Daily Murli for Tuesday 24 September 2024

24-09-2024 praatahmurli om shanti "baapdaada"' madhuban

“meethe bachche - tum jitna samay baap ki yaad mein rahenge utna samay kamaai hi kamaai hai, yaad se hi tum baap ke sameep aate jaayenge''

prashn:- jo bachche yaad mein nahin rah sakte hain, unhein kis baat mein lajja aati hai?

uttar:- apna chart rakhne mein unhein lajja aati। samajhte hain sach likhenge to baba kya kahenge। lekin bachchon ka kalyaan ismen hi hai ki sachcha-sachcha chart likhte rahen। chart likhne mein bahut phaayde hain। baba kehte - bachche, ismen lajja mat karo।

om shanti। roohaani baap baith bachchon ko samjhaate hain। ab tum bachche 15 minute pahle aakar yahaan baap ki yaad mein baithte ho। ab yahaan aur to koi kaam hai nahin। baap ki yaad mein hi aakar baithte ho। bhakti maarga mein to baap ka parichay hai nahin। yahaan baap ka parichay mila hai aur baap kehte hain maamekam yaad karo। main to sab bachchon ka baap hoon। baap ko yaad karne se varsa to automatically yaad aana chaahiye। chhote bachche to nahin ho na। bhal likhte hain ham 5 maas va 2 maas ke hain parantu tumhaari karmendriyaan to badi hain। to roohaani baap samjhaate hain, yahaan baap aur varse ki yaad mein baithna hai। jaante ho ham nar se naaraayan banne ke purooshaartha mein tatpar hain va svarga mein jaane ke liye purooshaartha kar rahe hain। to yeh bachchon ko note karna chaahiye - hamne yahaan baithe-baithe kitna samay yaad kiya? likhne se baap samajh jaayenge। aise nahin ki baap ko maaloom padta hai - har ek kitna samay yaad mein rehte hain? woh to har ek apne chart se samajh sakte hain - baap ki yaad thi ya buddhi kahaan aur taraph chali gai? yeh bhi buddhi mein hai abhi baba aayenge to yeh bhi yaad thahri na। kitna samay yaad kiya, woh chart mein sach likhenge। jhooth likhne se to aur hi sauguna paap chadhega aur hi nuksaan ho jaayega isliye sach likhna hai - jitna yaad karenge utna vikarma vinaash honge। aur yeh bhi jaante ho ham nazdeek aate jaate hain। aakhreen jab yaad poori ho jaayegi to ham phir baba ke paas chale jaayenge। phir koi to jhat nai duniya mein aakar part bajaayenge, koi vahaan hi baithe rahenge। vahaan koi sankalp to aayega nahin। woh hai hi muktidhaam, duhkh-sukh se nyaare। sukhdhaam mein jaane ke liye ab tum purooshaartha karte ho। jitna tum yaad karenge utna vikarma vinaash honge। yaad ka chart rakhne se gyaan ki dhaarna bhi achhi hogi। chart rakhne mein to phaayda hi hai। baba jaante hain yaad mein na rahne kaaran likhne mein lajja aati hai। baba kya kahenge, murli mein suna denge। baap kehte hain ismen lajja ki kya baat hai। dil andar har ek samajh sakte hain - ham yaad karte hain va nahin? kalyaankaari baap to samjhaate hain, note karenge to kalyaan hoga। jab tak baba aaye, utna samay jo baithe usmein yaad ka chart kitna raha? farka dekhna chaahiye। pyaari cheez ko to bahut yaad kiya jaata hai। kumaar-kumaari ki sagaai hoti hai to dil mein ek-do ki yaad thahar jaati hai। phir shaadi hone se pakki ho jaati hai। bigar dekhe samajh jaate hain - hamaari sagaai hui hai। abhi tum bachche jaante ho ki shivbaaba hamaara behad ka baap hai। bhal dekha nahin hai parantu buddhi se samajh sakte ho, woh baap agar naam-roop se nyaara hai to phir pooja kiski karte ho? yaad kyon karte ho? naam-roop se nyaari beanta to koi cheez hoti nahin। zaroor cheez ko dekha jaata hai tab varnan hota hai। aakaash ko bhi dekhte hain na। beanta kah nahin sakte। bhakti maarga mein bhagwan ko yaad karte hai - ‘he bhagwan' to beanta thode hi kahenge। ‘he bhagwan' kahne se to jhat unki yaad aati hai to zaroor koi cheez hai। aatma ko bhi jaana jaata hai, dekha nahin jaata।

sab aatmaon ka ek hi baap hota hai, unko bhi jaana jaata hai। tum bachche jaante ho - baap aakar padhaate bhi hain। aage yeh maaloom nahin tha ki padhaate bhi hain। shreekrishna ka naam daal diya hai। shreekrishna to in aankhon se dekhne mein aata hai। unke liye to beanta, naam-roop se nyaara kah na saken। shreekrishna to kabhi kahenge nahin - maamekam yaad karo। woh to sammukh hai। unko baba bhi nahin kahenge। maataayen to shreekrishna ko bachcha samajh god mein bithaati hain। janmaashtami par chhote shreekrishna ko jhulaayenge। kya sadaiv chhota hi hai! phir raas vilaas bhi karte hain। to zaroor thoda bada hua phir unse bada hua va kya hua, kahaan gaya, kisko bhi pata nahin। sadaiv chhota shareer to nahin hoga na। kuchh bhi khyaal nahin karte hain। yeh pooja aadi ki rasma chali aati hai। gyaan to koi mein hai nahin। dikhaate hain shreekrishna ne kansapuri mein janma liya। ab kansapuri ki to baat hi nahin। koi ka bhi vichaar nahin chalta। bhakta log to kahenge shreekrishna haazira-hazoor hai phir unko snaan bhi karaate hain, khilaate bhi hain। ab woh khaata to nahin। rakhte hain moorti ke saamne aur khud kha lete hain। yeh bhi bhakti maarga hua na। shreenaath ji par itna bhog lagaate hain, woh to khaata nahin, khud kha jaate hain। deviyon ki pooja mein bhi aise karte hain। khud hi deviyaan banaate hain, unki pooja aadi kar phir dubo dete hain। jevraat aadi utaarkar dubote hain phir vahaan to bahut rehte hain, jisko jo haath mein aaya woh utha lete hain। deviyon ki hi jaasti pooja hoti hai। lakshmi aur durga donon ki moortiyaan banaate hain। badi mama bhi yahaan baithi hai na, jisko brahmaputra bhi kehte hain। samjhenge na ki is janma aur bhavishya ke roop ki pooja kar rahe hain। kitna wonderful drama hai। aisi-aisi baaten shaastron mein aa na saken। yeh hai practical activity। tum bachchon ko ab gyaan hai। samajhte ho sabse jaasti chitra banaaye hain aatmaon ke। jab roodra yagya rachte hain to laakhon saaligraam banaate hain। deviyon ke kab laakhon chitra nahin banaayenge। woh to jitne pujaari honge utni deviyaan banaate honge। woh to ek hi time par laakh saaligraam banaate hain। unka koi fix din nahin hota hai। koi muhoortta aadi nahin hota hai। jaise deviyon ki pooja fix time par hoti hai। seth logon ko to jab khyaal mein aayega ki roodra ya saaligraam rachen to brahman bulaayenge। roodra kaha jaata hai ek baap ko phir unke saath dher saaligraam banaate hain। vo seth log kehte hain itne saaligraam banaao। unki tithi-taareekh koi mukrar nahin hoti। aise bhi nahin ki shiv jayanti par hi roodra pooja karte hain। nahin, aksar karke shubh din brihaspati ko hi rakhte hain। deepmaala par lakshmi ka chitra thaali mein rakhkar unki pooja karte hain। phir rakh dete hain। woh hai mahaalakshmi, yugal hain na। manushya in baaton ko jaante nahin। lakshmi ko paise kahaan se milenge? yugal to chaahiye na। to yeh (lakshmi-naaraayan) yugal hain। naam phir mahaalakshmi rakh dete hain। deviyaan kab hui, mahaalakshmi kab hokar gai? yeh sab baaten manushya nahin jaante hain। tumko ab baap baith samjhaate hain। tumhaare mein bhi sabko ekras dhaarna nahin hoti hai। baba itna sab samjhaakar phir bhi kehte shivbaaba yaad hai? varsa yaad hai? mool baat hai yeh। bhakti maarga mein kitna paisa vesta karte hain। yahaan tumhaari paai bhi vesta nahin hoti hai। tum service karte ho solvent banne ke liye। bhakti maarga mein to bahut paise kharcha karte hain, insolvent ban padte hain। sab mitti mein mil jaata hai। kitna pharka hai! is samay jo kuchh karte hain woh eeshvareey service mein shivbaaba ko dete hain। shivbaaba to khaate nahin hain, khaate tum ho। tum brahman beech mein trustee ho। brahma ko nahin dete ho। tum shivbaaba ko dete ho। kehte hain - baba, aapke liye dhoti-kameez laai hai। baba kehte hain - inko dene se tumhaara kuchh bhi jama nahin hoga। jama woh hota hai jo tum shivbaaba ko yaad kar inko dete ho। phir yeh to samajhte ho brahman shivbaaba ke khajaane se hi palte hain। baba se poochhne ki darkaar nahin hai ki kya bhejoon? yeh to lenge nahin। tumhaara jama hi nahin hoga, agar brahma ko yaad kiya to। brahma ko to lena hai shivbaaba ke khajaane se। to shivbaaba hi yaad padega। tumhaari cheez kyon leven। bi.ke. ko dena bhi wrong hai। baba ne samjhaaya hai tum koi se bhi cheez lekar pahnenge to unki yaad aati rahegi। koi halki cheez hai to unki baat nahin। achhi cheez to aur hi yaad dilaayegi - phalaane ne yeh diya hai। unka kuchh jama to hota nahin। to ghaata pada na। shivbaaba kehte hain maamekam yaad karo। mujhe kapde aadi ki darkaar nahin। kapde aadi bachchon ko chaahiye। woh shivbaaba ke khajaane se pahnenge। mujhe to apna shareer hai nahin। yeh to shivbaaba ke khajaane se lene ke hakdaar hain। raajaai ke bhi hakdaar hain। baap ke ghar mein hi bachche khaate peete hain na। tum bhi service karte, kamaai karte rehte ho। jitni service bahut, utni bahut kamaai hogi। khaayenge, piyenge shivbaaba ke bhandaare se। unko nahin denge to jama hi nahin hoga। shivbaaba ko hi dena hota hai। baba, aapse bhavishya 21 janmon ke liye padmaapadmapti banenge। paise to khatma ho jaayenge isliye samartha ko ham de dete hain। baap samartha hain na। 21 janmon ke liye woh dete hain। indirect bhi eeshvar arth dete hain na। indirect mein itna samartha nahin hai। abhi to bahut samartha hai kyonki sammukh hai। world almighty authority is samay ke liye hai।

eeshvar arth kuchh daan-punya karte hain to alpakaal ke liye kuchh mil jaata hai। yahaan to baap tumko samjhaate hain - main sammukh hoon। main hi dene vaala hoon। isne bhi shivbaaba ko sab kuchh dekar saare vishwa ki baadshaahi le li na। yeh bhi jaante ho - is vyakta ka hi avyakt roop mein saakshaatkaar hota hai। inmen shivbaaba aakar bachchon se baat karte hain। kabhi bhi yeh khyaal nahin karna chaahiye - ham manushya se leven। bolo, shivbaaba ke bhandaare mein bhej do, inko dene se to kuchh nahin milega, aur hi ghaata pad jaayega। gareeb honge, karke 3-4 roopaye ki koi cheez tumko denge। inse to shivbaaba ke bhandaare mein daalne se padma ho jaayega। apne ko ghaata thode hi daalna hai। pooja aksar deviyon ki hi hoti hai kyonki tum deviyaan hi khaas nimitta banti ho gyaan dene ke। bhal gop bhi samjhaate hain parantu aksar karke to maataayen hi braahmani ban raasta bataati hain isliye deviyon ka naam jaasti hai। deviyon ki bahut pooja hoti hai। yeh bhi tum bachche samajhte ho aadhaakalpa ham poojya the। pahle hain full poojya, phir semi poojya kyonki do kala kam ho jaati hai। raam ki dynasty kahenge treta mein। woh to laakhon varsha ki baat kah dete hain, to unka koi hisaab hi nahin ho sakta। bhakti maarga vaalon ki buddhi mein aur tumhaari buddhi mein kitna raat-din ka farka hai! tum ho eeshvareey buddhi, woh hain raavan ki buddhi। tumhaari buddhi mein hai ki yeh saara chakra hi 5 hazaar varsha ka hai, jo phirta rehta hai। jo raat mein hain woh kehte hain laakhon varsha, jo din mein hain woh kehte 5 hazaar varsha। aadhaakalpa bhakti maarga mein tumne asatya baaten suni hain। satayug mein aisi baaten hoti hi nahin। vahaan to varsa milta hai। ab tumko direct mat milti hai। shreemad bhagvat geeta hai na। aur koi shaastra par shreemad naam hai nahin। har 5hazaar varsha baad yeh purooshottam sangamayug, geeta ka yug aata hai। laakhon varsha ki to baat ho nahin sakti hai। kabhi bhi koi aaye to le jaao sangam par। behad ke baap ne rachayita arthaat apna aur rachna ka saara parichay diya hai। phir bhi kehte hain - achha, baap ko yaad karo, aur kuchh dhaarna nahin kar sakte ho to apne ko aatma samajh baap ko yaad karo। pavitra to banna hi hai। baap se varsa lete ho to daiveegun bhi dhaaran karne hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) 21 janmon ke liye padmon ki kamaai jama karne ke liye direct eeshvareey seva mein sab kuchh saphal karna hai। trustee ban shivbaaba ke naam par seva karni hai।

2) yaad mein jitna samay baithte, utna samay buddhi kahaan-kahaan gai - yeh check karna hai। apna sachcha-sachcha potaamel rakhna hai। nar se naaraayan banne ke liye baap aur varse ki yaad mein rehna hai।

vardaan:- vismriti ki duniya se nikal smriti swaroop rah hero part bajaane vaale vishesh aatma bhav

yeh sangamayug smriti ka yug hai aur kaliyug vismriti ka yug hai। aap sab vismriti ki duniya se nikal aaye। jo smriti swaroop hain vahi hero part bajaane vaali vishesh aatma hain। is samay double hero ho, ek heere samaan valuable bane ho doosra hero part hai। to yahi dil ka geet sada bajta rahe ki vaah mera shreshtha bhaagya। jaise deh ka occupation yaad rehta hai aise ye avinaashi occupation ki “main shreshtha aatma hoon'' yaad rahe tab kahenge vishesh aatma।

slogan:- himmat ka pahla kadam aage badhaao to baap ki sampoorn madad milegi।