Daily Murli for Monday 25 September 2023

25-09-2023 praatahmurli om shanti "baapdaada"' madhuban

“meethe bachche - tumhaare dar par koi bhi aaye use kuchh na kuchh gyaan dhan dena hai, pahle form bharaao phir do baap ka parichay do''

prashn:- jaadoogar baap ki jaadoogri kaun si hai?

uttar:- jaadoogar baap ki jaadoogri dekho - itna ooncha baap kehte hain main tumhaari seva mein aaya hoon, main tumhaara bachcha bhi ban jaata hoon। tum bachche jab mere par bali chadho to phir main 21 janmon ke liye tumhaare par bali chadhoon। yeh bhi wonderful baaten hain। baap kitne pyaar se tumhein padhaai padhaate hain। tumhaari sab manokaamnaayen poori karte hain। tumse koi bhi fees aadi nahin lete hain। unhein kaha jaata hai - raajhu-ramazbaaj।

geet:- jo piya ke saath hai…

om shanti। piya aur varsha। jo piya ke saath hai uske liye barsaat hai। kis prakaar ki? isko gyaan varsha kaha jaata hai। gyaan varsha kaun karte hain? gyaan ka saagar। ab yeh geet jinhonne gaaya ya banaaya woh to kuchh nahin jaante। tum ho lucky gyaan sitaare। tum gyaan saagar ke bachche bane ho isliye tumko gyaan sitaare kaha jaata hai। baap se gyaan le rahe ho। knowledge ki hamesha em-object hoti hai। kuchh na kuchh praapti ka raasta milta hai। ab tum bachche jaante ho behad ke baap dvaara behad ka varsa lena hai। woh hai paarlaukik baap। tumhaare paas kabhi koi naye jigyaasu aate hain to form bharne se darte hain। to unko samjhaana chaahiye kyonki phir bhi tumhaare paas aaye hain to kuchh na kuchh bichaaron ko milna chaahiye। bahut gareeb hain। tumhaare paas to authority hai। haan, nambarvaar koi full paas hote hain, koi kam। yeh to nasha hai hamaare paas gyaan ratna dher hain। gyaan saagar koi mahal mein to nahin rehte hain, jhopdi mein rehte hain। jhopdi mein rehna pasanda karte hain। jab koi kahe ham form nahin bharenge to bolo - achha, apna naam to likhenge, ham badi behen ji ko dikhaayen ki phalaana aaya hai। kuchh samajhne ke liye to aaye ho। achha, apna naam likho। laukik father ka bhi naam likhna pade phir samjhaana hai - do baap to hain। ek hai laukik baap, doosra hai paarlaukik parampita paramatma। jab pita kehte ho to unka naam to likho। parampita kehte ho to woh sabka baap hai। har ek ko laukik aur paarlaukik baap hote hain। bhakti maarga mein donon baap hain। satayug-treta mein laukik father to hai, paarlaukik ka naam bhi nahin lenge। yeh baaten tum bachchon ko samajhkar phir samjhaana hai। kitni sahaj baaten samjhaai jaati hain। jisko god father kaha jaata hai - woh hai parlok mein rahne vaala। buddhi mein aata hai - barobar, satayug-treta mein paarlaukik baap ko yaad nahin karte। yahaan to sab yaad karte hain। to samjhaana hai laukik father ka naam likha, ab paarlaukik father ka naam likho। sab jeev ki aatmaayen us paarlaukik parampita ko yaad karti hain। woh ek hi hai। jaise aatma niraakaar hai, vaise woh bhi niraakaar hai। unka to koi sookshm va sthool shareer nahin hai। unko sarvavyaapi to kah nahin sakte। laukik baap ko kabhi sarvavyaapi nahin kah sakte hain। kya sarvavyaapi kahne se varsa mil sakta hai? phir paarlaukik baap ko sarvavyaapi kyon kehte ho? paarlaukik baap ko sab itna yaad karte hain to zaroor unse bhi varsa milna chaahiye। rachna ko rachta se varsa to chaahiye na। aise nai-nai baaten samjhaane se jhat samajh jaayenge। tum anubhav se batlaate ho us baap se varsa paane ki yukti bataai jaati hai। woh baap hai svarga ka rachayita। tum jaante ho bhaarat jeevanmukta tha, ab jeevanbandh hai। duhkh se liberate karne vaala baap hi hai।

yeh trimoorti sahit lakshmi-naaraayan ka chitra bahut achha hai। har ek ke paas hona chaahiye। is par samjhaao ki barobar yeh lakshmi-naaraayan bhaarat ke aadi sanaatan devi-devta the, satayug ke maalik the। svarga ka varsa zaroor paarlaukik baap svarga ka rachayita hi de sakte hain। koi form na bhi bhare lekin yeh baat likhaana to sahaj hai। do baap hain, donon se varsa milta hai। lakshmi-naaraayan athva unke bachchon aadi ki jeevan kahaani to hai nahin। shreekrishna ke liye kehte hain unko tokri mein le gaye, yeh hua। achha, in lakshmi-naaraayan ko raajya kahaan se mila? barobar aadi sanaatan devi-devtaaon ka raajya tha, inmen pahla number lakshmi-naaraayan hain। unhon ko yeh svarga ka varsa kisne diya? yeh prajaapita brahma bhi baitha hai, yeh varsa lakshmi-naaraayan saamne khade hain। phir jhaad par le aao। yahaan tapasya kar rahe hain - raajayog ki। inse yeh lakshmi-naaraayan bante hain। yeh samjhaana kitna sahaj hai। lakshmi-naaraayan ke bhakton ko samjhaana bahut sahaj hai। ab andar koi aate hain to kuchh na kuchh shiksha zaroor deni pade। tumhaare dvaara in veshyaaon, bheelniyon aadi ka bhi uddhaar hona hai। parantu tumhaare mein abhi woh taakat nahin hai। baba ne samjhaaya hai tum apne pati ko bhi bhoon bhoon karti raho। stri apne pati se bhi poochh sakti hai - tum apne laukik baap ka naam bataao। achha, paarlaukik baap ka naam bataao? jisko tum ghadi-ghadi janma by janma yaad karte ho, zaroor unse kuchh jaasti milta hai। lakshmi-naaraayan ko yaad karne se to kuchh milta nahin hai।

baap aakar tumhaari kitni seva karte hain। bigar maange tumko padhaate hain। kehte hain - aao, tumko svarga mein le chalen। sabhi manokaamnaayen poorn karte hain। nar-naaraayan ka bhi chitra hai na। pooja lakshmi ki hoti hai। samajhte hain lakshmi se sampatti milegi। yeh sab bhakti maarga ki baaten hain। lakshmi (stri) dhan kahaan se laayegi? unko zaroor pati se milta hai। pujaari log yeh kuchh bhi nahin jaante। tum bachchon ko samjhaana pade। tum bhi abhi samajhte ho - aage ham kya karte the? kuchh bhi nahin samajhte the। ab achhi reeti jaan gaye hain। shreekrishna-janmaashtami hoti hai to savere mein unko doodh pilaate hain, jhoola jhulaate hain aur raat ko phir poori-tasmai (kheer) aadi khilaate hain। kya itne mein itna bada ho gaya, jo poori tasmai khaane laayak ho gaya! yeh bhi samajhne ki baaten hain na। tum jaante ho yeh raadhe-krishna hi phir lakshmi-naaraayan bante hain। shivbaaba inhon ko yeh pad dilaate hain। shiv ko kabhi poori-tasmai aadi nahin khilaate। un par sirf doodh chadhaate hain। ab shivbaaba to hai niraakaar, jiska koi naam-roop nahin, un par doodh aadi chadhaane ka matlab kya hai? unko kuchh khilaate nahin hain। niraakaar hai na, shreekrishna ko roti aadi khaane ke liye mukh hai। shiv par kuchh nahin chadhaate। shankar par chadhaate hain, shiv par nahin। shankar ka to phir bhi aakaar roop hai na। donon ek to ho nahin sakte। ab baba kitni knowledge dete hain। kitni gupta baaten hain।

tum gopikaayen shivbaaba ki ho। shiv ko phir baalak bhi kehte hain। yeh bhi shivbaaba poochhte hain tumne shiv ko baalak kyon banaaya hai? varsa baalak ko diya jaata hai। pahle jab tum bali chadho tab hi shivbaaba bali chadhe। yeh bhi hai baap bachchon par bali chadhte hain parantu kehte hain pahle tumko bali chadhna hai, tab main chadhoon। bali chadhna arthaat unko apna bachcha banaana, unki paalna karna। kitni wonderful baaten hain! maataayen hain na। purush bhi shiv baalak ko apna vaaris banaate hain। shivbaaba ko jaadoogar kehte hain na। lakshmi-naaraayan jaadoogar nahin hain। yeh badi gupta baaten hain। virla koi samajh sakte hain। aproksha bhi batlaate hain। tum bachche anubhvi ho baba ne saakshaatkaar kiya, mama ne koi saakshaatkaar nahin kiya phir bhi mama sabse teekhi gai। sabko to saakshaatkaar nahin hoga। aise to bahuton ko saakshaatkaar hue, aaj hain nahin। saakshaatkaar se koi connection nahin hai। yeh to hain dhaaran karne aur karaane ki meethi baaten। jaadoogar raajhu ramazbaaj to hai na। jaadoogar log bahut teekhe-teekhe hote hain। santare nikaal dikhaate hain, sir kaatkar phir jod dete hain। aage bahut jaadoogri dikhaate the।

ab bachche jaan gaye hain baba ki hi mahima gaai jaati hai। tumhaari leela apram-apaar hai, tumhaari gati mat nyaari hai। baap kitni shreemat dete hain। shreemat se tumko shreshtha devta bana rahe hain। shri shri kaha jaata hai niraakaar shivbaaba ko। lakshmi-naaraayan ko aisa shreshtha kisne banaaya? zaroor unse shreshtha te shreshtha hoga। baba se ham yeh ilam (vidya) seekhte hain ki manushya ko devta kaise banaaya jaae। abhi tum sab seetaayen raavan ki jel mein, shok vaatika mein duhkh utha rahi ho। raamraajya mein kabhi shok hota hi nahin। to jisse varsa milta hai unko yaad karna hai na। ham aatma hain yeh bhi maante hain। poochho tumhaare laukik baap ka naam kya hai? paarlaukik baap ka naam kya hai? baap ko sarva-vyaapi to nahin kahenge। baap maana varsa। behad ke baap se behad ka varsa milta hai। ab woh raavan ne chheena hua hai isliye kaha jaata hai maaya jeete jagat jeet। maaya par jeet paani hai। man to toofaani ghoda hai। khoob pachhaadne ki koshish karega। baba ne ab tumhaari buddhi ka taala khol diya hai। tum right aur wrong ko samajh sakte ho। tum samjha sakte ho ab yeh duniya badal rahi hai। mahaabhaari ladaai to zaroor lagni hai, usmein sab vinaash honge। yaadav mooslon se apne hi yaadav kul ka vinaash karte hain। paandav kul ki jeet honi hai। parantu dikhaaya hai 5 paandav bache, woh bhi pahaadon par gal mare। baaki kya hua? kuchh nahin। raajayog sikhaaya to kuchh to bache honge। pralay thode hi ho jaati hai। yeh sab baaten tum abhi jaante ho। dikhaate hain shreekrishna saagar mein patte par aaya। shreekrishna to garbha mahal mein aate hain। garbha jel mein duhkh hota hai। saagar to garbha mahal hai। bade aaraam se baitha rehta hai। janma-janmaantar se yeh geeta ka gyaan bhaagvat aadi sunte aaye, bhakti maarga ke dhakke khaate aaye, abhi baap tumko ek second mein svarga ka maalik banaate hain। isko bhaavi kehte hain, parantu bhaavi kiski? bhaavi drama ki kahenge। bana-banaaya drama hai na। manushya to sirf bhaavi kehte rehte hain, samajhte kuchh bhi nahin। to jab koi aaye pahle-pahle yeh bataao ki do baap hain। paarlaukik baap svarga ka rachayita hai। usne to svarga ka varsa diya tha। aaj se 5 hajaar varsha pahle svarga tha। abhi to narka hai phir tum varsa le sakte ho। ham bhi behad ke baap se varsa le rahe hain। yeh bhaarat bhagwan ki janma bhoomi hai। jaise ibraaham, buddha aadi ki apni janma bhoomi hai। tum bachche jaante ho baap aaye hue hain, varsa de rahe hain। tum bachchon ko merciful banna hai। koi ko bhi yeh samjhaana to bahut sahaj hai। paarlaukik baap ki pahchaan deni hai। paarlaukik father ek hi baar aate hain। unki yaad se ham svarga ka varsa le rahe hain। bahut sahaj hai। aisi-aisi baaten achhi reeti dhaaran karo aur samjhaao। daan karo। paarlaukik baap svarga ki raajaai dete hain। lakshmi-naaraayan ko di hai na। is sooryavanshi lakshmi-naaraayan ka baap kaun hai? ham aapko bataate hain, svarga ki sthaapna karne vaala father ab unhon ko svarga ki raajaai de rahe hain। baaki aasheervaad kya karenge। achha!

meethe-meethe sikeeldhe lucky gyaan sitaaron prati maat-pita baapdaada ka nambarvaar purushaartha anusaar yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) right aur wrong ko samajh buddhi bal se man roopi toofaani ghode ko vash karke maayaajeet, jagatjeet banna hai। haar nahin khaani hai।

2) shiv ko baalak banaakar unki paalna karni hai arthaat pahle unhein apna vaaris banaana hai। un par poora bali chadhna hai।

vardaan:- umang-utsaah dvaara vighnon ko samaapta karne vaale baap samaan sameep ratna bhav

bachchon ke dil mein jo umang-utsaah hai ki main baap samaan sameep ratna ban sapoot bachche ka saboot doon - yeh umang-utsaah udti kala ka aadhaar hai। yeh umang kai prakaar ke aane vaale vighnon ko samaapta kar sampanna banne mein sahayog deta hai। yeh umang-utsaah ka shuddh aur dridh sankalp vijayi banaane mein vishesh shaktishaali shastra ban jaata hai isliye dil mein sada umang-utsaah ko va is udti kala ke saadhan ko kaayam rakhna।

slogan:- jaise tapasvi sada aasan par baithte hain aise aap ekras avastha ke aasan par viraajmaan raho।