Avyakt murli for Wednesday 13 April 2011

13-04-11 om shanti avyakt baapdaada madhuban

“jvaalaamukhi agni swaroop yog ki shakti se sanskaaron ka sanskaar karo apne chalan chehre drishti vritti aur sankalp se baap ko pratyaksha karo”

aaj bachchon ke pyaar ne pyaar ke saagar ko bhi apne paas bula liya। baapdaada ko khushi hai ki bachchon ka baap se dil ka pyaar achha hai aur sada hi is pyaar ke aadhaar se baap samaan ban hi jaayenge। vaise bhi baapdaada ne pyaar ki subject mein bachchon ko aage rakha hai। to aaj bachchon ne apne pyaar ki taar mein baandh pyaar ke saagar ko madhuban mein vishesh bulaae liya। aisa pyaar sada emerge rahe। dilaaraam baap ko bhi bachchon ke dil ka pyaar sada pahunchta rehta hai lekin nambarvaar zaroor hai। baap yeh chaahta hai ki pyaar ki nishaani hai ki sada har ek ke dil mein dilaaraam saath rahe koi bhi bachcha akela na ho combined ho। to check karna sada combined rehte ho va kab kab akele bhi ban jaate ho? akele mein maaya apna chance le leti hai isliye baapdaada sada kehte hain dilaaraam ko sada dil mein basa lo। isko kaha jaata hai sachcha aur sada pyaar। to kabhi akele bante ho ki sada saath rehte ho? vaayda kya hai har bachche ka? khaas madhuban nivaasiyon ka nasha hai ki saath hai saath chalenge saath raajya karenge। aise hi jo vishesh bahut bahut meethe nimitta bachche baithe hain unhon ka to baap se dil ka vaayda hai aur majority ka practical bhi hai jo sada combined roop mein rehte hain lekin nambarvaar hain। baap chaahte hain har bachcha mahaarthi nimitta bachche to auron ko bhi apne chehre dvaara baap ka saakshaatkaar karaane vaale hain। unhon ke chehre aur chalan se baap ka prakaashmay chehra aur saath mein baap jaisi nyaari aur pyaari chalan ka saakshaatkaar hota rehta hai।

brahma baap ko dekha brahma baap ne ant tak baap ki shreemat pramaan har murli mein kitna baari baba-baba kaha ginti karna। har murli mein baba-baba kitne baari kehte hain। aur baap jaise soorat se moorat se vachan se vishesh nayan aur mastak se baap ko pratyaksha kiya aap bachche to anubhvi ho ki brahma baap ko dekhte kya anubhav hota? baapdaada। sirf baap shabd koi nahin kehta sada har ek ke mukh se baapdaada baapdaada ikaththa nikalta aur anubhav hota। aise follow father। aapke chehre se bol se chalan se drishti se baap ki yaad svatah hi dekhne vaale ko aave। aap sabka abhi baap ne dekha ki majority ka yahi sankalp hai ki ham apne chehre ya bol ya karma dvaara baap ko pratyaksha karen। to follow father। jaise brahma baap ne apne chalan chehre se drishti se vritti se sankalp se sada baap ko pratyaksha kiya aap sabko to anubhav hai na! akela brahma baap nahin dekhte the baapdaada hi dekhte the। kaaran? brahma baap ne sada apne naynon mein mastak mein baap ko samaaya। to aapke vishesh nayan mukh chalan baapdaada ko samaaya hua pratyaksha karen। har bol mein sikhaane vaala anubhav ho yeh jo bhi bol rahi hai bol raha hai isko sikhaane vaala ismen shakti bharne vaala sarvashaktivaan baap hai bhagwan hai। yeh bhagwan ke bachche hain bhagwan ke student hain bhagwan ko follow karne vaale followers nahin lekin kadam mein padam banaane vaale hain। ab samay bhi aapka sahayogi banne ke liye taiyaar hai। haalten badal rahi hain। jo haalten na chaahte bhi bhagwan ki yaad dilaati hain। to ek samay aur doosra aap nimitta bane hue donon group ki visheshta hai ek vishesh nimitta ban bana banaaya group meeting mein aaye ho।

baapdaada ne dekha majority aane vaale bachchon ki dil mein umang-utsaah hai ki humein baap ko pratyaksha karna hi hai। chaahe soorat se soorat ki seerat se chaahe vaani se chaahe koi bhi aatmaayen sambandh-samparka mein hain aajkal aapki mansa aatmaon ke kalyaan ki bhaavna se aapke connection mein aa rahi hain aur aane bhi chaahti hain। aur jo baapdaada ne mansa seva ka kaarya diya hai usmein bhi dekha ki jo yogayukta hokar mansa seva ka abhyaas karte hain to abhi yeh vibration chaaron or kisi na kisi ko pahunch raha hai ki humein kahaan se light ki kirnen sukh shanti ki lahar aa rahi hai lekin kahaan se aa rahi hai abhi woh spashta nahin hua hai। aa rahi hai lekin bhaarat ke baapdaada ke bachchon se aa rahi hai woh spashta nahin hua hai। nahin to bhaagenge। abhi aur shaktishaali kirnen aisi aatmaon par daalo jo unhon ko spashta ho jaae pahunch rahi hai shuru hua hai abhi lekin thoda-thoda koi-koi ki kirnen pahunchne lagi hain abhi isko aur shaktishaali banaao। iske liye jo vighna padta hai pahunchne mein spashta hone mein kaaran banta hai yog lagaate ho amritvele baithte ho lekin jvaalaamukhi yog uski kami hai। iske kaaran ek to jin bhakton ko ya aatmaon ko aap kirnen bhejte ho woh itni spashta nahin hoti hain। aur doosra jvaalaamukhi agni swaroop yog ki shakti na hone mein ya kami hone mein sanskaar jo beech mein vighna daalte hain woh sanskaar bhi samaapta nahin hote hain। purooshaartha karte ho sanskaar parivartan ho jaaye lekin marte hain jalte nahin hain। jaise raavan ko sirf maarte nahin hain maarne ke baad jalaate hain kyonki maarne ke baad shareer to rah jaata hai na! to aise hi aap amritvele yaad mein baithte ho lekin yog agni roop mein jvaala roop mein kam hai। milan manaate ho roohrihaan karte ho apne jeevan ki baaten bhi karte ho। lagaataar yog agni roop ho sanskaar ko maarte zaroor ho lekin woh marta hai lekin beech-beech mein uth jaata hai। jal jaayega to naam roop khatma ho jaayega।

abhi sabhi bachche roohrihaan mein bhi kehte hain jitna chaahte hain utna nahin hai to baapdaada aaj yeh ishaara de rahe hain kyonki special mahaaveer bachche meeting mein aaye hain aur madhuban nivaasi arthaat madhuban mein hai kya madhuban arthaat baba। madhuban kahne se sabko kya yaad aata hai? madhuban ka baba। to madhuban vaalon ko vishesh yeh attention rakhna chaahiye ki madhuban kahne se madhuban ka baba yaad aata hai!madhuban mein rahne vaale ko kis drishti se dekhte hain? madhuban vaale haath uthaao। bahut hain। chaahe neeche chaahe oopar lekin aaj ki sabha mein sabse jyaada madhuban nivaasi hain। baapdaada khush hai ki madhuban nivaasi yeh kamaal avashya dikhaayenge ki har madhuban nivaasi ke soorat aur seerat se baba baba hi dikhaai de। baat se baap dikhaai de kyonki madhuban mein yagya seva ka bal aur phal bahut milta hai। lene vaala leve lekin milta hai। sanskaar ko dekhne ya sanskaar milaane mein aur sada attention dene ki aavashyakta hai। baapdaada ko har madhuban ke bachchon se vishesh pyaar hai kyon? baap ke sthaapan kiye yagya ki seva mein svayan ko samarpan kiya hai। madhuban nivaasiyon ko ek to apne purooshaartha ka phal mil raha hai aur doosra jo madhuban mein aane vaale chaahe brahman chaahe nai aatmaayen aati hain unhon ki seva ka yagya seva hai saadhaaran seva nahin hai yagya seva ka extra punya bhi milta hai। agar koi bhi madhuban nivaasi apne baapdaada ke shreemat par amritvele se raat tak shreemat pramaan chalta hai to unko extra madhuban vaale khud jaane nahin jaane albele rahen to bhi madhuban ka seva ka punya milta zaroor hai। madhuban nivaasi banna saadhaaran baat nahin hai। chaahe koi kaisa bhi kaam kar raha hai chalo saphaai kara raha hai। lekin aise saadhaaran kaam ka bhi punya bahut hai kyonki baap ka racha hua yagya hai। is yagya se hi madhuban mein hi sabhi ko parmaatma pyaar praapta hota hai isliye sivaae madhuban ke baap kahaan bhi nahin aata hai। yeh madhuban ko baap ka aane ka milne ka milaane ka part noondha hua hai। to har ek madhuban vaale apne punya ke khaate ko jaano pahchaano aur us mahaan praapti swaroop bano। kuchh bhi ho aapka kaam hai badon tak pahunchaana pahunchaaya arthaat dil se nikaala aapki jimmevaari poori hui। agar aap samajhte ho kuchh ho nahin raha hai to aapka ismen paap nahin banega। jo jimmevaar hai unhon ka banega। aap nishchint raho। dena aapka kaam hai lekin sochna kya hua kya nahin hua yeh kyon nahin hua woh kyon nahin hua iski aapko aavashyakta nahin hai aur hi vyartha sankalp chalenge। aapki jo jimmevaari hai woh aap karo pahunchaao। lekin pahunchaane ke baad pahunchaana bhi reeti pramaan madhuban nivaasi brahman ho oonch ho apne martabe ko jaan aisa kartavya karo jo aapko sab aapke kartavya ko sunkar aur bhi seekhen। madhuban nivaasi ke oopar sabhi ko bhaavna hai। to aise bhaavna vaalon ko bhaavna ka phal dikhaao। madhuban vaalon mein baapdaada jaante hain ki koi koi bachche bahut maryaadaapoorvak sva purooshaarthi baap se snehi ban sahayog dene vaale bhi bachche hain। lekin baapdaada yahi chaahta hai baapdaada ki chaahna kya hai madhuban nivaasiyon ke prati? madhuban nivaasi har baap ka bachcha yagya snehi sahayogi ban apne chalan dvaara sabhi ko baap ka parichay de ki ham madhuban nivaasiyon ka kitna bada bhaagya hai bhaagya ko prasiddha karo kyonki yagya nivaasi ho paramatma ne kya racha pahle? yagya racha। aur yagya ki dharni nimitta madhuban hai। jaante ho na madhuban ki mahima jo jaante hain madhuban ki mahima woh haath uthaao। baapdaada yahaan dekhte hain। achha bahut achha।

baapdaada bahut bahut shaktishaali dil ka pyaar dil ki duaayen har madhuban nivaasiyon ko de raha hai। aur mahaarthiyon ko meeting vaalon ko dekh to bahut vaah bachche vaah! ka dil mein geet ga rahe hain। lekin jo bhi meeting mein aaye hain unhon ko ek baat mein aage badhna hai। jo bhi jitne bhi aapke seva saathi hain unhon ko sada apne khushi aur praapti dvaara santushta rakhna agar shiksha bhi dete ho to shiksha ke saath sneh bhi dena। jisse woh sneh ke aadhaar se apne ko aage badha sake। aisa sneh nahin dena jo woh sneh ka laabh uthaave jo bhi karo maaph hai। aisa sneh nahin dena। baapdaada khush hai jo nimitta bane hain attention dete bhi hain lekin aur attention deke santushta bhi karo aur vishwa ko santushti ki kirnen pahunche yeh bhi kaarya nimitta vaalon ko karna hai। uska kaaran ki jo nimitta hain unhon ko apne apne hands ke sanskaar parivartan karaane mein thodi mehnat karni padegi। seva karaate ho rahne khaane ka prabandha majority centre dete hain lekin unhon mein shakti aisi bharo jo baap se shakti le aapke sevaasthaan ka vaayumandal aisa banaaye jo bhi aave woh pahle to vaayumandal ki aakarshan mein aa jaaye kyonki aajkal sab yahi chaahte hain ki aise koi kaarya ho jo aane se hi anubhav ho kuchh। dekhne se hi anubhav ho kuchh। sunne ka anubhav hota hai yog ka anubhav hota hai lekin vaayumandal ka bhi anubhav ho yeh attention nimitta bani hui aatmaon ko rakhna unki vishesh seva hai। svayan agar yogayukta ban vaayumandal mein theek sthiti mein rehte hain to unka prabhaav sevaasthaan par automatically padta hai। jaise baapdaada va bade nimitta aatmaayen ka vaayumandal vibration padta hai na। baapdaada ka vaayumandal badalta hai na। to har bachche ko vaayumandal banaane ka kyonki abhi apne centres ka vaayumandal badlenge tab sansaar ka vaayumandal badlega। nimitta aapke sevaasthaan se। purooshaartha hai lakshya hai lekin is lakshya ko aur powerful banaao। jisko dekhen log shakla se vibration se jaan jaate hain aajkal kyonki aasuri shakti ka bhi prabhaav unhon ki buddhi mein hai knowledge ka bhi prabhaav hai isliye jo bhi meeting mein aaye ho har ek jimmevaar ho। nahin to meeting mein naam kyon daala। himmat hai na tab aapka naam hua na isliye apna pharja pratyaksha karo। karne chaahte bhi ho baapdaada jaante hain karne ka prayatna bhi kar rahe ho lekin thoda prayatna ko badhaao। samjha।

aaj khaas bulaaya hai pyaar ke paath mein to jeet liya। chaahe madhuban vaalon ka sankalp tha to unhon ke sankalp ki shakti aapke bulaane ki practical shakti pyaar se hujjat se bola madhuban vaalon ka bhi kehna tha lekin aapke milne se double ho gaya। achha। abhi aur kuchh kehna hai abhi baapdaada sabki result dekhne chaahte hain। madhuban vaale ya meeting vaale donon ki result dekhne chaahte hain। jo jagat amba ka vishesh purooshaartha raha baap ka kehna aur jagat amba ka karna। aapki deedi ka yahi shabd tha ab ghar chalna hai ab ghar chalna hai। aapki daadi ka yahi sankalp raha ab karmaateet hona hai karmaateet hone ke class karaana karmaateet ka umang dilaana। aapke paandav jo gaye unhon ka bhi yahi dil mein sankalp raha ki humein jo paandav paandavon ko vijayi kaha jaata hai to paandavon ka jo lakshya raha aur hai bhi ki jo gaayan hai vijayi paandav paandav kaho to kya yaad aata hai vijay। chaahe akshoni sena thi to bhi paandav shabd kahne se vijay yaad aati hai। 5 paandav lekin vijayi। kaisa bhi vaayumandal ho akshoni sena ka vaayumandal tha lekin paandav paandavapti ki shreemat se vijayi bane aur vijay ka naam baala kiya। abhi vahi paandav vijayi ban auron ko bhi vijay dilaane vaale। to paandavon ko dekh karke baapdaada khush hote hain kis baat mein khush hote hain? ki shaktiyon ke saathi hain। shaktiyon ko sahayog de aage badhaane mein saathi hain। jaise baap ne shaktiyon ko shivshakti ka mantra de combined banaaya aise paandav bhi shaktiyon ko jo paandavon mein visheshta hai us visheshtaaon mein shaktiyon ko sahayog deke aage rakhne vaale achhe hain aur sada achhe te achhe ban aage badhne vaale hain। achha।

baapdaada aaj aapke sneh ko dekh aap sabko sneh ka haar pahnaate hain। bas aap bhi har ek ko sneh sahayog ka haar pahnaao। baanhon ka haar nahin dil mein sahayog ka haar pahnaao। baapdaada ne pahle bhi kaha hai har ek bachche ke jeb mein sahayog ke note hone chaahiye। to galtiyaan note nahin lekin sahayog ke note se jeb bhara hua hona chaahiye। kahaan bhi dekho sahayog chaahiye to sahayog ka note do। hai jeb mein? sahayog ke note hain? bhara hua hai। kheesa bhara hua hai khaali to nahin hai? aap sahayog ka note do aur woh aapko duaaon ka haar pahnaayenge।

to agli season mein jab aayenge to kya khushkhabri sunaayenge? sanskaar ka sanskaar ho gaya। ready? sab ready hai? ready hai? yeh pahli line haath nahin uthaati hai। haath uthaaya। sabhi ne uthaaya। peechhe vaalon ne uthaaya। to advance mein yeh khushkhabri sunaayenge na! sanskaar mitaate ho lekin jalaate nahin ho isliye phir nikal aate hain। iseelie kaha ki sanskaar ka sanskaar kar dena। dabaana nahin sanskaar kar dena kyonki samay ko aapko sameep laana hai। aapke advance party ki vishesh aatmaayen aur baap sookshm vatan nivaasi intajaar kar rahe hain। aapko unhon ka sankalp pahunchta hai। woh date maangate hain? aapki badi badi daadiyaan aur daadaayen donon date ka intajaar kar rahe hain। to unhon ko date denge! denge? pahli line bataao। date denge? ki kahenge wait and si। har ek ismen kya karna hai? har ek apne rahe hue sanskaaron ka sanskaar kar lo samay sameep aa jaayega। samay ko sameep laane ka yahi tareeka hai। jo vighna daal raha hai rahe hue sanskaar। to abhi jab doosre baari season shuru hoga usmein din hain kaaphi din hain।raaz koi na koi sanskaar ka sanskaar kar dena। ek ek ka karte jaao itne din hain। to kaun kehta hai agle baari jab baapdaada aaye to ham haath uthaayenge sanskaar ka sanskaar ho gaya। haath uthaao woh। ho gaya?

haath to utha rahe hain। baapdaada advance mein bahut bahut bahut mubaarak de rahe hain। achha। baap ne vaayda nibhaaya na। to aap bhi vaayda nibhaane mein hoshiyaar hain। baap ko har bachcha pyaara hai। koi bhi apne ko yeh nahin samjhe ki baapdaada ko ham pyaare kahaan honge। ham to peechhe hain ham to yeh hain। peechhe vaala bhi baap ko ati ati ati pyaara hai kyonki baap ko mera baba to kaha na।

to abhi chaaron or ke bachche jinhon ko bhi maaloom hoga woh door baithe bachchon ko bhi baapdaada mubaarak de rahe hain aur in advance vijayi banne ki khushkhabri ka respond dil mein sama rahe hain। abhi saakaar mein dekhenge। achha। aaj to aur kuchh karna nahin hai। milna aur khush karne ka hi aaj ka part hai। baapdaada ko khushi hai achha madhuban vaale jo mukhya sthaan hai unka naam lete jaao aur haath uthaaven।

(paandav bhavan gyaan sarovar shaantivan nivaasi hospital sangam bhavan pees park museum aabu nivaasi colony sahit sabhi ko alag-alag group mein khada kiya) sabse jyaada shaantivan mein hain।

neelu behen se:- achha rath ko sambhaal rahi ho bahut dil se seva karti ho iseelie baap ki madad aur aapka nimitta hona kaarya ko chala raha hai। aur sabki pyaari kitni ho? sab aapko kis nazar se dekhte hain? milaane vaali hai।

munni behen se:- aap bhi bahut achha yagya ko sambhaalna economy se chalna chalaana yeh visheshta hai। yeh visheshta samay prati samay baapdaada dekhte hain achha hai।

mohini behen se:- aapne yogbal se aur baap ki yaad se apne ko theek kiya hai aur theek rahengi yeh aapki buddhi mein saadhan aa gaya hai iseelie baap aapke oopar khush hai ki apne ko aap sayamm mein rakh karke apna part achha bajaaya aur bajaati rahengi।

daadi ratanmohini se :-aap bhi apna part chaaron or seva ka sambhaalne mein success hain aur success rahengi। achha।

eeshu daadi se:- aap to shuru se baap ke raazon ko jaanne vaali saakaar baba ke saath mein rah samajh gai ho। lekin gupta rehti ho। gupta rehna bhi theek hai lekin kabhi kabhi pratyaksha roop mein bhi aao। achha।

daadi jaanki se:- yagya ko saphalta swaroop dekhne mein aapki achhi roochi aur seva bhi hai। is seva se baapdaada khush hai। jitna ho sake jitnon ko bhi aap samaan baap ka pyaara aur nyaara bana sakti ho utna banaati bhi ho aur aage jimmevaari samajh karke chal rahi ho iska baapdaada ko naaz hai। (40 saal ka videsh mein mana rahe hain) sandesh bhej denge।

nirmala deedi se:- aapka kaam hai asambhav ko sambhav karke dikhaao। jo baapdaada chaahta hai woh pratyaksha roop mein laake dikhaao।

pardaadi se:- khushkismat aur khushanseeb ho। yeh aapke chehre se dikhaai deta hai yeh visheshta hai।

teenon bhaaeeyon se:- abhi teenon ka attention gaya hai to milkar jo bhi koi baat hoti hai usko spashta kar auron ko daadiyon ko bhi saathi bana karke aadat daali hai lekin isi aadat ko badhaate raho। daadiyon se bahut sameep aakarke jo bhi dil mein vichaar ho woh dete jaao। sankoch nahin karo। daadiyaan bhi sankoch nahin karen aap bhi sankoch nahin karo। mil karke yagya ke nimitta banna।

brijmohan bhaai se:- aapka programme achha ho jaayega।

ramesh bhaai se:- (ramesh bhaai ne baba ko sandesh bheja tha ki somnaath ke paas koi sevaasthaan banaane ke liye jameen mil rahi hai iske liye baapdaada ki kya prerna hain?) abhi kya karo kyonki do zone hain ek gujraat ek baambe। to pahle gujraat mein meeting karo pahle gujraat vaalon ke aas paas jo seva chal rahi hai unki result dekho aur iski result se us mandir ki taraph jo najdeek hai unki seva dekho to margin hai vahaan usko to jaante ho jahaan hai mandir vahaan to kar rahe ho lekin vahaan itni badi seva ho to uski circumstance dekho to donon baambe aur gujraat ke 5-6 milkar aapas mein raay karo। jyaada nahin bulaao। meeting karo। aap apna bataao vahaan kya ho raha hai aur gujraat bhi bataaye ki kya result hai jo service ki hai uske aas paas ki kya result hai pahle yeh result nikaalo।

(baapdaada ki platinum jubilee manaai gai sabhi ne baapdaada ka shrangaar kiya phool maalaayen pahnaai cake kaata evan geet gaaye)