Daily Murli for Saturday 26 April 2025

26-04-2025 praatahmurli om shanti "baapdaada"' madhuban

“meethe bachche - tum purushottam sangamayugi brahman abhi eeshvar ki god mein aaye ho, tumhein manushya se devta banna hai to daiveegun bhi chaahiye''

prashn:- brahman bachchon ko kis baat mein apni bahut-bahut sambhaal karni hai aur kyon?

uttar:- saare din ki dincharya mein koi bhi paap karma na ho isse sambhaal karni hai kyonki tumhaare saamne baap dharmaraaj ke roop mein khada hai। check karo kisi ko duhkh to nahin diya? shreemat par kitna percent chalte hain? raavan mat par to nahin chalte? kyonki baap ka banne ke baad koi vikarma hota hai to ek ka sau guna ho jaata hai।

om shanti। bhagvaanuvaach। yeh to bachchon ko samjhaaya gaya hai, kisi manushya ko va devtaaon ko bhagwan nahin kaha ja sakta। yahaan jab baithte hain to buddhi mein yeh rehta hai ki ham sangamayugi brahman hain। yeh bhi yaad sada kisko rehti nahin hain। apne ko sachmuch brahman samajhte hain, aisa bhi nahin hai। brahman bachchon ko phir daiveegun bhi dhaaran karne hain। ham sangamayugi brahman hain, ham shivbaaba dvaara purooshottam ban rahe hain। yeh yaad bhi sabko nahin rehti। ghadi-ghadi yeh bhool jaate hain ki ham purushottam sangamayugi brahman hain। yeh buddhi mein yaad rahe to bhi aho saubhaagya। hamesha nambarvaar to hote hi hain। sab apni-apni buddhi anusaar purushaarthi hain। abhi tum sangamayugi ho। purushottam banne vaale ho। jaante ho ham purushottam tab banenge jab abba ko yaani most beloved baap ko yaad karenge। yaad se hi paap naash honge। agar koi paap karta hai to uska sau guna hisaab chadh jaata hai। aage jo paap karte the to uska 10 percent chadhta tha। abhi to 100 percent chadhta hai kyonki eeshvar ki god mein aakar phir paap karte hain na। tum bachche jaante ho baap hamko padhaate hain purushottam so devta banaane। yeh yaad jinko sthaai rehti hai woh alaukik service bhi bahut karte rahenge। sadaiv harshitmukh banne ke liye auron ko bhi raasta bataana hai। bhal kahaan bhi jaate ho, buddhi mein yeh yaad rahe ki ham sangamayug par hain। yeh hai purushottam sangamayug। woh purushottam maas ya varsha kehte hain। tum kehte ho ham purushottam sangamayugi brahman hain। yeh achhi reeti buddhi mein dhaaran karna hai - abhi ham purushottam banne ki yaatra par hain। yeh yaad rahe to bhi manamnaabhav hi ho gaya। tum purushottam ban rahe ho, purushaartha anusaar aur karmon anusaar। daiveegun bhi chaahiye aur shreemat par chalna pade। apni mat par to sab manushya chalte hain। woh hai hi raavan mat। aise bhi nahin, tum sab koi shreemat par chalte ho। bahut hain jo raavan mat par bhi chalte hain। shreemat par koi kitna percent chalte, koi kitna। koi to 2 percent bhi chalte honge। bhal yahaan baithe hain to bhi shivbaaba ki yaad mein nahin rehte। kahaan na kahaan buddhiyog bhatakta hoga। roz apne ko dekhna hai aaj koi paap ka kaam to nahin kiya? kisi ko duhkh to nahin diya? apne oopar bahut sambhaal karni hoti hai kyonki dharmaraaj bhi khada hai na। abhi ka samay hai hi hisaab-kitaab chuktu karne liye। sajaayen bhi khaani pade। bachche jaante hain ham janma-janmaantar ke paapi hain। kahaan bhi koi mandir mein athva guru ke paas va koi eeshta devta paas jaate hain to kehte hain ham to janma-janma ke paapi hain, meri raksha karo, raham karo। satayug mein kabhi aise akshar nahin nikalte। koi sach bolte hain, koi to jhooth bolte hain। yahaan bhi aise hain। baba hamesha kehte hain apni jeevan kahaani baba ko likh bhejo। koi to bilkul sach likhte, koi chhipaate bhi hain। lajja aati hai। yeh to jaante hain - bura karma karne se unka phal bhi bura milega। woh to hai alpakaal ki baat। yeh to bahut kaal ki baat hai। bura karma karenge to sajaayen bhi khaayenge phir svarga mein bhi bahut pichhaadi ko aayenge। abhi saara maaloom padta hai ki kaun-kaun purushottam bante hain। woh hai purushottam daivi raajya। uttam te uttam purush bante ho na। aur koi jagah aise kiski mahima nahin karenge। manushya to devtaaon ke gunon ko bhi nahin jaante। bhal mahima gaate hain parantu tote misal isliye baba bhi kehte hain bhakton ko samjhaao। bhakta jab apne ko neech paapi kehte hain to unse poochho ki kya tum jab shantidham mein the to vahaan paap karte the? vahaan to aatma sabhi pavitra rehti hain। yahaan apvitra bani hain kyonki tamopradhaan duniya hai। nai duniya mein to pavitra rehti hain। apvitra banaane vaala hai raavan।

is samay bhaarat khaas aur aam saari duniya par raavan ka raajya hai। yatha raaja raani tatha praja। highest, lowest। yahaan sab patit hain। baba kehte hain main tumko paavan banaakar jaata hoon phir tumko patit kaun banaate hain? raavan। ab phir tum hamaari mat se paavan ban rahe ho phir aadhaakalpa baad raavan ki mat par patit banenge arthaat deh-abhimaan mein aakar vikaaron ke vash ho jaate hain। unko aasuri mat kaha jaata hai। bhaarat paavan tha so ab patit bana hai phir paavan banna hai। paavan banaane ke liye patit-paavan baap ko aana padta hai। is samay dekho kitne dher manushya hain। kal kitne honge! ladaai lagegi, maut to saamne khada hai। kal itne sab kahaan jaayenge? sabke shareer aur yeh puraani duniya vinaash hoti hai। yeh raaz abhi tumhaari buddhi mein hai - nambarvaar purushaartha anusaar। ham kiske sammukh baithe hain, woh bhi kai samajhte nahin। kam se kam pad paane vaale hain। drama anusaar kar hi kya sakte hain, takdeer mein nahin hai। abhi to bachchon ko service karni hai, baap ko yaad karna hai। tum sangamayugi brahman ho, tumhein baap samaan gyaan ka saagar, sukh ka saagar banna hai। banaane vaala baap mila hai na। devtaaon ki mahima gaai jaati hai sarvagun sampanna… abhi to in gunon vaala koi hai nahin। apne se sadaiv poochhte raho - ham oonch pad paane ke laayak kahaan tak bane hain? sangamayug ko achhi reeti yaad karo। ham sangamayugi brahman purushottam banne vaale hain। shreekrishna purushottam hai na, nai duniya ka। bachche jaante hain ham baba ke sammukh baithe hain, to aur hi jaasti padhna chaahiye। padhaana bhi hai। padhaate nahin to siddha hota hai padhte nahin। buddhi mein baithta nahin hai। 5 pratishat bhi nahin baithta। yeh bhi yaad nahin rehta hai ki ham sangamayugi brahman hain। buddhi mein baap ki yaad rahe aur chakra phirta rahe, samjhaani to bahut sahaj hai। apne ko aatma samajh aur baap ko yaad karna hai। woh hai sabse bada baap। baap kehte hain mujhe yaad karo to tumhaare vikarma vinaash hon। ham so poojya, ham so pujaari, yeh mantra hai bahut achha। unhonne phir aatma so paramatma kah diya hai, jo kuchh bolte hain bilkul wrong। ham pavitra the, 84 janma chakra lagaakar ab aise bane hain। ab ham jaate hain vaapis। aaj yahaan, kal ghar jaayenge। ham behad baap ke ghar mein jaate hain। yeh behad ka naatak hai jo abhi repeat hona hai। baap kehte hain deh sahit deh ke sab dharma bhool apne ko aatma samjho। abhi ham is shareer ko chhod ghar jaate hain, yeh pakka yaad kar lo, ham aatma hain - yeh bhi yaad rahe aur apna ghar bhi yaad rahe to buddhi se saari duniya ka sannyaas ho gaya। shareer ka bhi sannyaas, to sabka sannyaas। woh hathayogi koi saare srishti ka sannyaas thode hi karte hain, unka hai adhoora। tumko to saari duniya ka tyaag karna hai, apne ko deh samajhte hain to phir kaam bhi aise hi karte hain। deh-abhimaani banne se chori chakaari, jhooth bolna, paap karna........ yeh sab aadten pad jaati hain। aavaaz se bolne ki bhi aadat pad jaati hai, phir kehte hamaara aavaaz hi aisa hai। din mein 25-30 paap bhi kar lete hain। jhooth bolna bhi paap hua na। aadat pad jaati hai। baba kehte hain - aavaaz kam karna seekho na। aavaaz kam karne mein koi deri nahin lagti hai। kutte ko bhi paalte hain to achha ho jaata hai, bandar kitne tej hote hain phir koi ke saath hir jaate hain to dance aadi baith karte hain। jaanvar bhi sudhar jaate hain। jaanavron ko sudhaarne vaale hain manushya। manushyon ko sudhaarne vaala hai baap। baap kehte hain tum bhi jaanvar misal ho। to mujhe bhi kachchha avtaar, vaaraah avtaar kah dete ho। jaise tumhaari activity hai, unse bhi badtar mujhe kar diya hai। yeh bhi tum jaante ho, duniya nahin jaanti। pichhaadi mein tumko saakshaatkaar hoga। kaise-kaise sajaayen khaate hain, woh bhi tumko maaloom padega। aadhaakalpa bhakti ki hai, ab baap mila hai। baap kehte hain meri mat par nahin chalenge to saza aur hi badhti jaayegi isliye ab paap aadi karna chhodo। apna chart rakho phir saath mein dhaarna bhi chaahiye। kisko samjhaane ki practice bhi chaahiye। pradarshani ke chitron par khyaalaat chalaao। kisko ham kaise samjhaayen। pahli-pahli baat yeh uthaao - geeta ka bhagwan kaun? gyaan ka saagar to patit-paavan parampita paramatma hai na। yeh baap hai sabhi aatmaon ka baap। to baap ka parichay chaahiye na। rishi-muni aadi koi ko bhi na baap ka parichay hai, na rachna ke aadi-madhya-ant ka isliye pahle-pahle to yeh samjhaakar likhvaao ki bhagwan ek hai। doosra koi ho nahin sakta। manushya apne ko bhagwan kahla nahin sakte।

tum bachchon ko ab nishchay hai - bhagwan niraakaar hai। baap hamko padhaate hain। ham students hain। woh baap bhi hai, teacher bhi hai, satguru bhi hai। ek ko yaad karenge to teacher aur guru donon ki yaad aayegi। buddhi bhatakni nahin chaahiye। sirf shiv bhi nahin kehna hai, shiv hamaara baap bhi hai, supreme teacher bhi hai, hamko saath le jaayenge। us ek ki kitni mahima hai, unko hi yaad karna hai। koi-koi kehte hain isne to bi.ke. ko jaae guru banaaya hai। tum guru to bante ho na। phir tumko baap nahin kahenge। teacher guru kahenge, baap nahin। teenon hi phir us ek baap ko hi kahenge। woh sabse bada baap hai, inke oopar bhi woh baap hai। yeh achhi reeti samjhaana hai। pradarshani mein samjhaane ka akla chaahiye। parantu apne mein itni himmat nahin samajhte। badi-badi pradarshani hoti hai to jo achhe-achhe serviceable bachche hain, unko jaakar service karni chaahiye। baba mana thode hi karte hain। aage chal saadhu-santa aadi ko bhi tum gyaan baan maarte rahenge। jaayenge kahaan! ek hi hatti hai। sadgati sabki is hatti se honi hai। yeh hatti aisi hai, tum sabko pavitra hone ka raasta bataate ho phir banen, na banen।

tum bachchon ka dhyaan vishesh service par hona chaahiye। bhal bachche samajhdaar hain parantu service poori nahin karte to baba samajhte hain raahu ki dasha baithi hai। dashaayen to sab par phirti hain na। maaya ka parchhaaya padta hai phir do roz baad theek ho jaate hain। bachchon ko service ka anubhav paakar aana chaahiye। pradarshani to karte rehte hain, kyon nahin manushya samajhkar jhat likhte hain ki barobar geeta krishna ki nahin, shiv bhagwan ki gaai hui hai। koi to sirf kah dete hain yeh bahut achha hai। manushyon ke liye bahut kalyaankaari hai, sabko dikhaana chaahiye। parantu main bhi yeh varsa loonga.... aise koi kehte nahin hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh-abhimaan mein aakar aavaaz se baat nahin karni hai। is aadat ko mitaana hai। chori karna, jhooth bolna...... yeh sab paap hain, inse bachne ke liye dehi-abhimaani hokar rehna hai।

2.) maut saamne hai isliye baap ki shreemat par chalkar paavan banna hai। baap ka banne ke baad koi bhi bura karma nahin karna hai। sajaaon se bachne ka purushaartha karna hai।

vardaan:- lok pasanda sabha ki ticket book karne vaale raajya sinhaasan adhikaari bhav

koi bhi sankalp ya vichaar karte ho to pahle check karo ki yeh vichaar va sankalp baap pasanda hai? jo baap pasanda hai woh lok pasanda svatahban jaate hain। yadi kisi bhi sankalp mein svaartha hai to man pasanda kahenge aur vishwa kalyaanaartha hai to lokapsanda va prabhu pasanda kahenge। lok pasanda sabha ke member banna arthaat la and order ka raajya adhikaar va raajya sinhaasan praapta kar lena।

slogan:- parmaatma saath ka anubhav karo to sab kuchh sahaj anubhav karte hue safe rahenge।

avyakt ishaare - “combined roop ki smriti se sada vijayi bano''

jaise shiv-shakti combined roop hai aise paandavapti aur paandav yeh sada ka combined roop hai। paandavapti paandavon ke sivaae kuchh nahin kar sakte। jo aise combined roop mein sada rehte hain unke aage baapdaada saakaar mein jaise sab sambandhon se saamne hote hain। jahaan bulaao vahaan second mein haazir isliye kehte hain haazira hazoor।