Daily Murli for Friday 24 December 2021

24-12-2021 praatahmurli om shanti "baapdaada"' madhuban

meethe bachche - baap tumhein smriti dilaate hain tum paavan the, phir 84 janma lete-lete patit bane ho ab phir se paavan bano“

prashn:- besmajh se samajhdaar banne vaale bachchon se baap kaun si baat poochhkar kis purushaartha ki raay dete hain?

uttar:- bachche, hamne tumko kitna dhan diya tha, tumhaare paas anginat dhan tha, phir tumne itna sab kahaan ganvaaya? tum itne insolvent kaise bane? bhaarat jo sone ki chidiya tha woh aisa kaise ban gaya? ab baap raay dete hain bachche phir se purushaartha kar, raajayog seekhkar tum svarga ka maalik bano।

om shanti। bachche yahaan kisko yaad karte hain? apne behad ke baap ko। woh kahaan hai? unko pukaara jaata hai na patit-paavan… aajkal sannyaasi bhi kehte hain patit-paavan seetaaraam...... arthaat ham patiton ko paavan banaane vaale aao। yeh to bachche samajhte hain - paavan, nai duniya satayug ko, patit puraani duniya kaliyug ko kaha jaata hai। abhi tum kahaan baithe ho? kaliyug ke ant mein isliye pukaarte hain baba aakar hamko patit se paavan banaao। ham kaun hain? aham aatma। aatma ko hi paavan banna hai। aatma pavitra banti hai to phir shareer bhi pavitra milta hai। aatma patit hai to phir shareer bhi patit hai। yeh shareer to mitti ka putla hai। aatma to avinaashi hai। aatma in organs dvaara kehti hai, pukaarti hai - ham bahut patit ban gaye hain hamko aakar paavan banaao। baap paavan banaate hain, 5 vikaaron roopi raavan patit banaate hain। paavan satayug ko, patit kaliyug ko kaha jaata hai। abhi tumko baap ne smriti dilaai hai - tum paavan the। phir aise-aise 84 janma liye hain, abhi bahut janmon ke ant ke bhi ant mein ho। 84 janma poore hue hain। yeh to manushya srishti roopi jhaad hai, main inka beejroop hoon। mujhe bulaate hain - he parampita paramatma, jo god father liberator aur guide bhi hai। har ek apne liye kehte hain mujhe chhudaao bhi aur panda bankar shantidham le jaao। sannyaasi aadi bhi kehte hain sthaai shanti kaise mile? ab shantidham to hai mool vatan। jahaan se phir aatmaayen part bajaane aati hain। vahaan sirf aatmaaen hain, shareer nahin hain। aatmaayen nangi arthaat shareer bigar rehti hain। woh hai shantidham athva nirvikaari duniya, jahaan aatmaaen rehti hain। bachchon ko seedhi par bhi samjhaaya hai - kaise ham seedhi neeche utarte aaye hain। 84 janma lage hain। yeh 84 janma hai maximum। phir koi ek janma bhi lete hain। ek se 84 tak hain। aatmaaen oopar se aati hi rehti hain। abhi baap kehte hain main aaya hoon paavan banaane। bachche chitthi likhte hain to address likhte hain - shivbaaba care of brahma baba। shivbaaba hai aatmaon ka baap aur brahma ko kaha jaata hai aadi dev, Adam, daada। daada mein baap aate hain, kehte hain tumne mujhe bulaaya hai - he patit-paavan aao। aatmaon ne is shareer dvaara bulaaya hai। mukhya hai to aatma na! yeh hai hi duhkhadhaam। yahaan dekho to achaanak baithe-baithe akaale mrityu bhi ho jaati hai। chhote bachche bhi mar padte hain। satayug mein akaale mrityu kabhi hoti nahin। yahaan to baithe-baithe mar jaate hain। vahaan aisi koi beemaari aadi nahin hoti। naam hi hai svarga। kitna achha naam hai। naam kahne se hi dil khush ho jaati hai - satayug, heaven, paradise। Christian bhi kehte hain - Christ se 3000 varsha pahle paradise tha। yahaan bhaaratvaasiyon ko to yeh pata bhi nahin hai, kyonki unhonne bahut sukh dekha hai to duhkh bhi bahut dekh rahe hain। tamopradhaan bane hain। 84 janma bhi unhon ke hi hain। aadhaakalpa baad aur dharma vaale aate hain। abhi tum samajhte ho aadhaakalpa devi-devta the to aur koi dharma nahin tha। phir treta mein raamraajya hua to bhi islaami, bauddhi nahin the। manushya to ghor andhiyaare mein hain। kah dete duniya ki aayu laakhon varsha hai isliye manushya samajhte hain kaliyug to abhi chhota bachcha hai। tum abhi samajhte ho kaliyug ki aayu poori hui hai। phir satayug aayega isliye tum aae ho baap se svarga ka varsa lene। tum sab svargavaasi the। baap aate hi hain svarga sthaapan karne। baaki sab shantidham, ghar chale jaate hain। phir yahaan aakar paartadhaari bante hain। shareer bigar to aatma bol na sake। vahaan shareer na hone kaaran aatma shant rehti hai। unko mool-vatan, shantidham kaha jaata hai। yeh baaten shaastron mein hain nahin। shaastra to manushyon ne banaaye hain। satayug mein yeh hote nahin। bhakti hi nahin karte isliye shaastron ki bhi darkaar nahin rehti। devtaayen bhakti karte nahin, baad mein phir devtaaon ki bhakti manushya karte hain। woh hai hi devtaaon ki duniya, yeh hai manushyon ki duniya। devtaaon ka raajya tha, abhi nahin hai। koi ko pata nahin ki kahaan gaye? in lakshmi-naaraayan ki dynasty thi, yeh knowledge abhi tumko milti hai। aur koi manushya mein yeh knowledge hoti nahin। baap hi aakar manushyon ko yeh knowledge dete hain, jisse manushya devta ban jaate hain। tum yahaan aate hi ho manushya se devta banne। devtaayen kabhi ashuddha khaan-paan beedi aadi peete nahin। woh hain devtaayen। yahaan hain sab manushya। woh paavan, yeh patit। baap baith aatma se baat karte hain। aatma hi sunti hai in organs dvaara। shaastron mein yeh baaten nahin hain। satayug mein raavan hota hi nahin hai। duhkh ka naam nahin। phir dheere-dheere duhkh shuru hota hai। phir tumhaare paas athaah dhan rehta hai। bhakti-maarga mein tum mandir banaate ho। pahle-pahle hota hai somnaath ka mandir। bade-bade heere-javaahraat the tumhaare paas। unki koi keemat kar nahin sakte। mukhya hai somnaath ka mandir। parantu raajaayen to sab apna-apna mandir banaate honge kyonki unhon ko pooja karni hoti hai। pooja pahle-pahle hoti hai shiv ki। somnaath bhi shiv ko kaha jaata hai। somnaath arthaat somras pilaane vaala। gyaan amrit hai na। to baap baith samjhaate hain। baap ko hi truth kaha jaata hai। baap kehte hain - main hi aakar bhaarat ko sachkhanda banaata hoon। tum sabhi devtaayen kaise ban sakte ho। woh bhi tumko sikhlaata hoon। shivbaaba brahma dvaara kaarya karaate hain। brahma ho gaya saanvara kyonki bahut janmon ke ant ka yeh janma hai na! yeh phir gora banega। krishna ka chitra bhi gora aur saanvara hai na! museum mein bade achhe-achhe chitra hain, jis par tum achhi reeti samjha sakte ho। tum jaante ho ham shantidham apne ghar jaate hain, vahaan ke ham rahne vaale hain। phir yahaan aakar part bajaate hain। bachchon ko pahle-pahle to yeh nishchay hona chaahiye ki yeh koi saadhu-santa aadi nahin padhaate hain। yeh to sindha ka rahne vaala tha parantu inmen jo pravesh kar bolte hain woh hai gyaan ka saagar। unko koi nahin jaante hain। kehte bhi hain - O god father, parantu unka naam, roop, desh, kaal kya hai, yeh koi nahin jaante। phir kah dete hain sarvavyaapi hai। are paramatma kahaan hai? kahenge woh to ghat-ghat ke vaasi hain, sabke andar hai। ab harek ke ghat-ghat mein to harek ki aatma baithi hai। paramatma baap ko to bulaate hain baba aakar ham patiton ko paavan banaao। tum mujhe bulaate ho yeh dhandha, yeh seva karaane liye। ham chhi-chhi ko aakar shuddh banaao। patit duniya mein hamko nimantran dete ho। baap to paavan duniya dekhte hi nahin। patit duniya mein hi tumhaari seva karne aaye hain। ab yeh raavan raajya vinaash ho jaayega। baaki tum jo raajayog seekhte ho, vahaan jaakar raajaaon ka raaja bante ho। tumko anginat baar banaaya hai। pahle-pahle hai brahman kul, prajaapita brahma bhi gaaya jaata hai na। jisko Adam, aadi dev kaha jaata hai। yeh koi ko pata nahin hai। bahut hain jo aakar sunkar phir maaya ke vash ho jaate hain। punyaatma bante-bante paap aatma ban jaate hain। maaya badi jabardasta hai, sabko paap aatma bana deti hai। yahaan koi bhi pavitra, punya aatma hai nahin। pavitra aatmaayen devi-devtaayen hi the। jab sabhi patit ban jaate hain tab baap ko bulaate hain। abhi hai hi raavan raajya, patit duniya। inko kaha hi jaata hai kaanton ka jangal। satayug hai garden oph flowers। mugal garden mein kitne first class achhe-achhe phool hote hain। ak ke bhi phool milenge। parantu unka antar koi nahin samajhte hain। shiv ke oopar ak ka phool kyon chadhaate hain? yeh bhi baap samjhaate hain। main jab padhaata hoon to unmein koi first class phool hai, koi motiye ka, koi ratan-jyot ka, koi ak ke bhi hain। nambarvaar to hain na। to inko kaha hi jaata hai duhkhadhaam, mrityulok। satayug hai amarlok। nai duniya banaane vaala hai hi baap। unko hi knowledgeful kaha jaata hai। woh chaitanya beej-roop hai। unko gyaan ka saagar kaha jaata hai। aise nahin ki sabke andar ko jaante hain, antaryaami hai। yeh manushya jhooth bolte hain। baaki gyaan saagar theek hai। chaitanya beejroop hai। srishti ke aadi-madhya-ant ko jaante hain isliye gyaan ka saagar kaha jaata hai। srishti ke aadi-madhya-ant ka gyaan tum bachchon ko de rahe hain। satayug, treta, dvaapar, kaliyug.. yeh chakra phirta hi rehta hai। sangamayug par duniya change hoti hai।

abhi tum sangamayug par khade ho aur tum raajayogi ho। baap baith padhaate hain। baap ke jo bachche bante hain woh raajayog seekhte hain। pahle-pahle mukhya baat yeh samajhne ki hai - baba, baba bhi hai phir supreme teacher bhi hai, supreme father bhi hai। abhi tumko shivbaaba padhaate hain। yeh tumhaara satguru bhi hai। tum sabko vaapis le jaayenge, jisko shiv ki baraat kaha jaata hai। sab bhakton ko bhagwan padhaakar svargavaasi bana dete hain। yeh baaten koi shaastron mein nahin hain। shaastra to is daada ne bahut padhe hain। baap nahin padhte hain। baap to khud sadgati daata hai। unko to koi shaastra padhne ki darkaar nahin। karke sirf refer karte hain so bhi sirf geeta ko। sarva shaastramai shiromni geeta bhagwan ne gaai hai। parantu bhagwan kisko kaha jaata hai yeh bhaaratvaasi nahin jaante। baap ko sarvavyaapi kah dete hain to yeh jaise defame karte hain। baap ki insult karte hain iseelie patit ban jaate hain। phir paavan kaun banaaye? jisko itna defame kiya hai vahi aakar paavan banaate hain। kehte hain main nishkaam seva karta hoon। tumko vishwa ka maalik banaata hoon। main nahin banta hoon। svarga mein mujhe yaad bhi nahin karte ho। duhkh mein simran sab kare, sukh mein kare na koi। inko duhkh ka aur sukh ka khel kaha jaata hai। svarga mein aur koi dharma hota hi nahin। woh sab aate hi hain baad mein। Christian log khud kehte hain 3 hazaar varsha pahle svarga tha, aur koi dharma nahin tha। ham aatmaaen shantidham mein thi। yeh baaten koi shaastron mein nahin hain। baap is gyaan se sadgati karte hain jiska naam geeta rakha hai।

baap ko bulaate hain aakar yahaan se svarga mein le chalo। to puraani duniya ka vinaash ho jaayega। natural calamities, toofaan aayenge bahut jor se। baap aakar besmajh ko samajhdaar banaate hain। baap kehte hain hamne tumko kitna dhan diya tha। anginat dhan tha phir itna sab kahaan ganvaaya? behad ka baap poochhte hain - kahaan kiya? tum itne insolvent kaise ban gaye? aadhaakalpa se dhan ganvaate-ganvaate tum insolvent ban pade ho। bhaarat jo sone ki chidiya tha, so ab kya ban gaya hai! phir patit-paavan baap aaye hain, raajayog sikha rahe hain। woh hai hathayog, yeh hai raajayog। yeh raajayog to donon ke liye hai। woh to sirf purush hi seekhte hain। ab baap kehte hain - purushaartha kar svarga ka maalik bankar dikhaana hai। is puraani duniya ka to vinaash hona hi hai। baaki thoda samay hai, ladaaeeyaan bhi shuru ho jaayengi। atomic bombs shuru tab karenge jab tumhaari karmaateet avastha hogi aur svarga mein jaane laayak banenge, tab tak banaate rahenge। baap phir bhi bachchon ko kehte hain - yaad ki yaatra karte raho, ismen hi maaya vighna daalti hai। achha!

meethe-meethe sikeeldhen bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) devta banna hai isliye khaan-paan bada shuddh rakhna hai। ashuddhi ko tyaag dena hai।

2) first class phool banna hai। svarga mein jaane ke liye poora-poora laayak banna hai। karmaateet avastha banaane ke liye purushaartha karna hai।

vardaan:- shreshtha karma dvaara simran yogya banne vaale yogayukta, yuktiyukta bhav

aapka ek-ek karma jitna shreshtha hoga utna hi shreshtha aatmaon mein simran kiye jaayenge। bhakti mein naam ka simran karte hain, lekin yahaan jo shreshtha aatmaayen hain unke gunon aur karmo ko misaal banaane ke liye simran karte hain। to aap shreshtha karmo ke aadhaar par simran yogya bante jaayenge, iske liye yogayukta bano। yogayukta banne se har sankalp, shabd va karma yuktiyukta avashya hoga, unse ayukta karma va sankalp ho hi nahin sakta - yeh bhi connection hai।

slogan:- nimitta aur nirmaanchitta - yahi sachche sevaadhaari ke lakshan hain।