Daily Murli for Wednesday 14 August 2024

14-08-2024 praatahmurli om shanti "baapdaada"' madhuban

“meethe bachche - tumhaara anaadi naata hai bhaai-bhaai ka, tum saakaar mein bhaai-behen ho isliye tumhaari kabhi criminal drishti nahin ja sakti''

prashn:- vijayi ashta ratna kaun bante hain? unki value kya hai?

uttar:- jinki mansa mein criminal khyaalaat nahin rehte, poori civil aai ho, vahi ashta ratna bante hain arthaat karmaateet avastha ko paate hain। unki itni adhik value hoti jo kisi par kabhi grahchaari baithti hai to use ashta ratna ki angoothi pahnaate hain। samajhte hain isse grahchaari utar jaayegi। ashta ratna banne vaale dooraadeshi buddhi hone kaaran bhaai-bhaai ki smriti mein nirantar rehte hain।

om shanti। roohaani bachche jaante hain। unhon ka naam kya hai? brahman। brahmaakumaar aur kumaariyaan dher hain। isse siddha hota hai yeh adopted children hain kyonki ek hi baap ke bachche hain। to zaroor adopted hain। tum brahmaakumaar-kumaariyaan hi adopted children ho। bahut children hain। ek hote hain prajaapita brahma ke aur ek hote hain parampita paramatma shiv ke, to zaroor unhon ka aapas mein connection hai kyonki unke hain roohaani bachche aur inke hain jismaani bachche। agar unke hain to jaise bhaai-bhaai hain। prajaapita brahma ke saakaar bhaai-behen ho jaate hain। bhaai-behen ka criminal naata kabhi hota nahin। tumhaare liye bhi aavaaz hota hai na ki yeh sabko bhaai-behen banaati hain, jisse shuddh naata rahe। criminal drishti na jaaye। sirf is janma ke liye yeh drishti pad jaane se phir bhavishya kabhi criminal drishti nahin padegi। aise nahin ki vahaan behen-bhaai samajhte hain। vahaan to jaise mahaaraaja-mahaaraani hote hain, vaise hi hote hain। ab tum bachche jaante ho ham purooshottam sangamayug par hain aur ham sab bhaai-behen hain। prajaapita brahma naam to hai na। prajaapita brahma kab hua tha - yeh duniya ko pata nahin hai। tum yahaan baithe ho, jaante ho ham purooshottam sangamayugi bi.ke. hain। abhi ise dharma nahin kahenge, yeh kul ki sthaapna ho rahi hai। tum brahman kul ke ho। tum kah sakte ho ham brahmaakumaar-kumaariyaan zaroor ek prajaapita brahma ki santaan hain। yeh nai baat hai na। tum kah sakte ho ham bi.ke. hain। yoon to vaastav mein ham sab brothers hain। ek baap ke bachche hain। unke liye adopted nahin kahenge। ham aatmaayen unki santaan to anaadi hain। woh parampita paramatma supreme soul hai। aur kisko ‘supreme' akshar nahin kahenge। supreme kaha jaata hai sampoorn pavitra ko। aise nahin kahenge sabmen purity hai। purity seekhte hain is sangam par। tum to purooshottam sangamayug ke nivaasi ho। jaise kaliyug nivaasi, satayug ke nivaasi kaha jaata hai। satayug, kaliyug ko to bahut hi jaante hain। agar dooraadeshi buddhi ho to samajh sakenge। kaliyug aur satayug ke beech ko kaha jaata hai sangamayug। shaastron mein phir yuge-yuge kah diya hai। baap kehte hain main yuge-yuge nahin aata hoon। tumhaari buddhi mein yeh hona chaahiye ki ham purooshottam sangamayugi brahmaakumaar-kumaariyaan hain। na ham satayug mein hain, na kaliyug mein hain। sangam ke baad satayug aana hai zaroor।

tum abhi satayug mein jaane ke liye purooshaartha kar rahe ho। vahaan pavitrata bigar koi ja nahin sakte। is samay tum pavitra banne ke liye purooshaarthi ho। sab to pavitra nahin hain। kai patit bhi hote hain। chalte-chalte gir padte hain, phir chhipkar aae amrit peete hain। vaastav mein jo amrit chhod vish khaate hain, unko kuchh samay aane nahin dete। parantu yeh bhi gaayan hai - jab amrit baanta tha to vikaari asur chhipkar aae baithte the। kehte hain indra sabha mein aise apvitra aakar baithte to unhein shraap lag jaata hai। ek kahaani bhi bataate hain ki ek pari ek vikaari ko le aai, phir unka kya haal hua? vikaari to zaroor gir padenge। yeh samajh ki baat hai। vikaari chadh na saken। kehte hain woh jaakar patthar bana। ab aise nahin ki manushya patthar va jhaad bante hain। pattharbuddhi ban gaye hain। yahaan aate hain paarasbuddhi banne ke liye parantu chhipkar vish peete hain to siddha hota hai pattharbuddhi hi rahenge। yeh saamne samjhaaya jaata hai, shaastron mein to aise hi baith likha hai। naam rakha hai indra sabha। jahaan pukhraaz pari, kisma-kisma ki pariyaan dikhaate hain। ratnon mein bhi nambarvaar hote hain na। koi bahut achha ratna, koi kam। koi ki value kam, koi ki bahut hoti hai। 9 ratna ki angoothi bhi bahut banaate hain। advertise karte hain। naam to ratna hi hai। yahaan baithe hain na। parantu unmein bhi kahenge yeh heera hai, yeh panna hai, yeh maanik, pukhraaj bhi baithe hain। raat-din ka pharka hai। unki value mein bhi bahut farka hota hai। vaise hi phir phoolon se bhent ki jaati hai। unmein bhi variety hai। bachche jaante hain kaun-kaun phool hain। braahmaniyaan pande bankar aati hain, woh achha phool hota hai। koi to phir student bhi jaasti teekhe hote hain, samjhaane karne mein। baba braahmani ko phool na dekar unko denge। sikhlaane vaale se bhi unmein gun bade achhe hote hain। koi bhi vikaar nahin hota। koi koi mein avgun hote hain - krodh ka bhoot, lobh ka bhoot…। to baap jaante hain yeh favourite (manapsanda) panda hai, yeh second number hai। koi-koi panda itna favourite nahin hota, jitna jigyaasu, jinko le aate hain woh favourite hote hain। aise bhi hote hain - sikhlaane vaale maaya ke chambe mein aakar vikaar mein chale jaate hain। aise hain, bahuton ko duban se nikaalte aur khud phans marte hain। maaya badi jabardasta hai। bachche bhi samajhte hain, criminal aai bahut dhokha deti hai। jab tak criminal aai hai to bhaai-behen ka jo direction mila hai woh bhi nahin chal sakta। civil aai badal kar criminal aai ban jaati hai। jab criminal aai toot kar pakki civil aai ban jaati hai to usko kaha jaata hai karmaateet avastha। itni apni jaanch karni hai। ikatthe rehte hue vikaar ki drishti na jaaye। yahaan tum bhaai-behen bante ho, gyaan talvaar beech mein hain। hamko to pavitra rahne ki pakki pratigya karni hai। parantu likhte hain baba kashish hoti hai, woh avastha ajun pakki nahin hui hai। purooshaartha karte rehte hain - yeh bhi na ho। ekdam civil aai jab ban jaaye tab hi vijay pa sakte hain। avastha aisi chaahiye jo koi vikaari sankalp bhi na uthe, isko hi karmaateet avastha kaha jaata hai। manzil hai।

kitni wonderful maala banti hai। 8 ratna ki bhi maala hoti hai। bachche to dher ke dher hain। sooryavanshi-chandravanshi gharaana yahaan sthaapan hota hai। un sabko milaakar full paas, scholarship lene vaale 8 ratna nikalte hain। beech mein phir unhon ko ratna banaane vaala heera ‘shiv' daalte hain, jisne aise ratna banaaye। grahchaari baithti hai to bhi 8 ratna ki angoothi pahante hain। is samay bhaarat par raahu ki grahchaari hai। pahle thi vrikshapti ki arthaat brihaspati ki dasha। tum satayugi devta the, vishwa par raajya karte the। phir raahu ki dasha baith gai। abhi tum jaante ho hamaare oopar brihaspati ki dasha thi, naam hai vrikshapti। short mein brihaspati kaha jaata hai। hamaare par barobar brihaspati ki dasha thi, jabki ham vishwa ke maalik the, abhi raahu ki dasha baithi hai, jo ham kaudi misal banen hain। yeh to har ek samajh sakte hain। poochhne ki bhi baat nahin hai। guruon aadi se poochhte hain - is imtahaan mein paas honge? yahaan bhi baba se poochhte hain - ham paas honge? kehta hoon agar aise purooshaartha se chalte rahe to kyon nahin paas honge। parantu maaya badi prabal hai। toofaan mein la degi। is samay to theek hai, aage chal toofaan bahut aaye to? abhi tum yuddha ke maidaan mein ho, phir ham guarantee kaise kar sakte hain? aage maala banaate the, jinko 2-3 number mein rakhte the, woh hain nahin। ekdam kaanta ban gaye। to baap ne kaha - braahmanon ki maala ban nahin sakti hai। yuddha ke maidaan mein hain na। aaj brahman, kal shoodra ban jaayenge, vikaar mein gaya, goya shoodra bana। raahu ki dasha baith gai। brihaspati ki dasha ke liye purooshaartha karte the, vrikshapti padhaate the। chalte-chalte maaya ka thappad laga, phir raahu ki dasha baith gai। traitor ban padte hain। aise sab jagah hote hain। ek raajaai se nikal doosri raajaai mein jaakar sharan lete hain। phir woh log bhi dekhte hain yeh hamaare kaam ka hai to sharan de dete hain। aise bahut traitor bante hain aeroplane sahit jaakar doosri raajaai mein baithte hain। phir vo log aeroplane vaapis kar lete hain, unko sharan de dete hain। aeroplane ko thode hi sharan lete, woh to unki property hai na। unki cheez unko vaapis kar dete hain। baaki manushya, manushya ko sharan dete hain।

abhi tum bachche sharan aaye ho baap ke paas। kehte ho hamaari laaj rakho। dropdi ne pukaara ki hamko yeh nangan karte hain, patit hone se bachaao। satayug mein kabhi nangan nahin hote। unko to kehte hi hain sampoorn nirvikaari। chhote bachche to hote hi hain nirvikaari। yeh grihastha vyavhaar mein rehte sampoorn nirvikaari rehte hain। bhal stri-puroosh saath rehte hain to bhi nirvikaari rehte hain, isliye kehte ham nar se naaraayan, naari se lakshmi ban rahe hain। woh hai nirvikaari duniya, vahaan raavan nahin। usko kaha jaata hai raam raajya। raam shivbaaba ko kaha jaata hai। raam naam japne ka arth hi hai baap ko yaad karna। raam-raam jab kehte hain to buddhi mein niraakaar hi rehta hai। raam-raam kehte hain, seeta ko chhod dete hain। vaise shreekrishna ka naam lete hain, raadhe ko chhod dete hain। yahaan to baap hai hi ek, woh kehte hain maamekam yaad karo। shreekrishna ko patit-paavan nahin kahenge। chhotepan mein raadhe-krishna bhaai-behen bhi nahin the। alag-alag raajaai ke the। bachche to hote hi shuddh hain। baba bhi kehte hain - bachche to phool hain, unmein vikaar ki drishti nahin hoti। jab bade hote hain tab drishti jaati hai isliye baalak aur mahaatma ko samaan kehte hain। balki bachcha mahaatma se bhi oonch hai। mahaatma ko phir bhi maaloom hai ham bhrashtaachaar se paida hua hoon। chhote bachche ko yeh maaloom nahin rehta hai। bachcha baap ka bana aur varsa to hai hi। tum vishwa ki raajdhaani ke maalik bante ho। kal ki baat hai tum vishwa ke maalik the। ab phir tum bante ho। itni praapti hoti hai। to stri-puroosh behen-bhaai ban pavitra rahen to kya badi baat hai। kuchh to mehnat bhi chaahiye na। haan, nambarvaar purooshaartha anusaar ab brahaspati ki dasha mein jaate ho। svarga mein to jaate hain phir padhaai se koi oonch pad paate hain, koi madhyam, koi phool bante, koi kya। bageecha hai na। phir pad bhi aise lenge। purooshaartha khoob karna hai, aisa phool banne ke liye isliye baba phool le aate hain bachchon ko dikhaane। bageeche mein to anek prakaar ke phool hote hain। satayug hai phoolon ka bageecha aur yeh hai kaanton ka jangal। abhi tum kaante se phool banne ka purooshaartha kar rahe ho। ek-do ko kaanta maarne se bachne ka purooshaartha kar rahe ho, jo jitna purooshaartha karenge utna jeet paayenge। mool baat hai kaam par jeet paane se hi jagatjeet banenge। yeh to bachchon par raha। javaanon ko bahut mehnat karni padti hai, budhon ko kam। vaanaprastha avastha vaalon ko aur kam। bachchon ko bahut kam।

tum jaante ho hamko vishwa ke baadshaahi ki property milti hai, uske liye ek janma pavitra rahe to kya harja। unko kaha jaata hai baal brahmachaari। ant tak pavitra rehte hain। jo pavitra bane hain, unko baap ki kashish hoti hai, bachchon ko chhotepan se hi gyaan milta jaae to bach sakte hain। chhote bachche abodh hote hain parantu phir baahar school aadi mein sang ka rang lag jaata hai। sang taare, kusang duboye। baap kehte hain ham tumko paar le jaate hain shivaalay mein। satayug hai bilkul nai duniya। bahut thode manushya rehte hain phir vriddhi ko paate hain। vahaan to bahut thode devtaayen rehte hain। to nai duniya mein jaane ka purooshaartha karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ka man pasanda banne ke liye gunvaan banna hai। achhe-achhe gun dhaaran kar phool banna hai। avgun nikaal dene hain। kisi ko bhi kaanta nahin lagaana hai।

2) full paas hone va scholarship lene ke liye aisi avastha banaani hai jo kuchh bhi yaad na aaye, poori civil aai ban jaaye। sada brihaspati ki dasha bani rahe।

vardaan:- brahman jeevan mein sarva khajaanon ko saphal kar sada praapti sampanna banne vaale santushtamni bhav

brahman jeevan ka sabse bade se bada khajaana hai santushta rehna। jahaan sarva praaptiyaan hain vahaan santushtata hai aur jahaan santushtata hai vahaan sab kuchh hai। jo santushtata ke ratna hain woh sab praapti swaroop hain, unka geet hai paana tha woh pa liya... aise sarva praapti sampanna banne ki vidhi hai - mile hue sarva khajaanon ko use karna kyonki jitna saphal karenge utna khajaane badhte jaayenge।

slogan:- holeehans unhein kaha jaata jo sada achchhaai roopi moti hi chugte hain, avgun roopi kankad nahin।