Daily Murli for Saturday 18 July 2020

18-07-2020 praatahmurli om shanti "baapdaada"' madhuban

“meethe bachche - tum double ahinsak roohaani sena ho tumhein shreemat par apni daivi raajdhaani sthaapan karni hai''

prashn:- tum roohaani sevaadhaari bachche sabhi ko kis baat ki chetaavni dete ho?

uttar:- tum sabhi ko chetaavni dete ho ki yeh vahi mahaabhaarat ladaai ka samay hai, ab yeh puraani duniya vinaash honi hai, baap nai duniya ki sthaapna kara rahe hain। vinaash ke baad phir jayjaykaar hogi। tumhein aapas mein milkar raay karni chaahiye ki vinaash ke pahle sabko baap ka parichay kaise mile।

geet:- toone raat ganvaai so ke…

om shanti। baap samjha rahe hain oonch te oonch hai bhagwan phir unko oonch te oonch commander in chief aadi bhi kaho kyonki tum sena ho na। tumhaara supreme commander kaun hai? yeh bhi jaante ho do senaaye hain - woh hai jismaani, tum ho roohaani। woh had ke, tum behad ke। tumhaare mein commanders bhi hain, general bhi hain, lephteenent bhi hain। bachche jaante hain ham shreemat par raajdhaani sthaapan kar rahe hain। ladaai aadi ki to koi baat nahin। ham saare vishwa par phir se apna daivi raajya sthaapan kar rahe hain shreemat par। kalpa-kalpa hamaara yeh part bajta hai। yeh sab hain behad ki baaten। un ladaaiyon mein yeh baaten nahin। oonch te oonch baap hai। unko jaadoogar, ratnaagar, gyaan ka saagar bhi kehte hain। baap ki mahima apram-apaar hai। tumhein buddhi se sirf baap ko yaad karna hai। maaya yaad bhula deti hai। tum ho double ahinsak roohaani sena। tumko yahi khyaal hai ki ham apna raajya kaise sthaapan karen। drama zaroor karaayega। purooshaartha to karna hota hai na। jo achhe-achhe bachche hain, aapas mein raay karni chaahiye। maaya se yuddha to ant tak tumhaari chalti rahegi। yeh bhi jaante ho mahaabhaarat ladaai honi hai zaroor। nahin to puraani duniya ka vinaash kaise ho। baba hamko shreemat de rahe hain। ham bachchon ko phir se apna raajya-bhaagya sthaapan karna hai। is puraani duniya ka vinaash ho phir bhaarat mein jayjaykaar ho jaana hai, jiske liye tum nimitta bane ho। to aapas mein milna chaahiye। kaise-kaise ham service karen। sabhi ko baap ka paigaam sunaayen ki ab is puraani duniya ka vinaash hona hai। baap nai duniya ki sthaapna kar rahe hain। laukik baap bhi naya makaan banaate hain to bachche khush hote hain। woh hai had ki baat, yeh hai saare vishwa ki baat। nai duniya ko satayug, puraani duniya ko kaliyug kaha jaata hai। ab puraani duniya hai to yeh maaloom hona chaahiye - baap kab aur kaise aakar nai duniya sthaapan karte hain। tumhaare mein nambarvaar purushaartha anusaar jaante hain। bade te bada hai baap, baaki phir nambarvaar mahaarthi, ghodesvaar, pyaade hain। commander, captain yeh to sirf misaal de samjhaaya jaata hai। to bachchon ko aapas mein mil raay nikaalni chaahiye ki sabko baap ka parichay kaise den, yeh hai roohaani seva। ham apne bhaai-bahinon ko chetaavni kaise den ki baap nai duniya sthaapan karne ke liye aaye hain। puraani duniya ka vinaash bhi saamne khada hai। yeh vahi mahaabhaarat ladaai hai। manushya to yeh bhi samajhte nahin hain ki mahaabhaarat ladaai ke baad phir kya!

tum abhi feel karte ho ki abhi ham sangam par purushottam ban rahe hain। ab baap aaye hain purushottam banaane। ismen ladaai aadi ki koi baat hi nahin hai। baap samjhaate hain - bachche, patit duniya mein ek bhi paavan nahin ho sakta aur paavan duniya mein phir ek bhi patit nahin ho sakta। itni chhoti baat bhi koi samajhte nahin hain। tum bachchon ko sab chitron aadi ka saar samjhaaya jaata hai। bhakti maarga mein manushya jap-tap, daan-punya aadi jo bhi karte hain, usse alpakaal ke liye kaag vishta samaan sukh ki praapti hoti hai। parantu jab koi yahaan aakar samjhe tab yeh baaten buddhi mein baithen। yeh hai hi bhakti ka raajya। gyaan rinchak bhi nahin। jaise patit duniya mein paavan ek bhi nahin, vaise gyaan bhi ek ke sivaae aur koi mein nahin। ved-shaastra aadi sab bhakti maarga ke hain। seedhi utarni hi hai। abhi tum brahman bane ho, ismen nambarvaar sena hai। mukhya-mukhya jo commander, captain, general aadi hain, unhon ko aapas mein mil raay karni chaahiye, ham baba ka sandesh kaise deven। bachchon ko samjhaaya hai - messenger, paigambar athva guru ek hi hota hai। baaki sab hain bhakti maarga ke। sangamayugi sirf tum ho। yeh lakshmi-naaraayan em object bilkul accurate hai। bhaktimaarga mein satya naaraayan ki katha, teejri ki katha, amar katha baith sunaate hain। abhi baap tumko sachchi satya naaraayan ki katha suna rahe hain। bhaktimaarga mein hain past ki baaten, jo hokar jaate hain unka baad mein phir mandir aadi banaate hain। jaise shivbaaba abhi tumko padha rahe hain phir bhaktimaarga mein yaadgaar banaayenge। satayug mein shiv va lakshmi-naaraayan aadi koi ka chitra nahin hota। gyaan bilkul alag hai, bhakti alag hai। yeh bhi tum jaante ho isliye baap ne kaha hai hear no evil, talk no evil.......

tum bachchon ko abhi kitni khushi hai, nai duniya sthaapan ho rahi hai। sukhdhaam ki sthaapna arth baba hamko phir se direction de rahe hain, usmein bhi number one direction dete hain paavan bano। patit to sabhi hain na। to jo achhe-achhe bachche hain unhon ko aapas mein milkar raay karni chaahiye ki service ko kaise badhaayen, gareebon ko kaise message den, baap to kalpa pahle misal aaya hai। kehte hain apne ko aatma samajh mujh baap ko yaad karo। raajdhaani zaroor sthaapan honi hai। samjhenge zaroor। jo devi-devta dharma ke nahin hain woh nahin samjhenge। vinaash kaale eeshvar se vipreet buddhi hain na। tum bachche jaante ho hamaara dhani hai isliye tumhein na vikaar mein jaana hai, na ladna-jhagadna hai। tumhaara brahman dharma bahut oonch hai। woh shoodra dharma ke, tum brahman dharma ke। tum choti woh pair। choti ke oopar hai oonch te oonch bhagwan niraakaar। in aankhon se na dekhne ke kaaran viraat roop mein choti (brahman) aur shivbaaba ko dikhaate nahin hain। sirf kehte hain devta, kshatriy, vaishya, shoodra। jo devta bante hain vahi phir se punarjanma le kshatriy, vaishya, shoodra bante hain। viraat roop ka bhi arth koi nahin jaante। abhi tum samajhte ho to correct chitra banaana hai। shivbaaba bhi dikhaaya hai aur brahman bhi dikhaaye hain, tumko ab sabko yeh message dena hai ki apne ko aatma samajh baap ko yaad karo। tumhaara kaam hai message dena। jaise baap ki mahima aparmaapaar hai, vaise bhaarat ki bhi bahut mahima hai। yeh bhi 7 roj koi sune tab buddhi mein baithe। kehte hain phursat nahin। are, aadha kalpa pukaarte aaye ho, ab woh practical mein aaya hua hai। baap ko aana hi hai ant mein। yeh bhi tum brahman jaante ho nambarvaar purushaartha anusaar। padhaai shuru ki aur nishchay hua। maashook aaya hua hai, jisko ham pukaarte the, zaroor koi shareer mein aaya hoga। unko apna shareer to hai nahin। baap kehte hain main inmen pravesh kar tum bachchon ko srishti chakra ki, rachayita aur rachna ki knowledge deta hoon। yeh aur koi nahin jaante। yeh padhaai hai। bahut sahaj karke samjhaate hain। baba kehte hain ham tumko kitna dhanvaan banaata hoon। kalpa-kalpa tumhaare jaisa pavitra aur sukhi koi nahin। tum bachche is samay sabhi ko gyaan daan dete ho। baap tumhein ratnon ka daan dete hain, tum doosron ko dete ho। bhaarat ko svarga banaate ho। tum apne hi tan-man-dhan se shreemat par bhaarat ko svarga bana rahe ho। kitna ooncha kaarya hai। tum gupta sena ho, kisko bhi pata nahin hai। tum jaante ho ham vishwa ki baadshaahi le rahe hain, shreemat dvaara shreshtha bante hain। ab baap kehte hain maamekam yaad karo। krishna to kah na sake, woh to prince tha। tum prince bante ho na। satayug-treta mein pavitra pravritti maarga hai। apvitra raajaayen pavitra raaja-raani lakshmi-naaraayan ki pooja karte hain। pavitra pravritti maarga vaalon ka raajya chalta hai phir hota hai apvitra pravritti maarga। aadha-aadha hai na। din aur raat। laakhon varsha ki baat ho phir aadha-aadha to ho na sake। laakhon varsha ho to phir hindu jo vaastav mein devta dharma ke hain unki sankhya bahut badi honi chaahiye। anginat hone chaahiye। abhi to ginti karte hain na। yeh drama mein noondh hai, phir bhi hoga। maut saamne khada hai। yeh vahi mahaabhaarat ladaai hai। to aapas mein milkar service ka plan banaana hai। service karte bhi rehte hain। naye-naye chitra nikalte hain, pradarshani bhi karte hain। achha, phir kya kiya jaae? achha roohaani museum banaao। khud dekhkar jaayenge to phir auron ko bhejenge। gareeb athva saahookaar dharmaau to nikaalte hain na। saahookaar jaasti nikaalenge, ismen bhi aise hain। koi ek hazaar nikaalenge, koi kam। koi to do roopaye bhi bhej dete hain। kehte hain ek roopaye ki eet laga dena। ek roopaya 21 janmon ke liye jama karna। yeh hai gupta। gareeb ka ek roopaya, saahookaar ka ek hajaar, baraabar ho jaata hai। gareeb ke paas hai hi thoda to kya kar sakte hain। hisaab hai na। vyaapaari log dharmaau nikaalte hain, ab kya karna chaahiye। baap ko madad deni hai। baap phir return mein 21 janma ke liye dete hain। baap aakar gareebon ko madad karte hain। ab to yeh duniya hi nahin rahegi। sab mitti mein mil jaayenge। yeh bhi jaante ho sthaapna zaroor honi hai kalpa pahle muaaphik। niraakaar baap kehte hain - bachchon, deh ke sab dharma tyaag, ek baap ko yaad karo। yeh brahma bhi rachna hai na। brahma kiska bachcha, kisne create kiya। brahma-vishnu-shankar ko kaise create karte hain, yeh bhi koi nahin jaante hain। baap aakar satya baat samjhaate hain। brahma bhi zaroor manushya srishti mein hi hoga। brahma ki vanshaavli gaai hui hai। bhagwan manushya srishti ki rachna kaise rachte hain, yeh koi nahin jaante। brahma to yahaan hona chaahiye na। baap kehte hain - jismen hamne pravesh kiya hai, yeh bhi bahut janmon ke ant vaala hai। isne poore 84 janma liye hain। brahma koi creator nahin hai। creator to ek niraakaar hi hai। aatmaayen bhi niraakaar hain। woh to anaadi hain। kisi ne create nahin kiya phir brahma kahaan se aaya। baap kehte hain - mainne ismen pravesh kar naam badli kiya। tum braahmanon ke bhi naam badli kiye। tum ho raajarishi, shuru mein sanyaas kar saath mein rahne lage to naam badli kar diya। phir dekha maaya kha jaati hai to maala banaana, naam rakhna chhod diya।

aajkal duniya mein har baat mein thagi bahut hai। doodh mein bhi thagi। sachchi cheez to milti nahin। baap ke liye bhi thagi। svayan ko hi bhagwan kahlaane lagte hain। abhi tum bachche jaante ho aatma kya hai, paramatma kya hai। tumhaare mein bhi nambarvaar purushaartha anusaar hain। baap jaante hain kaun kaise padhte aur phir padhaate hain, kya pad paayenge। nishchay hai ham baap dvaara world ka crown prince ban rahe hain। to aisa purooshaartha kar dikhaana hai। ham crown prince bane। phir 84 ka chakra lagaaya ab phir bante hain। yeh hai narka, inmen kuchh bhi nahin raha hai। phir baap aakar bhandaara bharpoor kar kaal kantak door kar dete hain। tum sabse poochho yahaan bhandaara bharpoor karne aaye ho na। amarpuri mein kaal aa na sake। baap aate hi hain bhandaara bharpoor kar kaal kantak door karne। woh hai amarlok, yeh hai mrityulok। aisi meethi-meethi baaten sunni-sunaani hai। phaaltu nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap vishwa ka maalik banne ki padhaai padhaane aaye hain isliye kabhi aisa nahin kehna ki humein phursat nahin। shreemat par tan-man-dhan se bhaarat ko svarga banaane ki seva karni hai।

2) aapas mein bahut meethi-meethi gyaan ki baaten sunni aur sunaani hai। baap ka yeh direction sada yaad rahe - hear no evil, talk no evil......।

vardaan:- purooshaartha ke sookshm aalasya ka bhi tyaag karne vaale all-rounder alert bhav

purooshaartha ki thakaavat aalasya ki nishaani hai। aalasya vaale jaldi thakte hain, umang vaale athak hote hain। jo purooshaartha mein dilshikasta hote hain unhein hi aalasya aata hai, woh sochte hain kya karen itna hi ho sakta hai, jyaada nahin ho sakta। himmat nahin hai, chal to rahe hain, kar to rahe hain - ab is sookshm aalasya ka bhi naam nishaan na rahe iske liye sada alert, ever ready aur all-rounder bano।

slogan:- samay ke mahatva ko saamne rakh sarva praaptiyon ka khaata full jama karo।