Daily Murli for Monday 22 January 2024

22-01-2024 praatahmurli om shanti "baapdaada"' madhuban

“meethe bachche - tumhein sampoorn paavan banna hai isliye kabhi kisko duhkh nahin do, karmendriyon se koi vikarma na ho, sada baap ke pharmaan par chalte raho।''

prashn:- patthar se paaras banne ki yukti kya hai? kaun si beemaari ismen vighna roop banti hai?

uttar:- patthar se paaras banne ke liye poora naaraayni nasha chaahiye। deh-abhimaan toota hua ho। yeh deh-abhimaan hi kade te kadi beemaari hai। jab tak dehi-abhimaani nahin tab tak paaras nahin ban sakte। paaras banne vaale hi baap ke madad-gaar ban sakte hain। 2. service bhi tumhaari buddhi ko sone ka bana degi। iske liye padhaai par poora attention chaahiye।

om shanti। roohaani bachchon prati roohaani baap saavdhaani dete hain ki bachche apne ko sangamayugi samjho। satayugi to nahin samjhenge। tum brahman hi apne ko sangamayugi samjhenge। aur to sabhi apne ko kaliyugi samjhenge। bahut farka hai - satayug aur kaliyug, svargavaasi va narkavaasi। tum to na svargavaasi ho, na narkavaasi। tum ho purooshottam sangamvaasi। is sangamayug ko tum brahman hi jaante ho aur koi nahin jaante। tum bhal jaante bhi ho parantu bhool jaate ho। ab manushyon ko kaise samjhaayen। ve to raavan ki janjeeron mein phanse hue hain। raamraajya to hai nahin। raavan ko jalaate rehte hain, isse siddha hai ki raavan raajya hai। raamraajya kya hai aur raavanraajya kya hai, yeh bhi tum samajhte ho - nambarvaar। baap aate hain sangamayug par to yeh bhent bhi abhi ki jaati hai - satayug aur kaliyug ki। kaliyug mein rahne vaalon ko narkavaasi, satayug mein rahne vaalon ko svargavaasi kaha jaata hai। svargavaasi ko paavan, narkavaasi ko patit kaha jaata hai। tumhaari to baat hi niraali hai। to tum is purooshottam sangamayug ko jaante ho। tum samajhte ho ham brahman hain। varno vaala chitra bhi bahut achha hai। is par bhi tum samjha sakte ho। contrast bataana chaahiye, jo manushya apne ko narkavaasi patit kangaal samjhen। likhna chaahiye ab yeh puraani kaliyugi duniya hai। satayug svarga nai duniya hai। tum narkavaasi ho ya svargavaasi? tum devta ho ya asur? aise to koi nahin kahenge ki ham svargavaasi hain। kai aise samajhte hain ham to svarga mein baithe hain। are yeh to narka hai na। satayug hai kahaan। yeh raavanraajya hai, tab to raavan ko jalaate hain। unhon ke paas bhi kitne javaab hote hain। sarvavyaapi par bhi kitni debate karte hain। tum bachche to ekdam clear poochhte ho - ab nai duniya hai ya puraani duniya। aisa clear contrast bataana hai, ismen bahut brain chaahiye। aisa yukti se likhna chaahiye jo manushya apne se poochhen ki main narkavaasi hoon ya svargavaasi? yeh puraani duniya hai ya nai duniya hai? yeh raamraajya hai ya raavan raajya? ham puraani kaliyugi duniya ke rahvaasi hain ya nai duniya ke vaasi hain? hindi mein likhkar phir angreji, gujraati mein translate karen। to manushya apne se poochhen ki ham kahaan ke rahvaasi hain। koi shareer chhodte hain to kehte hain svarga padhaara lekin svarga abhi hai kahaan? abhi to kaliyug hai। zaroor punarjanma bhi yahaan hi lenge na। svarga to satayug ko kaha jaata hai, vahaan abhi kaise jaayenge। yeh sab vichaar saagar manthan karne ki baaten hain। aise clear contrast ho, usmein likh do bhagvaanuvaach - har ek apne se poochhe main satayugi raamraajya nivaasi hoon ya kaliyugi raavan raajya ka nivaasi hoon? tum brahman ho sangamvaasi, tumko to koi jaante hi nahin। tum ho sabse nyaare। tum satayug kaliyug ko yathaartha jaante ho। tum hi poochh sakte ho ki tum vikaari bhrashtaachaari ho ya nirvikaari shreshthaachaari ho? yeh tumhaara kitaab bhi ban sakta hai। nai-nai baaten nikaalni pade na, jisse manushya samjhen ki eeshvar sarvavyaapi nahin hain। tumhaari yeh likhat dekh aapehi andar se poochhenge। isko iron ej to sab kahenge। satayugi deity raajya to inko koi kah na sake। yeh hell hai ya heaven। aisi first class likhat likho ki manushya apne ko samajh jaaen ki ham barobar narkavaasi patit hain। hamaare mein daiveegun to hain nahin। kaliyug mein satayugi koi ho na sake। aise vichaar saagar manthan kar likhna chaahiye। jo ote so arjun… geeta mein arjun ka naam diya hai।

baba kehte hain yeh jo geeta hai usmein aate mein loon (namak) hai। loon aur cheeni mein kitna farka hai…woh meetha woh khaara। shreekrishna bhagvaanuvaach likhkar geeta hi khaari kar di hai। manushya kitna daldal mein phans padte hain। bichaaron ko gyaan ke raaz ka bhi pata nahin hai, gyaan bhagwan tumko hi sunaate hain aur kisko pata hi nahin। knowledge to bahut sahaj hai। parantu bhagwan padhaate hain yeh bhool jaate hain। teacher ko hi bhool jaate hain। nahin to student kabhi teacher ko bhoolte nahin hain। ghadi-ghadi kehte hain baba ham aapko bhool jaate hain। baba kehte hain, maaya kam nahin hai। tum deh-abhimaani ban padte ho। bahut vikarma ban jaate hain। aisa koi khaali din nahin jo vikarma na hote hon। ek mukhya vikarma yeh karte ho jo baap ke pharmaan ko hi bhool jaate ho। baap pharmaan karte hain manamna-bhav, apne ko aatma samjho। yeh pharmaan maante nahin hain to zaroor vikarma hi hoga। bahut paap ho jaate hain। baap ka pharmaan bahut sahaj bhi hai to bahut kada hai। kitna bhi maatha maare phir bhi bhool jaayenge kyonki aadhaakalpa ka deh-abhimaan hai na। 5 minute bhi yathaartha reeti yaad mein baith nahin sakte। agar saara din yaad mein rahen phir to karmaateet avastha ho jaae। baap ne samjhaaya hai ismen mehnat hai। tum woh jismaani padhaai to achhi reeti padhte ho। history-geography padhne ki kitni practice hai। parantu yaad ki yaatra ka bilkul hi abhyaas nahin। apne ko aatma samajh baap ko yaad karna - yeh hai nai baat। vivek kehta hai aise baap ko to achhi reeti yaad karna chaahiye। thoda time nikaal roti tukkad khaate hain, woh bhi baba ki yaad mein। jitna yaad mein rahenge utna paavan banenge। aise bahut bachche hain, jinke paas itne paise hain jo byaaj milta rahe। baap ko yaad karte roti tukkad khaate rahen, bas। parantu maaya yaad karne nahin deti। kalpa pahle jisne jitna purooshaartha kiya hai utna hi karenge। time lagta hai। koi jaldi daudi lagaakar pahunch jaayen yeh ho na sake। ismen to do baap hain। behad ke baap ko apna shareer hai nahin। woh inmen pravesh hokar baat karte hain। to baap ki shreemat par chalna chaahiye। baap bachchon ko yeh shreemat dete hain ki deh sahit sab dharma chhod apne ko aatma samjho। tum pavitra aaye the। 84 janma lete-lete tumhaari aatma patit bani hai। ab paavan banne ke liye shreemat par chalo, tab baap guarantee karte hain tumhaare paap kat jaayenge, tumhaari aatma kanchan ban jaayegi, phir vahaan deh bhi kanchan milegi। jo is kul ka hoga woh tumhaari baaten sunkar soch mein pad jaayega, kahega tumhaari baat to theek hai। paavan banna hai to kisko duhkh nahin dena hai। mansa, vaacha, karmana pavitra banna hai। mansa mein toofaan aayenge। tum behad ki baadshaahi lete ho na, tum bhal sach bataao va na bataao parantu baap khud kehte hain - maaya ke bahut vikalpa aayenge, parantu karmendriyon se kabhi vikarma nahin karna। karmendriyon se koi paap nahin karna hai।

to yeh contrast ki baaten achhi reeti likhni chaahiye। shreekrishna poore 84 janma lete hain aur shiv punarjanma nahin lete। woh sarvagun sampanna devta hai, yeh to hai hi baap। tumne dekha hai paandavon ke chitra kitne bade-bade banaaye hain। iska matlab hai ki woh itni badi vishaal buddhi vaale the। buddhi badi thi, unhonne phir shareer ko bada bana diya hai। tumhaari jaisi vishaal buddhi aur koi ki ho na sake। tumhaari hai eeshvareey buddhi। bhakti mein kitne bade-bade chitra banaakar paise barbaad karte hain। kitne ved, shaastra, upnishad banaae kitna kharcha kiya। baap kehte hain tum kitne paise ganvaate aaye ho। behad ka baap ulhana dete hain। tum feel karte ho baba ne paise bahut diye। raajayog sikhlaakar raajaaon ka raaja banaaya। woh jismaani padhaai padhkar barrister aadi bante hain, phir usse kamaai hoti hai isliye kaha jaata hai knowledge source aaph income hai। yeh eeshvareey padhaai bhi source aaph income hai, jisse behad ki baadshaahi milti hai। bhaagvat, raamaayan aadi mein koi knowledge nahin hai। em object hi kuchh nahin। baap jo knowledgeful hai woh baith tum bachchon ko samjhaate hain। yeh hai bilkul nai padhaai। woh bhi kaun padhaate hain? bhagwan। nai duniya ka maalik banaane ke liye padhaate hain। in lakshmi-naaraayan ne yeh padhaai se oonch pad paaya hai। kahaan raajaai, kahaan praja। koi ki takdeer khul jaae to beda paar hai। student samajh sakte hain ki ham padhte hain aur phir padha sakte hain va nahin। padhaai par poora attention rakhna chaahiye। patthar-buddhi hone ke kaaran kuchh bhi samajhte nahin hain। tumko banna hai sone ki buddhi। woh unhon ki banegi jo service mein rahenge। badge par bhi kisko samjha sakte ho। behad ke baap se behad ka varsa lo। bhaarat svarga tha na। kal ki baat hai। kahaan 5 hajaar varsha ki baat, kahaan laakhon varsha ki baat। kitna farka hai। tum samjhaate ho to bhi samajhte nahin hain jaise bilkul hi pattharbuddhi hain। yeh badge hi tumhaare liye jaise ek geeta hai, ismen saari padhaai hai। manushyon ko to bhakti maarga ki geeta hi yaad rehti hai। abhi tum jo baap dvaara geeta sunte ho usse tum 21 janma ke liye sadgati ko paate ho। shuru shuru mein tumne hi geeta padhi hai। pooja bhi tumne hi shuru ki hai। ab purooshaartha kar gareebon ko bhakti maarga ki janjeeron se chhudaana hai। koi na koi ko samjhaate raho। usmein se ek do niklenge। agar 5-6 ikatthe aate hain to koshish kar alag-alag form bharaae alag-alag samjhaana chaahiye। nahin to unhon mein ek bhi aisa hoga to auron ko kharaab kar dega। form to zaroor alag bharaao। ek do ka dekhen bhi nahin, to woh samajh sakenge। yeh sab yuktiyaan chaahiye tab tum successful hote jaayenge।

baap bhi vyaapaari hai, jo hoshiyaar honge woh achha vyaapaar karenge। baap kitna phaayde mein le jaate hain। jhunda ikattha aaye to bolo form alag-alag bharna hai। agar sab religious mind ho to ikttha bithaakar poochhna chaahiye। geeta padhi hai? devtaaon ko maante ho? baba ne kaha hai bhakton ko hi sunaana hai। hamaare bhakta aur devtaaon ke bhakta woh jaldi samjhenge। patthar ko paaras banaana koi maasi ka ghar nahin hai। deh-abhimaan kade te kadi bahut gandi beemaari hai। jab tak deh-abhimaan nahin toota hai tab tak sudharna bada mushkil hai। ismen to poora naaraayni nasha chaahiye। ham ashareeri aaye, ashareeri bankar jaana hai। yahaan kya rakha hai। baap ne kaha hai mujhe yaad karo। ismen hi mehnat hai, badi manzil hai। chalan se maaloom padta hai yeh achhe madadgaar banenge kalpa pahle misal। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mansa, vaacha, karmana pavitra rehna hai। karmendriyon se koi vikarma na ho - iski sambhaal karni hai। aatma ko kanchan banaane ke liye yaad mein zaroor rehna hai।

2) deh-abhimaan ki kadi beemaari se chhootne ke liye naaraayni nashe mein rehna hai। abhyaas karo ham ashareeri aaye the, ab ashareeri bankar vaapas jaana hai।

vardaan:- yog karne aur karaane ki yogyata ke saath-saath prayogi aatma bhav

baapdaada ne dekha bachche yog karne aur karaane donon mein hoshiyaar hain। to jaise yog karne-karaane mein yogya ho, aise prayog karne mein yogya bano aur banaao। abhi prayogi jeevan ki aavashyakta hai। sabse pahle check karo ki apne sanskaar parivartan mein kahaan tak prayogi bane hain? kyonki shreshtha sanskaar hi shreshtha sansaar ke rachna ki neenv hain। agar neenv majboot hai to anya sab baaten svatah majboot hui padi hain।

slogan:- anubhvi aatmaayen kabhi vaayumandal va sang ke rang mein nahin aa sakti।

avyakti silence dvaara double light pharishta sthiti ka anubhav karo

sada khushi mein jhoolne vaale sarva ke vighna harta va sarva ki mushkil ko sahaj karne vaale tab banenge jab sankalpon mein dridhta hogi aur sthiti mein double light hoge। mera kuchh nahin, sab kuchh baap ka hai। jab bojh apne oopar rakhte ho tab sab prakaar ke vighna aate hain। mera nahin to nirvighna।