Daily Murli for Thursday 18 January 2024

18-01-24 praatahmurli om shanti ''avyakt-baapdaada'' madhuban

pitaashri ji ke punya smriti divas par sunaane ke liye baapdaada ke madhur mahaavaakya

meethe bachche - baap ki dil andar bachchon ko sada sukhi banaane ki first class aash rehti hai, baap yahi chaahte hain ki mere bachche laayak ban svarga ke maalik banen

om shanti। bachche jaante hain abhi bhagwan sammukh baithkar hamko gyaan ke geet sunaate hain va gyaan ki dance karaate hain। is gyaan dance se tum devtaaon muaaphik sada sukhi aur harshit rahenge। bhagwan ko hi behad ka baap va vishwa ka rachayita kaha jaata hai। aatma samajhti hai baba hamaare liye svarga ki saugaat laaye hain। vahi rachayita hai। svarga ka maalik banaane ke liye raajayog sikhaate hain। kehte hain baap ko aur vishwa ke maalikapne ko yaad karo। baap behad ka maalik hai to zaroor behad ki badi duniya hi rachenge। tum bachchon ke liye saari vishwa hi ghar hai arthaat part bajaane ka sthaan hai। behad ka baap aakarke behad ka vishwa athva ghar banaate hain, woh hai svarga। to aise baap ka bachchon ko kitna shukriya maanna chaahiye। vishwa ka rachta baap direct samjha rahe hain ham tumko vishwa ka maalik banaane aaya hoon to tumhaara svabhaav bahut first class chaahiye। tumhaari chalan aisi honi chaahiye jo sab kahen ki yeh to jaise devta hai। devtaayen naameegraami hain। kehte hain inka svabhaav ekdam devtaai hai। bilkul meethe shant svabhaav ke hain। to aise bachchon ko baap bhi dekh khush hote hain। baba svarga ka maalik banaane aate hain to tumhein kitna madadgaar banna chaahiye। service mein aapehi lag jaana chaahiye। aise nahin main thak gaya hoon, phursat nahin hai। samay par sab kaam karne mein kalyaan hai। yagya service ka izaapha shivbaaba dete hain। baba bachchon ki daivi chalan dekhte hain to kurbaan jaate hain।

tum bachche is padhaai se kitni oonchi kamaai karte ho। tum padma-padmapti bante ho। baba tumhein kitna dhanvaan banaate hain। baap tumko akhut khajaane mein aisa vazan karte hain jo 21 janma saath rahega। vahaan duhkh ka naam nahin। kabhi akaale mrityu nahin hoga। maut se kabhi darenge nahin। yahaan kitna darte hain, rote hain। tumko to khushi hai - yeh puraana shareer chhod jaae nai duniya mein prince banenge। tum is puraani duniya se mamatva mitaate raho, is deh ko bhi bhoolte jaao। ham aatma independent hain। bas ek baap ke sivaae aur kisi ki yaad na aaye। jeete ji jaise ki maut ki avastha mein rehna hai। is duniya se mar gaye। kehte bhi hain na - aap muye mar gai duniya। shareer ke bhaan ko udaate raho। ekaanta mein baith yeh abhyaas karo - baba bas abhi ham aapki god mein aaye ki aaye। ek ki yaad mein shareer ka ant ho - isko kaha jaata hai ekaanta।

meethe bachche, tum jaante ho ki aisi oonchi padhaai padhaane vaala kaun hai! is chaitanya dibbi mein chaitanya heera baitha hai, vahi sat-chit aananda swaroop hai। sat baap tumhein sachchi-sachchi shreemat dete hain। baap ke bane ho to kadam-kadam shreemat par chalna hai। chup rehna hai aur padhna hai, ek baap ko yaad karna hai। ghadi-ghadi is badge ko dekhte raho to baap aur varse ki yaad aayegi। yaad se hi tum jaise saare vishwa ko shanti ka daan dete ho। har ek bachche ko apni praja bhi banaani hai, vaaris bhi banaane hain। murli koi bhi miss nahin karni chaahiye। baba bahut pyaar se samjhaate hain - meethe bachche apne par raham karo, koi avagya nahin karo।

jo khushboodaar phool hain woh kheenchate hain। jo jaisa hai aisi searchlight lene ki kashish karte hain। khushboodaar, gunvaan bachchon ko dekh pyaar mein, khushi mein nayan geele ho jaate hain। kuchh takleeph hoti hai to baba searchlight dete hain।

baba samjhaate hain meethe bachche, tumhein is puraani duniya mein koi bhi aasha nahin rakhni hai। ab to ek hi shreshtha aash rakhni hai ki ham to chalen sukhdhaam। kahaan bhi thaharna nahin hai। dekhna nahin hai। aage badhte jaana hai। ek taraph hi dekhte raho tab hi achal-adol sthir avastha rahegi। ab yeh duniya khatma honi hi hai, iski bahut serious haalat hai। is samay sabse adhik gussa prakriti ko aata hai isliye sab khalaas kar deti hai। tum jaante ho yeh prakriti abhi apna gussa jor se dikhaayegi। saari puraani duniya ko dubo degi। earthquake mein makaan aadi sab gir padenge। anek prakaar se maut honge। yeh sab drama ka plan bana hua hai। ismen dosh kisi ka bhi nahin hai। vinaash to hona hi hai isliye tumhein isse buddhi ka yog hata dena hai। tumne to apna sab kuchh insure kar diya hai isliye tumhein kisi bhi prakaar ki chinta nahin। tumhaara sab kuchh saphal ho raha hai।

ab tum kahenge vaah satguru vaah! jisne hamko yeh raasta bataaya hai। vaah takdeer vaah! vaah drama vaah! tumhaare dil se nikalta - shukriya baba aapka jo hamaare do mutthi chaaval lekar humein safety se bhavishya mein sauguna return dete ho। parantu ismen bhi bachchon ki badi vishaal buddhi chaahiye। bachchon ko athaah gyaan dhan ka khajaana milta rehta to apaar khushi honi chaahiye na। jitna hriday shuddh hoga to auron ko bhi shuddh banaayenge। yog ki sthiti se hi hriday shuddh banta hai। tum bachchon ko yogi banne banaane ka shauk hona chaahiye। agar deh mein moh hai, deh-abhimaan rehta hai to samjho hamaari avastha bahut kachchi hai। dehi-abhimaani bachche hi sachcha diamond bante hain isliye jitna ho sake dehi-abhimaani banne ka abhyaas karo। baap ko yaad karo। baba akshar sabse bahut meetha hai। baap bade pyaar se bachchon ko palkon par bithaakar saath le jaayenge। aise baap ki yaad ke nashe mein chaknaachoor hona chaahiye। baap ko yaad karte-karte khushi mein thande-thaar ho jaana chaahiye। jaise baap apkaariyon par upkaar karte hain - tum bhi follow father karo। sukhdaai bano। baap ki dil andar bachchon ko sada sukhi banaane ki kitni first class aash rehti hai ki bachche laayak ban svarga ke maalik banen।

tum bachche abhi drama ke raaz ko bhi jaante ho - baap tumhein niraakaari, aakaari aur saakaari duniya ka sab samaachaar sunaate hain। aatma kehti hai abhi ham purushaartha kar rahe hain, nai duniya mein jaane ke liye। ham svarga mein chalne laayak zaroor banenge। apna aur doosron ka kalyaan karenge। achha-baap meethe bachchon ko samjhaate hain, baap duhkh harta sukh karta hai to bachchon ko bhi sabko sukh dena hai। baap ka right hand banna hai। aise bachche hi baap ko priy lagte hain। shubh kaarya mein right haath ko hi lagaate hain। to baap kehte har baat mein righteous bano, ek baap ko yaad karo to phir ant mati so gati ho jaayegi। is puraani duniya se mamatva mita do। yeh to kabristaan hai। dhandhaadhori bachchon aadi ke chintan mein mare to muphta apni barbaadi kar denge। shivbaaba ko yaad karne se tum bahut aabaad honge। deh-abhimaan mein aane se barbaadi ho jaati hai। dehi-abhimaani banne se aabaadi hoti hai। dhan ki bhi bahut laalach nahin rakhni chaahiye। usi phikraat mein shivbaaba ko bhi bhool jaate hain। baba dekhte hain sab kuchh baap ko arpan kar phir hamaari shreemat par kahaan tak chalte hain। shuru-shuru mein baap ne bhi trustee ho dikhaaya na। sab kuchh eeshvar arpan kar khud trustee ban gaya। bas eeshvar ke kaam mein hi lagaana hai। vighnon se kabhi darna nahin chaahiye। jahaan tak ho sake service mein apna sab kuchh saphal karna hai। eeshvar arpan kar trustee ban rehna hai। achha-

meethe-meethe sikeeldhe bachchon prati maat pita baapdaada ka yaadapyaar aur good morning। roohaani baap ki roohaani bachchon ko namaste।

avyakt-mahaavaakya (revise-15-4-74)

kya sabhi unnati ki or badhte ja rahe ho? sada lagan mein magna aur vighna-vinaashak, yeh donon nishaaniyaan kya anubhav mein aa rahi hain? vighna-vinaashak banne ke bajaay, vighnon ko dekh apni stage se neeche to nahin aa jaate ho? kya anek prakaar ke aaye hue toofaan aapki buddhi mein toofaan to paida nahin karte hain? jaise koi ke dvaara tohpha milta hai to buddhi mein halchal nahin hoti hai balki ullaas hota hai। isi prakaar aaye hue toofaan ullaas badhaate hain ya halchal badhaate hain? agar toofaan ko toofaan samjha to halchal hogi aur tohpha samjha va anubhav kiya to usse ullaas aur himmat adhik badhegi। yeh hai chadhti kala ki nishaani। ghabraane ke bajaay gahraai mein jaakar anubhav ke naye-naye ratna in pareekshaaon ke saagar se praapta karenge kyonki halchal ke andar ratna samaaye hue hain। oopar-oopar se arthaat baahyamukhta ki drishti aur buddhi dvaara dekhne se halchal dikhaai degi athva anubhav hogi lekin usi aai hui baaton ko antarmukhi drishti va buddhi se dekhne se anek prakaar ke gyaan-ratna arthaat points praapta hongi।

agar koi bhi baat ko dekhte ya sunte hue aashcharya anubhav hota hai to yeh bhi final stage nahin hai। aisa to hona nahin chaahiye… drama ke hone par agar aisa bhi sankalp utpanna hota hai to isko bhi anshamaatra ki halchal ka roop kahenge। ab tak bhi kyon-kya ka question agar uthta hai to iska arth hai halchal। jitna vighna aana aavashyak hai utna vighna-vinaashak sthiti mein rehna, yahi harshit rahne ka saadhan hai। nothing new yeh hai final stage। yadi koi bhi halchal ka kartavya karte ho va part bajaate ho to saagar samaan oopar se halchal bhale hi dikhaai de rahi ho arthaat chaahe karmendriyon ki halchal mein aa rahe ho lekin sthiti nothing new ki ho। ekaagra, ekras, ekaanta arthaat ek rachayita aur rachna ke ant ko jaanne vaale, trikaaldarshi ki stage par aaraam se shanti ki stage par sthit hain ya karmendriyon ki halchal aantarik stage ko bhi hila deti hai? jab sthool saagar donon hi roop dikhaata hai to kya master gyaan saagar aisa roop nahin dikha sakte? yeh prakriti ne purush se copy ki hai। aap to purushottam ho। jab prakriti apni qualification dikha sakti hai, to kya woh purushottam nahin dikha sakte?

abhi samay ati ki taraph badh raha hai। sabhi taraph ati dikhaai pad rahi hai। ant ki nishaani ati hai। to jaise prakriti samaapti ki taraph ati mein ja rahi hai, vaise hi sampanna banne vaali aatmaon ke saamne ab pareekshaayen va vighna bhi ati ke roop mein aayenge isliye aashcharya nahin khaana hai ki pahle yeh nahin tha, ab kyon hai? yeh aashcharya bhi nahin। final paper mein aashcharyajnak baaten question ke roop mein aayengi tab to paas aur fail ho sakenge। aisi-aisi baaten aayengi jo na chaahte hue bhi buddhi mein question utpanna hon, yahi to paper hai। aur hai bhi ek second ka paper। kyon ka sankalp chandravanshi ki queue mein laga dega isliye ekras sthiti mein sthit hone ka abhyaas nirantar ho। samasya ki seat ko sambhaalne nahin lag jaao। lekin seat par baith samasya ka saamna karna hai। abhi tak samasya seat ki yaad dilaati hai। vighna aata hai, to vishesh yog lagaate ho aur bhatti rakhte ho, isse siddha hota hai ki dushman hi shastra ki smriti dilaate hain lekin svatah aur sada smriti nahin rehti। nirantar yogi ho ya antar vaale yogi ho? title to nirantar yogi ka hai na! dushman aave hi nahin, samasya saamna na kar sake। sooli se kaanta banna, yeh bhi final stage nahin hai। sooli se kaanta bane uske bajaae kaante ko yogaagni se door se hi bhasma kar den। kaanta lage aur phir nikaalo, yeh final stage nahin hai। kaante ko apni sampoorn stage se samaapta kar dena, yeh hai final stage। aisa lakshya rakhte hue apni stage ko aage chadhti kala ki taraph badhaate chalo। badi baat ko chhota anubhav karna, is stage tak nambarvaar yathaashakti pahunche hain। ab pahunchna vahaan tak hai jo ki ansh aur vansh bhi samaapta ho jaae।

aap sabhi himmat, ullaas aur sarva ke sahayogi sada rehte hue chal rahe ho na! kaliyugi duniya ko samaapta karne ke liye va parivartan karne ke liye, maaya ko vidaai dene ke liye sangathan arthaat gheraav daala hua hai na! majboot gheraav daala hua hai ya beech-beech mein koi dheele ho jaate hain athva thak jaate ya chalte-chalte rook jaate hain? na aage badhna, na peechhe hatna, jaise-ke-vaise rehna, yeh paath to pakka nahin karte ho? samay dhakka lagaayega to chal padenge, aisa sochkar jahaan ke tahaan rook to nahin gaye ho? kisi ke kisi prakaar ke sahaare ka intajaar karte hue khade to nahin ho gaye ho? aisi stage vaalon ko kya kahenge? kya isko hi angad ki stage samajhte ho? agar aise rook gaye, to phir last vaale fast chale jaayenge। jab bhi pahaadon par barpha girti hai aur jam jaati hai to raaste rook jaate hain, phir us barpha ko galaane ke liye va use hataane ke liye purushaartha karte hain, yahaan bhi agar barpha ke muaaphik jam jaate ho to isse siddha hota hai ki yog-agni ki kami hai। yog-agni ko tej karo to raasta clear ho jaayega। mili hui himmat aur ullaas ke points buddhi mein daudaao to raasta clear ho jaayega। purushaartha ki gati mein angad bano, maaya se haar khaane mein angad nahin bano, balki vijayi banne ke liye angad bano। achha!

oonch-te-oonch baap dvaara paalna lene vaale, vishwa ki paalna karne vaale, vishnu-kul ki shreshtha aatmaayen, prakriti ko parivartan karne vaali purushottam aatmaayen, vishwa ke aage saakshaatmoorta prasiddha hone vaali aatmaayen, yogi tu aatmaon ke prati baap-daada ka yaad-pyaar aur good morning।

vardaan:- seva mein rehte sampoornata ke sameepta ki anubhooti karne vaale brahma baap samaan example bhav

jaise brahma baap seva mein rehte, samaachaar sunte ekaantavaasi ban jaate the। ek ghante ke samaachaar ko 5 minute mein saar samajh bachchon ko khush karke, apni antarmukhi, ekaantavaasi sthiti ka anubhav kara dete the। aise follow father karo। brahma baap ne kabhi nahin kaha ki main bahut busy hoon lekin bachchon ke aage example banen। aise samay pramaan abhi is abhyaas ki aavashyakta hai। dil ki lagan ho to samay nikal aayega aur anekon ke liye example ban jaayenge।

slogan:- har karma mein - karma aur yog ka anubhav hona hi karmayog hai।

avyakti silence dvaara double light pharishta sthiti ka anubhav karo

sada yahi lakshya yaad rahe ki humein baap samaan banna hai to jaise baap light hai vaise double light। auron ko dekhte ho to kamjor hote ho isliye si father, follow father karo। udti kala ka shreshtha saadhan sirf ek shabd hai - sab kuchh tera। mera shabd badal tera kar do। tera hoon, to aatma light hai aur jab sab kuchh tera hai to light (halke) ban gaye।