Daily Murli for Monday 11 September 2023

11-09-2023 praatahmurli om shanti "baapdaada"' madhuban

“meethe bachche - ab naatak poora hota hai, ghar chalna hai isliye is shareer roopi kapde ko bhoolte jaao, apne ko ashareeri aatma samjho''

prashn:- kaunsa wonderful khel sangam par hi chalta hai, doosre yugon mein nahin?

uttar:- phaarakti dilaane ka। raam, raavan se phaarakti dilaate hain। raavan phir raam se phaarakti dila dete। yeh bada wonderful khel hai। baap ko bhoolne se maaya ka gola lag jaata hai iseeliye baap shiksha dete hain - bachche, apne svadharma mein tiko, deh sahit deh ke sab dharmon ko bhoolte jaao। yaad karne ka khoob purushaartha karte raho। dehi-abhimaani bano।

geet:- jo piya ke saath hai…

om shanti। meethe-meethe bachchon ne nambarvaar purushaartha anusaar geet suna। harek baat mein nambarvaar kaha jaata hai kyonki yeh college hai athva university kaho, saath-saath sachcha sat ka sang bhi hai। sat kaha jaata hai ek ko। woh ek hi baar aate hain। ab is samay tum sach-sach kehte ho ki ham sat ke sang mein hain। tum brahman hi us sat kahne vaale gyaan saagar ke sammukh baithe ho। gaaya bhi jaata hai jo piya ke saath hai unke liye gyaan ki barsaat hai। piya, pita ko kaha jaata hai। tum bachchon ke sammukh piya ki gyaan barsaat hai। tum bachche jaante ho barobar gyaan saagar, patit-paavan ab hamaare sammukh hai। ham patit se paavan va kaante se phool ban rahe hain। phool ban jaayenge phir yeh shareer nahin rahega। kali bhi aahiste-aahiste khilti jaati hai। phat se khil nahin jaati। khilte-khilte phir complete phool ban jaati hai। abhi koi bhi complete phool nahin bane hain। woh to karmaateet avastha ho jaati hai। dehi-abhimaani to ant mein hi banna hai। abhi tum sabka purushaartha chal raha hai। baap hai paarlaukik pita। yeh donon sangamayug ke alaukik maat-pita thahre। koi kaante bhi hain, koi kali bhi hain। kali ko khilne mein time lagta hai। tum sab nambarvaar kaliyaan ho, phool banne vaale ho। koi achhi reeti khile hain, koi aadha। ek din complete bhi zaroor khilenge। bageecha to hai na। jaante ho ham kaante se kali to bane hain phir phool ban rahe hain, purushaartha kar rahe hain। koi to kali hi khatma ho jaati hai, koi thoda khilkar khatma ho jaate। maaya ke bade bhaari toofaan aate hain। centres kholte bhi koi-koi khatma ho jaate hain, gir padte hain। maaya badi jabardasta hai। yeh hai chataabeti - raam aur raavan ki। raam-raam kaha jaata hai। aise nahin treta vaale raam ko yaad karte hain। yeh raam-raam paramatma ke liye kehte hain। raavan se raam ki bhent hoti hai। raam hai baap, raavan hai dushman maaya। maaya bhi jabardasta hai। yeh khel hai ek-do ko faarakti dilaana। raam tumko maaya raavan se tyaag dila rahe hain। maaya phir tumko baap raam se tyaag dilaati hai। baap kehte hain deh sahit jo bhi sambandhi aadi deh ke hain, sabka buddhi se tyaag karo। sarva dharmaani… main phalaana hoon, phalaane dharma ka hoon - yeh bhool apne svadharma mein tiko। deh ke sab dharma chhod apne ko akela samjho। is duniya ki har ek cheez se tyaag dilaate hain। ashareeri ban jaao। mera bankar aur mere ko yaad karo। baap ko bhoole to maaya ka gola lag jaayega। baap ko yaad karne ka khoob purushaartha karte raho। maaya bhi badi jabardasta hai। baap ka bankar bhi phir maaya tyaag dilaakar baap se chhuda deti hai। baap ko shal koi phaarakti na de। aadhaakalpa tum mujhe yaad karte aaye ho। tum hi sampoorn bhakta ho na। bhakti bhi tumne hi shuru ki hai। to baap aakar maaya se tyaag dilaate hain। kehte hain apne ko aatma samjho। is kapde ko (deh ko) bhoolte jaao। bas, abhi hamko jaana hai। us naatak mein bhi actors hote hain। unko bhi maaloom rehta hai - bas, abhi 5-10 minute baad hamaara khel poora hone ka samay aaya hai, phir ham ghar chale jaayenge। khel poora hone ke samay yeh buddhi mein rehta hai, shuru mein nahin। tum bhi samajhte ho hamaare 84 janma poore hue। baaki kitna samay hoga? tum kahenge ham kab svarga va sukhdhaam mein jaayenge? parantu baap kehte hain is life ko to valuable, amoolya kaha jaata hai। tum badi bhaari service karte ho shreemat par। sirf tum paandav hi shreemat par chalte ho। geeta aadi mein yeh baaten nahin hain। yeh baba bahut hi shaastra aadi padha hua hai, guru kiye hue hain। jo bhi sab actors ki activities hain, un sabko tum jaante ho। shaastra to baad mein baith banaate hain। woh kya jaanen? yeh bhi drama mein khel bana hua hai। geeta-bhaagvat aadi sab apne-apne samay par repeat honge। geeta hai maai baap। geeta ko maata kaha jaata hai। aur koi pustak ko maata nahin kahenge। inka naam hi hai geeta maata। achha, unko kisne racha? pahle-pahle purush stri ko adopt karte hain na। purush shaadi karte hain to mukh se kehte hain yeh meri stri hai। to rachta hue na। phir unse bachche hote hain to bhi kahenge yeh hamaare hain। bachche bhi kahenge yeh hamaara baap hai। tum bhi baba ki mukh vanshaavli ho। kehte ho - baba, ham aapke hain। itna samay ham maaya ki mat par chalte aaye, abhi aapki mat par chalenge। maaya koi mukh se mat nahin deti hai। act aisi karte hain, yahaan to baap mukh se baith samjhaate hain।

tum sab bhaaratvaasi ho। jaante ho ki bhaarat hi sirtaaj tha। abhi donon taaj nahin hain। na holi, na unholy। gaaya jaata hai har holiness, his holiness। stri-purush donon ko kehte hain। sannyaasiyon ko his holiness kehte hain। parantu pravritti maarga hai nahin। pravritti maarga mein to stri-purush donon pavitra rehte hain। so to satayug mein donon pavitra hote hi hain, jisko complete pavitra kaha jaata hai। aatma aur shareer donon pavitra rehte hain। yahaan patit duniya mein donon pavitra to ho na sake। to abhi tum baap ke sammukh sun rahe ho, jisko gyaan barsaat kaha jaata hai। woh hai vish ki barsaat, yeh hai gyaan amrit ki barsaat। gaate hain na - amrit chhod vish kaahe ko khaaye। tumko ab gyaan amrit mil raha hai। bhakti maarga mein to aise hi sirf gaate rehte hain। abhi tumko practical mein gyaan amrit milta hai, isse hi amritsar naam pada hai। baaki taalaab to aise bahut hain। maanasrovar bhi hai na। maanasrovar, manushyon ka sarovar to woh hai nahin। yeh hai gyaan amrit ka sarovar, inko gyaan maan-sarovar bhi kaha jaata hai। gyaan saagar bhi hai। koi nadiyaan hain, koi canals hain, koi tubke hain। nambarvaar hain na। bachche samajh gaye hain, kalpa pahle bhi baap ne samjhaaya tha phir ab samjha rahe hain। tum nishchay karte ho ham baba se raajayog seekh rahe hain। jisse kalpa pahle bhi ham svarga ke maalik bane the। praja bhi kahegi ham maalik hain। bhaaratvaasi kehte hain na hamaara bhaarat sabse oonch tha। abhi hamaara bhaarat sabse neech hai। hamaara bhaarat bahut shreshthaachaari tha, ab hamaara bhaarat bahut bhrashtaachaari ho gaya hai। aur koi khanda ke liye aise nahin kahenge। sabhi dharma vaale bhi jaante hain ki bhaarat praacheen tha tab ham log nahin the। satayug mein zaroor sirf bhaaratvaasi hi honge। gaate bhi hain Christ se 3 hajaar varsha pahle bhaarat hi tha aur koi dharma nahin tha, nai duniya mein naya bhaarat tha। abhi puraana bhaarat hai। bhaarat heaven tha। parantu kiski buddhi mein poora baithta nahin hai। yeh to bahut sahaj samajhne ki baat hai। baap tumko samjha rahe hain। tum practical mein kartavya kar rahe ho। nambarvaar purushaartha anusaar sachcha-sachcha vyaas banna hai। sachchi geeta sunaani hai। tumko koi pustak aadi to haath mein uthaana nahin hai। tum to roop-basanta ho। tumhaari aatma geeta ka gyaan sunti hai baap se। tumhaari buddhi mein ek hi baap hai aur koi guru-gosaai saadhu-santa aadi tumhaari buddhi mein nahin hain। tum kahenge ham gyaan saagar parampita paramatma se sunte hain, jisko hi sat shri akaal kaha jaata hai। akshar kitna meetha hai। akaali log badi jor se kehte hain sat shri akaal.......।

yahaan tum bachche gyaan dance karte ho isliye kaha jaata hai sach to bitho nach, (sachche ho to khushi mein naachte raho) phir tum vahaan jaakar raas-vilaas karenge। meera bhi dhyaan mein raas aadi karti thi। parantu usne bhakti ki। tum koi bhakti nahin karte ho। divya drishti daata baap svayan tumko padha rahe hain। bahut bachche saakshaatkaar karte rehte hain to manushya samajhte hain - yeh to jaadu hai। bachche padhaai mein ghoomte-phirte hain na। tumhaare liye bhi yeh khelpaal hai। yeh koi subject nahin, inke marks nahin। khelne-koodne ki marks nahin hoti hain। yahaan bhi jo is khelpaal mein rehte hain, unko gyaan ki marks nahin mil sakti। yeh to khelpaal hai isko avyakt khel kaha jaata hai। woh vyakta khel, yeh avyakt khel। raas aadi karne vaale ko marks nahin milti hain isliye baba kehte hain dhyaan se gyaan achha hai, shreshtha hai। dhyaan to sirf em object ka saakshaatkaar hai। yeh hai hi raajayog। em object buddhi mein hai। woh to in aankhon se dekhte hain - ham phalaana banenge। yahaan to yeh tumhaari hai bhavishya ki em object। prince-princess banna hai। phir tum mahaaraaja-mahaaraani bante ho। bigar em object agar koi college mein baithe to unko kya kahenge? bhaarat mein aur jo satsang hain unmein koi em object nahin hai। isko university bhi kah sakte hain, paathshaala bhi kah sakte hain। satsang ko kabhi paathshaala nahin kaha jaata।

tum bachche jaante ho ham patit-paavan god fatherly university mein padhte hain। saari universe ko tum pavitra svarga banaate ho। apne liye hi is universe ko svarga banaate ho, jo banaayenge vahi phir raajya karenge। aise to nahin, sab svarga ke maalik banenge। jo poore narkavaasi hain, jinhonne dvaapar se bhakti ki hai vahi svargavaasi honge। baaki sab manushya sarson misal peeskar khatma honge, aatmaayen vaapas baap ke paas jaayengi। kitna bada vinaash hona hai! abhi to bahut praja hai। kitna baith ginenge। accurate ginti kar na saken। duniya mein kitne manushya hain। yeh sab khatma ho jaayenge। bachchon ko banyan tree ka bhi misaal bataaya gaya hai। kalkatte mein bahut bada jhaad hai, usmein thur (foundation) hai nahin, baaki saara jhaad khada hai। abhi devi-devta dharma bhi hai parantu unka naam praayahlop hai। aise nahin kahenge ki foundation hai hi nahin, sada hua bhi kuchh na kuchh nishaan to rahega na। praayahlop ka arth hi hai baaki thoda raha hai। chitra hain। bhaarat mein lakshmi-naaraayan raajya karte the। yeh to bada sahaj hai parantu maaya raavan buddhi ko taala laga deti hai। parampita paramatma hai buddhivaanon ki buddhi। manushyon mein buddhi hai parantu taala laga hua hai। pattharbuddhi ho gaye hain। ab baba phir se tumko paarasbuddhi banaate hain। aatma ko banaate hain। buddhi aatma mein rehti hai na। kaha jaata hai na - tum to pattharbuddhi, bhains buddhi ho। yahaan bhi aise hai। kuchh bhi samjhaao to samajhte nahin, shreemat par chalte nahin। shreemat to sadaiv kahegi - bachche, andhon ki laathi bano। sunna aur phir sunaana hai isliye service mein door jaana bhi padta hai। ek jagah baith to nahin jaana hai।

abhi tum gyaan aur yog seekh rahe ho। yahaan tum shivbaaba ke sammukh baithe ho। sahaj raajayog seekh rahe ho - varsa lene ke liye। tum aaye ho vishnupuri ki raajdhaani lene ke liye। vishnu ki vijay maala banegi। abhi tum drama ke raaz ko achhi reeti samajh gaye ho। tum jaante ho barobar deity sovereignty thi। satayug aadi mein raaja-raani the। abhi kaliyug ant mein to raaja-raani koi bhi kahla nahin sakte। parantu government ko madad karte hain to phir mahaaraaja ka title mil jaata hai। woh government bhi title deti thi raay saaheb, raay bahaadur aadi। abhi to tumko bada title mil raha hai practical mein। tum har holiness, his holiness mahaaraaja-mahaaraani banenge। tum par double taaj hai। pahle hota hai holi raajya phir unholy raajya। abhi phir unholy, no raajya। praja ka praja par raajya hai। drama ko samajhna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar :-

1) roz gyaan amrit ke maan-sarovar mein snaan kar aatma aur shareer donon ko paavan banaana hai। maaya ki mat chhod baap ki mat par chalna hai।

2) yeh amoolya sangam ka samay hai, is samay shreemat par chal service karni hai। sachcha vyaas ban sachchi geeta sunni aur sunaani hai। roop-basanta banna hai।

vardaan:- anek prakaar ki aag se bachne aur sarva ko bachaane vaale sachche merciful bhav

aaj ka maanav anek prakaar ki aag mein jal raha hai, anek prakaar ke duhkh, chintaayen, samasyaayen.. bhinna-bhinna prakaar ki yeh chot jo aatmaon ko lagti hai, yeh agni jeete hue jalne ka anubhav karaati hai। lekin aap aise jeevan se nikal shreshtha jeevan mein aa gaye, aap sheetal saagar ke kanthe par baithe ho। ateendriy sukh, shanti ki praapti mein samaaye hue ho, to merciful ban anya aatmaon ko bhi anek prakaar ki aag se bachaao। gali-gali mein gyaan sthaan banaakar sabko thikaana do।

slogan:- jinki ek baap se sachchi preet hai unhein ashareeri banna sahaj hai।