Avyakt murli for Sunday 4 November 2001

> 04-11-2001 om shanti avyakt baapdaadaamdhuban

"satyavaadi bano aur samay pramaan merciful ban behad ki vritti, drishti aur kriti banaane ke dridh sankalp ka deep jalaao"

aaj pyaar ke saagar baapdaada apne ati pyaare sikeeldhe meethe-meethe bachchon se milan manaane aaye hain। aap sab bhi milan manaane aaye hain na!bhaag-bhaag kar aaye hain। to baapdaada bhi bachchon se milne ke liye bhaag-bhaag ke aaye hain। aap sabhi to is lok se aaye ho aur baapdaada parlok aur sookshmalok se aaye hain। to sabse door se kaun aaya hai? kaun doordeshi hai?double foreigners doordeshi hain?nahin। sabse door se door, doordeshi to baap hi hai। baapdaada ko is baari double videshi va bhaaratvaasi bachchon ki ek baat par bahut naaz hai। kaun-si baat par naaz hai? bolo। vishesh double videshi bachchon ki himmat dekh baapdaada ko naaz hai ki kaisi bhi paristhiti mein baap se milne ke liye pahunch hi gaye hain। drama ne khel bhi dikhaaya lekin baap aur bachchon ke milan ko drama bhi rok nahin saka। to aise himmat vaale bachchon par baapdaada vishesh vardaanon ki varsha kar rahe hain।

aaj is ghadi jo bhi bachcha jo bhi vardaan chaahe woh vardaan milega। sahaj milega lekin is vardaan ko roz amritvele aur karmayogi sthiti mein baar-baar dil se yaad karna। dilshikasta nahin hona। vardaan praapta hai sirf jaise sthool naynon ke beech mein nirantar bindi chamakti hai na! aise sada naynon mein baap bindi ko samaakar rakhna। rakh sakte ho ya mushkil hai? (sahaj hai)to jaise sthool bindi nirantar hai, aise naynon mein nirantar baap bindi bhi samaaya hua ho। sama liya?fit ho gaya?nikal to nahin jaayega? agar naynon mein nirantar baap bindi samaaya hua hai to aur kisi taraph bhi nayan aakarshit nahin honge। mehnat se chhoot jaayenge। aur taraph nazar jaayegi hi nahin। bilkul safe ho jaayenge। kuchh bhi ho jaae lekin naynon mein sada bindi baap samaaya hua ho। sada naynon mein samaaya hua hoga to dil mein bhi vahi samaaya hua hoga। to dil mein aur naynon mein samaane ki vidhi hai -baapdaada, saaheb ko raazi karna। to saaheb raazi hai? aap samajhte ho baapdaada saaheb aapke oopar raazi hai? kitne percent raazi hai? (koi ne kaha99, koi ne kaha75 percent)aaphreen hai। baapdaada ko raazi karna bahut sahaj hai। baapdaada ko raazi karne ka sahaj saadhan hai ‘‘sachchi dil’’। sachchi dilpar saaheb raazi hai। har karma mein satyavaadi। satyata mahaanta hai। jo sachchi dil vaala hai, woh sada sankalp,vaani aur karma mein, sambandh-samparka mein raazayukta hoga arthaat raaz ko samajh karne vaale,chalne vaale;aur ham kahaan tak raazayukta hain- usko parakhne ki nishaani hai- agar raaz jaanta hai to woh kabhi bhi apne sva-sthiti se naaraaz nahin hoga arthaat dilshikasta nahin hoga aur sankalp mein bhi, vritti se bhi, smriti se bhi, drishti se bhi kisi ko naaraaz nahin karega;kyonki vo sabke va apne sanskaar-svabhaav ko jaanne vaala raazayukta hai। to baap ko raazi karne ki vidhi hai- raazayukta chalna aur raazayukta arthaat na apne andar naaraazgi aaye, na auron ko naaraaz kare।

sada samay anusaar apne man, buddhi ko svapna tak bhi sada shubh aur shuddh rakho। kai bachche roohroohaan mein kehte hain- baapdaada to shaktiyaan deta hai lekin samay par shakti use nahin hoti। baapdaada vishesh sab bachchon ke saathi hone ke sambandh se vishesh aise samay par extra madad dete hain,kyon?baap jimmevaar hai bachchon ko sampanna banaae saath le jaane ke liye। to baap apni jimmevaari vishesh aise samay par nibhaate hain lekin kabhi-kabhi bachchon ke man ki catching power ka switch aaph hota hai, to baap kya kare? baap to phir bhi switch on karne ki, kholne ki koshish karte hain lekin time lag jaata hai। isliye jab phir switch on ho jaata hai to kehte hain - karna to nahin chaahiye tha,lekin ho gaya। to sada apne man ki catching power,jisko aap kehte hain touching, us touching va catching power ka switch on rakho। maaya koshish karti hai aaph karne ki, second mein aaph karke chali jaati hai, iseelie jaisa samay naazuk hota jaayega,abhi hona hai aur। darte to nahin ho na? baapdaada ne pahle bhi kaha ki aap sabne varsha kyon manaaya hai?kaun-sa varsha manaaya hai? sanskaar se sansaar parivartan ka। pakka hai na!manaaya hai na!ya bhool gaye hain? (mana rahe hain)to jab bachchon ne sansaar parivartan ka pakka sankalp liya hai to prakriti baap se poochhti hai ki main taiyaari karti hoon, saphaai karne ki lekin saphaai karne vaale jo nimitta hain woh karte-karte soch mein pad jaate hain, duvidha mein pad jaate hain karen ya nahin karen। jaldi karen,dheere se karen,to main kya karoon! prakriti poochhti hai, to baapdaada prakriti ko kya javaab de?double videshi bolo।(thoda intajaar kare) yeh to theek javaab nahin hai। agar double videshi intajaar karenge to phir plen nahin milenge। abhi to plen mil gaye na। sote-sote aaye ho na plen mein! aaraam se aa gaye na। saari sabha mein se kisi ko bhi aane mein mushkil hui? haath uthaao।(ek ne kaha ki hamaara plen ek baar vaapas chala gaya)time par pahunch to gai। yeh himmat ki baat hai। jo thoda dare to baith gaye। aap logon ne dridh sankalp kiya,jaana hi hai to pahunch gaye। sirf ek ka plen lauta,bas na। uski koi baat nahin,phir achha milega। abhi aage to prakriti ko, saphaai karne vaalon ko soch mein nahin daalo kyonki sthaapna vaale abhi bhi kabhi-kabhi soch mein pad jaate hain। kya karen,aise karen,nahin karen!theek hoga ya nahin theek hoga? ekdam spashta ho haan ya na। yeh right hai, yeh wrong hai - clear ho। to prakriti aapke varsha manaane ke kaaran taiyaari to karegi। abhi bhi kara rahi hai lekin sthaapna ke nimitta bani hui aatmaon ko abhi kisi bhi baaton mein chaahe sva prati, chaahe auron ke prati sochne mein samay nahin lagaana chaahiye। second mein clear touching ho। bindi lagaane mein kitna time lagta hai? (second)to jab practical life mein bindi lagaate ho to second lagta hai? koi bhi baat mein bindi lagaane mein ya bindu naynon mein bindi baap ko samaao to mehnat se chhoot jaayenge roop sthiti mein sthit hone mein second lagta hai?maano koi baat aapke saamne aa gai,usko bindi lagaane mein second lagta hai? paandavon ko second lagta hai? (kabhi-kabhi) paandavon ko bindi lagaane mein time lagta hai? yeh to kah rahi hain second lagta hai। shaktiyon mein shakti hai।(paandav sach bolte hain) nahin,donon sachche hain, kyonki unhon ki bindi abhi lagti hogi,aapki abhi nahin lagti hogi, isliye pharka ho gaya। baaki to sab sachche hain। sachche dil vaale hain। achha।

haal to full hai। (neeche paandav bhavan mein bhi baithe hain) neeche to baithe hain lekin baapdaada ke saamne hain। jo desh-videsh mein isi yaad mein baithe hain- baapdaada madhuban mein aa gaye। apne-apne doordeshi drishti, doorbeen se dekh rahe hain। to woh bhi abhi baba ke saamne aa rahe hain ki kaise door baithe bhi man se madhuban mein hain। aapke is saakaar vatan ke yeh saadhan to neeche-oopar ho sakte hain lekin yeh aadhyaatmik door drishti,dooraadeshi drishti kabhi kharaab nahin ho sakti। to baapdaada ke saamne sabhi chaaron or ke sevaakendra ke bachche dikhaai de rahe hain। achha।

deevaali mana li? sangamayug hai hi manaane ka yug। chaahe antarmukhi ho, ateendriy sukh ki mauz manaao। chaahe seva mein mahaadaani ban aatmaon ke prati mahaadaan dete hue manaao,chaahe aapas mein roohroohaan karo,dance karo,sambandh-samparka se ek-do ki visheshta ko dekho,visheshta ki khushbu lo, sada manaana hi manaana hai। ganvaane ka samay samaapta ho gaya। ganvaane ka yug to nahin hai na? abhi manaane ka aur kamaane ka yug hai, jama karne ka yug hai। to baapdaada sada har bachche ko yahi dekhta rehta,to mana rahe hain,kisi bhi roop mein manaana hi hai kyonki sangam par hi ganvaana aur manaana,donon ka knowledge hai। iseelie ganva ke phir manaana uska mahattva hota hai। abhi ganvaane ko bindi lagaao। stop। ganvaana nahin hai। ek sankalp bhi ganvaana nahin hai। kamaane ke samay par ganvaayenge to kamaayenge kab?phir to samay milna nahin hai। check karo jo bhi khazaane hain,sabse bada khazaana kaun-sa hai?sankalp,samay,gyaan ka khazaana,pratyaksha jeevan mein aaye। gyaan sunaana aur sunna yeh first stage hai lekin gyaan arthaat knowledge। knowledge ko kya kehte ho? knowledge light hai, might hai, kehte ho na! to gyaan va knowledge ka arth hai, is sankalp mein, bol mein,karma mein light aur might hai tab kahenge knowledgeful।

kumaariyaan knowledgeful banne vaali hain na?sirf course karaane vaali nahin banna। bhaashan karne vaali nahin banna। saath-saath knowledge ki light-might,sankalp,bol aur karma mein ho। kumaariyon se to baapdaada ka vishesh pyaar hai। kyon?apne jeevan ka phainsala kar liya। kar liya hai ya karna hai? achhi tarah se soch liya ya vahaan jaake sochengi?pakka soch liya hai to mubaarak ho। dekho itne hands taiyaar milenge aapko। jo kumaariyaan training kar rahi hain woh haath uthaao। kitni sankhya hai? (80) jo abhi seva mein nahin lagi hui hain, centre nahin sambhaalti hain, woh haath uthaao। ginti karo,aadhe hain। achha itne hand to milenge na!right hand ya left hand?right hand banenge na! achha hai। kumaariyaan hain na to baapdaada kumaariyon ko centre ka ghar bhi deta aur var to mila hi hai। hamesha ghar aur var do chaahiye। kumaariyon ko var to mil gaya,abhi ghar bhi milega,centre milega। kumaaron ko bhi milta hai। kumaar samajhte ham peechhe kyon। peechhe nahin aage ho। kumaaron ke bina bhi seva kahaan chalti hai। koi bhi centre par dekho, agar hard worker kumaar nahin hon to bahnen kuchh nahin kar sakti। donon hi zaroori hain। iseelie paandavon ka bhi naam hai to shaktiyon ka bhi naam hai। donon ka naam hai। achha।

aap sabke desh-videsh ki meetings ka samaachaar baapdaada ke paas pahuncha। is varsha mein chaahe desh mein, chaahe videsh mein, desh mein conferences,sneh milan jyaada hue hain aur videsh mein bhinna-bhinna project chala rahe hain। lekin baapdaada ne dekha ki seva mein lagan bhi hai aur seva ki gati mein teevrata bhi hai। donon hain। samay anusaar har project ya conference ya sneh milan kaho, koi naynon mein bindi baap ko samaane ki vidhi hai - baapdaada saaheb ko raazi karna bhi programme jo bhi chalta hai,usmein sirf samay pramaan topic ko usi roop se rakhna zaroori hai kyonki jis samay kisko paani ki pyaas hai, aur aap usko36 prakaar ka bhojan de do to woh sveekaar karega? to project koi bhi hai, topic koi bhi hai lekin is samay sarva aatmaon ko chaahiye - shanti aur sneh। shanti ke bhi pyaasi hain to sneh ke bhi pyaasi hain। to achhi seva kar rahe hain, jo bhi plan banaaye hain, woh achhe banaaye hain, jo chal rahe hain woh achhe chal rahe hain। result bhi hai aur himmat bhi hai। isliye baapdaada seva ke samaachaar sunte harshit hote hain। aur geet kaun-sa gaate hain?baapdaada geet gaate hain, kaun-sa? vaah bachche vaah! aur is samay programmes to chalne hi hain,programmes ko nahin rokna hai। samay ke circumstance programme ko rokte hain to roken। lekin aap nahin programmes rok sakte ho। achha,agar maano koi programmes rakhte ho aur samasya badal jaati hai to programme mein aane vaale bhi samajhte hain, jaane vaale bhi samajhte hain। aap kyon na karo। daata ke bachche hain na, to aap dene mein, programme karne mein na nahin kar sakte ho। aao,bhale aao,khushi se aao। svaagat karenge। jab circumstance honge to circumstance hi unhon ko ronken,aap nahin roko। abhi bhi dekho America ke pees vilej mein,hangaama hote hue bhi America mein bhi programme chal rahe hain na aur bahut achhe chale hain। rooke hain?nahin rooke hain na! abhi 4taareekh tak jo bhi programme aapne banaaye, woh koi rooka hai! bombs bhi chal rahe hain,chalne do। ladaai to chal rahi hai na!sunte raho। achha hai, sunne se aap sab braahmanon ke jo vishesh sanskaar va svabhaav hai- merciful,merciful ke woh emerge honge aur hona hi zaroori hai। is samay aap har ek ko, aatmaon prati merciful aur daata ban kuchh na kuchh dena hi hai,chaahe mansa seva dvaara do, chaahe shubh bhaavna se do, shreshtha sakaash dene ki vritti se do, chaahe aadhyaatmik shakti sampanna bol se do, chaahe apne sneh sampanna sambandh-samparka se do lekin koi bhi aatma vanchit nahin rahe। daata bano, merciful bano। chilla rahe hain। baap ke aage apni-apni bhaasha mein chilla rahe hain - shanti do, sneh do,dil ka pyaar do, sukh ki kirnen dikhaao। to baap kaise denge?aap bachchon dvaara hi denge na!baap ke aap sabhi right hand ho। koi ko kuchh bhi dena hota hai to hand dvaara dete hain na! to aap sabhi baap ke right hand ho na! paandav right hand ho?aap right hands ka yaadgaar hai। pata hai kaun-sa yaadgaar hai?viraat roop ka chitra dekha hai,to usmein kitne haath dikhaate hain?to aap right hand ka chitra hai na!kumaariyaan,usmein aap logon ka chitra hai na?to abhi baap right hands dvaara aatmaon ko sukh-shanti ki anchali to dilaayega na!bichaaron ko anchali bhi nahin denge to kitne tadphenge!abhi sabhi had ki baaton se oonche ho jaao। had ki baaton mein, had ke sanskaaron mein samay nahin ganvaao। baapdaada aaj bhi sabhi bachchon ko,chaahe yahaan baithe hain, chaahe centres par baithe hain,chaahe desh mein hain, chaahe videsh mein hain lekin merciful bhaavna se ishaara de rahe hain– baapdaada har bachche ki had ki baaten, had ke svabhaav-sanskaar,natkhat va chaturaai ke sanskaar,albelepan ke sanskaar bahut samay se dekh rahe hain,kai bachche samajhte hain sab chal raha hai,kaun dekhta hai,kaun jaanta hai lekin abhi tak baapdaada merciful hai, isliye dekhte hue bhi, sunte hue bhi raham kar raha hai। lekin baapdaada poochhte hain aakhir bhi merciful kab tak?kab tak? kya aur time chaahiye?baap se samay bhi poochhta hai, aakhir kab tak? prakriti bhi poochhti hai। javaab do aap। javaab do। abhi to sirf baap ka roop chal raha hai,shikshak aur satguru to hai hi। lekin baap ka roop chal raha hai। kshama ke saagar ka part chal raha hai। lekin dharmaraaz ka part chala to?kya karenge?baapdaada yahi chaahte hain ki dharmaraaz ke part mein bhi vaah! bachche vaah! ka aavaaj kaanon mein goonje। phir baap ko ulahna nahin dena। baba,aapne sunaaya nahin, ham taiyaar ho jaate the na!isliye abhi had ki chhoti-chhoti baaton mein, svabhaav mein,sanskaaron mein samay nahin ganvaao। chal rahe hain,chalta hai, nahin,jama hota jaata hai। duguna,teeguna, sauguna jama hota jaata hai, chalta baap ko raazi karne ki vidhi hai - raazayukta hokar chalna hai nahin। isliye is dridh sankalp ka dil mein deep jagaao। had se behad mein vritti,drishti, kriti banaani hi hai। iseelie baapdaada kehte hain banaani padegi। aaj yeh kah rahe hain banaani padegi phir kya kahenge? tu let। samay ko dekho,seva ko dekho,seva badh rahi hai, samay aage daud raha hai। lekin svayan had mein hain ya behad mein hain?had ki baaton ke peechhe aap nahin daudo। to behad ki vritti, svamaan ki sthiti aapke peechhe daudegi।

baapdaada is varsha mein jo is samay tak kiya,usmein santushta hain, aaphreen bhi dete hain। lekin abhi seva mein anubhooti karaana, shama ke oopar parvaane banaana, chaahe sahayogi banaao,chaahe saathi banaao,kuchh banen। anubhooti ki khaan kholo। achha hai - yahaan tak theek hai। lekin sirf chakkar lagaane vaale parvaane nahin banen। pakke parvaane banenge - anubhooti ka course karaane se। itne tak anubhooti hoti hai - bahut achha hai, svarga hai। yahi yathaartha gyaan hai, knowledge hai, itna seva ka result achha hai। abhi anubhooti swaroop ban anubhav karaao। anubhav karne vaale arthaat baap se direct sambandh rakhne vaale। aise anubhvi parvaane taiyaar karo। sahayogi banaaye hain, uski mubaarak hai aur banaao। yeh sthaan hai, yahaan se hi praapti ho sakti hai,itne tak bhi maante hain lekin baap ke saath zara-sa connection to jodo, jo shama ke peechhe hi bhaagte rahen। to is varsha vishesh baapdaada seva mein anubhooti karaane ka course karaane chaahte hain। isse hi saakshaatkaar bhi honge aur saakshaat baap pratyaksha honge। suna,kya karna hai?plan mila?

abhi is varsha ki result dekhenge, kitnon ko baap shama ke parvaane banaaye। chalo chakkar to lagaayen, svaaha nahin hon, baba-baba ka chakkar to lagaayen। achha। kumaariyaan theek hai na! achha।

chaaron or ke bachchon ke patra bhi baapdaada ko milte rehte hain। woh bachche likhna shuru karte hain aur baap ke paas pahle hi pahunch jaata hai। dil ka aavaaj hai na!yeh to haathon se likhte hain, lekin pahle dil ka aavaaj dilaaraam ke paas pahunch jaata hai। yeh bhi achha hai, baapdaada ki yaad to aati hai na! samaachaar likhne ke time kitni khushi hoti hai। to baapdaada jinhonne bhi patra,ee-mel,kisi bhi saadhan dvaara yaad-pyaar ya samaachaar bheja hai un sabhi ko, ek-ek ko naam sahit special yaad-pyaar aur mubaarak de rahe hain। aap sab to sammukh de rahe ho na!unhon ko dena padega na। to sabhi ko, chaaron or ke bachchon ko deevaali mubaarak bhi de rahe hain, kaun-si deevaali manaani hai woh to suna hi diya। achha।

chaaron or ke ati pyaare baapdaada ke diltakhta nasheen shreshtha aatmaon ko, sada had ke svabhaav, sanskaar parivartan karne vaale behad ki parivartak aatmaon ko,sada ek second,ek sankalp bhi vyartha na ganvaane vaale, jama karne vaale teevra purushaarthi bachchon ko, sada merciful ban,daata ban har aatma ko, chaahe brahman aatma, chaahe pyaasi aatmaon ko kuchh-na-kuchh anchali dene vaale, sakaash dene vaale, aise badi dil rakhne vaale bachchon ko baapdaada ka bahut-bahut-bahut-bahut yaad-pyaar aur namaste।