Daily Murli for Tuesday 29 November 2022

29-11-2022 praatahmurli om shanti "baapdaada"' madhuban

“meethe bachche - tumhein manushya se devta banna hai, isliye daivi phazeelat (manners) dhaaran karo, aasuri avgunon ko chhodte jaao, paavan bano''

prashn:- daivi manners dhaaran karne vaalon ki parakh kis ek baat se ho sakti hai?

uttar:- service se। kahaan tak patit se paavan bane hain aur kitnon ko paavan banaane ki seva karte hain! achhe purushaarthi hain ya abhi tak aasuri avgun hain? yeh sab service se pata chalta hai। tumhaari yeh eeshvareey mission hai hi daivi fajeelat sikhlaane ki। tum shreemat par patit manushya ko paavan banaane ki seva karte ho।

geet:- om namo shivaae…

om shanti। bhakti maarga mein mahima karte hain - shivaae namah...... oonch te oonch shiv, unko hi shiv parmaatmaae namah kaha jaata hai। brahma devtaae namah, vishnu devtaae namah kaha jaata hai aur shiv parmaatmaae namah ..... farka hua na। paramatma ek hai, woh oonch te oonch hai। unki mahima bhi oonch hai। is samay oonche te ooncha kartavya karte hain। unka dhaam bhi oonche te ooncha hai। naam bhi oonch hai aur kisko paramatma nahin kehte। paramatma ke liye hi gaayan hai - he patit-paavan, aate bhi hain patit duniya aur patit shareer mein। patit shareer ka naam hai prajaapita brahma। ismen pravesh kar kehte hain main bahut janmon ke ant vaale saadhaaran manushya tan mein pravesh karta hoon। sookshm vatan vaasi sampoorn brahma mein nahin aate hain। khud kehte hain inke bahut janmon ke ant ke janma mein aata hoon। bahut janma lete hi hain raadhe-krishna। unke bahut janmon ke ant ka janma saadhaaran hai। aise to kehte nahin hain ki main paavan shareer mein pravesh karta hoon। bhagvaanuvaach main saadhaaran tan mein aata hoon। ab bhagwan zaroor aakarke is saadhaaran tan dvaara aatmaon ko baith samjhaate hain ki main parampita paramatma hoon। main krishna ki aatma nahin hoon, na brahma, vishnu, shankar ki aatma hoon। main parampita paramatma hoon, jisko shiv parmaatmaae namah kaha jaata hai। main ismen aaya hoon। main sookshm vatan vaasi brahma mein pravesh nahin karta hoon। mujhe to yahaan patiton ko paavan banaana hai। mere dvaara hi woh sookshm vatan vaasi brahma paavan bana hai, isliye unko sookshm mein dikhaaya hai। kitna achhi reeti samjhaate hain। parantu manushya suni ansuni kar ulti baaton par chalte rehte hain। aasuri buddhi se sunte hain। eeshvareey buddhi se sunen to sanshay sab mit jaayen। trimoorti ka chitra dikhaane bigar samjhaana mushkil hai। unhonne trimoorti brahma naam rakh diya hai kyonki shivbaaba prajaapita brahma dvaara nai duniya ki rachna rachte hain। tum bachche abhi sammukh baithe ho। sab patit se paavan ban rahe hain। jitna jo banega woh service se dikhaai padega। yeh achha purushaarthi hai, inmen ajun avgun hain। devtaaon mein daiveegun the। har ek apne aasuri gun aur unhon ke daiveegun varnan karte hain। abhi aasuri avgunon ko chhodna hai। nahin to oonch pad nahin pa sakenge।

baap samjhaate hain - bachche daiveegun dhaaran karo। khaan-paan, chalan mein fazeelat chaahiye। patit manushyon ko badaphzeelat kahenge। devtaayen fazeelat (manners) vaale hain, tab to unhon ka gaayan hai। har ek ko purushaartha karna hai - jo karega, so paayega। ab bhagwan tumko sahaj raajayog aur gyaan sikhla rahe hain। gyaan saagar ek baap hai, jo tumhein gyaan dekar sadgati mein le jaate hain। unhein hi sukhdev bhi kaha jaata hai। to yahaan ki sab baaten nyaari hain। jo brahman banne vaale honge unhon ki hi buddhi mein yeh gyaan baithega। bahut karke poochhte hain - daada ko brahma kyon banaaya hai? bolo, in baaton ko baith-kar samjho। ham tumko inke 84 janmon ki kahaani sunaayen। sab brahmaakumaar brahmaakumaariyaan paavan ban devta ban jaayenge। paavan banne bigar varsa mil nahin sakta। bhagwan oonch te oonch niraakaar shivbaaba hai। varsa dene ke liye zaroor brahma tan mein aayega। yeh prajaapita brahma hai, sookshm vatan vaasi brahma ko prajaapita nahin kahenge। vahaan thode hi praja rachenge। ham brahmaakumaar kumaariyaan saakaar mein hain to prajaapita brahma bhi saakaar mein hai। yeh raaz aakar samjho। ham is daada ko bhagwan nahin kehte। yeh prajaapita hai, inke tan mein shivbaaba aate hain, paavan banaane। yahaan koi paavan hai nahin। trimoorti shiv ke badle trimoorti brahma kah diya hai। parantu trimoorti brahma ka koi arth nahin hai। brahma ko manushyon ka rachayita bhi kehte hain isliye prajaapita kaha jaata hai। ismen woh niraakaar pravesh kar varsa dete hain। sookshm vatan vaasi brahma paavan hai। woh patit se paavan bante hain। ham brahman bhi patit se paavan devta bante hain। shiv parmaatmaae namah kaha jaata hai। brahma, vishnu, shankar ko devta kaha jaata hai। bhagwan hi bhakton ka rakshak hai। vahi sabko sadgati denge। patit-paavan hain to zaroor aakar patiton ko paavan banaayenge। pahle-pahle paavan hain lakshmi-naaraayan। ve zaroor punarjanma lete honge। 84 janma poore hone se phir saadhaaran manushya ban jaate hain। unmein phir baap pravesh karte hain। to yeh vyakta brahma, woh avyakt brahma। sookshm vatan mein srishti nahin rachi jaati hai। aksar karke log is baat par moonjhate hain to tumko samjhaana hai, baap kehte hain main bahut janmon arthaat 84 janmon ke ant ke janma mein pravesh karta hoon। bhaarat mein pahle devi-devta aaye, woh phir pichhaadi mein ho jaayenge। phir pahle vahi jaakar devi-devta banenge। viraat roop ka chitra bhi zaroor hona chaahiye। bachchon ne arth sahit banaaya hai। brahman choti, devta sir, kshatriy bhujaayen, vaishya pet, shoodra pair। shoodra ke baad phir brahman। varnon ka bhi chakra hua na। yeh bhi samajhna aur samjhaana hai।

baba ne bahut baar samjhaaya hai ki akhbaar mein padta hai phalaana svargavaasi hua, to unko chitthi likhni chaahiye ki svargavaasi hua to zaroor narka mein tha। aur ab hai hi narka to zaroor punarjanma narka mein lenge। agar svarga mein gaya phir tum unko bulaakar narka ka bhojan kyon khilaate ho? tum rote kyon ho? parantu itni buddhi nahin hai jo samjhen ki svarga ki sthaapna to baap hi aakar karte hain। raajayog sikhlaate hain। tum brahman sangam par baap se varsa le rahe ho, baaki sab hain kaliyug mein। sangam par aatma paramatma mil rahe hain, inko kumbha ka mela kaha jaata hai। tum gyaan gangaayen gyaan saagar se nikli ho। bhakti mein samajhte hain - ganga mein snaan karne se paavan ban jaayenge। paavan banaana to tumhaari mission ka kartavya hai। yeh hai eeshvareey mission। tum hi patit manushya ko paavan devta banaate ho shreemat par। shreekrishna patit-paavan nahin hai। woh poore 84 janma lete hain। pahle hain lakshmi-naaraayan phir ant mein brahma sarasvati। aadi dev, aadi devi bante hain, abhi yeh baaten kisne samjhaai? shiv parmaatmaae namah gaate bhi hain - he parampita paramatma aapki gat mat sabse nyaari hai। woh shreemat dete hain gati ke liye। gati aur sadgati। dugarti vaalon ki sadgati karne vaala। unki shreemat sab manushyon se nyaari hai। baaki bhakti maarga hai ghor raatri, aadhaakalpa hai gyaan din। shivbaaba kehte hain main andhiyaari raat mein aata hoon, raat ko din banaane। yeh gyaan ek hi gyaan saagar shivbaaba ke paas hai। rishi muni aadi sab kehte aaye hain ki paramatma beanta hai। baap ko nahin jaante to goya naastik thahre। aadhaakalpa hai naastik, aadhaakalpa hai aastik। tum ab baap ko, baap ki rachna ke aadi-madhya-ant ko jaante ho aur koi nahin jaante isliye kaha jaata hai - nidhan ke। anek dharma anek maten ho gai hain। ab baap kehte hain is puraani duniya ka sanyaas karna hai। yaad karna hai shantidham aur sukhdhaam ko। jitna yaad karenge utna oonch pad paayenge। grihastha vyavhaar mein bhal raho sirf pavitra bano। dhandhe bigar grihastha kaise chalega। sirf pavitra banna hai aur baap ko yaad karna hai। baap kehte hain main sonaar bhi hoon। tumhaari aatma aur shareer donon hi patit hain isliye tumhaari aatma jab paavan banen tab phir shareer bhi paavan mile। sachche sone ka jevar bhi aisa banega na। ab to aatma aur shareer donon hi iron aged hain। phir paavan banaane ki yukti baap bataate hain isliye kehte hain tumhaari gat mat, shreemat sabse nyaari hai। abhi tum jaante ho yeh sadgati ka raasta koi batla nahin sakte hain। gaayan hota hai to zaroor kuchh karke gaye hain। abhi kaliyug hai phir satayug hona hai। sangam par tum baithe ho। tum brahma vanshi brahman ho। kamal phool sam pavitra rehte ho। tumhaari maaya ke saath yuddha hai। maaya se hi kai fail ho jaate hain। kaam ka ghoonsa jor se lagta hai। baba kehte hain khabardaar raho। agar gira to phir kisi ko kah nahin sakenge ki kaam mahaashatru hai। baap kehte hain phir bhi purushaartha karo, ek baar haraaya, doosri baar haraaya phir agar teesri baar haraaya to khatma। pad bhrashta ho jaayega। pratigya ki hai to us par poora rehna hai। pratigya kar phir patit nahin banna chaahiye। parantu sab to pratigya par kaayam nahin rehte hain। girte bhi rehte hain। koi phir baap ko chhod bhi dete hain। bahut bhaagne vaale bhi hain। ant mein tumko poora saakshaatkaar hoga ki kaun kya banenge! purushaartha poora karna chaahiye। jo duhkh dete hain woh duhkhi hokar marte hain। baap to sabko sukh dene vaala hai। tumhaara bhi kaam hai sabko sukh dena। karmana mein bhi kisko duhkh diya to duhkhi hokar marenge। pad bhi bhrashta ho jaayega। behad ke baap ke saath poora pharmaanbardaar, vaphaadaar hokar rehna hai । achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ke saath vaphaadaar, pharmaanbardaar hokar rehna hai। kabhi kisi ko duhkh nahin dena hai।

2) baap se poora varsa lene ke liye pavitra banne ka purushaartha karna hai। kaam ki chot kabhi nahin khaani hai। isse bahut saavdhaan rehna hai।

vardaan:- maalikpan ki smriti se shaktiyon ko order pramaan chalaane vaale svaraajya adhikaari bhav

baap dvaara jo bhi shaktiyaan mili hain un sarva shaktiyon ko kaarya mein lagaao। samay par shaktiyon ko use karo। sirf maalikpan ki smriti mein rahkar phir order karo to shaktiyaan aapka order maanengi। agar kamjor hokar order karenge to nahin maanengi। baapdaada sabhi bachchon ko maalik banaate hain, kamjor nahin। sab bachche raaja bachche hain kyonki svaraajya aapka birth right hai। yeh birth-right koi bhi chheen nahin sakta।

slogan:- trikaaldarshi sthiti mein sthit rahkar har karma karo to saphalta milti rahegi।

maateshvari ji ke anmol mahaavaakya

ab yeh jo ham kehte hain ki prabhu ham bachchon ko us paar le chalo, us paar ka matlab kya hai? log samajhte hain us paar ka matlab hai janma maran ke chakra mein na aana arthaat mukta ho jaana। ab yeh to hua manushyon ka kehna parantu vo kehta hai bachchon, sachmuch jahaan sukh shanti hai, duhkh ashaanti se door hai usko koi duniya nahin kehte। jab manushya sukh chaahte hain to vo bhi is jeevan mein hona chaahiye, ab vo to satayugi vaikuntha devtaaon ki duniya thi jahaan sarvada sukhi jeevan thi, usi devtaaon ko amar kehte the। ab amar ka bhi koi arth nahin hai, aise to nahin devtaaon ki aayu itni badi thi jo kabhi marte nahin the, ab yeh kehna unhon ka wrong hai kyonki aise hai nahin। unki aayu koi satayug treta tak nahin chalti hai, parantu devi devtaaon ke janma satayug treta mein bahut hue hain, 21 janma to unhonne achha raajya chalaaya hai aur phir 63 janma dvaapar se kaliyug ke ant tak total unhon ke janma chadhti kala vaale 21 hue aur utarti kala vaale 63 hue, total manushya 84 janma lete hain। baaki yeh jo manushya samajhte hain ki manushya 84 laakh yoniyaan bhogte hain, yeh kehna bhool hai। agar manushya apni yoni mein sukh duhkh donon part bhog sakte hain to phir jaanvar yoni mein bhogne ki jaroorat hi kya hai। ab manushyon ko yeh knowledge hi nahin, manushya to 84 janma lete hain, baaki srishti par jaanvar pashu, panchhi aadi total 84 laakh yoniyaan ho sakti hain। anek kisma ki jaise paidaaish hai, usmein bhi manushya, manushya yoni mein hi apna paap punya bhog rahe hain। aur jaanvar apni yoniyon mein bhog rahe hain। na manushya jaanvar ki yoni leta aur na jaanvar manushya yoni mein aata hai। manushya ko apni yoni mein (janma mein) bhogna bhogni padti hai to duhkh sukh ki mahsoosta aati hai। aise hi jaanvar ko bhi apni yoni mein sukh duhkh bhogna hai। magar unhon mein yeh buddhi nahin ki yeh bhogna kis karma se hui hai? unhon ki bhogna ko bhi manushya feel karta hai kyonki manushya hai buddhivaan, baaki aise nahin manushya koi 84 laakh yoniyaan bhogte hain। jad jhaad bhi yoni lete hain, yeh to sahaj aur vivek ki baat hai ki jad jhaad ne kya karma akarma kiya hai jo unhon ka hisaab-kitaab banega, jaise dekho gurunaanak saahab ne aise mahaavaakya uchchaaran kiye hain - antakaal mein jo putra simre aisi chinta mein jo mare suar ki yoni mein val val utre .. parantu is kahne ka matlab yeh nahin hai ki manushya koi sookar ki yoni leta hai parantu sookar ka matlab yeh hai ki manushyon ka kaarya bhi aisa hota hai jaise jaanavron ka kaarya hota hai। baaki aise nahin ki manushya koi jaanvar bante hain। ab yeh to manushyon ko daraane ke liye shiksha dete hain। to apne ko is sangam samay par apni jeevan ko paltaae paapaatma se punyaatma banna hai। achha - om shanti।