Daily Murli for Saturday 2 April 2022

02-04-2022 praatahmurli om shanti "baapdaada"' madhuban

“meethe bachche - maat-pita ke sijre mein aana hai to poora follow karo, unke samaan meethe bano, achhi reeti padhaai padho''

prashn:- kaun si guhya raazayukta, rahasya-yukta baaten samajhne ke liye bahut achhi buddhi chaahiye?

uttar:- brahma sarasvati vaastav mein mama baba nahin hain, sarasvati to brahma ki beti hai, woh bhi brahmaakumaari hai। brahma hi tumhaari badi maa hai, parantu mel hai isliye maata jagat amba ko kah diya hai। yeh badi rahasyayukta guhya baat hai, jisko samajhne ke liye bahut achhi buddhi chaahiye। 2 sookshmavtanvaasi brahma ko prajaapita nahin kahenge। prajaapita yahaan hai। yeh vyakta jab sampoorn pavitra ho jaate hain to sampoorn avyakt roop dikhaai deta hai। vahaan movie bhaasha chalti hai। devtaaon ki mahphil lagti hai। yeh bhi samajhne ki guhya baat hai।

geet:- maata O maata…

om shanti। bachche jaante hain yeh hai eeshvareey university। kaun padhaate hain? eeshvar। eeshvar to ek hi hai, unka shaastra bhi ek hi hona chaahiye। jaise dharma sthaapak ek hota hai, unka shaastra bhi ek hona chaahiye। phir bhal chhote mote pustak bana diye hain, vaise ek shaastra hota hai। to yeh hai god father ki university। vaise father ki university to koi hoti nahin, government ki university hoti hain। inko kaha jaata hai mother father ki university। kaun se mother father? phir kahenge god goddess। gaate bhi hain tum maat pita.... to zaroor pita hi first hue। bhagvaanuvaach। bhagwan baith padhaate hain aur sab jagah manushya, manushyon ko padhaate hain। yahaan niraakaar baap tum aatmaon ko padha rahe hain, yeh vichitra baat manushya sahaj samajh nahin sakte। aise koi bhi nahin kahenge ki niraakaar parampita paramatma god father hamko padhaate hain। yahaan tumko parampita paramatma padhaate hain। kisi ki bhi buddhi mein yeh baat nahin hogi। na padhne vaalon ki buddhi mein hogi, na padhaane vaalon ki buddhi mein hogi। yahaan tum jaante ho god father hamko padhaate hain। sabhi ka father oonche te ooncha woh ek hai aur koi father nahin। brahma ka bhi father vahi hai। tumko padhaate bhi vahi hai। brahma nahin padhaate hain। niraakaar baap padhaate hain। bhal manushya jaante hain - brahma sarasvati Adam aur Eve hain। parantu unse bhi oonch niraakaar hai। woh to phir bhi saakaar mein hain। tum bachchon ko yeh pata hai niraakaar aakar padhaate hain। tumko knowledge dene vaala vahi god father hai। kehte hain grihastha vyavhaar mein rahkar tumko knowledge padhni hai। vaastav mein grihastha vyavhaar mein koi padhte nahin hain। mushkil koi second course uthaate honge। yahaan tumko poora nishchay hai ki hamko niraakaar paramatma padhaate hain। yeh saakaar mama baba bhi unse hi padhte hain। yeh badi guhya baaten hain। jab tak baap na aakar samjhaave tab tak koi samajh na saken। tum bhal inhen (sarasvati ko) mama kehte ho parantu jaante ho ki yeh brahma ki adopted beti hai। adopt to tum bhi ho parantu tumko mama nahin kaha jaata hai। yeh hai daivi parivaar। mama, baba, daada, bhaai-behen, tum ho brahmaakumaar kumaariyaan। woh bhi brahmaakumaari sarasvati hai। parantu unko jagat amba kehte ho kyonki yeh brahma to mel ho gaya। mama ko bhi in dvaara shivbaaba ne racha hai। parantu kaayde-mujeeb maata chaahiye, isliye inko nimitta banaaya hai। yeh badi ramneek baaten hain। naya koi samajh na sake। jab tak unko baap aur rachna ka parichay nahin hai tab tak bada mushkil samajhte hain। kisko samjha bhi nahin sakenge।

ved shaastra aadi padhna, doktari padhna, yeh sab hai manushyon ki padhaai। manushya, manushya ko padhaate hain, aise kabhi koi nahin kehta main aatma, aatmaon ko padhaata hoon। yahaan tumko deh-abhimaan se nikaal dehi-abhimaani banaate hain। deh-abhimaan hai pahla number vikaar। dehi-abhimaani koi bhi nahin hai। jaante hain aatma aur shareer do cheejen hain। parantu aatma kahaan se aati hai, unka baap kaun hai, yeh nahin jaante। yeh hain nai baaten, new world ke liye। new dehli kehte hain। parantu new world mein iska naam dehli nahin hota, use paristaan kaha jaata hai। pahle-pahle yeh nishchay hona chaahiye ki ham eeshvareey aulaad hain। daivi aulaad aur aasuri aulaad mein raat-din ka farka hai। woh hain bhrashtaachaari, tum ho shreshthaachaari। gaate bhi hain - he patit-paavan aao, aakar shreshthaachaari banaao। guroonaanak ne bhi kaha hai bhagwan aakar moot paleeti kapde dhote hain। tum aapehi poojya aapehi pujaari kaise bante ho, yeh sab samajhne ke raaz hain। sada poojya ek parampita paramatma hai। usne poojya banaaya lakshmi-naaraayan ko। usne bhi pahle maat-pita ko banaaya, mama baba ko adopt kiya। patit ko paavan banaate hain। aate hi hain patit duniya mein paavan banaane isliye brahma ka chitra oopar mein diya hai। neeche phir tapasya kar rahe hain, patit ko adopt karte hain। brahma sarasvati aur bachchon ke naam badli hote hain। tum jaante ho brahmaakumaar kumaariyaan devi-devta banne ke liye raajayog seekh rahe hain। yeh hai eeshvareey santaan athva sijra। ek beej se yeh sijra nikla। woh hai aatmaon ka sijra। yeh hai manushyon ka sijra। rudra maala bhi aatmaon ka sijra hai। phir manushyon ka sijra kaun sa thahra? devta, kshatriy, vaishya, shoodra.... yeh hui rachta aur rachna ki knowledge, jo tum bachche hi sunte ho। parantu nambarvaar dhaarna hone ke kaaran raaja raani bhi bante hain to praja bhi bante hain। purushaartha karna chaahiye ki mama baba ko follow karen, bahut meetha banen। mama meethi hai isliye sab yaad karte hain। is mama baba aur tum bachchon ko meetha banaane vaala shivbaaba hai। mama baba aur bachche jo achhi reeti padhte hain unka sijra hai। woh to bahut meethe hone chaahiye। sarasvati ko banjo diya hai। phir krishna ko murli de di hai। sirf naam badal diya hai। baba kehte hain achhi reeti padho। jaise student padhte hain to unki buddhi mein saari history-geography hoti hai। muhammad gajanvi kab aaya, kaise loot karke gaya। musalmaanon ne phalaani jagah ladaai ki। islaami, bauddhi jo bhi aaye unhon ki history sab jaante hain। parantu yeh behad ki history-geography koi nahin jaante। nai duniya so phir puraani kaise banti hai, drama kahaan se shuru hota hai। mool vatan, sookshm vatan phir sthoolavtan, phir yahaan yeh chakra kaise phirta rehta hai, yeh padhaai tum bachche abhi padh rahe ho। mool vatan mein aatmaon ka nivaas sthaan hai। sookshm vatan mein brahma vishnu shankar hain। jo aatmaayen pahle paavan thi ve phir patit kaise bani, phir paavan kaise banengi yeh sab samjhaaya jaata hai। sookshm vatan vaasi brahma ko prajaapita nahin kahenge। prajaapita to yahaan hai। tumko saakshaatkaar hota hai। jab yeh vyakta brahma pavitra ho jaate hain to vahaan sampoorn avyakt roop dikhaai deta hai। jaise saphed light ka sookshm roop hota hai। vaartaalaap bhi movie mein chalti hai। sookshm vatan kya hai, vahaan kaun ja sakte hain - yeh tum jaante ho। vahaan mama baba ko tum dekhte ho। vahaan devtaayen bhi aate hain mahphil manaate hain, kyonki devtaayen patit duniya mein to paanv rakh nahin sakte, isliye sookshm vatan mein milte hain। woh hua piyar ghar aur sasuraal ghar vaalon ka milan। nahin to tum brahman aur devtaayen kaise milo। to yeh milne ki yukti hai। sammukh saakshaatkaar karna bhi buddhi se jaanna hai। yeh hai drama ki noondh। jaise meera ko ghar baithe vaikuntha ka saakshaatkaar hota tha, dance karti thi। shuru mein tumne bhi bahut saakshaatkaar kiye। raajdhaani kaise chalti hai, rasam-rivaaj sab kuchh bataate the। us samay tum thode the। doosre sab pichhaadi mein dekhenge। duniya vaale aapas mein ladte jhagadte rahenge aur tum saakshaatkaar karte rahenge। manushyon mein to haaydosh machta rehta hai। kinki dabi rahegi dhool mein.... is samay to praja ka praja par raajya hai। to bhi unka position kitna ooncha hai। parantu is samay kiska bhi paramatma se buddhiyog na hone ke kaaran unko pahchaante hi nahin। kanya jab ek baari baalak ko jaan leti hai to preet jut jaati hai। pahchaan nahin to preet nahin। tumhaaren mein bhi nambarvaar preet hai। nirantar yaad ki bhi preet chaahiye, parantu preetam ko bhool jaate hain। yeh baba (brahma) kehte hain main bhi bhool jaata hoon।

tum bachchon ko 5 hajaar varsha ke baad phir yeh shiksha milti hai ki apne ko aatma samjho, paramatma ko yaad karo, is yaad se hi vikarma bhasma honge। ab to vikarmaajeet banna hai। pahle-pahle jo satayug mein aate hain unko vikarmaajeet kahenge। patit ko vikarmi, paavan ko sukarmi kahenge। vikarmaajeet raajya hota hai satayug mein। phir vikarma ka sanvat chalta hai। 2500 varsha vikarmaajeet phir vahi vikarmi ban jaate hain। tum abhi purushaartha kar rahe ho vikarmaajeet raajaai mein aane ke liye। moh jeet raaja ki badi katha hai। patit raajya kab chalta hai, paavan raajya kab chalta hai - yeh sab tum hi jaante ho। shivbaaba paavan banaate hain, unka bhi chitra hai। raavan patit banaate hain, unka bhi chitra hai। tum jaante ho barobar ab raavan raajya hai isliye yeh jo srishti chakra ka chitra hai, is par likhna pade - bhaarat toode, bhaarat toomaaro। (aaj ka bhaarat aur kal ka bhaarat) banna to hai na।

tum jaante ho yeh hai hi mrityulok। yahaan akaale mrityu hote rehte hain। vahaan aise nahin hota, isliye unko amarlok kaha jaata hai। raamraajya satayug se shuru hota hai। raavan raajya dvaapar se shuru hota hai। yeh sab baaten tum hi samajhte ho। manushya to sab kumbhakran ki neend mein soye hue hain। main tum bachchon ko sab raaz samjhaata hoon। tum ho brahma mukh vanshaavli, tumko samjhaata hoon। ismen yeh brahma sarasvati bhi aa jaate hain। yeh hai jagat amba। mahima badhaane ke liye inka gaayan hai। baaki vaastav mein yeh badi mama brahma hi hai na, parantu shareer purush ka hai। yeh hain badi guhya baaten। jagat amba ki zaroor koi mama to hai na। brahma ki beti to hai। parantu sarasvati ki mama kahaan? kis dvaara inko racha? to yeh brahma ho jaate hain - badi mo। in dvaara bachche aur bachchiyaan rachte hain। in baaton ko samajhne mein badi achhi buddhi chaahiye। kumaariyaan achha samajhti hain। mama bhi kumaari hai। jab brahmacharya ka bhang ho jaata hai to dhaarna nahin hoti hai। grihastha dharma to satayug mein tha, parantu unko paavan kaha jaata hai। yahaan patit hain। shreekrishna ko kitni mahima dete hain - sarvagun sampanna, 16 kala sampoorn.... yahaan to koi bhi manushya aisa ho nahin sakta। vahaan raavan raajya hi nahin। deh-anhakaar ka naam hi nahin rehta। vahaan unko yeh gyaan hai ki ham yeh puraani deh ko chhod doosri lenge। aatma-abhimaani rehte hain। yahaan hain deh-abhimaani। abhi tumko sikhlaaya jaata hai - apne ko aatma samjho, tumhein yeh puraana shareer chhod vaapis jaana hai। phir naya shareer nai duniya mein lenge। samjha - achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) nirantar yaad mein rahne ke liye dil ki preet ek baap se rakhni hai। preetam ko kabhi bhi bhoolna nahin hai।

2) vikarmaajeet raajaai mein jaane ke liye mohjeet banna hai, sukarma karne hain। koi bhi vikarma nahin karna hai।

vardaan:- apni sookshm checking dvaara paapon ke bojh ko samaapta karne vaale samaan va sampanna bhav

yadi koi bhi asatya va vyartha baat dekhi, suni aur use vaayumandal mein phailaai। sunkar dil mein samaaya nahin to yeh vyartha baaton ka phailaav karna-yeh bhi paap ka ansh hai। yeh chhote-chhote paap udti kala ke anubhav ko samaapta kar dete hain। aise samaachaar sunne vaalon par bhi paap aur sunaane vaalon par usse jyaada paap chadhta hai isliye apni sookshm checking kar aise paapon ke bojh ko samaapta karo tab baap samaan va sampanna ban sakenge।

slogan:- bahaanebaaji ko merge kar do to behad ki vairaagya vritti emerge ho jaayegi।