Daily Murli for Thursday 16 May 2024

16-05-2024 praatahmurli om shanti "baapdaada"' madhuban

“meethe bachche - apne ko sudhaarne ke liye attention do, daiveegun dhaaran karo, baap kabhi kisi par naaraaz nahin hote, shiksha dete hain, ismen darne ki baat nahin''

prashn:- bachchon ko kaun-si ek smriti rahe to time vesta na karen?

uttar:- yeh sangam ka samay hai, bahut oonchi lottery mili hai। baap humein heere jaisa devta bana rahe hain। yeh smriti rahe to kabhi bhi time vesta na karen। yeh knowledge source oph income hai isliye padhaai kabhi miss na ho। maaya deh-abhimaan mein laane ki koshish karegi। lekin tumhaara direct baap se yog ho to samay saphal ho jaayega।

om shanti। bachchon ko yeh to maaloom hai ki yeh baap hai, ismen darne ki koi baat nahin। yeh koi saadhu, mahaatma nahin hai jo koi baddua karenge ya gussa karenge। un gurooon aadi mein to bahut krodh hota hai, to unse manushya darte hain, kahaan shraap na de deven। yahaan to aisi koi baat nahin। bachchon ko kabhi darne ki baat nahin। baap se darte woh hain jo khud chanchal hote hain। woh laukik baap to gussa bhi karte hain। yahaan to baap kabhi gussa aadi nahin karte hain। samjhaate hain, agar baap ko yaad nahin karenge to vikarma vinaash nahin honge। apna hi janma-janmaantar ke liye nuksaan karenge। baap to samjhaani dete hain, aage ke liye sudhar jaaen। baaki aise nahin ki baap naaraaz hote hain। baap to samjhaate rehte hain, bachche apne ko sudhaarne ke liye yaad ki yaatra par attention do। saath-saath chakra ko buddhi mein rakho, daiveegun dhaaran karo। yaad hai mukhya। baaki srishti chakra ki knowledge to bahut simple hai। woh hai source oph income। parantu unke saath daiveegun bhi dhaaran karne hain। is samay hain bilkul aasuri gun। chhote bachchon mein bhi aasuri gun hote hain lekin unhon ko maarna bilkul nahin hai aur hi seekhte hain। vahaan satayug mein to seekhna nahin hota hai। yahaan to maa-baap se bachche sab seekhte hain। baba gareebon ki baat karte hain। saahookaaron ke liye to yahaan jaise svarga hai। unko gyaan ki darkaar nahin। yeh to padhaai hai। teacher chaahiye, jo sikhaave, sudhaare। to baap gareebon ki baat karte hain। kaisi haalat hai। kaise-kaise bachche kharaab hote hain। maa-baap ko sab dekhte rehte hain। phir chhotepan mein hi sab kharaab ho jaate hain। yeh roohaani baap kehte hain main bhi gareeb nivaaz hoon। samjhaata hoon dekho is duniya mein manushyon ki kya haalat hai। tamopradhaan duniya hai। tamopradhaan ki bhi koi had hoti hai na। 1250 varsha to kaliyug ko hue। ek din bhi kam jaasti nahin। duniya jab poori tamopradhaan hui tab baap ko aana pada। baap kehte hain main drama anusaar bandhaaymaan hoon। mujhe aana hi padta hai, shuru mein kitne gareeb aaye। saahookaar bhi aaye, donon ikatthe baithte the। bade-bade ghar ki bachchiyaan bhaagi, kuchh bhi le nahin aai। kitna hangaama ho gaya। drama mein jo hone ka tha, woh ho gaya। khyaal bhi nahin tha, aise hoga। baba khud wonder khaata tha, kya ho raha hai। inhon ki history badi wonderful hai। yeh bhi drama mein noondh hai। baba ne sabko kah diya chitthi likhaakar le aao - ham gyaan amrit peene jaate hain। phir unhon ke pati log vilaayat se aa gaye। woh bole vish do, yeh kahen hamne gyaan amrit piya hai, vish kaise de sakte। is par inhon ka ek geet bhi hai। isko kehte hain charitra। shaastron mein phir shreekrishna ke charitra likh diye hain। shreekrishna ki to baat ho na sake। to yeh sab drama mein noondh hai। naatak mein yeh sab hota hai। hanseekudi aadi aadi… yeh to donon baap kehte hain hamne kuchh bhi nahin kiya। yeh to drama ka khel chal raha hai। chhote-chhote bachche aa gaye। abhi woh kitne bade-bade ho gaye hain। bachchon ke kitne wonderful naam sandesh putriyaan le aai, phir jo unse bhaag gaye, unka woh naam to hai hi nahin, phir puraana naam shuru ho gaya isliye braahmanon ki maala hoti nahin।

tumhaare paas kuchh bhi nahin hai। pahle maala pherte the। abhi tum maala ke daane bante ho। vahaan bhakti hoti nahin, yeh knowledge hai samajhne ki, hai bhi second ki knowledge। phir unko kehte hain gyaan ka saagar, saara saagar syaahi banaao, jangal kalam banaao to bhi poora ho na sake aur phir hai bhi second ki baat। alpha ko jaan gaye ho to be baadshaahi zaroor milni chaahiye। to woh avastha jamaane mein arthaat patit se paavan hone mein mehnat hai। baap kehte hain apne ko aatma samajh mujh apne behad ke baap ko yaad karo। ismen hai mehnat। tadbeer karaane vaala teacher to hai parantu kiski takdeer mein nahin hai to teacher bhi kya kare। teacher to padhaayenge। aise to nahin, rishvat lekar paas kar denge! yeh to bachche samajhte hain yeh baapdaada donon ikatthe hain। dher bachchiyon ki chitthiyaan aati hain baapdaada ke naam par। shivbaaba care of prajaapita brahma। baap se varsa lete ho, is daada dvaara। trimoorti mein hai - brahma dvaara sthaapna karaate hain। brahma ko creator nahin kahenge। behad ka creator to woh baap hi hai। prajaapita brahma bhi behad ka ho gaya। prajaapita brahma hai to bahut praja ho jaayegi। sab kehte hain great-great grand father, shivbaaba ko great-great grand father nahin kahenge। woh to sabhi aatmaon ka baap ho gaya। aatmaayen sabhi bhaai-bhaai hain। phir behen-bhaai hote hain। behad ke sizre ka head prajaapita brahma ho gaya। jaise biraadri ka sijra hota hai na। yeh hai behad ka sijra। Adam aur beebi, Adam aur Eve kisko kehte hain? brahma-sarasvati ko kahenge। ab sijra to bahut bada ho gaya hai। saara jhaad jadajdeebhoot ho gaya hai। phir naya chaahiye। isko kaha jaata hai variety dharmon ka jhaad। variety features hain, ek na mile doosre se। har ek ki activity ka part ek na mile doosre se। yeh bahut guhya baaten hain। chhoti buddhi vaale to samajh na sake। bahut mushkil hai। ham aatma chhoti bindi hain। parampita paramatma bhi chhoti bindi hai, yahaan baaju mein aakar baithte hain। aatma koi chhoti-badi nahin hoti hai। baapdaada donon ka ikattha part bada wonderful hai। baba ne yeh rath bada anubhvi liya hai। baba khud samjhaate hain yeh bhaagyashaali rath hai। is makaan athva rath mein aatma baithi hai। ham aise baap ko kiraaye par apna makaan va rath deven to kya samajhte ho! isliye inko bhaagyashaali rath kaha jaata hai, jismen baap baith tum bachchon ko heere jaisa devta banaate hain। aage thode hi samajhte the। bilkul tuchchha buddhi the।

abhi tum bachche samajhte ho to phir achhi reeti purooshaartha bhi karna chaahiye, time vesta nahin karna chaahiye। school mein time vesta karne se naapaas ho jaayenge। baap tumko bahut badi lottery dete hain। koi raaja ke ghar janma lete hain to jaise ki lottery mili na। kangaal hain to unko lottery thode hi kahenge। yeh hai sabse oonchi lottery, ismen time vesta nahin karna chaahiye। baba jaante hain maaya ki boxing hai। ghadi-ghadi maaya deh-abhimaan mein laati hai। tumhaara baap ke saath direct yog hai। sammukh baithe hain na isliye yahaan refresh hone aate ho drama anusaar। baap kehte hain main tumko jo samjhaata hoon woh dhaaran karna hai। yeh gyaan bhi tumko abhi milta hai। phir praayah lop ho jaata hai। dher aatmaayen chali jaati hain shantidham। phir aadhaakalpa ke baad bhakti maarga shuru hota hai। aadhaakalpa se tum ved-shaastra padhte aaye, bhakti karte aaye ho। ab mool baat samjhaai jaati hai ki tum baap ko yaad karo to janma-janmaantar ke vikarma vinaash hon। yeh knowledge hai source oph income, isse tum padmaapadma bhaagyashaali bante ho। svarga ke maalik bante ho। vahaan to sab sukh hain। baap yaad dilaate hain tumko svarga mein kitne apaar sukh diye hain। tum vishwa ke maalik the phir sab ganva diya। tum raavan ke gulaam ban gaye ho। raam aur raavan ka kitna yeh wonderful khel hai। yeh phir bhi hoga। anaadi bana-banaaya khel hai। svarga mein tum ever healthy-wealthy rehte ho। yahaan manushya ko healthy banaane ke liye kitna kharcha karte hain woh bhi ek janma ke liye। tumko aadhaakalpa ever healthy banaane mein kya kharcha hota hai! ek naya paisa bhi nahin। devtaayen ever healthy hain na। tum yahaan aaye hi ho ever healthy banne ke liye। ek baap ke bigar sarva ko ever healthy aur koi bana na sake। tum abhi sarva-gun sampanna ban rahe ho। abhi tum sangam par ho। baap tumko nai duniya ka maalik bana rahe hain। drama plan anusaar jab tak brahman na banen tab tak devta ban na saken। jab tak purooshottam sangamayug par baap se purooshottam banne na aayen to devta ban na saken।

achha, aaj baba ne roohaani drill bhi sikhaai, knowledge bhi sunaai, bachchon ko saavdhaan bhi kiya। gaphlat nahin karo, ulta-sulta bolo bhi nahin। shanti mein raho aur baap ko yaad karo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vikarma vinaash kar svayan ko sudhaarne ke liye yaad ki yaatra par poora attention dena hai। daiveegun dhaaran karne hain।

2) devta banne ke liye sangamayug par purooshottam banne ka purushaartha karna hai, gaphlat mein apna time vesta nahin karna hai।

vardaan:- gyaan ke shreshtha khajaanon ko mahaadaani ban daan karne vaale master gyaan saagar bhav

jaise baap gyaan ka saagar hai, aise master gyaan saagar ban sada auron ko gyaan daan dete raho। gyaan ka kitna shreshtha khajaana aap bachchon ke paas hai। usi khajaane se bharpoor ban, yaad ke anubhvon se auron ki seva karo। jo bhi khajaane mile hain mahaadaani ban unka daan karte raho kyonki yeh khajaane jitna daan karenge utna aur bhi badhte jaayenge। mahaadaani banna arthaat dena nahin balki aur bhi bharna।

slogan:- jeevanmukta ke saath deh se nyaare videhi banna - yeh hai purushaartha ki last stage।

maateshvari ji ke madhur mahaavaakya

“gupta veshdhaari paramatma ke aage kanyaaon, maataaon ka sannyaas''

abhi duniyaavi manushyon ko yeh vichaar to aana chaahiye ki in kanyaaon, maataaon ne sannyaas kyon liya hai? yeh koi hathayog, karma-sannyaas nahin hai parantu bilkul sahjayog, raajayog, karmayog sannyaas zaroor hai। paramatma khud aae jeete ji, deh sahit deh ke sabhi karmendriyon ka man se sannyaas karaata hai arthaat paanch vikaaron ka sampoorn sannyaas karna zaroor hai। paramatma aae kehta hai de daan to chhoote grahan। ab maaya ka yeh grahan jo aadhaakalpa se laga hua hai isse aatma kaali (patit) ban gai hai, unko phir se pavitra banaana hai। dekho, devtaaon ki aatmaayen kitni pavitra aur chamatkaari hain, jab soul pavitra hai to tan bhi nirogi pavitra milta hai। ab yeh bhi sannyaas tab ho sakta hai jab pahle kuchh cheez milti hai। gareeb ka baalak saahookaar ki god mein jaata hai to zaroor kuchh dekh god leta hai, parantu saahookaar ka baalak gareeb ki god mein nahin ja sakta। to yahaan yeh koi anaath aashram nahin hai, yahaan to bade-bade dhanvaan, kulvaan maataayen-kanyaayen hain jinhon ko duniyaavi log ab bhi chaahte hain ki ghar mein vaapas aa jaaen, parantu inhonne kya praapta kiya jo us maayaavi dhan, padaartha arthaat sarvansh sannyaas kiya hai। to zaroor unse unhon ko jaasti sukh shanti ki praapti hui tabhi to us dhan, padaartha ko thokar maar di hai। jaise raaja gopeechand ne athva meera ne raani-pane ka athva raajaai ka sannyaas kar liya। yeh hai eeshvareey ateendriy alaukik sukh jiske aage vo duniyaavi padaartha tuchchha hain, unhon ko yeh pata hai ki is marjeeva banne se ham janma-janmaantar ke liye amarpuri ki baadshaahi praapta kar rahe hain, tab hi bhavishya banaane ka purushaartha kar rahe hain। paramatma ka banna maana paramatma ka ho jaana, sabkuchh usko arpan kar dena phir vo return mein avinaashi pad de deta hai। to yeh manokaamna paramatma hi aakar is sangam samay poorn karta hai kyonki apan jaante hain ki vinaash jvaala mein tan-man-dhan sahit sab bhasmeebhoot ho hi jaayega, to kyon na paramatma arth saphal karen। ab yeh raaz bhi samajhna hai ki jab sab vinaash hona hai to ham bhi lekar kya karen। hamko koi sannyaasiyon ke muaaphik, mandaleshvar ke muaaphik yahaan mahal banaae nahin baithna hai parantu eeshvar arth beez bone se vahaan bhavishya janma-janmaantar inka ban jaana hai, yeh hai gupta raaz। prabhu to daata hai ek deve sau paave। parantu is gyaan mein pahle sahan karna padta hai jitna sahan karenge utna ant mein prabhaav niklega isliye abhi se lekar purushaartha karo। achha। om shanti।