Daily Murli for Friday 7 June 2024

07-06-2024 praatahmurli om shanti "baapdaada"' madhuban

“meethe bachche - tum aapas mein roohaani bhaai-bhaai ho, tumhaara ek-do se ati pyaar hona chaahiye, tum prem se bharpoor ganga bano, kabhi bhi ladna-jhagadna nahin''

prashn:- roohaani baap ko kaun-se bachche bahut-bahut pyaare lagte hain?

uttar:- 1) jo shreemat par saare vishwa ka kalyaan kar rahe hain, 2) jo phool bane hain, kabhi bhi kisi ko kaanta nahin lagaate, aapas mein bahut-bahut pyaar se rehte hain, kabhi rooste nahin - aise bachche baap ko bahut-bahut pyaare lagte hain। jo deh-abhimaan mein aakar aapas mein ladte hain, loon-paani hote hain, woh baap ki ijzat ganvaate hain। woh baap ki ninda karaane vaale nindak hain।

om shanti। jaise roohaani bachchon ko ab roohaani baap pyaara lagta hai, vaise roohaani baap ko roohaani bachche bhi pyaare lagte hain kyonki shreemat par saare vishwa ka kalyaan kar rahe hain, kalyaankaari sab pyaare lagte hain। tum bhi aapas mein bhaai-bhaai ho, to tum bhi zaroor ek-do ko pyaare lagenge। baahar vaalon se itna pyaar nahin rahega, jitna baap ke bachchon ka aapas mein hoga। tumhaara bhi aapas mein bahut-bahut pyaar hona chaahiye। agar bhaai-bhaai yahaan hi ladte-jhagadte hain ya pyaar nahin karte to woh bhaai nahin thahre। tumhaara aapas mein lav hona chaahiye। baap ka bhi aatmaon se lav hai na। to aatmaon ka bhi aapas mein bahut lav hona chaahiye। satayug mein sab aatmaayen ek-do ko pyaari lagti hain kyonki shareer ka abhimaan toot jaata hai। tum bhaai-bhaai ek baap ki yaad se saare vishwa ka kalyaan karte ho, apna bhi kalyaan karte ho to bhaaiyon ka bhi kalyaan karna chaahiye isliye baap deh-abhimaani se dehi-abhimaani bana rahe hain। vo laukik bhaai-bhaai to aapas mein dhan ke liye, hisse ke liye lad padte hain। yahaan ladne-jhagadne ki baat nahin, har ek ko direct connection rakhna padta hai। yeh hai behad ki baat। yogbal se baap se varsa lena hai। laukik baap se sthool varsa lete hain, yeh to hai roohaani baap se roohaani bachchon ko roohaani varsa। har ek ko direct baap se varsa lena hai। jitna-jitna individual baap ko yaad karenge utna varsa milega। baap dekhenge aapas mein ladte hain to baap kahenge tum nidhanke ho kya? roohaani bhaai-bhaai ko jhagadna nahin chaahiye। agar bhaai-bhaai hokar aapas mein ladte-jhagadte hain, pyaar nahin, to jaise raavan ke ban jaate hain। woh sab aasuri santaan thahre। phir daivi santaan aur aasuri santaan mein jaise ki farka nahin rehta kyonki deh-abhimaani bankar hi ladte hain। aatma, aatma se ladti nahin hai isliye baap kehte hain meethe-meethe bachche, aapas mein loonpaani nahin hona। hote hain tab samjhaaya jaata hai। phir baap kahenge yeh to deh-abhimaani bachche hain, raavan ke bachche hain, hamaare to nahin hai, kyonki aapas mein loonpaani hokar rehte hain। tum 21 janma ksheer-khanda hokar rehte ho। is samay dehi-abhimaani ban rehna hai। agar aapas mein nahin banti hai to us samay ke liye raavan sampradaay samajhna chaahiye। aapas mein loonpaani hone se baap ki ijzat ganvaayenge। bhal eeshvareey santaan kehte hain parantu aasuri gun hain to jaise deh-abhimaani hain। dehi-abhimaani mein eeshvareey gun hote hain। yahaan tum eeshvareey gun dhaaran karenge tab hi baap saath mein le jaayenge, phir vahi sanskaar saath mein jaayenge। baap ko maaloom padta hai ki bachche deh-abhimaan mein aakar loonpaani ho rehte hain। woh eeshvareey bachche kahla na saken। kitna apne ko ghaata daalte hain। maaya ke vash ho jaate hain। aapas mein loonpaani (namak-paani, matbhed) ho jaate hain। yoon to saari duniya hi loonpaani hai lekin agar eeshvareey santaan bhi loonpaani ho to baaki farka kya raha? woh to baap ki ninda karaate hain। baap ki ninda karaane vaale, loonpaani hone vaale thaur pa na saken। unko naastik bhi kah sakte hain। aastik hone vaale bachche kabhi lad nahin sakte। tumhein aapas mein ladna nahin hai। prem se rehna yahaan hi seekhna hai, jo phir 21 janma aapas mein prem rahega। baap ke bachche kahlaakar phir bhaai-bhaai nahin bante to woh aasuri santaan thahre। baap bachchon ko samjhaane ke liye murli chalaate hain। lekin deh-abhimaan ke kaaran unhon ko yeh bhi maaloom nahin padta ki baba hamaare liye kah rahe hain। maaya badi teekhi hai। jaise chooha kaatta hai, jo maaloom hi nahin padta hai। maaya bhi badi meethi-meethi phoonk de aur kaat leti hai। pata bhi nahin padta hai। aapas mein roosna aadi aasuri sampradaay ka kaam hai। bahut centres mein loonpaani hokar rehte hain। abhi koi perfect to bane nahin hain, maaya vaar karti rehti hai। maaya aisa maatha mood leti hai jo pata nahin padta hai। apne dil se poochhna hai ki hamaara aapas mein prem hai va nahin? prem ke saagar ke bachche ho to prem se bharpoor ganga banna chaahiye। ladna-jhagadna, ulta-sulta bolna, isse na bolna achha hai। hear no evil…। agar kisi mein krodh ka ansh hai, to woh lav nahin rehta hai isliye baba kehte hain roz apna potaamel nikaalo, aasuri chalan sudharti nahin to phir nateeja kya nikalta hai? kya pad paayenge? baap samjhaate hain koi service nahin karenge to phir kya haalat ho jaayegi? pad kam ho jaayega। saakshaatkaar to sabko hona hi hai, tumko bhi apni padhaai ka saakshaatkaar hota hai। saakshaatkaar hone ke baad hi phir tum transfer hote ho, transfer hokar tum nai duniya mein aa jaayenge। pichhaadi mein sab saakshaatkaar hoga, kaun-kaun kis marks se paas hua hai? phir ronyenge, peetenge, sajaayen bhi khaayenge, pachhtaayenge - baba ka kehna nahin maana। baba ne to baar-baar samjhaaya hai koi aasuri gun nahin hona chaahiye। jinmen daiveegun hai unko aisa aap samaan banaana chaahiye। baap ko yaad karna to bahut sahaj hai - alpha aur be। alpha maana baap, be baadshaahi। to bachchon ko nasha rehna chaahiye। agar aapas mein loonpaani honge to phir eeshvareey aulaad kaise samjhenge। baba samjhenge yeh aasuri aulaad hai, maaya ne ise naak se pakad liya hai। unko pata bhi nahin padta hai, saari avastha daanvaadol, pad kam ho padta hai। tum bachchon ko unhein prem se sikhaane ki koshish karni chaahiye, prem ki drishti rahni chaahiye। baap prem ka saagar hai to bachchon ko bhi kheenchate hain na। to tumko bhi prem ka saagar banna hai।

baap bachchon ko bahut pyaar se samjhaate hain, achhi mat dete hain। eeshvareey mat milne se toom phool ban jaate ho। sab gun tumko dete hain। devtaaon mein pyaar hai na। to woh avastha tumhein yahaan jamaani hai। is samay tumko knowledge hai phir devta ban gaye to knowledge nahin rahegi। vahaan daivi pyaar hi rehta hai। to bachchon ko ab daiveegun bhi dhaaran karne hain। abhi tum poojya banne liye purooshaartha kar rahe ho। abhi sangam par ho। baap bhi bhaarat mein aate hain, shivjayanti manaate hain। parantu woh kaun hai, kaise, kab aate, kya karte hain? yeh nahin jaante। tum bachche bhi abhi nambarvaar purooshaartha anusaar jaante ho, jo nahin jaante woh kisko samjha bhi nahin sakte phir pad kam ho jaata hai। school mein padhne vaalon mein koi ki chalan kharaab hoti hai to koi ki sadaiv achhi chalan rehti hai। koi present rahe, koi absent। yahaan present woh hai jo sadaiv baap ko yaad karte hain, svadarshan chakra phiraate rehte hain। baap kehte hain uthte-baithte tum apne ko svadarshan chakradhaari samjho। bhoolte ho to absent ho jaate ho, jab sadaiv present honge tab hi oonch pad paayenge, bhool jaayenge to kam pad paayenge। baap jaante hain abhi time pada hai। oonch pad paane vaalon ki buddhi mein yeh chakra phirta hoga। kaha jaata hai shivbaaba ki yaad ho, mukh mein gyaan amrit ho tab praan tan se niklen। agar koi cheej se preet hogi to antakaal mein woh yaad aati rahegi। khaane ka lobh hoga to marne ke samay woh cheej hi yaad aati rahegi, yeh khaaoon। phir pad bhrashta ho padega। baap to kehte hain svadarshan chakradhaari hokar maro, aur kuchh bhi yaad na aaye। bigar koi sambandh jaise aatma aai hai, vaise jaana hai। lobh bhi kam nahin। lobh hai to pichhaadi samay vahi yaad aata rahega, nahin mila to usi aash mein mar jaayenge isliye tum bachchon mein lobh aadi bhi nahin hona chaahiye। baap samjhaate to bahut hain parantu samajhne vaale koi samjhen। baap ki yaad ko ekdam seene se laga do - baba, oho baba। baba-baba mukh se kehna bhi nahin hai। ajpaajaap chalta rahe। baap ki yaad mein, karmaateet avastha mein yeh shareer chhoote tab oonch pad pa sakte ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) prem se bharpoor ganga banna hai। sabke prati prem ki drishti rakhni hai। kabhi bhi mukh se ulte bol nahin bolne hain।

2) kisi bhi cheez mein lobh nahin rakhna hai। svadarshan chakradhaari hokar rehna hai। abhyaas karna hai ki ant samay koi bhi cheez yaad na aaye।

vardaan:- puraani deh va duniya ki sarva aakarshanon se sahaj aur sada door rahne vaale raajarishi bhav

raajarishi arthaat ek taraph sarva praapti ke adhikaar ka nasha aur doosre taraph behad ke vairaagya ka alaukik nasha। vartamaan samay in donon abhyaas ko badhaate chalo। vairaagya maana kinaara nahin lekin sarva praapti hote bhi had ki aakarshan man buddhi ko aakarshan mein nahin laaye। sankalp maatra bhi adheenta na ho isko kehte hain raajarishi arthaat behad ke vairaagi। yeh puraani deh va deh ki puraani duniya, vyakta bhaav, vaibhvon ka bhaav in sab aakarshanon se sada aur sahaj door rahne vaale।

slogan:- science ke saadhnon ko use karo lekin apne jeevan ka aadhaar nahin banaao।

maateshvari ji ke madhur mahaavaakya

dekho, manushya kehte hain kaurvon aur paandavon ki aapas mein kurukshetra mein ladaai lagi hai aur phir dikhlaate hain paandavon ka saathi direction dene vaala shreekrishna tha, to jis taraph svayan prakritipti hai uski to vijay zaroor hogi। dekho, sabhi baaten mila di hain, abhi pahle to is baat ko samjho ki prakritipti to param aatma hai, shreekrishna to satayug ka pahla devta hai।paandavon ka saarthi to paramatma tha। ab paramatma ham bachchon ko kabhi hinsa nahin sikhla sakta hai, na paandavon ne hinsak ladaai kar svaraajya liya। yeh duniya karmakshetra hai, jismen manushya jaisa-jaisa karma kar beez bota hai vaisa achha va bura phal bhogta hai। jis karmakshetra par paandav arthaat bhaarat maata shakti avtaar bhi maujood hain। paramatma bhaarat khanda mein hi aate hain isliye bhaarat khanda ko avinaashi kaha jaata hai। paramatma ka avatran khaas bhaarat khanda mein hua hai kyonki adharma ki vriddhi bhi bhaaratkhanda se hui hai। vahaan hi paramatma ne yogbal dvaara kaurav raajya khatma kar paandavon ka raajya sthaapan kiya। to paramatma ne ek aadi sanaatan dharma sthaapan kiya parantu bhaaratvaasi apne mahaan pavitra dharma aur shreshtha karma ko bhool apne ko hindu kahlaate hain। bichaare apne dharma ko na jaan auron ke dharma mein jut gaye hain। to yeh behad ka gyaan, behad ka maalik khud hi bataata hai। yeh to apne svadharma ko bhool had mein phans gaye hain jisko kaha jaata hai ati dharma glaani kyonki yeh sab prakriti ke dharma hain parantu pahle chaahiye svadharma, to har ek ka svadharma hai ki main aatma shant-swaroop hoon phir apni prakriti ka dharma hai devta dharma, yeh 33 karod bhaaratvaasi devtaayen hain। tabhi to paramatma kehta hai anek deh ke dharmon ka tyaag karo, sarva dharmaani parityaj... is had ke dharmon mein itna aandolan ho gaya hai। to ab in had ke dharmon se nikal behad mein jaana hai। us behad ke baap sarvashaktivaan paramatma ke saath yog lagaana hai, to sarvashaktivaan prakritipti paramatma hai, na ki shreekrishna। to kalpa pahle bhi jis taraph saakshaat prakritipti paramatma the unki vijay gaayi hui hai। achha। om shanti।