Daily Murli for Friday 16 December 2022

16-12-2022 praatahmurli om shanti "baapdaada"' madhuban

“meethe bachche - baap ko aur chakra ko yaad karo, mukh se kuchh bhi bolne ki darkaar nahin, sirf is narka se dil hata do to tum ever nirogi ban jaayenge''

prashn:- baap direct aakar apne bachchon ki shreshtha praalabdha banaane ke liye kaun si raay dete hain?

uttar:- bachche, ab tumhaara sab kuchh khatma hone vaala hai। kuchh bhi kaam nahin aayega isliye sudaame ki tarah apni bhavishya praalabdha bana lo। baap direct aaya hai to apna sab kuchh saphal kar lo। hospital kam college khol do jisse bahuton ka kalyaan ho। sabko raasta bataao। shreemat par sada chalte raho।

om shanti। behad ka baap bachchon ko samjha rahe hain। samjhaaya usko jaata hai jo besmajh hote hain। tum jaante ho ki barobar sab patit hain aur patit-paavan baap ko yaad karte hain। patit manushya ko zaroor besmajh kahenge। sabhi bulaate hain ki he patit-paavan aakar hamko paavan banaao। bhaaratvaasi jaante hain ki satayug mein yeh bhaarat paavan tha। paavan grihastha dharma tha, is samay patit grihastha adharma hai। dharmaatma paavan ko kaha jaata hai। is bhaarat mein 5 hajaar varsha pahle jab lakshmi-naaraayan ka raajya tha to unko paavan raajya kaha jaata tha। nar aur naari donon paavan the। baap baith samjhaate hain aadhaakalpa se bhakti maarga chala hai। jap-tap aadi karna, ved adhyayan karna, yeh sab bhakti maarga hai, isse mujhe koi praapta nahin kar sakta। mujh baap ko jaante hi nahin hain। yeh sab vesta aaph time, vesta aaph energy karte hain। dvaapar se lekar bhakti maarga shuru hota hai। phir devtaayen vaam maarga mein jaate hain। laakhon karodon roopaya kharcha kar devtaaon ke mandir banaate hain। somnaath ka mandir kitna heere-javaahron se saja hua tha। us samay ke hisaab anusaar karodon rupaye kharcha nahin kiya hoga kyonki us samay to heere-javaahar aadi ka daam kuchh bhi nahin rehta। is samay agar woh mandir hota to athaah padmon ki milkiyat ho jaae।

ab baap samjhaate hain meethe bachche ved, shaastra adhyayan karna, yeh bhakti hai, usko gyaan nahin kaha jaata। satayug mein teertha aadi nahin maante hain। ganga-jamuna nadiyaan to satayug mein bhi hain। abhi bhi hain। satayug mein koi teertha karne ke liye nadiyaan nahin thi। baap to hai gyaan ka saagar, woh baith gyaan dete hain। aadhaakalpa yeh bhakti chalti hai। pahle avyabhichaari bhakti hoti hai। shiv ki hi pooja karte hain। phir devtaaon ki, abhi to bhakti vyabhichaari ho gai hai। bhakti karte, shaastra aadi padhte rehte hain to sab bhagat ho gaye। sajniyaan mujh ek saajan ko yaad karti hain। bhakton ki raksha karne vaala hai bhagwan। to zaroor bhakti mein takleeph hoti hai tab to kehte hain aakar hamko liberate karo। duhkh se mukta karo। guide ban muktidhaam mein le chalo। unko yeh pata nahin hai ki bhagwan kaun hai। shiv va shankar ke mandir mein jaate hain। shiv-shankar ko ikattha kar diya hai। hain donon alag-alag, woh niraakaar, woh sookshm shareerdhaari। woh mool vatan mein rahne vaala, woh sookshm vatan mein rahne vaala। to baap samjhaate hain mandir mein bail dikhaate hain। samajhte hain shiv-shankar ki bail par savaari thi। ab shiv ke liye kehte hain woh sarvavyaapi hai। aise nahin kahenge ki shiv shankar sarvavyaapi hain। ek parampita paramatma niraakaar ko kehte hain। ab baap kehte hain dekho main niraakaar tumko kaise padhaata hoon। bail par koi savaari thode hi hoti hai। hamaari savaari bail par kyon dikhaai hai? main to saadhaaran manushya tan mein pravesh karke aata hoon। inke 84 janmon ki kahaani baith tumko sunaata hoon। tum bhi brahma mukh vanshaavli aakar bane ho। inka naam hai bhaageerath arthaat bhaagyashaali rath kyonki pahle-pahle yeh sunte hain aur yahi saubhaagyashaali hain। satayug mein bahut thode hote hain। baaki sab aatmaayen vaapis chali jaati hain apne ghar, jahaan se aai hain। yeh karmakshetra hai। srishti ka chakra phirta rehta hai। mool vatan, sookshm vatan mein yeh satayug treta nahin hote hain। yeh drama ka chakra yahaan phirta hai। aadhaakalpa gyaan satayug-treta, aadha-kalpa bhakti dvaapar-kaliyug। satayug mein lakshmi-naaraayan ka raajya tha phir lakshmi-naaraayan di first, second… raajaai chalti hai। treta mein hai chandravanshi raam ki dynasty। satayug mein 8 janma, treta mein 12 janma। yeh 84 janmon ki kahaani baap hi samjhaate hain। baap apne brahman bachchon ko hi milte hain aur kisko nahin। bachche bane hain tab unko padhaate hain। baap kehte hain - main tumhaara baap-teacher-satguru hoon। sadgati kar saath le jaata hoon। paavan hone ka bahut sahaj upaay hai, jo tumko batlaata hoon। yahaan baith tum kya karte ho? bachche kehte hain - baba ham aapko yaad karte hain। aapka pharmaan hai ki nirantar mujhe yaad karne ka purushaartha karo to is yog agni se tumhaare vikarma vinaash ho jaayenge। phir tum pavitra satopradhaan ban jaayenge। ab tum tamopradhaan ho, yaad se hi khaad niklegi। koi takleeph ki baat nahin। ever nirogi banne ke liye kitni sahaj yukti hai। devtaayen kabhi beemaar nahin hote। is yaad se hi tum nirogi banenge। paap bhasma hone se tum paavan ban jaayenge। badi bhaari kamaai hai। ghoomo, phiro sirf mujhe yaad karo। pahle yeh practice karni hai। yaad karne se ham 21 janma ke liye nirogi ban jaayenge। koi takleeph ki baat nahin, sirf maamekam yaad karo। yeh baap ne aatmaon ko kaha, he aatmaayen sunti ho? baap mukh se kehte hain mujhe yaad karo aur ghar ko yaad karo। ab yeh narka khalaas hona hai। jaana hai apne ghar। bhojan banaate samay bhi yaad ka purushaartha karo। bhal tum karmayogi ho to bhi kam se kam 8 ghante tak zaroor pahuncho। 5 minute, 10 minute, aadha ghanta aise chart ko badhaate raho। jaanch karte raho hamne kitna samay baap ko yaad kiya? jis baap se vaikuntha ki baadshaahi milti hai, 21 janmon ke liye sada nirogi bante hain। kitni sahaj yukti hai। chakra ka knowledge samjhaaya hai ki choti brahman, devta, kshatriy, vaishya, shoodra yeh chakra yaad karna hai। beej aur jhaad ko yaad karo। abhi tum jaante ho ek dharma ki sthaapna ho to doosre dharma vinaash ho jaayenge। satayug mein ek hi dharma hai। tumko mehnat hi ismen hai। baap kehte hain mujh beej ko yaad karo aur jhaad ko yaad karo। sthaapna, vinaash aur paalna... yeh hai bahut sahaj। sahjayog aur sahaj gyaan। beej se jhaad kaise nikalta hai, yeh tumhaari buddhi mein gyaan hai। raho bhal grihastha mein parantu pavitra rehna hai। yeh to achha hai na। baap kehte hain 63 janma tumne narka mein gote khaaye hain। paap kiye, ab bilkul hi paap aatma ban pade ho। raavan ki mat par chalte aaye ho। gaandhi bhi raamraajya chaahte the। iska matlab raavan raajya mein the। manushyon ki buddhi kitni maleen ho gai hai। kuchh bhi samajhte nahin hain। svarga kab tha kisko pata hi nahin hai। lakshmi-naaraayan ko 5 hajaar varsha hue hain, yeh kisko maaloom nahin hai। satayug ki aayu laakhon varsha kah dete hain। aadhaakalpa hai gyaan, aadhaakalpa hai bhakti phir jab puraani duniya ho jaati hai to aata hai vairaagya। is narka se dil hata dete hain।

tum yahaan baithe bahut kamaai karte ho। baap kehte hain - tum chakravarti raaja bante ho। yeh tumhaara antim 84 vaan janma hai, vinaash saamne khada hai। mrityulok ka vinaash amarlok ki sthaapna ho rahi hai। amarnaath baba se ham satya-naaraayan banne ki satya katha sun rahe hain। hai ek katha। shaastra aadi kitne dher banaaye hain। karod-padam roopaye kharcha karte hain। hai sab jhooth। baap sach bataae sachkhanda ki sthaapna karte hain। kitna achhi reeti samjhaaya jaata hai। kaisi bhi ablaayen, ganikaayen, ahilyaayen us svarga ka maalik ban sakti hain। tumhaare paas abhi kya rakha hai? America mein kya hai? bade-bade mahal hain। woh to abhi gire ki gire। svarga mein to akeechaar dhan tha। yahaan to dhan hai hi nahin। America ke white house ko kya lootenge? kuchh bhi rakha nahin hai। vahaan satayug mein to gareeb se gareeb ka mahal bhi yahaan se achha hoga। chaandi sona laga hua hoga। vahaan sab sastaai rehti hai, sabko apni jameen rehti hai। sudaame ka misaal... bhakti maarga mein do mutthi eeshvar arth dete aaye ho। koi 5-10-100 rupaye bhi daan karte hain, jiska evja doosre janma mein milta hai isliye hi manushya daan-punya aadi karte hain। koi hospital kholte hain to doosre janma mein tandarusti achhi milti hai। koi beemaari nahin hoti hai। koi college banaate hain to doosre janma mein padhkar hoshiyaar ho jaate hain। ek janma ka phal doosre janma mein milta hai। ab parampita paramatma niraakaar baap to daata hai। baap kehte hain - bachche ek hospital kam college kholo, ismen bahuton ka kalyaan hoga। iska phal tumko 21 janma ke liye milega। woh hai indirect ek janma ke liye, yeh hai direct, 21 janmon ke liye praalabdha milti hai kyonki ab baap direct baithe hain। samjhaate hain tumhaara sab kuchh khatma hone vaala hai। mahal maadiyaan sab mitti mein mil jaani hain isliye ab bhavishya ki kamaai karo jo tumhaare kaam aaye। jo bhi aaye usko raasta bataao, baap ko yaad karo to tumhaari kat niklegi। paarlaukik baap hai। baap kehte hain shreemat par chalne se tum svarga ke maalik, paarasbuddhi ban sakte ho। kitni yuktiyaan bhi samjhaate rehte hain। har ek ke karma ka hisaab apna-apna hai। baap karma-akarma-vikarma ki gati baith samjhaate hain। koi bhi takleeph ho to surgeon ke paas aakar shreemat lo। ahilyaaon, kubjaaon... sabko yeh raasta bataana hai। pavitrata par hi hangaama hota aaya hai। vish nahin diya to maarne lag padte। ghar se nikaal dete hain। kitna hangaama karte hain। baba kehte hain is gyaan yagya mein asuron ke vighna bahut padenge। ablaaon par atyaachaar bahut honge aur satsangon mein kabhi atyaachaar nahin hote hain। yahaan par vighna padte hain। baba kehte hain - kitne patit ban pade hain। abhi tum pavitra bante ho - paavan duniya ka maalik banne ke liye। baap ka pharmaan hai yeh antim janma pavitra ban mujhe yaad karo to vikarma vinaash hon। iska naam hi hai sahaj raajayog aur koi shaastra mein yeh yukti nahin hai। geeta mein hai deh ke sab dharma tyaag mujh apne baap ko yaad karo। ab shreekrishna to bhagwan hai nahin। bhagwan sab aatmaon ka baap ek hai। shareer ka loan liya hai, yeh hai bhaagyashaali rath। inko khushi to hoti hai ki mera shareer bhagwan kaam mein laate hain। is shareer mein baap aakar sabka kalyaan karte hain। baaki bail aadi nahin hai। in baaton ko naya kya samjhe। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is antim janma mein sampoorn pavitra ban baap ki yaad mein hi rehna hai। is patit duniya se dil hata dena hai।

2) svadarshan chakradhaari banna hai। hospital kam college khol anekon ka kalyaan karna hai। har kadam par supreme surgeon se shreemat leni hai।

vardaan:- divya buddhi dvaara trikaaldarshi sthiti ka anubhav karne vaale saphaltaamoorta bhav

brahman janma ki vishesh saugaat divya buddhi hai। is divya buddhi dvaara baap ko, apne aapko aur teenon kaalon ko spashta jaan sakte ho। divya buddhi se hi yaad dvaara sarva shaktiyon ko dhaaran kar sakte ho। divya buddhi trikaaldarshi sthiti ka anubhav karaati hai, unke saamne teenon hi kaal spashta hote hain। kaha bhi jaata hai jo socho, jo bolo, aage peechhe ka soch samajhkar karo। parinaam ko jaankar karma karne se saphalta avashya hoti hai।

slogan:- yathaartha nirnay dena hai to roohaani phakhur (nashe) dvaara bephikra sthiti mein sthit raho।