Daily Murli for Saturday 8 June 2024

08-06-2024 praatahmurli om shanti "baapdaada"' madhuban

“meethe bachche - yaad se vikarma vinaash hote hain, trance se nahin। trance to paai paise ka khel hai, isliye trance mein jaane ki aash nahin rakho''

prashn:- maaya ke bhinna-bhinna roopon se bachne ke liye baap sab bachchon ko kaun-si ek saavdhaani dete hain?

uttar:- meethe bachche, trance ki aash mat rakho। gyaan-yog mein trance ka koi connection nahin। mukhya hai padhaai। koi trance mein jaakar kehte hain hamaare mein mama aai, baba aaya। yeh sab sookshm maaya ke sankalp hain, inse bahut saavdhaan rehna hai। maaya kai bachchon mein pravesh kar ulta kaarya kara deti hai isliye trance ki aash nahin rakhni hai।

om shanti। meethe-meethe roohaani bachche yeh to samajh gaye hain ki ek taraph hai bhakti, doosre taraph hai gyaan। bhakti to athaah hai aur sikhaane vaale anek hain। shaastra bhi sikhaate hain, manushya bhi sikhaate hain। yahaan na koi shaastra hain, na manushya hain। yahaan sikhaane vaala ek hi roohaani baap hai jo aatmaon ko samjhaate hain। aatma hi dhaaran karti hai। parampita paramatma mein yeh saara gyaan hai, 84 ke chakra ka unmein knowledge hai, isliye unko bhi svadarshan chakradhaari kah sakte hain। ham bachchon ko bhi woh svadarshan chakradhaari bana rahe hain। baba bhi brahma ke tan mein hai, isliye unko brahman bhi kaha ja sakta hai। ham bhi unke bachche brahman so devta bante hain। ab baap baith yaad ki yaatra sikhlaate hain, ismen hathayog aadi ki koi baat nahin। woh log hathayog se trance aadi mein jaate hain। yeh koi badaai nahin hai। trance ki badaai kuchh bhi nahin hai। trance to ek paai paise ka khel hai। tumhein aise kabhi kisi ko nahin kehna hai ki ham trance mein jaate hain kyonki aajkal vilaayat aadi mein jahaan-tahaan dher ke dher trance mein jaate hain। trance mein jaane se na unko koi faayda hai, na tumko koi faayda hai। baba ne samajh di hai। trance mein na to yaad ki yaatra hai, na gyaan hai। dhyaan athva trance vaala kabhi kuchh bhi gyaan nahin sunega, na koi paap bhasma honge। trance ka mahatva kuchh bhi nahin hai। bachche yog lagaate hain, unko koi trance nahin kaha jaata hai। yaad se vikarma vinaash honge। trance mein vikarma vinaash nahin honge। baba saavdhaan karte hain ki bachche trance ka shauk mat rakho।

tum jaante ho in sannyaasiyon aadi ko gyaan tab milta hai jabki vinaash ka samay hota hai। bhal tum unhein aise nimantran dete raho lekin yeh gyaan unke kalash mein jaldi nahin aayega। jab vinaash saamne dekhenge tab aayenge। samjhenge ab to maut aaya ki aaya। jab nazdeek dekhenge tab maanenge। unhon ka part hi ant mein hai। tum kehte ho ab vinaash aaya ki aaya, maut aana hai। woh samajhte hain inhon ke yeh gapode hain।

tumhaara jhaad dheere-dheere badhta hai। sannyaasiyon ko sirf kehna hai ki baap ko yaad karo। yeh bhi baap ne samjhaaya hai ki tumko okhen banda nahin karni hain। aankhe banda hongi to baap ko kaise dekhenge। ham aatma hain, parampita paramatma ke saamne baithe hain। woh dekhne mein nahin aata hai, lekin yeh gyaan buddhi mein hai। tum bachche samajhte ho parampita paramatma hamko padha rahe hain - is shareer ke aadhaar se। dhyaan aadi ki koi baat hi nahin। dhyaan mein jaana koi badi baat nahin hai। yeh bhog aadi ki drama mein sab noondh hai। servant ban bhog lagaakar aate ho। jaise servant log bade aadmi ko khilaate hain। tum bhi servant ho, devtaaon ko bhog lagaane jaate ho। woh hain farishte। vahaan mama-baba ko dekhte hain। woh sampoorn moorti bhi em object hai। unko aisa farishta kisne banaaya? baaki dhyaan mein jaana to koi badi baat nahin hai। jaise yahaan shivbaaba tumko padhaate hain, vaise vahaan bhi shivbaaba in dvaara kuchh samjhaayenge। sookshm vatan mein kya hota hai, yeh sirf jaanna hota hai। baaki trance aadi ko kuchh bhi mahatva nahin dena hai। koi ko trance dikhlaana - yeh bhi bachpan hai। baba sabko saavdhaan karte hain - trance mein mat jaao, ismen bhi kai baar maaya pravesh ho jaati hai।

yeh padhaai hai, kalpa-kalpa baap aakar tumko padhaate hain। abhi hai sangamayug। tumko transfer hona hai। drama ke plan anusaar tum part baja rahe ho, part ki mahima hai। baap aakar padhaate hain drama anusaar। tumko baap se ek baar padhkar manushya se devta zaroor banna hai। ismen bachchon ko to khushi hoti hai। ham baap ko bhi aur rachna ke aadi madhya ant ko bhi jaan gaye hain। baap ki shiksha paakar bahut harshit hona chaahiye। tum padhte hi ho nai duniya ke liye। vahaan hai hi devtaaon ka raajya to zaroor purooshottam sangamayug par padhna hota hai। tum is duhkh se chhootkar sukh mein jaate ho। yahaan tamopradhaan hone kaaran tum beemaar aadi hote ho। yeh sab rog mit jaane hain। mukhya hai hi padhaai, inse trance aadi ka connection nahin hai। yeh badi baat nahin। bahut jagah aise dhyaan mein chale jaate hain phir kehte mama aai, baba aaya। baap kehte hain yeh kuchh bhi nahin hai। baap to ek hi baat samjhaate hain - tum jo aadhaakalpa deh-abhimaani ban pade ho, ab dehi-abhimaani ban baap ko yaad karo to vikarma vinaash hon, isko yaad ki yaatra kaha jaata hai। yog kahne se yaatra nahin siddha hoti। tum aatmaon ko yahaan se jaana hai, tamopradhaan se satopradhaan banna hai। tum abhi yaatra kar rahe ho। unhon ka jo yog hai, usmein yaatra ki baat nahin। hathayogi to dher hain। woh hai hathayog, yeh hai baap ko yaad karna। baap kehte hain meethe-meethe bachchon apne ko aatma samjho। aise aur koi kabhi nahin samjhaayenge। yeh to hai padhaai। baap ka bachcha bana phir baap se padhna aur padhaana hai। baba kehte hain tum museum kholo, aapehi tumhaare paas aayenge। bulaane ki takleeph nahin hogi। kahenge yeh gyaan to bada achha hai, kabhi suna nahin hai। ismen to character sudharte hain। mukhya hai hi pavitrata, jis par hi hangaamen aadi hote hain। bahut fail bhi hote hain। tumhaari avastha aisi ho jaati hai jo is duniya mein hote hue unko dekhte nahin hain। khaate-peete bhi tumhaari buddhi us taraph ho। jaise baap naya makaan banaate hain to sabki buddhi naye makaan taraph chali jaati hai na। abhi nai duniya ban rahi hai। behad ka baap behad ka ghar bana rahe hain। tum jaante ho ham svargavaasi banne ke liye purooshaartha kar rahe hain। ab chakra poora hua hai। ab hamko ghar aur svarga mein jaana hai to uske liye paavan bhi zaroor banna hai। yaad ki yaatra se paavan banna hai। yaad mein hi vighna padte hain, ismen hi tumhaari ladaai hai। padhaai mein ladaai ki baat nahin hoti। padhaai to bilkul simple hai। 84 ke chakra ki knowledge to bahut sahaj hai। baaki apne ko aatma samajh baap ko yaad karo, ismen hai mehnat। baap kehte hain yaad ki yaatra bhoolo mat। kam se kam 8 ghanta to zaroor yaad karo। shareer nirvaah ke liye karma bhi karna hai। neend bhi karni hai। sahaj maarga hai na। agar kahen neend na karo, to yeh hathayog ho gaya। hathayogi to bahut hain। baap kehte hain us taraph kuchh bhi nahin dekho, usse kuchh faayda nahin। kitne hathayog aadi sikhlaate hain। yeh sab hai manushya mat। tum aatmaayen ho, aatma hi shareer le part bajaati hai, doctor aadi banti hai। parantu manushya deh-abhimaani ban pade hain - main phalaana hoon…।

abhi tumhaari buddhi mein hai - ham aatma hain। baap bhi aatma hai। is samay tum aatmaon ko parampita padhaate hain isliye gaayan hai - aatmaayen paramatma alag rahe bahukaal.. kalpa-kalpa milte hain। baaki jo bhi saari duniya hai, woh sab deh-abhimaan mein aakar deh samajhkar hi padhte padhaate hain। baap kehte hain main aatmaon ko padhaata hoon। judge, barrister aadi bhi aatma banti hai। tum aatma satopradhaan pavitra thi phir tum part bajaate-bajaate sab patit bane ho tab pukaarte ho baba aakar hamko paavan aatma banaao। baap to hai hi paavan। yeh baat jab sunen tab dhaarna ho। tum bachchon ko dhaarna hoti hai to tum devta bante ho। aur koi ki buddhi mein baithega nahin kyonki yeh hai nai baat। yeh hai gyaan। woh hai bhakti। tum bhi bhakti karte-karte deh-abhimaani ban jaate ho। ab baap kehte hain - bachche, aatma-abhimaani bano। ham aatmaon ko baap is shareer dvaara padhaate hain। ghadi-ghadi yaad rakho yeh ek hi samay hai jab aatmaon ka baap parampita padhaate hain। baaki to saare drama mein kabhi part hi nahin hai, sivaae is sangamayug ke isliye baap phir bhi kehte hain meethe-meethe bachchon apne ko aatma nishchay karo, baap ko yaad karo। yeh badi oonchi yaatra hai - chadhe to chaakhe vaikuntha ras। vikaar mein girne se ekdam chaknaachoor ho jaate hain। phir bhi svarga mein to aayenge, lekin pad bahut kam hoga। yeh raajaai sthaapan ho rahi hai। ismen kam pad vaale bhi chaahiye, sab thode hi gyaan mein chalte hain। phir to baba ko bahut bachche milne chaahiye। agar milte hain to bhi thode time ke liye। tum maataaon ki bahut mahima hai, vande maatram bhi gaaya jaata hai। jagat amba ka kitna bada bhaari mela lagta hai kyonki bahut service ki hai। jo bahut service karte hain woh bada raaja bante hain। delvaada mandir mein tumhaara hi yaadgaar hai। tum bachchiyon ko to bahut time nikaalna chaahiye। tum bhojan aadi banaati ho to bahut shuddh bhojan yaad mein baith banaana chaahiye, jo kisko khilaayen to unka bhi hriday shuddh ho jaaye। aise bahut thode hain, jinko aisa bhojan milta hoga। apne se poochho - ham shivbaaba ki yaad mein rahkar bhojan banaate hain, jo khaane se hi unke hriday pighal jaayen। ghadi-ghadi yaad bhool jaati hai। baba kehte hain bhoolna bhi drama mein noondh hai kyonki tum 16 kala to abhi bane nahin ho। sampoorn banna zaroor hai। poornima ke chandrama mein kitna tej hota hai, phir kam hote-hote lakeer jaakar rehti hai। ghor andhiyaara ho jaata hai phir ghor sojhra। yeh vikaar aadi chhod baap ko yaad karte rahenge to tumhaari aatma sampoorn ban jaayegi। tum chaahte ho mahaaraaja banen parantu sab to ban na saken। purooshaartha sabko karna hai। koi to kuchh purooshaartha nahin karte isliye mahaarthi, ghodesvaar, pyaade kaha jaata hai। mahaarthi thode hote hain। praja va lashkar jitna hota hai, utne commanders va majors nahin hote hain। tumhaare mein bhi commanders, majors, captain hain। pyaade bhi hain। tumhaari bhi yeh roohaani sena hai na। saara madaar hai yaad ki yaatra par। unse hi bal milega। tum ho gupta warriors। baap ko yaad karne se vikarmon ka jo kichda hai woh bhasma ho jaata hai। baap kehte hain dhandhaadhori bhal karo। baap ko yaad karo। tum janma-janmaantar ke aashik ho, ek maashook ke। ab woh maashook mila hai to unko yaad karna hai। aage bhal yaad karte the parantu vikarma vinaash thode hi hote the। baap ne bataaya hai tumko yahaan tamopradhaan se satopradhaan banna hai। aatma ko hi banna hai। aatma hi mehnat kar rahi hai। isi janma mein tumhein janma-janmaantar ki mail ko utaarna hai। yeh hai mrityulok ka antim janma phir jaana hai amarlok। aatma paavan banne bigar to ja nahin sakti। sabko apna-apna hisaab-kitaab chuktu karke jaana hai। agar sajaayen khaakar jaayenge to pad kam ho jaayega। jo saza nahin khaate hain woh sirf maala ke 8 daane kahe jaate hain। 9 ratnon ki hi angoothi aadi banti hai। aisa banna hai to baap ko yaad karne ki bahut mehnat karni hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sangamayug par svayan ko transfer karna hai। padhaai aur pavitrata ki dhaarna se apne character sudhaarne hain, trance aadi ka shauk nahin rakhna hai।

2) shareer nirvaah arth karma bhi karna hai, neend bhi karni hai, hathayog nahin hai, lekin yaad ki yaatra ko kabhi bhoolna nahin hai। yogayukta hokar aisa shuddh bhojan banaao aur khilaao jo khaane vaale ka hriday shuddh ho jaaye।

vardaan:- apni sookshm shaktiyon par vijayi banne vaale raajarishi, svaraajya adhikaari aatma bhav

karmendriy jeet banna to sahaj hai lekin man-buddhi-sanskaar - in sookshm shaktiyon par vijayi banna - yeh sookshm abhyaas hai। jis samay jo sankalp, jo sanskaar emerge karne chaahen vahi sankalp, vahi sanskaar sahaj apna saken - isko kehte hain sookshm shaktiyon par vijay arthaat raajarishi sthiti। agar sankalp shakti ko order karo ki abhi-abhi ekaagrachit ho jaao, to raaja ka order usi ghadi usi prakaar se maanna, yahi hai - raajya adhikaar ki nishaani। isi abhyaas se antim paper mein paas honge।

slogan:- sevaaon se jo duaayen milti hain yahi sabse bade se badi den hain।