Avyakt murli for Saturday 31 December 2005

>

31-12-05om shanti avyakt baapdaadaamdhuban

"naye varsha mein apne puraane sanskaaron ko yog agni mein bhasma kar brahma baap samaan tyaag,tapasya aur seva mein number one bano"

aaj baapdaada chaaron or ke chaahe sammukh hain, chaahe door baithe dil ke sameep hain, sarva ko teen mubaarak de rahe hain। ek navjeevan ki mubaarak hai, doosri navayug ki mubaarak hai aur teesri aaj ke din varsha ki mubaarak hai। aap sabhi bhi naye varsha ki mubaarak dene aur mubaarak lene aaye ho। vaastav mein sachchi dil ke khushi ki mubaarken aap brahman aatmaayen lete bhi ho,dete bhi ho। aaj ke din ka mahatva hai। vidaai bhi hai aur badhaai bhi hai। vidaai aur badhaai ka sangamayug hai। aaj ke din ko kahenge sangam ka din hai। sangam ki mahima bahut badi hai। aap sabhi jaante ho ki sangamayug ki mahima ke kaaran aajkal puraane aur naye varsha ke sangam ko kitna dhoomdhaam se manaate hain। sangamayug ki mahima ke kaaran hi is puraane naye varsha ke sangam ki mahima hai। jahaan do nadiyaan milti hain, sangam hota hai, unki bhi mahima hai। jahaan nadi saagar ka sangam hota hai uski bhi mahima hai। lekin sabse badi mahima is sangamayug ki hai,purooshottamayug ki hai, jahaan aap brahman bhaagyavaan aatmaayen baithe ho। yeh nasha hai na ! agar aapse koi poochhe aap kis samay par ho? kya kaliyug mein rehte ho, satayug mein rehte ho?to kya phalak se kahenge? ham is samay purooshottam sangamayug mein rehte hain। aap kaliyugi nahin ho, sangamayugi ho। aur is sangamayug ki vishesh mahima kyon hai? kyonki bhagwan aur bachchon ka milan hota hai,mela hota hai, milan hota hai, jo kisi bhi yug mein nahin hota। to mela manaane aaye ho na ! aap kahaan-kahaan se aaye ho milan mela manaane ke liye। kabhi svapna mein bhi socha tha ki drama mein mujh aatma ka aisa bhi bhaagya noondha hua hai। tha aur hai - aatma ka paramatma se milne ka। baap bhi har ek bachche ke bhaagya ko dekh harshit hote hain। vaah! bhaagyavaan bachche vaah! apne bhaagya ko dekh dil mein apne prati vaah! main vaah! vaah! mera bhaagya vaah ! vaah! mera baba vaah ! vaah ! mera brahman parivaar vaah ! yeh vaah, vaah ke geet automatic dil mein gaate rehte ho na।

to aaj is sangam ke samay apne andar soch liya hai ki kis-kis baaton ko vidaai deni hai? socha hai sabhi ne? sadaakaal ke liye vidaai deni hai kyonki sadaakaal ke liye vidaai dene se sadaakaal ki badhaaeeyaan mana sakenge। aisi badhaai do jo aapke chehre ko dekh jo bhi aatma saamne aaye woh bhi badhaaeeyaan praapta kar khush ho jaae। jo dil se badhaai dete hain va lete hain woh sada hi kaise dikhaai dete hain? sangamayugi pharishta। sabhi ka yahi purooshaartha hai na- brahman so pharishta aur pharishta so devta। kyonki baap ko sab prakaar ke sankalp va jo bhi kuchh pravritti ka,karma ka bojh hai woh de diya hai na। bojh diya hai ya thoda sa rah gaya hai? kyonki thoda bhi bojh pharishta banne nahin dega aur jab baap aaye hain bachchon ka bojh lene ke liye to bojh dena mushkil hai kya! mushkil hai ya sahaj hai?jo samajhte hain bojh de diya hai woh haath uthaao। de diya hai? dekhna soch ke haath uthaana। bojh de diya hai? achha। de diya hai?mubaarak ho। de diya hai to bahut mubaarak ho। aur jinhonne nahin diya hai woh kislie rakha hai? bojh se preet hai kya?bojh achha lagta hai? dekho baapdaada har bachche ko kya kehte hain? O mere bephikar baadshaah bachche। to bojh ka phikar hota hai na! to bojh lene ke liye baap aaye hain kyonki 63janma se baap dekh rahe hain bojh uthaate-uthaate sabhi bachche bahut bhaari ho gaye hain। isliye jab baap bachchon ko pyaar se kah rahe hain bojh de do। phir bhi kyon rakh liya hai? achha lagta hai bojh?sabse sookshm bojh hai puraane sanskaar ka। baapdaada ne har bachche ke is varsha ka, kyonki varsha poora ho raha hai na, to is varsha ka chart dekha। aap sabne bhi apna-apna varsha ka chart check kiya hoga?to baapdaada ne kya dekha ki kai bachchon ko is puraane sansaar ki aakarshan kam hui hai? puraane sambandh ki bhi aakarshan kam hui hai lekin puraane sanskaar, uska bojh majority mein raha hua hai। kisi na kisi roop mein chaahe mansa ashuddha sankalp nahin lekin vyartha sankalp ka sanskaar abhi bhi percent mein dikhaai deta hai। vaacha mein bhi dikhaai deta hai। sambandh-samparka mein bhi koi na koi sanskaar abhi bhi dikhaai deta hai। to aaj baapdaada sabhi bachchon ko mubaarak ke saath-saath yahi ishaara dete hain ki yeh raha hua sanskaar samay par dhokha deta bhi hai aur ant mein bhi dhokha dene ke nimitta ban jaayega। iseelie aaj sanskaar ka sanskaar karo। har ek apne sanskaar ko jaanta bhi hai,chhodne chaahta bhi hai, tang bhi hai, lekin sada ke liye parivartan karne mein teevra purooshaarthi nahin hain। purooshaartha karte hain lekin teevra purooshaarthi nahin hain। kaaran? teevra purooshaartha kyon nahin hota? kaaran yahi hai, jaise raavan ko maara bhi lekin sirf maara nahin, jalaaya bhi। aise maarne ke liye purooshaartha karte hain, thoda behosh bhi hota hai sanskaar,lekin jalaaya nahin to behoshi se beech-beech mein uth jaata hai। iske liye puraane sanskaar ka sanskaar karne ke liye is naye varsha mein yog agni se jalaane ka dridh sankalp ka attention rakho। kehte hain na kya karna hai is naye varsha mein? seva ki to baat alag hai lekin pahle svayan ki baat hai – yog lagaate ho, baapdaada bachchon ko yog mein abhyaas karte hue dekhte hain। amritvele bhi bahut purooshaartha karte hain lekin yog tapasya,tap ke roop mein nahin karte hain। pyaar se yaad zaroor karte hain, roohrihaan bhi bahut karte hain, shakti bhi lene ka abhyaas karte hain lekin yaad ko itna powerful nahin banaaya, jo jo sankalp karo vidaai, to vidaai ho jaae। yog ko yog agni ke roop mein kaarya mein nahin lagaate। isliye yog ko powerful banaao। ekaagrata ki shakti vishesh sanskaar bhasma karne mein aavashyak hai। jis swaroop mein ekaagra hone chaaho, jitna samay ekaagra hone chaaho, aisi ekaagrata sankalp kiya aur bhasma। isko kaha jaata hai yog agni। naamnishaan samaapta। maarne mein phir bhi laash to rehta hai na। bhasma hone ke baad naamnishaan khatma। to is varsha yog ko powerful stage mein laao। jis swaroop mein rahne chaaho master sarvashaktivaan,order karo,samaapta karne ki shakti aapke order se nahin maane, yeh ho nahin sakta। maalik ho। master kahlaate ho na ?to master order kare aur shakti haajir nahin ho to kya woh master hai? to baapdaada ne dekha ki puraane sanskaar ka kuchh na kuchh ansh abhi bhi raha hua hai aur woh ansh beech-beech mein vansh bhi paida kar deta hai,jo karma tak bhi kaam ho jaata hai। yuddha karni padti hai। to baapdaada ko bachchon ka samay pramaan yuddha ka swaroop bhaata nahin hai। baapdaada har bachche ko maalik ke roop mein dekhne chaahta। order karo ji hajoor।

to suna is varsha sva ke prati kya karna hai?shaktishaali,bephikar baadshaah kyonki sabhi ka lakshya hai,kisi se bhi poochho to kya kehte hain? ham vishwa ka raajya praapta karenge, raajya adhikaari banenge। apne ko raajayogi kahlaate hain। prajaayogi hai kya? koi hai saari sabha mein jo prajaayogi ho?hai? jo praja yogi ho raajayogi nahin ho। teachers koi hai? aapke centre par koi prajaayogi hai?kahlaate to sab raajayogi hain। haath koi nahin uthaata praja yogi mein। achha nahin lagta na। aur baap ko bhi phakhur hai। baapdaada phakhur se kehte hain ki sangam par bhi har bachcha raaja bachcha hai। koi baap aise phalak se nahin kah sakta ki mera ek-ek bachcha raaja hai। lekin baapdaada kehte hain ki har ek bachcha svaraajya adhikaari raaja hai। prajaayogi mein to haath nahin uthaaya na,to raaja ho na! lekin aisa dheelaadhaala raaja nahin banna jo order karo aur aave nahin। kamzor raaja nahin banna। peechhe vaale kaun ho?jo samajhte hain raajayogi hain woh haath uthaao। oopar bhi baithe hain, (gallery mein, aaj hall mein 18hajaar bhaai-bahnen baithe hain) baapdaada dekh rahe hain,haath uthaao oopar vaale। to abhi yeh last tarna mein shuru ho jaayega। to teen maas baapdaada dete hain, theek hai deven। homework denge। kyonki yeh beech-beech ka homework bhi last paper mein jama hoga। to teen maas mein har ek apna chart check karna to main master sarvashaktivaan hokar kisi bhi karmendriy ko, kisi bhi shakti ko jab order karen,jo order karen woh practical mein order maana ya nahin maana? kar sakte ho? pahli line vaale kar sakte ho? haath uthaao। achha। teen maas koi bhi puraana sanskaar vaar nahin kare। albele nahin banna, royal albelaapan nahin laana, ho jaayega। baapdaada se bahut meethi meethi baaten karte hain, kehte hain baba aap phikar nahin karo,ho jaaoonga। baapdaada kya karega? sunkar muskura deta hai। lekin baapdaada in teen maas mein agar aisi baat ki to maanega nahin। manjoor hai। haath uthaao। dil se haath uthaana, sabha ke kaaran haath nahin uthaana। karna hi hai, chaahe kuchh bhi sahan karna pade, kuchh chhodna pade, koi harja nahin। karna hi hai। pakka? pakka? pakka?teachers karna hai? achha,yeh taaj vaale bachche kya karenge? taaj to achha pahan liya hai? karna padega। achha। dekhna bachche haath utha rahe hain। agar nahin karenge to kya karen?woh bhi bata do। phir baapdaada ki season mein ek baar aane nahin denge kyonki baapdaada dekh rahe hain ki samay aapka intajaar kar raha hai। aap samay ka intajaar karne vaale nahin ho, aap intajaam karne vaale ho, samay aapka intajaar kar raha hai। prakriti bhi,satopradhaan prakriti aapka aahvaan kar rahi hai। to teen maas mein apni shaktishaali stage mein rahe hue sanskaar ko parivartan karna। agar teen maas attention rakha na to uska aage bhi abhyaas ho jaayega। ek baari vidhi aa gai na parivartan ki to kaam mein aayega bahut। samay ka aap intajaar nahin karo, kab vinaash hoga,kab vinaash hoga, sab roohrihaan mein poochhte hain, baahar se nahin bolte lekin andar baat karte hain pata nahin kab vinaash hoga, do saal mein hoga 10 saal mein hoga, kitna saal mein hoga?aap kyon samay ka intajaar karo,samay aapka intajaar kar raha hai। baap se poochhte hain taareekh bata do,thoda sa varsha bata do, 10 varsha lagenge, 20varsha lagenge,kitna varsha lagenge?

baapdaada bachchon se prashn poochhte hain ki aap sab baap samaan ban gaye ho? parda kholen ki parda kholenge to koi kanghi kar raha hai, koi face ko cream laga raha hai,agar ever ready ho, sanskaar samaapta ho gaye to baapdaada ko parda kholne mein kya deri lagegi। ever ready to ho jaao na! ho jaayenge,ho jaayenge kahke baap ko bahut samay khush kiya hai। abhi aisa nahin karna। hona hi hai, karna hi hai। baap samaan banna hai ismen to sabhi haath utha dete hain, uthaane ki jaroorat nahin। brahma baap ne dekho saakaar mein to brahma baap ko follow karna hai na! brahma baap ne tyaag,tapasya aur seva last ghadi tak saakaar roop mein practical dikhaaya। apni duty shiv baap dvaara mahaavaakya uchchaaran ki duty last din tak nibhaai। yaad hai na? last murli। teen shabd ka vardaan,yaad hai?jisko yaad hai woh haath uthaao।

achha sabhi ko yaad hai,mubaarak ho। tyaag bhi last din tak kiya, apna puraana kamra nahin chhoda। bachchon ne kitna pyaar se brahma baap ko kaha lekin bachchon ke liye banaaya,svayan nahin use kiya। aur sada adhaai teen baje uthkar svayan prati tapasya ki, sanskaar bhasma kiye tab kamaarkateet avyakt bane,pharishta bane। jo socha woh karke dikhaaya। kehna,sochna aur karna teenon samaan। follow father। last tak apne kartavya mein poorn rahe,patra bhi likhe, kitne patra likhe? seva bhi nahin chhodi। follow father। akhanda mahaadaani,mahaadaani nahin, akhanda mahaadaani ka practical roop dikhaaya,ant tak। last tak bina aadhaar ke tapasvi roop mein baithe। abhi bachche to aadhaar lete hain na,baithne ka। lekin brahma baap ne aadi se ant tak tapasvi roop rakha। aankhon mein chashma nahin daala। yeh sookshm shakti hai। niraadhaar। shareer puraana hai, dinapratidin prakriti hava paani dooshit ho raha hai isliye baapdaada aapko kehte nahin hain,kyon aadhaar lete ho, kyon chashma pahante ho, pahno bhale pahno, lekin shaktishaali sthiti zaroor banaao। saari vishwa ka kaarya samaapta kiya hai? baapdaada aapse prashn poochhta hai, aap sabhi santushta ho ki vishwa kalyaan ka kaarya poora ho gaya hai? hai,jo samajhte hain ki vishwa kalyaan ka kaarya samaapta ho gaya hai, woh haath uthaao। ek bhi nahin? to kaise kehte ho vinaash hoga?kaam to poora kiya nahin।

sabhi poochhte hain naye varsha mein kya karen? question hai। baapdaada kehte hain sandesh dene ke mega programme to bahut kiye hain,baapdaada mubaarak dete hain, kiya hai achha kiya hai lekin sandesh diya hai, anubhav nahin karaaya hai। iske liye jaise abhi jahaan tahaan ek do ko umang utsaah dilaate ya umang-utsaah dekhkarke bhi umang-utsaah se kiya hai,result bhi achhi hai lekin ab aisa plan banaao jismen royal praja to ban jaaye। royal praja arthaat najdeek connection mein aane vaale। sambandh-samparka mein hain, pahle to 9 laakh taiyaar karo, abhi 9 laakh ho gaye hain?hue hain? 9laakh hue hain?kaun list nikaalta hai? (list abhi aayegi, pichhle saal ki 8laakh 12 hajaar hai) lekin 9laakh agar taiyaar hue hain to kis prakaar ke taiyaar hue hain,kya najdeek royal praja ke yogya hain? yeh bhi to check karna padega na। achha, abhi potaamel nikaalna। ek to 9 laakh pahle janma ki praja, royal family to chaahiye na। agar vinaash kal kar den to royal praja taiyaar hai? hai taiyaar? ki taiyaar karna padega? aise milaayenge to mil bhi jaayenge 9laakh, lekin quality bhi chaahiye, sambandh samparka vaale milaayenge to9 laakh ho jaayega। lekin baapdaada kehte hain pahle janma vaali praja to achhe number vaali hogi na। kyonki unhon ko bhi sab one one number milna hai, one number taareekh one hogi, sanvat one hoga, raajaai one hogi, to aisi quality pahle yeh check karo 9 laakh taiyaar hain? royal praja taiyaar hai? royal family to taiyaar honi chaahiye। hai bhi,thoda sirf is varsha mein sanskaar ko khatma karna। baapdaada ka yeh sankalp hai ki har centre is yog abhyaas ka official programme apne apne centre mein rakhe aur lakshya rakhe ek hi taareekh par desh videsh ka samay milaakar akhbaar mein nikle ki brahmaakumaariyon ke itne centres mein ek hi samay yeh programme hona hai। aur em rakho sirf kaamentri se yog nahin karaao, anubhav karaao। anubhav pakka banaati hai। ek hi samay par har centre par ek hi programme ho। aur har ek centre anubhav kya kiya, woh result likhe। chaahe 3 din ka programme karaao chaahe ek din ka karaao lekin ikatthe chaaron or jaise third Sunday sabhi jagah rakhte ho na,abhi anubhav karaane ka programme chaaron or ek samay lakshya ek ho, lakshya ek samay ek aur chaaron or ho। to desh vaale bhi samjhenge ki yeh vishwa mein pees ke liye itna ikù ek samay programme rakha hai। lakshya rakho anubhvi banaane ka। sirf sunkar chale nahin jaayen,kuchh anubhav karke jaayen। aap log bhi baap ke bane kaise?kuchh na kuchh anubhav kiya,chaahe pyaar kiya, chaahe toli khaake bhi pyaar ka anubhav kiya। bahnon ke vyavhaar ka anubhav kiya,bahinon ke muskaraane ka,aajayaan (khaatiri) karne ka anubhav kiya,kuchh na kuchh anubhav kiya tabhi bane ho। to aise anubhvi banaao, abhi akhanda seva karo। bahut seva rahi hui hai। achha।

aaj ke din mubaarak to ek do ko de di na। doosra kya karte hain?gift dete hain। baapdaada ke paas bhi kitni gift aai hai, card aaye hain bahut,sundar-sundar gift bheji hai,aap log uthkar dekhna। to vaastav mein jo bhi aapke paas aaye khaali nahin jaaye। chaahe mansa se shakti dene ki gift do। chaahe vaani dvaara gyaan ki gift do, karma dvaara gunon ki gift do। lekin har ek jo bhi sambandh samparka mein aate hain unko gift zaroor do। khaali haath nahin bhejo, aap master daata ho, maastardaata ke paas aave aur khaali haath jaave,yeh nahin ho। akhanda mahaadaani bano। akhanda kah rahe hain,koi na koi seva karte raho chaahe mansa karo, chaahe vaani karo, chaahe karma karo, chaahe sambandh samparka se karo। akhanda sevaadhaari। kai bachchon ko baap se roohrihaan karte kai bachche sunaate hain ki amritvele susti ka vibration thoda hota hai। uthte zaroor hain lekin powerful shaktishaali roop se sva ke prati va vishwa ke prati shakti dena, woh thoda sa thakaavat ki rekha hoti hai। us samay aise nahin samjho ham apne centre ke yog ke kamre mein baithe hain, baba ke kamre mein baithe hain, class room mein baithe hain, lekin aise samjho vishwa ki stage par baithe hain। hero paartadhaari hain aur stage par baithe hain। agar hero paartadhaari thaka hua part bajaayega to kaisa bajaayega?vaayumandal kaise phailega?to amritvela bhi powerful banaao। niyam achha nibhaate ho lekin sunaaya na abhi,yog sarvashaktiyon se powerful ho,yog agni ho। jvaalaamukhi ho। to yeh teen maas vishesh amritvela bhi note karna। baaten bahut achhi-achhi karte hain, pyaar ke swaroop mein bhi hote hain lekin jvaalaaroop kam hota hai। abhi sanskaar ka ansh maatra bhi nahin rahe tab kahenge jvaala roop yogi tu aatma। aur saath-saath is naye varsha mein jo bhi khazaane hain, gyaan ka khazaana, shaktiyon ka, gunon ka, shreshthasankalpa ka khazaana, ek to saphal karo aur doosra jama karo। jama bhi karo, saphal bhi karo। kyonki aapka title hai, vardaan hai saphalta ke sitaare। hai na aapka title saphalta ke sitaare? sabhi phalak se kehte ho saphalta hamaare gale ka haar hai। saphalta hamaara janma siddha adhikaar hai। to saphaltaamoorta ho, saphal karo aur jama bhi karo। seva kitni bhi karte ho lekin jama ka khaata hua ya nahin hua। uski nishaani ya uski golden chaabi hai - nimittabhaav aur nimaarkanbhaav,nirmal vaani। teenon hain? teenon mein se ek bhi kam hai, to seva kitni bhi karo jama ka khaata nahin hota। bahut thoda, naam maatra। to baapdaada ne yeh bhi check kiya to seva to bahut karte lekin jama ka khaata jitna hona chaahiye utna nahin uska kaaran, kaaran to samajhte ho na! ek to teen visheshtaayen,nimittabhaav,maimpan ka bhaav mix ho jaata hai। maimpan aaya, jama nahin hua। kitni bhi mehnat karo, raat din bhaagdaud, dimaag chalaao lekin nimittabhaav,nimaarkanasvabhaav,nirmalvaani,yeh teen nahin hai to jama nahin। bahut mein bahut 5percent jama hota hai। to yeh bhi check karna to jama hua? baapdaada bahut sahaj raasta bataate hain, kiseese bhi sambandh-samparka mein aate ho,chaahe laukik,chaahe alaukik pahle apne shubh bhaavna, shubh kaamna ki vritti ko check karo aur kisse bhi milte ho,to sada aatma ko dekh karke baat karo,aatma se baat karte hain,koi alaukik parivaar se baat karte ho, khushi honi chaahiye yeh kalpa pahle vaali, har kalpa bhaagya banaane vaali koton mein koi aatma hai। us bhaav se dekho। chaahe pyaada ho, lekin hai to koton mein koi। mera baba to kehta hai। chaahe krodhi bhi ho,svabhaav achha nahin ho,lekin aap apna svabhaav shreshtha rakho। aap shreshtha aatma ke roop mein dekho, shreshtha aatma ke swaroop mein dekho। tabhi kaarya achha hoga,jama hoga। to homework bahut mila hai is varsha ka। sabhi poochhte hain na kya karen,kya karen,kya karen। bahut hom work mila hai। phir baapdaada number one sab hom work mein paas usko saugaat denge। chaahe hajaar bhi hon to bhi denge, taiyaar karaayenge saugaat। karengi na? lekin certificate lenge, aise nahin aap kahenge baba maan jaayega,nahin। saathiyon se certificate bhi lenge। pahle man ka certificate phir brahman parivaar ke saathiyon ka certificate aur teesra hai baap ka certificate। to lenge na certificate। himmat hai na। jo samajhte hain ham certificate lekar hi chhodenge, dridhnishchay hai, yeh to youth bhi utha raha hai। youth group bhi utha raha hai। achha hai।

double foreigners bhi utha rahe hain। yeh saamne vaale nahin utha rahe hain। haath lamba uthaao,karke dikhaayenge। phir to bahut saugaaten taiyaar karni padengi। aapki taiyaari ke peechhe saugaat to kuchh bhi nahin hai। pahle to parmaatma diltakhta milega। lekin saugaat denge। achha। abhi kya karna hai?

seva ka tarna, eastern,nepaal aur taamilnaadu zone ka hai:-baapdaada ne dekha hai ki jis bhi zone ko tarna milta hai,bade umang-utsaah se aur bahut badi sankhya mein ikatthe hote hain, khushi hoti hai, golden chance milta hai na। to dekho kitne hain? aadha lashkar haal mein vahi hai। teenon zone milaakar 5hajaar hai। dekho area bhi bahut badi hai। 3-4state alag-alag ek hi zone mein hain। 7state ka ek zone। achha kitne bhi ho lekin eastern zone ki visheshta hai ki soorya east se hi nikalta hai। nikalta hai na?aur gyaan soorya ki praveshta bhi east se hua hai। achha abhi baaki kya raha hai? ek kaam rah gaya hai। jab do baaten kar li hain, soorya bhi uday hua,gyaan soorya bhi uday hua lekin pratyakshata ka jhanda eastern se hona chaahiye। haan uske liye kuchh karo। aisa plan banaao jo pratyakshata ka jhanda aarambha hi eastern se ho, phailega to vishwa mein hi। yahaan baithkar meeting karna, kya karen, har ek zone samajhta hai ham nimitta banenge, pratyakshata ka jhanda phahraane ke liye। karo sab prayatna karo lekin baapdaada kehte eastern ko number one jaana chaahiye। jaayenge? pratyaksha karna padega। aavaaj phailaana padega। achha hai| kar sakte hain। ek-ek state mein group banaao, jo man vaani karma sambandh samparka mein teevra purooshaarthi ho। phir unhon ka sangathan karo, ek do mein raay lo-do to ho jaayega। karna to padega। teevra purooshaartha karna padega। aise nahin theek chal raha hai, jigyaasu aa rahe hain, nahin। lekin pratyakshata ka jhanda lahraane ka vishesh programme karna padega। yeh mega programme nahin kah rahe hain, woh to kiya bahut achha hua। lekin pratyakshata ka jhanda ho। bahut state hain, milke kar sakte ho। karenge peechhe vaale? jo bhi aaye hain karenge? kitne time mein karenge? plan to banaao। baapdaada plan dekhega na। dilli vaale bhi sochte hain ki dilli se pratyakshata ka jhanda ho। dharni to hai। lekin plan banaao। kaise pratyakshata ka jhanda lahraayenge। uske liye kya socha hai? programme to karte ho,woh to karna hi hai lekin yeh aavaaj koi bhi radio khole,koi bhi T.vi. ka switch khole to yeh aavaaj aave ‘‘hamaara shivbaaba aa gaya’’। tab kahenge pratyakshata ka jhanda lahraaya। achha media vaale soch rahe hain ki ham karenge,koi bhi karo lekin sabhi radio mein,chaahe videsh mein, chaahe desh mein jahaan bhi kholen switch yahi aavaaj aave। isko kehte hain pratyakshata ka jhanda। kaun karega? videsh karega, videsh mein hoga? karo,koi bhi karo,first prize lo। yeh dhoom machni chaahiye, aa gaya, aa gaya,aa gaya। achha hai sankhya to bahut hai, abhi karna kamaal। number to first lena achha hai na। second third mein kya maja। first। achha। bahut achha part baja rahe hain। baapdaada ne dekha hai sahayogi ek do ke bahut achhe hain। samaachaar milta hai, jahaan bhi programme hota hai vahaan ek do ke sahayogi banke kaarya saphal kar dete hain iski baapdaada vishesh mubaarak de rahe hain। abhi jalva dikhaao। ek geet hai na aap logon ka – jalva dekha woh tera ho gaya। abhi yeh geet mukh se gaaven, duniya gaave। achha।

jurist vingah achha|plan bana rahe hain? (geeta ka bhagwan siddha karenge) plan bahut achha hai lekin geeta ka bhagwan siddha karne ke liye pahle aapas mein raay karo, points nikaalo, yeh achha hai lekin koi aise authority vaalon ko bhi saath mein milaao। unko pahle satisfy karke unhon ko saathi banaao। do chaar aise saathi hon jo is baat ko siddha karne mein saathi banen। geeta ki authority rakhne vaalon ko saathi banaao। (iske liye do judge taiyaar hain) achha hai, plan banaao, phir dikhaana।

double videshi 45deshon se aaye hain:- achha bachche bhi hain,youth bhi hain। double videshi ko baapdaada title dete hain double teevra purooshaarthi kyonki videshiyon ke sanskaar hain jo sochte hain woh karte hain,chaahe ulta ho, chaahe sulta ho। karne mein himmat rakhte hain। to isi himmat ko aadhyaatmik purooshaartha mein aur seva mein kaarya mein lagaao। baapdaada ne dekha hai ki plan ko practical laane mein lakshya achha rakhte hain। to ho sakta hai ki India ko jagaane ke liye pahle aavaaj videsh se nikle। videsh ka aavaaj India mein aave yeh bhi ho sakta hai na! baapdaada ko yaad hai pahle shuru shuru mein jab India mein bade programme hote the to videsh ka koi na koi authority vaala aata tha aur woh bhaashan karta tha akhbaaron mein aata tha। abhi bahut samay se aise vishesh sabha ke beech mein nahin aaye hain। alag aaye hain। retreat hota hai programme bhi chalta hai lekin jaise pahle vishesh aatmaayen sangathan mein bolti thi,aisa achha hota hai। abhi 70 saal ka programme banaayenge na,usmein koshish karo। kyonki akhbaar vaale interest se lete hain। baaki vriddhi achhi ho rahi hai, programmes bhi achhe kar rahe ho uski mubaarak hai। pahle sankhya vahaan bhi programme mein kam aati thi,abhi sankhya achhi aati hai। aur achhe-achhe vaaris quality bhi nikal rahi hai। lekin teen maas mein videsh vaale number one lenge? first number lenge?jo lenge woh haath uthaao। teen certificate lene padenge। himmat rakho। videshiyon ke liye sochte hain inhon ka culture alag hai lekin videsh vaale India se bhi aage number le sakte hain। mahaan tapasvi banne mein number one। ho sakta hai na! hona hi hai। ho sakta hai। kyonki videshiyon mein dridhta ka sanskaar hai,abhi ismen sirf dridhta ka sanskaar use karo, ho jaayega। theek hai na। number one lena hai na। achha। videshi har tarna mein aate hain to sabha saj jaati hai, international ho jaati hai na। bahut achha।

achha yeh saamne vaala group (sindhi group) kya karega? line mein to achhe khade ho, vriddhi bhi achhi kar rahe ho iski to mubaarak hai,achha,baapdaada poochhte hain kuchh samay pahle isi group ne kaha tha, ki ham ek-ek ek aisa taiyaar karke laayenge, yaad hai? ek-ek ne ek ko taiyaar kiya hai,apne se bhi aage? jisne kiya hai woh haath uthaao aur yahaan tak laaya hai woh haath uthaao। achha। nibhaaya hai, mubaarak ho,uski bahut bahut mubaarak ho lekin abhi aur bhi laana padega। vriddhi to chaahiye na aur jahaan sindha mein baap aaya, vahaan ke desh vaale hamjinsa ko to jagaana hai na। taras to padta hai na। phalak se aap kehte ho na,shivbaaba aaya to sindha mein na। to karna,kamaal karke dikhaana। achhe achhe hain, kar sakte hain। kya kehte hain? (abhi nahin karenge to kabhi karenge, baba ki bahut bahut duaayen hain to zaroor karenge) brahman parivaar mein total kitne sindhi honge?hisaab mein to thode hain। (is group mein 32 aaye hain) abhi kam se kam 100ke kareeb to laao। 100nahin la sakte ho? (108laayenge) chhote bachche, chhote bachchon ko apne doston ko laao। baapdaada khush hai। himmat rakh rahe hain aur madad bhi mil rahi hai। isliye aap bhi khush, baap bhi khush।

cultural wing:- kya plan banaaya hai? koi aise nikaalo jiska aavaaj phaile। har ek group ko mike, might vaala taiyaar karna hai। ho jaayega। kyonki aajkal to bahut chaaron or cultural bahut achha chalta hai,sabhi ka interest bhi hai। sirf aisa aavaaj phailaane vaala koi nimitta banega to anekon ka kalyaan ho jaayega। baaki achha hai programme banaate rehte ho,karte rehte ho, jitna pyaar se karte hain utna achha hi hota hai, result bhi achhi। abhi aisa koi mike nikaalke laana,jiski aavaaj sun karke anekon ka kalyaan ho। bahut achha aur aage badhte chalo।

international youth group :-achha youth vaale bhi aavaaj phailaane ke liye programme achhe bana rahe hain। aur sva purooshaartha ke liye bhi achhe programme bana rahe hain। baapdaada ne samaachaar suna hai, khushkhabri bhi suni ki parivartan kiya hai aur aage bhi parivartan kaayam rakhenge। pharishta swaroop ke dhaarna ke sameep aa rahe hain। to jo apne mein parivartan kiya, woh vahaan jaake bhi rahega ya thoda-thoda kam ho jaayega? rahega। jo samajhte hain sada rahega, woh haath uthaao। kyonki baapdaada ne result suni hai, ki parivartan reeylaaijeshan achhi ki hai aur youth group aisa ho jaae sada ke liye to bahut vishwa mein naam karenge। achha umang-utsaah dikhaaya hai। baapdaada bachchon ki himmat aur umang-utsaah par khush hai lekin sada shabd yaad rakhna। brahman aatmaayen jo chaahe woh kar sakti hain। aur abhi to baapdaada ne hom work de diya hai, dekhenge,kitne youth group ismen number lete hain, prize lete hain। lenge na prize? achha। (33 deshon ke150 youth ne bhaag liya hai) achha hai। har varsha karte rehte hain yeh bahut achha hai। aage badh rahe hain yeh bhi achha। achhi mehnat ki hai।

international children group(bachchon ne geet gaaya baba aapne kamaal kar diya) aap bhi kamaal karke dikhaana। baap ne kamaal ki,abhi aapko karni hai। baith jaao।

taamilnaadu zone bhi seva mein aaya hai:-achha hai,hai chhota lekin shakti achhi hai। taamilnaadu ne ek aisa vi.aai.pi nikaala, nikaala to taamilnaadu ne, jo aaj prejeedennta hai woh connection mein to taamilnaadu se aaya, to achha jaise ek nikaala na aise abhi aur nimitta banaao। uska aavaaj bhi kuchh to kaam kar raha hai na to aise agar nimitta banaate rahenge to chhota subhaan alla ho jaayega। vaise sankhya to kaaphi hai, achhi sankhya hai। total kitne hain (12 hajaar bhaai bahinen hain) achha hai,chhota bhale ho lekin kamaal to achhi ki hai na, to baapdaada ko achha lagta hai। plan banaate jaao, karte jaao। seva mein bhi sahayog achha diya hai। golden chance liya hai aur golden duniya laane ke nimitta banna hi hai। bahut achha। achha। chaaron or ke bachchon ke card, patra aur email dvaara bhinna-bhinna saadhnon dvaara mubaarak ke samaachaar pahunche hain,baapdaada, jinhonne bhi mubaarak bheji hai, un sabhi ko padam-padam guna mubaarak de rahe hain। baapdaada to door baithe bachchon ko sammukh hi dekh rahe hain। kitne umang utsaah se apne apne sthaanon par baithe hain, sun rahe hain, yeh dekh karke baapdaada bhi khush hai, bachche bhi khush hain,aur mubaarak le rahe hain,de rahe hain। baapdaada ne samaachaar suna ki raat ko bhi din bana dete hain। to aise bachchon ko kitne baar dil ki duaayen aur pyaar den। umang utsaah achha hai aur achhe te achha rahega। abhi door baithe vaale sabhi apne ko prize mein number one banaana। achha।

jo pahli baar aaye hain woh utho,achha hai baapdaada sabhi bachchon ko dekh dekh harshit ho rahe hain। jo naye aaye hain woh aur hi last so fast, first jaake dikhaana। achha hai, vriddhi to ho rahi hai। har tarna mein naye-naye aate hain। abhi sirf amar rehna auron ko bhi amar banaana,amarbhav ka vardaan sada apne aapko dete rehna। achha। maataayen jyaada hain,sangam par maataaon ka tarna hai। paandav bhi kam nahin hain, achhe hain। achha,paandav baith jaao, maataayen khadi raho। maataayen jyaada hain। achha। aaj to sabhi ko baithna hi hai। chaaron or ke sada umang-utsaah mein aage badhne vaale, sada himmat se baapdaada ki padamguna madad ke paatra bachchon ko, sada vijayi ratna hain, har kalpa mein vijayi bane the,ab bhi hain aur har kalpa mein vijayi hain hi hain। aise vijayi bachchon ko sada ek baap doosra na koi,na sansaar ki aakarshan, na sanskaar ki aakarshan, donon aakarshan se mukta rahne vaale, sada baap samaan bachchon ko baapdaada ka yaadapyaar aur namaste।

daadiyon se:- (daadi ji se)sabko drishti dvaara, apne yogayukta sthiti dvaara santushta kar deti ho। sabhi thode time mein bhi khush hoke jaate hain। yeh bahutkaal ki jo kamaai jama ki hai na, uska phal mil raha hai। (hajaaron se milti hai) achha part baja rahi ho। (mohini behen theek hoti ja rahi hai) hona hi hai। (pardaadi se) aapka zone sabse bada hai। aur achha zone bada bhaagyashaali hai। (beti kiski hoon) nasha hai isko। aur sab aapko dekhkar khush ho jaate hain। aapki khushi ko dekhkar sab khush ho jaate hain। aapko moorti ke roop mein dekhte hain। bahut achha। (shaantaamni daadi se) sabhi apna-apna achha part baja rahe hain। kuchh bhi nahin karo na, aap logon ki haajiri sab kuchh karti hai। baap ka roop dekhne mein aata hai na aap dvaara to sabhi khush ho jaate hain। (manohar daadi ne maun dhaarankiya hai) bahut bhaashan kiye hain, service mein all-round mein inka naam pahle tha, baapdaada ne murliyon mein bhi varnan kiya hai। thoda treatment kara lo theek ho jaayengi, aisi koi badi baat nahin hai। sab yaad to karte hain na, aapka vishesh part koi nahin baja sakta, history koi nahin sunaata hai jaise aap sunaati ho, to apna part bajaao। sab theek ho jaayega, koi baat nahin। (ratanmohini daadi se) yeh chakra lagaane vaali chakravarti hai, achha part baja rahi hai, kyonki aadi ratna hai na, aadi ratna ki value hoti hai। aap logon ka haajir hona hi baapdaada ki yaad dilaata hai।

2006 varsha ke shubh-aagman par raatri 12baje pyaare avyakt baapdaada ne naye varsha ki sab bachchon ko badhaaeeyaan di।

sabhi bachchon ne bahut-bahut pyaar se naye varsha ko manaaya। manaaya bhi aur saath mein baapdaada se vaayda bhi kiya ki sanskaar mitaayenge bhi। to mitaana bhi hai aur sabhi ko shubh bhaavna,shreshtha kaamna, shreshtha vibration se milaana bhi hai। mitaana, milaana aur manaana। sabhi baaten hui। abhi khoob saara saal harshit rehna aur sabhi ko harshit karna। main santushta aatma hoon, santushta rehna aur santushta karna। yahi manaana hai, yahi baap ka pyaar hai, yahi duaayen hain। yahi yaadapyaar hai। sabhi ko namaste।