Daily Murli for Monday 10 June 2024

10-06-2024 praatahmurli om shanti "baapdaada"' madhuban

“meethe bachche - lakshya ko sada saamne rakho to daiveegun aate jaayenge। ab apni sambhaal karni hai, aasuri gunon ko nikaal daiveegun dhaaran karne hain''

prashn:- aayushvaan bhav ka vardaan milte hue bhi badi aayu ke liye kaun-si mehnat karni hai?

uttar:- badi aayu ke liye tamopradhaan se satopradhaan banne ki mehnat karo। jitna baap ko yaad karenge utna satopradhaan banenge aur aayu badi hogi phir mrityu ka dar nikal jaayega। yaad se duhkh door ho jaayenge। tum phool ban jaayenge। yaad mein hi gupta kamaai hai। yaad se paap kat jaate hain। aatma halki ho jaati hai, aayu badi ho jaati hai।

om shanti। meethe-meethe roohaani bachchon prati baap samjha rahe hain, padha bhi rahe hain। kya samjha rahe hain? meethe bachchon, tumko ek to aayu badi chaahiye kyonki tumhaari aayu bahut badi thi। 150 varsha ki aayu thi, badi aayu kaise milti hai? tamopradhaan se satopradhaan banne se। jab tum satopradhaan the to tumhaari aayu bahut badi thi। abhi tum oopar chadh rahe ho। jaante ho ham tamopradhaan bane to hamaari aayu chhoti ho gai thi। tanduroosti bhi theek nahin thi। bilkul hi rogi ban gaye the। yeh jeevan puraani hai nai se bhent ki jaati hai। abhi tum jaante ho baap hamko badi aayu banaane ki yukti baataate hain। meethe-meethe bachchon mujhe yaad karoge to tum jaise satopradhaan the badi aayu vaale, tanduroosta the, aise phir se ban jaaoge। aayu chhoti hone se marne ka dar rehta hai। tumko to guarantee milti hai ki satayug mein aise achaanak kabhi marenge nahin। baap ko yaad karte rahenge to aayu badi hogi aur sab duhkh bhi door ho jaayenge। koi bhi kisam ka duhkh nahin hoga, aur tumko kya chaahiye? tum kehte ho oonch pad bhi chaahiye। tumko maaloom nahin tha ki aisa pad bhi mil sakta hai। ab baap yukti bataate hain - aise karo। em object saamne hai। tum aisa pad pa sakte ho। yahaan hi daivi gun dhaaran karna hai। apne se poochhna hai hamaare mein koi avgun to nahin hai? avgun bhi anek prakaar ke hain। cigarette peena, chhi-chhi cheejen khaana yeh avgun hai। sabse bada avgun hai vikaar ka, jisko hi bad character kehte hain। baap kehte hain tum vicious ban gaye ho। ab viceless banne ki tumko yukti bataate hain, ismen in vikaaron ko, avgunon ko chhod dena hai। kabhi bhi vicious nahin banna hai। is janma mein jo sudhaarenge to woh sudhaar 21 janmon tak chalna hai। sabse zaroori baat hai viceless banna। janma-janmaantar ka jo bojh sir par chadha hua hai, woh yogbal se hi utrega। bachche jaante hain janma-janmaantar ham vicious bane hain। abhi baap se ham pratigya karte hain ki phir kabhi vicious nahin banenge। baap ne kaha hai agar patit bane to sau guna danda bhi khaana padega aur phir pad bhi bhrashta ho jaayega kyonki ninda karaai na to goya us taraph (vicious manushyon ki taraph) chala gaya। aise bahut chale jaate hain arthaat haar kha lete hain। aage tumko pata nahin tha ki yeh dhandha vikaar ka nahin karna chaahiye। koi-koi achhe bachche hote hain, kehte hain ham brahmacharya mein rahenge। sannyaasiyon ko dekh samajhte hain, pavitrata achhi hai। pavitra aur apvitra, duniya mein apvitra to bahut rehte hain। paakhaane mein jaana bhi apvitra banna hai isliye phauran snaan karna chaahiye। apvitrata anek prakaar ki hoti hai। kisko duhkh dena, ladna-jhagadna bhi apvitra karttavya hai। baap kehte hain janma-janmaantar to tumne paap kiya hai। woh sab aadten ab mitaani hai। abhi tumko sachcha-sachcha mahaan aatma banna hai। sachche-sachche mahaan aatma to yeh lakshmi-naaraayan hi hain aur koi to yahaan ban na sake kyonki sab tamopradhaan hain। glaani bhi bahut karte hain na। unhon ko pata nahin padta ki ham kya karte hain। ek hote hain gupta paap, doosre pratyaksha paap bhi hote hain। yeh hai hi tamopradhaan duniya। bachche jaante hain baap hamko abhi samajhdaar bana rahe hain isliye unko sab yaad karte hain। sabse achhi samajh tumko milti hai ki paavan banna hai aur phir gun bhi chaahiye। devtaaon ke aage jo tum mahima gaate aaye ho, abhi aisa tumko banna hai। baap samjhaate hain meethe-meethe bachchon, tum kitne meethe-meethe gul-gul phool the phir kaante ban pade ho। ab baap ko yaad karo to yaad se tumhaari aayu badi hogi। paap bhi bhasma honge। sir se bojha halka hoga। apni sambhaal karni hai। hamaare mein kya-kya avgun hain woh nikaalne hain। jaise naarad ka misaal hai, unko kaha tum laayak ho? usne dekha ki barobar ham laayak nahin hain। baap tumko oonch banaate hain, baap ke tum bachche ho na। jaise koi ka baap mahaaraaja hota hai to kahenge na hamaara baba mahaaraaja hai। baba bahut sukh dene vaala hai। jo achhe svabhaav ke mahaaraaja hote hain, unko kabhi krodh nahin aata hai। abhi to aahiste-aahiste sabki kalaayen utarti gai hain। sabhi avgun pravesh karte gaye hain। kala kamti hoti gai hai। tamo hote gaye hain। tamopradhaan ki bhi jaise ant aakar hui hai। kitna duhkhi ho pade hain। tumko kitna sahan karna padta hai। abhi avinaashi surgeon dvaara tumhaari davaai ho rahi hai। baap kehte hain yeh 5 vikaar to ghadi-ghadi tumko sataayenge। tum jitna purooshaartha karenge baap ko yaad karne ka, utna maaya tumko neeche giraane ki koshish karti hai। tumhaari avastha aisi majboot honi chaahiye jo koi maaya ka toofaan hila na sake। raavan koi aur cheej nahin hai va koi manushya nahin hai। 5 vikaaron roopi raavan ko hi maaya kaha jaata hai। aasuri raavan sampradaay tumko pahchaante hi nahin hain ki aakhreen mein yeh hain kaun? yeh bi.ke. kya samjhaate hain? reality mein koi nahin jaante। yeh bi.ke. kyon kahlaate hain? brahma kiski santaan hai? abhi tum bachche jaante ho hamko vaapis ghar jaana hai। yeh baap baith tum bachchon ko shiksha dete hain। aayushvaan bhav, dhanvaan bhav… tumhaari sab kaamnaayen poori karte, vardaan dete hain। parantu sirf vardaan se koi kaam nahin hota। mehnat karni hai। har ek baat samajhne ki hai। apne ko raaj-tilak dene ke adhikaari banna hai। baap adhikaari banaate hain। tum bachchon ko shiksha dete hain aise-aise karo। pahle number ki shiksha dete hain maamekam yaad karo। manushya yaad nahin karte hain kyonki woh jaante hi nahin to yaad bhi wrong hai। kehte eeshvar sarvavyaapi hai। phir shivbaaba ko yaad kaise karenge! shiv ke mandir mein jaakar pooja karte, tum poochho inka occupation bataao? to kahenge bhagwan sarvavyaapi hai। pooja karte hain, unse raham maangate hain, maangate hue phir koi poochhta paramatma kahaan hai? to kehte sarvavyaapi hai। chitra ke sammukh kya karte hain aur phir chitra sammukh nahin to kala kaaya hi chat ho jaati hai। bhakti mein kitni bhoolen karte hain। phir bhi bhakti se kitna pyaar hai। shreekrishna ke liye kitna nirjal aadi karte hain। yahaan tum padh rahe ho aur woh bhakta log kya-kya karte hain। tumko abhi hansi aati hai। drama anusaar bhakti karte kadam neeche utarte aaye hain। oopar to koi chadh na sake।

abhi yeh hai purooshottam sangamayug, jiska koi ko pata nahin hai। abhi tum purooshottam banne ke liye purooshaartha karte ho। teacher student ka servant hota hai na, student ki service karte hain! government servant hai। baap bhi kehte hain - seva karta hoon, tumko padhaata bhi hoon। sabhi aatmaon ka baap hai। teacher bhi bante hain। srishti ke aadi-madhya-ant ka gyaan bhi sunaate hain। yeh gyaan aur koi manushya mein ho na sake। koi sikhla na sake। tum purooshaartha hi karte ho ki ham yeh banen। duniya mein manushya kitne tamopradhaan buddhi hain। bahut khauphnaak duniya hai। jo manushya ko nahin karna chaahiye woh karte hain। kitna khoon, daaka aadi lagaate hain। kya nahin karte hain। 100 percent tamopradhaan hain। abhi tum phir 100 percent satopradhaan ban rahe ho। uske liye yukti bataai hai yaad ki yaatra। yaad se hi vikarma vinaash honge, baap se jaakar milenge। bhagwan baap aate kaise hain - yeh bhi tum ab samajhte ho। is rath mein aaye hain। brahma ke through sunaate hain। jo phir tum dhaaran kar auron ko sunaate ho to dil hoti hai direct sunen। baap ke parivaar mein jaayen। yahaan baap bhi hai, maa bhi hai, bachche bhi hain। parivaar mein aa jaate hain। woh to duniya hi aasuri hai। to aasuri parivaar se tum tang ho jaate ho isliye dhandha aadi chhodkar baba ke paas refresh hone aate ho। yahaan rehte bhi hain brahman। to is parivaar mein aakar baithte ho। ghar mein jaayenge to phir aisa parivaar nahin hoga। vahaan to dehdhaari ho jaate, us gorakhdhandhe se nikal tum yahaan aate ho। ab baap kehte hain deh ke sab sambandh chhodo। khushboodaar phool banna hai। phool mein khushbu hoti hai। sab uthaakar khushbu lete hain। ak ke phool ko nahin uthaayenge। to phool banne ke liye purooshaartha karna hai isliye baba bhi phool le aate hain, aisa banna hai। ghar grihastha mein rehte ek baap ko yaad karna hai। tum jaante ho yeh deh ke sambandhi to khalaas ho jaane hain। tum yahaan gupta kamaai kar rahe ho। tumko shareer chhodna hai, kamaai karke aur bahut khushi se harshitmukh ho shareer chhodna hai। ghoomte phirte bhi baap ki yaad mein raho to tumko kabhi thakaavat nahin hogi। baap ki yaad mein ashareeri ho kitna bhi chakra lagaao, bhal yahaan se neeche Abu Road tak chale jaao to bhi thakaavat nahin hogi। paap kat jaayenge। halke ho jaayenge। tum bachchon ko kitna phaayda hota hai aur koi to jaan na sake। saari duniya ke manushya pukaarte hain patit-paavan aakar paavan banaao। phir unko mahaatma kaise kahenge। patit ko phir maatha thode hi teka jaata hai। maatha paavan ke aage jhukaaya jaata hai। kanya ka misaal - jab vikaari banti to sabke aage sir jhukaati hai aur phir pukaarti hai he patit-paavan aao। are, patit bane hi kyon jo pukaarna pade। sabke shareer to vikaar ki paidaais hain na kyonki raavan ka raajya hai। abhi tum raavan se nikal aaye ho। isko kaha jaata hai - purooshottam sangamayug। abhi tum purooshaartha kar rahe ho raamraajya mein jaane ke liye। satayug hai raam raajya। sirf treta mein raamraajya kahen to phir sooryavanshi lakshmi-naaraayan ka raajya kahaan gaya? to yeh sab gyaan abhi tum bachchon ko mil raha hai। naye-naye bhi aate hain jinko tum gyaan dete ho। laayak banaate ho। koi ka sang aisa milta hai jo phir laayak se naalaayak ban padte hain। baap paavan banaate hain। to ab patit banna hi nahin hai। jabki baap aaya hai paavan banaane, maaya aisi jabardasta hai jo patit bana deti hai। hara deti hai। kehte hain baba raksha karo। vaah, ladaai ke maidaan me dher marte hain phir raksha ki jaati hai kya! yeh maaya ki goli bandook ki goli se bhi bahut kadi hai। kaam ki chot khaai goya oopar se gire। satayug mein sab pavitra grihastha dharma vaale hote hain jinko devta kaha jaata hai। abhi tum jaante ho baap kaise aaye hain, kahaan rehte hain, kaise aakar raajayog sikhaate hain? dikhlaate hain arjun ke rath par baith gyaan diya hai। phir unko sarvavyaapi kyon kehte? baap jo svarga ki sthaapna karte hain unhein hi bhool gaye hain। abhi woh svayan apna parichay dete hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mahaan aatma banne ke liye apvitrata ki jo bhi gandi aadten hain, woh mita deni hai। duhkh dena, ladna-jhagadna.... yeh sab apvitra karttavya hain jo tumhein nahin karne hain। apne aapko raajtilak dene ka adhikaari banaana hai।

2) buddhi ko sab gorakhdhandhon se, dehdhaariyon se nikaal khushboodaar phool banna hai। gupta kamaai jama karne ke liye chalte-phirte ashareeri rahne ka abhyaas karna hai।

vardaan:- apne shubh-chintan ki shakti se aatmaon ko chinta mukta banaane vaali shubhchintak mani bhav

aaj ke vishwa mein sab aatmaayen chintaamni hain। un chinta maniyon ko aap shubhchintak maniyaan apne shubh-chintan ki shakti dvaara parivartan kar sakte ho। jaise soorya ki kirnen door-door tak andhakaar ko mitaati hain aise aap shubhchintak maniyon ki shubh sankalp roopi chamak va kirnen vishwa mein chaaron or phail rahi hain isliye samajhte hain ki koi spiritual light gupta roop mein apna kaarya kar rahi hai। yeh touching abhi shuru hui hai, aakhreen dhoondhate-dhoondhate sthaan par pahunch jaayenge।

slogan:- baapdaada ke direction ko clear catch karne ke liye man-buddhi ki line clear rakho।