Daily Murli for Wednesday 14 December 2022

14-12-2022 praatahmurli om shanti "baapdaada"' madhuban

“meethe bachche - tumhein gyaan ka teesra netra mila hai, tum trikaaldarshi bane ho lekin yeh alankaar abhi tumhein nahin de sakte kyonki tum purushaarthi ho''

prashn:- grihastha mein rehte karma avashya karna hai lekin kis ek baat ki sambhaal zaroor rakhni hai?

uttar:- karma karte, vyavhaar mein aate anna ki bahut parhez rakhni hai। patiton ke haath ka nahin khaana hai, apne ko bachaate rehna hai। karma sannyaasi nahin banna hai lekin parhez zaroor rakhni hai। tum karmayogi ho। karma karte baap ki yaad mein raho to vikarma vinaash honge।

om shanti। baap bachchon ko baith samjhaate hain। jab koi geeta aadi sunaate hain to kehte hain yada yadaahi… jab-jab dharma ki glaani, adharma ki vriddhi hoti hai, tab bhagwan aate hain। barobar dharma ki glaani hoti hai। glaani maana ninda... to bhaarat mein dharma ki glaani aur adharma ki vriddhi ho jaati hai। main aata hi tab hoon, jab yeh haalat hoti hai। bahut duhkh hai, maut saamne khada hai। vinaash ke liye moosal bhi taiyaar hain। abhi tum bachche jaante ho baba aaya hua hai, aadi sanaatan dharma ki sthaapna karne। brahma dvaara sthaapna, shankar dvaara vinaash, vishnu dvaara paalna... barobar yeh teenon kartavya abhi chal rahe hain।

abhi tum brahman ho aur jaante ho abhi ham brahman se phir devta ban rahe hain। abhi shivbaaba ke potre hain। shivbaaba ka ek bachcha, ek se phir tum kitne bachche bante jaate ho। patiton ko paavan banaane ki seva tum kar rahe ho। yeh hai behad ka yagya। yagya mein saari puraani duniya svaaha hui thi। is yagya ke baad phir koi yagya hoga hi nahin। satayug treta mein koi yagya rachte hi nahin। yagya rachte hi hain vighnon ko hataane ke liye। yeh to bahut bhaari vighna hai, to iske liye bada yagya chaahiye। yeh hai behad ka yagya। ismen puraani duniya ki saamagri jo bhi hai sab svaaha honi hai। rudra athva shivbaaba ek hi hai। jaise shiv ka roop hai vaise rudra ka bhi roop hai। shreekrishna to saakaari hai, iska sachcha-sachcha naam hi hai shiv gyaan yagya। shivbaaba kehte hain, rudra baba nahin kehte hain। bhola bhandaari shivbaaba ko kehte hain। yeh hai shivbaaba ka yagya। unse humein srishti ke aadi-madhya-ant ki knowledge mil rahi hai। tum jaante ho hamko gyaan ka teesra netra mila hai। devtaaon ko teesra netra dikhaate hain na। parantu yeh hai gyaan ka teesra netra jo tum braahmanon ko milta hai, jisse tum devta bante ho। vahaan teesre netra ki darkaar nahin hai। parantu tumko to dikha nahin sakte kyonki tum purushaarthi ho। chalte-chalte bhaag jaate ho isliye jo final result vaale hain unko yeh alankaar diye hain। nahin to devtaaon ke paas thode hi shankh, chakra aadi hain। yeh srishti chakra ke aadi-madhya-ant ki knowledge tumko suna rahe hain। unhonne phir shaastron mein likh diya hai ki svadarshan chakra se phalaane ko maara, yeh kiya। baap kehte hain main to patiton ko paavan banaane aata hoon, ismen hinsa ki to baat hi nahin hai। devtaaon ka hai hi ahinsa parmo dharma। shreekrishna ke liye phir hinsa karna kaise likha hai। kaise wonderful chitra banaaye hain। vahaan hi geeta sunaate, raajayog sikhaate, vahaan hi phir kisko maarte hain। baap ko to yaad karte hi isliye hai ki aakar patit duniya ko paavan banaao, raajayog sikhaao। baap kehte hain gyaan ka saagar, knowledgeful main hoon। tumko knowledge mil rahi hai, isko hi amraktha kehte hain। woh to shivshankar ko ek kah dete hain। shankar sookshmavtanvaasi, woh kaise katha sunaayenge। unko to knowledgeful nahin kaha jaata। shivbaaba saare srishti chakra ka raaz samjhaate hain। jo knowledge koi ke paas hai nahin। baap dhani ko na jaanne ke kaaran hi orphan ban pade hain। ladte-jhagadte rehte hain। satayug mein koi jhagda hota hi nahin। na rona, na peetna... isliye mohjeet raaja ki katha sunaate hain। kathaayen to dher hain। har ek dharma mein kisam-kisam ki kathaayen hain, jo sab bhakti maarga ki saamagri hai। bhakti karte hain bhagwan se milne liye। aadhaakalpa bhakti karte aaye hain। bhagwan to kisko mila hi nahin। ab baap ne tum bachchon ko parichay diya hai। tumhein phir auron ko dena hai। san shows father... to baap ka parichay de sabko knowledge bataate rehte ho।

tum har ek bachche ki buddhi mein hai ki shivbaaba hamaara roohaani baap hai। yeh bhi bhakti maarga vaalon ko samjhaana hai ki tumhaare do baap hain। ek laukik baap, doosra paarlaukik baap, jisko god father kehte hain jisne yeh behad ki rachna rachi hai। baap se to zaroor varsa milta hoga। woh hai hi svarga ki rachna rachne vaala। bhaarat svarga tha। in lakshmi-naaraayan ka raajya tha। unhon ko yeh raajya kisne diya? kaliyug ant mein koi bhi vishwa ka maalik hai nahin। yeh hai hi raavan ka raajya, khud bhi kehte hain hamko raamraajya, nai dehli mein daivi raajya chaahiye। raamraajya hai satayug-treta। raavan raajya hai dvaapar kaliyug। dvaapar se hi bhakti maarga shuru hota hai। vikaar bhi shuru hote hain, jiski nishaaniyaan bhi hain। jagannaathpuri ke mandir mein baahar devtaaon ke gande chitra banaaye hain। taaj takhta aadi vahi hai, sirf chitra vikaari dikhaate hain। jab devtaayen vaam maarga mein jaate hain to phir dharti ki uthal paathal bhi hoti hai। sone-heere ke mahal sab neeche chale jaate hain। pooja ke liye kitna bhaari mandir banaaya hai, bhakti maarga mein। aape hi poojya aapehi pujaari। baap samjhaate hain - main to pujaari nahin banta hoon। agar main banoon to mujhe phir poojya kaun banaayega? main na patit banta hoon, na banaata hoon। patit tumko raavan banaate hain, jisko jalaate aate hain। is samay paap aatmaon ki duniya hai। gaate bhi hain patit-paavan aao। phir kah dete patit-paavan seetaaraam। jhat treta vaale raam ki yaad aa jaati hai। ab woh to patit-paavan nahin hai। baap yeh sab baaten samjhaate hain। tum sab seetaayen ho, dropdiyaan ho। ek ki baat nahin hai। dropdi ko 5 pati dikhaate hain। aisi baat hai nahin। bhaarat hi praacheen pavitra khanda tha kyonki patit-paavan parampita paramatma ka birth place hai। usne yahaan aakar patit narkavaasiyon ka uddhaar kiya hai। sab dharma vaale god father ko yaad karte hain kyonki sab tamopradhaan hain। ibraahim, bauddha aadi sab is samay haazir hain। pahla number brahma bhi patit duniya mein hai to aur koi vaapas kaise ja sakta। sabhi is samay kabradaakhil hain। baap aakar sabko gati sadgati dete hain। satayug mein bhaarat pavitra tha। devtaaon ke aage gaate bhi hain aap sarvagun sampanna, sampoorn nirvikaari... ham vikaari hain। is samay sab vikaari hain, sabko nirvikaari banaane baap ko aana padta hai। to patit-paavan baap thahra, na ki paani ki nadiyaan। patit-paavan gyaan saagar se nikli hui yeh gyaan gangaayen। shiv shakti sena hai। shiv se gyaan ka kalash milta hai। baap kehte hain - bachche grihastha vyavhaar mein rehte pavitra bano। karma bhi zaroor karna hai। yeh hai hi karmayog। karma-sannyaas to nahin ho sakta। woh samajhte hain ghar mein khaana nahin banaate, bheekh par guzaara karte hain, isliye karma sannyaasi hain। woh to phakeer thahre। anna to vikaariyon ka pet mein padta hai, to annadosh lag jaata hai। patit ghar se bhal nikal jaate hain phir bhi janma to patit ghar mein lena padta hai। tumko bhi anna asar karega, isliye parhej rakhi jaati hai। patit ka anna nahin khaana chaahiye। jitna ho sake apne ko bachaate raho। koi ka bahut jhagda bhi ho jaata hai। ek bhaai gyaan mein aata, doosra nahin aata aise bahut case hote hain। itna behad ka raajya lete ho to zaroor kuchh jhagde honge। koi bhi haalat mein tumko apna bachaav rakhna hai। mukti to koi paate nahin hain। gapode maarte rehte hain ham jyoti jyot mein leen honge। samjhaate-samjhaate aakhir unhon ki buddhi mein bhi aayega ki yeh baat theek hai। satayug ki aayu agar laakhon varsha hoti to sankhya bahut badh jaati। abhi to sankhya aur hi sabse thodi hai kyonki convert ho gaye hain aur dharmon mein। devta dharma vaale hain sooryavanshi। raam ko phir kshatriy ki nishaani de di hai। abhi tum roohaani kshatriy ho। maaya par jeet paate ho, ismen samajhne ki badi buddhi chaahiye। yog bhi bada sahaj hai। aatmaon ka yog lagta hai parampita paramatma ke saath। yog aashram to bahut hain parantu woh sab hathayog karaate hain। yeh thode hi kehte hain parampita paramatma ke saath yog lagaao। tum bachche jaante ho - baba hamko dalaal ke roop mein mile hain। kehte hain - maamekam yaad karo to khaad nikal jaayegi। yaad karte-karte tum muktidhaam mein chale jaayenge।

baap baith samjhaate hain - bachche duniya ka haal dekho kya ho gaya hai। tum jo vishwa ke maalik the, ab beggar ban pade ho phir beggar tu prince banna hai। bhaarat beggar hai। patit raajaayen, paavan mahaaraana-mahaaraani ke mandir banaakar pooja karte hain। niraakaar shivbaaba ki pooja karte hain। zaroor kuchh kiya hoga। kitne mandir hain। tum abhi jaante ho 5 hajaar varsha pahle bhi aakar raajayog sikhaaya tha। tumne anek baar raajya liya hai aur ganvaaya hai। ab phir shantidham aur sukhdhaam ko yaad karo, duhkhadhaam ko bhoolte jaao। yeh sab vinaash hona hai। phir tum svarga ke maalik ban jaayenge। baap kehte hain - main tumhaara behad ka baap bhi hoon, tumko behad ka varsa dene aaya hoon। tumhaari dil mein khushi hai, ham apni raajdhaani shreemat par sthaapan kar rahe hain। parantu hai saara gupta। raavan par jeet paani hai। gaaya bhi jaata hai maaya jeete jagat jeet। 5 vikaaron par jeet paani hai। 5 vikaaron ka sannyaas karna hai। khivaiya to ek baap hai। sabki sadgati karne vaale satguru bigar ghor andhiyaara hai। bhaarat mein guru to bahut hain। har ek stri ka pati bhi guru hai। phir itni durgati kyon hui hai? kah dete hain sab eeshvar ke roop hain। ham eeshvar hain। phir yog kisse lagaayen? phir to bhakti hi banda ho jaaye। phir he bhagwan kah kisko bulaate hain? saadhna kiski karte hain? khud eeshvar thode hi kabhi beemaar padta hai। parantu koi poochhne vaala nahin hai। darte rehte hain, shraap na mil jaaye। vaastav mein shraap dene vaala hai raavan। baap to varsa dete hain। raavan dushman hai isliye jalaate rehte hain। lakshmi-naaraayan ke chitra ko kab jalaate hain kya? bilkul nahin। raavan kya cheez hai - abhi tumko maaloom pada hai। satayug mein paavan pravritti mein sukh tha। abhi patit pravritti mein duhkh hai। abhi iska vinaash hona hai। tum dekhenge earthquake aadi hoti rahengi। baba bhi kahaan tak baith shiksha denge? limit hogi na। raajaai sthaapan hogi aur vinaash hoga। ant mein tum bahut maze dekhenge, shurooaat se bhi jaasti। woh to paakistaan tha। abhi to vinaash ka samay hai। tumko baba bahut kuchh dikhaayenge। phir jo achhi reeti nahin padhe hue honge woh andar phathakte rahenge। kya kar sakte hain? abhi jitna purushaartha karna hai kar lo, baal-bachchon ko to sambhaalna hi hai। kaayar nahin banna hai। kadam-kadam shreemat par chalna hai। baap ko yaad karte rehna hai। bas ismen hi mehnat hai। paapon ka bojha sir se kaise utre? uske liye hai sahaj yog। yeh hai gyaan bal, yogbal jisse maaya par vijay paakar vishwa ke maalik bante ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par gyaan aur yogbal se maaya par vijay paani hai। vinaash ke pahle apne vikarmon ko vinaash karna hai।

2) behad ka raajya lene ke liye har baat mein apna bachaav karte rehna hai। annadosh se bahut sambhaal karni hai।

vardaan:- sangamayug ke mahatva ko jaan sneh ki anubhootiyon mein samaane vaale sampoorn gyaani yogi bhav

sangamayug parmaatma sneh ka yug hai। is yug ke mahatva ko jaankar sneh ki anubhootiyon mein sama jaao। sneh ka saagar sneh ke heere motiyon ki thaaliyaan bharkar de rahe hain, to apne ko sada bharpoor karo। thode se anubhav mein khush nahin ho jaao, sampanna bano। ye parmaatma pyaar ke heere-moti anmol hain, isse sada saje sajaaye raho kyonki yeh sneh hi yog hai aur sneh mein samaana hi sampoorn gyaan hai। aise roohaani sneh ka sada anubhav karne vaale hi sampoorn gyaani-yogi hain।

slogan:- jo vyartha ki feeling se pare rehta hai vahi maayaajeet banta hai।