Daily Murli for Friday 28 June 2024

28-06-2024 praatahmurli om shanti "baapdaada"' madhuban

“meethe bachche - antarmukhi bano arthaat chup raho, mukh se kuchh bhi bolo nahin, har kaarya shanti se karo, kabhi bhi ashaanti nahin phailaao''

prashn:- tum bachchon ko kangaal banaane vaala sabse bada dushman kaun hai?

uttar:- krodh। kaha jaata hai jahaan krodh hai vahaan paani ke matke bhi sookh jaate hain। bhaarat ka matka jo heere-javaahron se bhara hua tha, woh is bhoot ke kaaran khaali ho gaya hai। in bhooton ne hi tumko kangaal banaaya hai। krodhi manushya khud bhi tapta hai, doosron ko bhi tapaata hai isliye ab is bhoot ko antarmukhi ban nikaalo।

om shanti। baap bachchon ko samjhaate hain - meethe bachche, antarmukhi bano। antarmukhta arthaat kuchh bhi bolo nahin। apne ko aatma samajh baap ko yaad karo। yeh baap baith shiksha dete hain bachchon ko। aur kuchh bhi bolne ka ismen hai nahin। sirf samjhaani di jaati hai। grihastha vyavhaar mein aise rehna hai। yeh hai manamnaabhav। mujhe yaad karo, yeh hai pahli mukhya point। tum bachchon ko ghar mein krodh bhi nahin karna chaahiye। krodh aisa hai jo paani ka matka bhi sukha de। krodhi manushya ashaanti phailaata hai isliye grihastha vyavhaar mein rehte shanti mein rehna hai। bhojan khaakar apne dhandhe athva office aadi mein chale jaana, vahaan bhi silence mein rehna achha hai। sab kehte hain hamko shanti chaahiye। yeh to bachchon ko bataaya hai shanti ka saagar ek baap hi hai। baap hi direction dete hain mujhe yaad karo। ismen bolna kuchh bhi nahin hai। antarmukh rehna hai। office aadi mein apna kaam bhi karna hai to ismen jaasti bolna nahin hota, bilkul meetha banna hai। koi ko duhkh nahin dena chaahiye। ladaai aadi karna yeh sab krodh hai, sabse bada dushman hai kaam। phir doosra number hai krodh। ek-doosre ko duhkh pahunchaate hain। krodh se kitni ladaai ho jaati hai। bachche jaante hain satayug mein ladaai hoti nahin। yeh hai raavnapne ki nishaani। krodh vaale ko bhi aasuri sampradaay kaha jaata hai। bhoot ki praveshta hai na। ismen bolna kuchh bhi nahin hai kyonki un manushyon ko to gyaan hai nahin। woh to krodh karenge, krodh vaale ke saath krodh karne se ladaai lag jaati hai। baap samjhaate hain - yeh bada kada bhoot hai, inko yukti se bhagaana chaahiye। mukh se koi kaduve shabd nahin nikaalna chaahiye। yeh bahut nuksaankaar hai। vinaash bhi krodh se hi hota hai na। ghar-ghar mein jahaan krodh hota hai, vahaan ashaanti bahut rehti hai। krodh kiya to tum baap ka naam badnaam karenge। in bhooton ko bhagaana hai। ek baar bhagaaya to phir aadhaakalpa ke liye yeh bhoot honge hi nahin। yeh 5 vikaar abhi fullforce mein hain। aise samay hi baap aate hain, jabki vikaar full force mein hain। yeh okhen badi criminal hain। mukh bhi criminal hai। jor se bolne se manushya tap jaata hai aur ghar ko bhi tapa dete hain। kaam aur krodh yeh donon bade dushman hain। krodh vaale yaad kar na saken। yaad karne vaale sadaiv shanti mein rahenge। apne dil se poochhna hai - hamaare mein bhoot to nahin hain? moh ka bhi, lobh ka bhi bhoot hota hai। lobh ka bhoot bhi kam nahin। yeh sab bhoot hain kyonki raavan sena hai।

baap bachchon ko yaad ki yaatra sikhlaate hain। parantu bachche ismen moonjhate bahut hain। samajhte nahin hain kyonki bhakti bahut ki hai na। bhakti hai deh-abhimaan। aadhaakalpa deh-abhimaan raha hai। baaharmukhta hone ke kaaran apne ko aatma samajh nahin sakte। baap jor bahut lagaate hain - apne ko aatma samajh baap ko yaad karo। parantu aata hi nahin। aur sab baaten maante bhi hain। phir kah dete yaad kaise karen, koi cheez to dikhaai nahin padti। unko samjhaaya jaata hai - tum apne ko aatma samajhte ho। yeh bhi jaante ho woh behad ka baap hai। mukh se shiv-shiv bolna nahin hai। andar mein jaante ho na main aatma hoon। manushya shanti maangate hain, shanti ka saagar woh paramatma hi hai। zaroor varsa bhi vahi denge। ab baap samjhaate hain, mere ko yaad karo to shanti ho jaayegi। aur janma-janmaantar ke vikarma bhi vinaash honge। baaki koi cheez hai nahin। koi itna bada ling nahin। aatma chhoti hai, baap bhi chhota hai। yaad to sabhi karte hain - he bhagwan, he god। kaun kehta hai? aatma kehti hai - apne baap ko yaad karte hain। to baap bachchon ko kehte hain manamnaabhav। meethe-meethe bachchon, antarmukh hokar raho। yeh jo kuchh dekhte ho woh khatma ho jaana hai। baaki aatma shanti mein rehti hai। aatma ko shantidham hi jaana hai। jab tak aatma pavitra nahin bani hai tab tak shantidham ja nahin sakti। rishi muni aadi sab kehte hain shanti kaise mile। baap to sahaj yukti bataate hain। parantu bachchon mein bahut hain jo shanti mein nahin rehte hain। baba jaante hain gharon mein rehte hain, bilkul shant nahin rehte। centres par thoda time jaate hain, andar mein shant ho baap ko yaad karen, woh nahin hai। saara din ghar mein hangaama karte rehte hain, to centre par aane se bhi shanti mein nahin rah sakte hain। koi ki deh se pyaar ho gaya to unke man ko kabhi shanti ho na sake। bas, uski hi yaad aati rahegi। baap samjhaate hain - manushyon mein hain 5 bhoot। kehte hain na inmen bhoot ki praveshta hai। in bhooton ne hi tumko kangaal banaaya hai। woh to karke ek bhoot hota, woh bhi kabhi pravesh kar leta hai। baap kehte hain yeh 5 bhooton ki har ek mein praveshta hai। in bhooton ko bhagaane ke liye hi pukaarte hain। baba, aakar hamko shanti do, in bhooton ko bhagaane ki yukti bataao। yeh bhoot to sabhi mein hain। yeh raavan raajya hai na। sabse kada bhoot hai kaam-krodh। baap aakar bhooton ko bhagaate hain to unki evaz mein kuchh milna to chaahiye na। woh bhoot-pret bhagaate hain, milta kuchh bhi nahin। yeh to bachche jaante hain baap aate hain saare vishwa se bhooton ko bhagaane। abhi saare vishwa mein sabmen bhooton ki praveshta hai। devtaaon mein koi bhoot nahin hota, na deh-abhimaan ka, na kaam, krodh, lobh, moh… kuchh nahin hota। lobh ka bhoot bhi kam nahin। yeh anda khaaoon, woh khaaoon........ bahuton mein bhoot rehte hain। apne dil se samajhte hain - barobar hamaare mein kaam ka bhoot hai, krodh ka bhoot hai। to in bhooton ko nikaalne ke liye baap kitna maatha maarte hain। deh-abhimaan mein aane se dil hoti hai bhaaki pahnoon, yeh karoon। phir kamaai saari chat ho jaati hai। krodh vaale ka bhi yeh haal hai। krodh mein aakar baap bachchon ko maar dete hain, bachche baap ko maar dete hain, stri pati ko maar daalti hai। jel mein jaakar tum dekho kaise-kaise case hote hain। in bhooton ki praveshta ke kaaran kya haal bhaarat ka ho gaya hai! bhaarat ka jo bada matka tha jo sone-heeron aadi se bhara hua tha, woh ab khaali ho gaya hai। krodh ke kaaran kehte hain na - paani ka matka bhi sookh jaata hai। to yeh bhaarat ka bhi aisa haal ho gaya hai। yeh bhi koi nahin jaante hain। baap hi aate hain bhooton ko nikaalne ke liye। jo aur koi bhi manushya maatra nahin nikaal sakte। yeh 5 bhoot bade jabardasta hain। aadhaakalpa to inki praveshta rahi hai। is samay to baat mat poochho। bhal koi pavitra rehte hain parantu janma to vikaar se hi milta hai। bhoot to hain na। 5 bhooton ne bhaarat ko bilkul kangaal bana diya hai। drama kaise bana hua hai, jo baap baith samjhaate hain। bhaarat kangaal bana hai, jo baahar se karja lete rehte hain। bhaarat ke liye hi baap samjhaate hain, abhi tum bachchon ko is padhaai se kitna dhan milta hai। yeh avinaashi padhaai hai jo avinaashi baap padhaate hain। bhakti maarga mein kitni saamagri hai। baba chhotepan se geeta padhte the aur naaraayan ki pooja karte the। samajh kuchh bhi nahin thi। main aatma hoon, woh hamaara baap hai, yeh bhi samajh nahin thi isliye poochhte hain kaise yaad karun? are, tum to bhakti maarga mein yaad karte aaye ho - he bhagwan aao, liberate karo, hamaara guide bano। guide milta hai mukti-jeevanmukti ke liye। baap is puraani duniya se naphrat dilaate hain। is samay sabki aatmaayen kaali hain, to unko gora shareer kaise milega। bhal karke chamdi kitni bhi saphed hai, parantu aatma to kaali hai na। jo saphed khoobsoorat shareer vaale hain, unko apna nasha kitna rehta hai। manushyon ko yeh pata hi nahin padta hai ki aatma gori kaise banti hai? isliye unko kaha jaata hai naastik। jo apne baap rachayita aur rachna ko nahin jaante hain woh hain naastik, jo jaante hain woh hue aastik। baap kitna achhi reeti baith tum bachchon ko samjhaate hain। har ek apne dil se poochhe - kahaan tak hamaare mein saphaai hai? kahaan tak ham apne ko aatma samajh baap ko yaad karta hoon? yaad ke bal se hi raavan par vijay paani hai। ismen shareer ke balvaan hone ki baat hi nahin hai। is samay sabse balvaan America hai kyonki unke paas dhan-daulat, baarood aadi bahut hai to bal ho gaya jismaani, maarne liye। buddhi mein hai ham vijay paayen। tumhaara to hai roohaani bal, tum vijay paate ho raavan par। jisse tum vishwa ke maalik ban jaate ho। tumhaare oopar koi jeet pa nahin sakta। aadhaakalpa ke liye koi chheen nahin sakta aur koi ko baap se varsa milta nahin। tum kya bante ho, thoda vichaar karo। baap ko to bahut pyaar se yaad karna hai aur svadarshan chakradhaari banna hai। woh samajhte hain svadarshan chakra se vishnu ne sabka sir kaata hai। lekin ismen hinsa ki to baat hi nahin hai।

to meethe-meethe bachchon ko baap kehte hain - meethe bachche, tum kya the, ab apni haalat to dekho! bhal tum kitni bhi bhakti aadi karte the parantu bhoot nikaal nahin sake। abhi antarmukh hokar dekho hamaare mein koi bhoot to nahin hai? koi se dil lagaai, bhaaki pahni to samjho chat khaate mein gaya। unka to munh dekhna bhi achha nahin lagta। woh to jaise achhoot hai, svachchha nahin hai। andar mein dil khaati hai barobar main achhoot hoon। baap kehte hain deh sahit sab kuchh bhoolo, apne ko aatma samjho, yeh avastha rakhne se hi tum devta banenge। to koi bhi bhoot nahin aana chaahiye। samjhaate rehte hain apni jaanch karo। bahuton mein krodh hai, gaali dene bigar rehte nahin hain, phir ladaai chal padti hai। krodh to bahut kharaab hai। bhooton ko bhagaakar ekdam clear hona hai। shareer yaad bhi na aaye tab oonch pad pa sakte hain isliye 8 ratna gaaye jaate hain। tumko gyaan ratna milte hain ratna banne ke liye। kehte hain bhaarat mein 33 karod devtaayen the, parantu unmein bhi 8 ratna paas with honour honge। unko hi prize milegi। jaise scholarship milti hai na। tum jaante ho manzil bahut bhaari hai। chalte-chalte gir padte hain, bhoot ki praveshta ho jaati hai। vahaan vikaar hota hi nahin। tum bachchon ki buddhi mein saare drama ka chakra phirna chaahiye।

tum jaante ho 5 hajaar varsha mein kitne maas, kitne ghante, kitne second hote hain। koi hisaab nikaale to nikal sakta hai। phir yeh jo jhaad hai, usmein bhi yeh likh denge ki kalpa mein itne varsha itne maas, itne din, itne ghante, itne second hote hain। manushya kahenge yeh to bilkul accurate bataate hain। 84 janmon ka hisaab bataate hain। to kalpa ki aayu kyon nahin bataayenge। bachchon ko mukhya baat to bataai hai ki kaise bhi karke bhooton ko to bhagaana hai। in bhooton ne tumhaari poori satyaanaash kar di hai। sab manushya maatra mein bhoot zaroor hain। hai hi bhrashtaachaar ki paidaais। vahaan bhrashtaachaar hota nahin। raavan hi nahin hai। raavan ko bhi koi samajhte nahin hain। tum raavan par jeet paate ho phir raavan hoga hi nahin। abhi purooshaartha karo। baap aaye hain to baap ka varsa zaroor milna chaahiye। tum kitna baari devta bante ho। kitna baari asur bante ho, unka hisaab nahin nikaal sakte। anginat baar bane honge। achha bachche, shanti mein raho to kabhi krodh nahin aayega। baap jo shiksha dete hain, us par amal karna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne aap se poochhna hai - hamaare mein koi bhi bhoot to nahin hai?, aankhe criminal to nahin hoti hain?, zor se bolne va ashaanti phailaane ka sanskaar to nahin hai?, lobh-moh ka vikaar sataata to nahin hai?

2) kisi bhi dehdhaari se dil nahin lagaana hai। deh sahit sab kuchh bhool yaad ki yaatra se svayan mein roohaani bal bharna hai। ek baar bhooton ko bhagaakar aadhaakalpa ke liye chhutkaara paana hai

vardaan:- eeshvareey vidhaan ko samajh vidhi se siddhi praapta karne vaale first division ke adhikaari bhav

ek kadam ki himmat to padam kadmon ki madad, drama mein is vidhaan ki vidhi noondhi hui hai। agar yeh vidhi, vidhaan mein nahin hoti to sabhi vishwa ke pahle raaja ban jaate। nambarvaar banne ka vidhaan is vidhi ke kaaran hi banta hai। to jitna chaahe himmat rakho aur madad lo। chaahe surrender ho, chaahe pravritti vaale ho - adhikaar samaan hai lekin vidhi se siddhi hai। is eeshvareey vidhaan ko samajh albelepan ki leela ko samaapta karo to first division ka adhikaar mil jaayega।

slogan:- sankalp ke khajaane ke prati economy ke avtaar bano।