Avyakt murli for Friday 25 March 2005

>

25-03-05 om shanti avyakt baapdaadaamdhuban

master soorya ban anubhooti ki kirnen phailaao, vidhaata bano, tapasvi bano

aaj baapdaada apne chaaron or ke holeehans bachchon se holi manaane ke liye aaye hain। bachche bhi pyaar ki dor mein bandhe hue holi manaane ke liye pahunch gaye hain। milan manaane ke liye kitne pyaar se pahunch gaye hain । baapdaada sarva bachchon ke bhaagya ko dekh rahe the kitna bada bhaagya, jitne hi holiest hain utne hi highest bhi hain। saare kalpa mein dekho aap sabke bhaagya se ooncha bhaagya aur kisi ka nahin hai। jaante ho na apne bhaagya ko? vartamaan samay bhi parmaatma paalna, parmaatma padhaai aur parmaatma vardaanon se pal rahe ho। bhavishya mein bhi vishvake raajyaadhikaari bante ho। banna hi hai, nishchit hai, nishchay hi hai। baad mein bhi jab poojya bante ho to aap shreshtha aatmaon jaisi pooja vidhipoorvak aur kisi ki bhi nahin hoti hai। to vartamaan, bhavishya aur poojya swaroop mein highest arthaat oonche te oonche hain। aapke jad chitra unhon ki bhi har karma ki pooja hoti hai। anek dharma pita, mahaan aatmaayen hue hain lekin aise vidhi poorvak pooja aap oonche te oonche parmaatma bachchon ki hoti hai kyonki is samay har karma mein karmayogi ban karma karne ki vidhi ka phal pooja bhi vidhipoorvak hoti hai। is sangam samay ke purooshaartha ki praalabdha milti hai। to oonche te oonche bhagvan aap bachchon ko bhi oonche te oonchi praapti karaate hain।

holi arthaat pavitrata, holiest bhi ho to highest bhi ho। is brahman jeevan ka foundation hi pavitrata hai। sankalp maatra bhi apvitrata shreshtha banne nahin deti। pavitrata hi sukh, shanti ki janni hai। pavitrata sarva praaptiyon ki chaabi hai। isliye aap sabka slogan yahi hai -``pavitra bano, yogi bano।'' jo holi bhi yaadgaar hai, usmein bhi dekho pahle jalaate hain phir manaate hain। jalaane ke bina nahin manaate hain। apvitrata ko jalaana, yog ke agni dvaara apvitrata ko jalaate ho, uska yaadgaar woh aag mein jalaate hain aur jalaane ke baad jab pavitra bante hain to khushiyon mein manaate hain। pavitra banne ka yaadgaar milan manaate hain kyonki aap sabhi bhi jab apvitrata ko jalaate ho, parmaatma sang ke rang mein laal ho jaate ho to sarva aatmaon ke prati shubh bhaavna shubh kaamna ka milan manaate ho। iska yaadgaar mangal milan manaate hain। isliye baapdaada sabhi bachchon ko yahi smriti dilaate hain ki sada har ek se duaayen lo aur duaayen do। apne duaaon ki shubh bhaavna se mangal milan manaao kyonki agar koi bad-dua deta bhi hai, woh to parvash hai apvitrata se lekin agar aap bad-dua ko man mein samaate ho to kya khush rehte ho? sukhi rehte ho? ki vyartha sankalpon ka kyon, kya, kaise, kaun… is duhkh ka anubhav karte ho। bad-dua lena arthaat apne ko bhi duhkh aur ashaanti anubhav karaana। jo baapdaada ki shreemat hai sukh do aur sukh lo, us shreemat ka ulghann ho jaata hai। to abhi sabhi bachche dua lena aur dua dena seekh gaye ho na! seekha hai?

pratigya aur dridhta, dridhta se pratigya karo - sukh dena hai aur sukh lena hai। dua deni hai, leni hai।hai pratigya, himmat hai? jismen himmat hai aaj se dridhta ka sankalp lete hain dua lenge, dua denge, woh haath uthaao। pakka? pakka? kachcha nahin hona। kachche banenge na - to kachche phal ko chidiya bahut khaati hai। dridhta saphalta ki chaabi hai। sabhi ke paas chaabi hai? hai chaabi? chaabi kaayam hai, maaya chori to nahin kar leti? usko bhi chaabi se pyaar hai। sadaiv sankalp karte hue yeh sankalp emerge karo, merge nahin, emerge। emerge karo mujhe karna hi hai। banna hi hai। hona hi hai। hua hi pada hai। isko kaha jaata hai nishchaybuddhi, vijayanti। drama vijay ka bana hi pada hai। sirf repeat karna hai। bana banaaya drama hai। bana hua hai, repeat kar banaana hai। mushkil hai? kabhi-kabhi mushkil ho jaata hai! mushkil kyon hota hai? apne aap hi sahaj ko mushkil kar dete ho। chhoti si galti kar lete ho - pata hai kaun si galti karte ho? baapdaada ko us samay bachchon par bahut raham kya kahen, pyaar aata hai। kya pyaar aata hai? ek taraph to kehte ki baap hamaare combined hai, hai combined? combined hai?saath nahin combined। combined hai? double foreigners combined hai? peechhe vaale combined hai? gallery vaale combined hai?

achha aaj to baapdaada ko samaachaar mila ki madhuban nivaasi paandav bhavan, gyaan sarovar aur yahaan vaale bhi alag haal mein sun rahe hain। to unhon se bhi baapdaada poochh rahe hain ki baapdaada combined hain? haath utha rahe hain। jab combined hai, sarva shaktivaan baapdaada combined hai phir akele kyon ban jaate? agar aapkamzor bhi ho to baapdaada to sarvashaktivaan hai na! akele ban jaate ho tab heekamzor ban jaate ho। combined roop mein raho। baapdaada har ek bachche ke har samay sahayogi hain। shiv baap paramdham se aaye kyon hain? kislie aaye hain?bachchon ke sahayogi banne ke liye aaye hain। dekho brahma baap bhi vyakta se avyakt hue kislie? saakaar shareer se avyakt roop mein jyaada se jyaada sahayog de sakte hain। to jab baapdaada sahayog dene ke liye offer kar rahe hain to akele kyon ban jaate? mehnat mein kyon lag jaate? 63 janma to mehnat ki hai na! kya woh mehnat ke sanskaar abhi bhi kheenchate hain kya? muhabbat mein raho, lav mein leen raho। muhabbat mehnat se mukta karaane vaali hai। mehnat achhi lagti hai kya? kya aadat se majboor ho jaate ho? sahaj yogi hain, baapdaada vishesh bachchon ke liye paramdham se saugaat laaye hain, pata hai kya saugaat laaye hain? tili par bhista laaya hai। (hatheli par svarga laaye hain) aapka chitra bhi hai na। raajya bhaagya laaye hain bachchon ke liye। isliye baapdaada ko mehnat achhi nahin lagti।

baapdaada har bachche ko mehnat mukta, muhabbat mein magan dekhne chaahte hain। to mehnat va maaya ki yuddha se mukta banne ka aaj sankalp dvaara holi jalaayenge? jalaayenge? jalaana maana naam-nishaan gum। koi bhi cheez jalaate hain to naam-nishaan khatma ho jaata hai na! to aisi holi manaayenge? manaayenge? haath to hila rahe hain। baapdaada haath dekh karke khush ho raha hai। lekin, lekin hai? lekin bolen kya ki nahin? man ka haath hilaana। yeh haath hilaana to bahut easy hai। agar man ne maana karna hi hai to hua hi pada hai। naye-naye bhi bahut aaye hain। jo pahle baari milan manaane ke liye aaye hain, woh haath uthaao। double foreigners mein bhi hain।

abhi jo bhi pahle baari aaye hain, baapdaada vishesh unhon ko apna bhaagya banaane ki mubaarak de rahe hain। lekin yeh mubaarak smriti mein rakhna aur sada yeh lakshya rakho kyonki final result out nahin hui hai। sabko chance hai, last mein aane vaale bhi, pahle vaalon se last mein aaye ho na, to last vaale last so fast aur fast so first aa sakte hain। chhutti hai, ja sakte ho। yeh sada yaad rakhna mujhe arthaat mujh aatma ko fast aur first class mein aana hi hai। ho, vi.aai.pi bahut aaye hain na, title vi.aai.pi ka hai। jo vi.aai.pi aaye hain woh lamba haath uthaao। welcome। apne ghar mein aane ki welcome, bhale padhaare। abhi to parichay ke liye vi.aai.pi. kehte hain lekin abhi vi.aai.pi se vi.vi.vi. aai.pi banna hai। dekho devtaayen aapke jad chitra vi.vi.vi. aai.pi hain to aapko bhi poorvaj jaisa banna hi hai। baapdaada bachchon ko dekhkar khush hote hain। relation mein aaye। jo vi.aai.pi aaye hain utho। baithe-baithe thak bhi gaye honge, thoda utho। achha।

maataayen jo pahli baar mil rahi hai, woh utho। yeh sab pahli baari aaye hain। achha paandav jo pahle baari aaye hain woh utho। baapdaada ko khushi hai, kyon? bachchon ne seva achhi ki hai। seva ka saboot baapdaada ne dekha। is season mein majority har group mein pahle baari milne vaale aadha se bhi jyaada hain। isliye jin bachchon ne mega programme kiya va apne-apne sthaan mein seva ki hai aur saboot diya hai un sabhi bachchon ko baapdaada seva ki mubaarak, dil ki duaayen de rahe hain। abhi aage kya karna hai?

daadi ne sandesh bheja, aage kya karna hai? to baapdaada bachchon ko dekh khush to hai hi lekin aage ke liye jo bhi sambandh-samparka mein aaye hain un aatmaon ki vishesh group-group mein har centre vaale bulaakar unka foundation pakka karne ki paalna karo। relation to jod diya, sambandh joda, chaahe kabhi-kabhi aane vaale, chaahe regular aane vaale, chaahe samparka mein aaye, chaahe sambandh mein aaye, lekin relation ke saath-saath aatmaon ka baap ke saath connection aisa majboot karo jo jyaada mehnat nahin karni pade inhon ko। maaya se baar-baar yuddha nahin karni pade। man ki lagan aisi pakki karo jo vighna aa nahin sake। jahaan baap se lagan hai vahaan vighna nahin aa sakta। asambhav hai। isliye sandesh dene ki seva karo lekin jo seva ka phal nikla hai us phal ko majboot banaao, pakka banaao। kachcha phal nahin rah jaaye kyonki samay fast ja raha hai। samay ka koi bharosa nahin, kab bhi kya bhi ho sakta hai aur achaanak hona hai। baapdaada ko pata bhi hai kab hona hai lekin bataayenge nahin kyonki achaanak paper hona hai। isliye jama ka khaata bahut badhaao।

vartamaan samay baapdaada do baaton par baar-baar attention dila rahe hain - ek stop, bindi lagaao, point lagaao। doosra - stock jama karo। donon zaroori hain। teenakhzaane vishesh jama karo - ek apne purooshaartha ki praalabdha arthaat pratyaksha phal, woh jama karo। doosra - sada santushta rehna, santushta karna। sirf rehna nahin, karna bhi। uske phal swaroop duaayen jama karo। duaaon ka khaata kabhi-kabhi koi bachche jama karte hain lekin chalte-chalte koi chhoti-moti baat mein confuse ho karke, himmatheen ho karke jama huekhzaane mein bhi lakeer laga dete hain। to duaaon ka khaata bhi jama ho। uski vidhi santushta rehna, santushta karna। teesra - seva dvaara seva ka phal jama karna ya khazaana jama karna aur seva mein bhi vishesh nimitta bhaav, nirmaan bhaav, nirmal vaani। behad ki seva। mera nahin, baba। baba karaavanhaar mujh karanhaar se kara raha hai, yeh hai behad ki seva। yeh teenon khaate check karo -teenon hi khaate jama hain? meraapan ka abhaav ho। ichchha maatram avidya। sochte hain is varsha mein kya karna hai? season poori ho rahi hai ab 6 maas kya karna hai? to ek to khaate jama karna, check karna achhi tarah se। kahaan kone mein bhi had ki ichchha to nahin hai? main aur meraapan to nahin hai? levta to nahin hai? vidhaata bano, levta nahin। na naam, na maan, na shaan, kisi ke bhi levta nahin, daata, vidhaata bano।

abhi duhkh bahut-bahut badh raha hai, badhta rahega। isliye master soorya ban anubhooti ki kirnen phailaao। jaise soorya ek hi samay mein kitni praaptiyaan karaata hai, ek praapti nahin karaata। sirf roshni nahin deta, power bhi deta hai। anek praaptiyaan karaata hai। aise aap sabhi in 6 maas mein gyaan soorya ban sukh ki, khushi ki, shanti ki, sahayog ki kirnen phailaao। anubhooti karaao। aapki soorat ko dekhte hi duhkh ki lahar mein kam se kam muskaan aa jaaye। aapki drishti se himmat aa jaaye। to yeh attention dena hai। vidhaata banna hai, tapasvi banna hai। aisi tapasya karo jo tapasya ki jvaala koi na koi anubhooti karaaye। sirf vaani nahin sunen, anubhooti karaao। anubhooti amar hoti hai। sirf vaani thoda samay achhi lagti hai sada yaad nahin rehti। isliye anubhav ki authority ban anubhav karaao। jo bhi sambandh-samparka mein aa rahe hain unhon ko himmat, umang-utsaah apne sahayog se baapdaada ke connection se dilaao। jyaada mehnat nahin karaao। na khud mehnat karo na auron ko karaao। nimitta hain na! to vibration aise umang-utsaah ka banaao jo gambheer bhi umang-utsaah mein aa jaaye। man naachne lage khushi mein। suna kya karna hai? dekhenge result। kis sthaan ne kitni aatmaon ko dridh banaaya, khud dridh bane, kitni aatmaon ko dridh banaaya, saadhaaran potaamel nahin dekhenge, bhool nahin ki, jhooth nahin bola, koi vikarma nahin kiya, lekin kitni aatmaon ko umang-utsaah mein laaya, anubhooti karaai, dridhta ki chaabi di। theek hai na, karna hi hai na। baapdaada bhi kyon kahe ki karenge! nahin, karna hi hai। aap nahin karenge to kaun karega? peechhe aane vaale? aap hi kalpa-kalpa baap se adhikaari bane the, bane hain aur har kalpa banenge। aisa dridhta poorvak bachchon ka sangathan baapdaada ko dekhna hi hai। theek hai na! haath uthaao, banna hi hai, man ka haath uthaao। dridh nishchay ka haath uthaao। yeh to sab paas ho gaye hain। paas hain na? achha।

sabhi khush hain? prabandha se jyaada aa gaye hain। (23 hajaar se bhi adhik pahunch gaye hain) koi baat nahin, jab jyaada aayenge to daadi ka sankalp chalega na, badhaane ka। bhale aaye। achha hai - haal ko kabhi to chhota hona hi chaahiye। hona chaahiye na! pahli line vaale hona chaahiye na। tab to banaayenge na! drama mein vriddhi honi hi hai। sevaadhaari thak to nahin jaate? kiska tarna hai abhi? gujraat ka hai। gujraat to bada hai। gujraat vaale utho। aadha haal to gujraat hai। (7 hajaar hain) to gujraat ke sevaadhaari bahut aaye hain isliye seva lene vaale bhi bahut aa gaye hain। thak to nahin gaye? nahin। maataayen, maataayen roti bel-bel kar thak gai? nahin thaki। sabse mehnat ka kaam hai roti banaana। gujraat vaalon ko vardaan hai - jaise desh ke hisaab se sameep hai, aise hi baapdaada ke dil ke bhi sameep rehna hai। rehte bhi hain, rehna bhi hai। baapdaada ne dekha ki kabhi bhi koi bhi aavashyakta mein gujraat haazirho jaata hai। tohaazir hone vaali aatmaon ke liye baapdaada bhi sada haazir hai।

achha - aaj baapdaada ko sandesh gyaan sarovar, paandav bhavan aur shaantivan vaalon ne diya hai ki humein door baithe najdeek dekhna। to baapdaada sabhi sthaan nivaasi short mein sabhi taraph ke madhuban nivaasi chaahe bahnen, chaahe bhaai sabhi ko sammukh dekh rahe hain। door nahin hai, dil par hain aur baapdaada dil se yaad pyaar de rahe hain। vaise to dikhaai nahin dete, aaj vishesh dikhaai de rahe hain। achha।

double videshi:- haath hilaao। baapdaada ne sabhi double videshi bachchon ki jo refreshment hui hai, woh dekha। chart achha banaaya hai। achha kiya hai aur achhe te achhe hi rehna hai। kabhi bhi koi poochhe - haalchaal kya hai?to sabhi ka ek hi javaab ho - kushal haal hai, pharishte ki chaal hai। theek hai na। pasanda hai? aise nahin, amerikaaaphreekaamen jaakar badal jaao। badalna nahin aur udna hai aur udaana hai। umang utsaah ke pankh sada hain hi। doosron ko bhi umang-utsaah ke pankh lagaane hain। yeh achha hai, baapdaada sab samaachaar sunte rehte hain। madhuban ka laabh achhe te achha uthaane ka programme banaate hain, yeh dekhke sunke baapdaada khush hote hain। sirf amar bhav ka vardaan bhoolna nahin, amar bhav। 60 deshon se aaye hain। 60 deshon ke ek-ek bhinna-bhinna desh vaale haath uthaao, dekhen 60 hain, jo Australia se aaye, aphreekaase aaye, America se aayen, woh haath uthaao। bhale padhaare। achha hai baapdaada aur sarva brahman parivaar bhi aap sabko dekhke khush hote hain। kyon jitne deshon mein aap kar rahe ho, utne deshon ki bhaasha seekhne ke liye bhaaratvaasiyon ko sahayog de diya aapne। iseelie aap sabko dekhke khush hote hain। achhe, umang-utsaah mein hain aur sada rahne vaale hain। sab teachers theek hain na! bahut mehnat ki ki umang-utsaah mein rahe? achha programme banaate hain, baapdaada khush hote hain। abhi baapdaada double videshiyon se ek baat chaahte hain - sunaayen?

baapdaada ne suna hai ki double videshi email bade lambe-lambe karte hain। janak bachchi ko bahut busy kar diya hai। raat ko jaagna padta hai। to yeh bhi shortcut karte jaao, lamba nahin। theek hai na! short to ho sakta hai। to theek hai? short karenge? bhale samaachaar bhejo lekin short, 3-4 line, jyaada mein jyaada 5 line mein। ho sakta hai na! jo shortcut karenge woh haath uthaao। jo karte hi nahin hain woh haath nahin uthaate hain, hoshiyaar hain। achha hai। achha।

maataaon ko bhaavna aur pyaar ki mubaarak ho vishesh। paandavon ko sada number one aur win karne ki mubaarak ho aur aaye hue nishaani vi.aai.pi. un sabhi bachchon ko bhi sada har kadam mein umang-utsaah dvaara aage connection badhaane ki, kadam mein padam ki kamaai jama karne ki mubaarak ho, mubaarak ho, mubaarak ho।

achha - chaaron or ke diltakhtansheen bachchon ko, door baithe bhi parmaatma pyaar ka anubhav karne vaale bachchon ko, sada holi arthaat pavitrata ka foundation dridh karne vaale, svapna maatra bhi apvitrata ke anshamaatra se bhi door rahne vaale mahaaveer, mahaaveerni bachchon ko, sada har samay sarva jama ka khaata, jama karne vaale sampanna bachchon ko, sada santushtamni ban santushta rahne aur santushta karne vaale baap samaan bachchon ko baapdaada ka yaadapyaar, duaayen aur namaste।

daadiyon se:- daadiyaan to guru bhaai hain na, to saath mein baitho। to bhaai saath mein baithte hain। achha hai। baapdaadaaroz sneh ki maalish karte hain। nimitta hai na! yeh maalish chala rahi hai। achha hai - aap sabhi ka example dekh karke sabhi ko himmat aati hai। nimitta daadiyon ke samaan seva mein, nimitta bhaav mein aage badhna hai। achha hai aap logon ka yeh jo pakka nishchay hai na - karaavanhaar kara raha hai, chalaane vaala chala raha hai। yeh nimitta bhaav seva kara raha hai। main pan hai? kuchh bhi main pan aata hai? achha hai। saare vishvake aage nimitta example hai na। to baapdaada bhi sada vishesh pyaar aur duaayen dete hi rehte hain। achha। bahut aaye hain to achha hai na! last tarna fast gaya hai। achha।

double videshi mukhya teachers bahinon se:- sabhi milke sabhi ki paalna karne ke nimitta bante ho yeh bahut achha part bajaate ho। khud bhi riphreshho jaate ho aur doosron ko bheeriphresh kar dete ho। achha programme banaate ho। baapdaada ko pasanda hai। khudriphreshhonge tab to riphreshakrenge। bahut achha। sabhi neriphreshment achhi ki। baapdaada khush hai। bahut achha।