Daily Murli for Monday 19 December 2022

19-12-2022 praatahmurli om shanti "baapdaada"' madhuban

“meethe bachche - shivbaaba is samay tumhaare saamne haazir-naazir hai, tumhein pahle yeh nishchay chaahiye ki hamko padhaane vaala svayan shivbaaba hai, koi dehdhaari nahin''

prashn:- baap se kaun sa prashn poochhna bhi jaise baap ki insult hai?

uttar:- bachche baap se poochhte hain - baba aapki is tan mein padhraamni kab tak hai va vinaash kab hoga? baba kehte - yeh jaise tum meri insult karte ho। mehmaan se poochhna ki aap baaki kitne din rahenge? yeh to insult hui na! kahenge kya main tumhaare liye bojh ho pada hoon। shivbaaba to jab tak yahaan hai - tab tak tum bachche khush ho na isliye aise prashn baap se nahin poochhne chaahiye।

om shanti। baap baithkar brahma dvaara apne bachchon, brahmaakumaar aur brahmaakumaariyon ko samjhaate hain। brahmaakumaar kumaariyaan bhi samajhte hain ki niraakaar baap brahma dvaara samjha rahe hain। baap to hai niraakaar। kisko saakshaatkaar bhi karaana hoga to brahma ka shareer hi saamne karoonga। agar khud ka saakshaatkaar karaaye to koi samajh na sake। woh to ek bindi hai। ab jaise aatma star hai, vaise paramatma bhi bindi hai। yeh buddhi se samjha jaata hai। bhal saakshaatkaar ho bhi, cheez to vahi dekhenge aur kya cheez ho sakti hai। aksar karke bahuton ko brahma ka saakshaatkaar karaate hain ki inke paas jaao। chhoti cheez ko koi samajh na saken। brahma dvaara baap baith samjhaate hain, knowledge dete hain। kehte hain - bachchon main is saadhaaran manushya tan ka aadhaar leta hoon। brahma to naami-graami hai। samjhenge baba ismen hai। yeh baba ka rath hai। baba nahin hota to yeh brahma bhi kaahe ka। to yeh bi.ke. bhi kaahe ke। bachchon ko knowledge milti hai। tum samajhte ho yeh knowledge sivaae parampita paramatma ke koi de nahin sakte। knowledgeful woh niraakaar hai। sivaae organs ke gyaan de kaise sakte? bachchon ko yeh nishchay ho jaana chaahiye ki is samay baba haazir naazir hai। buddhi kehti hai baba ismen pravesh hai, jo baith knowledge dete hain। us parampita paramatma ke sivaae svarga ka varsa mil na sake।

tum bachche jaante ho bhakti maarga mein jo bhi tyohaar aadi manaaye jaate hain vo sab is samay ke hi yaadgaar hain। shiv jayanti bhi is samay ka hi tyohaar hai। trimoorti shiv, parampita paramatma brahma dvaara sthaapna karte hain। shreekrishna thode hi nai duniya ki sthaapna karenge। brahman kul chala aata hai। unko yeh pata nahin ki brahman so devta ban jaate। brahma ki aulaad tum brahman ho। jo bhi manushya maatra hain, sab dharma vaale unhon ko samajh mein aata hai ki hamaara great-great grand father brahma hai, jisko Adam-beebi athva aadi dev, aadi devi kehte hain। woh bhi shivbaaba ki rachna hai। baba ne rachna kaise rachi? adopt kiya। yeh hai pahle number ki baat। alpha ke baad phir be। in baaton ko jo achhi reeti samajhte hain vahi oonch pad paate hain।

abhi tum bachche samajhte ho manushya kitna ghor andhiyaare mein hain। kalpa pahle bhi jab aag lagi thi tab jage the। woh scene phir hogi। hona bhi zaroor hai। doosre dharma vaale in baaton ko samjhenge nahin, na purushaartha karenge। satayug mein to itne manushya aa na saken। vahaan bahut thode honge, jo sooryavanshi gharaane mein raajya karenge। sab drama ke bandhan mein baandhe hue hain। baap khud kehte hain main bhi drama ke bandhan mein baandha hua hoon। koi baat ka respond drama mein hoga to bataaoonga। drama ka saara raaz abhi thode hi bataaoonga। mere mein bhi part noondha hua hai। jaise emerge hota jaata hai, tumko samjhaata jaata hoon। sab kuchh drama anusaar hi chalta hai, usmein farka nahin pad sakta। drama mein nahin hota to respond karenge nahin। aise nahin ki abhi bata doonga ki baaki itne varsha hain। baba se poochhte hain - baba kab tak is shareer mein musaaphiri karenge? bataayenge nahin। drama mein hai nahin to kya kar sakte। drama mein hoga to bataayenge। main aaya hi hoon tum bachchon ko padhaane। main tumhaara baap bhi hoon। tum gaate ho tum maat-pita… vahi part baja raha hoon। mera farja hai tumko shiksha dena। mujhe kehte hain gyaan ka saagar, manushya srishti ka beejroop। chaitanya beej to sab kuchh bataayega na। is jhaad par banyan tree ka misaal diya jaata hai। tum dekhte ho devi-devta dharma abhi hai nahin। baaki sab dharma hain। abhi yeh sab khalaas ho jaayenge। phir apne samay par aakar sthaapna karenge। main devta dharma ki sthaapna kar raha hoon। jab woh dharma praayahlop hai, chitra hain। parantu yeh kisko pata nahin ki devi-devta dharma kab tha। kahaan gum ho gaya। sirf kahenge lakshmi-naaraayan ka raajya tha। yeh shaastra aadi sab bhakti ke liye hain। dvaapar mein baith yeh shaastra aadi banaayenge। sachkhanda mein sirf devta raajya karte the। yeh hai hi jhooth khanda। vahaan to koi bhi paap nahin hota। abhi baap tumko punya aatma bana rahe hain। drama mein noondh hai। raavanraajya mein hi bhakti, shaastra aadi shuru hote hain। yeh anaadi drama shoot hua pada hai। yeh hai hi jhoothi duniya। eeshvar ke liye bhi jhooth hi jhooth bolte hain। eeshvar to oonch te oonch hai, ham unse milne chaahte hain to zaroor unse kuchh milta hai। baap se kya milega? woh hai sarva ka sadgati daata। sarva ko duhkh se chhudaate hain। raavan bhi bada jabardasta hai। aadhaakalpa unka raajya chalta hai। parantu woh duhkh dete hain isliye sab manushya baap ko yaad karte hain। raavan tumhaari saari raajdhaani chheen leta hai, itna jabardasta hai। ab tumko maaloom pada hai - baap hamko varsa dete hain, raavan shraap dete hain। manushyon ko yeh pata nahin hai ki baap kab varsa dete hain। shreekrishna ka naam geeta mein daalne se geeta ko jhootha kar diya hai। bade te badi bhool yeh hai। yeh baba bhi to naaraayan ka pakka bhagat tha, geeta padhta tha। geeta padhne bigar koi kaam nahin karta tha। jab saakshaatkaar hua nishya ho gaya ki baap hamko yeh (lakshmi-naaraayan) ka varsa dete hain। abhi to bahut kuchh samajh mein aa gaya hai, shivbaaba samjhaate rehte hain। kabhi koi shaastra nahin uthaaya। baba suna raha hai। yeh bhi kehte hain - main sun raha hoon। kabhi baba nahin hai to yeh bhi sunaate hain। ismen baba hai, isliye brahma ka naam itna nahin hai। ajmer mein ek mandir banaaya hai, parantu kuchh samajhte nahin hain। shreekrishna ko murli di aur sarasvati ko sitaar di hai। sarasvati ko goddess aaph knowledge kaha jaata hai। god aaph knowledge brahma ke badle shreekrishna ko kah diya hai। moonjh gaye hain।

baap baith bachchon ko samjhaate hain trimooti mein shreekrishna to hai nahin। bhal karke hai parantu gupta। raadhe-krishna hi lakshmi-naaraayan bante hain, yeh bhi kisko pata nahin hai ki parampita paramatma ne samjhaaya tha। ab bhi samjhaate rehte hain। saadhu-santa aadi is baat ko samajh jaayen to yahaan sabki bheed mach jaaye। parantu drama mein aise bhi nahin hai। baap kehte hain - main sangam par aakar raajayog sikhaata hoon, jo paas hote hain woh sooryavanshi bante hain, jo fail hote hain woh chandravanshi bante hain। sooryavanshi ki praja sooryavanshi hogi, chandravanshi ki praja chandravanshi hogi। tum bachchon ki buddhi mein saare chakra ka gyaan hai। tum ho svadarshan chakradhaari brahman। yeh hai sarvottam brahman kul। tum sevaadhaari ho। tum gupta vesh mein bhaarat ko yogbal se svarga banaate ho। tumhaare liye svarga zaroor chaahiye। puraani duniya ko khatma karna pade। shreemat par tum apni raajdhaani sthaapan kar rahe ho। yaadvon ki raajaai khatma honi hai। paandav raajaai sthaapan kar rahe hain - nai duniya ke liye। puraane bhambhor ko aag lagni hai। yeh bhi samajhte ho - baaki kitne din honge? bahut thode। baaki kitna samay hai? yeh ham poochh nahin sakte। mehmaan se poochha nahin jaata hai, aap kitne din rahenge? kahenge main shaayad bojh hoon। shivbaaba kehte hain - main yahaan hoon to tum khush rehte ho na। phir poochhte kyon ho ki kab tak padhraamni hai? yeh poochhna bhi jaise insult hai, ismen bhi lajja aani chaahiye। yeh poochhna to aise hua ki baba jaldi jaaye to achha isliye aise-aise savaal baba se poochh bhi nahin sakte। aisa baap to koi ho na sake। bachche hi baap ko jaan gaye hain। shreekrishna ke liye aise nahin kahenge ki ismen paramatma hai। shreekrishna hi yaad aata rahega। paramatma to yaad aa na sake। shreekrishna ko hi dekhte rahenge। shiv ko yaad hi na karen isliye tum bachchon ko samjhaaya gaya hai ki shivbaaba ko yaad karo। deh-abhimaan mein nahin rehna hai। shreekrishna ki mahima koi kam nahin hai।

baap kehte hain mujhe aana hi hai paraaye desh, puraane shareer mein। shreekrishna to raavan ke desh mein aa na sake। ab tum jaante ho ki shreekrishna ki aatma punarjanma lete-lete ab is shareer mein hai। yeh antim shareer hai। yahi phir number one paavan shareer banta hai। yeh sab baaten aur koi ki buddhi mein aa na saken। raavan ka chitra banaate hain parantu samajhte nahin hain ki raavan ki praveshta kab se hui hai? jalaate hi aate hain। mar jaaye to phir jalaana banda kar den, marta nahin। har varsha jalaate hain। yeh sab hai bhakti maarga। baap kehte hain mainne tumko sooryavanshi, chandravanshi banaaya। tum phir shoodra vanshi bane kaise? ab phir tumko sooryavanshi, chandravanshi bana raha hoon। abhi tum jaante ho ham vishwa par jeet paate hain phir haar khaate hain। jab devi-devta dharma tha to aur koi dharma nahin tha। ab phir woh dharma sthaapan hoga to aur sab dharma khatma ho jaayenge। aasaar bhi tumko dekhne mein aayenge। kitna science ka kaam chal raha hai। khushi bhi manaate hain। aisa aeroplane niklega jo 3-4 ghante mein London pahunchaayega। aajkal aeroplane mein haathi, bandar, medhak sab jaate hain। yeh sukh ke liye bhi hain to duhkh ke liye bhi hain। vahaan vimaan mein ghoomte hain। abhi tum oonchi takdeer banaane ke liye aaye ho। tum so devi-devta ban rahe ho। svarga ka naam gaate hain parantu jaante nahin ki svarga kab tha? kehte hain svarga padhaara to zaroor narka mein tha। parantu seedha kaho tum narkavaasi ho to gussa lagega। ab tumhaare mein taakat hai। tum kah sakte ho tum patit-paavan ko bulaate ho to zaroor patit ho। baap kehte hain - ab jhaad jadajdeebhoot avastha ko paaya hua hai। mahaabhaari ladaai mashhoor hai। tum jaante ho ham aaye hain raajaai lene। ham sthaapna ke nimitta hain। aage chal yeh sannyaasi, mahaatmaayen bhi tumhaari baat maanenge, yeh sab drama mein noondh hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gupta roop mein yogbal se bhaarat ko svarga banaane ki seva karni hai, roohaani sevaadhaari banna hai।

2) hamaara sarvottam brahman kul hai, ham svadarshan chakradhaari hain। is nashe mein rehna hai। kisi bhi baat mein sanshay nahin uthaana hai।

vardaan:- parmaatma chintan ke aadhaar par sada bephikra rahne vaale nishchaybuddhi, nishchint bhav

duniya vaalon ko har kadam mein chinta hai aur aap bachchon ke har sankalp mein parmaatma chintan hai isliye bephikra ho। karaavanhaar kara raha hai aap nimitta ban karne vaale ho, sarva ke sahayog ki anguli hai isliye har kaarya sahaj aur saphal ho raha hai, sab theek chal raha hai aur chalna hi hai। karaane vaala kara raha hai humein sirf nimitta ban tan-man-dhan saphal karna hai। yahi hai bephikra, nishchint sthiti।

slogan:- sada santushtata ka anubhav karna hai to sabki duaayen lete raho।