Avyakt murli for Thursday 18 January 2001

>

18-01-2001 om shanti avyakt baapdaadaamdhuban

yathaartha smriti ka pramaan - samartha swaroop ban shaktiyon dvaara sarva ki paalna karo

aaj sabhi ke dil mein smritiyaan aa rahi hain। baapdaada ke paas bhi amritvele se sneh va yaad ki variety maalaayen chaaron or ke bachchon ki taraph se gale mein pad rahi thi। saath-saath yaad aur pyaar ke dil ke geet bhi sun rahe the। baapdaada donon bachchon ko return mein bhinna-bhinna shaktiyon ki,bhinna-bhinna vardaanon ki maalaayen pahna rahe the। yeh smriti divas saakaar duniya ke manch par bachchon ko samarthi swaroop ke vardaan dvaara san shows father ka vishesh divas hai kyonki saakaar roop mein seva ke nimitta banaane ke liye bachchon ko seva ke manch roopi takhta par bithaane aur jimmevaari ka taaj pahnaane ka din hai। saakaar roop mein seva ke nimitta banne ka taajposhi va tilak ka divas hai। sabhi bachche baap ke sahayogi ban nimitta bane hain aur bante rahenge। baapdaada bhi bachchon ko seva mein umang-utsaah se aage badhte hue dekh harshit ho rahe hain। har ek bachcha nambarvaar himmat aur umang se aage badh raha hai। majority bachche yaad aur seva mein lage rehte hain। jaise aaj ke din bachche vishesh chaaron or brahma baap ki yaad mein lavleen rehte hain, aise vishesh brahma baap bhi bachchon ke lav mein leen rehte hain।

aaj brahma baap bachchon ki visheshtaaon ko dekh rahe the। jaise-jaise har bachche ki visheshta saamne aa rahi thi to brahma baap ke mukh se yahi bol nikal rahe the vaah bachche,vaah! shaabaas bachche, shaabaas! aur kya hua?jaise hi brahma baap vaah bachche, vaah! shaabaas bachche kah rahe the aise hi sabhi bachchon ke naynon se prem ki ganga-jamuna nikal rahi thi। har ek bachcha prem ki nadi mein lavleen tha। yeh tha vatan ka drishya। saakaar duniya mein bhi har ek sthaan ka apna-apna yaad aur sneh ka drishya baapdaada ne dekha। ab aage kya karna hai? smriti to rehti hai lekin yathaartha smriti ka pramaan hai smriti dvaara samartha swaroop banna।smriti ati shreshtha hai,jab brahman banen to baapdaada dvaara jo janma siddha adhikaar praapta kiya,woh second ki smriti dvaara hi praapta kiya। dil ne jaana, dil mein, man mein, buddhi mein smriti aai‘‘main baba ka aur baba mera’’,is smriti dvaara hi janma-siddha adhikaar ke adhikaari banen। yeh smriti sarva shaktiyon ki chaabi bani। yeh smriti golden ki hai। main baap ki arthaat main aatma hoon, jab nishchay hua main aatma baap ki bachchi hoon, to nishchay mein kitna time laga? course karne mein time laga lekin jab nishchay hua to kitna time laga? second ka sauda hua na! second mein varse ke adhikaari ban gaye। adhikaari to sab ban gaye hain, sabhi adhikaari bane hain na ya ban rahe hain? adhikaari ban gaye hain?yeh pakka hai?achha।

double foreigners varse ke adhikaari ban gaye hain? paandav adhikaari ban gaye hain? pakka?pakka?pakka?bahut achha,mubaarak ho adhikaariyon ko। adhikaar mein vishesh baap dvaara sarva shaktiyaan mili hain? ek haath uthaao mili hain? sarva shaktiyaan mili hain na! ya kisko 8mili hain, kisko6 mili hain?apne ko kahlaate bhi hain - master sarvashaktivaan।shaktivaan nahin kehte hain,sarvashaktivaan kehte ho। yeh aage baithne vaale sarvashaktivaan hain? baapdaada‘sarva’shabd ka poochh rahe hain? sabhi sarvashaktivaan ho ya koi-koi shaktivaan bhi hai? hai koi?jo kahe main sarvashaktivaan to nahin hoon lekin shaktivaan hoon,aisa koi hai?nahin hai?koi haath nahin utha raha hai। sarva master sarvashaktivaan hain, achha। to he master sarvashaktivaan,baapdaada poochhte hain ki har prakriti ke,maaya ke,svabhaav-sanskaar ke, vaayumandal ke paristhitiyon mein sarvashaktivaan ho na? yeh prakriti, maaya,sanskaar,vaayumandal ya sangadosh in paanchon ko apni shakti ke aadhaar se adheen banaaya hai? yeh5 sheesh vaala saanp hai, is saanp par, 5sheesh par adhikaari ban daans karte ho?karte ho ya koi ek sheesh nikaalkar aapke oopar daans karta hai? saanp bhi daans to karta hai na bahut achhi। to koi bhi ek sheesh aapko daans dikhaane to nahin aate? kabhi uska khel dekhna achha to nahin lagta hai? khel dekhne lag jaao।5 hi saanpon ko gale ki maala bana di hai? shesh shayya bana di hai, daans ka manch bana diya hai? aapke antim mahaadev, tapasvi dev, ashareeri sthiti vaali dev aatma, pharishta aatma is yaadgaar mein yeh sab saanp gale ki maala dikhaai hai। jab yeh maala pahante tab baap ki maala mein number achhe mein najdeek manke bante hain। vijay maala ke sameep ke manke bante hain।

baapdaada ne pahle bhi sunaaya hai ki vartamaan samay,samay ke anusaar vishesh sahanshakti aur samasya ya paristhiti ko saamna karne ki shakti karma mein aavashyak hai। sirf man aur vaani tak nahin,karma tak aavashyak hai। baapdaada ne result mein dekha hai via shaktiyaan hai,shaktiyaan nahin hain - yeh nahin hai। hain,lekin pharka kya pad jaata hai? samay par jo shakti jis vidhi se kaarya mein lagaani chaahiye,woh samay par aur vidhi poorvak use karne mein,kaarya mein lagaane mein antar pad jaata hai। smriti hai lekin smriti ko samartha swaroop mein nahin laate। smriti jyaada hai, samarthi kabhi kam, kabhi theek ho jaati। smriti ne varse ke adhikaari to bana diya hai lekin har smriti ki samarthi vijayi banaae vijay maala ka sameep manka banaati hai। samaarthiyon ko swaroop mein laao। man mein hai, buddhi mein hai lekin aapke swaroop mein har kaarya mein, har samarthi pratyaksha roop mein aave। to smriti divas to bahut achha manaaya। ab samaarthiyon ko swaroop mein laao। agar kisko bhi dekhte ho to aapke nayan se samartha swaroop ka anubhav ho। har bol se doosra bhi samartha ban jaae। samarthi ka anubhav kare। saadhaaran bol nahin। har bol mein jo samarthi ka vardaan mila hai woh anubhav karaao। man-buddhi dvaara shreshtha sankalp aur yathaartha nirnay shakti ka vaayumandal swaroop mein laao। saadhaaran chalan mein bhi pharishte pan ke samarthi ka swaroop dikhaai de। double light ka svayan ko bhi aur doosron ko bhi anubhav ho। aise hai? to chalte phirte samartha swaroop bano aur doosron ko samarthi dilaao।

baapdaada ne aaj brahma baap ko saath mein, (baapdaada donon saath mein) ek sair karaaya। kya sair karaaya? brahma baap ke avyakt hone ke baad jo bhi desh-videsh mein avyakti janma lene vaale hain, woh sabhi brahman dikhaaye। to kitne honge woh? saakaar roop se avyakt roop ki rachna bahut jyaada thi। har sthaan ke avyakt rachna vaali aatmaon ko vatan mein emerge kiya। suna। usmein aap log bhi hain na! aur har ek ko baapdaada ne bahut sneh ki,sameep ki drishti di। aur avyakt rachna ko ek vishesh gift bhi di। abhi yahaan jo baithe ho woh saakaar brahma ke baad jo brahman aatma rachna mein aaye ho,woh haath uthaao। majority hain,achha neeche karo। achha jo saakaar roop ki rachna hai, woh haath uthaao। bahut thode hain। aaj ki sabha mein bahut thode hain। to baapdaada ne har ek bachche ko emerge kiya,kyonki sankhya bahut thi। yahaan to baith bhi nahin sakenge, vatan mein to sab aa sakte hain। vahaan jitna bada sthaan chaahiye utna sthaan hai। to baapdaada ne sabhi ko vatan mein emerge kiya arthaat nimantran deke bulaaya। sabhi bade khush ho rahe the aur baapdaada unse jyaada khush ho rahe the। baapdaada ne un ratnon ko saugaat di, bahut sundar bedaag heere ka bahut chamakta hua kamal pushpa tha, jismen ek-ek kamal ke patte mein bhinna-bhinna shaktiyaan theen,jo bhinna-bhinna rang mein chamak rahi thi। woh bedaag heere ka kamal pushpa aap emerge karo kitna shobhnik hoga। emerge hua? emerge kiya? double foreigners ne emerge kiya?teachers ne emerge kiya?paandavon ne emerge kiya?aur meethi-meethi maataaon ne emerge kiya?maataayen is vishwa vidyaalay ki visheshta hai। sabhi ko aashcharya kis baat ka lagta hai?ki itni maataayen aur shaktiyaan ban gai! itni maataayen pavitrata ka vrat dhaaran kar deviyon ke roop mein parivartan ho gai। majority maataayen dikhaai deti hain। to baapdaada ne aaj avyakt rachna ko bahut-bahut pyaar diya aur vatan mein bageecha bhi emerge kiya,pahaad bhi emerge kiya aur saath mein saagar bhi emerge kiya। aur sabhi ko khoob ghumaaya। freedom thi ghoomne ki। khel nahin karaaya,ball aur bait-ball ka khel nahin karaaya। koi saagar mein lahron mein lahra rahe the, koi pahaadi par baithe hue the, koi bageeche mein ghoom rahe the, to aaj vatan mein avyakt rachna ki mahphil thi। baapdaada ne sabhi ko yahi vardaan diya sada sarva shaktiyon mein jeete raho, udte raho।

to baapdaada ka aaj ke smriti divas ka vishesh mahaamantra hai‘‘smriti swaroop ban samaarthiyon ko swaroop mein laao।’’ khazaane ko gupta nahin rakho, har karma dvaara baahar mein pratyaksha karo। jo bhi aatma chaahe drishti ke, chaahe mukh ke bol mein, chaahe karma mein saath mein samparka mein aaye, usko samartha banne ka sahayog do, samartha swaroop ka sneh do। baapdaada ne yeh bhi dekha ki jo naye naye bachche aate hain, unhon mein kai aatmaayen aisi bhi hain jinhon ko baapdaada ke sahayog ke saath-saath aap brahman aatmaon ke dvaara himmat, umang,utsaah,samaadhaan milne ki aavashyakta hai। chhote-chhote hain na! phir bhi hain chhote lekin himmat rakh brahman bane to hain na! to chhoton ko shaktiyon dvaara paalna ki aavashyakta hai। aur paalna nahin, shakti dene ke paalna ki aavashyakta hai। to jaldi se sthaapna ki brahman aatmaayen taiyaar ho jaaen kyonki kam se kam 9 laakh to chaahiye na! to shaktiyon ka sahayog do, shaktiyon se paalna do,shaktiyaan badhaao। jyaada discuss karne ki shikshaayen nahin do। shakti do। unki kamzori nahin dekho lekin usmein visheshta va jo shakti ki kami ho woh bharte jaao। aajkal jo nimitta hain unhon ko is paalna ke nimitta banne ki aavashyakta hai। jigyaasu badhaayen, sevaakendra badhaayen yeh to common hai, lekin har ek aatma ko baap ki madad se shaktishaali banaayen, abhi iski aavashyakta hai। seva to sab kar rahe ho aur karne ke bina rah bhi nahin sakte। lekin seva mein shakti swaroop ke vibration aatmaon ko anubhav ho, shaktishaali seva ho। saadhaaran seva to aajkal ki duniya mein bahut karte hain lekin aapki visheshta hai - ‘shaktishaali seva’। brahman aatmaon ko bhi shakti ki paalna aavashyak hai। achha।

baapdaada ke saamne desh-videsh sab taraph ke bachche door hote hue bhi saamne hain। baapdaada jaante hain,sabhi ek hi shabd bolte hain - hamaari bhi yaad dena, hamaari bhi yaad dena। baapdaada ke paas sabhi ki yaad pahunchti hi hai। chaahe patra dvaara,chaahe mukh dvaara,chaahe card dvaara, chaahe aajkal ee-mel dvaara bhejte hain। science ke saadhan bahut ho gaye hain। baapdaada ke paas saadhnon se bhi yaad pahunchti hai aur dil ke aavaaj se bhi yaad pahunchti hai। sabse jaldi dil ka aavaaj pahunchta hai। to aaj ke din jinhonne bhi dil se, bhinna-bhinna saadhnon se yaadapyaar bheja hai un sabhi ko baapdaada yaadapyaar de rahe hain। bachchon ne ek baar yaad di,baap padmaguna return mein yaadapyaar de rahe hain। achha।

chaaron or ke dil ke sameep samartha aatmaon ko,sada samay par har shakti ko swaroop dvaara pratyaksha karne vaale shreshtha aatmaon ko,sada shaktiyon dvaara aatmaon ki paalna ke nimitta banne vaale baap ke sahayogi aatmaon ko,sada har ek mein himmat,umang aur utsaah dene vaale udti kala vaali aatmaon ko, sada samasya ko samaadhaan mein parivartan karne vaale vishwa-parivartak aatmaon ko smriti swaroop so samartha swaroop aatmaon ko,baapdaada ka padamguna yaadapyaar aur namaste।

seva ka tarna chhateesgadh-Indore zone ka hai - sabhi ne bahut dil se seva ki,sabko santushta kiya aur svayan bhi santushta rahe iski mubaarak ho। nai state bani hai isliye nai state vaalon ko baapdaada sada yaad aur seva mein aage udne ki mubaarak de rahe hain। achha kiya।

kanyaaon se - aage kumaariyaan hain, peechhe maataayen hain। bahut achha। jaise abhi khadi ho gai na aise yaad aur seva mein sada khade rehna। hostel ki kumaariyaan to achhi paalna mein pal rahi hain। aisi paalna jo vaayumandal ke prabhaav se bache hue ho। to sada aage badh rahi ho aur badhte hi rahenge। achha mubaarak ho।

jo nai state bani hai na chhateesgadh, (chhateesgadh mein 16 jile hain,raajdhaani raaypur hai) uski raajdhaani ko mubaarak ho। achha seva ka phal bhi mila,bal bhi mila। phal hai khushi aur bal hai sada aise nirvighna rahne ka। to yeh sada hi saath rakhna। achha। teachers ko bhi bahut-bahut mubaarak hai। abhi jo baapdaada ne kaha shakti dene ki paalna badhaate rehna। madhuban nivaasi bhi aaye hain।

achha - aaj khaas yeh sangam bhavan hai na, sangam bhavan vaale aaye hain,unhon ki bhi seva kam nahin hai। aaj khaas unhon ki yaad baapdaada ko mili thi। receive karne ki seva bhi kam nahin hai। vaise to jo bhi shaantivan ke sevaadhaari hain un sabki seva ek do se aage hai, achhi hai। jaagna bhi padta hai, chalna bhi padta hai,daudna bhi padta hai। santushta karna bhi padta hai। mubaarak ho। paandav bhavan vaale, madhuban ki chaar bhujaaon vaale sabhi ko mubaarak ho, mubaarak ho,mubaarak ho।

double foreigners dekh rahe hain, hamko baapdaada ne nahin kaha। double foreigners se sabhi baapdaada sahit daadiyon ka,sabhi braahmanon ka double triple pyaar hai, kyon?baapdaada sadaiv visheshta sunaate hain ki kai prakaar ke culture ki deevaaron ko todkar brahman jeevan mein pahunch gaye hain। brahman culture vaale ban gaye hain aur lagta hi nahin hai ki yeh koi doosre desh ke hain। apne bhaarat ke hain aur sada rahenge। iseelie double vidshiyon ko bhi bahut-bahut arab-kharab baar mubaarak ho। bahut achha।

dekho himmat karke pahunch to gaye hain na! chaahe ticket mile na mile lekin lekar pahunch to gaye hain। himmat achhi hai। achha। abhi kya karna hai!

daadi ji se - saadhnon ko apnaana padta hai। vriddhi bahut fast ho rahi hai na! achha hai। vriddhi bhi ho rahi hai aur sabhi ko santushtata bhi mil rahi hai। achha part baja rahi ho। (baba kara raha hai) phir bhi nimitta to hain। baapdaada roj amritvele vardaan ke saath-saath masaaj bhi karte hain। baapdaada dekhte hain to nimitta banne vaalon ko mehnat bhi karni padti hai। (baba, koi bhi mehnat nahi hai) chalo khel hi kaho, khel karte hain, mehnat nahin karte। is samay janak beti bhi yaad kar rahi hai। woh soch rahi hai main stage par hoon। baapdaada bhi mubaarak de rahe hain। achha hai jo part jisko mila hai, woh vidhipoorvak kar rahe hain। har ek paandav bhi apna-apna part baja rahe hain।

naaraayan daada aur unke bete se - theek hai na। donon hi theek ho? isko baapdaada ne free rakha hai, jab man kare jaise man kare, maryaadaapoorvak vaise karo। brahman jeevan ki, laukik parivaar ki donon ki maryaada jaante hain। donon hi jaante ho na ki ek jaante ho? donon hi jaante ho। to donon ko nibhaana hai। achha hai। bas abhi thoda sa madhuban se connection badhaao। len-den karo। man mein baaten nahin karo, mukh se bhi karo। yeh beej vinaash to hona nahin hai। achha hai phir bhi jeete hain। achha।

sikeeldha to hai! bahut achha। donon hi theek hain। aapka ghar hai jab chaaho tab aao। theek hai na!

jagdeesh bhaai se - jagdamba maa ka slogan yaad hai na - hukmi hukm chalaae raha। to aapka bhi abhi yahi anubhav hai na। karaavanhaar karaae raha hai। chalaane vaala chala raha hai, baaki achha hai yeh sabhi aadi ratnon ne, aap ho seva ke aadi ratna, yeh (daadiyaan) hain sthaapna ke aadi ratna। yeh paandav bhi seva ke aadi ratna hain। (aaj baba ke kamre mein gaya to woh yaaden aa gai,yahaan hote bhi nahin tha,aansu bhar aaye) is yaad se aur hi pratyaksha roop mein ek to pyaar badhta hai,dil ka pyaar baahar nikalta hai aur doosra yaad mein baap ke samaanta ki himmat bhi aati hai। achha hua। lekin baapdaada kah rahe the ki jo bhi seva mein aadi ratna hain va sthaapna ke aadi ratna hain donon ne seva bahut achhi ki hai, nimitta bane hain। sahan bhi kiya aur pyaar bhi mila। achha kiya kyonki us samay himmat rakhne vaale thode the lekin himmat rakhke sahayogi banen,woh sahayog ki jo marks hain woh jama hain। jama khaata achha hai। ek ka padmaguna jama hota hai na। to jinhonne bhi jo kuchh dil se aur shaktishaali hoke kiya hai,unhon ka ek ka laakh guna nahin lekin padmaguna jama hai। aap sabka bhi jama hai, inhon ka bhi jama hai।

ratan mohni daadi se - achha sahayogi ho। neeche oopar hona to padta hai lekin sahayogi to banna hi hai। baapdaada ki bhujaayen ho na to bhujaaon ka kaam kya hai?sahayog dena। achha de rahi ho। achha sahayogi hain na।

achha - om shanti।