Daily Murli for Friday 1 April 2022

01-04-2022 praatahmurli om shanti "baapdaada"' madhuban

“meethe bachche - sadgati mein jaana hai to baap se pratigya karo ki baba ham aapko hi yaad karte rahenge''

prashn:- kis purushaartha ke aadhaar par satayugi janma siddha adhikaar praapta hota hai?

uttar:- abhi poora beggar banne ka purushaartha karo। puraani duniya se mamatva mitaakar jab poore beggar banenge tab hi satayugi janma siddha adhikaar praapta hoga। baba kehte hain meethe bachche ab trustee bano। puraani kichad-patti jo kuchh hai sab transfer karo, baap aur varse ko yaad karo to tum svarga mein aa jaayenge। vinaash saamne khada hai isliye ab puraani bag baggage samet lo।

geet:- bholenaath se niraala…

om shanti। tum ho student। oonch te oonch knowledgeful baap tumko padhaate hain, to notes zaroor lene chaahiye kyonki phir revise karaana hota, auron ko samjhaane mein bhi sahaj hota hai। nahin to maaya aisi hai jo bahut points bhula deti hai। is samay tum bachchon ki ladaai hai maaya raavan ke saath। jitna tum shivbaaba ko yaad karenge utna maaya bhulaane ki koshish karegi। gyaan ki point bhi bhulaane ki koshish karegi। kabhi-kabhi bahut achhi points yaad aayengi, phir vahaan ki vahaan gum ho jaayengi kyonki yeh gyaan hai naya। baap kehte hain kalpa pahle bhi yeh gyaan tum braahmanon ko diya tha। braahmanon ko hi apna banaate hain, brahma ke mukh dvaara। yeh baaten koi geeta mein likhi hui nahin hain। shaastra to peechhe bante hain। jab dharma sthaapan karte hain, us samay sab shaastra nahin bante। bachchon ko samjhaaya hai pahle-pahle hai gyaan, peechhe hai bhakti। pahle satopradhaan phir sato rajo tamo mein aate hain to manushya jab rajo mein aate hain tab bhakti shuru hoti hai। satopradhaan samay bhakti hoti nahin। bhakti maarga ki bhi drama mein noondh hai। yeh shaastra aadi bhi bhaktimaarga ke kaam aate hain। tum yeh jo gyaan aur yog aadi ke kitaab banaate ho, yeh phir se padhkar refresh hone ke liye। baaki teacher ke sivaae to koi samajh nahin sakenge। geeta ka teacher hi hai shreemad bhagwan। woh hai vishwa ka rachayita, svarga rachte hain। jabki woh sabka baap hai to zaroor baap se varsa svarga ki baadshaahi milni chaahiye। satayug mein hai devi-devtaaon ka raajya। abhi tum ho sangamayugi brahman। vishnu ke chitra mein 4 varna dikhaate hain na। devta, kshatriy, vaishya, shoodra... paanchava varna hai braahmanon ka। lekin unhon ko yeh bilkul pata nahin hai। oonche te ooncha hai brahman varna। oonch te oonch parampita paramatma ko bhi bhool gaye hain। woh shiv hai brahma vishnu shankar ka rachayita। trimoorti brahma kah dete hain, parantu iska to arth hi nahin nikalta। agar brahma vishnu shankar teenon bhaai hain to inhon ka baap chaahiye। to brahman, devi-devta aur kshatriy.... teenon dharma ka rachayita hai woh niraakaar baap, jisko geeta ka bhagwan kaha jaata hai। devtaaon ko bhi bhagwan nahin kah sakte to manushya ko kaise kah sakte। ooche te oonch hai shivbaaba phir sookshm vatan vaasi brahma vishnu shankar, phir is vatan mein pahle-pahle hai shreekrishna। pahle-pahle shivjayanti gaai jaati hai, trimoorti jayanti kahaan dikhaate nahin kyonki teenon ko janma kaun dete hain, yeh koi ko pata nahin hai। yeh baap hi aakar batlaate hain। oonche te oonch woh hai vishwa ka maalik, nai duniya ka rachayita। svarga mein yeh lakshmi-naaraayan raajya karte hain। sookshm vatan mein to raajdhaani ka prashn hi nahin। yahaan jo poojya bante hain, unhon ko hi pujaari banna hai। devta, kshatriy... ab phir brahman bane hain। yeh varna bhaarat ke hi hain aur koi in varnon mein nahin aa sakte। in 5 varnon mein sirf tum chakra lagaate ho। 84 janma bhi tumko poore lene padte hain। tum jaante ho barobar ham bhaaratvaasi jo devi-devta dharma vaale hain, vahi 84 janma lenge। yeh gyaan ka teesra netra sirf tum braahmanon ka hi khulta hai, phir yeh gyaan hi praayah lop ho jaata hai। phir geeta shaastra kahaan se aaya। Christ jab dharma sthaapan karte hain tab Bible nahin sunaate hain। woh dharma sthaapan karte hain pavitrata ke bal se। Bible aadi to baad mein bante hain, jab unki vriddhi hoti hai tab church aadi banaate hain। vaise hi aadhaakalpa ke baad bhakti maarga shuru hota hai। pahle hoti hai avyabhichaari bhakti ek ki, phir brahma vishnu shankar ki। abhi to dekho 5 tatvon ki bhi pooja karte rehte hain, isko kaha jaata hai tamopradhaan pooja। woh bhi honi hai zaroor। bhakti maarga mein shaastra bhi chaahiye। devi-devta dharma ka shaastra hai geeta। brahman dharma ka koi shaastra nahin hai। ab mahaabhaarat ladaai ka bhi vritaanta geeta mein hai। gaaya hua hai rudra gyaan yagya se vinaash jvaala nikli। zaroor jab vinaash ho tab to satayugi raajdhaani sthaapan ho। to bhagwan ne yeh yagya racha hai, isko rudra gyaan yagya kaha jaata hai। gyaan bhi shivbaaba hi dete hain। bhaarat ka shaastra vaastav mein ek hai। jaise Christ ka Bible hai - uski jeevan kahaani ko gyaan nahin kaha jaata hai। apna hai gyaan se matlab। gyaan dene vaala bhi ek hai, vahi maalik hai vishwa ka। balki usko brahmaanda ka maalik kaha jaayega। srishti ka maalik woh nahin bante। tum bachche srishti ke maalik bante ho। baba kehte hain ham brahmaanda ke maalik zaroor hain। tum bachchon ke saath brahmalok mein rehte hain। jaise baba vahaan rehte hain, ham bhi vahaan jaayenge to ham bhi maalik thahre।

baap kehte hain tum sab aatmaayen mere saath brahmaanda mein rehti ho। to ham bhi aur tum bhi brahmaanda ke maalik hain। parantu tumhaara pad mere se ooncha hai। tum mahaaraaja mahaaraani bante ho, tum hi poojya se phir pujaari bante ho। tum patiton ko main aakar paavan banaata hoon। main to janma-maran rahit hoon, phir saadhaaran tan ka aadhaar le srishti ke aadi madhya ant ka raaz tumko bataata hoon। aisa koi bhi vidvaan, pandit nahin jo brahmaanda, sookshm vatan aur srishti chakra ke raaz ko jaanta ho, sivaae tum bachchon ke। tum jaante ho gyaan ka saagar, pavitrata ka saagar to parampita paramatma hi hai। unki mahima gaai hi tab jaati hai jabki hamko gyaan dete hain। agar gyaan nahin de to mahima kaise gaai jaae। woh ek hi baar aakar bachchon ko varsa dete hain - 21 janmon ke liye। 21 janmon ki limit hai, aise nahin ki sadaiv ke liye dete hain। 21 peedhi arthaat 21 budhaape tak। peedhi budhaape ko kaha jaata hai। 21 peedhi tumko raajya-bhaagya milta hai। aise nahin ki ek ke pichhaadi 21 kul ka uddhaar ho jaayega। yeh to samjhaaya hai is raajayog se tum raajaaon ka raaja ban jaate ho, phir vahaan gyaan ki darkaar nahin rehti। vahaan tum sadgati mein ho। gyaan to unko chaahiye jo durgati mein ho। abhi tum sadgati mein jaate ho, durgati mein laaya hai maaya raavan ne। ab sadgati mein jaana hai to baap ka banna padta hai, pratigya karni padti hai - baba ham aapko sadaiv yaad karte rahenge। deh ka abhimaan chhod ham dehi ho rahenge। grihastha vyavhaar mein rehte ham pavitra rahenge। manushya kehte hain yeh kaise hoga। are baap kehte hain is antim janma mein pavitra ban mere saath yog lagaao to zaroor tumhaare vikarma vinaash honge aur chakra ko yaad karenge to tum chakravarti raaja banenge। baap se zaroor svarga ka varsa milega। deity world sovereignty tumhaara janma siddha adhikaar hai, so pa rahe ho। phir jitna jo pratigya karte aur baap ke saath madadgaar bante hain.... yeh to tum jaante ho vinaash saamne khada hai। natural calamities bhi aai ki aai, isliye baba kehte hain apne puraane bag baggage aadi sab transfer kar do। tum trustee ban jaao। baba sharraaph bhi hai, matta-satta karte hain। manushya marte hain to saari kichad-patti karneeghor ko de dete hain na। tumhaari bhi yeh kichad-patti sab kabradaakhil honi hai isliye puraani cheejon se mamatva mita do, ekdam beggar bano। beggar tu prince baap aur varse ko yaad karo to tum svarga ke maalik ban jaayenge, jo janma siddha adhikaar hai। koi bhi aata hai to unse poochho vishwa ka rachta kaun? god father hai na। svarga hai hi nai rachna। jabki baap svarga rachte hain to phir narka mein kyon? svarga ke maalik kyon nahin bante! tumko narka ka baadshaah banaaya hai maaya raavan ne। baap to svarga ka baadshaah banaane vaala hai। raavan duhkhi banaate hain tab raavan se tang hokar unko jalaane ki koshish karte hain parantu raavan jalta hi nahin। manushya samajhte nahin hain ki raavan kya cheez hai। kehte hain 3 hajaar varsha before Christ... geeta sunaai। parantu us samay kaun si nationality thi, woh samjhaana chaahiye na। maaya ne bilkul hi patit bana diya hai। koi ko bhi pata nahin ki svarga ka rachta kaun hai। actors hote hue drama ke creator, director ko na jaanen to kya kahenge! bade te badi ladaai hai - yeh mahaabhaarat ladaai vinaash ke liye। gaaya bhi jaata hai brahma dvaara sthaapna.... aise nahin gaaya jaata ki krishna dvaara sthaapna। rudra gyaan yagya mashhoor hai, jisse vinaash jvaala prajjavlit hui। baap khud kehte hain mainne yeh gyaan yagya racha hai। tum ho sachche brahman, roohaani pande। tumko ab baap ke paas jaana hai। vahaan se phir is patit duniya mein aana hai। yeh (centres) hain sachche-sachche teertha, sachkhanda mein le jaane vaale। woh teertha hain jhooth khanda ke liye। woh hai jismaani deh-abhimaan ki yaatra। yeh hai dehi-abhimaani ki yaatra।

tum jaante ho phir nai duniya mein aakar apne sone ke mahal banaayenge। aise nahin ki saagar se koi mahal nikal aayenge। tumko to bahut khushi honi chaahiye। jaise padhaai mein khyaal rehta hai ki barrister banoonga, yeh karoonga। tumko bhi aana chaahiye ki svarga mein aise-aise mahal banaayenge। ham pratigya karte hain lakshmi ko zaroor varenge, seeta ko nahin। ismen purushaartha bahut achha chaahiye। baap ab sachcha gyaan sunaate hain, jisko dhaaran karne se ham devta ban rahe hain। number one mein aate hain shreekrishna। matric mein jo paas hote hain unki list akhbaar mein nikalti hai na। tumhaare school ki list bhi gaai hui hai। 8 full paas, naameegraami 8 ratna hain, jo hi kaam mein aate hain। 108 ki maala to bahut simarte hain। koi to 16 hajaar ki bhi banaate hain। tumne mehnat kar service ki hai bhaarat ki, to sab poojte hain। ek hai bhagat maala, doosri hai rudra maala।

abhi tum jaante ho shreemat bhagvat geeta hai maata aur pita hai shiv। deity dynasty mein pahle-pahle janma lete hain shreekrishna। zaroor raadhe ne bhi janma liya hoga aur bhi to paas hue honge। parampita paramatma se bemukh hone kaaran saari duniya nidhanki ho gai hai। aapas mein sab ladte jhagadte rehte hain। koi dhani-dhoni nahin hai। ab tumhein sabko baap ka parichay dena hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh-abhimaan ko chhod dehi-abhimaani ban yaad ki yaatra par tatpar rehna hai, is antim janma mein pavitra ban baap ka poora-poora madadgaar banna hai।

2) puraani jo bhi cheejen hain, unse mamatva nikaal trustee ban baap aur varse ko yaad kar, vishwa ka maalik banna hai।

vardaan:- satyata ke saath sabhyata poorvak bol aur chalan se aage badhne vaale saphaltaamoorta bhav

sadaiv yaad rahe ki satyata ki nishaani hai sabhyata। yadi aap mein satyata ki shakti hai to sabhyata ko kabhi nahin chhodo। satyata ko siddha karo lekin sabhyataapoorvak। sabhyata ki nishaani hai nirmaan aur asabhyata ki nishaani hai jid। to jab sabhyata poorvak bol aur chalan ho tab saphalta milegi। yahi aage badhne ka saadhan hai। agar satyata hai aur sabhyata nahin to saphalta mil nahin sakti।

slogan:- sambandh-samparka aur sthiti mein light raho - dincharya mein nahin।