Daily Murli for Sunday 12 April 2026

12-04-26 praatahmurli om shanti' 'avyakt-baapdaada'' revise 30-11-09 madhuban

baap va sarva ka priy banne ke liye santushtamni ban har paristhiti ke prabhaav se mukta raho

aaj chaaron or ke santushta aatmaon ko dekh rahe hain। santushta maniyaan chaaron or apne mani ki chamak phaila rahi hain। sabse bade se badi sthiti hai hi santushtata ki। sada santushta sabhi ko priy lagte hain, baap ko to priy hain hi। sada santushta vahi rah sakta hai jisko sarva praaptiyaan hain। praaptiyon ka aadhaar santushtata hai isliye aisi aatmaayen sarva brahman aatmaon ko priy hain। sarva praaptiyaan arthaat sada santushta। santushta aatma ka vaayumandal mein bhi prabhaav padta hai aur sarva praaptiyaan hain paramatma ki den। paramatma baap dvaara sarva shaktiyaan, sarva gun, sarva khajaane praapta ki hui aatma sada santushta rehti hai। santushta aatma ki sthiti sada pragtisheel rehti hai। paristhiti santushta aatma ke oopar prabhaav nahin daal sakti kyonki jahaan santushtata hai vahaan sarva shaktiyaan, sarva gun svatah hi aate hain। ek santushtata anek gunon ko apna leti hai। to har ek apne se poochhe ki main sada santushta aatma rehti hoon! santushta aatma sada sarva ke, baap ke sameep aur samaan sthiti mein rehti hai। lekin is sthiti mein rahne ke liye bahut saakshi drishta avastha chaahiye, trikaaldarshi avastha chaahiye। har karma trikaaldarshi arthaat har baat ke teenon kaalon ko parakh phir karma karne vaale। iske liye do baaten aavashyak hain। woh do baaten hain sambandh aur sampatti। sambandh bhi avinaashi, sampatti bhi avinaashi। woh praapta hota hai avinaashi baap dvaara। jab avinaashi sampatti aur sambandh praapta ho jaata to aatma sada santushta aur baap ki, sarva aatmaon ki ati priy ho jaati hai। koi bhi paristhiti maaya ke roop mein aati hai to ghabraate nahin hain। aise mahsoos karte hain jaise behad ke parde par Mickey mouse ka khel chal raha hai। pareshaan nahin hote, Mickey mouse ka khel dekh manoranjan karte hain। maaya ke bhinna-bhinna roop, bhinna-bhinna Mickey mouse ke roop mein anubhav karte hain। aisi sthiti ka anubhav baap dvaara sarva ko praapta karna hi hai aur kiya bhi hai।

baapdaada dekhte hain - nirbhay, ekaagra buddhi ban vijayi aatmaayen koi bhi paristhiti mein dagmag nahin hoti। jo baap ki har bachche mein shubh aasha hai ki har bachcha sada vijayi ban baap ko apna vijay ka swaroop dikhaave, to har ek apne se poochhe main kaun? baap-daada ne pahle bhi sunaaya hai ki kabhi-kabhi ka shabd samay pramaan abhi brahman dictionary se samaapta kar do। jab baap se sada ka varsa lena hai to har praapti sada praapta ho kyonki baap ke dil ki aashaaon ko poorn karne vaale aashaaon ke deepak hain। unke sankalp mein bhi kabhi-kabhi shabd aa nahin sakta, kyon? sada baap ke saath aur baap ke saathi hain। saath rahne vaale bhi aur saathi ban vishwa parivartan ka kaarya karne vaale।

to bolo, yeh sada ka vardaan baapdaada dvaara praapta kar liya hai na! yeh to janma lete hi baapdaada har bachche ko sada yahi vardaan dete hain, sada yogi bhav, pavitra bhav। us vardaan dvaara jo bhi praaptiyaan hoti hain woh sada ke liye hoti hain। kabhi-kabhi ke liye nahin। to sabhi bachche sada ke adhikaari hain kyonki baap ka har bachche se chaahe last bachcha hai lekin baap ko har bachche se dil ka pyaar hai kyonki jo bade-bade log hain, apne ko samajhdaar samajhte hain woh bhi baap ko pahchaan nahin sake, lekin baapdaada ke last bachche ne baap ko pahchaan liya। dil se kehte hain mera baba isliye baap ka har bachche se avinaashi pyaar hai isliye har bachche ko baap ka vardaan hai। bachche chaahe nambarvaar hain lekin baapdaada roz ek hi samay, ek hi vardaan sabhi bachchon ko ikattha dete hain। baapdaada ka har bachcha nambarvaar bhale hai lekin mera baba kaha to har roz vardaan ke adhikaari ban gaya। har ek bachche ko chaahe kahaan bhi rehte hain, india mein rehte hain ya foreign mein rehte hain lekin vardaan sabhi ko ek hi baapdaada ka milta hai aur vardaan ko praapta kar khush bhi hote hain lekin do prakaar ke bachche hain, ek bachche vardaan ko dekh khush zaroor hote hain lekin aage number vahi lete hain jo sirf vardaan ko dekh khush nahin hote, varnan nahin karte ki yeh mera vardaan hai lekin vardaan ko phaleebhoot karte hain। vardaan se laabh lekar vardaan ka phal nikaalte hain। beej hai lekin beej ko phaleebhoot nahin karen, phal nahin nikaalen to sirf khushi hoti hai, vardaan se phal nikaalne ke liye jaise koi bhi beej hota hai, uska phal nikaalne ke liye unko paani aur dhoop chaahiye tabhi phal nikalta hai। to yahaan bhi har bachche ko jab vardaan ka phal nikaalna hai, jisse vistaar hota jaae, apne hi man mein vardaan ke phal dvaara vriddhi hoti jaae, to yahaan bhi baap kehte hain ki vardaan ka phal nikaalne ke liye baar-baar vardaan ko smriti mein laao। smriti swaroop ke sthiti mein sthit raho। baar-baar simran nahin lekin smriti, yeh hai paani dena aur swaroop mein sthit hona yeh hai dhoop lagaana। to yeh phaleebhoot hone se svayan mein bhi bahut shakti bharti hai aur doosre ko bhi us phal dvaara shakti ka anubhav kara sakte hain।

baapdaada abhi kya chaahte hain? kyonki baapdaada kuchh samay se leke samay ki warning de rahe hain, har bachche ki padhaai ki result ka samay achaanak aana hai, iske liye sada ever ready। saath-saath baapdaada yeh bhi ishaara de rahe hain ki abhi samay hai udti kala ke teevra purushaartha ka। chal rahe hain nahin, ud rahe hain। saadhaaran reeti se apni dincharya vyateet karna, ab woh samay common purushaartha ka gaya isliye baapdaada ishaara de rahe hain, har second, har sankalp check karo। maano apna teevra purushaartha na kar ek ghanta saadhaaran purushaartha mein rahe aur ek ghante mein hi achaanak agar final paper ka time aa gaya to ant mate so gati, woh ek ghante ka saadhaaran purushaartha kitna nuksaan kar dega! isliye baapdaada har bachche ko, har sankalp, har second samay ke mahatva ko, samay prati samay ishaara de rahe hain। halchal ke samay achal rahne ka purushaartha teevra purushaarthi hi kar sakta। saadhaaran purushaarthi ever ready banne mein samay laga dega aur baapdaada ne kaha hai ki second mein bindi arthaat fullstop, agar teevra purushaartha nahin hoga to kya hota hai? anubhvi to hain। fullstop ke bajaae question mark to nahin ban jaayega! bindi kitna sahaj hai aur question kitna tedha baanka hai। fullstop to fullstop ho jaae। comma ki maatra bhi nahin ho, aashcharya ki maatra bhi nahin ho। kya karoon! yeh sochne ka bhi samay nahin milega। to koi bhi bachcha yeh soch nahin sakta ki itna fast purushaartha karna hi paper mein paas hona hai।

baapdaada dekhte hain abhi bhi kaarne akaarnen kyon, kya, kaise, aise… yeh koi-koi bachchon ke roz ke chart mein dikhaai deta hai। bahuton ke chart mein baapdaada ne dekha hai ki vesta thoughts ki lahar samay le leti hai aur vesta ki raphtaar aisi teevra hoti hai jo saadhaaran sankalp ka ek ghanta aur fast sankalp ka ek minute isliye aaj yeh dekh rahe the ki sabki priy, baapdaada ki priy santushta aatmaayen kaun-kaun hain? santushta aatma ke sankalp mein bhi yeh kyon, kya ki bhaasha svapna mein bhi nahin aayegi kyonki us aatma ko vishesh teen baaten, teen bindiyaan yaad rehti hain - aatma, paramatma aur drama, teen hi samay par kaarya mein laga sakte hain kyonki aise samay par sarva shaktiyon ka khajaana aavashyak hai aur master sarvashaktivaan woh hai jo jis samay jis shakti ko order kare woh haazir ho jaae। chaahiye sahanshakti aur aa jaave saamna karne ki shakti, to hai shakti lekin us samay kaam ki nahin hai। to sarva khajaanon ki chaabi hai teen bindiyaan - aap, baap aur drama।

to baapdaada ka ek sankalp hai, bataayen? karna padega। jo karne ke liye taiyaar hain, woh haath uthaao। karna padega। achha sabhi haath utha rahe hain। man ka haath utha rahe hain ya shareer ka haath utha rahe hain? man ka haath pakka hota hai। baapdaada samay pramaan har ek bachche se yeh shubh aasha rakhte hain ki 15 din ke baad phir baap ka milna hota hai, to yeh jo 15 din beeten usmein yeh vishesh abhyaas karo trial ke liye, rehna to sada hai lekin 15 din ki trial karo aur apne-apne connection vaale centres ko bhi karaao, chakkar lagaake phone karke unko yaad dilaao ki homework kar rahe ho? homework kya hai? easy hai, har ek bhinna-bhinna circumstance baaton se cross to karte hi hain lekin yeh 15 din har ek ko sankalp, vaani aur karma mein kam se kam 80 pratishat marks leni hain। phir bhi baapdaada 20 percent chhutti dete hain। hai manjoor। manjoor hain? deven। yeh kaam deve। achha 15 din, maaya bhi sun rahi hai। baaten to aayengi, baaton ko nahin dekhna, paas hona hai, yeh yaad rakhna। 15 din koi badi baat nahin hai lekin har ek sachchi dil, saaph dil se svapna mein bhi sankalp, vaani aur karma mein paas hoke dikhaaye। ho sakta hai? ho sakta hai? teachers bataao ho sakta hai? 15 din to kuchh bhi nahin hain lekin baapdaada trial ke liye kah rahe hain ki sankalp bhi vesta nahin, yuddha nahin vijayi। 15 din ke full vijayi। mushkil hai ya easy hai? easy hai, haath uthaao। easy hai? to baapdaada yeh 15 din ki result dekhenge। phir aage badhaayenge। 15 din to koi bhi kar sakta hai na! kar sakte hain na! madhuban vaale, madhuban vaale haath uthaao। yeh aage aage madhuban baitha hai। bahut achhe hain। foreigners ya india vaale sabhi ko karna hai। gaanv vaale ya bade shahar vaale sabko 15 din ka record rakhna hai। kya, kyon ka question na uthe, kya karen baat hi aisi hui yeh nahin bataana। 80 percent lena hi hai। phir bhi baapdaada halka kar raha hai, 20 percent chhod raha hai kyonki baapdaada dekhte hain ki kahaan-kahaan chalte chalte maaya albelepan aur aalasya mein le aati hai। royal aalasya yeh tha, yeh tha, yeh royal aalasya, albelaapan yeh teevra purushaartha mein kami daalta hai kyonki abhi baapdaada sabhi jo bhi student hain, har ek student ko abhi pahle yeh 15 din ki rehearsal karaake kuchh samay aise hi abhyaas karaane chaahte hain, jo sabhi se haath uthvaaye, ever ready to sabhi haath utha saken। iske liye bahut samay ka abhyaas chaahiye। isliye abhi yeh thoda sa abhyaas karaate hain। achha।

pahle baari kitne aaye hain, woh utho:- achha hai aapko baapdaada ke saamne aane ke din ka bahut-bahut mubaarak ho, mubaarak ho। baap ki nazar bachchon par padi aur bachchon ki nazar baap ke oopar padi। to bahut-bahut badhaaeeyaan hain। achha। aur cake to nahin hai lekin khushi ka cake kha lo। achha hai, abhi deri se aaye ho lekin fast jaake number aage le sakte ho isliye baapdaada ki taraph se aur sarva aapke saathi bhaai aur bahinon ka, sabka mubaarak ho, mubaarak ho। aisa misaal hoga jo last aane vaala bhi fast jaake first line mein aa sakta hai। achha।

chaaron or ke baapdaada ki aashaaon ko poorn karne vaale aashaaon ke deepak, kyon, kya ki bhaasha se nyaare rahne vaale sada ek-ras, sada ek baba doosra na koi, baap mein hi vishesh jeevan ke teen sambandh, baap, shikshak, satguru anubhav karne vaale, baap se varsa, teacher se padhaai ka varsa aur satguru se vardaanon ka varsa praapta karne vaale padamguna bhaagyavaan har bachche ko baapdaada ka yaadapyaar aur namaste।

daadiyon se:- (is baar chaaron or sevaaon ke programme bahut achhe hue hain) sabhi ne sabhi ko madad bhi achhi ki hai। kisi ko soch nahin karna pade kaise karen, karna hi hai। ek do ki madad se sabhi programme achhe hue। aavaaj to phail gaya। sandesh to mila abhi aage badho (yog mein sabhi ne bahut achhi anubhooti ki) kyonki topic hi thi na vardaan lena hai। to yog ke programme se anubhav kiya।

panjaab zone ke sevaadhaariyon seh panjaab ko draamaanusaar yeh sannyaasiyon, mahaatmaaon ki seva ka chance achha mila hua hai aur kar bhi rahe hain। panjaab mein sthaapna ke samay par jaise seva aarambha hui vaise sahayogi aur vaaris quality vaale nimitta bane। jitna hi hangaamen vaale the utne hi sher quality bhi nikli। abhi panjaab ko kya karna hai? yeh visheshta to hai abhi panjaab vaale koi aisa sher taiyaar karen naameegraami, jo sabha mein mike ban apna anubhav sunaaye। mike bada ho, chhota nahin। jaise government ke vi.aai.pi to alag hote hain lekin mahaatmaaon mein bhi vi.aai.pi hote hain, aisa koi bada mike taiyaar karo, jo apne anubhav se auron ko umang mein laaye। aisa koi nikaalo, taiyaari karo। ho sakta hai kyonki aajkal sabhi samajhte hain ki saadhu santa ki sevaayen to dvaapar se shuru hui lekin aap samaan aise bada guru doosre ko, shishya ko banaaven, aisa example unhon mein nahin hota aur baapdaada ne apne se bhi hoshiyaar bachchon ko taiyaar kiya hai, jo public mein aate hain, isliye panjaab koi naveenta karke dikhaao। vi.aai.pi to sab taraph se aate hain lekin aap aisa laao jo sabhi sunkarke jag jaaven, sandesh mil jaaye। ho sakta hai? dekhenge। thoda samay to lagta hai lekin aisa koi taiyaar karke dikhaao। baaki vriddhi to ho rahi hai। achha।

vardaan:- baap ke haath aur saath ki smriti se mushkil ko sahaj banaane vaale bephikra va nishchint bhav

jaise kisi bade ke haath mein haath hota hai to sthiti bephikra va nishchint rehti hai। aise har karma mein yahi samajhna chaahiye ki baapdaada mere saath bhi hain aur hamaare is alaukik jeevan ka haath unke haath mein hai arthaat jeevan unke havaale hai, to jimmevaari bhi unki ho jaati hai। sabhi bojh baap ke oopar rakh apne ko halka kar do। bojh utaarne va mushkil ko sahaj karne ka saadhan hi hai - baap ka haath aur saath।

slogan:- purushaartha mein sachchaai ho to baapdaada ki extra madad ka anubhav karenge।

ye avyakt ishaare - mahaan banne ke liye madhurta aur namrata ka gun dhaaran karo

agar aap se koi takkar leta hai to aap use apne sneh ka paani do, aap apne madhurta aur namrata ke gun ko nahin chhodo। namrata ki dress pahankar raho। yeh namrata hi kavach hai, jo safety ka saadhan hai। sanskaaron ki raas milaane ka sabse sahaj tareeka hai - svayan namrachit aur madhurta sampanna ban jaao, doosre ko shreshtha seat de do।