Daily Murli for Friday 19 May 2023

19-05-2023 praatahmurli om shanti "baapdaada"' madhuban

“meethe bachche - tumhein ant tak yeh meethi knowledge sunte rehna hai jab tak jeena hai - padhna aur yog seekhna hai''

prashn:- baap ke saath-saath tum bachche kis seva ke nimitta bane hue ho?

uttar:- jaise baap saare vishwa ko liberate karte hain, sab par bliss karte hain, pees maker ban pees sthaapan karte hain aise tum bachche bhi baap ke saath is seva ke nimitta ho। tum ho salvation army। tumhein bhaarat ke doobe hue bede ko salvage karna hai। 21 janmon ke liye sabko sampattivaan banaana hai। aisi seva tum bachchon ke sivaae aur koi kar nahin sakta।

om shanti। bachche jaante hain aur gaaya bhi jaata hai ki san shows father and mother। jabki baap bachchon ko rachta hai, jab tak racha nahin hai to baap bachchon ko kaise sikhlaaye ki tumhaara yeh maat-pita hai। bachche yeh seekhkar father ka show karte hain ki hamaara father aisa hai। vaise hi phir gaaya jaata hai student shows teacher। jabki teacher student ko padhaate hain tab woh show karte hain। phalaane barrister ne hamko barrister banaaya। jab tak barrister nahin to student show kaise kare। vaise guru log bhi jab followers banaayen tab kahen ki guru se yeh-yeh mila। ab woh baap, teacher, guru to alag-alag hote hain। haan, koi father bachchon ko padhaate bhi hain, ho sakta hai parantu unmein to subject bahut hain। aise to nahin ek hi teacher sab subject padhaate hain। har subject ke alag-alag teacher hote hain। yeh to ek hi baap, teacher, guru hai। jab tak bachchon ko apna na banaaye tab tak show nikaal na sake ki ham phalaane ke bachche hain, unki milkiyat ke ham hakdaar hain। pahle-pahle to baap bachchon ko apna banaate hain। bachche bhi kehte hain - hamne apna banaaya hai। bachche jaante hain - father ka show kaise karna hai। ham hain eeshvar ki aulaad practical mein। yoon to eeshvareey aulaad har ek samajhte hain, O god father kehte hain। father kaha jaata hai to mother bhi yaad aati hai। kehte bhi hain tum maat-pita… father ne aakar bachchon ko samjhaaya hai - ham tumhaare maat-pita hain। tum bhi jaan gaye ho yeh behad ka maat-pita hai। vahi father baith padhaate hain, srishti chakra ke aadi-madhya-ant ka raaz bataate hain। bachche jab samajhte hain to phir auron ko bhi samjhaate hain ki srishti chakra kaise phirta hai। gaaya bhi jaata hai - world ki history-geography repeat hoti hai। parantu yeh knowledge tumko milti hai is samay। jabki puraani duniya ka vinaash, nai duniya ki sthaapna hoti hai। abhi world ka chakra poora hota hai। kaliyug athva puraana yug poora ho nai duniya, naya yug shuru ho raha hai। yeh knowledge teacher tum student ko sunaate hain। student phir auron ko sunaate hain। woh teacher baap bhi hai, woh supreme baap baith samjhaate hain। nai duniya, naya yug tha tab bhaarat mein barobar devi-devtaaon ka raajya tha। do yug ek hi world almighty authority raajya tha। woh vishwa ke maalik the। kaun? bhaaratvaasi aadi sanaatan devi-devtaayen। bhal the bhaarat khanda ke maalik parantu behad vishwa ke maalik the। koi partition nahin thi। saagar, aakaash, vaayu, prithvi sabka ek hi bhaarat maalik tha। vishwa ke rachta ki jayanti va birth bhi yahaan hi hota hai। baap kehte hain main to punarjanma mein aata nahin hoon। aatma kehti hai main ek shareer chhod doosra leti hoon va paap aatma se punya aatma ho rahi hoon। baap samjhaate hain tum jaante bhi ho manushya punarjanma lete hain। 84 janma hain maximum।

is knowledge ko duniya nahin samajhti। baap ko hi knowledgeful, blissful kaha jaata hai। saare vishwa par bliss karte hain, sabko liberate karte hain। baap baith samjhaate hain - main kaise bachchon ko liberate karta hoon। main guide bhi hoon, pees maker bhi hoon। pees sthaapan karta hoon। sovereignty bhi sthaapan karta hoon। bachche jaante hain - is samay bhaarat insolvent hai। to behad ke baap ka yeh birth place hai। parantu manushya samajhte nahin। shiv ka somnaath mandir bhi yahaan hi hai। vahaan yahi shivling rakha hua hai। bachchon ko samjhaaya hai - paramatma ka koi itna bada roop to nahin hai। star jaisa hai। achha, guru ke followers bante hain, guru unko shaastra aadi sunaate hain woh phir auron ko sunaate hain। kahenge - guru ne hamko yeh shaastra aadi sikhaaye। banaaras mein jaakar shaastra aadi seekhte hain। vidyut mandali se title aadi le aate hain। jaise sarasvati aadi... ab yeh sarasvati naam to mama ka hai kyonki usne behad ki knowledge sunaai hai। woh to had ke bhakti maarga ke shaastra seekhte hain। ab yeh to bachche jaante hain hamaara supreme guru bhi woh hai। supreme baap bhi hai, sarvashaktimaan baap chaahiye na kyonki maaya bhi kam nahin hai। woh bhi sarvashaktimaan hai। maaya sarva mein vyaapak hai। baap sarva mein vyaapak nahin hai, woh to punarjanma rahit hai। parampita paramatma punarjanma nahin leta, manushya lete hain। phir bhi paramatma ko sarvavyaapi kehna kitni glaani hai। jab-jab aisi glaani karte hain aur manushya patit ban jaate hain tab phir main aata hoon। yeh koi shaastron mein thode hi hai ki behad ka baap teacher bhi hai, satguru bhi hai। sabko patit se paavan banaane vaala bhi hai। baap kehte hain yeh sab ved-shaastra hain bhakti maarga ke। bhakti maarga aadhaakalpa chalta hai, gyaan maarga aadhaakalpa nahin chalta। gyaan to ek hi samay baap aakar samjhaate hain। ek hi baar gyaan praapta karne se phir tumhaari 21 janma praalabdha chalti hai। aise nahin ki yeh knowledge athva gyaan aadhaakalpa chalta hai। yeh to samjhaate ho yeh knowledge praayahlop ho jaati hai। vahaan hain hi sab sadgati vaale, unko gyaan ki darkaar hai nahin। is samay gyaan saagar baap aakar bachchon ko kitna gyaan sunaate hain। bachche jab tak jeete rahenge baap ki knowledge sunte rahenge। badi meethi knowledge hai। yog bhi ant tak seekhna pade kyonki sir par janma-janmaantar ke paapon ka bojh bahut hai। ek janma ki baat nahin। janma-janmaantar se aatma par mail chadhi hai, isliye bilkul ghor andhiyaare mein aa gai hai। aatma mein punarjanma ki mail rehte-rehte, khaad padte-padte kitni patit tamopradhaan ban gai hai। aatma bhi mulamme ki to jevar (shareer) bhi mulamme ka। ekdam jadajdeebhoot avastha ko pa liya hai। khaas bhaaratvaasi aam sab dharma nambarvaar। to sab bachchon ko father aur mother ka show karna hai। tvamev maataashcha pita kehte hain to father ke saath mother bhi chaahiye। manushya samajhte hain - Adam brahma, Eve sarasvati। vaastav mein yeh wrong hai। niraakaar god father hai to mother bhi zaroor hogi। parantu vo log Eve jagat amba ko kah dete hain। vaastav mein yeh bahut mukhya baat hai। niraakaar shivbaaba is brahma mukh se kehte hain - tum hamaare bachche ho। yeh brahma maata ban jaati। brahma prajaapita bhi hai to maata bhi hai। woh hai supreme roohaani baap। phir sthool mein maata brahma ki beti sarasvati kahlaati hai। jagat amba ka kitna bhaari mela lagta hai। jagatpita brahma ka ajmer mein itna mela aadi nahin lagta hai। jagat amba ka bahut maan hai kyonki maata ka prabhaav badhaana hai। woh to kehte stri ka pati guru eeshvar hai। parantu aise hai nahin। baap aakar kehte hain tum maataaon ka martaba oonch banaate hain। government bhi maataaon ko aage rakh rahi hai। woh sab hai violence aur yeh hai nonviolence gupta shakti sena।

woh hai vinaash kaale vipreet buddhi। yeh bhi drama bana hua hai। drama ko buddhi mein bahut achhi reeti rakhna hai। yeh behad ka drama repeat hota hai। bachchon ko jis reeti sikhlaata hoon phir kalpa baad sikhlaaoonga। sab drama ke bandhan mein bandhe hue hain। baap khud kehte hain - main bhi drama ke bandhan mein hoon। duhkh to bhaaratvaasiyon par bahut aate rehte hain। aise thode hi ghadi-ghadi avtaar lekar chhudaaoonga। main to ek hi baar aata hoon, aakar saare vishwa ka maalik banaata hoon। paramdham se kalpa ke sangamayuge yuge aata hoon। abhi tum drama ke director, mukhya actor ko jaante ho। had ki baat sunaate hain - phalaana saahookaar tha। yahaan tum jaante ho - hu is hu, srishti bhar mein sabse saahookaar kaun! saari srishti mein sabse saahookaar te saahookaar svarga ke lakshmi-naaraayan hain। aisa kaun aakar sunaate hain? baap। bachche jaante hain hamaare jaisa bhavishya 21 janmon ke liye sampattivaan koi nahin banta। tum badi bhaari seva karte ho। bhaarat ki khaas aur vishwa ki aam। tum ho salvation army। bhaarat ka ab beda dooba hua hai, yeh bhi drama hai। samjhaaya jaata hai bhaarat ka beda salvage kaun karte hain? shiv shaktiyaan। shiv shaktiyaan tum sab ho। baap kehte hain mainne tumko svarga ka maalik banaaya tha। maaya ne patit banaaya phir tumko mahaaraaja-mahaaraani banaata hoon। tumhaara hai pravritti maarga। sannyaasiyon ka hai nivriti maarga। woh hai had ka sannyaas, yeh hai behad ka sannyaas। aajkal duniya mein jhooth corruption bahut hai। yeh hai raurav narka। tum bachche ab eeshvareey buddhi se kya bante ho? ab tum kehte ho ham shivbaaba ke brahma dvaara bachche bane hain। phir ham devta banenge phir kshatriy, vaishya, shoodra banenge phir eeshvar ke bachche banenge। kalpa pahle bhi eeshvareey bachche the। baap se svarga ka varsa milta hai to shreemat par chalna hai। woh hai vinaash kaale vipreet buddhi yaadav aur kaurav। tum ho vinaash kaale preet buddhi paandav jiski hi jay-jaykaar honi hai। tum ho gupta shiv shakti bhaarat maata, ismen gop-gopiyaan donon hain। naam maataaon ka karna hai। maataaon ko hi bahut sataaya hai। dropdi ko hi nagan kiya hai। kehti hain - bhagwan humein nagan hone se bachaao। to baap aakar bachaate hain। bahut property milti hai। pratigya karni chaahiye - shivbaaba, meetha baba, ham aapse varsa zaroor lenge। varsa shivbaaba se lena hai na। gaate bhi hain eeshvar ki gat mat nyaari hai। vahi jaane aur na jaane koi। tum ab jaante ho eeshvar ki gat-mat bachche jaante hain phir bachchon ko show karna hai। bachchon ko sthaai sukh shanti ka varsa baap hi dete hain। alpakaal ki shanti koi kaam ki nahin hai। maa baap kehte ho to phir bachchon ko father mother ka show karna pade। father mother kaun hai? so bachche baith bataate hain। yeh mother father saare world ke hain। woh baith varsa dete hain। barobar baap se varsa mila tha। ab kaliyug ka ant hai phir zaroor baap se milna chaahiye। san shows father, father shows san। baap sirf kehte hain mujhe yaad karo to tumhaara bojha utar jaayega। yaad ka chart rakhna chaahiye। ham kitna samay baap ko yaad karte hain। aise nahin, ham to shivbaaba ki santaan hain hi। parantu kehte hain - uthte, baithte, chalte kitna yaad rakhte hain - chart rakho। mukhya hai yaad। vighna bhi yog mein padte hain। bhaarat ka praacheen yog mashhoor hai। woh hai hathayog। raajayog baap hi sikhlaate hain। woh to bahut kisma-kisma ke yog sikhlaate hain। unka hai had ka sannyaas, tumhaara hai behad ka sannyaas। pravritti mein rehte hue baap ko itna yaad karo jo ant samay auron ki yaad na aaye। aatma ko ek baap ko yaad karna hai tab hi vikarmaajeet ban sakenge। vikarmaajeet aur koi bana na sake। bhal karke bhaavna ka bhaada alpakaal ke liye milta hai parantu patit se paavan nahin ban sakte। bhakta kitna maatha maarte to bhi ja nahin sakte। bhagwan sabhi bachchon ka ek hi hai। woh ek baar hi aate hain। kehte hain hu-ba-hu 5 hazaar varsha pahle muaaphik aaya hoon, phir se sikeeldhe bachchon se aakar mila hoon। aatma-paramatma alag rahe bahukaal... kaun si aatmaayen hain jo alag rahi hain? unko hi pahle aana hai। anek dharmon ka vinaash, ek dharma ki sthaapna ho jaayegi to phir satayugi aadi sanaatan devi-devta dharma ke banenge। doosra koi dharma hoga nahin।

ab tum ho sikeeldhe bachche svadarshan chakradhaari। pahle sikeeldhe phir svadarshan chakradhaari kahenge। manushya kahenge - yeh to devtaaon ka title hai। devtaaon ko hi alankaar hain। yeh sab apni kalpana le aaye hain, aise bhi kahenge। tum jaante ho meethe jhaad ki sapling lag rahi hai। vilaayat mein bhi yahi knowledge deni hai। tumhaara heavenly god father kaun hai? zaroor mother bhi hogi। baap aaye hue hain sukh-shanti ka varsa dene, usmein health aur wealth sab kuchh milta hai to phir kaayde anusaar baap ko yaad karo। kehte hain - O god father to phir sarvavyaapi kaise kehte hain, yeh to wrong ho jaata hai। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vikarmaajeet banne ke liye chalte phirte baap ko yaad karne ka abhyaas karna hai। yaad ka chart zaroor rakhna hai।

2) apni har chalan se maat-pita aur teacher ka show karna hai। vinaash kaal mein preet buddhi bankar rehna hai। roohaani seva karni hai।

vardaan:- apne bharpoor stock dvaara sabko shubhbhaavna-shubh kaamna ki gift dene vaale master bhaagya vidhaata bhav

aap sab bhaagya ki lakeer kheenchane vaale brahma ke bachche ho isliye sada golden gift ka stock bharpoor rahe। jab bhi kisi se milte ho to har ek ko shubh bhaavna aur shubh kaamna ki gift sada dete raho। visheshta do aur visheshta lo। gun do aur gun lo। aisi godly gift sabhi ko dete raho। chaahe koi kisi bhi bhaavna va kaamna se aaye lekin aap yeh gift avashya do tab kahenge master bhaagya vidhaata।

slogan:- mehnat ke saath mahaanta aur roohaaniyat ka anubhav karna hi shreshthata hai।