Daily Murli for Wednesday 26 October 2022

26-10-2022 praatahmurli om shanti "baapdaada"' madhuban

“meethe bachche - sada isi nashe mein raho ki ham shiv vanshi brahma mukh vanshaavli brahman hain, hamaara eeshvareey kul sabse ooncha hai''

prashn:- oopar ghar mein jaane ki lift kab milti hai? us lift mein kaun baith sakte hain?

uttar:- abhi sangamayug par hi ghar jaane ki lift milti hai। jab tak koi baap ka na bane, brahman na bane tab tak lift mein baith nahin sakte। lift mein baithne ke liye pavitra bano, doosra svadarshan chakra ghumaao - yahi jaise pankh hain, inheen pankhon ke aadhaar se ghar ja sakte ho।

geet:- dheeraj dhar manua…

om shanti। meethe-meethe sangamayugi brahman jinko svadarshan chakradhaari kaha jaata hai woh abhi gupta vesh mein padh rahe hain। tumko koi samajh na sake ki yeh sangamayugi brahma mukh vanshaavli hain। tum bachche jaante ho ham shiv vanshi brahma mukh vanshaavli hain। to kul ka bhi nasha chadhta hai kyonki tum hi eeshvareey kul ke ho। eeshvar ne hi baith tumko apna banaaya hai, apne saath le jaane ke liye। bachche jaante hain to baap bhi jaante hain ki aatma patit ban gai hai, ab paavan banna hai। ab bachchon ko nishchay ho gaya hai ki ham shiv vanshi brahma mukhvanshaavli hain। tumhaara naam bhi hai brahmaakumaar kumaari। saari duniya shiv vanshi hai। brahman kul bhooshan bhi banen tab jab pahle shivbaaba ko pahchaanen। is samay tum saakaar mein baba ke bane ho। yoon to jab niraakaari duniya mein ho to sarvottam shiv vanshi ho। parantu jab baba saakaar mein aate hain to tum brahma mukh vanshaavli bante ho। ek second mein baba kya se kya banaate hain। baba kaha aur bachche ban gaye। jaise aatma mukh se bolti hai parantu dekhne mein nahin aati। vaise main bhi is samay saakaar mein aaya hoon, bol raha hoon। jaise tumko jab tak shareer na mile tab tak part kaise baja sako। tum to baal, yuva aur vriddha avastha mein aate ho। main in avasthaaon mein nahin aata hoon, tab to kaha jaata hai mera janma divya aur alaukik hai। tum to garbha mein pravesh karte ho। main khud kehta hoon ki main brahma tan mein, inke bahut janmon ke ant ke samay vaanaprastha avastha mein pravesh karta hoon aur tumko baith padhaata hoon। tumko koi manushya nahin padhaate kyonki kisi bhi manushya mein gyaan nahin hai। kehte hain patit-paavan aao to patit-paavan kaun? shreekrishna to satayug ka pahla prince hai। woh patit-paavan ho na sake। jab manushya marte hain to kehte hain raam-raam kaho, jab kisko phaansi par chadhaate hain to bhi paadri log kehte hain god father ko yaad karo kyonki god father hi sukh-daata hai। baap hi sab raaz aakar samjhaate hain ki ab sangamayug hai aur hamaare sukh ke din aa rahe hain। 84 janma poore hue। abhi sangam ka suhaavna samay hai। yahi ek yug hai oopar chadhne ka। jaise ki oopar jaane ki lift milti hai। parantu jab tak pavitra na banen, svadarshan chakradhaari na banen tab tak lift par baith na saken। is samay jaise pankh mil rahe hain kyonki maaya ne pankh kaat diye hain। jab baba ke bante hain, brahman bante hain tab hi pankh milte hain। ab sangam par brahman hain phir devta bante hain। to tum abhi sangamayugi ho aur satayugi raajdhaani mein jaane ka purushaartha kar rahe ho। baaki sukh ke din sabke liye aa rahe hain। tumko dheeraj mil raha hai। baaki duniya to ghor andhiyaare mein hai।

tumko baap kehte hain svadarshan chakradhaari brahman kul bhooshan। yeh koi naya sune to kahe yeh kaise svadarshan chakradhaari ban sakte hain? svadarshan chakradhaari to vishnu hai to kitna farka ho gaya। tumhaari buddhi mein to saara chakra hai। is samay tum ho eeshvareey santaan phir bante ho daivi santaan phir vaishya, shoodra santaan bante ho। is samay sabse ooncha hai eeshvareey kul। vaastav mein mahima saari shiv ki hai। phir shiv shaktiyon ki phir devtaaon ki kyonki tum is samay seva karte ho। jo seva karte hain unko hi pad milta hai। tum ho roohaani social worker, jismaani social worker bahut hain। tumko ab roohaani nasha hai ki ham ashareeri aaye the, aakar apna svaraajya liya tha। tumko ab baap dvaara knowledge mili hai। smriti aai hai - isko kaha jaata hai smritirlabdha। ab baap hi aakar smriti dilaate hain ki tum hi devta, kshatriy bane ho। ab 84 janmon ke baad aakar mile ho। yeh hai sangamayugi kumbha mela, aatma aur paramatma ka। paramatma aakar padha rahe hain arthaat sarva shaastra mai shiromni geeta gyaan de rahe hain। unhonne geeta mein shreekrishna ka naam daal diya hai। agar shreekrishna ho to sab unko chatak jaayen kyonki unmein bahut kashish hai। satayug ka first prince hai। shreekrishna ki aatma ab sun rahi hai aur jo bhi krishnapuri ki aatmaayen hain woh bhi sun rahi hain। ab tumko smriti aai hai ki ham hi krishnapuri athva lakshmi-naaraayanpuri ke hain। baap knowledgeful hai, baap mein jo knowledge hai woh hamko de rahe hain। kaun si knowledge? paramatma ko beejroop kaha jaata hai, to saare jhaad ki knowledge de dete hain। gyaan saagar hai tab hi patit-paavan hai। jab likhte ho to samajh se likho। pahle patit-paavan kahen ya gyaan saagar kahen? zaroor gyaan hai tab to patiton ko paavan banaayenge। to pahle gyaan saagar phir patit-paavan likhna chaahiye। yeh gyaan saagar baap hi sunaate hain to manushya 84 janma kaise lete hain। ek ka thode hi bataayenge। yeh raajayog ki paathshaala hai। paathshaala mein to bahut honge। ek ko thode hi padhaayenge। ham kehte hain baap hai, teacher hai to bahuton ko padhaate hain। dekhte ho behad ke bachchon ko padhaate hain aur vriddhi hoti jaati hai। jhaad dheere-dheere badhta hai। jab thoda nikalta hai to chidiyaayen kha jaati hain। tum dekhte ho is jhaad ko maaya ka toofaan aisa aata hai jo achhe-achhe bikhar jaate hain। baba shuru mein bachchon ki aisi chalan dekhte the to kehte the tumhaari chalan aisi hai jo tum thahar nahin sakenge, isliye shreemat par chalo। woh kehte the kuchh bhi ho jaaye ham bhaag nahin sakte। phir bhi woh bhaag gaye। tab gaaya hua hai aashcharyavat sunanti, kathanti, bhaaganti। to tum practical mein dekh rahe ho। aise hota ja raha hai kyonki maaya saamne khadi hai, mallayuddha hoti hai। donon taraph se pahalvaan hote hain। phir kabhi kisi ki haar, kabhi kisi ki jeet। tumhaari ab maaya se yuddha hai। maaya se jeet pahan tum raajaai sthaapan kar rahe ho।

baap kehte hain yeh vinaash ki nishaani hai - bombs। shaastron mein likha hua hai ki pet se moosal nikaal apne kul ka vinaash kiya। tum jaante ho ki baba aaya hai paavan duniya banaane। to puraani duniya ka vinaash zaroor chaahiye। nahin to ham raajaai kahaan karenge। is padhaai ki praalabdha hai bhavishya nai duniya ke liye। aur jo bhi purushaartha karte hain woh is duniya ke liye hai। sannyaasi jo purushaartha karte hain woh bhi is duniya ke liye hai। tum kehte ho ham yahaan aakar raajaai karenge। parantu gupta roop hone ke kaaran ghadi-ghadi bachche bhool jaate hain। nahin to bade aadmi kahaan jaate hain to kitni svaagat karte hain। london se raani aai to kitne dhoom-dhaam se svaagat ki। parantu baap kitni badi authority hai, lekin bachchon bigar koi jaante nahin। ham show bhi nahin kar sakte kyonki nai baat hai। manushya moonjhate bhi hain ki yahaan brahma kahaan se aaya? kyonki aajkal to title bahut rakh dete hain। baba kehte andher nagri hai... kuchh bhi nahin jaante hain। agar samjho saadhu santa, gurooon ko maaloom pad jaae ki baap aaya hai, jisko ham sarvavyaapi kehte the, woh ab mukti-jeevanmukti aakar de rahe hain। achha jaan jaayen to aakar lene lag jaayen, aisa paanv pakad len, jo main chhuda bhi na sakoon। aisa ho to sab kahen ki inke paas jaadu hai aur guru ka maatha kharaab ho gaya hai। parantu abhi aisa hona nahin hai, yeh pichhaadi mein hona hai। kehte hain na kanyaaon ne bheeshmapitaamah ko baan maare। yeh bhi dikhaate hain - baan maarne se ganga nikal aai। to siddha hai pichhaadi mein gyaan amrit sabko pilaaya hai। manushya to kuchh bhi jaante nahin। kah dete hain paramatma to sarvavyaapi hai। buddha ko bhi sarvavyaapi kah dete hain। isko kaha jaata hai patthar buddhi। ham bhi pahle patthar buddhi the। to baap aakar samjhaate hain ki god father ko kabhi bhi saakaari va aakaari nahin kahenge, woh to niraakaar hai। unhein supreme soul kaha jaata hai। aadhaakalpa tumne bhakti ki। kehte hain na - bhakti karte-karte bhagwan milega to zaroor hai ki bhakti karte-karte durgati ko paaya hai phir baap aata hai sadgati karne। kehte bhi hain na - sarva ka sadgati daata। to manushya thode hi samajhte hain ki paramatma kab aur kis roop mein aaya, kah dete hain dvaapar yug mein shreekrishna roop mein aayega, isko kaha jaata hai ghor andhiyaara। kehte hain na - kumbhakran ko neend se jagaaya to jaage nahin। to baap ne ab direction nikaala hai ki pavitra bano aur bhagwan se direct geeta suno। 7 roz quarantine mein bithaao। de daan to chhoote grahan। abhi sabko 5 vikaaron ka grahan laga hua hai isliye patit ban gaye hain। raavanraajya hai na। ab baap kehte hain bachche tum mera bano, doosra na koi। shri-shri 108 ki shreemat par chalne se tum 108 vijayi maala ka daana ban jaayenge। main maala ka daana nahin banta hoon। main to nyaara hoon jiski nishaani phool hai। yugal daana brahma-sarasvati bante hain। pravritti maarga hai na। nivritti maarga vaale maala ke daane mein aa nahin sakte। haan, pavitrata ko dhaaran karte hain to phir bhi achhe hain। parantu yeh guru sadgati de na saken। sadgati daata ek hi satguru hai। satguru akaal kehte hain, sadguru to ek paramatma ko kaha jaata hai। saakaar guru log akaalmoorta thode hi ban sakte hain। laukik baap, teacher, guru ko to kaal kha jaata hai। mujhko to kaal kha na sake। baap kitni achhi-achhi baaten samjhaate hain, jo itni sahaj baaten nahin samajh sakte to baba unko kehte achha baap ko yaad karo। chakra ko bhi yaad karna pade। baap ke saath varse ko bhi yaad karna pade। baap ko yaad karo to vikarma bhasma ho। baap to sammukh aaya hua hai। baap ko ashareeri kaha jaata hai। brahma vishnu shankar sabko apna-apna shareer hai। mujhe to apna shareer hai nahin। tumhaare to maame, kaake sab hain। mera maama, chaacha to koi hai nahin। aata bhi hoon। parantu tum kaise aate ho, main kaise aata hoon। bulaate hain god father। parantu kahaan se aata hoon? paramdham se। jahaan se tum aate ho, jisko brahmaanda kaha jaata hai। is samay tum brahma mukh vanshaavli roodra yagya ke rakshak ho। raajayog ki shiksha dene vaale, raajayog sikhlaane vaale tum teacher ho gaye na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maala ka daana banne ke liye yeh dhaarna pakki karni hai ki mera to ek shivbaaba, doosra na koi। smritirlabdha banna hai।

2) shri shri 108 shivbaaba ki shreemat par poora-poora chalna hai। mera-mera chhod grahan se mukta hona hai।

vardaan:- brahman jeevan mein sada sukh ka anubhav karne vaale maayaajeet, krodhmukta bhav

brahman jeevan mein yadi sukh ka anubhav karna hai to krodhjeet banna ati aavashyak hai। bhal koi gaali bhi de, insult kare lekin aapko krodh na aaye। rob dikhaana bhi krodh ka hi ansh hai। aise nahin krodh to karna hi padta hai, nahin to kaam hi nahin chalega। aajkal ke samay pramaan krodh se kaam bigadta hai aur aatmik pyaar se, shanti se bigda hua kaarya bhi theek ho jaata hai isliye is krodh ko bahut bada vikaar samajhkar maayaajeet, krodh mukta bano।

slogan:- apni vritti ko aisa powerful banaao jo anek aatmaayen aapki vritti se yogya aur yogi ban jaayen।