Daily Murli for Thursday 30 April 2020

30-04-2020 praatahmurli om shanti "baapdaada"' madhuban

“ meethe bachche - baap ki shreemat tumhein sada sukhi banaane vaali hai , isliye dehdhaariyon ki mat chhod ek baap ki shreemat par chalo ''

prashn:- kin bachchon ki buddhi ka bhatakna abhi tak banda nahin hua hai?

uttar:- jinhen oonch te oonch baap ki mat mein va eeshvareey mat mein bharosa nahin hai, unka bhatakna abhi tak banda nahin hua। baap mein poora nishchay na hone ke kaaran donon taraph paanv rakhte hain। bhakti, ganga snaan aadi bhi karenge aur baap ki mat par bhi chalenge। aise bachchon ka kya haal hoga! shreemat par poora nahin chalte isliye dhakka khaate hain।

geet:- is paap ki duniya se…

om shanti। bachchon ne yeh bhakton ka geet suna। abhi tum aise nahin kehte ho। tum jaante ho hamko oonch te oonch baap mila hai, woh ek hi oonch te oonch hai। baaki jo bhi is samay ke manushyamaatra hain, sab neech te neech hain। oonch te oonch manushya bhi bhaarat mein yeh devi-devtaayen hi the। unhon ki mahima hai - sarvagun sampanna....... ab manushyon ko yeh pata nahin hai ki in devtaaon ko itna oonch kisne banaaya। abhi to bilkul hi patit ho pade hain। baap hai oonch te oonch। saadhu-santa aadi sab unki saadhna karte hain। aise saadhuon pichhaadi manushya aadha-kalpa bhatke hain। abhi tum jaante ho baap aaya hua hai, ham baap ke paas jaate hain। woh hamko shreemat dekar shreshtha te shreshtha, sada sukhi banaate hain। raavan ki mat par tum kitne tuchchha buddhi bane ho। ab tum aur kiski mat par na chalo। mujh patit-paavan baap ko bulaaya hai phir bhi dubone vaalon pichhaadi kyon padte ho! ek ki mat ko chhod anekon ke paas dhakka kyon khaate rehte ho? kai bachche gyaan bhi sunte rahenge phir jaakar ganga snaan bhi karenge, gurooon ke paas bhi jaayenge.......। baap kehte hain woh ganga koi patit-paavni to hai nahin। phir bhi tum manushyon ki mat par jaae snaan aadi karenge to baap kahenge - mujh oonch te oonch baap ki mat mein bhi bharosa nahin hai। ek taraph hai eeshvareey mat, doosre taraph hai aasuri mat। unka haal kya hoga। donon taraph paanv rakha to cheer padenge। baap mein bhi poora nishchay nahin rakhte hain। kehte bhi hain baba ham aapke hain। aapki shreemat par ham shreshtha banenge। hamko oonch te oonch baap ki mat par apne kadam rakhne hain। shantidham, sukhdhaam ka maalik to baap hi banaayenge। phir baap kehte hain - jiske shareer mein mainne pravesh kiya usne to 12 guru kiye, phir bhi tamopradhaan hi bana hai, phaayda kuchh nahin hua। ab baap mila hai to sabko chhod diya। oonch te oonch baap mila, baap ne kaha - hear no evil, si no evil....... parantu manushya hain bilkul patit tamopradhaan buddhi। yahaan bhi bahut hain, shreemat par chal nahin sakte। taakat nahin hai। maaya dhakka khilaati rehti hai kyonki raavan hai dushman, raam hai mitra। koi raam kehte, koi shiv kehte। asul naam hai shivbaaba। main punarjanma mein nahin aata hoon। mera drama mein naam shiv hi rakha hua hai। ek cheez ke 10 naam rakhne se manushya munjhe hue hain, jisko jo aaya naam rakh diya। asul mera naam shiv hai। main is shareer mein pravesh karta hoon। main koi krishna aadi mein nahin aata hoon। woh samajhte hain vishnu to sookshm vatan mein rahne vaala hai। vaastav mein woh hai yugal roop, pravritti maarga ka। baaki 4 bhuja koi hoti nahin hain। chaar bhuja maana pravritti maarga, do bhuja hain nivritti maarga। baap ne pravritti maarga ka dharma sthaapan kiya hai। sannyaasi nivritti maarga ke hain। pravritti maarga vaale hi phir paavan se patit bante hain isliye srishti ko thamaane liye sannyaasiyon ka part hai pavitra banne ka। woh bhi laakhon-karodon hain। mela jab lagta hai to bahut aate hain, woh khaana pakaate nahin hain, grihasthiyon ki paalna par chalte hain। karma sannyaas kiya phir bhojan kahaan se khaayen। to grihasthiyon se khaate hain। grihasthi log samajhte hain - yeh bhi hamaara daan hua। yeh bhi pujaari patit tha, phir abhi shreemat par chal paavan ban rahe hain। baap se varsa lene ka purushaartha kar rahe hain, tab kehte hain follow father karo। maaya har baat mein pachhaadti hai। deh-abhimaan se hi manushya gaphlat karte hain। bhal gareeb ho va saahookaar ho parantu deh-abhimaan jab toote na। deh-abhimaan tootna hi badi mehnat hai। baap kehte hain tum apne ko aatma samajh deh se part bajaao। tum deh-abhimaan mein kyon aate ho! drama anusaar deh-abhimaan mein bhi aana hi hai। is samay to pakke deh-abhimaani ban pade hain। baap kehte hain tum to aatma ho। aatma hi sab kuchh karti hai। aatma shareer se alag ho jaae phir shareer ko kaato, aavaaz kuchh niklega? nahin, aatma hi kehti hai - mere shareer ko duhkh mat do। aatma avinaashi hai, shareer vinaashi hai। apne ko aatma samajh mujh baap ko yaad karo। deh-abhimaan chhodo।

tum bachche jitna dehi-abhimaani banenge utna tanduroosta aur nirogi bante jaayenge। is yogbal se hi tum 21 janma nirogi banenge। jitna banenge utna pad bhi oonch milega। sajaaon se bachenge। nahin to sajaayen bahut khaani padengi। to kitna dehi-abhimaani banna hai। kaeeyon ki takdeer mein yeh gyaan hai nahin। jab tak tumhaare kul mein na aayen arthaat brahma mukh vanshaavli na banen to brahman banne bigar devta kaise banenge। bhal aate bahut hain, baba-baba likhte athva kehte bhi hain parantu sirf kahne maatra। ek-do chitthi likhi phir gum। woh bhi satayug mein aayenge parantu praja mein। praja to bahut banti hai na। aage chal jab bahut duhkh hoga to bahut bhaagenge। aavaaz hoga - bhagwan aaya hai। tumhaare bhi bahut centres khul jaayenge। tum bachchon ki kami hai, dehi-abhimaani bante nahin ho। ajun bahut deh-abhimaan hai। ant mein kuchh bhi deh-abhimaan hoga to pad bhi kam ho jaayega। phir aakar daas-daasiyaan banenge। daas-daasiyaan bhi nambarvaar dher hoti hain। raajaaon ko daasiyaan dahej mein milti hain, saahookaaron ko nahin milti। bachchon ne dekha hai raadhe kitni daasiyaan dahej mein le jaati hai। aage chal tumko bahut saakshaatkaar honge। halki daasi banne se to saahookaar praja banna achha hai। daasi akshar kharaab hai। praja mein saahookaar banna phir bhi achha hai। baap ka banne se maaya aur hi achhi khaatiri karti hai। roostam se roostam hokar ladti hai। deh-abhimaan aa jaata hai। shivbaaba se bhi munh pher lete hain। baba ko yaad karna hi chhod dete। are, khaane ki phursat hai aur aisa baba jo vishwa ka maalik banaate hain unko yaad karne ki phursat nahin। achhe-achhe bachche shivbaaba ko bhool deh-abhimaan mein aa jaate hain। nahin to aisa baap jo jeey-daan dete hain, unko yaad karke patra to likhen। parantu yahaan baat mat poochho। maaya ekdam naak se pakad uda deti hai। kadam-kadam shreemat par chalen to kadam mein padam hain। tum anginat dhanvaan bante ho। vahaan ginti hoti nahin। dhan-daulat, kheti-baadi sab milta hai। vahaan taamba, loha, peetal aadi hota nahin। sone ke hi sikke hote hain। makaan hi sone ka banaate hain to kya nahin hoga। yahaan to hai hi bhrashtaachaari raajya, yatha raaja-raani tatha praja। satayug mein yatha raaja-raani tatha praja sab shreshthaachaari hote hain। parantu manushyon ki buddhi mein baithta thode hi hai। tamopradhaan hain। baap samjhaate hain - tum bhi aise hi the। yeh bhi aisa tha। ab main aakar devta banaata hoon, to bhi bante nahin। aapas mein ladte-jhagadte rehte hain। main bahut achha hoon, aisa hoon.......। yeh koi samajhte thode hi hain ki ham dozak mein pade hain, ham raurav narka mein pade hain। yeh bhi tum bachche jaante ho nambarvaar purooshaartha anusaar। manushya bilkul narka mein pade hain - raat-din chintaaon mein pade rehte hain। gyaan maarga mein jo aap samaan banaane ki seva nahin kar sakte hain, tere-mere ki chintaaon mein rehte hain woh beemaar rogi hain। baap ke sivaae aur kisi ko yaad kiya to vyabhichaari hue na। baap kehte hain aur koi ki mat suno, mere se hi suno। mujhe yaad karo। devtaaon ko yaad karen to bhi behtar hai, manushya ko yaad karne se koi phaayda nahin। yahaan to baap kehte hain tum sir bhi kyon jhukaate ho! tum is baba ke paas bhi jab aate ho to shivbaaba ko yaad karke aao। shivbaaba ko yaad nahin karte ho to goya paap karte ho। baba kehte - pahle to pavitra banne ki pratigya karo। shivbaaba ko yaad karo। bahut parhej hai। bahut mushkil koi samajhte hain। itni buddhi nahin hai। baap se kaise chalna hai, ismen to badi mehnat chaahiye। maala ka daana banna - koi maasi ka ghar thode hi hai। mukhya hai baap ko yaad karna। tum baap ko yaad nahin kar sakte ho। baap ki service, baap ki yaad kitni chaahiye। baba roz kehte hain potaamel nikaalo। jin bachchon ko apna kalyaan karne ka khyaal rehta hai - woh har prakaar se poori-poori parhez karte rahenge। unka khaan-paan bada saatvik hoga।

baba bachchon ke kalyaan ke liye kitna samjhaate hain। sab prakaar ki parhej chaahiye। jaanch karni chaahiye - hamaara khaan-paan aisa to nahin? lobhi to nahin hain? jab tak karmaateet avastha nahin hui hai to maaya ulta-sulta kaam karaati rahegi। usmein time pada hai, phir maaloom padega - ab to vinaash saamne hai। aag phail gai hai। tum dekhenge kaise bombs girte hain। bhaarat mein to rakta ki nadiyaan bahni hain। vahaan bombs se ek-do ko khatma kar denge। natural calamities hongi। museebat sabse jaasti bhaarat par hai। apne oopar bahut nazar rakhni hai, ham kya service karte hain? kitne ko aap-samaan nar se naaraayan banaate hain? koi-koi bhakti mein bahut phanse hue hain to samajhte hain - yeh bachchiyaan kya padhaayengi। samajhte nahin ki inhon ko padhaane vaala baap (bhagwan) hai। thoda padha hua hai va dhan hai to ladne lag padte hain। aabru hi ganva dete hain। satguru ki ninda karaane vaala thaur na paaye। phir paai-paise ka pad jaakar paayenge। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) teri-meri ki chintaaon ko chhod aapasmaan banaane ki seva karni hai। ek baap se hi sunna hai, baap ko hi yaad karna hai, vyabhichaari nahin banna hai।

2) apne kalyaan ke liye khaan-paan ki bahut parhez rakhni hai - kisi bhi cheez mein lobh nahin rakhna hai। dhyaan rahe maaya koi bhi ulta kaam na kara de।

vardaan:- practical jeevan dvaara parmaatma gyaan ka proof dene vaale dharmayuddha mein vijayi bhav

abhi dharma yuddha ki stage par aana hai। us dharma yuddha mein vijayi banne ka saadhan hai aapki practical jeevan kyonki parmaatma gyaan ka proof hi practical jeevan hai। aapki moorta se gyaan aur gun practical mein dikhaai den kyonki aajkal discuss karne se apni moorta ko siddha nahin kar sakte lekin apni practical dhaarna moorta se ek second mein kisi ko bhi shant kara sakte ho।

slogan:- aatma ko ujjaval banaane ke liye parmaatma smriti se man ki ulajhnon ko samaapta karo।