Daily Murli for Thursday 14 November 2024

14-11-2024 praatahmurli om shanti "baapdaada"' madhuban

“meethe bachche - in aankhon se jo kuchh dikhaai deta hai, ise dekhte hue bhi nahin dekho, inse mamatva nikaal do kyonki ise aag lagni hai''

prashn:- eeshvareey government ka gupta kartavya kaun-sa hai, jise duniya nahin jaanti?

uttar:- eeshvareey government aatmaon ko paavan banaakar devta banaati hai - yeh hai bahut gupta kartavya, jise manushya nahin samajh sakte। jab manushya devta banen tab to narkavaasi se svargavaasi ban saken। manushya ka saara character vikaaron ne bigaada hai। abhi tum sabko shreshtha character vaala banaane ki seva karte ho, yahi tumhaara mukhya kartavya hai।

om shanti। jab om shanti kaha jaata hai, to apna svadharma aur apna ghar yaad padta hai phir ghar mein baith to nahin jaana hai। baap ke bachche bane hain to zaroor svarga ka varsa bhi yaad padega। om shanti kahne se bhi saara gyaan buddhi mein aa jaata hai। main aatma shant swaroop hoon, shanti ke saagar baap ka bachcha hoon। jo baap svarga ki sthaapna karte hain, vahi baap hamko pavitra, shant-swaroop banaate hain। mukhya baat hai pavitrata ki। pavitra duniya aur apvitra duniya hai। pavitra duniya mein ek bhi vikaar nahin। apvitra duniya mein 5 vikaar hain isliye kaha jaata hai vikaari duniya। woh hai nirvikaari duniya। nirvikaari duniya se seedhi utarte-utarte phir neeche vikaari duniya mein aate hain। woh hai paavan duniya, yeh hai patit duniya। raamraajya aur raavanraajya hai na! samay par din aur raat gaaye hue hain। brahma ka din aur brahma ki raat। din sukh, raat duhkh। raat bhatakne ki hoti hai। yoon to raat mein koi bhatakna nahin hota hai parantu bhakti ko bhatakna kaha jaata hai। tum bachche yahaan aaye ho sadgati paane ke liye। tumhaari aatma mein 5 vikaaron ke kaaran paap the, unmein bhi mukhya hai kaam vikaar, jisse hi manushya paap aatma bante hain। yeh to har ek jaante hain ham patit hain। bhrashtaachaar se paida hue hain। ek kaam vikaar ke kaaran saari qualification bigad padti hain isliye baap kehte hain is kaam vikaar ko jeeto to jagatjeet nai duniya ke maalik banenge। to andar mein itni khushi rahni chaahiye। manushya patit bante hain to kuchh samajhte nahin। is kaam par hi kitne hangaamen hote hain। kitni ashaanti, haahaakaar ho jaata hai। is samay duniya mein haahaakaar kyon hai? kyonki sabhi paap aatmaayen hain। vikaaron ke kaaran hi asur kaha jaata hai। abhi baap dvaara samajhte ho ham to bilkul kaudi misal worth not A penny the। kaam ki jo cheez nahin use aag mein jalaaya jaata hai। abhi tum bachche samajhte ho duniya mein koi kaam ki cheez nahin। sabhi manushya maatra ko aag lagni hai। jo kuchh in aankhon se dekhte hain, sabko aag lag jaayegi। aatma ko to aag lagti nahin। aatma to jaise insure hai। aatma ko kabhi insure karaate hain kya? insure to shareer ko karaate hain। bachchon ko samjhaaya gaya hai, yeh khel hai। aatma to oopar mein 5 tatvon se bhi oopar rehti hai। 5 tatvon se hi saari duniya ki saamagri banti hai। aatma to nahin banti, aatma to sadaiv hai hi। sirf punya aatma, paap aatma banti hai। 5 vikaaron se aatma kitni gandi ban padti hai। abhi baap aaye hain paapon se chhudaane। vikaar se saara characters bigadta hai। characters kisko kaha jaata hai - yeh bhi kisko pata nahin hai। gaaya bhi hua hai paandav raajya, kaurav raajya। abhi paandav kaun hain, yeh bhi koi nahin jaante। abhi tum samajhte ho ham eeshvareey government ke hain। baap aaye hain raamraajya sthaapan karne। is samay eeshvareey government kya karti hai? aatmaon ko paavan banaakar devta banaati hai। nahin to phir devta kahaan se aaye - yeh koi nahin jaante isliye isko gupta government kaha jaata hai। hain to yeh bhi manushya parantu devta kaise banen, kisne banaaya? devi-devta to hote hi hain svarga mein। to unhon ko svargavaasi kisne banaaya। svargavaasi se phir narkavaasi bante hain। phir narkavaasi so svargavaasi bante hain। yeh tum bhi nahin jaante the। phir aur kaise jaanenge। svarga satayug ko, narka kaliyug ko kaha jaata hai। yeh bhi tum abhi samajhte ho। yeh drama bana hua hai। yeh padhaai hai hi patit se paavan banne ki। aatma hi patit banti hai। patit se paavan banaana - yeh dhandha baap ne tumhein sikhlaaya hai। paavan bano to paavan duniya mein chalenge। aatma hi paavan bane tab to svarga ke laayak bane। yeh gyaan tumhein is sangam par hi milta hai। pavitra banne ka hathiyaar milta hai। patit-paavan ek baba ko hi kaha jaata hai। kehte hain hamko paavan banaao। yeh lakshmi-naaraayan svarga ke maalik the। phir 84 janma le patit bane hain। shyaam aur sundar, inka naam bhi aisa rakha hua hai parantu manushya arth thode hi samajhte hain। shreekrishna ki bhi clear samjhaani milti hai। inmen do duniyaayen kar di hain। vaastav mein duniya to ek hi hai। woh nai aur puraani hoti hai। pahle chhote bachche phir bade ban boodhe hote hain। duniya bhi nai so puraani hoti hai। tum kitna maatha maarte ho samjhaane liye। apni raajdhaani sthaapan kar rahe ho na। inhonne bhi samjha hai na। samajh se kitne meethe bane hain। kisne samjhaaya? bhagwan ne। ladaai aadi ki to baat hi nahin। bhagwan kitna samajhdaar, knowledgeful banaate hain। shiv ke mandir mein jaakar naman karte hain parantu woh kya hai, kaun hai, yeh koi nahin jaante। shiv kaashi vishvanaath ganga… bas sirf kehte rehte hain, arth zara bhi nahin samajhte। samjhaao to kahenge tum hamko kya samjhaayenge, ham to ved-shaastra aadi sab padhe hue hain। tum bachchon mein nambarvaar hain jo yeh dhaarna karte hain। kai to bhool jaate hain kyonki bilkul pattharbuddhi ban gaye hain। to abhi jo paarasbuddhi bane hain unhon ka kaam hai auron ko bhi paarasbuddhi banaana। pattharbuddhi ki activity hi aisi chalti hai kyonki hans-bagule hue na। hans kabhi kisko duhkh nahin dete। bagule duhkh dete hain। unhein asur kaha jaata hai। pahchaan nahin rehti। bahut centres par bhi aise vikaari bahut aa jaate hain। bahaana banaate hain ham pavitra rehte hain parantu hai jhooth। kaha bhi jaata hai jhoothi duniya....। abhi hai sangam। kitna pharka rehta hai। jo jhooth bolte, jhootha kaam karte, vahi third grade bante hain। first, second, third grade hoti hain na। baap bata sakte hain - yeh third grade hain।

baap samjhaate hain pavitrata ka poora saboot dena hai। kai kehte hain aap donon ikatthe rehte pavitra rehte ho - yeh to asambhav hai। lekin bachchon mein yogbal na hone kaaran itni sahaj baat bhi poori reeti samjha nahin sakte hain। unko yeh baat koi nahin samjhaate ki yahaan hamko bhagwan padhaate hain। woh kehte hain pavitra banne se tum 21 janma svarga ke maalik banenge। jabardasta lottery milti hai। hamko aur hi khushi hoti hai। kai bachche gandharvi vivaah kar pavitra rahkar dikhaate hain। devi-devtaayen pavitra hain na। apvitra se pavitra to ek baap hi banaayenge। yeh bhi samjhaaya hai gyaan, bhakti, vairaagya। gyaan aur bhakti aadha-aadha hai phir bhakti ke baad hai vairaagya। abhi is patit duniya mein nahin rehna hai, yeh kapde utaar ghar jaana hai। 84 ka chakra abhi poora hua। abhi ham jaate hain shanti-dhaam। pahli-pahli alpha ki baat nahin bhoolni hai। yeh bhi bachche samajhte hain yeh puraani duniya khatma zaroor honi hai। baap nai duniya sthaapan karte hain। baap anek baar nai duniya sthaapan karne aaye hain phir narka ka vinaash ho jaata hai। narka kitna bada hai, svarga kitna chhota hai। nai duniya mein hai ek dharma। yahaan to kitne dher dharma hain। likha hua bhi hai shankar dvaara vinaash। anek dharmon ka vinaash hota hai phir brahma dvaara ek dharma ki sthaapna hoti hai। yeh dharma kisne sthaapan kiya? brahma ne to nahin kiya! brahma hi patit se phir paavan bante hain। mere liye to nahin kahenge patit se paavan। paavan hain to lakshmi-naaraayan naam hai, patit hain to brahma naam hai। brahma ka din, brahma ki raat। unko (shivbaaba ko) anaadi creator kaha jaata hai। aatmaayen to hain hi hain। aatmaon ka creator nahin kahenge isliye anaadi kaha jaata hai। baap anaadi to aatmaayen bhi anaadi hain। khel bhi anaadi hai। yeh anaadi bana banaaya drama hai। sva aatma ko srishti chakra ke aadi, madhya, ant ke duration ka gyaan milta hai। yeh kisne diya? baap ne। tum 21 janma ke liye dhani ke ban jaate ho phir raavan ke raajya mein nidhan ke ban jaate ho। phir characters bigadne lagte hain। vikaar hain na। manushya samajhte hain narka-svarga sab ikatthe chalte hain। abhi tum bachchon ko kitna clear samjhaaya jaata hai। abhi tum gupta ho, shaastron mein kya-kya likh diya hai। kitna soot moonjha hua hai। baap ko hi bulaate hain ham koi kaam ke nahin rahe hain। aakar paavan banaakar hamaare characters sudhaaro। tumhaare kitne characters sudharte hain। kai to sudharne ke badle aur hi bigadte hain। chalan se hi maaloom pad jaata hai। aaj hans kahlaate hain, kal bagula ban padte hain। deri nahin lagti hai। maaya bhi badi gupta hai। yahaan kuchh dekhne mein aata thode hi hai। baahar nikalne se dikhaai padta hai phir aashcharyavat sunanti..... bhaaganti ho jaate hain। itni jor se girte jo hadgud hi toot jaate hain। indraprastha ki baat hai। maaloom to pad hi jaata hai। aise ko phir sabha mein nahin aana chaahiye। thoda bahut gyaan suna hai to svarga mein aa hi jaate hain। gyaan ka vinaash nahin hota hai। abhi baap kehte hain purooshaartha kar oonch pad ko paao। agar vikaar mein gaye to pad bhrashta ho jaayega। abhi tum samajhte ho yeh chakra kaise phirta hai।

abhi tum bachchon ki buddhi kitni palatti hai phir bhi maaya dhokha zaroor deti hai। ichchha maatram avidya। koi ichchha rakhi to gaya। worth not A penny ban jaate hain। achhe-achhe mahaarthiyon ko bhi maaya kisi na kisi prakaar se dhokha de deti hai phir woh dil par chadh nahin sakte hain। koi to bachche aise hote hain jo baap ko bhi khatma karne mein deri nahin karte। parivaar ko bhi khatma kar dete hain। mahaan paap aatmaayen hain। raavan kya-kya kara deta hai। bahut naphrat aati hai। kitni dirty duniya hai, isse kabhi dil nahin lagaani hai। pavitra banne ki badi himmat chaahiye। vishwa ke baadshaahi ki prize lene ke liye pavitrata hai mukhya। pavitrata par kitne hangaamen hote hain। gaandhi bhi kehte the he patit-paavan aao। ab baap kehte hain history-geography phir se repeat hoti hai। sabko vaapis aana hi hai, tab to ikattha jaaven। baap bhi to aaye hain na - sabko ghar le jaane ke liye। baap ke aane bigar koi vaapis ja na sake। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maaya ke dhokhe se bachne ke liye kisi bhi prakaar ki ichchha nahin rakhni hai। ichchha maatram avidya banna hai।

2) vishwa ke baadshaahi ki prize lene ke liye mukhya hai pavitrata, isliye pavitra banne ki himmat rakhni hai। apne characters sudhaarne hain।

vardaan:- sada yaad ki chhatrachhaaya ke neeche, maryaada ki lakeer ke andar rahne vaale maayaajeet vijayi bhav

baap ki yaad hi chhatrachhaaya hai, chhatrachhaaya mein rehna arthaat maayaajeet vijayi banna। sada yaad ki chhatrachhaaya ke neeche aur maryaada ki lakeer ke andar raho to koi ki himmat nahin andar aane ki। maryaada ki lakeer se baahar nikalte ho to maaya bhi apna banaane mein hoshiyaar hai। lekin ham anek baar vijayi bane hain, vijay maala hamaara hi yaadgaar hai is smriti se sada samartha raho to maaya se haar ho nahin sakti।

slogan:- sarva khajaanon ko svayan mein sama lo to sampannata ka anubhav hota rahega।