to achha lagta hai kya? achha।

(baapdaada ne drill karaai) ever ready ho? abhi­abhi baapdaada kahen sab ikatthechlo to chal padenge? ki sochenge ki phone karen, telegram karen ki ham ja rahe hain? telephone ke oopar line nahin lagegi? aapke ghar vaale sochenge kahaan gaye phir? second mein aatma chal padi-hai to achha na ki yaad aayega ki abhi to ek subject mein kamzor hoon? achha, yeh yaad aayega ki cheejon ko sirf thikaane lagaakar aaoon? sirf italla karke aaoon ki ham ja rahe hain? yeh soch thoda­thoda chalega? nahin। sabhi bandhanmukta banenge। abhi se check karo ki koi sone ka, chaandi ka dhaaga to nahin hai? loha mota hota hai to dikhaai deta hai lekin ye sona aur chaandi aakarshitkar leta hai। ever ready ka arth hi hai order hua aur chal pada। itna merepan se mukta ho? sabse bada meraapan sunaaya na ki dehbhaan ke saath deh­abhimaan ke sone­chaandi ke dhaage bahut hain। isliye sookshm buddhi se, maheen buddhi se check karo ki koi bhi alpakaal ka nasha ye dhaaga ban karke rokne ke nimitta to nahin banega? moti buddhi se nahin sochna ki mera kuchh nahin hai, kuchh nahin hai। pholokarne mein sada brahma baap ko follow karo। sarva prati gunagraahak banna alag cheezhai lekin follow father। kai hain jo bhaai­bahnon ko follow karne lagte hain lekin vo pholokisko karte hain? vo pholobrahma baap ko karte hain aur aap phir unko karte! direct kyon nahin karte? sabhi brahma kumaar ho na? ki phalaane bhaai kumaar, phalaani behen kumaar? yeh to nahin? follow father gaaya hua hai yaapholo brothers sister? visheshta dekho, lekin pholophaadar। regard rakho lekin guide ek baap hai। koi bhaai­behen guide nahin ban sakta। guide ek hai। god guide hai aur saakaar example brahma baap hai। bas। topholo father karte ho ki sochte ho ki brahma ko to dekha hi nahin, jaana hi nahin, to kaise follow karen? jaante nahin ho, dekha nahin hai? teachers ko dekha, bhaai­bahnon ko dekha, baap ko dekha hi nahin-aise to nahin sochte? koi bhi nimitta hain lekin nimitta banaaya kisne? apne aap hi to nimitta nahin bane na? baap ne banaaya। to phir baap yaad aayega na?

achha। sabhi achhi tarah se set ho gaye hain। sona­khaana theek hai? ki bahut door kone mein bhej diya hai? bhakti maarga mein to yaatraaon mein kitna paidal karte ho aur aap agar door bhi rehte ho to lene ke liye bas aati hai। aaraam se aate ho na? aur brahma baap ke aage to yeh koch­kursiyaan bhi nahin thi। abhi to dekho, koch aur kursiyon vaale ho gaye। kitne aaraam se baithe ho। baapdaada bhi jaante hain ki puraane shareer hain to puraane shareeron ko saadhan chaahiye। lekin aisa abhyaas zaroor karo ki koi bhi samay saadhan nahin ho to saadhna mein vighna nahin padna chaahiye। jo mila vo achha। agar kursa mili to bhi achha, dharni mili to bhi achha। sab aaraam se rahe hue ho ki khatiya chaahiye? gharon mein to khatiya par sote ho na, yahaan bhi khatiya mili to kya baat hui! change chaahiye na। change ke liye kitna kharcha karke jaate hain। vahaan khatiya par sote ho, yahaan pat par sote ho, change ho gai na। ye to suna diya ki jitna saadhan badhaayenge utni sankhya double, triple badhegi। to ye to chalna hi hai। abhi gyaan sarovar bana rahe hain phir doosre varsha kahenge gyaan sarovar chhota ho gaya। ye to hona hi hai। kyonki seva ko samaapta bhi karna hai ya chalte rehna hai? sampanna karke samaapta karna hai। to sampanna tab hogi jab kam se kam 9 laakh ki maala banaao। achha।

panjaab, hariyaana, himaachal ­achha, ye kitni maala laayenge? laakh, do, teen, kitni? (4 laakh) 4 laakh laayenge! phir to achha hai, aur zone mauj manaaye aur panjaab maala banaaye। achha, aisa kaun­sa zone hai jo abhi 50 hajaar tak pahuncha ho? koi bhi zone mein 50 hajaar nahin hain। to kam se kam har zone 50 hajaar to banaaye। panjaab ki sankhya kitni hai? (12 hajaar) achhi baat hai, 4 laakh ka lakshya rakha hai। panjaab, hariyaana, himaachal aur jammu kashmeer 4 to hain, to chaar ek­ek laakh banaaye to kya badi baat hai। lekin kab tak banaayenge? satayug ke aadi tak ya abhi? panjaab vaale sameepta ko sameep laane vaale hain। sampoornata sameepta ka aadhaar hai। to panjaab ki visheshta hai svayan ko sampoorn banaaye antim samay ko sameep laane vaale। himmat hai? jitna jitna svayan ko sampanna banaate jaayenge utna sampoornata aur sameepta najdeek aa jaayegi। to sada sameep rahne vaale aur sada samay ko sameep laane vaale। dekho, panjaab vaalon ne ek vijay to praapta kar li, vaayumandal ko parivartan kar liya। aatankavaadiyon ka vaayumandal to badla abhi ant laane mein bhi itne bahaadur bano। panjaab maana bahaadur। shareer mein bhi, aatma mein bhi। to sada yeh yaad rakhna ki-sampoornata dvaara samaapti ke samay ko sameep laane vaale hain, sameep rahne vaali shreshtha aatmaayen hain। jo baap samaan honge vo hi sameep rahenge । to aise sameep rahne vaali aatmaayen ho। isi smriti ke samartheese sada aage badhte chalo। samjha? achha!

baambe, naagpur, poona, jalgaanv (mahaaraashtra) - mahaaraashtra vaale kitni maala taiyaar karenge? (5 laakh) mahaaraashtra mein baambe bhi hai aur baambe ko nardesaavar ka title hai to sirf paise mein thode hi nardesaavar honge, maala ke manke banaane mein bhi nardesaavar। to mahaaraashtra paanch laakh banaayenge! koi khyaal nahin karna ki 9 laakh to poore ho gaye! panjaab vaale chaar laakh laayenge aur mahaaraashtra paanch laakh laayega। phir chhaant chhoot bhi to hogi na? koi treta ki praja hogi, koi satayug ki hogi, isliye itne bhale banaao। mahaaraashtra ki mahaanta arthaat sada vijayi। mahaanta hai hi vijay mein। to sada nirvighna sthiti dvaara sada vijayi aatmaayen। vijay nishchit hai aise nishchay buddhi vijayi। kyonki aap vijayi nahin banenge to aur kaun banega? banna hi hai। to mahaaraashtra praja bhi mahaanabnaayenge। chhoti­moti nahin banaana। aur panjaab bahaadur banaana,kamzor nahin।

karnaatak -achha karnaatak vaale kitni maala banaayenge? (do laakh) achha hai, karnaatak vaalon ko sneh ka jaadu bahut jaldi lagta hai। gyaan samjhe, nahin samjhe, lekin sneh mein number one। bhaasha ke kaaran gyaan samjhenge aadha, lekin sneh mein number one। dekho, sneh ki nishaani hai ki centre bahut kholte jaate hain, sirf addition ye karna ki nirvighna praja banaani hai aur nirvighna raajdhaani banaani hai। to karnaatak vaalon ko kya yaad rakhna hai-nirvighna raajya adhikaari aur nirvighna saathi banaana। vriddhi mein bahut achhe hain lekin sirf balance rakhna-jitna sneh utna hi nirvighna sthiti। donon ke balance se sada svatah hi karnaatak vaalon ko blessing milti rahegi। to karnaatak vaale andar­line karna-nirvighna vriddhi। achha।

gujraat -gujraat ke oopar baapdaada ka, daadiyon ka adhikaar bahut hai। koi bhi kaam padta hai to gujraat par adhikaar rakhte hain। to gujraat ki visheshta kya hui? seva mein bhi adhikaari। jo seva mein adhikaari hain vo raajya mein to adhikaari banenge hi। dekho, seva mein haan ji, haan ji karte hain to raajya mein kya hoga? ji hajoor, ji hajoor। to sahayog dene mein number one hain kyonki draamaanusaar najdeek ka bhaagya mila hua hai। abhi agar gujraat ko kahen ki sabhi bhale ek­ek bas taiyaar karke pahunch jaayen to kitni basen aayengi? bahut aa jaayengi na! to ever ready sankhya to hai na! mahaaraashtra ko, door vaalon ko bulaao to door ke kaaran mushkil hota hai। lekin gujraat ko to bhaagya hai। aur seva mein jimmedaari uthaane vaale bhi achhe­achhe hain। poochh­poochh karne vaale nahin hain। jimmedaari uthaane mein achhe hain। to ye bhi drama mein bhaagya svatah hi praapta hai, jo ready ho jaate hain, jitnon ko order karte hain aa jaate hain। (daadi se) abhi dekho mele ke liye aap nishchinta ho na। kyonki gujraat ne jimmedaari uthaai। to baapdaada bhi jimmedaari ka taaj pahanne vaale bachchon ko dekhkar khush hote hain।

bhopaal -bhopaal ki sankhya kitni hai? (5 hajaar) bahut thodi hai। to kya karenge? paanch hajaar ke aage ek bindi lagaayenge। achhi praja laayenge na! achha hai, sada vidhi dvaara sahaj vriddhi ko praapta karne vaali shreshtha aatmaayen। jaldi vriddhi ko praapta karenge na? phir bhi seva ke saadhan achhe hain। agar do­chaar mike taiyaar kar lo to bindi lagna koi mushkil nahin hogi aur chance hai। dekho sentral vaale samay mushkil dete hain aur state vaale samay sahaj dete hain, sambandh­samparka mein sahaj aa sakte hain isliye mike taiyaar karo। to mike taiyaar karne se unke peechhe anek aatmaayen sahaj aa jaati hain। ek ke aavaaj se anekon ka kalyaan ho sakta hai। unhon ko sirf snehi, samparka vaale nahin banaao lekin najdeek sambandhi banaao। to bhopaal vaale mike taiyaar karke laayenge? ki hue hi pade hain? la sakte ho, margin achhi hai। sambandh hai lekin thoda aur sambandh najdeek ka ho। to sada shreshtha vidhi dvaara vriddhi ko praapta karne vaale। samjha, kya visheshta hai? sahaj vriddhi karne vaale। achha।

raajasthaan -raajasthaan mein aabu vaale bhi hain ki alag hain? ye sentral hai, vo centre hai। mukhya kendra raajasthaan mein hai, ye to kamaal hai raajasthaan ki। light house to raajasthaan mein hi hua na। abhi sentral mein ho gaya light house aur centres par kya hai? light hai ya light house hai? jaypur light hai ya light house hai? kitni jagah light diya hai? light house ka kaam kya hota hai? chaaron or light dena ya sirf aas­paas light dena? chaaron or light dete hain na। to raajasthaan ko chaaron or raajasthaan mein light dena hai। jagaaya to hai, jaypur, jodhpur, udaypur… aadi mein jagaaya to hai lekin abhi light se light house banaao। raajasthaan mein ek bhi area khushka nahin rah jaaye। raajasthaan ko vaise kehte hain bada khushka hai lekin brahman jeevan mein sabse hara­bhara raajasthaan। jo kehte hain na raajasthaan mein ret hai to ret ke bajaae sone ke mahal ho jaayenge। hona to hai na! to reti ko sona banaao। raajasthaan kya karega? sone jaisi aatmaayen taiyaar karenge aur sone ke mahal taiyaar karenge। dekho, dehli mein raajdhaani banegi to raajasthaan kitna najdeek hai। to vahaan bhi banenge na। to raajasthaan mitti ko sona banaayega। itna umang hai na? raajasthaan ko paristaan banaane vaale। chaaron or paristaan ki khushbu dikhaai de। sankhya bhi badhaao aur sankhya ke saath­saath mike bhi taiyaar karo। har ek state ke sahaj mike nikaal sakte hain। chaahe chhota mike ho, chaahe bada ho, chalo bada nahin to chhota hi sahi। dekho raajasthaan ke mike ne kamaal to kiya na। aaj gyaan sarovar mein mike ne hi kaam kiya na। to har state ko mahaaraashtra, karnaatak… jo bhi hain, sabhi state ko mike taiyaar karne chaahiye। aur ek­ek state ke mike agar sabhi mil jaayenge to sangathan ban jaayega aur sangathan ka aavaaj sahaj phailega। to raajasthaan vaale maala bhi taiyaar karna aur mike bhi। achha।

aagra -aagra vaale kya karenge? jaise aagra mein mitti ka, inton ka taajmahlaaakarshit karta hai vaise aagra mein ye prasiddha ho jaaye ki yahaan taajamhal to hai lekin taajdhaari bhi gupta vesh mein hain। sirf taajamhal dekhne nahin aayen lekin yahaan taajdhaari kaun hain-vo bhi dekhne aayen। aapko dhoondhe ki kahaan hain? itni taajdhaari aatmaon ki aakarshan ho। unhon ko vibration aaye ki yahaan koi shreshtha aatmaayen gupta hue vesh mein hai। jaise dvaapar mein jo rishi­muni satopradhaan sthiti mein the to door se hi prabhaav padta tha na, dhoondh karke unhon ke paas pahunchaate the। vo khud to nahin bulaate the। to jab rishi­muni aatmik gyaan vaaleaakarshit kar sakte hain to parmaatma gyaani kya nahin kar sakte! to har ek apne ko aisa taajdhaari arthaat jimmedaar samjhe, ki meri jimmedaari hai-logon ko aakarshitkar baap ka banaana। apna nahin banaana, baap ka banaana। to aagra vaale yeh naveenta dikhaao, jo sabki najar jaaye। samjha? heere taiyaar karo। taaj mein jhoothe heere hain na। aap sachche heere taiyaar karo। achha!

nepaal -nepaal ko desh bhi kehte hain to videsh bhi kehte hain। double phaayda uthaate hain। jab foreigners ka tarna hota to kehte hain ham foreigners hain, jab india ka tarna hota hai to kehte hain ham indian hain। double chance lete hain। achha hai। nepaal ke bhi kai log bhaavna vaale bahut hain। pyaar se sunne vaale achhe hain। nepaal ki dharni mein bhi bhaavna achhi hai। aur doosri visheshta dekhi hai ki jyaada baaton mein kam jaate hain, apne mein masta rehte hain। khitkhit kam karte hain। iseeliye vriddhi bhi achhi ho rahi hai aur quality bhi achhi hai। bahut achhi nahin kahenge lekin achhi hai। nepaal vaalon ne bhi mike nahin taiyaar kiya hai। sahayogi hain, samay par sahayog de dete hain lekin sameep­sambandh mein laane se bulanda aavaaj hoga। abhi chhota­sa aavaaj hota hai to sirf nepaal mein hi phailta hai, bas। bulanda aavaaj karne vaale taiyaar karo। agar har state ke mike do­teen, do­teen bhi taiyaar ho jaayen to kya raunak nahin hogi? phir aap logon ko seva karne ki mehnat nahin karni padegi। aap light ho jaayenge, vo mike ho jaayenge। aap sirf light dete rahenge। abhi light bhi dete ho to mike bhi bante ho। phir mike vo banenge aur aap light dete rahenge। to seva mein naya mod laao। naveenta laao। iske liye ye programme rakha hai na ki videsh se bhi har desh se aaven, yahaan ke bhi har state se aaven। lekin mike taiyaar karo to mike ki darbaar ho jaayegi। aur itne mike ikattheho jaayenge to aavaaj bhi bulanda hoga। to aise naveenta ka programme karo। abhi mike taiyaar karke phir date fix karo। lekin koi bhi kona, koi bhi state rahni nahin chaahiye। agar kahaan bhi aavaaj bulanda karna hota hai to chaaron or mike lagaate ho na, chaaron or mike lagne se aavaaj bada ho jaata hai। sabhi mike ek hi aavaaj bolen to chaaron or se ek hi aavaaj niklega-yahi pratyakshata ka jhanda hai। to abhi taiyaari karo। to sabhi zone vaale sirf ismen khush nahin hona ki hamko bhi vardaan mila lekin jaakar seva karna। dehli vaalon ko pahle karna hai। dehli, baambe donon hi naam baala karne vaale hain। to aisi kamaal karo jo sabke mukh se yahi nikle ki sachmuch parivartak aap hi ho। ye bhi hain, nahin, ye hi hain। abhi kehte hain ye bhi hain, vo bhi hain, ye bhi achhe hain। ye hi achhe hain-jab ye aavaaj nikle tab jhanda lahraayega। anek hain, nahin। ek hain। to sabhi zone vaale aisa karne ke liye taiyaar ho na? koi mansa seva karo, koi vaacha karo। mansa seva to sabhi kar sakte ho na? to vibration phailaao। vaani se nahin to mansa se yogdaan do। sabki anguli chaahiye। samjha? achha।

double videshi - double videshi arthaat doordeshi aur dooraandeshi। bhaarat mein jo message dene vaale hote hain unko darvesh bhi kehte hain। to double videshi dooraandesh buddhi vaale achhe hain। dooraandesh buddhi arthaat har paristhiti, har baat ko aadi­madhya­ant teenon kaalon se jaanne aur dekhne vaale। jisko doosre shabdon mein kahengetrikaaldarshi। to jo bhi kaarya karentrikaaldarshi hokar karen। ek kaal nahin dekhen। teenon hi kaalon ko jaanne, samajhne aur samajhkar chalne vaale। isko kehte hain dooraandesh buddhi, dooraandeshi drishti। to jo teenon kaal ko jaankar karte hain vo kabhi bhi bhatkenge nahin। teenon kaalon ko jaankar karne vaale sada hi vijayi honge। sahaj vijayi। mehnat ke baad vijayi nahin। mehnat karke vijay praapta hoti hai to mehnat mein aadha mauj to khatma ho jaati hai। aur jo sahaj vijay hoti hai usmein nasha, khushi, mauj-sab hoti hai। to double videsheetrikaaldarshi ho? ki ekdarshi ho? jaldi­jaldi mein ek kaal dekhkar to nahin kar lete? trikaaldarshi arthaatsoch­samajh kar kaarya karne vaale। jaldi­jaldi mein sirf vartamaan dekhkar kar liya to dhokha kha lete hain। lekin trikaaldarsheebankar kaarya karte to sada saphalta sahaj milti hai। to sahaj saphalta praapta karne vaale trikaaldarsheearthaat dooraandeshi buddhi vaale। samjha।

madhuban nivaasi - (baapdaada ne aabu ke bhinnabhinnasthaanon par seva mein upasthit bhaai­bahinon se haath uthvaaya) dekho, pees park bhi kam nahin hai। london America sabko bhool jaata hai। jo pees park dekhte hain to copy karne ki koshish karte hain। lekin kitni bhi copy karen, roohaaniyat ki jhalak to aa nahin sakti, pyaar ki jhalak to aa nahin sakti। to mehnat ka phal mil raha hai। mehnat to achhi ki hai। pyaar se mehnat ki hai na। sirf paani nahin diya hai lekin pyaar ka paani diya hai iseeliye vaayumandal nyaara aur pyaara hai। auragyaan sarovar vaale bhi bahut pyaar se mehnat kar rahe hain। achhi result hai। aur nishchaybuddhi sabse number one hain। kitna bhi koi jaakar hilaata hai-nahin taiyaar hoga, nahin taiyaar hoga, jitna vo na karte hain utna ye haan karte hain। isliye nishchay ki vijay hoti hai। taiyaar hona hi hai, baap ko aana hi hai। isliye mubaarak ho nishchay ki। achha। talahti vaale bhi mauj mein aa gaye hain, mela manaane ki taiyaari kar rahe hain। achha hai, raunak to chaahiye na। koi naveenta chaahiye na। om shanti bhavan ke haal mein to sada baithte hi ho। lekin naveenta bhi chaahiye na। aur kitni aatmaon ka sankalp poora ho jaayega। ulhane kam ho jaayenge। to talahti mein theek taiyaari ho rahi hai? badi baat to nahin lagti? khushi mein mushkil bhi sahaj ho jaati hai। achha। aabu nivaasi kya kar rahe hain? sahayog ka saath de rahe hain। kabhi bhi koi kaarya hota hai to aabu nivaasi kaarya kar lete hain। achha hai, museum bhi achhi seva kar raha hai, museum vaale bachche bhi mehnat achhi karte hain। museum to chaltaaphirta ek seva ka sthaan hai। is museum ne bhi viaatne sevaakendra khole honge। kitni aatmaon ki dharni parivartan kar di hai। yahaan ka prabhaav vahaan sthaanon par bhi kaam mein aata hai। kyonki yahaan aane vaale free hote hain to buddhiphri hone ke kaaran prabhaav achha padta hai phir vahi vahaan kaam mein aata hai। to museum ki seva bhi kam nahin hai। sabhi sthaanon ki seva achhi hai। yahaan (om shanti bhavan mein) bhi jo group samjhaate hain, vo bhi achhi seva hai। to sab jagah seva sahaj hoti jaati hai, prabhaav padta jaata hai। achha hai।

achha, madhuban vaale kya karenge? madhuban vaale sada hi apne ko aadha­ramoorta aur udaahranmoorta samjho। saakaar karma mein madhuban nivaasi udaahran hain aur aadhaarmoorta bhi hain। kyonki jo bhi roohaani saadhan chaahiye vo sab to madhuban se hi jaate hain। isliye madhuban vaale ye nahin samjhen ki ham madhuban ke kamre mein hain ya paandav bhavan ke andar rehte hain lekin har karma mein, har sankalp mein, har bol mein aadhaarmoorta ho। har ek jo visheshta dekhte hain karma mein, vaani mein, vo practical madhuban mein hi dekhte hain। to sada har samay aadhaarmoorta bhi ho aur udaahranmoorta bhi ho। chaahe achha karte ho to bhi udaahran bante ho aur mix karte ho to bhi udaahran। udaahran sabhi madhuban ka hi dete hain। iseeliye itna jimmedaari ka bada taaj madhuban nivaasiyon ko pada hua hai। achha-sangam bhavan ke thode hain lekin seva bahut athak karte hain। sangam nivaasi bhaagdaud ka kaam achha karte hain।

achha - hospital ka kya haalchaal hai? hospital bahut achha hai ki achha hai? dekho hospital ki visheshta kya hai? vaise sochte hain ki patient koi nahin ho, aur hospital sochti hai ki patient aaven। agar patient nahin aate to udaas ho jaate hain। patient ko patience mein laate hain। to hospital mein sirf patient nahin lekin patience dhaaran karne vaale patient bhi aate hain। achha hai, sabse jyaada hospital ka phaayda braahmanon ko hai। ambulance mein baithe aur pahunch gaye। achhi madad hai। ek to braahmanon ko madad hai aur doosra jo log samajhte hain ki ye kuchh nahin karte hain vo samajhte hain ki haan ye karte hain, bahut karte hain। hospital ne seva badhaai na। ‘kuchh nahin’ ko ‘karte hain’ mein parivartan kar liya। aise hai na। achha hai, hospital vaale agar phursat milti hai to mansa seva bahut karo। usse phursat nahin milegi। achha।

chaaron or ke sarva nishchaybuddhi shreshtha aatmaayen, sada nishchit vijayi aatmaayen, sada nishchinta aatmaayen, sada shreshtha vidhi dvaara vriddhi karne ke nimitta banne vaali vishesh aatmaayen, sada ek baap ek bal ek bharose mein achal­adol rahne vaale sameep aatmaon ko baapdaada ka yaad­pyaar aur namaste।

daadiyon seh­ (daadi ji baambe ahamdaabaad tatha jaanki daadi poona seva par gai thi) chakkar lagaakar aai। santushtata dilaane vaali santushta maniyaan ho। to santushta maniyaan jahaan bhi jaayengi to santushta karengi na! chaahe tan vaalon ko, chaahe man vaalon ko, donon prakaar se santushta karte hain। iseeliye baapdaada sada santushta maniyaan kehte hain। (sabhi ki yaad di) achha hai। yaad ka tokra bharkar aaye hain। kadam mein padmabhre hue hain। isliye aapke chakkar lagaane se anekon ke chakkar samaapta ho jaate hain। jinko jo chaahiye vo mil jaata hai। isliye anekon ke vyartha chakkar khatma ho jaate hain। aise hi anubhav hota hai na? daadiyon mein sabka pyaar hai na। jo bhi nimitta hain unhon mein pyaar hai। (daadi jaanki) achha hai, dridh nishchay se sab theek ho jaata hai। kitne bhi kade sanskaar ho lekin jahaan dridhta hai vahaan sab ekdam mom ke samaan khatma ho jaate hain।

jagdeesh bhaai se - ab kya karenge naveenta? (vishaal programme mike banaane ka) ek baari ikatthaasbhi kone se aavaaj aaye to bulanda ho। haan ji, haan ji karte chalo aur sabka haan ji ho hi jaana hai। videsh vaale desh vaalon ko kahe haan ji aur desh vaale videsh vaalon ko kahe haan ji। to jahaan haan ji hoga vahaan hua hi pada hai।

saadhan bahut achha hai sirf baalak aur maalik banna aa jaaye। samay par baalak, samay par maalik। sabhi ko banna aata hai? ki jis samay baalak banna hai us samay maalikpan aa jaata hai? to baapdaada dekhenge ki haan ji ka paath kisne pakka kiya hai? sabhi karte hain, aisi koi baat nahin hai lekin kaarya ke time dekhenge। achha!

(daadi chandramni ilaahaabaad kumbha mele mein ja rahi hain) aapko seat bahut achhi mili hai, chakkar lagaate raho, mauj manaate raho। aur doosron ko bhi mauj mein laate raho।

achha, paandav aur shaktiyaan donon ka sangathan achha hai। shakti ke bina paandav nahin chalte, paandavon ke bina shaktiyaan nahin chal sakteen। donon ki aavashyakta aadi se ant tak rahi hai aur rahegi।

achha-jo bhi jahaan se bhi aaye ho, sab achhe te achhe bhaagyavaan ho, shreshtha ho, baap ke pyaare ho। chaahe videsh se aaye ho, chaahe desh se aaye ho, har ek baap ka pyaara hai। sabhi baap ka shrringaar ho। bina aapke baap kuchh nahin kar sakta। isliye baapdaada bhi kehte hain pahle bachche। to harek samajhta hai ki main pyaara hoon? ek hi behad ka baap sabko pyaar de sakta hai। aatmaayen nahin de sakti, baap de sakta hai। kyonki behad hai। to har ek samajhta hai main baap ka pyaara hoon। naam leven, nahin leven lekin pyaare sab hain। achha!