Daily Murli for Friday 24 February 2023

24-02-2023 praatahmurli om shanti "baapdaada"' madhuban

“meethe bachche - abhi yeh tumhaara antim janma hai, khel poora hota hai isliye paavan ban ghar jaana hai, phir satayug se history repeat hogi''

prashn:- gharbaar sambhaalte hue kaun si kamaal tum bachche hi kar sakte ho?

uttar:- gharbaar sambhaalte, puraani duniya mein rehte sabhi se mamatva mita dena। deh sahit jo bhi puraani cheejen hain unhein bhool jaana… yeh hai tum bachchon ki kamaal, ise hi satopradhaan sannyaas kaha jaata hai, jo baap hi tumhein sikhlaate hain। tum bachche is antim janma mein pavitra rahne ki pratigya karte ho phir 21 janma ke liye yeh pavitrata kaayam ho jaati hai। aisi kamaal aur koi kar nahin sakta।

geet:- tumheen ho maata pita...

om shanti। bachchon ko om shanti ka arth bilkul sahaj samjhaaya jaata hai। har ek baat sahaj hai। sahaj raajaai praapta karte hain। kahaan ke liye? satayug ke liye। unko jeevanmukti kaha jaata hai। vahaan raavan ke yeh bhoot hote nahin। koi ko krodh aata hai to kaha jaata hai tumhaare mein yeh bhoot hai। achha bachchon ko samjhaaya hai om ka arth hai main aatma phir mera shareer। har ek ke shareer roopi rath mein aatma rathi baithi hui hai। aatma ki taakat se yeh rath chalta hai। aatma ko yeh shareer ghadi-ghadi lena aur chhodna padta hai। yeh to bachche jaante hain bhaarat abhi duhkhadhaam hai। aadhaakalpa pahle sukhdhaam tha। almighty government thi kyonki almighty authority ne bhaarat mein devtaaon ke raajya ki sthaapna ki। vahaan ek dharma tha। aaj se 5 hajaar varsha pahle barobar lakshmi-naaraayan ka raajya tha। woh raajya sthaapan karne vaala zaroor baap hoga। baap se unko varsa mila hua hai। unhon ki aatma ne 84 janmon ka chakra lagaaya hai, bhaaratvaasi hi in varnon mein aate hain। abhi hain shoodra varna mein। shoodra varna ke baad sarvottam brahman varna aata hai। brahman varna maana brahma ke mukh vanshaavli hain। prajaapita brahma ke zaroor adopted bachche honge। bachche jaante hain ki bhaarat poojya tha, ab pujaari hai। baap to sadaiv poojya hai। woh aate zaroor hain - patiton ko paavan banaane। satayug hai paavan duniya। satayug mein patit-paavni ganga, yeh naam hi nahin hoga kyonki woh hai hi paavan duniya। sabhi punya aatmaayen hain। no paapaatma। kaliyug mein phir no punyaatma। sab paap aatmaayen hain। punya aatma pavitra ko kaha jaata hai। bhaarat mein hi bahut daan-punya karte hain। is samay jab baap aate hain to unke oopar bali chadhte hain। sannyaasi to gharbaar chhod jaate hain। yahaan to kehte hain baba yeh sab kuchh aapka hai। aapne satayug mein humein athaah dhan diya tha। phir maaya ne kaudi jaisa bana diya hai। ab yeh aatma bhi patit ho gai hai। tan-man-dhan sab patit hai। aatma pahle-pahle pavitra rehti hai phir part bajaate-bajaate patit ban jaati hai। golden, silver... in stages mein manushya ko aana hai zaroor। saara chakra lagaakar pichhaadi mein tamopradhaan jhootha jevar banna hai। sab aatmaayen eeshvar ke liye jhooth bolti rehti hain kyonki unko sikhaaya gaya hai, eeshvar sarvavyaapi hai। gaate bhi hain tum maat-pita... lakshmi-naaraayan ke aage bhi jaakar yeh mahima karte hain। parantu unko to apna ek bachcha ek bachchi hota hai। jaisa sukh raaja raani ko vaisa sukh bachchon ko rehta hai। sabko sukh ghanere hain। abhi to woh 84 ven antim janma mein hain। duhkh ghanere hain।

baap kehte hain ab phir se tumko raajayog sikhlaata hoon। bachchon ko samjhaaya hai ki is rath mein rathi aatma baitha hua hai। yeh rathi pahle 16 kala sampoorn tha। ab no kala। kehte bhi hain - mujh nirgun haare mein ab koi gun naahi। aapehi taras paroi... arthaat raham karo। koi mein bhi gun nahin hain। bilkul duhkhi, patit hain tab to ganga mein paavan hone jaate hain। satayug mein nahin jaate। nadi to vahi hai na। baaki haan, aise kahenge is samay har cheez tamopradhaan hai। satayug mein nadiyaan bhi badi saaph svachchha hongi। nadiyon mein kichda kuchh bhi nahin padta। yahaan to dekho kichda padta rehta hai। saagar mein saara gand jaata hai। satayug mein aisa ho nahin sakta। law nahin hai। sab cheejen pavitra rehti hain। to baap samjhaate hain abhi sabka yeh antim janma hai। khel poora hota hai। is khel ki limit hi hai 5 hajaar varsha। yeh niraakaar shivbaaba samjhaate hain। woh hai niraakaar sabse oonch paramdham mein rahne vaala। paramdham se to ham sab aaye hain। abhi kaliyug ant mein drama poora ho phir se history repeat hoti hai। manushya jo bhi geeta aadi shaastra padhte aaye hain, woh bante hain dvaapar mein। yeh gyaan to praayahlop ho jaata hai। koi raajayog sikhla na sake। unhon ke yaadgaar liye pustak banaate hain। woh khud to punarjanma mein aane lage। unke yaadgaar pustak rahne lage। ab devi-devta dharma ki sthaapna hoti hai sangam par। baap aakar is rath mein viraajmaan hote hain। ghode gaadi ki baat nahin hai। is rath mein, saadhaaran boodhe tan mein pravesh karte hain। woh hai rathi। gaaya bhi jaata hai brahma dvaara brahman rache। yeh hain mukh vanshaavli brahman। sab bachche kehte hain ham brahma ki mukh vanshaavli bi.ke. hain। yeh brahma bhi adopt kiya hua hai। baap khud kehte hain main is rath ka rathi banta hoon, isko gyaan deta hoon। shuru inse karta hoon। kalash deta hoon maataaon ko। maata to yeh bhi thahri na। pahle-pahle yeh bante hain phir tum। inmen to woh viraajmaan hain, parantu saamne kisko sunaayen। phir aatmaon se baith baat karte hain। aur koi vidvaan aadi nahin hoga jo aise aatmaon se baith baat kare ki main tumhaara baap hoon। tum aatmaayen niraakaar ho। main bhi niraakaar hoon। main gyaan saagar svarga ka rachayita hoon। main narka nahin rachta hoon। yeh to raavan maaya narka banaati hai। baap kehte hain main to hoon hi rachayita to zaroor svarga hi banaaoonga। tum bhaaratvaasi, svargavaasi the ab narkavaasi bane ho। narkavaasi banaaya raavan ne kyonki aatma raavan ki mat par chalti hai। is samay tum aatmaayen raam shivbaaba, shri-shri ki shreemat par chalte ho।

baap samjhaate hain ab sabka part poora hua hai, sab aatmaayen ikatthi hongi। jab sab aa jaayenge tab phir jaana shuru hoga। phir vinaash shuru ho jaayega। bhaarat mein ab anek dharma hain। sirf ek aadi sanaatan devi-devta dharma hai nahin। koi bhi apne ko devta nahin kehte। devtaaon ki mahima bhi gaai hai sarvagun sampanna..... phir apne ko kahenge ham neench paapi.. jo satopradhaan poojya the, woh tamopradhaan pujaari ban padte hain। dvaapar se raavan ka raajya shuru hota hai। raamraajya hai brahma ka din, raavan raajya hai brahma ki raat। ab baap kab aaye? jab brahma ki raat poori ho tab to aaye na। aur isi brahma ke tan mein aaye tab to brahma se brahman paida hon। un braahmanon ko raajayog sikhlaate hain। baap kehte hain jo bhi aakaari va saakaari ya niraakaari chitra hon unko tumhein yaad nahin karna hai। tumko to lakshya diya jaata hai, manushya to chitra dekh yaad karte hain। baba kehte hain chitron ko dekhna banda karo। yeh hai bhaktimaarga। abhi to tum aatmaon ko vaapis mere paas aana hai। paapon ka bojha sir par bahut hai। aise nahin, garbha jel mein har janma ke paap khatma ho jaate hain। kuchh khatma ho jaate hain, kuchh rehte hain। ab main panda bankar aaya hoon। is samay sab aatmaayen maaya ki mat par chalti hain। paramatma sarvavyaapi kehna yeh maaya ki mat hai। kabhi kehte sarvavyaapi hai, kabhi kehte 24 avtaar lete hain। baap kehte hain main sarvavyaapi kahaan hoon। main to hoon hi patit-paavan, svarga ka rachayita। mera dhandha hi hai narka ko svarga banaana। gaandhi chaahte the - raamraajya ho। abhi kehte hain - almighty raajya ho। one religion ho। svarga mein to hai hi ek dharma, ek raajya। vahaan koi partition nahin tha। baap kehte hain main universe ka maalik nahin banta hoon। tumko banaata hoon। phir raavan aakar tumse raajya chheenta hai। abhi hain sab tamopradhaan, pattharbuddhi। satayug mein hain paarasbuddhi। yeh baap samjhaate hain, rathi baithe hain। aatma hi baat karti hai to inki aatma bhi sunti hai। kehte hain bachche koi bhi chitra ko nahin dekho। maamekam yaad karo, buddhiyog oopar latkaao। jahaan jaana hai unko hi yaad karna hai। ek baap bas doosra na koi। vahi sachcha paatshaah hai, sach sunaane vaala। to tumhein koi bhi chitron ka simran nahin karna hai। yeh shiv ka jo chitra hai unka bhi dhyaan nahin karna hai kyonki shiv aisa to hai nahin। jaise ham aatma hain vaise woh param aatma hai। jaise aatma bhrakuti ke beech mein rehti hai vaise baba bhi kehte thodi jagah aatma ke baaju mein le baith jaata hoon। rathi ban inko baith gyaan deta hoon। inki aatma mein gyaan nahin tha, patit thi। jaise inki aatma rathi bolti hai shareer se। vaise main bhi in organs se bolta hoon। nahin to kaise samjhaaoon। brahman rachne liye brahma zaroor chaahiye। jo brahma phir naaraayan banega। abhi tum brahma ki aulaad ho। phir sooryavanshi shri naaraayan ke gharaane mein aa jaayenge। bachchon ko samjhaaya hai yeh shaastra aadi sab bhaktimaarga ke hain, phir bhi yahi banenge। jo padhte-padhte tamopradhaan ban jaate hain। satayug se treta hua। treta se dvaapar, kaliyug hua। patit banen tab to patit-paavan aakar paavan banaayenge na। shaastra kisko paavan bana na saken। abhi to bilkul hi kangaal ban pade hain। ladte jhagadte rehte hain। bandar se bhi badtar hain। bandar mein 5 vikaar bahut kade hote hain। deh ahankaar bhi bandar jaisa aur koi mein nahin hota hai। kaam, krodh, lobh, moh sab vikaar bandar mein aise hote hain, baat mat poochho। bachcha marega to unki haddiyon ko bhi chhodenge nahin। manushya bhi aajkal aise hain। bachcha mara to 6-8 maas rote rahenge। satayug mein to akaale mrityu hota nahin। na koi rote peette। vahaan koi shaitaan hote nahin। baap is samay bachchon se baat kar rahe hain। bhal gharbaar bhi sambhaalo, usmein rehte hue aise kamaal kar dikhaao, jo sannyaasi kar na saken। yeh satopradhaan sannyaas paramatma hi sikhlaate hain। kehte hain yeh puraani duniya ab khatma hoti hai, isliye inse mamatva mitaao। sabko vaapis aana hai। deh sahit jo bhi puraani cheejen hain unko bhool jaao। yeh 5 vikaar mujhe de do। agar apvitra banenge to pavitra duniya mein aa nahin sakenge। baap se pratigya karo, is antim janma ke liye। phir to pavitrata kaayam ho hi jaayegi, 63 janma tum vikaaron mein gote khaakar ekdam gande ban pade ho। apne dharma, karma ko bhool gaye ho। hindu dharma kehte rehte ho। baap kehte hain tum to besmajh ban gaye ho, kyon nahin samajhte ho bhaarat svarga tha, ham hi devta the। mainne tumko raajayog sikhaaya। tum phir kehte ho shreekrishna sabhi ka baap svarga ka rachayita hai। baap to niraakaar sab aatmaon ka baap hai। phir unke liye kehte ho ki sarvavyaapi hai। tum apne baap ko gaali dete ho। shiv shankar ko mila diya hai, kitni glaani kar di hai। shiv to hai paramatma। kehte hain main aata hi hoon devi-devta dharma sthaapan karne। phir vishnu ke do roop lakshmi-naaraayan raajya karenge। sachkhanda sthaapan karne vaala ek hi satguru hai। woh is rath mein rathi hain। ise nandeegan bhi kehte hain, bhaageerath bhi kehte hain। tum arjunon ko kehte hain main is rath mein aaya hoon, yuddha ke maidaan mein tumko maaya par jeet pahnaane। satayug mein na raavan hota, na jalaate। abhi to raavan ko jalaate hi rahenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi chitra ka simran nahin karna hai। vichitra baap ko buddhi se yaad karna hai। buddhi yog oopar latkaana hai।

2) vaapas ghar chalna hai isliye deh sahit sab puraani cheejon se mamatva nikaal dena hai। sampoorn paavan banna hai।

vardaan:- baap ke right hand ban har kaarya mein sada ever ready rahne vaale master bhaagya vidhaata bhav

jo bachche right hand ban baap ke har kaarya mein sada sahayogi, sada ever ready rehte hain, aagyaakaari ban sada kehte haan baba ham taiyaar hain। baap bhi aise sahayogi bachchon ko sada murabbi bachche, sapoot bachche, vishwa ke shrringaar bachche kah master vardaata aur bhaagya vidhaata ka vardaan de dete hain। aise bachche pravritti mein rehte bhi pravritti ki vritti se pare rehte hain, vyavhaar mein rehte alaukik vyavhaar ka sada dhyaan rakhte hain।

slogan:- har bol aur karma mein sachchaai saphaai ho to prabhu ke priy ratna ban jaayenge।