Daily Murli for Friday 10 November 2023

10-11-2023 praatahmurli om shanti "baapdaada"' madhuban

meethe bachche - tumhein baap samaan murleedhar zaroor banna hai, murleedhar bachche hi baap ke madadgaar hain, baap un par hi raazi hota hai

prashn:- kin bachchon ki buddhi bahut-bahut nirmaan ho jaati hai?

uttar:- jo avinaashi gyaan ratnon ka daan kar sachche philanthropist bante hain, hoshiyaar salesman ban jaate hain unki buddhi bahut-bahut nirmaan ho jaati hai। service karte-karte buddhi refine ho jaati hai। daan karne mein kabhi bhi abhimaan nahin aana chaahiye। hamesha buddhi mein rahe ki shivbaaba ka diya hua de rahe hain। shivbaaba ki yaad rahne se kalyaan ho jaayega।

geet:- tumheen ho maata…

om shanti। sirf maat-pita vaala geet sunaane se naam siddha nahin hota hai। pahle shivaae namah ka geet sunkar phir maat-pita vaala sunaane se knowledge ka pata padta hai। manushya to mandiron mein jaate hain, lakshmi-naaraayan ke mandir mein jaayenge, krishna ke mandir mein jaayenge, sabke aage tum maat-pita… kah dete hain, bigar arth। pahle shivaae namah vaala geet sunaae phir maat-pita vaala sunaane se mahima ka pata padta hai। naya koi bhi aaye to yeh geet achhe hain। samjhaane mein sahaj hota hai। baap ka naam hi hai shiv, aise to nahin kahenge shiv sarvavyaapi hai। phir to sabki mahima ek ho jaae। unka naam hi hai shiv। doosra koi apne par shivaae namah naam rakha na sake। unki mat aur gat sab manushya maatra se nyaari hai। devtaaon se bhi nyaari hai। yeh knowledge sikhlaane vaala maat-pita hi hai। sannyaasiyon mein to maata hai nahin isliye woh raajayog sikhla na saken। shivaae namah to koi ko bhi kah nahin sakte। dehdhaari ko shivaae namah thode hi kahenge। yeh samjhaane ka hai। parantu tum bachchon mein bhi nambarvaar hain। kahaan achhe-achhe bachche bhi points miss kar dete hain। miyaan mitthu to apne ko bahut samajhte hain, ismen dil ki saphaai chaahiye। har baat mein sach bolna, sach hokar rehna hai - time lagta hai। deh-abhimaan mein aane se phir familiarity aadi sab baaten aa jaati hain। abhi aise koi kah nahin sakta ki ham dehi-abhimaani hain, phir to karmaateet avastha ho jaae। nambarvaar hain। koi to bahut kapoot bachche hain। maaloom pad jaata hai, kaun baba ki service karte hain। jab shivbaaba ki dil par chadhen tab rudra maala ke najdeek hon aur takhta ke laayak banen। laukik baap ki dil par bhi sapoot bachche hi chadhte hain, jo baap ke saath madadgaar ban jaate hain। yeh bhi behad ke baap ka avinaashi gyaan ratnon ka dhandha hai। to dhandhe mein madad dene vaale par baap bhi raazi rahega। avinaashi gyaan ratna dhaaran kar aur dhaaran karaane hain। koi samajhte hain hamne insure kiya hai। uska to tumko mil jaayega। yahaan to bahuton ko daan karna hai, baap muaaphik avinaashi gyaan ratnon ka philanthropist banna hai। baap aate hi hain gyaan ratnon se jholi bharne, dhan ki baat nahin। baap ko sapoot bachche hi pasanda hote hain। vyaapaar karna nahin jaante to woh murleedhar, saudaagar ka bachcha kahla kaise sakte? lajja aani chaahiye, main dhandha to karta nahin hoon। salesman jab hoshiyaar dekha jaata hai to phir unko bhaageedaar banaaya jaata hai। aise hi thode hi bhaageedaari mil jaati hai। is dhandhe mein lag jaane se phir bahut nirmaan buddhi ho jaati hai। service karte-karte buddhi refine hoti hai। baba-mama apna anubhav sunaate hain। baba hai sikhlaane vaala, yeh to jaante ho yeh baba achhi dhaarna kar achhi murli sunaate hain। achha, samjho ismen shivbaaba hai, woh to hai hi murleedhar parantu yeh baba bhi to jaanta hai na। nahin to itna pad kaise paate? baba ne samjhaaya hai ki hamesha samjho shivbaaba sunaate hain। shivbaaba ki yaad rahne se tumhaara bhi kalyaan ho jaayega। inmen to shivbaaba aate hain। woh mama alag bolti hai, mama ki hainsiyat mein। unka naam baala karna hai kyonki female ko lift di jaati hai। kehte hain na jaisi hai, vaisi hai, meri hai, sambhaalna hi hai। purush log hi aise kehte hain। stri aise nahin kehti, jaise hain, vaise hain........। baap bhi kehte bachche jaise ho, vaise ho, sambhaalna hi hai। naam bhi baala baap ka hi hota hai। yahaan baap ka naam to baala hai hi। phir shaktiyon ka naam baala hota hai। unhon ko service ka achha chance milta hai। din-pratidin service bahut sahaj ho jaani hai। gyaan aur bhakti, din aur raat, satayug-treta din, vahaan hai sukh, dvaapar-kaliyug hai raat, duhkh। satayug mein bhakti hoti nahin। kitna sahaj hai। parantu takdeer mein nahin hai to dhaarna nahin kar sakte। points to bahut sahaj milti hain। mitra-sambandhiyon ke paas jaakarke samjhaao, apne ghar ko uthaao। tum to grihastha vyavhaar mein rahne vaale ho, to bahut sahaj reeti se koi ko bhi samjha sakte ho। sadgati daata to ek hi paarlaukik baap hai। vahi shikshak bhi hai, sadguru bhi hai। baaki sab barobar durgati karte aaye hain, dvaapar se lekar। bhrashtaachaari, paap aatmaayen kaliyug mein hain। satayug mein paap aatma ka naam nahin, yahaan hi ajaamil, ganikaayen, ahilyaayen, paap aatmaayen hain। aadhaakalpa svarga kaha jaata hai। phir bhakti shuru hoti hai to girna shuru ho jaata hai। girna bhi hai zaroor। sooryavanshi girkar chandravanshi bante hain। phir girte hi aayenge। dvaapar se sab giraane vaale hi milte aaye hain। yeh bhi tum abhi jaante ho। din-pratidin tumhaare mein taakat aati jaayegi। saadhuon aadi ko samjhaane ke liye bhi yuktiyaan nikaalte rehte hain। aakhreen samjhenge zaroor ki barobar parampita paramatma sarvavyaapi kaise ho sakta hai? samjhaane liye points bahut hain। bhakti pahle avyabhichaari phir vyabhichaari banti hai। kalaayen kam hoti hain। abhi koi kala nahin rahi hai। jhaad va gole mein bhi dikhaaya hai ki kalaayen kaise kam hoti hain? most easy hai samjhaana, parantu takdeer mein nahin hai to samjha nahin sakte। dehi-abhimaani bante nahin hain। puraani deh mein atke rehte hain। baap kehte hain - is puraani deh se mamatva tod apne ka aatma samjho। dehi-abhimaani nahin banenge to pad bhi oonch pad pa nahin sakenge। student aise thode hi chaahenge ki last mein baithe rahen। mitra-sambandhi, teacher, student aadi sab samajh jaayenge, inka padhaai mein dhyaan nahin hai। yahaan bhi samajhte hain shreemat par nahin chalte hain to phir yahi haal hoga। kaun praja banenge, kaun daas daasi, sab samajh jaate hain। baap samjhaate hain apne mitra-sambandhiyon ka kalyaan karo। yeh kaayda hota hai। ghar mein bada bhaai hota hai to chhote bhaai ko madad dena unka farja hai - isko kaha jaata hai charity begins at hom। baap kehte hain dhan diye dhan na khute........ dhan denge nahin to milega bhi nahin, pad pa nahin sakenge। chance bahut achha milta hai। merciful banna hai। tum sannyaasiyon, saadhuon par bhi merciful bante ho। kehte ho aakar samjho। tum apne paarlaukik baap ko nahin jaante ho, jo baap bhaarat ko har kalpa sada sukh ka varsa dete hain। koi bhi jaante nahin। kehte hain officers bhi bhrashtaachaari hain, to phir shreshthaachaari kaun banaayenge?

aajkal to saadhu samaaj ka bada maan hai। tum likhte ho - baap in sab par bhi raham karte hain, to woh wonder khaayenge। aage chal tumhaara naam baala hoga। tumhaare paas bahut aate rahenge। pradarshani bhi hoti rahegi। aakhreen koi jaagenge zaroor। sannyaasi log bhi jaagenge। jaayenge kahaan, ek hi hatti hai। badi improvement hoti rahegi। achhe-achhe chitra niklenge samjhaane ke liye, jo koi bhi aakar padhe। jab bhambhor ko aag lagegi tab manushya jaagenge, parantu tu let। bachchon ke liye bhi aisa hai। pichhaadi mein kitna daud sakenge। race mein bhi koi pahle aahiste-aahiste daudte hain। win ki prize thodon ko hi milti hai। yeh tumhaari bhi ghuddaud hai। roohaani yaatra ki daudi pahnaane ke liye bhi gyaani tu aatma chaahiye। baap ko yaad karo, yeh bhi gyaan hai na। yeh gyaan aur kisko nahin hai। gyaan se manushya heere jaise bante hain। agyaan se kaudi jaise bante hain। baap aakar satopradhaan praalabdha banaate hain। phir woh thodi-thodi hokar kamti hoti jaati hai। yeh sab points dhaaran kar act mein aana hai। tum bachchon ko mahaadaani banna hai। bhaarat ko mahaadaani kehte hain kyonki yahaan hi tum baap ke aage tan-man-dhan sab arpan karte ho। to baap bhi phir sab kuchh arpan kar dete hain। bhaarat mein bahut hi mahaadaani hain। baaki manushya sab andhashradha mein phanse hue rehte hain। yahaan to tum eeshvar ki sharnaagti mein aaye ho। raavan se duhkhi ho aakar raam ki asylum li hai। tum sab shok vaatika mein the। ab phir ashok vaatika mein arthaat svarga mein chalna hai। svarga sthaapan karne vaale baap ki sharnaagti li hai। koi to chhotepan mein hi jabardasti aa gaye hain, to unhon ko yahaan sharnaagti mein sukh nahin aata। takdeer mein nahin hai, unhon ko maaya raavan ki sharan chaahiye। eeshvar ki sharnaagti se nikal kar maaya ki sharan mein jaana chaahte hain। aashcharya ki baat hai na।

yeh shivaae namah vaala geet achha hai। tum baja sakte ho। manushya to iska arth samajh na saken। tum kahenge ham shreemat par yathaartha arth samjha sakte hain। woh to gudiyon ka khel karte hain। drama anusaar in geeton ki bhi madad milti hai। baap ka bankar aur serviceable na bana to dil par kaise chadh sakte hain। kai bachche kapoot ban padte hain to kitna na duhkh dete hain। yahaan to amma mare to halua khaao, beebi mare to bhi halua khaao, royenge peetenge nahin। drama par majboot rehna chaahiye। mama-baba bhi jaayenge, ananya bachche bhi advance mein jaayenge। part to bajaana hi hai। ismen phikra ki kya baat hai? saakshi hokar ham khel dekhte hain। avastha sadaiv harshit rahni chaahiye। baba ko bhi khyaalaat aate hain, law kehta hai aayenge zaroor। aise nahin ki mama-baba koi paripoorna ho gaye hain। paripoorna avastha ant mein hogi। is samay koi bhi apne ko paripoorna kah na sake। yeh nuksaan hua, koi khitpit hui, akhbaar mein bi.ke. ke liye haahaakaar hua, yeh sab bhi kalpa pahle hua tha। phikra ki kya baat, 100 percent avastha ant mein honi hai। baap ki dil par tab chadhenge jab merciful banenge, aapasmaan banaayenge। insure kiya woh baat alag hai। woh to apne liye hi karte hain। yeh to gyaan ratnon ka daan auron ko dena hai। baap ko poora yaad nahin karenge to vikarmon ka bojha jo sir par hai, woh khul padega। pradarshani mein bhi samjhaane vaale laayak chaahiye। hoshiyaar banna chaahiye। maja aata hai raat ko yaad karne mein। is roohaani saajan ko phir prabhaat mein yaad karna hai। baba aap kitne meethe ho, kya se kya bana rahe ho। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) dil se sada sachcha rehna hai। sach bolna hai, sach hokar chalna hai। deh-abhimaan ke vash svayan ko miyaan mitthu nahin samajhna hai। ahankaar mein nahin aana hai।

2) saakshi hokar khel dekhna hai। drama par majboot rehna hai। kisi bhi baat ka phikra nahin karna hai। avastha sada harshit rakhni hai।

vardaan:- svaraajya ki satta dvaara vishwa raajya ki satta praapta karne vaale master sarvashaktimaan bhav

jo is samay svaraajya sattaadhaari arthaat karmendriy-jeet hain vahi vishwa ki raajya satta praapta karte hain। svaraajya adhikaari hi vishwa raajya adhikaari bante hain। to check karo man-buddhi aur sanskaar jo aatma ki shaktiyaan hain, aatma in teenon ki maalik hai? man aapko chalaata hai ya aap man ko chalaate hain? kabhi sanskaar apni taraph kheench to nahin lete hain? svaraajya adhikaari ki sthiti sada master sarvashaktimaan hai, jismen koi bhi shakti ki kami nahin।

slogan:- sarva khajaanon ki chaabi - “mera baba'' saath ho to koi bhi aakarshan aakarshit kar nahin sakti।