Daily Murli for Saturday 5 February 2022

05-02-2022 praatahmurli om shanti "baapdaada"' madhuban

“meethe bachche - samajhdaar ban apna potaamel dekho, koi karmendriy dhokha to nahin deti hain! saare din mein koi bhool ho to apne aapko saza do''

prashn:- baap se sachcha vyaapaar karne va oonch pad paane ka aadhaar kya hai?

uttar:- baap se sachcha vyaapaar karna hai to baap ke har direction par chalo। baba kehte bachche yadi oonch pad paana hai to andar mein jo bhi buri aadten hain woh nikaal do। kudrishti, krodh aadi se bahut nuksaan hota hai, isliye karma-akarma-vikarma ki guhya gati jo baap ne samjhaai hai, use buddhi mein rakho।

om shanti। bachche, aatma-abhimaani hokar baithe ho? har ek baat apne aap se poochhni hoti hai। baba yukti bataate hain ki apne aapse poochho ki ham aatma-abhimaani hokar baithe hain? baap ko yaad kar rahe hain? tumhaari yeh sena hai। us sena mein sirf javaan hote hain। tumhaari is sena mein boodhe javaan bachche aadi sab hain। 80-90 varsha ke boodhe bhi hain। yeh sena hai - maaya par jeet paane ke liye। har ek ko maaya par jeet paakar baap se behad ka varsa lena hai। maaya badi jabardasta hai, badi prabal hai। bahut toofaan laati hai। har ek karmendriy dhokha deti hai। sabse jaasti dhokha dene vaali kaun si karmendriy hai? aankhe sabse jaasti dhokha deti hain। bachchon ko samjhaaya jaata hai - bhal stri puroosh ho to bhi buddhi se samjho ham bi.ke. hain। nahin to aankhe bahut dhokha dengi। yeh bhi chart mein likhna chaahiye - saare din mein hamko kaun si karmendriy ne dhokha diya hai! aankhen number one dhokha dene vaali hain। aankhen nuksaan bahut karti hain। soordaas ka misaal, dekha mujhe aankhe dhokha deti hain to aankhe nikaal di। bhal bachche service bahut achhi karte hain - parantu maaya bhi kam nahin hai। aankhen bahut dhokha deti hain aur ekdam pad bhrashta kar deti hain। samjhu sayaane bachche jo honge woh saara din note karenge। hamne koi bhool to nahin ki! bhaktimaarga mein bhi apne ko chamaat maarte hain ki yaad rahe phir yeh kaam kabhi nahin karenge। vaise hi ismen bhi jaanch rakho। agar aankhen kahaan dhokha den to apne ko saja do। kinaara kar chala jaana chaahiye। khada hokar dekhna nahin chaahiye। sannyaasi log bahut karke aankhe banda kar baithte hain। stri ko dekhte hi nahin hain। vahaan purooshon ko aage, striyon ko pichhaadi mein bithaate hain। yahaan bhi tum bachchon ko mehnat karni hai। vishwa ka raajya paana koi maasi ka ghar nahin hai।

abhi tum bachche ho sangamayug par। baba kehte hain sangam ke saath-saath purooshottam akshar zaroor likho, jo kisko bhi samjhaane mein sahaj ho। purushottam sangamayug, jabki tum manushya se devta bante ho। gaayan hai na - manushya se devta kiye… kaun se manushya? kaliyugi। devtaayen to rehte hain satayug mein। to kaliyugi manushyon ko devta, narkavaasiyon ko svargavaasi banaane ke liye hi baap aate hain। yeh bhi abhi tum jaante ho। manushya to ghor andhiyaare mein pade hain। bahut hain jo kabhi svarga ko dekh bhi nahin sakenge। baap kehte hain tumhaara yeh dharma sukh dene vaala hai। bhal gaate bhi hain heavenly god father parantu usne heaven ki sthaapna kiya, yeh nahin jaante। aur dharma vaale bhi kehte hain heavenly god father। parantu unhon ko yeh maaloom nahin hai ki heaven mein hamaara part nahin hai। Christian log khud kehte hain paradise tha। in devi devtaaon ko god goddess bhi kehte hain। parantu yeh nahin samajhte to zaroor god ne unhon ko god goddess banaaya hoga। tumko baap ab aisa bana rahe hain। to tumko mehnat bhi karni chaahiye। apne se roz poochho mujhe kaun si karmendriy dhokha deti hai? jabaan bhi kam nahin hai। achhi cheez dekhenge to dil hogi yeh khaaoon ... aage tum bachchon ki kachahri hoti thi। bhool bataate the। shivbaaba ke yagya se koi cheez chori karna bada kharaab hai। parantu maaya naak se bahuton ko pakadti hai। to baap kehte hain bachche buri aadten jo hain woh nikaalni chaahiye। nahin to oonch pad pa nahin sakenge। bhal svarga mein jaayenge - parantu kahaan raaja, kahaan praja... praja mein bhi gareeb saahookaar hote hain। to karmendriyon ki bahut sambhaal rakhni chaahiye। potaamel rakhna chaahiye - yeh bhi vyaapaar hai na। koi birla hi yeh vyaapaar kare।

baap samjhaate hain bachche, agar mere se vyaapaar karna hai, oonch pad paana hai to direction par chalo। maaya tumko bhulaayegi zaroor, agar baap ki mat par nahin chalenge to pichhaadi mein sab saakshaatkaar honge। phir tum bahut pachhtaayenge। abhi to sab kehte hain ham nar se naaraayan banenge। parantu apne aapse poochhte raho, baba ke direction ko amal mein laao to bahut unnati hogi। saare din ka potaamel nikaalo। aankhon ne kahaan dhokha to nahin diya! manzil bahut oonchi hai isliye 8 ratna hi paas with honour nikalte hain। bhal 9 ratna bhi hote hain, usmein number one to hai baba। baaki 8 ratna, jab koi grahchaari baithti hai to 8 ratna ki angoothi pahante hain। to paas with honour 8 hi nikalte hain। baaki ko kuchh na kuchh daag lagte hain, ismen badi mehnat hai। raavan-raajya hai na। satayug mein yeh baaten hi nahin hoti kyonki raavanraajya hai nahin। oonch pad dene liye bhagwan tumko padhaate hain। vichaar karo। guru bhi karte hain na। yeh to satguru hai। unhonne to sarvavyaapi kah baap se bemukh kar diya hai। tum samjha sakte ho - baap kehte hain maamekam yaad karo। main patit-paavan hoon। phir tum kehte ho thikkar bhittar mein hai। ab baap kehte hain tum sab aasuri mat par meri glaani, apkaar karte aaye ho। ab hamko sab par upkaar karna hai। tum bachchon mein kudrishti, krodh aadi kuchh nahin hona chaahiye। apna hi nuksaan karte hain। kudrishti hoti hai to unka bhi vibration aata hai। doosre ko bhi kashish hoti hai। baba ghadi-ghadi bachchon ko dhyaan khichvaate hain। bachche apne ko dekho ki koi bhi karmendriy ke vash ho vikarma to nahin banaaya! yeh hai vikram sanvat, pahle tha vikarmaajeet sanvat। phir jab vikarma karna shuru karte hain to vikram sanvat hota hai। ab baap bachchon ko karma-akarma-vikarma ki gati bhi samjhaate hain। karma to karna hi hota hai। satayug mein tumhaara karma akarma banta hai। yeh sab baaten tum abhi jaante ho। doosre to bilkul ghor andhiyaare mein hain। tumko abhi gyaan ka teesra netra milta hai। trinetri, trikaaldarshi banaane vaala ek hi baap hai। is drama ke raaz ko koi bilkul hi nahin jaante। tum mool vatan, sookshm vatan, sthoolavtan sabko jaante ho। aadha samay ke baad phir doosre dharma aate hain, jo vriddhi ko paate hain। unko guru nahin kahenge। guru to ek ke sivaae koi hai nahin arthaat sadgati karne vaala ek hi hai। ab sabki sadgati honi hai। unko dharma sthaapak kaha jaata hai, na ki guru। to unko yaad karne se koi sadgati nahin hogi। vikarma vinaash nahin honge, usko bhi bhakti kaha jaata hai। gyaan ki line mein sirf tum hi ho। yeh hai paandav sena। tum sab pande ho, shantidham aur sukhdhaam mein le jaane vaale। tumhaari buddhi mein hai ham guides hain। baba bhi liberator aur guide hai। har ek ko liberate karte hain। baba kehte hain mujhe yaad karo to vikarma vinaash honge। phir agar koi vikarma kiya to sau guna danda ho jaata hai isliye jahaan tak ho sake vikarma nahin karo, jo naam badnaam ho। vikarma karne se phir vriddhi ho jaayegi isliye ab bahut khabardaari rakhna। bhaai-behen ki drishti bahut pakki chaahiye। ham brahma ke bachche shiv ke potre hain। shivbaaba se hamne pratigya ki hai phir bhi maaya bahut dhokha deti hai। kehna bada sahaj hai ham lakshmi-naaraayan banenge। parantu direction par bhi amal karna pade। stri purush saara din yeh gyaan ki baaten aapas mein karte rahen। donon kehte hain ham baba se poora varsa lenge। teacher se poora padhenge। are aisa teacher phir kab milega kya? yeh bas tum hi jaante ho, devtaayen bhi baap ko nahin jaante to aur dharma vaale kaise jaanenge। ab tumko baba saari srishti ke aadi-madhya-ant ka gyaan suna rahe hain। yeh gyaan phir praayahlop ho jaayega। main hi praayahlop ho jaata hoon to phir yeh gyaan kahaan se milega। baba bachchon ko yukti bataate hain to hamesha yaad rakho ki hamko shivbaaba sunaate hain। yeh jaante hain main bhi shivbaaba se varsa le raha hoon। yeh bhi student life mein hain। tum bhi manushya se devta banne ke liye padh rahe ho। devtaayen hote hain - satayug mein। kaliyug mein manushya hain। usmein bhi anek dharma hain। yeh bahut samajhne ki baaten hain। yahaan aate to bahut hain phir bhi takdeer mein nahin hai to kehte hamko sanshay aata hai, shivbaaba ismen kaise aakar padhaate hain। main nahi jaanta hoon। are shivbaaba agar na aaye to bhala shivbaaba ko yaad kaise karenge, jo tumhaare vikarma vinaash hon। unki yaad ke bina to vikarma vinaash ho na saken। sajaayen bahut khaani padengi। baaki paai paise ka pad milega। yeh raajdhaani ban rahi hai। raajaaon ke aage daas daasiyaan bhi hote hain na। baba se poochho ki hamaara shareer ab chhoot jaae to ham kya jaakar banenge? to baba sab kuchh suna denge। nambarvaar to hain na। yeh padhaai badi jabardasta hai, ismen kamaai bahut hai। manushya kamaai ke liye kitne hairaan rehte hain। raat din buddhi usmein lagi rehti hai। satta lagaate rehte hain। tumhaare paas bhi bade vyaapaari log aate hain। kehte hain kya karen phursat nahin hai। are vishwa ki baadshaahi milti hai - sirf shivbaaba ko yaad karna hai। apne eeshta dev ko bhi yaad to karte ho na। koi devta ko yaad karne se vikarma vinaash nahin honge isliye baba baar-baar samjhaate rehte hain taaki koi aise na kahe ki hamko koi ne samjhaaya nahin। tum bachchon ko har ek ko paigaam dena hai। aeroplane se parcha giraana bhi bahut achha hai। koi aisa na rah jaaye jo kahe ki hamko maaloom hi nahin pada ki baba aaya hai isliye yeh sab karna padta hai।

brahma hai - shiv ka pahla bachcha। prajaapita brahma woh bhi baap thahra na। brahma dvaara shivbaaba svarga ki sthaapna karte hain। baba kehte hain main in dvaara aadi sanaatan dharma ki sthaapna kar raha hoon। hovanhaar vinaash ke baad vishwa mein sukh, shanti, pavitrata hogi। kalpa-kalpa aise svarga ki sthaapna hoti hai। sadaiv baba, baba kehte raho। baba kahne se hi aankhon se prem ke osu aa jaayen। baba aapse kab milenge! parantu jo sammukh baithe hain woh maante nahin aur nahin dekhne vaale tadaphte hain। wonder hai। likhte hain bandhan se chhudaao। koi-koi to baba ke bankar phir maaya ke ban jaate hain। phir pichhaadi mein yaad aayega। marne samay sabko kehte hain - raam-raam kaho phir ant mein kashish hogi। samjhenge baba ki yaad se ham vikarma to vinaash karen। baba kehte hain meethe-meethe bachche apna kalyaan karo। baap ki shreemat par chalo। sabko sandesh dete raho। aeroplane se koi-koi ko parcha mila to woh jag gaye (history sunaana)। saare vishwa mein khaas bhaarat mein sukh-shanti to sthaapan honi hi hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhaai behen va bhaai-bhaai ki drishti pakki karni hai, bahut khabardaar rehna hai। aisa koi karma na ho jo baap ka naam badnaam ho।

2) baap mein kabhi bhi sanshay nahin laana hai। prem se baap ko yaad karna hai। raat din padhaai par dhyaan dekar kamaai jama karni hai।

vardaan:- sada vijay ki smriti se harshit rahne aur sarva ko khushi dilaane vaale aakarshan moorta bhav

ham kalpa-kalpa ki vijayi aatma hain, vijay ka tilak mastak par sada chamakta rahe to yeh vijay ka tilak auron ko bhi khushi dilaayega kyonki vijayi aatma ka chehra sada hi harshit rehta hai। harshit chehre ko dekhkar khushi ke peechhe svatah hi sab aakarshit hote hain। jab ant mein kisi ke paas sunne ka samay nahin hoga tab aapka aakarshan moorta harshit chehra hi anek aatmaon ki seva karega।

slogan:- avyakt sthiti ki light chaaron or phailaana hi light house banna hai।