Avyakt murli for Thursday 13 November 1997

> 13-11-97 om shanti avyakt baapdaadaamdhuban

sangamayug ke praaptiyon ki praalabdha ka anubhav karo,master daata,maha sahayogi bano

aaj bhaagya vidhaata baap apne shreshtha bhaagyavaan bachchon ko dekh rahe hain। har ek bachche ke bhaagya ki rekhaayen dekh-dekh bhaagya vidhaata baap bhi harshit hote hain kyonki saare kalpa mein chakra lagaao to aap jaisa shreshtha bhaagya kisi dharma aatma,mahaan aatma,raajya adhikaari aatma, kisi ka bhi itna bada bhaagya nahin hai, jitna aap sangamayugi shreshtha aatmaon ka hai। mastak se apne bhaagya ki rekhaaon ko dekhte ho? baapdaada har ek bachchon ke mastak mein chamakti hui jyoti ki shreshtha rekha dekh rahe hain। aap sabhi bhi apni rekhaayen dekh rahe ho?naynon mein dekho to sneh aur shakti ki rekhaayen spashta hain। mukh mein dekho madhur shreshtha vaani ki rekhaayen chamak rahi hain। hothon par dekho roohaani muskaan, roohaani khushi ki jhalak ki rekha dikhaai de rahi hai। hday mein dekho va dil mein dekho to dilaaraam ke lav mein lavleen rahne ki rekha spashta hai। haathon mein dekho donon hi haath sarva khazaanon se sampanna hone ki rekha dekho, paanvon mein dekho har kadam mein padam ki praapti ki rekha spashta hai। kitna bada bhaagya hai!

bhaagya vidhaata baap ne har ek bachche ko purooshaartha se, shreshtha karmo ki kalam se yeh sab rekhaayen kheenchane ki khuli dil se,khuli chhutti de di hai। jitni lakeer lambi kheenchane chaaho utni kheench sakte ho,lekin samay ke andar। jisko jitni lambi lakeer kheenchani hai woh svayan hi kheench sakte ho,baap ne kalam aapke haath mein diya hai। to woh lakeer kheenchane aati hai?kheenchi hai ya kheenchana nahin aati hai? sabhi ko aati hai? (haan ji) bahut achha। dekho,abhi ke takdeer ki lakeer aapko saare kalpa mein bhi shreshtha banaati hai, 21janma to sada sampanna aur sukhi rahne ki rekha chalti hi hai aur dvaapar,kaliyug mein bhi aapke poojya banne ki rekha shreshtha rehti hai। to is samay ke bhaagya ki rekha saara kalpa sada saath chalti hai kyonki avinaashi baap ki avinaashi rekha hai। to sada apne shreshtha bhaagya ki rekha smriti mein rehti hai? rehti to hai lekin kabhi emerge rehti hai, kabhi merge rehti hai va sada hi emerge rehti hai?ismen kam haath utha rahe hain। dekhna,sada emerge rahe। emerge rahne ki nishaani hai ki puraani smritiyaan puraane sanskaar ki rekhaayen merge ho jaati hain। kabhi bhi puraane sanskaaron ki rekhaayen va puraani baaton ke smriti ki rekhaayen emerge nahin hon। merge hon। aur merge rehte-rehte samaapta ho jaayen। jahaan shreshtha bhaagya ki rekhaayen emerge hain, vahaan puraani rekhaayen emerge hona asambhav hai। agar hoti hain to siddha hota hai ki shreshtha bhaagya ki rekha sada emerge nahin rehti। to kya samajhte ho?itne shreshtha bhaagya ki rekhaayen emerge honi chaahiye ya merge?

baapdaada vartamaan samay sabhi bachchon ko vartamaan sangamayug ki praaptiyon ke praalabdha roop mein dekhne chaahte hain। purooshaartha bahut samay kiya,abhi purooshaartha svatah chale, mehnat vaala purooshaartha nahin। kya ant tak purooshaartha ki mehnat karte rahenge? sangamayug ke praaptiyon ki praalabdha ka anubhav ab nahin karenge to kab karenge! bhavishya ki praalabdha alag cheez hai। woh to aapki is purooshaartha ke praalabdha ki parchhaai hai। woh to aapke peechhe-peechhe aapehi aayegi। lekin vishesh baat hai is samay ke praalabdha praapta karne ki। aise nahin - koi poochhta hai kaise hai? kya haalchaal hai? to abhi tak yahi nahin kehte raho ki purooshaartha chal raha hai। purooshaartha to hai lekin purooshaartha ki praalabdha abhi anubhav karo। woh praalabdha hai sarva shakti sampanna, sarva gyaan sampanna, sarva vighna vinaashak moorta, yeh abhi ki praalabdha bhavishya mein svatah hi praapta hogi। jaise bhavishya mein sirf praalabdha hai, purooshaartha samaapta hai। aise abhi baaki rahe hue samay mein praalabdha swaroop ka vishesh anubhav karo। jab praalabdha kehte hain to purooshaartha ki hi praalabdha hoti hai। purooshaartha kiya hai, us purooshaartha anusaar hi praalabdha ka anubhav kar sakte hain। lekin baapdaada bachchon se kya chaahte hain? poochhte hain na baapdaada hamse kya chaahte hain? to baapdaada yahi chaahte hain ki ab thode samay ke liye purooshaartha ke praalabdha swaroop ban jaao। ban sakte ho ki purooshaartha ki mehnat achhi lagti hai? praalabdha vaale banenge?abhi purooshaartha kar raha hoon,purooshaartha ho jaayega, karke dikhaayenge,yeh shabd samaapta hon। karke dikhaayen kya, dikhaao। aur kab dikhaayenge?kya vinaash ke samay dikhaayenge?iski bahut sahaj vidhi hai ki ab master daata bano। baap se liya hai aur lete bhi raho lekin aatmaon se lene ki bhaavna nahin rakho - yeh kar len to aisa ho। yeh badle to main badloon, yeh lene ki bhaavna hai। aisa ho to aisa ho। yeh lene ki bhaavnaayen hain। aisa ho nahin,aisa karke dikhaana hai। ho jaae to nahin,lekin hona hi hai aur mujhe karna hai। mujhe baayabreshan dena hai। mujhe merciful banna hai। mujhe gunon ka sahayog dena hai,mujhe shaktiyon ka sahayog dena hai। master daata bano। lena hai to ek baap se lo। agar aur aatmaon se bhi milta hai to baap ka diya hua hi milega। to daata ban pharaagdil bano। dete raho,dene aata hai?ya sirf lene aata hai?ab jo jama kiya hai woh do। aapas mein brahman aatmaayen bhi master daata bano। aur de to main doon, nahin। mujhe dena hai। khazaana hai aapke paas? bharpoor hai? gunon se bharpoor hai?shaktiyon se bharpoor hai? hai to dete kyon nahin ho? apne liye chhipaakar rakha hai kya?jab khazaanon se bharpoor ho to dete jaao। yeh kyon karta?yeh kyon kehta? yeh soch nahin karo। merciful ban apne gunon ka,apni shaktiyon ka sahayog do - isko kaha jaata hai master daata। maha sahayogi। sahayogi bhi nahin, maha sahayogi bano। maha daata bano। to samjha baapdaada kya chaahta hai?

baapdaada abhi tak bachchon ke purooshaartha ki mehnat dekh nahin sakte। diamond jubilee samaapta hui aur diamond abhi tak bedaag banne ke purooshaartha mein lage hue hain। diamond jubilee arthaat har brahman aatma (diamond) chamakta rahe। aap sochenge ki diamond jubilee hamaari to thi nahin,woh to daadiyon ki hui। aapki hui ya daadiyon ki hui, kiski hui? yagya ke sthaapna ke kaarya ki diamond jubilee। sirf daadiyon ki nahin, sthaapna ke kaarya ki diamond jubilee। to aap sabhi chaahe do saal ke ho, chaahe12 saal ke ho chaahe 50 ke ho, lekin sthaapna ke kaarya ke nimitta to ho na ya nahin?nimitta ho?brahman maana hi brahma baap ke saath sthaapna ke kaarya ke nimitta aatma। vahi brahmaakumaar ya brahmaakumaari kahla sakte hain। to brahmaakumaar,kumaari sabhi ho ya purushaarthi kumaar kumaari ho? kya ho? brahmaakumaar,brahmaakumaariyaan arthaat janma liya aur brahma baap ke saathi sthaapna ke nimitta aatma banen। to aise nahin sochna ham to abhi naye hain। ham to abhi chhote hain। lekin samay ke anusaar jab samay samaapti ke najdeek hai to chhoton ko, nayon ko itna hi teevra purooshaartha karna hi hai,agar ab brahman hain to। agar kshatriy hain to chhutti hai। lekin brahman hain to brahman so devta kaha jaata hai। kshatriy so devta nahin। to brahman aatmaon ko sthaapna ke nimitta banna hi hai। hain hi nimitta। isliye abhi master daata bano। daan nahin karo lekin sahayog do। brahman, brahman ko daan nahin kar sakta, sahayog de sakta hai। to kya kaha?maha daata aur maha sahayogi bano। abhi ek saal vaala bhi hai to bhi samay ke anusaar abhi bachpan ki baaten samaapta karo kyonki sabhi bachche vaanaprastha avastha ke sameep ho। samay ki gati pramaan,drama ke niyam pramaan abhi sabhi ki vaanaprastha avastha sameep hai।

baapdaada jaante hain ki bachchon ka baap se jigri sneh hai। jigri sneh hai na?ya oopar-oopar ka sneh hai?dil ka sneh hai tab to bhaagkar aaye ho na? dekho behad ke haal mein, behad ke baap ke bachche, behad ke roop mein viraajmaan hain। yeh haal achha lagta hai na ya door lagta hai? dekho,baithne mein to door hai lekin baapdaada apne dil ki bahut badi screen mein aap sab door baithe hue bachchon ko ati sameep dekh rahe hain। door nahin dekh rahe hain। baapdaada ke dil ki screen bahut badi hai। abhi tak science vaalon ne bhi nahin nikaali hai। iseelie aap door nahin baithe ho,baapdaada ke dil mein baithe ho। aise samajhte ho? kursi par baithe ho,dari par baithe ho ya dil mein baithe ho? drishya to bahut achha sundar lag raha hai। full peechhe tak bhara hua hai ya kuchh khaali hai? baapdaada dekh rahe hain - peechhe thoda khaali hai।

dekho aap logon ko baapdaada ne kaam diya tha। aap bhool gaye honge lekin baapdaada ko yaad hai। kaun sa kaam diya tha? (krodh mukta ka) aaj woh nahin poochhenge। pahla chance liya hai na to aaj krodhmukta ka poochhenge to dilshikasta ho jaayenge। baapdaada ko result pata hai। poochhenge। aap logon se bhi vahaan se result mangaayenge। aaj chhod dete hain। to kaam diya tha ki 9 laakh taiyaar karke dikhaao। yaad hai - har zone ko kaha tha। to kis zone ne 9 laakh taiyaar kiye hain?

bangaal-bihaar ka seva ka tarna hai। to bangaal-bihaar ne 9 laakh taiyaar kiya hai?chup hain,bolte nahin hain। chalo ek zone nahin, sabhi zone ne, desh videsh vaalon ne milkar 9laakh taiyaar kiye hain? videsh vaale bataao। 9 laakh hain? baapdaada to apni date fix karte hain aur usi fix date par aate hain। aap bhi sab baaton ki date fix karte ho?yeh haal kab tak banega, function kab hoga, yeh date fix karte ho na?to iski date kaun si hai? fix hai? vinaash ke and (ant) mein ya pahle?kya hoga?kya socha hai?kaun si date hai?koi date hai ya abhi fix nahin kiya hai?yeh bhi baap kare। karna aapko hai। baapdaada to kahenge ki shubh kaarya mein deri nahin karo phir kya karenge? chalo,is season ke end mein ho jaae to bhi achha। itni himmat hai? sirf daata ban jaao। agar daata banenge to daata ki bhaavna se aapki royal family aur sameep vaali praja bahut jaldi banengi। woh log to intajaar kar rahe hain, sirf sada daata banne ki deri hai। mahaan sahayogi banne ki deri hai। jyaada khazaana svayan prati va sirf svayan ki sevaaon ke prati lagaate ho। apne- apne sevaaon ke dyuteez mein jyaada samay lagaate ho। mahaan daata ban,behad ke daata ban world ke gole par khade ho, behad ki seva mein vibration phailaao। vishwa raaja banna hai sirf zone ke va apne-apne dyuteez ke saarkil ke raaja nahin banna hai। vishwa kalyaankaari ho। abhi behad mein jaao। behad mein jaane se hadon ki baaten svatah hi samaapta ho jaayengi। manobal bahut shreshtha bal hai,usko use nahin karte ho। vaani,sambandh,samparka usse seva mein busy rehte ho। ab manobal ko badhaao। behad ki seva jo abhi aap vaani ya sambandh,sahayog se karte ho, woh manobal se karo। to manobal ki behad ki seva agar aapne behad ki vritti se,manobal dvaara vishwa ke gole ke oopar ooncha sthit ho, baap ke saath paramdham ki sthiti mein sthit ho thoda samay bhi yeh seva ki to aapko uski praalabdha kai guna jyaada milegi।

aajkal ke samay aur circumstance ke pramaan antim seva yahi mansa va manobal ki seva hai। iska abhyaas abhi se karo। chaahe vaani dvaara va sambandh samparka dvaara seva karte ho lekin ab is mansa seva ka abhyaas ati aavashyak hai, saath-saath abhyaas karte chalo। samjha kya karna hai?yeh mansa seva vahi rangat dikhaayegi jo sthaapna ke aadi mein baap ki mansa dvaara roohaani aakarshan ne bachchon ko aakarshit kiya। aur mansa seva ke phal swaroop abhi bhi dekh rahe ho ki vahi aatmaayen ab bhi foundation hain। drama anusaar yeh baap ki mansa aakarshan ka saboot hai jo kitne pakke hain। to ant mein bhi abhi baap ke saath aapki bhi mansa aakarshan, roohaani aakarshan se jo aatmaayen aayengi woh samay anusaar samay kam, mehnat kam aur brahman parivaar mein vriddhi karne ke nimitta banengi। vahi pahle vaali rangat ant mein bhi dekhenge। jaise aadi mein brahma baap ko saadhaaran na dekh krishna ke roop mein anubhav karte the। saakshaatkaar alag cheez hai lekin saakshaat swaroop mein krishna hi dekhte, khaate-peete chalte the। aisa hai na? to sthaapna mein ek baap ne kiya, ant mein aap bachche bhi aatmaon ke aage saakshaat devi-devta dikhaai denge। woh samjhenge hi nahin ki yeh koi saadhaaran hain। vahi poojyapan ka prabhaav anubhav karenge, tab baap sahit aap sabhi ke pratyakshata ka parda khulega। abhi akele baap ko nahin karna hai। bachchon ke saath pratyaksha hona hai। jaise sthaapna mein brahma ke saath vishesh brahman bhi sthaapna ke nimitta banen,aise samaapti ke samay bhi baap ke saath-saath ananya bachche bhi dev roop mein saakshaat anubhav honge। iske liye yahi jo aaj sunaaya abhi se praalabdha swaroop mein sthit raho। chhodo chhoti-chhoti baaton ko, ab oonche jaao। vishesh praalabdha swaroop ka saakshaatkaar svayan bhi karo aur karaao। samjha।

abhi sabhi apne anaadi swaroop mein ek second mein sthit ho sakte ho? kyonki ant mein ek second ki hi seeti bajne vaali hai। to abhi se abhyaas karo। bas tik jaao। (drill karaai)achha।

sabhi aaraam se rah rahe ho? shaantivan achha lagta hai?sabhi ko pasanda hai? double foreigners haath uthaao। double foreigners ko double nasha hai va padamguna nasha hai? padamguna nasha hai va double nasha hai? foreign mein to sun rahe hain na?sabhi deshon mein sun rahe hain? (setlaait-intarnet dvaara 50se bhi adhik deshon mein direct baapdaada ki murli sabhi sun rahe hain) dekho foreign ki invention foreign mein hi pahle kaam mein aa rahi hai। baapdaada ko khushi hai ki foreign vaale baapdaada ko pratyaksha karne mein sahayogi ban rahe hain aur aage bhi banenge। dimaag achha chalaate hain। invention achhi nikaalte hain isliye pahla chance unhon ko hi mila hai। to jo bhi apne-apne desh mein sun rahe hain। baapdaada sabhi bachchon ko is haal mein pharishton ke roop mein haajir naazir dekh rahe hain। double sabha dekh rahe hain। ek saakaar aur doosri pharishton ki sabha। bhaarat mein bhi chaaron or ke bachche pharishte roop mein shaantivan mein pahunch gaye hain। to sabhi bachchon ko saakaar roopdhaari bachchon se pahle akhut yaadapyaar de rahe hain। baapdaada dekh rahe hain ki kone-kone se bachche shaantivan nivaasi ban avyakt anubhav kar rahe hain। bahut achha saadhan mila hai aur sada saadhan aur saadhna donon saath rakhna। achha।

sarva chaaron or ke bachchon ko sada bhaagya ki rekhaayen emerge roop mein smriti mein rakhne vaali aatmaon ko, sada apne sangamayugi sarva praapti swaroop praalabdha ko anubhav karne vaale, sada master daata,maha sahayogi aatmaon ko,sada mansa seva dvaara vishwa ke aatmaon ke kalyaankaari aatmaon ko baapdaada ka yaadapyaar aur namaste।

eastern aur taamilnaadu ke sevaadhaariyon prati - eastern zone va taamilnaadu donon ne milkar apne umang-utsaah se, ek do ke sahayog se ek do ko aage rakhte hue jo part bajaaya woh bahut achha। yeh sangathan bahut shakti deta hai। sabhi ki anguli se seva ki saphalta sahaj ho jaati hai। to aap sabhi jo bhi eastern va taamilnaadu ke bhaai aur behen seva mein aaye hain, sabhi ne jo sahayog ki shakti use karke sabhi ko jo shanti aur shakti ka anubhav karaaya, sneh ka anubhav karaaya woh bahut achha hai aur aage bhi achha rahega। isliye sabhi ki taraph se baapdaada bhi mubaarak de rahe hain।

achha। om shanti।