Daily Murli for Thursday 31 March 2022

31-03-2022 praatahmurli om shanti "baapdaada"' madhuban

“meethe bachche - gyaan maarga mein tumhaare khyaalaat bahut shuddh hone chaahiye। sachchi kamaai mein jhooth bola, kuchh ulta kiya to bahut ghaata pad jaayega''

prashn:- jo takdeervaan bachche oonch pad paane vaale hain, unki nishaani kya hogi?

uttar:- unse koi bhi kharaab kaam nahin hoga। yagya ki seva mein haddi-haddi lagaayenge। unmein koi bhi lobh aadi nahin hoga। 2- woh bahut sukhdaai honge। mukh se sadaiv gyaan ratna nikaalenge। bahut meetha honge। 3- woh is puraani duniya ko jaise dekhte hue bhi dekhte nahin। unke andar yeh khyaal nahin aayega jo takdeer mein hoga, dekha jaayega! baba kehte aise bachche koi kaam ke nahin। tumhein to bahut achha purushaartha karna hai।

geet:- hamaare teertha nyaare hain…

om shanti। yeh bhakti maarga ke geet hain। tum jaante ho hamaari hi mahima ho rahi hai। bhakti maarga mein mahima gaai jaati hai aur praarthana ki jaati hai aur gyaan maarga mein yeh praarthana aur bhakti nahin ki jaati hai। gyaan maana padhaai, jaise school mein padhte hain। padhaai mein em-object rehti hai। ham yeh padhkar phalaana pad paayenge। yeh dhandha karenge। kai seekhte hain aise thagi karenge, paisa kamaayenge। bahut paise ke liye thagi karte hain, isko bhi bhrashtaachaar kehte hain। lootmaar bhi karte hain। government ki chori karte hain, dhan kamaakar apne ko sukhi rakhne ke liye aur baal-bachchon ko sukhi rakhne ke liye। padhaakar shaadi aadi karaane ke liye। yahaan to tumko paise kamaane ki baat hi nahin। yeh hai pavitra padhaai। bhal grihastha vyavhaar mein rehte ho sirf padhna hai। kai kehte hain humein tanakhvaah kam milti hai, isliye thagi karni padti hai, kya karen! parantu is gyaan maarga mein to aise koi khyaalaat nahin hone chaahiye, nahin to durgati ho padti hai। yahaan to bahut sachchaai-saphaai se baap ko yaad karna pade, tab hi pad pa sakte hain। student ko padhaai ke sivaae aur koi baat buddhi mein nahin rahni chaahiye। nahin to ham bhavishya oonch pad kaise paayenge! agar ulta, sulta kaam kar liya to fail ho jaayenge। sachchi kamaai mein phir kuchh jhooth aadi bolne se va aisa koi kaam karne se pad bhrashta ho jaayega। bahut ghaata pad jaata hai। yahaan to tum aaye ho bhavishya padmapti banne ke liye। to yahaan koi bhi dirty khyaalaat nahin aane chaahiye। koi chori aadi karte hain to case chalta hai। usmein koi chhoot bhi jaaye parantu yahaan to dharmaraaj se koi chhoot na sake। paap aatma ko to bahut saja khaani padti hai। aisa koi nahin hoga jisko saja na khaani padti ho, maaya giraati rehti hai। thappad maarti rehti hai। andar gande khyaalaat chalte hain। yahaan se kuchh paisa uthaaven.. pata nahin thahar saken va nahin thahar saken। kuchh ikttha karke rakhen। ab yeh hai eeshvareey darbaar। right hand phir dharmaraaj bhi hai, unki sajaayen to sauguna jyaada hai। naye-naye bachchon ko shaayad maaloom na bhi ho isliye baba saavdhaan karte hain। tum bachchon ke khyaalaat bade shuddh hone chaahiye। bahut bachche likhte hain baba aapka pharmaan hai ki grihastha vyavhaar mein rehte sirf mujhe yaad karo, shreemat bigar koi bhi kaam nahin karo। parantu hamko to vyavhaar mein bahut kuchh karna padta hai। nahin to ham guzaara kaise karen! itne thode roopayon se itne bhaati (parivaar ke sadasya) kaise chal sakenge। bhookha rehna pade isliye vyaapaari log dharmaau bhi kuchh nikaalte rehte hain। samajhte hain jo kuchh hamaare se paap hote hain woh mit jaayen, ham dharmaatma ban jaayen। dharmaatma purush se bahut paap nahin hota hai kyonki dharmaatma paap se kuchh darte hain। aise bhi bahut hote hain jo kabhi dhandhe mein jhooth nahin bolte। ekdam daam fix rakhte hain। kalkatte mein ek bartan bechne vaala tha, sabke daam board par likh deta tha phir kuchh bhi kam nahin karta। phir koi to bahut jhooth bolte hain। yeh to gyaan ki padhaai hai। tum padhte ho bhavishya 21 janmon ke liye। to baba ko har baat mein sach bataana hai। aise nahin paramatma sab kuchh jaante hain। baap kehte hain padhenge to oonch pad paayenge। nahin to jahnum (narka) mein chale jaayenge। ham thode hi baith dekhenge ki tum kya-kya paap karte ho। jo kuchh karte ho apne liye। apna hi pad bhrashta karte ho। naam to hai paap aatma, punya aatma। baap aakar punya aatma banaate hain to koi paap nahin hona chaahiye। bachchon ke liye to paap ka sauguna danda ho jaayega, bada ghaata hota hai। aise khyaal nahin rakhne chaahiye ki jo hoga so dekha jaayega, ab to kar len। woh bachche koi kaam ke nahin। is puraani duniya ko to bilkul hi bhool jaana hai। dekhte hue jaise dekhte nahin। ham actor hain, ab naatak poora hota hai। 84 janma poore kiye ab hamko vaapis jaana hai। jitni service karenge utna oonch pad paayenge। abhi pradarshani, mele ki service nikli hai। jo oonch pad paane ke purushaarthi honge unhon ka khyaal chalta rahega ki jaakar sunen, seekhen ki kaise bhinna-bhinna reeti se samjhaate hain। woh chakra lagaate rahenge। sunte rahenge phalaana kaise samjhaate hai। aise sunte-sunte buddhi ka taala khul jaayega। bahut likhte hain pradarshani se hamaari buddhi ka taala khul gaya hai। baba ne bahut madad di hai। baba aise bahut madad dete hain, parantu kinko pata nahin padta hai। samajhte hain hamne bahut achha samjhaaya। koi sachche bachche samajhte hain ki yeh saari madad baba ki hai। pradarshani ki service se bahut unnati ho sakti hai। tum gyaan saagar ke bachche ho। baba ki yaad mein rahne se hi bada bal milta hai। yogbal se hi tum vishwa ki baadshaahi lete ho। bas sirf yahi yaad rahe ki hamko baba se varsa lena hai aur shreemat par chalna hai। bas shreemat par chalne mein hi kamaai hai। baaki is duniya mein to koi kaam ki cheez nahin hai। sab khatma hona hai। tum gyaan sitaare ho, is bhaarat ko svarga bana rahe ho aur svargavaasi banne ke laayak to tumko yahaan hi banna hai। yagya ke pichhaadi to haddi-haddi choor kar deni chaahiye। unko phir aur koi lobh nahin rahega। jinki takdeer mein nahin hai, unse phir kharaab kaam hote rahenge। yahaan to tumko sukhdaai banna hai। baap kehte hain main sukhdaai banaane aaya hoon। tum bhi sukhdaai bano। unke mukh se sadaiv gyaan ratna niklenge। shaitaani ki koi baat nahin niklegi। jhooth bolne se to kuchh na bolna achha hai। bahut meetha banna hai। maa baap ka show karna hai। baba ke liye hi likha hai satguru ka nindak thaur na paaye.. jara bhi kaduvaapan, avgun aadi nahin hona chaahiye। bahut hain jinko thodi cheez nahin milti hai to ekdam bigad padte hain। parantu bachchon ko pareeksha samajh shant mein rehna chaahiye। aage bade-bade rishi-muni kehte the ham eeshvar ko nahin jaante। ab agar yeh log (sannyaasi aadi) aise kahen to koi inko maane hi nahin। samjhenge jo khud hi eeshvar ko nahin jaante woh hamko raasta kya bataayenge। aajkal ek do ke guru bahut ban gaye hain। hindu naari ka pati bhi guru hai, eeshvar hai। guru to sadgati denge ya patit banaayenge। ab tum jaante ho jo bhi sab sajniyaan hain, unka guru athva saajan hai ek। maat-pita, baapdaada sab kuchh vahi hai। yeh log phir pati ke liye yeh akshar kah dete hain। ab yahaan to woh baat nahin hai। yahaan to tum aatmaon ko parampita paramatma padhaate hain। aatma itni chhoti hai jismen 84 janmon ka part noondha hua hai। paramatma bhi chhota star hai, unmein bhi saara part noondha hua hai। manushya samajhte hain paramatma sarvashaktimaan hai। sab kuchh kar sakta hai। parampita paramatma kehte hain aisi koi baat nahin hai। drama anusaar mera bhi part hai।

baba samjhaate hain - tum sab aatmaayen aapas mein bhaai-bhaai ho। aatma apne bhaai ke shareer ka khoon kaise karegi! ham sab aatmaon ko baap se varsa lena hai। mel ho, chaahe female.. yeh bhi deh-abhimaan chhodna hai। shivbaaba kitna meetha hai। to ham bhi shivbaaba ke bachche hain। bhaai-bhaai hain to hamko kabhi bhi aapas mein ladna jhagadna nahin chaahiye। dehi-abhimaani rahen to kabhi bhi lade nahin। baba kya kahenge! baap itna meetha aur bachche ladte rehte hain। is samay manushyon mein aatma ka gyaan bhi nahin hai। ham aatma paramatma ki santaan hain phir laden kyon? manushya to sirf kahne maatra kah dete hain। tum to practical mein ho। baap kehte hain - deh-abhimaan ko chhodo। ham aatma hain, ab vaapis jaana hai, yahi taat lagi rahe। poora purushaartha karna chaahiye। baap jaisa meetha aur lovely zaroor banna hai, tab baap kahenge soopat bachcha hai। kitna lovely ho gaya hai। baap kitna nirhankaari hai। kehte hain main tumhaara baap, teacher, guru sab kuchh hoon। aadhaakalpa se tum mujhe yaad karte aaye ho ki baba aao। yeh mera bhi drama mein part hai। pahle yeh ghadi aadi nahin thi, reti par time dekhte the। yeh science se jo kuchh ban raha hai, yeh tumhaare liye hai। yeh science vaale koi gyaan nahin lenge। unko aana hi praja mein hai। mahal aadi banaane vaali to praja hi hoti hai na! raaja raani to order dene vaale hote hain। to yeh koi gum nahin ho jaayenge, yeh bahut hoshiyaar ho rahe hain। baaki chandrama aadi par jaana - yeh sab ati ki nishaani hai। science bhi duhkh dene vaali ho gai hai। vahaan sukh ki cheejen rehti hain। yeh baaki hai thode samay ke liye। tu mach mein jaate hain to vinaash ho jaata hai। baaki sukh to tum bhogenge। mama baba kehte ho to follow karna chaahiye। tumhaare mukh se sadaiv ratna nikalne chaahiye।

kehte hai pattharon ne geet gaaya। pahle tum pattharbuddhi the। baba ne aakar tumko pattharbuddhi se paarasbuddhi banaaya hai। abhi tum geeta ka geet ga rahe ho। baaki woh patthar geet nahin gaayenge। geeta ko hi geet kaha jaata hai। tum abhi parampita paramatma ki biography ko jaante ho। vo log to kuchh bhi arth nahin samajhte hain। ratnon ke badle patthar hi maarte hain। ab tumhaari buddhi mein ratna hain nambarvaar। koi ke mukh se to heere, moti nikalte hain isliye hi tumhaare naam pade hain neelam pari, sabja pari.. tum pattharon se ratna athva paaras ban rahe ho। ab tumhaara kaam hai jo bhi aave unko samjhaana। to tumhaara parampita paramatma ke saath kya sambandh hai! jab tak is baat ka accurate javaab nahin likhkar den tab tak baba ko milna hi phaaltu hai। pahle baap ko jaanen tab samjhen ki bi.ke. kiski potriyaan hain। badi oonchi manzil hai। 21 janmon ki baadshaahi gareeb se gareeb bhi le sakte hain। vishwa ka maalik banna koi kam baat hai kya? sirf shreemat par chalna hai। bhagwan khud kurbaan jaate hain - bachchon par। 21 janmon ki kurbaani karte hain। kehte hain vishwa ke maalik bhav। zaroor bachchon ke mukh se ratna hi nikalte hain tab to bhavishya mein poojyaneey devta bante hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) meetha ban, maa baap ka show karna hai। kaduvaapan jara bhi hai to use nikaal dena hai। baap jaisa meetha lovely zaroor banna hai।

2) koi bhi kaam shreemat ke bina nahin karna hai। shreemat mein hi sachchi kamaai hai।

vardaan:- knowledgeful ban har karma ke parinaam ko jaan karma karne vaale master trikaaldarshi bhav

trikaaldarshi bachche har karma ke parinaam ko jaankar phir karma karte hain। ve kabhi aise nahin kehte ki hona to nahin chaahiye tha, lekin ho gaya, bolna nahin chaahiye tha, lekin bol liya। isse siddha hai ki karma ke parinaam ko na jaan bholepan mein karma kar lete ho। bhola banna achha hai lekin dil se bhole bano, baaton mein aur karma mein bhole nahin bano। usmein trikaaldarshi bankar har baat suno aur bolo tab kahenge saint arthaat mahaan aatma।

slogan:- ek do ko copy karne ke bajaae baap ko copy karo to shreshtha aatma ban jaayenge।