Daily Murli for Thursday 15 December 2022

15-12-2022 praatahmurli om shanti "baapdaada"' madhuban

“meethe bachche - tumhein laukik alaukik parivaar se tod nibhaana hai, lekin kisi mein bhi moh nahin rakhna hai, moh jeet banna hai''

prashn:- kayaamat ka yeh samay hai, isliye baap ki kaunsi shreshtha mat sabko sunaate raho?

uttar:- baap ki shreshtha mat sunaao ki kayaamat ke pahle apne paapon ka hisaab-kitaab chuktu kar lo। apna bhavishya shreshtha banaane ke liye baap par poora-poora balihaar jaao। kayaamat ke pahle gyaan aur yog se mukti-jeevanmukti ka varsa le lo। saara purushaartha abhi hi karna hai। baap par sab kuchh balihaar karenge to 21 janma ke liye mil jaayega। baap ka bankar har kadam par direction lete raho।

om shanti। baap baith bachchon ko samjhaate hain। abhi tumko 3 baap se tod nibhaana hai। bhaktimaarga mein do baap se tod nibhaana hota hai। jab satayug mein ho to ek baap se tod nibhaana hota hai। theek hai na? hisaab buddhi mein baithta hai? jiska banna hota hai, unse tod bhi nibhaana hota hai isliye baap kehte hain laukik kutumba parivaar se bhi tod nibhaana hai ant tak। koi laukik sambandhi ko chitthi likhte ho to via post office jaati hai। yahaan bhi behad ke baap ko chitthi likhte ho, shivbaaba care of brahma। in baaton ko sivaae tumhaare aur koi nahin samajhte। yahaan koi naya aadmi aakar baithe aur baba kahe, tumko 3 baap hain, to samajh na sake। ek hai laukik baap। doosra - yeh sangamayugi alaukik baap aur teesra paarlaukik baap to sabka hai hi। bhakti maarga mein bhi hai to abhi bhi hai। yeh koi jaante nahin। sirf unka gaayan poojan karte hain। tum bachche teenon hi baap ki jeevan kahaani jaante ho। kitni baaten samjhaani padti hain।

satayug mein sab sadgati mein hain। sukhi hi sukhi hain। sabhi sukhdhaam, shantidham mein hain। raavanraajya mein sabhi duhkhi hain। devtaayen vaammaarga mein jaate hain to girne lag padte hain। dikhlaate hain sone ki dvaarika paani ke neeche chali gayi। yeh chakra phirta rehta hai। nai oopar mein aayegi to puraani phir neeche chali jaayegi। phir satayug neeche jaayega to kaliyug oopar aa jaayega। phir satayug oopar kab aayega? 5 hajaar varsha baad। bachchon ki buddhi mein yeh saara knowledge aa gaya hai। knowledge to sahaj hai। sirf yog ki mehnat karni padti hai। koi jaasti yaad karte hain, koi thoda yaad karte hain। to maat-pita bachchon ko samjhaate hain - laukik sambandhiyon se bhi tod nibhaana hai। aaj nahin to kal unhon ki bhi buddhi mein baithega। dekhenge yeh to theek hai। ek baap ko yaad karna hai। koi bhi saadhu-santa guru aadi ko yaad nahin karna hai। yaad chaitanya ko bhi karte hain to jad ko bhi karte hain। satayug mein koi mein bhi moh nahin rehta। vahaan mohjeet rehte hain। yahaan sabmen moh rehta hai। farka hai na। drama mein har ek yug ki rasam-rivaaj apni-apni hai। yeh baap baith samjhaate hain kyonki baap hi knowledgeful hai। hai yeh bhi baap, woh bhi baap। woh bhi creator, yeh bhi creator। brahma dvaara create karte hain। adopt karte hain। adopt karna arthaat apna banaana। shoodra dharma vaale, jinka bahut janmon ke bhi ant ka janma hai, unko baap adopt karte hain। tum bachche baap ko jaan gaye ho aur baap dvaara srishti chakra ko bhi jaan chuke ho। baap dvaara kya varsa milta hai, unko bhi jaan gaye ho। tum bade ho, samajhte ho tab to adopt hue ho। bigar samajh adopt kaise honge। koi ko apna bachcha nahin hota to doosre ko apna banaate hain। saahookaar ka hi bachcha banenge। gareeb ka thode hi bachcha banenge। baap kehte hain mujhe bachche chaahiye। zaroor adopt karenge। yeh bhi tum jaante ho - adopt unko karenge jinko kalpa pahle kiya hai। jo kalpa pahle part chala hai, vahi act repeat hoti jaayegi। jab mere banenge tab unko padhaaoonga। baap ko aur ghar ko yaad karo। sukhdhaam aur shantidham ko yaad karna - bahut sahaj hai। parantu buddhi badi vishaal chaahiye। chhote bachche samajh nahin sakenge। woh sirf baba, baba kahenge aur koi ke paas jaayenge nahin। yahaan to sab hain gupta baaten। samajh bhi hai - buddhi ko taakat milti hai। taakat milne se sone ke ban jaate hain। koi kamjor hote hain to unko sone ka solution pilaate hain। sone ka paani bhi banaate hain। yahaan to tumko roohaani knowledge mil rahi hai। yeh knowledge hi income hai। knowledge to sabko ek hi milti hai, phir jo purushaartha kare। ismen moonjhane va ghabraane ki koi baat nahin। sirf baba ka banna hai। baap ke varse ko yaad karna hai। saara din to nirantar yaad kar nahin sakenge। dhandha aadi bhi karna hai। koi ko to dhandha aadi bhi nahin hai, phir bhi yaad nahin kar sakte। jab tak karmaateet avastha nahin hui hai, purushaartha karte rehna hai। woh vaayumandal dikhaai padega। samjhenge abhi samay najdeek aata jaata hai। jab bahut duhkh aayega to phir bhagwan ko yaad karte rahenge। maut saamne dikhaai padega। tumhaare mein bhi sabko apni avastha ka maaloom pad jaayega ki hamaari kamaai kam hai। yog hoga to aatma se khaad nikalti jaayegi। phir baba bhi buddhi ka taala dheela karenge। manushya beemaari mein eeshvar ko yaad karte, dar rehta hai। sab unko yaad karaate hain - raam kaho, raam kaho। baap bhi kehte hain baap aur varse ko yaad karte raho। ek do ko saavdhaan kar unnati ko paana hai। aise nahin purush chale, stri ko na chalaaye। yeh joda hai half partner ka, parantu aajkal half partner bhi samajhte nahin hain। koi-koi ijjat rakhte hain। nahin to aajkal bachche aise nikal pade hain jo baap ki milkiyat ko uda dete hain, maa ko poochhte bhi nahin। vahaan to yeh sab baaten hoti nahin, kabhi duhkh nahin hota। yahaan pahle-pahle duhkh hi milta hai, sagaai ki aur lagi kaam kataari। deviyon ko talvaar aadi dikhaate hain। vaastav mein yeh hain gyaan ke alankaar। svadarshan chakra bhi devtaaon ko nahin hain। yeh tum braahmanon ke hain। gada bhi tumhaari nishaani hai। gyaan ki gada se tum maaya par jeet paate ho। baaki vahaan aisi cheezon ki darkaar nahin rehti। vahaan badi mauj se rehte hain। tapasya karne ki bhi darkaar nahin। woh to tapasya ka phal hai। sookshm vatan mein hain pharishte। woh hai pharishton ki duniya। yahaan pharishte nahin rehte। devtaaon ko devta kahenge। woh hain pharishte aur yahaan hain manushya। sabhi ka alag-alag section hai। satayug mein devtaayen raajya karte hain। woh hai talkie duniya। sookshm vatan mein hai movie duniya। duniya bhi 3 hain, mool vatan, sookshm vatan aur sthool vatan। teen lok kehte hain na। tumhaari buddhi mein yeh practical mein hai। manushya to suni-sunaai par chalte hain। tum achhi reeti jaante ho ki yeh duniya ka chakra kaise phirta hai। teenon lokon ko jaante ho। sivaae baap ke aadi-madhya-ant ka raaz koi bata nahin sakte। koi bhi trikaaldarshi hai nahin। yeh thode hi koi jaante hain ki mool vatan mein aatmaayen kahaan, kaise rehti hain। tum jaante ho vahaan aatmaon ka jhaad hai। vahaan se nambarvaar aate hain। ham sab aatmaayen bachche shivbaaba ki maala hain। jaise sijra banaate hain। Christian log bhi jhaad banaate hain। khushi manaate hain। Christ ka birth de manaate hain। abhi tum kiska birth de manaayenge? manushyon ko yeh pata hi nahin ki hamaara dharma sthaapak kaun hai? aur sabhi dharma sthaapan karne vaale ka hisaab-kitaab nikaalte hain। devi-devta dharma kisne sthaapan kiya, yeh kisko pata nahin hai। baap baith samjhaate hain, majority maataaon ki hai। shaktiyon ka maan badhaana chaahiye। aise nahin ki hamko deh-abhimaan aa jaae, ham hoshiyaar hain। nahin। phir bhi maan rakhna hai maata ka। naam hi hai brahmaakumaari vishvavidyaalay। gyaan ka kalash maataaon ke sir par rakhte hain। woh teekhi hain। sarasvati ke haath mein sitaar di hai। shreekrishna aur sarasvati ke connection ka bhi pata nahin hai। sarasvati brahma ki beti hai। yeh bhi kisko mushkil pata hoga। har ek baat achhi reeti samjhaai jaati hai।

baap ne samjhaaya hai - is gyaan-yog ke sivaae koi bhi mukti-jeevanmukti pa nahin sakte। aur sab to yeh padhenge bhi nahin। har ek ko apna hisaab-kitaab chuktu karna hai। paap ka danda to milta hi hai। duniya vaale yeh nahin samajhte ki ab kayaamat ka samay hai। tumhaara sab paapon ka hisaab-kitaab chuktu hota hai। bhavishya ke liye itna jama karna hai jo aadhaakalpa chal sake। saara purushaartha abhi karna hai। baap kehte hain sab kuchh balihaar kar do to unka phal 21 janma ke liye mil jaayega। gareeb jhat sauda kar sakte hain। jinke paas laakh-karod hain, buddhi mein baith na sake। baap kuchh lete nahin hain। kehte hain - tum trustee hokar sambhaalo। shreemat par tum chalo। main to jeeta hoon। koi jeete ji bhi trust mein dete hain। samajhte hain achaanak mar jaaoon to jhagda pad jaayega। baba bhi jeete ji baitha hai। kehte hain - baap ka ban direction lo। yeh karoon va na karoon। baba raay denge bhal yeh karo - har ek ki avastha par madaar hai। koi will bhi kar lete hain। moh bhi bahuton mein hai, jo apne paanv par hoga unko bhi de denge। baap ke paas koi chaalaak bhi hain - bachchon ko baant kar baaki apne liye rakhte hain। bas ham unse chalte hain। aise bhi karte hain। yeh to behad ka baap hai। har ek bachche ko jaante hain, drama ko bhi jaante hain। samajhte hain ismen paise ki darkaar nahin hai। us military par government ka bahut kharcha hota hai। tumhaara kharcha kuchh bhi nahin। raat-din ka farka hai। tum jaante ho yeh saari milkiyat aadi khatma ho jaane vaali hai। hamko dharni hi nai satopradhaan chaahiye। abhi to tamopradhaan hai। lakshmi ka aahvaan karte hain, to saare ghar ki saphaai karte hain, shuddh ghar mein devi aaye।

baba ne samjhaaya hai devtaayen is dharti par pair nahin rakhte। woh sirf saakshaatkaar karaate hain। saakshaatkaar mein pair thode hi dharni par hote hain। meera bhi dhyaan mein dekhti thi। yahaan koi devta aa na sake। devtaayen satayug mein hote hain kaliyug mein phir unke against hai। devtaaon aur asuron ki ladaai hai nahin। vaastav mein yeh hai maaya se ladaai। yogbal se maaya par jeet pahnaane vaala, sarva ka sadgati daata ek baap hai। pahle-pahle hai hi rudra maala। vahaan is maala ko koi jaante hi nahin। tum sangamayug par hi jaante ho ki braahmanon ki maala to ban na sake। peechhe hai phir vishnu ki maala। yeh sab hain detail ki baaten। koi kehte hain humein dhaarna nahin hoti hai। achha koi harja nahin hai। baap ko yaad karna to sahaj hai na। tum baap ko kaise bhoolte ho। jis baap se svarga ka varsa milta hai। jabardasta aamadni hai। phir bhi maaya buddhi ka yog hata deti hai। saajan jo shrringaar karaae mahaaraani banaate hain, aise saajan ko bhool jaate hain। aadhaakalpa maaya ka raajya chalta hai। abhi tum maaya par jeet paakar jagatjeet bante ho।

yeh saari duniya kaise chalti hai - tum aadi se ant tak jaante ho। naatak dekhkar aate hain, usmein maaloom padta hai pichhaadi mein ab yeh scene hogi। ismen aise nahin hai। tum jaante ho second by second jo chalta hai so drama। drama ke patte par majboot rehna hai। jo kuchh ho jaata, drama। naaraaz hone ki koi baat nahin। koi ne shareer chhoda unko jaae apna part bajaana hai। ek shareer chhod doosra liya। tumhaari buddhi mein yeh svadarshan chakra phirta rehna chaahiye। tumko shankhadhvani karni hai, baap ka parichay dena hai। haath mein chitra ho ki yeh lakshmi-naaraayan bhaarat ke maalik the। abhi kaliyug hai। phir baap aaya hai - raajya bhaagya dene। ham brahmaakumaar-kumaari padh rahe hain, daade se varsa le rahe hain। tumko bhi lena ho to lo। yeh hai tumhaara nimantran phir bahut aayenge, vriddhi hoti jaayegi। shiv jayanti par bhi achha hi aavaaj hoga। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) drama ke patte par majboot rehna hai। kisi bhi baat mein naaraaz nahin hona hai। sada raazi rehna hai।

2) ek do ko saavdhaan kar unnati ko paana hai। dhandha aadi karte bhi baap ki yaad mein rahne ka purushaartha karna hai।

vardaan:- sukh swaroop ban sabko sukh dene vaale master sukhdaata bhav

sangamayugi brahman arthaat duhkh ka naam-nishaan nahin kyonki sukhdaata ke bachche master sukhdaata ho। jo master sukhdaata, sukh swaroop hain woh svayan duhkh mein kaise aa sakte hain। buddhi se duhkhadhaam ka kinaara kar liya। ve svayan to sukh swaroop rehte hi hain lekin auron ko bhi sada sukh dete hain। jaise baap har aatma ko sada sukh dete hain aise jo baap ka kaarya vo bachchon ka kaarya। koi duhkh de raha hai to bhi aap duhkh nahin de sakte, aapka slogan hai “na duhkh do, na duhkh lo।''

slogan:- harshit aur gambheer banne ke balance ko dhaaran kar ekras sthiti mein sthit raho।