Daily Murli for Thursday 27 October 2022

27-10-2022 praatahmurli om shanti "baapdaada"' madhuban

“meethe bachche - tumhein is patit duniya se apna buddhiyog nikaal behad ka sannyaasi banna hai, sannyaasi maana poore pavitra aur pakke yogi''

prashn:- kaun si avastha aate hi maaya ke toofaan samaapta ho jaate hain?

uttar:- jab mera pati, mera bachcha… is mere-mere se buddhiyog toot jaayega। mera to ek shivbaaba doosra na koi - yeh buddhi mein pakka hoga। ek baap se hi poora buddhiyog laga hoga tab maaya ke toofaan samaapta ho jaayenge।

geet:- kaun aaya mere man ke dvaare....

om shanti। bhagvaanuvaach - yeh to bachche samajh gaye hain ki aatmaon ka baap, use kaha jaata hai parampita param aatma। baap khud samjhaate hain - mera koi aakaar mein bada roop nahin hai। jaise aatma ke liye kehte hain star hai, bhrakuti ke beech mein rehti hai। vaise main bhi param aatma hoon, uski mahima badi hai। gyaan saagar hai। baaki itna bada chitra jaise nahin hai। itna bada hota to is shareer mein ghus nahin sakta। yeh to shivling ki pooja karte hain to bada banaate hain। angoothe sadrishya kehte hain। aatma maana aatma sirf unko param kehte hain, jo paramdham mein rehte hain। tum jaante ho is samay hai devil world, aasuri sampradaay। satayug mein is bhaarat par devtaaon ka raajya tha, ab to aasuri raajya hai। dekho, kya-kya kha jaate hain! maas madira yeh raakshasi aahaar hai, is baat ko bhi nahin samajhte hain। school mein bhi koi ke achhe khyaalaat, koi ke rajoguni, koi ke tamoguni hote hain। jo doosron ko samjha nahin sakte unko buddhu kahenge। brahmaakumaar kumaariyon mein bhi nambarvaar mahaarthi, ghodesvaar, pyaade bahut hain jo achhi reeti samjha nahin sakte hain। gyaan poora na hone kaaran disservice karte hain। jitna jismen gyaan hai, utna samjhaayenge। nambarvaar to hain। kahaan bhoolen bhi karte hain। bachchon ko nasha hona chaahiye ki ham to devta ban rahe hain। baap khud kehte hain main patiton ki duniya mein aata hoon। satayug mein yahi naaraayan tha - ab phir inke tan mein aaya hoon, inko hi nar se naaraayan banaata hoon। number one poojya bhi yeh tha, ab number one pujaari bhi yeh bana hai। phir inka hi all-round part hai। yeh mera mukrar tan hai। yeh change nahin ho sakta। aise nahin kab doosre ko chance doon। yeh drama bana banaaya hai। ismen change nahin ho sakti। baba kehte hain main aata hoon patiton ki duniya mein, parantu koi ko patit kaho to bigad padenge। parantu jab bhagvaanuvaach hai ki sab aasuri sampradaay hain to maanna padega। bhagwan maana bhagwan niraakaar, na brahma, na vishnu, na shankar, na krishna... kehte hain main paramatma bhi tumhaare jaisa hoon। bhagvaanuvaach main tumko raajayog sikhaane aaya hoon। yog ki kitni mahima hai। bahut yog aashram khule hain। usmein hathayog aadi sikhlaate hain। parantu tum yogbal se saare vishwa ko svarga banaate ho। vishwa ko parivartan karte ho। saari duniya to yog mein nahin rehti, yog ki kitni mahima hai, jisse khaas bhaarat svarga banta hai। parantu koi ko pata nahin to isko svarga kisne banaaya hai? zaroor aisa koi svarga banaane vaala hoga। baap kehte hain main hi aakar devta banne ka karma sikhlaata hoon। yeh to bada sahaj hai। woh bahut yagya karte hain। yahaan tum koi yagya havan karte ho kya? dhoop bhi khushbu ke liye jalaate। baaki yahaan karmakaanda ki koi baat nahin। to baap apna parichay dete hain ki main aatma hoon jaise tum ho। parantu main punarjanma nahin leta hoon, janma leta hoon parantu maran mein nahin aata, meri jayanti manaate hain। main is tan mein padhaane ke liye aata jaata rehta hoon to isko mrityu nahin kahenge। main aata hoon devta banaane। ab jo aakar padhenge..., padhenge bhi vahi jinhonne kalpa pahle padha hoga। bahutkaal se bichhude hue vahi sikeeldhe bachche hain, doosre thode hi 84 janmon mein aate hain, ham hi saara 84 ka chakra lagaate hain। manushya to bahut janma lene se tang hote hain, tumko kahenge ham 84 ke chakra mein nahin aane chaahte hain। parantu ham kitne pahalvaan hain jo aur hi khush hote hain। ham is 84 ke chakra ko yaad karte-karte chakravarti raaja ban jaate hain। unhon ke jhande mein bhi chakra hai, phir unhonne charkha bana diya hai। unke saamne tumhaara kot aaph arms theek hai। oopar mein shivbaaba, neeche trimoorti aur chakra bilkul theek laga hai। yeh tumhaara shiv ka jhanda bilkul theek hai।

tumko samjhaaya hai sannyaas do prakaar ka hai। ek hai nivritti maarga ka sannyaas jo jangal mein jaate hain, woh hai half sannyaas। tumhaara hai full sannyaas। kiska? saari aasuri duniya ka sannyaas karte ho mera pati, mera bachcha, mera guru... un sab mere-mere se buddhi-yog todte ho। mera to ek shivbaaba doosra na koi। jab tak yeh avastha nahin aayegi tab tak toofaan aate rahenge। jhoke khaate rahenge। baap saari aasuri duniya ka sannyaas karaate hain kyonki yeh sab bhasma hona hai। woh aise nahin kehte sab bhasma hona hai। tum rehte sambandhiyon ke beech mein ho parantu unko dekhte buddhi vahaan lagi hui hai। mera kuchh hai nahin। to kaam krodh kisse hoga! yeh yukti bahut achhi hai, parantu jab buddhi mein baithe। isko raajayog kaha jaata hai। tum yog lagaate ho, raajaai lete ho। woh hai hathayog। yeh guhya points hain। yogi to duniya mein bahut hain। parantu baba kehte hain ek ka bhi mere se yog nahin hai। mere badle mere nivaas sthaan brahm tatva se yog hai। jaise bhaaratvaasi apne nivaas sthaan, hindustaan ko apna dharma samajh baithe hain। vaise woh bhi apne ko brahm ka bachcha samajhte hain। bachche bhi nahin kehte। bachcha kahen to phir varsa chaahiye। woh to kehte ki tatva mein leen honge। baba ko to anubhav hai। bahut sannyaasiyon, gurooon se anubhav kiya। arjun ko bhi dikhaate hain bahut guru the। tum sab arjun ho। is samay saari duniya par raavan ka raajya hai, saari duniya lanka hai। ek Ceylon ka bet (dvip) lanka nahin। woh had ki lanka hai। parantu behad ki lanka to saari duniya hai। ab saari duniya par raavan ka raajya hai। raam ke raajya mein itne manushya nahin the। jab raamraajya hai to raavanraajya nahin। kahaan chala jaata hai? neeche paataal mein chala jaata hai। phir raavan raajya aata hai to raamraajya neeche chala jaata hai। yeh drama hai na। jab chakra phirta hai tab satayug oopar aa jaata hai। dvaapar, kaliyug neeche chala jaayega to satayug treta neeche se oopar aa jaayega। hai chakra ki baat, unhonne aise likh diya hai। baaki koi saagar mein nahin chala jaata hai va saagar se nikal nahin aata hai।

baap samjhaate hain yeh badi guhya samajhne ki baaten hain। ismen pavitrata hai first aur yog pakka chaahiye। isko kaha jaata hai complete sannyaas। is duniya se buddhiyog khalaas। yeh baaten tumhaare mein bhi koi samajhte honge। sab samjhen to gyaan ganga ban jaayen। chhoti nadi banen, canals banen। achha tubka ban ghar mein sunaayen to bhi samjhen ki kuchh samjha hai। parantu ghar mein bhi nahin bata sakte। baap kehte hain ki kaisa bhi gareeb ho parantu ghar mein geeta paathshaala khol sakte hain। bhal ek hi kamra ho usmein khaate peete sote ho। achha kaam utaar saphaai kar phir yeh class lagaao। teen pair prithvi mein itni badi hospital khol sakte ho। saahookaar ki baaten chhodo। baap to gareeb nivaaz hai na। saahookaar to bolte ki humein to yahaan hi svarga hai। to baba kehte hain achha tum apne svarga mein hi khush raho। main tumko kyon doon। daan bhi gareeb ko diya jaata hai। bada aadmi to yahaan jameen mein baithne se chamkenge। to baba kehte hain ki bhal apne mahlon mein raho। mere paas to gareeb aayen jo achhi tarah padhen। agar doosre ko nahin suna sakte to chhota taalaab bhi nahin thahre। tumko to badi nadi banna hai। mama baba ko follow karna hai। parantu ghar mein bhi nahin suna sakte to chullu paani (hatheli mein paani) ki tarah bhi nahin thahre। baba ko to maja aayega gyaan gangaaon ke saamne। kai baba ke sammukh sunte hain to khush hote hain। parantu yahaan se uthe seedhi neeche utre to nasha bhi utarta jaata hai। phir ghar pahunche to phir vahi jharmui jhagmui (parchintan) chaalu। baba to chalan se samajh jaate hain। aate hain milne। kehte hain mera pati, mera bachcha hai। are tumko pati kahaan se aaya? aati ho svarga mein chalne phir bhi mere-mere mein phansi ho। achha itna dose kaaphi hai। dena itna chaahiye jitna hazam kar saken। baba ne nutshell mein bataaya hai। yog se tum svarga ki sthaapna kar rahe ho। baaki baadshaahi ke liye knowledge chaahiye। do subject hain। baba bhi yog mein rahne ka purushaartha karte hain tab kehte hain - na bisro na yaad raho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya ka complete sannyaas karna hai। pavitrata aur yog ki subject mein first number lena hai।

2) gyaan ganga ban patiton ko paavan banaane ki seva karni hai। mama baba ko follow kar badi nadi bano।

vardaan:- brahman jeevan mein kam kharcha baalaansheen karne vaale alaukikta sampanna bhav

is alaukik brahman jeevan ka vishesh slogan hai “kam kharcha baalaansheen''। kharcha kam ho lekin praapti shaandaar ho arthaat result achhe se achhi ho। alaukikta sampanna jeevan tab kahenge jab bol mein, karma mein kharcha kam ho। kam samay mein kaam jyaada ho, kam bol mein spashteekran jyaada ho, sankalp kam ho lenkin shaktishaali hon-isko kaha jaata hai kam kharcha baalaansheen। jo sarva khajaane kam kharcha karte hain unke bhandaare bharpoor ho jaate hain।

slogan:- baap aur seva se sachcha pyaar hai to parivaar ka pyaar svatah milta hai।

maateshvari ji ke anmol mahaavaakya

ab yeh jo shiromni geeta mein bhagvaanuvaach hai bachche, jahaan jeet hai vahaan main hoon, yeh bhi paramatma ke mahaavaakya hain। pahaadon mein jo himaalay pahaad hai usmein main hoon aur saampon mein kaali naag main hoon isliye parvat mein ooncha parvat kailaash parvat dikhaate hain aur saampon mein kaali naag, to isse siddha hai ki paramatma agar sarva saampon mein keval kaale naag mein hai, to sarva saampon mein uska vaas nahin hua na। agar paramatma oonche te oonche pahaad mein hai goya neeche pahaadon mein nahin hai aur phir kehte hain jahaan jeet vahaan mera janma, goya haar mein nahin hoon। ab yeh baaten siddha karti hain ki paramatma sarvavyaapi nahin hai। ek taraph aise bhi kehte hain aur doosre taraph aise bhi kehte hain ki paramatma anek roop mein aate hain, jaise paramatma ko 24 avtaaron mein dikhaaya hai, kehte hain kachchha machchha aadi sab roop paramatma ke hain। ab yeh hai unhon ka mithya gyaan, aise hi paramatma ko sarvatra samajh baithe hain jabki is samay kaliyug mein sarvatra maaya hi vyaapak hai to phir paramatma vyaapak kaise thahra? geeta mein bhi kehte hain ki main phir maaya mein vyaapak nahin hoon, isse siddha hai ki paramatma sarvatra nahin hai।

2) ab yeh to ham jaante hain ki jab ham niraakaari duniya kehte hain to niraakaar ka arth yeh nahin ki unka koi aakaar nahin hai, jaise ham niraakaari duniya kehte hain to iska matlab hai zaroor koi duniya hai, parantu uska sthool srishti muaaphik aakaar nahin hai, aise paramatma niraakaar hai lekin unka apna sookshm roop avashya hai। to ham aatma aur paramatma ka dhaam niraakaari duniya hai। jab ham duniya akshar kehte hain, to isse siddha hai vo duniya hai aur vahaan rehte hain tabhi to duniya naam pada, ab duniyaavi log to samajhte hain paramatma ka roop bhi akhanda jyoti tatva hai, vo hua paramatma ke rahne ka thikaana, jisko retired hom kehte hain। to ham paramatma ke ghar ko paramatma nahin kah sakte hain। ab doosri hai aakaari duniya, jahaan brahma vishnu shankar devtaayen aakaari roop mein rehte hain aur yeh hai saakaari duniya, jinke do bhaag hai - ek hai nirvikaari svarga ki duniya jahaan aadha-kalpa sarvada sukh hai, pavitrata aur shanti hai। doosri hai vikaari kaliyugi duhkh aur ashaanti ki duniya। ab vo do duniyaayen kyon kehte hain? kyonki yeh jo manushya kehte hain svarga aur narka donon paramatma ki rachi hui duniya hai, is par paramatma ke mahaavaakya hai bachche, mainne koi duhkh ki duniya nahin rachi jo mainne duniya rachi hai vo sukh ki rachi hai। ab yeh jo duhkh aur ashaanti ki duniya hai vo manushya aatmaayen apne aapko aur mujh paramatma ko bhoolne ke kaaran yeh hisaab kitaab bhog rahe hain। baaki aise nahin jis samay sukh aur punya ki duniya hai vahaan koi srishti nahin chalti। haan, avashya jab ham kehte hain ki vahaan devtaaon ka nivaas sthaan tha, to vahaan sab pravritti chalti thi parantu itna zaroor tha vahaan vikaari paidaais nahin thi, jis kaaran itna karmabandhan nahin tha। us duniya ko karmabandhan rahit svarga ki duniya kehte hain। to ek hai niraakaari duniya, doosri hai aakaari duniya, teesri hai saakaari duniya। achha - om shanti।