Daily Murli for Tuesday 13 August 2024

13-08-2024 praatahmurli om shanti "baapdaada"' madhuban

“meethe bachche - yog dvaara tatvon ko paavan banaane ki seva karo kyonki jab tatva paavan banenge tab is srishti par devtaayen paanv rakhenge''

prashn:- tumhaari nai raajdhaani mein kisi bhi prakaar ki ashaanti nahin ho sakti hai - kyon?

uttar:- 1. kyonki woh raajaai tumhein baap dvaara varse mein mili hui hai, 2. vardaata baap ne tum bachchon ko abhi hi vardaan arthaat varsa de diya hai, jis kaaran vahaan ashaanti ho nahin sakti। tum baap ka bante ho to saara varsa le lete ho।

om shanti। bachche to jaante hain, jiske ham bachche hain, unko sachcha saaheb bhi kehte hain isliye aajkal tum bachchon ko saahebzaade bhi kehte hain। sach ke oopar bhi ek paudhi hai - sach khaana, sach pahanna। bhal yeh manushyon ki banaai hui hai parantu yeh baap baith samjhaate hain। bachche jaante hain oonche te ooncha baap hi hai jiski bahut mahima hai, jisko rachayita bhi kehte hain। pahle-pahle hai bachchon ki rachna। baap ke bachche hain na। sab aatmaayen baap ke saath rehti hain। unko kaha jaata hai baap ka ghar, sweet hom। yeh koi hom nahin। bachchon ko maaloom hai woh hamaara sweetest baap hai। sweet hom hai shantidham। phir satayug bhi sweet hom hai kyonki vahaan har ghar mein shanti rehti hai। yahaan ghar mein laukik maa-baap ke paas bhi ashaanti hai to duniya mein bhi ashaanti hai। vahaan to ghar mein bhi shanti to saari duniya mein bhi shanti rehti hai। satayug ko nai chhoti duniya kahenge। yeh puraani kitni badi duniya hai। satayug mein sukh-shanti hai। koi hangaame ki baat nahin kyonki behad ke baap se shanti ka varsa mila hua hai। guru gosaai aasheervaad dete hain - putravaan bhav, aayushvaan bhav। yeh koi nai aasheervaad nahin dete hain। baap se to automatically varsa milta hai। ab baap ne tum bachchon ko smriti dilaai hai। jis paarlaukik baap ko bhakti maarga mein sabhi dharma vaale yaad karte hain, jab duhkh ki duniya hoti hai। yeh hai hi patit puraani duniya। nai duniya mein sukh hota hai, ashaanti ka naam nahin। abhi tum bachchon ko to pavitra gunvaan banna hai। nahin to bahut sajaayen khaani padengi। baap ke saath-saath dharmaraaj bhi hai, hisaab-kitaab chuktu karaane vaala। tribunal baithti hai na। paapon ki sajaayen to zaroor milni hain। jo achhi reeti mehnat karte hain, woh thode hi sajaayen khaayenge। paap ki saja milti hai, jisko karmabhog kaha jaata hai। yeh to raavan ka paraaya raajya hai, ismen apaar duhkh hain। raam raajya mein apaar sukh hote hain। tum samjhaate to bahuton ko ho phir koi jhat samajh jaate hain aur koi der se samajhte hain। kam samajhte hain to samjho isne bhakti deri se ki hai। jisne shuru se bhakti ki hai, woh gyaan ko bhi jaldi samajh lenge kyonki unko aage number mein jaana hai।

tum jaante ho ham aatmaayen sweet hom se yahaan aai hain। silence, movie, talkie hai na। bachche dhyaan mein jaate hain to sunaate hain ki vahaan movie chalti hai। unka koi gyaan maarga se tailuk nahin। mukhya baat hai apne ko aatma samajh baap ko yaad karo, bas aur koi baat nahin। baap niraakaar, bachche bhi yaani aatma bhi is shareer mein niraakaar hai, aur koi baat hi nahin uthti। aatma ka love to ek parampita paramatma ke saath hi hai। shareer to sab patit hain। to patit shareer se lav ho na sake। aatma bhal paavan ban jaati hai parantu shareer to patit hai। patit duniya mein shareer paavan banta hi nahin। aatma ko to paavan yahaan banna hai, tab in puraane shareeron ka vinaash hoga। aatma to avinaashi hai। aatma ka kaam hai behad ke baap ko yaad kar paavan banna। aatma pavitra hai to shareer bhi pavitra chaahiye। woh milega nai duniya mein। aatma bhal paavan ban jaaye, aatma ko ek parampita paramatma ke saath hi yog lagaana hai। bas, is patit shareer ko to touch bhi nahin karna hai। yeh aatmaon se baap baat karte hain। samajhne ki baaten hain na। satayug se lekar kaliyug tak shareeron ke saath latke ho। bhal vahaan aatma aur shareer donon pavitra hain, vahaan vikaar mein jaate nahin, jisse shareer ya aatma vikaari banen। vallabhaachaari bhi hote hain, touch karne nahin dete। tum jaante ho unhon ki aatma koi nirvikaari pavitra nahin hoti। woh ek vallabhaachaari panth hai jo apne ko oonch kul vaale samajhte hain, shareer ko bhi touch karne nahin dete hain। yeh nahin samajhte ki ham vikaari apvitra hain, shareer to bhrashtaachaar se paida hua hai। yeh baaten baap aakar samjhaate hain। aatma paavan banti jaati hai to phir shareer bhi badli karna pade। paavan shareer to tab banen jab 5 tatva bhi paavan ban jaayen। satayug mein tatva bhi pavitra hote hain, tab shareer bhi pavitra bante hain। devtaayen patit shareer mein, patit dharni par pair nahin rakhte hain। unki aatma aur shareer donon pavitra, paavan hote hain isliye woh satayug mein hi pair dharte hain। yeh hai patit duniya। aatma paarlaukik baap paramatma ko yaad karti hai। ek hai shaareerik baap, ek hai ashareeri baap। ashareeri baap ko yaad karte hain kyonki unse aisa sukh ka varsa zaroor mila hai to yaad karne bigar rah nahin sakte। bhal is samay tamopradhaan bane hain, to bhi us baap ko zaroor yaad karte hain। parantu yeh phir ulti shiksha milti hai ki eeshvar sarvavyaapi hai। phir is baat mein bhi moonjh padte hain ki manushya, manushya hi banta hai। yeh sab bhoolen baap aakar samjhaate hain। baap ek hi manamnaabhav ka mantra dete hain, unka bhi arth chaahiye। apne ko aatma samajh baap ko yaad karo। bas, yahi dhun lagi rahe jisse tum paavan ban sakenge। devtaayen pavitra hain, ab baap aakar phir se aisa pavitra banaate hain। saamne em object rakh dete hain, jo but (moorti) banaane vaale hote hain, manushya ki soorat dekh jhat unka but bana dete hain। jaise ki woh jeeta jaagta saamne baitha hai। woh to jad but ho jaate hain। yahaan baap tumko kehte hain - tumko aisa chaitanya lakshmi-naaraayan banna hai। kaise banenge? manushya se devta tum is padhaai aur purity se banenge। yeh school hai hi manushya se devta banne ka। woh jo but aadi banaate hain, usko art kaha jaata hai। hoobhu vahi shakla aadi banaate hain ismen hoobhu ki to baat hi nahin। yeh to jad chitra hain, vahaan to tum natural chaitanya banenge na। 5 tatvon ka chaitanya shareer hoga। yeh to jad chitra manushyon ka banaaya hua hai। hoobhu to ho na sake kyonki devtaaon ka photo to nikal na sake। dhyaan mein bhal saakshaatkaar karte hain parantu photo nikal na sake। kahenge hamne aisa deedaar kiya। chitra to na khud, na koi aur bana sake। khud aisa tab banenge jab baap se knowledge lekar poori karenge, tab hoobhu kalpa pahle misal banenge। yeh kaisa kudarti wonderful drama hai। baap baith yeh kudarti baaten samjhaate hain। manushyon ko to yeh baaten khyaal mein bhi nahin rehti hain। unhon ke aage jaakar maatha tekte hain, samajhte hain, yeh raajya karke gaye hain। parantu kab? yeh pata nahin hai। phir kab aayenge va kya karenge, kuchh pata nahin। tum jaante ho sooryavanshi, chandravanshi jo hokar gaye hain, woh hoobhu phir se banenge zaroor, is knowledge se। wonder hai na! to ab baap samjhaate hain - aisa purooshaartha karne se tum so devta banenge। activity vahi chalegi jo satayug-treta mein chali hai। kitna wonderful gyaan hai। yeh buddhi mein thahre bhi tab jab dil ki saphaai ho। sabki buddhi mein yeh baaten thahar na saken। mehnat chaahiye। mehnat bigar koi phal thode hi mil sakta hai। baap to purooshaartha karaate rehte hain। bhal drama anusaar hi hota hai parantu purooshaartha to karna hota hai। aise thode hi baith jaayenge - drama mein hoga to hamse purooshaartha chalega। aise bhi jangali khyaalaat vaale bahut hote hain - hamaari takdeer mein hoga to purooshaartha zaroor chalega। are, purooshaartha to tumko karna hai। purooshaartha aur praalabdha hoti hai। manushya poochhte hain purooshaartha bada ya praalabdha badi? ab badi to praalabdha hoti hai। parantu purooshaartha ko bada rakha jaata hai jisse praalabdha banti hai। har ek manushya maatra ko purooshaartha se hi sab kuchh milta hai। koi aise bhi pattharbuddhi ho padte jo ulta utha lete hain। samjha jaata hai inki takdeer mein nahin hai। toot padte hain। yahaan bachchon ko kitna purooshaartha karaate hain। raat-din samjhaate rehte hain। apne characters zaroor sudhaarne hain।

number one character hai paavan banna। devta to hain hi paavan। phir jab gir padte hain, characters bigadte hain to ekdam patit ban jaate hain। abhi tum jaante ho hamaara to A one character tha। phir ekdam gir pade। saara madaar hai pavitrata par, ismen hi bahut difficulty hoti hai। manushya ki aankhen bahut dhokha deti hain kyonki raavan ka raajya hai। vahaan to aankhen dhokha deti hi nahin। gyaan ka teesra netra mil jaata hai isliye religion is might kaha jaata hai। sarvashaktimaan baap hi aakar ke yeh devi-devta dharma sthaapan karte hain। bhal karti to sab aatma hai parantu manushya ke roop mein karegi। woh baap hai gyaan ka saagar, devtaaon se inki mahima bilkul alag hai। to aise baap ko kyon nahin yaad karenge। unhon ko hi knowledgeful, beejroop kaha jaata hai। unko sat chit aanand kyon kaha jaata hai? jhaad ka beej hai, unko bhi jhaad ka maaloom to hai na। parantu woh hai jad beej। unmein aatma jaise jad hai, manushya mein hai chaitanya aatma। chaitanya aatma ko gyaan ka saagar bhi kaha jaata hai। jhaad chhote se bade hote hain। to zaroor aatma hai parantu bol nahin sakti। paramatma ki mahima kitni hai, gyaan ka saagar… yeh mahima aatma ki nahin, param aatma maana paramatma ki gaai jaati hai, phir unko eeshvar aadi kehte hain। asul naam hai parampita paramatma। param arthaat supreme। mahima bhi badi bhaari karte hain। abhi din-pratidin mahima bhi kam hoti hai kyonki pahle buddhi sato thi phir rajo, tamopradhaan ban jaati hai। yeh sab baaten baap aakar samjhaate hain। main har 5 hazaar varsha baad aakar puraani duniya ko nai duniya banaata hoon। gaayan bhi hai na satayug aadi hai bhi sat, hosi bhi sat..... koi paudhi achhi banaai hui hai kyonki woh to phir bhi itne patit nahin hain। peechhe aane vaale itne patit nahin hote। bhaaratvaasi hi bahut satopradhaan the, vahi phir bahut janmon ke ant mein tamopradhaan bane hain, aur dharma sthaapkon ke liye aise nahin kahenge। woh na itna satopradhaan bante, na itna tamopradhaan banna hai। na bahut sukh dekha hai, na bahut duhkh dekhenge। sabse jaasti tamopradhaan buddhi kiski bani hai? jo pahle-pahle devta the, vahi sab dharmon se jaasti gire hain। bhal bhaarat ki mahima karte hain kyonki bahut puraana hai। vichaar kiya jaaye to is samay bhaarat bahut gira hua hai। utthaan aur patan bhaarat ka hi hai arthaat devi-devtaaon ka hai। yeh buddhi se kaam lena hai। hamne sukh bhi bahut dekhe hain jab satopradhaan the, phir duhkh bhi bahut dekhe hain kyonki tamopradhaan hain। mukhya hain hi 4 dharma - Deityism, Islamism, Buddhism aur Christianism। baaki inse vriddhi hoti gai hai। in bhaaratvaasiyon ko to pata hi nahin padta ki ham kis dharma ke hain। dharma ka maaloom na hone kaaran dharma hi chhod dete hain। vaastav mein sabse mukhya dharma hai yeh। parantu apne dharma ko bhool gaye hain। jo samjhu sayaane hain woh samajhte hain inhon ka apne dharma mein imaan (vishvaas) nahin hai। nahin to bhaarat kya tha, abhi kya bana hai! baap baith samjhaate hain - bachche, tum kya the! saari history baith samjhaate hain। tum devta the, aadhaakalpa raajya kiya phir aadhaakalpa ke baad raavan raajya mein tum dharma bhrashta, karma bhrashta ban gaye। abhi phir tum daivi sampradaay ke ban rahe ho। bhagvaanuvaach, baap kalpa-kalpa tum bachchon ko hi samjhaakar eeshvareey sampradaay banaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne dil ki saphaai se baap ke wonderful gyaan ko jeevan mein dhaaran karna hai, purooshaartha se oonch praalabdha banaani hai। drama kahkar thahar nahin jaana hai।

2) raavan raajya mein criminal aankhon ke dhokhe se bachne ke liye gyaan ke teesre netra se dekhne ka abhyaas karna hai। pavitrata jo number one character hai, use hi dhaaran karna hai।

vardaan:- brahman janma ki janmapatri ko jaan sada khushi mein rahne vaale shreshtha bhaagyavaan bhav

brahman jeevan naya jeevan hai, brahman aadi mein devi-devta hain aur abhi bi.ke. hain। braahmanon ki janma patri mein teenon hi kaal achhe se achha hai। jo hua woh bhi achha aur jo ho raha hai vo aur achha aur jo hone vaala hai woh bahut-bahut achha। brahman jeevan ki janmapatri sada hi achhi hai, guarantee hai। to sada isi khushi mein raho ki svayan bhaagya vidhaata baap ne bhaagya ki shreshtha rekha kheench di, apna bana liya।

slogan:- ekras sthiti ka anubhav karna hai to ek baap se sarva sambandhon ka ras lo।