Daily Murli for Wednesday 28 October 2020

28-10-2020 praatahmurli om shanti "baapdaada"' madhuban

“meethe bachche - tum is paathshaala mein aaye ho svarga ke liye passport lene, aatma-abhimaani bano aur apna naam register mein note kara do to svarga mein aa jaayenge''

prashn:- kaun-si smriti na rahne ke kaaran bachche baap ka regard nahin rakhte hain?

uttar:- kai bachchon ko yahi smriti nahin rehti ki jisko saari duniya pukaar rahi hai, yaad kar rahi hai, vahi oonch te oonch baap ham bachchon ki seva mein upasthit hua hai। yeh nishchay nambarvaar hai, jitna jisko nishchay hai utna regard rakhte hain।

geet:- jo piya ke saath hai…

om shanti। sab bachche gyaan saagar ke saath to hain hi। itne sab bachche ek jagah to rah nahin sakte। bhal jo saath hain woh nazdeek mein direct gyaan sunte hain aur jo door hain unhon ko deri se milta hai। parantu aise nahin ki saath vaale jaasti unnati ko paate hain aur door vaale kam unnati ko paate hain। nahin, practical dekha jaata hai jo door hain woh jaasti padhte hain aur unnati ko paate hain। itna zaroor hai behad ka baap yahaan hain। brahman bachchon mein bhi nambarvaar hain। bachchon ko daiveegun bhi dhaaran karne hain। koi-koi bachchon se badi-badi gaphlat hoti hai। samajhte bhi hain behad ka baap jisko saari srishti yaad karti hai, woh hamaari seva mein upasthit hai aur hamko oonch te oonch banaane ka maarga bataate hain। bahut pyaar se samjhaate hain phir bhi itna regard dete nahin। baandheliyaan kitni maar khaati hain, tadaphti hain phir bhi yaad mein rah achha utha leti hain। pad bhi oonch ban jaata hai। baba sabke liye nahin kehte hain। nambarvaar purooshaartha anusaar to hain hi। baap bachchon ko saavdhaan karte hain, sab to ek jaise ho na saken। baandheliyaan aadi baahar mein rahkar bhi badi kamaai karti hain। yeh geet to bhakti maarga vaalon ka bana hua hai। parantu tumhaare liye arth karne jaisa bhi hai, woh kya jaanen, piya kaun hai, kiska piya hai? aatma khud ko hi nahin jaanti to baap ko kaise jaane। hai to aatma na। main kya hoon, kahaan se aai hoon - yeh bhi pata nahin hai। sab hain deh-abhimaani। aatma-abhimaani koi hai nahin। agar aatma-abhimaani banen to aatma ko apne baap ka bhi pata ho। deh-abhimaani hone ke kaaran na aatma ko, na parampita paramatma ko jaante hain। yahaan to tum bachchon ko baap baith sammukh samjhaate hain। yeh behad ka school hai। ek hi em object hai - svarga ki baadshaahi praapta karna। svarga mein bhi bahut pad hain। koi raaja-raani koi praja। baap kehte hain - main aaya hoon tumko phir se double sirtaaj banaane। sab to double sirtaaj ban na saken। jo achhi reeti padhte hain woh apne andar mein samajhte hain ham yeh ban sakte hain। surrender bhi hain, nishchay bhi hai। sab samajhte hain inse koi aisa chhi-chhi kaam nahin hota hai। koi-koi mein bahut avgun hote hain। woh thode hi samjhenge ki ham koi itna oonch pad paayenge isliye purooshaartha hi nahin karte। baap se poochhen ki main yeh ban sakta hoon, to baba jhat bataayenge। apne ko dekhenge to jhat samjhenge barobar main oonch pad nahin pa sakta hoon। lakshan bhi chaahiye na। satayug-treta mein to aisi baaten hoti nahin। vahaan hai praalabdha। baad mein jo raajaayen hote hain, woh bhi praja ko bahut pyaar karte hain। yeh to maat-pita hai। yeh bhi tum bachche hi jaante ho। yeh to behad ka baap hai, yeh saari duniya ko register karne vaale hain। tum bhi register karte ho na। passport de rahe ho। svarga ka maalik banne ke liye yahaan se tumko passport milta hai। baba ne kaha tha sabka photo hona chaahiye, jo vaikuntha ke laayak hain kyonki tum manushya se devta bante ho। baaju mein taaj va takhta vaala photo ho। ham yeh ban rahe hain। pradarshani aadi mein bhi yeh sample rakhna chaahiye - yeh hai hi raajayog। samjho barrister bante hain to woh ek taraph ordinary dress mein ho, ek taraph bairistari dress। vaise ek taraph tum saadhaaran, ek taraph double sirtaaj। tumhaara ek chitra hai na - jismen poochhte ho kya banna chaahte ho? yeh barrister aadi banna hai ya raajaaon ka raaja banna hai। aise chitra hone chaahiye। barrister judge aadi to yahaan ke hain। tumko raajaaon ka raaja nai duniya mein banne ka hai। em object saamne hai। ham yeh ban rahe hain। samjhaani kitni achhi hai। chitra bhi bade achhe hon full size ke। woh bairistari padhte hain to yog barrister se hai। barrister hi bante hain। inka yog parampita paramatma se hai to double sirtaaj bante hain। ab baap samjhaate hain bachchon ko act mein aana chaahiye। lakshmi-naaraayan ke chitra par samjhaana bahut sahaj hoga। ham yeh ban rahe hain to tumhaare liye zaroor nai duniya chaahiye। narka ke baad hai svarga।

abhi yeh hai purooshottam sangamayug। yeh padhaai kitna oonch banaane vaali hai, ismen paise aadi ki darkaar nahin hai। padhaai ka shauk hona chaahiye। ek aadmi bahut gareeb tha, padhne ke liye paise nahin the। phir padhte-padhte mehnat karke itna saahookaar ho gaya jo queen Victoria ka minister ban gaya। tum bhi abhi kitne gareeb ho। baap kitna oonch padhaate hain। ismen sirf buddhi se baap ko yaad karna hai। batti aadi jagaane ki bhi darkaar nahin। kahaan bhi baithe yaad karo। parantu maaya aisi hai jo baap ki yaad bhula deti hai। yaad mein hi vighna padte hain। yahi to yuddha hai na। aatma pavitra banti hi hai baap ko yaad karne se। padhaai mein maaya kuchh nahin karti। padhaai se yaad ka nasha oonch hai, isliye praacheen yog gaaya hua hai। yog aur gyaan kaha jaata hai। yog ke liye gyaan milta hai - aise-aise yaad karo। aur phir srishti chakra ka bhi gyaan hai। rachayita aur rachna ke aadi-madhya-ant ko aur koi nahin jaante। bhaarat ka praacheen yog sikhlaate hain। praacheen to kaha jaata hai nai duniya ko। unko phir laakhon varsha de diye hain। kalpa ki aayu bhi anek prakaar ki bataate hain। koi kya kehte, koi kya kehte। yahaan tumko ek hi baap padha rahe hain। tum baahar mein bhi jaayenge, tumko chitra milenge। yeh to vyaapaari hai na। baba kehte kapde par chhap sakte hain। agar kiske paas badi screen pres na ho to aadha-aadha kar de। phir joint aisa kar lete hain jo pata bhi nahin padta hai। behad ka baap, badi sarkaar kehte hain, koi chhapaakar dikhaaye to main unka naam baala karoonga। yeh chitra kapde par chhapaae koi vilaayat le jaae to tumko ek-ek chitra ka koi 5-10 hazaar bhi de deve। paise to vahaan dher hain। ban sakte hain, itni badi-badi pres hain, shahron ki scene scenery aisi-aisi chhapti hain - baat mat poochho। yeh bhi chhap sakte hain। yeh to aisi first class cheez hai - kahenge sachcha gyaan to inmen hi hai, aur koi ke paas to hai hi nahin। kisko pata hi nahin - phir samjhaane vaala bhi english mein hoshiyaar chaahiye। english to sab jaante hain। unhon ko bhi sandesh to dena hai na। vahi vinaash arth nimitta bane hue hain drama anusaar। baba ne bataaya hai unhon ke paas bombs aadi aise-aise hain jo donon agar aapas mein mil jaaen to saare vishwa ke maalik ban sakte hain। parantu yeh drama hi aisa bana hua hai jo tum yogbal se vishwa ki baadshaahi lete ho। hathiyaar aadi se vishwa ke maalik ban na saken। woh hai science, tumhaari hai silence। sirf baap ko aur chakra ko yaad karo, aapasmaan banaao।

tum bachche yogbal se vishwa ki baadshaahi le rahe ho। woh aapas mein ladenge bhi zaroor। maakhan beech mein tumko milna hai। krishna ke mukh mein maakhan ka gola dikhaate hain। kahaavat bhi hai do aapas mein lade, beech mein maakhan teesra kha gaya। hai bhi aise। saare vishwa ki raajaai ka maakhan tumko milta hai। to tumko kitni khushi honi chaahiye। vaah baba aapki to kamaal hai। knowledge to aapki hi hai। badi achhi samjhaani hai। aadi sanaatan devi-devta dharma vaalon ne vishwa ki baadshaahi kaise praapta ki। yeh kisko bhi khyaal mein hoga nahin। us samay aur koi khanda hota nahin। baap kehte hain main vishwa ka maalik nahin banta, tumko banaata hoon। tum padhaai se vishwa ke maalik bante ho। main paramatma to hoon hi ashareeri। tum sabko shareer hai। dehdhaari ho। brahma-vishnu-shankar ko bhi sookshm shareer hai। jaise tum aatma ho vaise main bhi param aatma hoon। mera janma divya aur alaukik hai, aur koi bhi aise janma nahin lete hain। yeh mukrar hai। yeh sab drama mein noodh hai। koi abhi mar jaate hain - yeh bhi drama mein noodh hain। drama ki samjhaani kitni milti hai। samjhenge number-vaar। koi to dull buddhi hote hain। teen grades hoti hain। pichhaadi ki grade vaale ko dull kaha jaata hai। khud bhi samajhte hain yeh first grade mein hai, yeh second mein hai। praja mein bhi aise hi hai। padhaai to ek hi hai। bachche jaante hain yeh padhkar ham so double sirtaaj banenge। ham double sirtaaj the phir single taaj phir no taaj banen। jaisa karma vaisa phal kaha jaata hai। satayug mein aise nahin kahenge। yahaan achhe karma karenge to ek janma ke liye achha phal milega। koi aise karma karte hain jo janma se hi rogi hote hain। yeh bhi karmabhog hai na। bachchon ko karma, akarma, vikarma ka bhi samjhaaya hai। yahaan jaisa karte hain to uska achha va bura phal paate hain। koi saahookaar bante hain to zaroor achhe karma kiye honge। abhi tum janma-janmaantar ki praalabdha banaate ho। gareeb saahookaar ka farka to vahaan rehta hai na, abhi ke purooshaartha anusaar। woh praalabdha hai avinaashi 21 janmon ke liye। yahaan milta hai alpakaal ka। karma to chalta hai na। yeh karma kshetra hai। satayug hai svarga ka karma kshetra। vahaan vikarma hota hi nahin। yeh sab baaten buddhi mein dhaaran karni hai। koi virle hain jo sadaiv points likhte rehte hain। chart bhi likhte-likhte phir thak jaate hain। tum bachchon ko points likhni chaahiye। bahut maheen-maheen points hain। jo sab tum kabhi yaad nahin kar sakenge, khisak jaayengi। phir pachhtaayenge ki yeh point to ham bhool gaye। sabka yeh haal hota hai। bhoolte bahut hain phir doosre din yaad padega। bachchon ko apni unnati ke liye khyaal karna hai। baba jaante hain koi virle yathaartha reeti likhte honge। baba vyaapaari bhi hai na। woh hai vinaashi ratnon ke vyaapaari। yeh hai gyaan ratnon ke। yog mein hi bahut bachche fail hote hain। accurate yaad mein koi ghanta dedh bhi mushkil rah sakte hain। 8 ghanta to purooshaartha karna hai। tum bachchon ko shareer nirvaah bhi karna hai। baba ne aashik-maashook ka bhi misaal diya hai। baithe-baithe yaad kiya aur jhat saamne aa jaate। yeh bhi ek saakshaatkaar hai। woh unko yaad karte, woh unko yaad karte। yahaan to phir ek hai maashook, tum sab ho aashik। woh salona maashook to sadaiv gora hai। ever pure। baap kehte hain main musaaphir sadaiv khoobsoorat hoon। tumko bhi khoobsoorat banaata hoon। in devtaaon ki natural beauty hai। yahaan to kaise-kaise fashion karte hain। bhinna-bhinna dress pahante hain। vahaan to ekras natural beauty rehti hai। aisi duniya mein ab se tum jaate ho। baap kehte hain main puraane patit desh, patit shareer mein aata hoon। yahaan paavan shareer hai nahin। baap kehte hain main inke bahut janmon ke ant mein pravesh kar pravritti maarga ki sthaapna karta hoon। aage chal tum serviceable bante jaayenge। purooshaartha karenge phir samjhenge। aage bhi aisa purooshaartha kiya tha, ab kar rahe hain। purooshaartha bigar to kuchh bhi mil na sake। tum jaante ho ham nar se naaraayan banne ka purooshaartha kar rahe hain। nai duniya ki raajdhaani thi, ab nahin hai, phir hogi। iron ej ke baad phir golden ej zaroor hogi। raajdhaani sthaapan honi hi hai। kalpa pahle muaaphik। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) surrender ke saath-saath nishchaybuddhi banna hai। koi bhi chhi-chhi kaam na ho। andar koi bhi avgun na rahe tab achha pad mil sakta hai।

2) gyaan ratnon ka vyaapaar karne ke liye baba jo achhi-achhi points sunaate hain, unhein note karna hai। phir unhein yaad karke doosron ko sunaana hai। sada apni unnati ka khyaal karna hai।

vardaan:- wireless set dvaara vinaash kaal mein antim directions ko catch karne vaale viceless bhav

vinaash ke samay antim directions ko catch karne ke liye viceless buddhi chaahiye। jaise ve log wireless set dvaara ek doosre tak aavaaj pahunchaate hain। yahaan hai viceless ki wireless। is wireless dvaara aapko aavaaj aayega ki is safe sthaan par pahunch jaao। jo bachche baap ki yaad mein rahne vaale viceless hain, jinhen ashareeri banne ka abhyaas hai ve vinaash mein vinaash nahin honge lekin svechchha se shareer chhodenge।

slogan:- yog ko kinaare kar karma mein busy ho jaana - yahi albelaapan hai।